| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
2. сийханаад̣̇аваг̇г̇о
2. Sīhanādavaggo
1. жуул̣асийханаад̣̇асуд̇д̇ам̣
1. Cūḷasīhanādasuttaṃ
139. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇ад̇ра ко бхаг̇аваа бхигкуу ааманд̇зси – ‘‘бхигкаво’’д̇и. ‘‘бхад̣̇анд̇з’’д̇и д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа –
139. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tatra kho bhagavā bhikkhū āmantesi – ‘‘bhikkhavo’’ti. ‘‘Bhadante’’ti te bhikkhū bhagavato paccassosuṃ. Bhagavā etadavoca –
140. ‘‘таанам̣ ко банзд̇ам̣, бхигкавз, виж̇ж̇ад̇и яам̣ ан̃н̃ад̇ид̇т̇ияаа бариб̣б̣ааж̇агаа звам̣ вад̣̇зяяум̣ – ‘го банааяасманд̇аанам̣ ассаасо, гим̣ б̣алам̣, язна д̇умхз ааяасманд̇о звам̣ вад̣̇зт̇а – ид̇хзва саман̣о, ид̇ха д̣̇уд̇ияо саман̣о, ид̇ха д̇ад̇ияо саман̣о, ид̇ха жад̇уд̇т̇о саман̣о; сун̃н̃аа бараббаваад̣̇аа саман̣збхи ан̃н̃зхий’д̇и? звам̣ваад̣̇ино, бхигкавз, ан̃н̃ад̇ид̇т̇ияаа бариб̣б̣ааж̇агаа звамассу важанийяаа – ‘ад̇т̇и ко но, аавусо, д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна жад̇д̇ааро д̇хаммаа агкаад̇аа яз маяам̣ ад̇д̇ани самбассамаанаа звам̣ вад̣̇зма – ид̇хзва саман̣о, ид̇ха д̣̇уд̇ияо саман̣о, ид̇ха д̇ад̇ияо саман̣о, ид̇ха жад̇уд̇т̇о саман̣о; сун̃н̃аа бараббаваад̣̇аа саман̣збхи ан̃н̃зхийд̇и. гад̇амз жад̇д̇ааро? ад̇т̇и ко но, аавусо, сад̇т̇ари басаад̣̇о, ад̇т̇и д̇хаммз басаад̣̇о, ад̇т̇и сийлзсу барибуурагаарид̇аа; сахад̇хаммигаа ко бана бияаа манаабаа – г̇ахадтаа жзва баб̣б̣аж̇ид̇аа жа. имз ко но, аавусо, д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна жад̇д̇ааро д̇хаммаа агкаад̇аа яз маяам̣ ад̇д̇ани самбассамаанаа звам̣ вад̣̇зма – ид̇хзва саман̣о, ид̇ха д̣̇уд̇ияо саман̣о, ид̇ха д̇ад̇ияо саман̣о, ид̇ха жад̇уд̇т̇о саман̣о; сун̃н̃аа бараббаваад̣̇аа саман̣збхи ан̃н̃зхий’д̇и.
140. ‘‘Ṭhānaṃ kho panetaṃ, bhikkhave, vijjati yaṃ aññatitthiyā paribbājakā evaṃ vadeyyuṃ – ‘ko panāyasmantānaṃ assāso, kiṃ balaṃ, yena tumhe āyasmanto evaṃ vadetha – idheva samaṇo, idha dutiyo samaṇo, idha tatiyo samaṇo, idha catuttho samaṇo; suññā parappavādā samaṇebhi aññehī’ti? Evaṃvādino, bhikkhave, aññatitthiyā paribbājakā evamassu vacanīyā – ‘atthi kho no, āvuso, tena bhagavatā jānatā passatā arahatā sammāsambuddhena cattāro dhammā akkhātā ye mayaṃ attani sampassamānā evaṃ vadema – idheva samaṇo, idha dutiyo samaṇo, idha tatiyo samaṇo, idha catuttho samaṇo; suññā parappavādā samaṇebhi aññehīti. Katame cattāro? Atthi kho no, āvuso, satthari pasādo, atthi dhamme pasādo, atthi sīlesu paripūrakāritā; sahadhammikā kho pana piyā manāpā – gahaṭṭhā ceva pabbajitā ca. Ime kho no, āvuso, tena bhagavatā jānatā passatā arahatā sammāsambuddhena cattāro dhammā akkhātā ye mayaṃ attani sampassamānā evaṃ vadema – idheva samaṇo, idha dutiyo samaṇo, idha tatiyo samaṇo, idha catuttho samaṇo; suññā parappavādā samaṇebhi aññehī’ti.
141. ‘‘таанам̣ ко банзд̇ам̣, бхигкавз, виж̇ж̇ад̇и яам̣ ан̃н̃ад̇ид̇т̇ияаа бариб̣б̣ааж̇агаа звам̣ вад̣̇зяяум̣ – ‘амхаагамби ко, аавусо, ад̇т̇и сад̇т̇ари басаад̣̇о яо амхаагам̣ сад̇т̇аа, амхаагамби ад̇т̇и д̇хаммз басаад̣̇о яо амхаагам̣ д̇хаммо, маяамби сийлзсу барибуурагаарино яаани амхаагам̣ сийлаани, амхаагамби сахад̇хаммигаа бияаа манаабаа – г̇ахадтаа жзва баб̣б̣аж̇ид̇аа жа. ид̇ха но, аавусо, го висзсо го ад̇хиббаяаасо 5 гим̣ наанаагаран̣ам̣ яад̣̇ид̣̇ам̣ д̇умхааган̃жзва амхааган̃жаа’д̇и?
141. ‘‘Ṭhānaṃ kho panetaṃ, bhikkhave, vijjati yaṃ aññatitthiyā paribbājakā evaṃ vadeyyuṃ – ‘amhākampi kho, āvuso, atthi satthari pasādo yo amhākaṃ satthā, amhākampi atthi dhamme pasādo yo amhākaṃ dhammo, mayampi sīlesu paripūrakārino yāni amhākaṃ sīlāni, amhākampi sahadhammikā piyā manāpā – gahaṭṭhā ceva pabbajitā ca. Idha no, āvuso, ko viseso ko adhippayāso 6 kiṃ nānākaraṇaṃ yadidaṃ tumhākañceva amhākañcā’ti?
‘‘звам̣ваад̣̇ино, бхигкавз, ан̃н̃ад̇ид̇т̇ияаа бариб̣б̣ааж̇агаа звамассу важанийяаа – ‘гим̣ банаавусо, згаа нидтаа, уд̣̇ааху бут̇у нидтаа’д̇и? саммаа б̣яаагарамаанаа, бхигкавз, ан̃н̃ад̇ид̇т̇ияаа бариб̣б̣ааж̇агаа звам̣ б̣яаагарзяяум̣ – ‘згаавусо, нидтаа, на бут̇у нидтаа’д̇и.
‘‘Evaṃvādino, bhikkhave, aññatitthiyā paribbājakā evamassu vacanīyā – ‘kiṃ panāvuso, ekā niṭṭhā, udāhu puthu niṭṭhā’ti? Sammā byākaramānā, bhikkhave, aññatitthiyā paribbājakā evaṃ byākareyyuṃ – ‘ekāvuso, niṭṭhā, na puthu niṭṭhā’ti.
‘‘‘саа банаавусо, нидтаа сарааг̇асса уд̣̇ааху вийд̇арааг̇ассаа’д̇и? саммаа б̣яаагарамаанаа, бхигкавз, ан̃н̃ад̇ид̇т̇ияаа бариб̣б̣ааж̇агаа звам̣ б̣яаагарзяяум̣ – ‘вийд̇арааг̇ассаавусо, саа нидтаа, на саа нидтаа сарааг̇ассаа’д̇и.
‘‘‘Sā panāvuso, niṭṭhā sarāgassa udāhu vītarāgassā’ti? Sammā byākaramānā, bhikkhave, aññatitthiyā paribbājakā evaṃ byākareyyuṃ – ‘vītarāgassāvuso, sā niṭṭhā, na sā niṭṭhā sarāgassā’ti.
‘‘‘саа банаавусо, нидтаа сад̣̇осасса уд̣̇ааху вийд̇ад̣̇осассаа’д̇и? саммаа б̣яаагарамаанаа, бхигкавз, ан̃н̃ад̇ид̇т̇ияаа бариб̣б̣ааж̇агаа звам̣ б̣яаагарзяяум̣ – ‘вийд̇ад̣̇осассаавусо, саа нидтаа, на саа нидтаа сад̣̇осассаа’д̇и.
‘‘‘Sā panāvuso, niṭṭhā sadosassa udāhu vītadosassā’ti? Sammā byākaramānā, bhikkhave, aññatitthiyā paribbājakā evaṃ byākareyyuṃ – ‘vītadosassāvuso, sā niṭṭhā, na sā niṭṭhā sadosassā’ti.
‘‘‘саа банаавусо, нидтаа самохасса уд̣̇ааху вийд̇амохассаа’д̇и? саммаа б̣яаагарамаанаа, бхигкавз, ан̃н̃ад̇ид̇т̇ияаа бариб̣б̣ааж̇агаа звам̣ б̣яаагарзяяум̣ – ‘вийд̇амохассаавусо, саа нидтаа, на саа нидтаа самохассаа’д̇и.
‘‘‘Sā panāvuso, niṭṭhā samohassa udāhu vītamohassā’ti? Sammā byākaramānā, bhikkhave, aññatitthiyā paribbājakā evaṃ byākareyyuṃ – ‘vītamohassāvuso, sā niṭṭhā, na sā niṭṭhā samohassā’ti.
‘‘‘саа банаавусо, нидтаа сад̇ан̣хасса уд̣̇ааху вийд̇ад̇ан̣хассаа’д̇и? саммаа б̣яаагарамаанаа, бхигкавз, ан̃н̃ад̇ид̇т̇ияаа бариб̣б̣ааж̇агаа звам̣ б̣яаагарзяяум̣ – ‘вийд̇ад̇ан̣хассаавусо, саа нидтаа, на саа нидтаа сад̇ан̣хассаа’д̇и.
‘‘‘Sā panāvuso, niṭṭhā sataṇhassa udāhu vītataṇhassā’ti? Sammā byākaramānā, bhikkhave, aññatitthiyā paribbājakā evaṃ byākareyyuṃ – ‘vītataṇhassāvuso, sā niṭṭhā, na sā niṭṭhā sataṇhassā’ti.
‘‘‘саа банаавусо, нидтаа саубаад̣̇аанасса уд̣̇ааху анубаад̣̇аанассаа’д̇и? саммаа б̣яаагарамаанаа, бхигкавз , ан̃н̃ад̇ид̇т̇ияаа бариб̣б̣ааж̇агаа звам̣ б̣яаагарзяяум̣ – ‘анубаад̣̇аанассаавусо, саа нидтаа, на саа нидтаа саубаад̣̇аанассаа’д̇и.
‘‘‘Sā panāvuso, niṭṭhā saupādānassa udāhu anupādānassā’ti? Sammā byākaramānā, bhikkhave , aññatitthiyā paribbājakā evaṃ byākareyyuṃ – ‘anupādānassāvuso, sā niṭṭhā, na sā niṭṭhā saupādānassā’ti.
‘‘‘саа банаавусо, нидтаа вид̣̇д̣̇асуно уд̣̇ааху авид̣̇д̣̇асуно’д̇и? саммаа б̣яаагарамаанаа, бхигкавз, ан̃н̃ад̇ид̇т̇ияаа бариб̣б̣ааж̇агаа звам̣ б̣яаагарзяяум̣ – ‘вид̣̇д̣̇асуно, аавусо, саа нидтаа, на саа нидтаа авид̣̇д̣̇асуно’д̇и.
‘‘‘Sā panāvuso, niṭṭhā viddasuno udāhu aviddasuno’ti? Sammā byākaramānā, bhikkhave, aññatitthiyā paribbājakā evaṃ byākareyyuṃ – ‘viddasuno, āvuso, sā niṭṭhā, na sā niṭṭhā aviddasuno’ti.
‘‘‘саа банаавусо, нидтаа ануруд̣̇д̇хаббадивируд̣̇д̇хасса уд̣̇ааху анануруд̣̇д̇хааббадивируд̣̇д̇хассаа’д̇и? саммаа б̣яаагарамаанаа, бхигкавз, ан̃н̃ад̇ид̇т̇ияаа бариб̣б̣ааж̇агаа звам̣ б̣яаагарзяяум̣ – ‘анануруд̣̇д̇хааббадивируд̣̇д̇хассаавусо, саа нидтаа, на саа нидтаа ануруд̣̇д̇хаббадивируд̣̇д̇хассаа’д̇и.
‘‘‘Sā panāvuso, niṭṭhā anuruddhappaṭiviruddhassa udāhu ananuruddhaappaṭiviruddhassā’ti? Sammā byākaramānā, bhikkhave, aññatitthiyā paribbājakā evaṃ byākareyyuṃ – ‘ananuruddhaappaṭiviruddhassāvuso, sā niṭṭhā, na sā niṭṭhā anuruddhappaṭiviruddhassā’ti.
‘‘‘саа банаавусо, нидтаа бабан̃жаараамасса бабан̃жарад̇ино уд̣̇ааху ниббабан̃жаараамасса ниббабан̃жарад̇ино’д̇и? саммаа б̣яаагарамаанаа, бхигкавз, ан̃н̃ад̇ид̇т̇ияаа бариб̣б̣ааж̇агаа звам̣ б̣яаагарзяяум̣ – ‘ниббабан̃жаараамассаавусо, саа нидтаа ниббабан̃жарад̇ино, на саа нидтаа бабан̃жаараамасса бабан̃жарад̇ино’д̇и.
‘‘‘Sā panāvuso, niṭṭhā papañcārāmassa papañcaratino udāhu nippapañcārāmassa nippapañcaratino’ti? Sammā byākaramānā, bhikkhave, aññatitthiyā paribbājakā evaṃ byākareyyuṃ – ‘nippapañcārāmassāvuso, sā niṭṭhā nippapañcaratino, na sā niṭṭhā papañcārāmassa papañcaratino’ti.
142. ‘‘д̣̇взмаа, бхигкавз, д̣̇идтияо – бхавад̣̇идти жа вибхавад̣̇идти жа. яз хи гзжи, бхигкавз, саман̣аа ваа б̣раахман̣аа ваа бхавад̣̇идтим̣ аллийнаа бхавад̣̇идтим̣ убаг̇ад̇аа бхавад̣̇идтим̣ аж̇жхосид̇аа, вибхавад̣̇идтияаа д̇з бадивируд̣̇д̇хаа. яз хи гзжи, бхигкавз, саман̣аа ваа б̣раахман̣аа ваа вибхавад̣̇идтим̣ аллийнаа вибхавад̣̇идтим̣ убаг̇ад̇аа вибхавад̣̇идтим̣ аж̇жхосид̇аа, бхавад̣̇идтияаа д̇з бадивируд̣̇д̇хаа. яз хи гзжи, бхигкавз, саман̣аа ваа б̣раахман̣аа ваа имаасам̣ д̣̇виннам̣ д̣̇идтийнам̣ самуд̣̇аяан̃жа ад̇т̇ан̇г̇аман̃жа ассаад̣̇ан̃жа аад̣̇ийнаван̃жа ниссаран̣ан̃жа яат̇аабхууд̇ам̣ наббаж̇аананд̇и, ‘д̇з сарааг̇аа д̇з сад̣̇осаа д̇з самохаа д̇з сад̇ан̣хаа д̇з саубаад̣̇аанаа д̇з авид̣̇д̣̇асуно д̇з ануруд̣̇д̇хаббадивируд̣̇д̇хаа д̇з бабан̃жаараамаа бабан̃жарад̇ино; д̇з на баримужжанд̇и ж̇аад̇ияаа ж̇арааяа маран̣зна согзхи барид̣̇звзхи д̣̇угкзхи д̣̇оманассзхи убааяаасзхи; на баримужжанд̇и д̣̇угкасмаа’д̇и вад̣̇аами. яз жа ко гзжи, бхигкавз, саман̣аа ваа б̣раахман̣аа ваа имаасам̣ д̣̇виннам̣ д̣̇идтийнам̣ самуд̣̇аяан̃жа ад̇т̇ан̇г̇аман̃жа ассаад̣̇ан̃жа аад̣̇ийнаван̃жа ниссаран̣ан̃жа яат̇аабхууд̇ам̣ баж̇аананд̇и, ‘д̇з вийд̇арааг̇аа д̇з вийд̇ад̣̇осаа д̇з вийд̇амохаа д̇з вийд̇ад̇ан̣хаа д̇з анубаад̣̇аанаа д̇з вид̣̇д̣̇асуно д̇з анануруд̣̇д̇хааббадивируд̣̇д̇хаа д̇з ниббабан̃жаараамаа ниббабан̃жарад̇ино; д̇з баримужжанд̇и ж̇аад̇ияаа ж̇арааяа маран̣зна согзхи барид̣̇звзхи д̣̇угкзхи д̣̇оманассзхи убааяаасзхи; баримужжанд̇и д̣̇угкасмаа’д̇и вад̣̇аами.
142. ‘‘Dvemā, bhikkhave, diṭṭhiyo – bhavadiṭṭhi ca vibhavadiṭṭhi ca. Ye hi keci, bhikkhave, samaṇā vā brāhmaṇā vā bhavadiṭṭhiṃ allīnā bhavadiṭṭhiṃ upagatā bhavadiṭṭhiṃ ajjhositā, vibhavadiṭṭhiyā te paṭiviruddhā. Ye hi keci, bhikkhave, samaṇā vā brāhmaṇā vā vibhavadiṭṭhiṃ allīnā vibhavadiṭṭhiṃ upagatā vibhavadiṭṭhiṃ ajjhositā, bhavadiṭṭhiyā te paṭiviruddhā. Ye hi keci, bhikkhave, samaṇā vā brāhmaṇā vā imāsaṃ dvinnaṃ diṭṭhīnaṃ samudayañca atthaṅgamañca assādañca ādīnavañca nissaraṇañca yathābhūtaṃ nappajānanti, ‘te sarāgā te sadosā te samohā te sataṇhā te saupādānā te aviddasuno te anuruddhappaṭiviruddhā te papañcārāmā papañcaratino; te na parimuccanti jātiyā jarāya maraṇena sokehi paridevehi dukkhehi domanassehi upāyāsehi; na parimuccanti dukkhasmā’ti vadāmi. Ye ca kho keci, bhikkhave, samaṇā vā brāhmaṇā vā imāsaṃ dvinnaṃ diṭṭhīnaṃ samudayañca atthaṅgamañca assādañca ādīnavañca nissaraṇañca yathābhūtaṃ pajānanti, ‘te vītarāgā te vītadosā te vītamohā te vītataṇhā te anupādānā te viddasuno te ananuruddhaappaṭiviruddhā te nippapañcārāmā nippapañcaratino; te parimuccanti jātiyā jarāya maraṇena sokehi paridevehi dukkhehi domanassehi upāyāsehi; parimuccanti dukkhasmā’ti vadāmi.
143. ‘‘жад̇д̇ааримаани , бхигкавз, убаад̣̇аанаани. гад̇амаани жад̇д̇аари? гаамубаад̣̇аанам̣, д̣̇идтубаад̣̇аанам̣, сийлаб̣б̣ад̇убаад̣̇аанам̣, ад̇д̇аваад̣̇убаад̣̇аанам̣. санд̇и, бхигкавз, згз саман̣аб̣раахман̣аа саб̣б̣убаад̣̇аанабарин̃н̃ааваад̣̇аа бадиж̇аанамаанаа. д̇з на саммаа саб̣б̣убаад̣̇аанабарин̃н̃ам̣ бан̃н̃абзнд̇и – гаамубаад̣̇аанасса барин̃н̃ам̣ бан̃н̃абзнд̇и, на д̣̇идтубаад̣̇аанасса барин̃н̃ам̣ бан̃н̃абзнд̇и, на сийлаб̣б̣ад̇убаад̣̇аанасса барин̃н̃ам̣ бан̃н̃абзнд̇и, на ад̇д̇аваад̣̇убаад̣̇аанасса барин̃н̃ам̣ бан̃н̃абзнд̇и. д̇ам̣ гисса хзд̇у? имаани хи д̇з бхонд̇о саман̣аб̣раахман̣аа д̇ийн̣и таанаани яат̇аабхууд̇ам̣ наббаж̇аананд̇и. д̇асмаа д̇з бхонд̇о саман̣аб̣раахман̣аа саб̣б̣убаад̣̇аанабарин̃н̃ааваад̣̇аа бадиж̇аанамаанаа; д̇з на саммаа саб̣б̣убаад̣̇аанабарин̃н̃ам̣ бан̃н̃абзнд̇и – гаамубаад̣̇аанасса барин̃н̃ам̣ бан̃н̃абзнд̇и, на д̣̇идтубаад̣̇аанасса барин̃н̃ам̣ бан̃н̃абзнд̇и, на сийлаб̣б̣ад̇убаад̣̇аанасса барин̃н̃ам̣ бан̃н̃абзнд̇и, на ад̇д̇аваад̣̇убаад̣̇аанасса барин̃н̃ам̣ бан̃н̃абзнд̇и.
143. ‘‘Cattārimāni , bhikkhave, upādānāni. Katamāni cattāri? Kāmupādānaṃ, diṭṭhupādānaṃ, sīlabbatupādānaṃ, attavādupādānaṃ. Santi, bhikkhave, eke samaṇabrāhmaṇā sabbupādānapariññāvādā paṭijānamānā. Te na sammā sabbupādānapariññaṃ paññapenti – kāmupādānassa pariññaṃ paññapenti, na diṭṭhupādānassa pariññaṃ paññapenti, na sīlabbatupādānassa pariññaṃ paññapenti, na attavādupādānassa pariññaṃ paññapenti. Taṃ kissa hetu? Imāni hi te bhonto samaṇabrāhmaṇā tīṇi ṭhānāni yathābhūtaṃ nappajānanti. Tasmā te bhonto samaṇabrāhmaṇā sabbupādānapariññāvādā paṭijānamānā; te na sammā sabbupādānapariññaṃ paññapenti – kāmupādānassa pariññaṃ paññapenti, na diṭṭhupādānassa pariññaṃ paññapenti, na sīlabbatupādānassa pariññaṃ paññapenti, na attavādupādānassa pariññaṃ paññapenti.
‘‘санд̇и, бхигкавз, згз саман̣аб̣раахман̣аа саб̣б̣убаад̣̇аанабарин̃н̃ааваад̣̇аа бадиж̇аанамаанаа. д̇з на саммаа саб̣б̣убаад̣̇аанабарин̃н̃ам̣ бан̃н̃абзнд̇и – гаамубаад̣̇аанасса барин̃н̃ам̣ бан̃н̃абзнд̇и, д̣̇идтубаад̣̇аанасса барин̃н̃ам̣ бан̃н̃абзнд̇и, на сийлаб̣б̣ад̇убаад̣̇аанасса барин̃н̃ам̣ бан̃н̃абзнд̇и, на ад̇д̇аваад̣̇убаад̣̇аанасса барин̃н̃ам̣ бан̃н̃абзнд̇и. д̇ам̣ гисса хзд̇у? имаани хи д̇з бхонд̇о саман̣аб̣раахман̣аа д̣̇вз таанаани яат̇аабхууд̇ам̣ наббаж̇аананд̇и. д̇асмаа д̇з бхонд̇о саман̣аб̣раахман̣аа саб̣б̣убаад̣̇аанабарин̃н̃ааваад̣̇аа бадиж̇аанамаанаа; д̇з на саммаа 7 саб̣б̣убаад̣̇аанабарин̃н̃ам̣ бан̃н̃абзнд̇и – гаамубаад̣̇аанасса барин̃н̃ам̣ бан̃н̃абзнд̇и, д̣̇идтубаад̣̇аанасса барин̃н̃ам̣ бан̃н̃абзнд̇и, на сийлаб̣б̣ад̇убаад̣̇аанасса барин̃н̃ам̣ бан̃н̃абзнд̇и, на ад̇д̇аваад̣̇убаад̣̇аанасса барин̃н̃ам̣ бан̃н̃абзнд̇и.
‘‘Santi, bhikkhave, eke samaṇabrāhmaṇā sabbupādānapariññāvādā paṭijānamānā. Te na sammā sabbupādānapariññaṃ paññapenti – kāmupādānassa pariññaṃ paññapenti, diṭṭhupādānassa pariññaṃ paññapenti, na sīlabbatupādānassa pariññaṃ paññapenti, na attavādupādānassa pariññaṃ paññapenti. Taṃ kissa hetu? Imāni hi te bhonto samaṇabrāhmaṇā dve ṭhānāni yathābhūtaṃ nappajānanti. Tasmā te bhonto samaṇabrāhmaṇā sabbupādānapariññāvādā paṭijānamānā; te na sammā 8 sabbupādānapariññaṃ paññapenti – kāmupādānassa pariññaṃ paññapenti, diṭṭhupādānassa pariññaṃ paññapenti, na sīlabbatupādānassa pariññaṃ paññapenti, na attavādupādānassa pariññaṃ paññapenti.
‘‘санд̇и, бхигкавз, згз саман̣аб̣раахман̣аа саб̣б̣убаад̣̇аанабарин̃н̃ааваад̣̇аа бадиж̇аанамаанаа. д̇з на саммаа саб̣б̣убаад̣̇аанабарин̃н̃ам̣ бан̃н̃абзнд̇и – гаамубаад̣̇аанасса барин̃н̃ам̣ бан̃н̃абзнд̇и, д̣̇идтубаад̣̇аанасса барин̃н̃ам̣ бан̃н̃абзнд̇и, сийлаб̣б̣ад̇убаад̣̇аанасса барин̃н̃ам̣ бан̃н̃абзнд̇и, на ад̇д̇аваад̣̇убаад̣̇аанасса барин̃н̃ам̣ бан̃н̃абзнд̇и. д̇ам̣ гисса хзд̇у? иман̃хи д̇з бхонд̇о саман̣аб̣раахман̣аа згам̣ таанам̣ яат̇аабхууд̇ам̣ наббаж̇аананд̇и. д̇асмаа д̇з бхонд̇о саман̣аб̣раахман̣аа саб̣б̣убаад̣̇аанабарин̃н̃ааваад̣̇аа бадиж̇аанамаанаа; д̇з на саммаа 9 саб̣б̣убаад̣̇аанабарин̃н̃ам̣ бан̃н̃абзнд̇и – гаамубаад̣̇аанасса барин̃н̃ам̣ бан̃н̃абзнд̇и, д̣̇идтубаад̣̇аанасса барин̃н̃ам̣ бан̃н̃абзнд̇и, сийлаб̣б̣ад̇убаад̣̇аанасса барин̃н̃ам̣ бан̃н̃абзнд̇и, на ад̇д̇аваад̣̇убаад̣̇аанасса барин̃н̃ам̣ бан̃н̃абзнд̇и.
‘‘Santi, bhikkhave, eke samaṇabrāhmaṇā sabbupādānapariññāvādā paṭijānamānā. Te na sammā sabbupādānapariññaṃ paññapenti – kāmupādānassa pariññaṃ paññapenti, diṭṭhupādānassa pariññaṃ paññapenti, sīlabbatupādānassa pariññaṃ paññapenti, na attavādupādānassa pariññaṃ paññapenti. Taṃ kissa hetu? Imañhi te bhonto samaṇabrāhmaṇā ekaṃ ṭhānaṃ yathābhūtaṃ nappajānanti. Tasmā te bhonto samaṇabrāhmaṇā sabbupādānapariññāvādā paṭijānamānā; te na sammā 10 sabbupādānapariññaṃ paññapenti – kāmupādānassa pariññaṃ paññapenti, diṭṭhupādānassa pariññaṃ paññapenti, sīlabbatupādānassa pariññaṃ paññapenti, na attavādupādānassa pariññaṃ paññapenti.
‘‘зваруубз ко, бхигкавз, д̇хаммавинаяз яо сад̇т̇ари басаад̣̇о со на саммаг̇г̇ад̇о агкааяад̇и; яо д̇хаммз басаад̣̇о со на саммаг̇г̇ад̇о агкааяад̇и; яаа сийлзсу барибуурагаарид̇аа саа на саммаг̇г̇ад̇аа агкааяад̇и; яаа сахад̇хаммигзсу бияаманаабад̇аа саа на саммаг̇г̇ад̇аа агкааяад̇и. д̇ам̣ гисса хзд̇у? зван̃хзд̇ам̣, бхигкавз, ход̇и яат̇аа д̇ам̣ д̣̇урагкаад̇з д̇хаммавинаяз д̣̇уббавзд̣̇ид̇з анияяаанигз анубасамасам̣вад̇д̇анигз асаммаасамб̣уд̣̇д̇хаббавзд̣̇ид̇з.
‘‘Evarūpe kho, bhikkhave, dhammavinaye yo satthari pasādo so na sammaggato akkhāyati; yo dhamme pasādo so na sammaggato akkhāyati; yā sīlesu paripūrakāritā sā na sammaggatā akkhāyati; yā sahadhammikesu piyamanāpatā sā na sammaggatā akkhāyati. Taṃ kissa hetu? Evañhetaṃ, bhikkhave, hoti yathā taṃ durakkhāte dhammavinaye duppavedite aniyyānike anupasamasaṃvattanike asammāsambuddhappavedite.
144. ‘‘д̇ат̇ааг̇ад̇о жа ко, бхигкавз, арахам̣ саммаасамб̣уд̣̇д̇хо саб̣б̣убаад̣̇аанабарин̃н̃ааваад̣̇о бадиж̇аанамаано саммаа саб̣б̣убаад̣̇аанабарин̃н̃ам̣ бан̃н̃абзд̇и – гаамубаад̣̇аанасса барин̃н̃ам̣ бан̃н̃абзд̇и, д̣̇идтубаад̣̇аанасса барин̃н̃ам̣ бан̃н̃абзд̇и, сийлаб̣б̣ад̇убаад̣̇аанасса барин̃н̃ам̣ бан̃н̃абзд̇и, ад̇д̇аваад̣̇убаад̣̇аанасса барин̃н̃ам̣ бан̃н̃абзд̇и. зваруубз ко, бхигкавз, д̇хаммавинаяз яо сад̇т̇ари басаад̣̇о со саммаг̇г̇ад̇о агкааяад̇и; яо д̇хаммз басаад̣̇о со саммаг̇г̇ад̇о агкааяад̇и; яаа сийлзсу барибуурагаарид̇аа саа саммаг̇г̇ад̇аа агкааяад̇и; яаа сахад̇хаммигзсу бияаманаабад̇аа саа саммаг̇г̇ад̇аа агкааяад̇и. д̇ам̣ гисса хзд̇у? зван̃хзд̇ам̣, бхигкавз, ход̇и яат̇аа д̇ам̣ сваагкаад̇з д̇хаммавинаяз суббавзд̣̇ид̇з нияяаанигз убасамасам̣вад̇д̇анигз саммаасамб̣уд̣̇д̇хаббавзд̣̇ид̇з.
144. ‘‘Tathāgato ca kho, bhikkhave, arahaṃ sammāsambuddho sabbupādānapariññāvādo paṭijānamāno sammā sabbupādānapariññaṃ paññapeti – kāmupādānassa pariññaṃ paññapeti, diṭṭhupādānassa pariññaṃ paññapeti, sīlabbatupādānassa pariññaṃ paññapeti, attavādupādānassa pariññaṃ paññapeti. Evarūpe kho, bhikkhave, dhammavinaye yo satthari pasādo so sammaggato akkhāyati; yo dhamme pasādo so sammaggato akkhāyati; yā sīlesu paripūrakāritā sā sammaggatā akkhāyati; yā sahadhammikesu piyamanāpatā sā sammaggatā akkhāyati. Taṃ kissa hetu? Evañhetaṃ, bhikkhave, hoti yathā taṃ svākkhāte dhammavinaye suppavedite niyyānike upasamasaṃvattanike sammāsambuddhappavedite.
145. ‘‘имз жа, бхигкавз, жад̇д̇ааро убаад̣̇аанаа. гим̣нид̣̇аанаа гим̣самуд̣̇аяаа гим̣ж̇аад̇игаа гим̣бабхаваа? имз жад̇д̇ааро убаад̣̇аанаа д̇ан̣хаанид̣̇аанаа д̇ан̣хаасамуд̣̇аяаа д̇ан̣хааж̇аад̇игаа д̇ан̣хаабабхаваа. д̇ан̣хаа жааяам̣, бхигкавз, гим̣нид̣̇аанаа гим̣самуд̣̇аяаа гим̣ж̇аад̇игаа гим̣бабхаваа? д̇ан̣хаа взд̣̇анаанид̣̇аанаа взд̣̇анаасамуд̣̇аяаа взд̣̇анааж̇аад̇игаа взд̣̇анаабабхаваа. взд̣̇анаа жааяам̣, бхигкавз, гим̣нид̣̇аанаа гим̣самуд̣̇аяаа гим̣ж̇аад̇игаа гим̣бабхаваа? взд̣̇анаа пассанид̣̇аанаа пассасамуд̣̇аяаа пассаж̇аад̇игаа пассабабхаваа. пассо жааяам̣, бхигкавз, гим̣нид̣̇аано гим̣самуд̣̇аяо гим̣ж̇аад̇иго гим̣бабхаво? пассо сал̣ааяад̇ананид̣̇аано сал̣ааяад̇анасамуд̣̇аяо сал̣ааяад̇анаж̇аад̇иго сал̣ааяад̇анабабхаво. сал̣ааяад̇анан̃жид̣̇ам̣, бхигкавз, гим̣нид̣̇аанам̣ гим̣самуд̣̇аяам̣ гим̣ж̇аад̇игам̣ гим̣бабхавам̣? сал̣ааяад̇анам̣ наамаруубанид̣̇аанам̣ наамаруубасамуд̣̇аяам̣ наамаруубаж̇аад̇игам̣ наамаруубабабхавам̣. наамаруубан̃жид̣̇ам̣, бхигкавз, гим̣нид̣̇аанам̣ гим̣самуд̣̇аяам̣ гим̣ж̇аад̇игам̣ гим̣бабхавам̣? наамаруубам̣ вин̃н̃аан̣анид̣̇аанам̣ вин̃н̃аан̣асамуд̣̇аяам̣ вин̃н̃аан̣аж̇аад̇игам̣ вин̃н̃аан̣абабхавам̣. вин̃н̃аан̣ан̃жид̣̇ам̣, бхигкавз , гим̣нид̣̇аанам̣ гим̣самуд̣̇аяам̣ гим̣ж̇аад̇игам̣ гим̣бабхавам̣? вин̃н̃аан̣ам̣ сан̇кааранид̣̇аанам̣ сан̇каарасамуд̣̇аяам̣ сан̇каараж̇аад̇игам̣ сан̇каарабабхавам̣. сан̇каараа жимз, бхигкавз, гим̣нид̣̇аанаа гим̣самуд̣̇аяаа гим̣ж̇аад̇игаа гим̣бабхаваа? сан̇каараа авиж̇ж̇аанид̣̇аанаа авиж̇ж̇аасамуд̣̇аяаа авиж̇ж̇ааж̇аад̇игаа авиж̇ж̇аабабхаваа.
145. ‘‘Ime ca, bhikkhave, cattāro upādānā. Kiṃnidānā kiṃsamudayā kiṃjātikā kiṃpabhavā? Ime cattāro upādānā taṇhānidānā taṇhāsamudayā taṇhājātikā taṇhāpabhavā. Taṇhā cāyaṃ, bhikkhave, kiṃnidānā kiṃsamudayā kiṃjātikā kiṃpabhavā? Taṇhā vedanānidānā vedanāsamudayā vedanājātikā vedanāpabhavā. Vedanā cāyaṃ, bhikkhave, kiṃnidānā kiṃsamudayā kiṃjātikā kiṃpabhavā? Vedanā phassanidānā phassasamudayā phassajātikā phassapabhavā. Phasso cāyaṃ, bhikkhave, kiṃnidāno kiṃsamudayo kiṃjātiko kiṃpabhavo? Phasso saḷāyatananidāno saḷāyatanasamudayo saḷāyatanajātiko saḷāyatanapabhavo. Saḷāyatanañcidaṃ, bhikkhave, kiṃnidānaṃ kiṃsamudayaṃ kiṃjātikaṃ kiṃpabhavaṃ? Saḷāyatanaṃ nāmarūpanidānaṃ nāmarūpasamudayaṃ nāmarūpajātikaṃ nāmarūpapabhavaṃ. Nāmarūpañcidaṃ, bhikkhave, kiṃnidānaṃ kiṃsamudayaṃ kiṃjātikaṃ kiṃpabhavaṃ? Nāmarūpaṃ viññāṇanidānaṃ viññāṇasamudayaṃ viññāṇajātikaṃ viññāṇapabhavaṃ. Viññāṇañcidaṃ, bhikkhave , kiṃnidānaṃ kiṃsamudayaṃ kiṃjātikaṃ kiṃpabhavaṃ? Viññāṇaṃ saṅkhāranidānaṃ saṅkhārasamudayaṃ saṅkhārajātikaṃ saṅkhārapabhavaṃ. Saṅkhārā cime, bhikkhave, kiṃnidānā kiṃsamudayā kiṃjātikā kiṃpabhavā? Saṅkhārā avijjānidānā avijjāsamudayā avijjājātikā avijjāpabhavā.
‘‘яад̇о жа ко, бхигкавз, бхигкуно авиж̇ж̇аа бахийнаа ход̇и виж̇ж̇аа уббаннаа, со авиж̇ж̇аавирааг̇аа виж̇ж̇уббаад̣̇аа нзва гаамубаад̣̇аанам̣ убаад̣̇ияад̇и, на д̣̇идтубаад̣̇аанам̣ убаад̣̇ияад̇и, на сийлаб̣б̣ад̇убаад̣̇аанам̣ убаад̣̇ияад̇и, на ад̇д̇аваад̣̇убаад̣̇аанам̣ убаад̣̇ияад̇и. анубаад̣̇ияам̣ на барид̇ассад̇и, абарид̇ассам̣ бажжад̇д̇ан̃н̃зва бариниб̣б̣ааяад̇и. ‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’д̇и баж̇аанаад̇ий’’д̇и.
‘‘Yato ca kho, bhikkhave, bhikkhuno avijjā pahīnā hoti vijjā uppannā, so avijjāvirāgā vijjuppādā neva kāmupādānaṃ upādiyati, na diṭṭhupādānaṃ upādiyati, na sīlabbatupādānaṃ upādiyati, na attavādupādānaṃ upādiyati. Anupādiyaṃ na paritassati, aparitassaṃ paccattaññeva parinibbāyati. ‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānātī’’ti.
ид̣̇амавожа бхаг̇аваа. ад̇д̇аманаа д̇з бхигкуу бхаг̇авад̇о бхаасид̇ам̣ абхинанд̣̇унд̇и.
Idamavoca bhagavā. Attamanā te bhikkhū bhagavato bhāsitaṃ abhinandunti.
жуул̣асийханаад̣̇асуд̇д̇ам̣ нидтид̇ам̣ батамам̣.
Cūḷasīhanādasuttaṃ niṭṭhitaṃ paṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 1. жуул̣асийханаад̣̇асуд̇д̇аван̣н̣анаа • 1. Cūḷasīhanādasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 1. жуул̣асийханаад̣̇асуд̇д̇аван̣н̣анаа • 1. Cūḷasīhanādasuttavaṇṇanā
