| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
муулабан̣н̣ааса-дийгаа
Mūlapaṇṇāsa-ṭīkā
(д̣̇уд̇ияо бхааг̇о)
(Dutiyo bhāgo)
2. сийханаад̣̇аваг̇г̇о
2. Sīhanādavaggo
1. жуул̣асийханаад̣̇асуд̇д̇аван̣н̣анаа
1. Cūḷasīhanādasuttavaṇṇanā
139. суд̇д̇ад̣̇зсанаавад̇т̇усан̇каад̇асса ад̇т̇асса уббад̇д̇и адтуббад̇д̇и, саа д̇асса ад̇т̇ийд̇и адтуббад̇д̇игод̇и вуд̇д̇овааяамад̇т̇о. лаабхасаггаарабажжаяаад̇и лаабхасаггааранимид̇д̇ам̣, бхаг̇авад̇о сан̇гхасса жа уббанналаабхасаггаарахзд̇у, ад̇д̇ано ваа лаабхасаггааруббаад̣̇анахзд̇у. д̇ид̇т̇ияабарид̣̇звид̇зд̇и д̇ид̇т̇ияаанам̣ ‘‘гим̣ бхо саман̣оязва г̇од̇амо саман̣о’’д̇иаад̣̇инаа виббалабанимид̇д̇ам̣. ‘‘махаалаабхасаггааро уббаж̇ж̇ий’’д̇и вад̇ваа саманд̇абаасаад̣̇игад̇т̇ам̣ д̇асса уббад̇д̇игааран̣ам̣ д̣̇ассзнд̇о ‘‘жад̇уббамаан̣иго хий’’д̇иаад̣̇имааха. жад̇д̇аари бамаан̣аани жад̇уббамаан̣аани, жад̇уббамаан̣аани зд̇асса ад̇т̇ийд̇и жад̇уббамаан̣иго. логоязва сан̇г̇амма самааг̇амма васанадтзна логасанниваасо, сад̇д̇агааяод̇и ад̇т̇о. баминаад̇и ул̣аарад̇аад̣̇ивисзсам̣ зд̇знаад̇и бамаан̣ам̣ (а. ни. дий. 2.4.65) руубам̣ руубагааяо бамаан̣ам̣ зд̇ассаад̇и руубаббамаан̣о. д̇ад̇о зва руубз басаннод̇и руубаббасанно. сзсабад̣̇зсуби зсзва наяо . гхосод̇и бавад̇д̇ат̇уд̇игхосо (а. ни. дий. 2.4.65). лууканд̇и бажжаяалуукад̇аа. д̇хаммод̇и сийлаад̣̇аяо г̇ун̣ад̇хаммаа ад̇хиббзд̇аа.
139. Suttadesanāvatthusaṅkhātassa atthassa uppatti aṭṭhuppatti, sā tassa atthīti aṭṭhuppattikoti vuttovāyamattho. Lābhasakkārapaccayāti lābhasakkāranimittaṃ, bhagavato saṅghassa ca uppannalābhasakkārahetu, attano vā lābhasakkāruppādanahetu. Titthiyaparideviteti titthiyānaṃ ‘‘kiṃ bho samaṇoyeva gotamo samaṇo’’tiādinā vippalapanimittaṃ. ‘‘Mahālābhasakkāro uppajjī’’ti vatvā samantapāsādikatthaṃ tassa uppattikāraṇaṃ dassento ‘‘catuppamāṇiko hī’’tiādimāha. Cattāri pamāṇāni catuppamāṇāni, catuppamāṇāni etassa atthīti catuppamāṇiko. Lokoyeva saṅgamma samāgamma vasanaṭṭhena lokasannivāso, sattakāyoti attho. Pamināti uḷāratādivisesaṃ etenāti pamāṇaṃ (a. ni. ṭī. 2.4.65) rūpaṃ rūpakāyo pamāṇaṃ etassāti rūpappamāṇo. Tato eva rūpe pasannoti rūpappasanno. Sesapadesupi eseva nayo . Ghosoti pavattathutighoso (a. ni. ṭī. 2.4.65). Lūkhanti paccayalūkhatā. Dhammoti sīlādayo guṇadhammā adhippetā.
д̇зсам̣ буг̇г̇алаанам̣. аароханд̇и ужжад̇ам̣. саа жа ко д̇асмим̣ д̇асмим̣ гаалз бамаан̣аяуд̇д̇аа д̣̇адтаб̣б̣аа. барин̣ааханд̇и наад̇игисанаад̇ит̇уулад̇аавасзна мид̇абарин̣аахам̣. сан̣таананд̇и д̇зсам̣ д̇зсам̣ ан̇г̇абажжан̇г̇аанам̣ сусан̣тид̇ад̇ам̣. баарибууринд̇и саб̣б̣зсам̣ сарийрааваяаваанам̣ барибун̣н̣ад̇ам̣ авзгаллад̇ам̣. д̇ад̇т̇а бамаан̣ам̣ г̇ахзд̇ваад̇и д̇асмим̣ руубз руубасамбад̇д̇ияам̣ бамаан̣абхаавам̣ убаад̣̇ааяа. басаад̣̇ам̣ ж̇анзд̇ийд̇и ад̇химогкам̣ уббаад̣̇зд̇и.
Tesaṃ puggalānaṃ. Ārohanti uccataṃ. Sā ca kho tasmiṃ tasmiṃ kāle pamāṇayuttā daṭṭhabbā. Pariṇāhanti nātikisanātithūlatāvasena mitapariṇāhaṃ. Saṇṭhānanti tesaṃ tesaṃ aṅgapaccaṅgānaṃ susaṇṭhitataṃ. Pāripūrinti sabbesaṃ sarīrāvayavānaṃ paripuṇṇataṃ avekallataṃ. Tattha pamāṇaṃ gahetvāti tasmiṃ rūpe rūpasampattiyaṃ pamāṇabhāvaṃ upādāya. Pasādaṃ janetīti adhimokkhaṃ uppādeti.
бараван̣н̣анааяаад̇и ‘‘амуго зд̣̇исо жа зд̣̇исо жаа’’д̇и яасаг̇ун̣аважанзна. барат̇оманааяаад̇и саммукаава барасса силаагхуббаад̣̇анзна абхид̇т̇аванзна. барабасам̣санааяаад̇и бараммукаа барасса г̇ун̣асам̣гид̇д̇анзна. бараван̣н̣ахааригааяаад̇и барамбараван̣н̣ахааригааяа барамбарааяа барасса гид̇д̇исад̣̇д̣̇уубасам̣хаарзна. д̇ад̇т̇аад̇и д̇асмим̣ т̇уд̇игхосз.
Paravaṇṇanāyāti ‘‘amuko ediso ca ediso cā’’ti yasaguṇavacanena. Parathomanāyāti sammukhāva parassa silāghuppādanena abhitthavanena. Parapasaṃsanāyāti parammukhā parassa guṇasaṃkittanena. Paravaṇṇahārikāyāti paramparavaṇṇahārikāya paramparāya parassa kittisaddūpasaṃhārena. Tatthāti tasmiṃ thutighose.
жийваралууканд̇и т̇уулаж̇ин̣н̣аб̣ахуд̇уннагад̇аад̣̇им̣ жийварасса луукабхаавам̣. бад̇д̇алууканд̇и анзгаг̇ант̇игаахад̇аад̣̇им̣ бад̇д̇асса луукабхаавам̣. вивид̇хам̣ ваа д̣̇уггарагаариганд̇и д̇худ̇ан̇г̇асзванаад̣̇ивасзна бавад̇д̇ам̣ наанаавид̇хам̣ д̣̇уггаражарияам̣.
Cīvaralūkhanti thūlajiṇṇabahutunnakatādiṃ cīvarassa lūkhabhāvaṃ. Pattalūkhanti anekaganthikāhatādiṃ pattassa lūkhabhāvaṃ. Vividhaṃ vā dukkarakārikanti dhutaṅgasevanādivasena pavattaṃ nānāvidhaṃ dukkaracariyaṃ.
сийлам̣ ваа бассид̇ваад̇и сийлабаарибууривасзна висуд̣̇д̇хам̣ гааяаважийсужарид̇ам̣ н̃аан̣ажагкунаа бассид̇ваа. жхаанаад̣̇иад̇хиг̇амасид̣̇д̇хам̣ самаад̇хим̣ ваа. вибассанаабхин̃н̃аасан̇каад̇ам̣ бан̃н̃ам̣ ваа.
Sīlaṃ vā passitvāti sīlapāripūrivasena visuddhaṃ kāyavacīsucaritaṃ ñāṇacakkhunā passitvā. Jhānādiadhigamasiddhaṃ samādhiṃ vā. Vipassanābhiññāsaṅkhātaṃ paññaṃ vā.
бхаг̇авад̇о сарийрам̣ д̣̇исваад̇и самб̣анд̇хо. руубаббамаан̣оби саммаасамб̣уд̣̇д̇хзязва басийд̣̇ад̇и абаримид̇агааласамубажид̇абун̃н̃аанубхааванибпаннааяа саб̣б̣асо анаваж̇ж̇ааяа саб̣б̣аагаарабарибун̣н̣ааваяавааяа руубагааяасамбад̇д̇ияаа саманд̇абаасаад̣̇игад̇д̇аа, яассаа ружирабхааво висуд̣̇д̇хз виг̇ад̇авалаахагз д̣̇звз бун̣н̣амаасияам̣ барибун̣н̣агалаабхааг̇аман̣д̣алам̣ жанд̣̇аман̣д̣алам̣ абхибхавид̇ваа ад̇ирожад̇и, бабхассарабхааво сарад̣̇асамаяам̣ сам̣вад̣̇д̇хид̇ад̣̇иг̇ун̣ад̇зж̇агиран̣аж̇ааласамуж̇ж̇алам̣ суурияаман̣д̣алам̣ абхибхавад̇и, соммагиран̣арасасамуж̇ж̇алабхаавзхи д̇ад̣̇убхаязхи абхибхуяяа вад̇д̇амаанам̣ згасмим̣ кан̣з д̣̇асасахассилогад̇хаад̇ум̣ виж̇ж̇од̇анасамад̇т̇ам̣ махааб̣рахмуно бабхаасамуд̣̇аяам̣ абхивихажжа бхаасад̇з д̇абад̇з вирожад̇и жа.
Bhagavato sarīraṃ disvāti sambandho. Rūpappamāṇopi sammāsambuddheyeva pasīdati aparimitakālasamupacitapuññānubhāvanipphannāya sabbaso anavajjāya sabbākāraparipuṇṇāvayavāya rūpakāyasampattiyā samantapāsādikattā, yassā rucirabhāvo visuddhe vigatavalāhake deve puṇṇamāsiyaṃ paripuṇṇakalābhāgamaṇḍalaṃ candamaṇḍalaṃ abhibhavitvā atirocati, pabhassarabhāvo saradasamayaṃ saṃvaddhitadiguṇatejakiraṇajālasamujjalaṃ sūriyamaṇḍalaṃ abhibhavati, sommakiraṇarasasamujjalabhāvehi tadubhayehi abhibhuyya vattamānaṃ ekasmiṃ khaṇe dasasahassilokadhātuṃ vijjotanasamatthaṃ mahābrahmuno pabhāsamudayaṃ abhivihacca bhāsate tapate virocati ca.
сад̇иби ан̇г̇абарижжааг̇аад̣̇ийнам̣ д̣̇аанабаарамибхаавз барижжааг̇ависзсабхаавад̣̇ассанад̇т̇ан̃жзва суд̣̇уггарабхаавад̣̇ассанад̇т̇ан̃жа ан̇г̇абарижжааг̇аад̣̇иг̇г̇ахан̣ам̣, д̇ад̇т̇ааби жа ан̇г̇абарижжааг̇ад̇о висум̣ наяанабарижжааг̇аг̇г̇ахан̣ам̣, барижжааг̇абхаавасааман̃н̃зби раж̇ж̇абарижжааг̇ад̇о буд̇д̇ад̣̇аарабарижжааг̇аг̇г̇ахан̣ан̃жа гад̇ам̣. аад̣̇инаа наязнаад̇и аад̣̇и-сад̣̇д̣̇зна буб̣б̣аяог̇абуб̣б̣ажарияаад̣̇ихзд̇усамбад̇д̇ияаа, ‘‘ид̇иби со бхаг̇аваа’’д̇иаад̣̇инаа (д̣̇ий. ни. 1.157, 255) вуд̇д̇ааяа паласамбад̇д̇ияаа, ‘‘со д̇хаммам̣ д̣̇зсзд̇ий’’д̇иаад̣̇инаа (д̣̇ий. ни. 1.255) вуд̇д̇ааяа сад̇д̇убагаарагирияааяа жа сан̇г̇ахо д̣̇адтаб̣б̣о. саммаасамб̣уд̣̇д̇хзязва басийд̣̇ад̇и яат̇аавуд̇д̇аг̇ун̣аанам̣ анан̃н̃асаад̇хааран̣абхаавад̇о ажчарияаб̣бхуд̇абхаавад̇о жа. сзсзсуби зсзва наяо.
Satipi aṅgapariccāgādīnaṃ dānapāramibhāve pariccāgavisesabhāvadassanatthañceva sudukkarabhāvadassanatthañca aṅgapariccāgādiggahaṇaṃ, tatthāpi ca aṅgapariccāgato visuṃ nayanapariccāgaggahaṇaṃ, pariccāgabhāvasāmaññepi rajjapariccāgato puttadārapariccāgaggahaṇañca kataṃ. Ādinā nayenāti ādi-saddena pubbayogapubbacariyādihetusampattiyā, ‘‘itipi so bhagavā’’tiādinā (dī. ni. 1.157, 255) vuttāya phalasampattiyā, ‘‘so dhammaṃ desetī’’tiādinā (dī. ni. 1.255) vuttāya sattupakārakiriyāya ca saṅgaho daṭṭhabbo. Sammāsambuddheyeva pasīdati yathāvuttaguṇānaṃ anaññasādhāraṇabhāvato acchariyabbhutabhāvato ca. Sesesupi eseva nayo.
‘‘жийваралуукам̣ д̣̇исваа’’д̇и вад̇ваа д̇ам̣ д̣̇ассзд̇ум̣ ‘‘сажз бхаг̇аваа’’д̇иаад̣̇и вуд̇д̇ам̣. саан̣абам̣сугуулажийварзнаад̇и мад̇агал̣зварам̣ баливзтзд̇ваа чад̣д̣ид̇зна д̇умб̣амад̇д̇з гимий бабподзд̇ваа г̇ахид̇зна саан̣абам̣сугуулажийварзна. бхаарияанд̇и г̇аругам̣, д̣̇уггаранд̇и ад̇т̇о. вад̇хуяувад̇иймаж̇жхимид̇т̇ивасзна, б̣аалаяоб̣б̣анабураан̣авасзна ваа д̇ивид̇ханаадагад̇аа. харзн̣уяуусам̣ ман̣д̣алагалааяарасо. ‘‘яаабзссад̇и наамаа’’д̇и наама-сад̣̇д̣̇ам̣ аанзд̇ваа самб̣анд̇хо. наама-сад̣̇д̣̇аяог̇зна хи анааг̇ад̇агааласса вияа баяог̇о, яаабзд̇и ижжзва ад̇т̇о. аббаан̣аганд̇и нирассаасам̣ нирод̇хид̇ассаасабассаасам̣.
‘‘Cīvaralūkhaṃ disvā’’ti vatvā taṃ dassetuṃ ‘‘sace bhagavā’’tiādi vuttaṃ. Sāṇapaṃsukūlacīvarenāti matakaḷevaraṃ paliveṭhetvā chaḍḍitena tumbamatte kimī papphoṭetvā gahitena sāṇapaṃsukūlacīvarena. Bhāriyanti garukaṃ, dukkaranti attho. Vadhuyuvatīmajjhimitthivasena, bālayobbanapurāṇavasena vā tividhanāṭakatā. Hareṇuyūsaṃ maṇḍalakalāyaraso. ‘‘Yāpessati nāmā’’ti nāma-saddaṃ ānetvā sambandho. Nāma-saddayogena hi anāgatakālassa viya payogo, yāpeti icceva attho. Appāṇakanti nirassāsaṃ nirodhitassāsapassāsaṃ.
самаад̇хиг̇ун̣анд̇и саад̇хааран̣ад̇о вуд̇д̇амад̇т̇ам̣ виварад̇и жхаанаад̣̇иг̇г̇ахан̣зна. маанад̣̇аб̣б̣аниммад̣̇анзна ниб̣б̣исзванабхааваабаад̣̇анамби д̣̇аманамзваад̇и вуд̇д̇ам̣ ‘‘баат̇игабуд̇д̇ад̣̇аманаад̣̇ийний’’д̇и. аад̣̇и-сад̣̇д̣̇зна сажжагаал̣авагаб̣агад̣̇аманаад̣̇ийнам̣ сан̇г̇ахо. б̣аавзрунд̇и звам̣наамагам̣ висаяам̣. сарасамбаннод̇и адтан̇г̇асаманнааг̇ад̇зна сарзна саманнааг̇ад̇о. д̇зна б̣рахмассарад̇аагаравийгабхаан̣ид̇аад̣̇ассанзна лагкан̣ахааранаязна авасзсалагкан̣абаарибуурим̣ вияа д̇ад̣̇авинаабхаавад̇о б̣уд̣̇д̇хаанам̣ д̣̇зсанаавилаасан̃жа вибхаавзд̇и.
Samādhiguṇanti sādhāraṇato vuttamatthaṃ vivarati jhānādiggahaṇena. Mānadabbanimmadanena nibbisevanabhāvāpādanampi damanamevāti vuttaṃ ‘‘pāthikaputtadamanādīnī’’ti. Ādi-saddena saccakāḷavakabakadamanādīnaṃ saṅgaho. Bāverunti evaṃnāmakaṃ visayaṃ. Sarasampannoti aṭṭhaṅgasamannāgatena sarena samannāgato. Tena brahmassaratākaravīkabhāṇitādassanena lakkhaṇahāranayena avasesalakkhaṇapāripūriṃ viya tadavinābhāvato buddhānaṃ desanāvilāsañca vibhāveti.
хад̇аббабхаад̇и б̣уд̣̇д̇хаанубхаавзна виг̇ад̇ад̇зж̇аа. гаал̣абагкуубамзд̇и сад̇д̇аанам̣ б̣яаамоханд̇хагаараабхибхавзна гаал̣абагкарад̇д̇уубамз. сууриязд̇и суурияз уд̣̇аяид̇ваа обхаасзнд̇зд̇и ад̇хиббааяо.
Hatappabhāti buddhānubhāvena vigatatejā. Kāḷapakkhūpameti sattānaṃ byāmohandhakārābhibhavena kāḷapakkharattūpame. Sūriyeti sūriye udayitvā obhāsenteti adhippāyo.
син̇гхаадагзд̇и д̇игон̣аражчааяам̣. жад̇уггзд̇и санд̇хияам̣. барид̣̇званд̇ийд̇и ануд̇т̇унанавасзна виббалабанд̇и. согаад̇хигагад̇о хи важийбалаабо барид̣̇зво. логз уббаж̇ж̇амаанзязва уббаннаад̇и ад̇д̇ано д̣̇идтиваад̣̇асса бураад̇анабхаавам̣ д̣̇ийбзнд̇и.
Siṅghāṭaketi tikoṇaracchāyaṃ. Catukketi sandhiyaṃ. Paridevantīti anutthunanavasena vippalapanti. Sokādhikakato hi vacīpalāpo paridevo. Loke uppajjamāneyeva uppannāti attano diṭṭhivādassa purātanabhāvaṃ dīpenti.
сзсабад̣̇зсубийд̇и ‘‘ид̇ха д̣̇уд̇ияо саман̣о’’д̇иаад̣̇ийсу сзсаваарзсуби (а. ни. дий. 2.4.241-242) яат̇аа хи ‘‘вивижжзва гаамзхий’’д̇и (баараа. 11; д̣̇ий. ни. 1.226; сам̣. ни. 2.152; а. ни. 4.123) зд̇т̇а гад̇о нияамо ‘‘вивижжа агусалзхий’’д̇и (баараа. 11; д̣̇ий. ни. 1.226; сам̣. ни. 2.152; а. ни. 4.123) зд̇т̇ааби гад̇оязва ход̇и саавад̇хааран̣ассзва ад̇т̇асса ижчид̇аб̣б̣ад̇д̇аа, звамид̇хаабийд̇и. д̇знааха ‘‘д̣̇уд̇ияаад̣̇аяобий’’д̇иаад̣̇и. сааман̃н̃апалаад̇хиг̇амавасзна ниббарияааяад̇о саман̣абхаавод̇и д̇зсам̣ васзнзд̇т̇а жад̇д̇ааро саман̣аа д̣̇зсид̇аад̇и д̇амад̇т̇ам̣ суд̇д̇анд̇арзна самад̇т̇зд̇ум̣ ‘‘д̇знзваахаа’’д̇иаад̣̇и вуд̇д̇ам̣. бадибад̇д̇иггамзна д̣̇зсанааггамзна жа сагад̣̇ааг̇аамиаад̣̇ийнам̣ д̣̇уд̇ияаад̣̇ид̇аа вуд̇д̇аад̇и сод̇аабаннасса батамад̇аа авуд̇д̇асид̣̇д̇хаад̇и на жод̣̇ид̇аа. паладтагасаман̣аава ад̇хиббзд̇аа самид̇абаабасаман̣аг̇г̇ахан̣ад̇о. гасмаа банзд̇т̇а махаабариниб̣б̣аанз вияа маг̇г̇адтаа д̇ад̣̇ад̇т̇ааяа бадибаннаа жа на г̇ахид̇аад̇и? взнзяяаж̇жхаасаяад̇о. д̇ад̇т̇а хи маг̇г̇аад̇хиг̇амад̇т̇ааяа вибассанааби ид̇о б̣ахид̣̇д̇хаа над̇т̇и, гуд̇о маг̇г̇апалаанийд̇и д̣̇ассзнд̇зна бхаг̇авад̇аа ‘‘н̃ааяасса д̇хаммасса бад̣̇зсавад̇д̇ий, ид̇о б̣ахид̣̇д̇хаа саман̣оби над̇т̇ий’’д̇и вуд̇д̇ам̣. ид̇ха бана нидтаанаббад̇д̇амзва д̇ам̣д̇ам̣саман̣абхаавам̣ г̇ан̣ханд̇зна паладтагасаман̣аава г̇ахид̇аа ‘‘маг̇г̇адтад̇о паладто сависзсам̣ д̣̇агкин̣зяяо’’д̇и. свааяамад̇т̇о д̣̇вийсу суд̇д̇зсу д̣̇зсанаабхзд̣̇знзва вин̃н̃ааяад̇ийд̇и.
Sesapadesupīti ‘‘idha dutiyo samaṇo’’tiādīsu sesavāresupi (a. ni. ṭī. 2.4.241-242) yathā hi ‘‘vivicceva kāmehī’’ti (pārā. 11; dī. ni. 1.226; saṃ. ni. 2.152; a. ni. 4.123) ettha kato niyamo ‘‘vivicca akusalehī’’ti (pārā. 11; dī. ni. 1.226; saṃ. ni. 2.152; a. ni. 4.123) etthāpi katoyeva hoti sāvadhāraṇasseva atthassa icchitabbattā, evamidhāpīti. Tenāha ‘‘dutiyādayopī’’tiādi. Sāmaññaphalādhigamavasena nippariyāyato samaṇabhāvoti tesaṃ vasenettha cattāro samaṇā desitāti tamatthaṃ suttantarena samatthetuṃ ‘‘tenevāhā’’tiādi vuttaṃ. Paṭipattikkamena desanākkamena ca sakadāgāmiādīnaṃ dutiyāditā vuttāti sotāpannassa paṭhamatā avuttasiddhāti na coditā. Phalaṭṭhakasamaṇāva adhippetā samitapāpasamaṇaggahaṇato. Kasmā panettha mahāparinibbāne viya maggaṭṭhā tadatthāya paṭipannā ca na gahitāti? Veneyyajjhāsayato. Tattha hi maggādhigamatthāya vipassanāpi ito bahiddhā natthi, kuto maggaphalānīti dassentena bhagavatā ‘‘ñāyassa dhammassa padesavattī, ito bahiddhā samaṇopi natthī’’ti vuttaṃ. Idha pana niṭṭhānappattameva taṃtaṃsamaṇabhāvaṃ gaṇhantena phalaṭṭhakasamaṇāva gahitā ‘‘maggaṭṭhato phalaṭṭho savisesaṃ dakkhiṇeyyo’’ti. Svāyamattho dvīsu suttesu desanābhedeneva viññāyatīti.
рид̇д̇аад̇и вивид̇д̇аа. д̇ужчаад̇и ниссаараа бадибаннагасаараабхаавад̇о. бавад̣̇анд̇и зд̇зхийд̇и баваад̣̇аа, д̣̇идтиг̇ад̇игаанам̣ наанаад̣̇идтид̣̇ийбагаа самаяаад̇и ааха ‘‘жад̇д̇ааро сассад̇аваад̣̇аа’’д̇иаад̣̇и. д̇ад̇т̇а яам̣ вад̇д̇аб̣б̣ам̣, д̇ам̣ барад̇о ааг̇амиссад̇и. д̇зд̇и яат̇аавуд̇д̇асаман̣аа. зд̇т̇аад̇и ‘‘бараббаваад̣̇аа’’д̇и вуд̇д̇з б̣аахирагасамаяз.
Rittāti vivittā. Tucchāti nissārā paṭipannakasārābhāvato. Pavadanti etehīti pavādā, diṭṭhigatikānaṃ nānādiṭṭhidīpakā samayāti āha ‘‘cattāro sassatavādā’’tiādi. Tattha yaṃ vattabbaṃ, taṃ parato āgamissati. Teti yathāvuttasamaṇā. Etthāti ‘‘parappavādā’’ti vutte bāhirakasamaye.
яанд̇и яасмим̣. бхуммад̇т̇з хи ид̣̇ам̣ бажжад̇д̇аважанам̣. н̃ааяо вужжад̇и саха вибассанааяа арияамаг̇г̇о. д̇зна хи ниб̣б̣аанам̣ н̃ааяад̇и г̇аммад̇и бадивиж̇жхад̇ийд̇и. со зва ниб̣б̣аанасамбаабагахзд̇уд̇ааяа д̇хаммод̇и ааха ‘‘н̃ааяасса д̇хаммассаа’’д̇и.
Yanti yasmiṃ. Bhummatthe hi idaṃ paccattavacanaṃ. Ñāyo vuccati saha vipassanāya ariyamaggo. Tena hi nibbānaṃ ñāyati gammati paṭivijjhatīti. So eva nibbānasampāpakahetutāya dhammoti āha ‘‘ñāyassa dhammassā’’ti.
д̇зсам̣ бараббаваад̣̇асаасанаанам̣ акзд̇д̇ад̇аа кзд̇д̇ад̇аа жа арияамаг̇г̇асса абхаавабхааваа субарисуд̣̇д̇хасса сийласса субарисуд̣̇д̇хааяа самат̇авибассанааяа абхаавад̇о саавад̇о жа. д̇ад̣̇убхаяан̃жа д̣̇урагкаад̇асваагкаад̇абхаавахзд̇угам̣, со жа асаммаасамб̣уд̣̇д̇хасаммаасамб̣уд̣̇д̇хабавзд̣̇ид̇ад̇ааяаад̇и барааж̇игааяа сад̇т̇у вибад̇д̇ихзд̇уд̇ааяа саасанасса анияяаанабхаавод̇и д̣̇ассзд̇и.
Tesaṃ parappavādasāsanānaṃ akhettatā khettatā ca ariyamaggassa abhāvabhāvā suparisuddhassa sīlassa suparisuddhāya samathavipassanāya abhāvato sāvato ca. Tadubhayañca durakkhātasvākkhātabhāvahetukaṃ, so ca asammāsambuddhasammāsambuddhapaveditatāyāti parājikāya satthu vipattihetutāya sāsanassa aniyyānabhāvoti dasseti.
ид̣̇аани яат̇аавуд̇д̇амад̇т̇ам̣ барияааяад̇о жа баал̣ияаа жа самад̇т̇зд̇ум̣ ‘‘д̇знааха бхаг̇аваа’’д̇иаад̣̇инаа баал̣им̣ д̣̇ассзд̇ваа убамаабад̣̇зсзна д̇ад̇т̇а суд̇д̇ам̣ вибхаавзнд̇о ‘‘яасмаа’’д̇иаад̣̇имааха. д̇ад̇т̇а яасмаа згажжаанам̣ висзсад̇о сийхаанам̣ буримам̣ баад̣̇ад̣̇ваяам̣ хад̇т̇агижжамби гарод̇и, д̇асмаа ааха ‘‘сурад̇д̇ахад̇т̇абаад̣̇о’’д̇и. сийхасса гзсаа наама гзсарааяад̇анаа канд̇халомаа. г̇ожарияахад̇т̇игулам̣ наама багад̇ихад̇т̇игулам̣, яам̣ ‘‘гаалаавага’’нд̇иби вужжад̇и. гходаго наама ассакал̣ун̇го. синзрубарибхан̣д̣з симб̣алиругкзхи сан̃чаад̣̇ид̇о бан̃н̃аасаяож̇ано д̣̇ахо симб̣алид̣̇ахо, д̇ам̣ бариваарзд̇ваа маханд̇ам̣ симб̣аливанам̣, д̇ам̣ санд̇хааяааха ‘‘симб̣алид̣̇ахаванз’’д̇и. ан̃н̃ад̇ид̇т̇ааваасабхуумияам̣ имзсу саман̣зсу згажжо на уббаж̇ж̇ад̇и, ийд̣̇исо банзд̇т̇а вигаббо над̇т̇и, саб̣б̣зна саб̣б̣ам̣ на уббаж̇ж̇анд̇зваад̇и д̣̇ассзнд̇о ‘‘згасаман̣обий’’д̇и ааха. арияамаг̇г̇абаригкад̇зд̇и арияамаг̇г̇уббад̇д̇ияаа абхисан̇кад̇з, яад̣̇аа саасанигаанам̣ саммаабадибад̇д̇ияаа арияамаг̇г̇о д̣̇иб̣б̣ад̇и, д̇ад̣̇аад̇и ад̇т̇о.
Idāni yathāvuttamatthaṃ pariyāyato ca pāḷiyā ca samatthetuṃ ‘‘tenāha bhagavā’’tiādinā pāḷiṃ dassetvā upamāpadesena tattha suttaṃ vibhāvento ‘‘yasmā’’tiādimāha. Tattha yasmā ekaccānaṃ visesato sīhānaṃ purimaṃ pādadvayaṃ hatthakiccampi karoti, tasmā āha ‘‘surattahatthapādo’’ti. Sīhassa kesā nāma kesarāyatanā khandhalomā. Gocariyahatthikulaṃ nāma pakatihatthikulaṃ, yaṃ ‘‘kālāvaka’’ntipi vuccati. Ghoṭako nāma assakhaḷuṅko. Sineruparibhaṇḍe simbalirukkhehi sañchādito paññāsayojano daho simbalidaho, taṃ parivāretvā mahantaṃ simbalivanaṃ, taṃ sandhāyāha ‘‘simbalidahavane’’ti. Aññatitthāvāsabhūmiyaṃ imesu samaṇesu ekacco na uppajjati, īdiso panettha vikappo natthi, sabbena sabbaṃ na uppajjantevāti dassento ‘‘ekasamaṇopī’’ti āha. Ariyamaggaparikkhateti ariyamagguppattiyā abhisaṅkhate, yadā sāsanikānaṃ sammāpaṭipattiyā ariyamaggo dibbati, tadāti attho.
саммаад̇и судту. судту над̣̇анам̣ наама хзд̇уяуд̇д̇ам̣ судту гад̇ваа гат̇ананд̇и ааха ‘‘хзд̇унаа’’д̇и. со жа хзд̇у авибарийд̇о зва ижчид̇аб̣б̣од̇и ааха ‘‘наязнаа’’д̇и, н̃ааязнаад̇и ад̇т̇о. звам̣бхууд̇о жа со яат̇аад̇хиббзд̇ад̇т̇ам̣ гарод̇и саад̇хзд̇ийд̇и д̣̇ассзнд̇о ааха ‘‘гааран̣знаа’’д̇и. яад̣̇и д̇иражчаанасийхасса наад̣̇о саб̣б̣ад̇иражчааназгажжамануссаамануссанаад̣̇ад̇о сздтад̇д̇аа сздтанаад̣̇о, гиман̇г̇ам̣ бана д̇ат̇ааг̇ад̇асийханаад̣̇од̇и ааха ‘‘сийханаад̣̇анд̇и сздтанаад̣̇а’’нд̇и. яад̣̇и д̇иражчаанасийханаад̣̇асса сздтанаад̣̇ад̇аа ниб̣бхаяад̇ааяа аббадисад̇д̇уд̇ааяа ижчид̇аа, д̇ат̇ааг̇ад̇асийханаад̣̇ассзва аяамад̇т̇о саад̇исаяод̇и ааха ‘‘абхийд̇анаад̣̇ам̣ аббадинаад̣̇а’’нд̇и. ид̣̇аанисса сздтанаад̣̇абхаавам̣ гааран̣зна бадибаад̣̇знд̇о ‘‘имзсан̃хий’’д̇иаад̣̇имааха. д̇зна ‘‘саммаа’’д̇и вуд̇д̇амад̇т̇ам̣ самад̇т̇зд̇и. д̇ад̇т̇а ад̇т̇ид̇ааяаад̇и иминаа сийханаад̣̇асса уд̇д̇амад̇т̇ад̇ам̣ д̣̇ассзд̇и. бхууд̇адто хи уд̇д̇амадто. д̇ааяа зва бхууд̇адтад̇ааяа абхийд̇анаад̣̇ад̇аад̇и д̣̇ассзнд̇о ‘‘имз саман̣аа…бз… наама ход̇ий’’д̇и ааха. абхууд̇ан̃хи вад̣̇ад̇о гуд̇ожи бхаяам̣ ваа аасан̇гаа ваа сияаад̇и ‘‘ид̇хзваа’’д̇и нияамасса авибарийд̇ад̇ам̣ д̣̇ассзнд̇о ‘‘амхаагамби…бз… аббадинаад̣̇о наама ход̇ий’’д̇и ааха. яан̃хи ан̃н̃ад̇т̇ааби ад̇т̇и, д̇ам̣ ид̇хзваад̇и авад̇хаарзд̇ум̣ на яуд̇д̇анд̇и.
Sammāti suṭṭhu. Suṭṭhu nadanaṃ nāma hetuyuttaṃ suṭṭhu katvā kathananti āha ‘‘hetunā’’ti. So ca hetu aviparīto eva icchitabboti āha ‘‘nayenā’’ti, ñāyenāti attho. Evaṃbhūto ca so yathādhippetatthaṃ karoti sādhetīti dassento āha ‘‘kāraṇenā’’ti. Yadi tiracchānasīhassa nādo sabbatiracchānaekaccamanussāmanussanādato seṭṭhattā seṭṭhanādo, kimaṅgaṃ pana tathāgatasīhanādoti āha ‘‘sīhanādanti seṭṭhanāda’’nti. Yadi tiracchānasīhanādassa seṭṭhanādatā nibbhayatāya appaṭisattutāya icchitā, tathāgatasīhanādasseva ayamattho sātisayoti āha ‘‘abhītanādaṃ appaṭināda’’nti. Idānissa seṭṭhanādabhāvaṃ kāraṇena paṭipādento ‘‘imesañhī’’tiādimāha. Tena ‘‘sammā’’ti vuttamatthaṃ samattheti. Tattha atthitāyāti iminā sīhanādassa uttamatthataṃ dasseti. Bhūtaṭṭho hi uttamaṭṭho. Tāya eva bhūtaṭṭhatāya abhītanādatāti dassento ‘‘ime samaṇā…pe… nāma hotī’’ti āha. Abhūtañhi vadato kutoci bhayaṃ vā āsaṅkā vā siyāti ‘‘idhevā’’ti niyamassa aviparītataṃ dassento ‘‘amhākampi…pe… appaṭinādo nāma hotī’’ti āha. Yañhi aññatthāpi atthi, taṃ idhevāti avadhāretuṃ na yuttanti.
140. код̇и авад̇хааран̣з. д̇зна виж̇ж̇ад̇и зваад̇и д̣̇ассзд̇и. яанд̇и гаран̣ад̇т̇з бажжад̇д̇анд̇и ааха ‘‘язна гааран̣знаа’’д̇и. д̇ид̇т̇ам̣ наама д̣̇ваасадти д̣̇идтияо д̇аб̣б̣инимуд̇д̇асса гассажи д̣̇идтивибпанд̣̇ид̇асса абхаавад̇о. баараг̇аманасан̇каад̇ам̣ д̇аран̣ам̣ д̣̇идтиг̇ад̇игаанам̣ (а. ни. дий. 2.3.62) д̇ад̇т̇а д̇ад̇т̇зва абараабарам̣ уммуж̇ж̇ананимуж̇ж̇анавасзна билавананд̇и ааха ‘‘д̇аранд̇и уббалаванд̇ий’’д̇и. уббаад̣̇зд̇аад̇и бууран̣аад̣̇иго. д̇ид̇т̇з ж̇аад̇аад̇и д̇ид̇т̇ияаа, яат̇аавуд̇д̇ам̣ ваа д̣̇идтиг̇ад̇асан̇каад̇ам̣ д̇ид̇т̇ам̣ зд̇зсам̣ ад̇т̇ийд̇и д̇ид̇т̇игаа, д̇ид̇т̇игаа зва д̇ид̇т̇ияаа. ассасанд̇и зд̇т̇а, зд̇знаад̇и ваа ассаасо, авассаяо.
140.Khoti avadhāraṇe. Tena vijjati evāti dasseti. Yanti karaṇatthe paccattanti āha ‘‘yena kāraṇenā’’ti. Titthaṃ nāma dvāsaṭṭhi diṭṭhiyo tabbinimuttassa kassaci diṭṭhivipphanditassa abhāvato. Pāragamanasaṅkhātaṃ taraṇaṃ diṭṭhigatikānaṃ (a. ni. ṭī. 2.3.62) tattha tattheva aparāparaṃ ummujjananimujjanavasena pilavananti āha ‘‘taranti uppalavantī’’ti. Uppādetāti pūraṇādiko. Titthe jātāti titthiyā, yathāvuttaṃ vā diṭṭhigatasaṅkhātaṃ titthaṃ etesaṃ atthīti titthikā, titthikā eva titthiyā. Assasanti ettha, etenāti vā assāso, avassayo.
багад̇ад̇т̇анид̣̇д̣̇зсо яам̣-д̇ам̣-сад̣̇д̣̇од̇и д̇асса ‘‘бхаг̇авад̇аа’’д̇иаад̣̇ийхи бад̣̇зхи самаанаад̇хигаран̣абхаавзна вуд̇д̇асса язна абхисамб̣уд̣̇д̇хабхаавзна бхаг̇аваа багад̇о сад̇т̇убхаавзна ад̇хиг̇ад̇о субаагадо жа, д̇ам̣ абхисамб̣уд̣̇д̇хабхаавам̣ сад̣̇д̇хим̣ ааг̇аманабадибад̣̇ааяа ад̇т̇абхаавзна д̣̇ассзнд̇о ‘‘яо со…бз… абхисамб̣уд̣̇д̇хо’’д̇и ааха. сад̇иби н̃аан̣ад̣̇ассанасад̣̇д̣̇аанам̣ ид̇ха бан̃н̃аавзважанабхаавз д̇зна д̇зна висзсзна нзсам̣ сависаяз висзсаббавад̇д̇ид̣̇ассанад̇т̇ам̣ (саарад̇т̇а. дий. бариваара 3.1) асаад̇хааран̣ависзсавасзна виж̇ж̇аад̇д̇аяавасзна виж̇ж̇аабхин̃н̃аанааваран̣авасзна саб̣б̣ан̃н̃уд̇ан̃н̃аан̣амам̣сажагкувасзна бадивзд̇хад̣̇зсанаан̃аан̣авасзна жа д̇з яож̇зд̇ваа д̣̇ассзнд̇о ‘‘д̇зсам̣ д̇зса’’нд̇иаад̣̇имааха. д̇ад̇т̇а аасаяаанусаяам̣ ж̇аанад̇аа аасаяаанусаяан̃аан̣зна, саб̣б̣ам̣ н̃зяяад̇хаммам̣ бассад̇аа саб̣б̣ан̃н̃уд̇аанааваран̣ан̃аан̣зхи. буб̣б̣зниваасаад̣̇ийхийд̇и буб̣б̣зниваасааасавагкаяан̃аан̣зхи. анан̃н̃асаад̇хааран̣абун̃н̃аанубхааваниб̣б̣ад̇д̇о ануд̇д̇аран̃аан̣аад̇хиг̇амалад̣̇д̇хабураавад̇д̇аго жа бхаг̇авад̇о руубагааяо ад̇иггаммзва д̣̇зваанам̣ д̣̇зваанубхаавам̣ вад̇д̇ад̇ийд̇и ааха ‘‘саб̣б̣асад̇д̇аанам̣…бз… бассад̇аа’’д̇и. бадивзд̇хабан̃н̃ааяаад̇и маг̇г̇абан̃н̃ааяа. д̇ааяа хи саб̣б̣асо н̃зяяад̇хаммзсу саммохасса вид̇хамид̇ад̇д̇аа бажчаа бавад̇д̇аж̇аананам̣ д̇асса ж̇аананам̣ вияа вужжад̇и.
Pakatatthaniddeso yaṃ-taṃ-saddoti tassa ‘‘bhagavatā’’tiādīhi padehi samānādhikaraṇabhāvena vuttassa yena abhisambuddhabhāvena bhagavā pakato satthubhāvena adhigato supākaṭo ca, taṃ abhisambuddhabhāvaṃ saddhiṃ āgamanapaṭipadāya atthabhāvena dassento ‘‘yo so…pe… abhisambuddho’’ti āha. Satipi ñāṇadassanasaddānaṃ idha paññāvevacanabhāve tena tena visesena nesaṃ savisaye visesappavattidassanatthaṃ (sārattha. ṭī. parivāra 3.1) asādhāraṇavisesavasena vijjāttayavasena vijjābhiññānāvaraṇavasena sabbaññutaññāṇamaṃsacakkhuvasena paṭivedhadesanāñāṇavasena ca te yojetvā dassento ‘‘tesaṃ tesa’’ntiādimāha. Tattha āsayānusayaṃ jānatā āsayānusayañāṇena, sabbaṃ ñeyyadhammaṃ passatā sabbaññutānāvaraṇañāṇehi. Pubbenivāsādīhīti pubbenivāsaāsavakkhayañāṇehi. Anaññasādhāraṇapuññānubhāvanibbatto anuttarañāṇādhigamaladdhapurāvattako ca bhagavato rūpakāyo atikkammeva devānaṃ devānubhāvaṃ vattatīti āha ‘‘sabbasattānaṃ…pe… passatā’’ti. Paṭivedhapaññāyāti maggapaññāya. Tāya hi sabbaso ñeyyadhammesu sammohassa vidhamitattā pacchā pavattajānanaṃ tassa jānanaṃ viya vuccati.
арийнанд̇и гилзсаарийнам̣, бан̃жавид̇хамаараанам̣ ваа саасанабажжад̇т̇игаанам̣ ваа ан̃н̃ад̇ид̇т̇ияаанам̣, д̇зсам̣ хананам̣ баадихаариязхи абхибхаванам̣ аббадибхаанад̇аагаран̣ам̣ аж̇жхубзгканам̣ ваа. гзсивинаяасуд̇д̇ан̃жзд̇т̇а (а. ни. 4.111) нид̣̇ассанам̣. д̇ат̇аа жа таанаадтаанаад̣̇ийни ваа ж̇аанад̇аа, яат̇аагаммубаг̇з сад̇д̇з бассад̇аа, саваасанаанамаасаваанам̣ кийн̣ад̇д̇аа арахад̇аа, абхин̃н̃зяяаад̣̇ибхзд̣̇з д̇хаммз абхин̃н̃зяяаад̣̇ид̇о авибарийд̇ааваб̣од̇хзна саммаасамб̣уд̣̇д̇хзна. ат̇а ваа д̇ийсу гаалзсу аббадихад̇ан̃аан̣ад̇ааяа ж̇аанад̇аа, гааяагаммаад̣̇ийнам̣ н̃аан̣аанубаривад̇д̇анзна нисаммагаарид̇ааяа бассад̇аа, раваад̣̇ийнамби (саарад̇т̇а. дий. бариваара 3.1) абхаавасаад̇хигааяа бахаанасамбад̣̇ааяа арахад̇аа, чанд̣̇аад̣̇ийнам̣ ахаанихзд̇убхууд̇ааяа агкаяабадибхаанасаад̇хигааяа саб̣б̣ан̃н̃уд̇ааяа саммаасамб̣уд̣̇д̇хзна. звам̣ д̣̇асаб̣алаадтаарасаавзн̣игаб̣уд̣̇д̇хад̇хаммавасзнаби яож̇анаа взд̣̇ид̇аб̣б̣аа. язд̇и жад̇уро д̇хаммз. ад̇д̇анийд̇и амхзсу. на рааж̇арааж̇амахаамад̇д̇аад̣̇ийсу убад̇т̇амбхам̣ самбассамаанаа, на гааяаб̣алам̣ самбассамаанаад̇и яож̇анаа.
Arīnanti kilesārīnaṃ, pañcavidhamārānaṃ vā sāsanapaccatthikānaṃ vā aññatitthiyānaṃ, tesaṃ hananaṃ pāṭihāriyehi abhibhavanaṃ appaṭibhānatākaraṇaṃ ajjhupekkhanaṃ vā. Kesivinayasuttañcettha (a. ni. 4.111) nidassanaṃ. Tathā ca ṭhānāṭṭhānādīni vā jānatā, yathākammupage satte passatā, savāsanānamāsavānaṃ khīṇattā arahatā, abhiññeyyādibhede dhamme abhiññeyyādito aviparītāvabodhena sammāsambuddhena. Atha vā tīsu kālesu appaṭihatañāṇatāya jānatā, kāyakammādīnaṃ ñāṇānuparivattanena nisammakāritāya passatā, ravādīnampi (sārattha. ṭī. parivāra 3.1) abhāvasādhikāya pahānasampadāya arahatā, chandādīnaṃ ahānihetubhūtāya akkhayapaṭibhānasādhikāya sabbaññutāya sammāsambuddhena. Evaṃ dasabalaaṭṭhārasāveṇikabuddhadhammavasenapi yojanā veditabbā. Yeti caturo dhamme. Attanīti amhesu. Na rājarājamahāmattādīsu upatthambhaṃ sampassamānā, na kāyabalaṃ sampassamānāti yojanā.
уббаннабасаад̣̇од̇и авзжжаббасаад̣̇ам̣ вад̣̇ад̇и. вагкад̇и хи ‘‘жад̇д̇аари сод̇аабаннасса ан̇г̇аани гат̇ид̇ааний’’д̇и (ма. ни. адта. 1.140). гаамам̣ асзгкааби асзгкааяа самасигкад̇ааяа сахад̇хаммигаа зва, жин̣н̣аб̣рахмажарияад̇ааяа бана сахад̇хаммам̣ жаранд̇ийд̇и на вад̇д̇аб̣б̣аад̇и асзгкавааро на г̇ахид̇о. саб̣б̣збзд̇зд̇и зд̇з яат̇аавуд̇д̇аа бхигкуаад̣̇аяо сод̇аабаннаад̣̇аяо жа бут̇уж̇ж̇анаа арияаа жаад̇и саб̣б̣зби зд̇з д̇ам̣д̇ам̣сигкаахи самаанад̇хаммад̇д̇аа сахад̇хаммад̇д̇аа ‘‘сахад̇хаммигаа’’д̇и вужжанд̇и. ид̣̇аани ниб̣б̣ад̇д̇ид̇аарияад̇хаммавасзнзва сахад̇хаммигз д̣̇ассзнд̇о ‘‘абижаа’’д̇иаад̣̇имааха. маг̇г̇ад̣̇ассанамхийд̇и барин̃н̃аабхисамаяаад̣̇ивасзна сажжабадивзд̇хзна ‘‘нава маг̇г̇ан̇г̇аани, адта б̣ож̇жхан̇г̇ааний’’д̇иаад̣̇инаа виваад̣̇о над̇т̇и. згад̇хаммажаарид̇ааяаад̇и самаанад̇хаммажаарид̇ааяа. на хи бадивид̣̇д̇хасажжаанам̣ ‘‘маяаа д̇хаммо суд̣̇идто, д̇аяаа д̣̇уд̣̇д̣̇идто’’д̇иаад̣̇инаа виваад̣̇о ад̇т̇и. д̣̇идтисийласааман̃н̃зна сан̇гхаад̇аа хи д̇з уд̇д̇амабурисаа. иминаад̇и ‘‘сахад̇хаммигаа ко банаа’’д̇иаад̣̇иважанзна. д̇ад̇т̇а бияаманаабаг̇г̇ахан̣зна сийлзсу барибуурагаарид̇аабад̣̇зсзна згад̣̇зсзна г̇ахид̇ам̣ сан̇гхасуббадибад̇д̇им̣ барибун̣н̣ам̣ гад̇ваа д̣̇ассзд̇и. яз хи самбаннасийлаа сувисуд̣̇д̇хад̣̇ассанаа, д̇з вин̃н̃уунам̣ бияаа манаабаад̇и. зд̇д̇аавад̇аад̇и ‘‘ад̇т̇и ко но аавусо’’д̇иаад̣̇инаяаббавад̇д̇зна рад̇анад̇д̇аяабасаад̣̇аж̇од̇анзна агкаад̇аа д̇зсу д̇зсу суд̇д̇абад̣̇зсзсу.
Uppannapasādoti aveccappasādaṃ vadati. Vakkhati hi ‘‘cattāri sotāpannassa aṅgāni kathitānī’’ti (ma. ni. aṭṭha. 1.140). Kāmaṃ asekkhāpi asekkhāya samasikkhatāya sahadhammikā eva, ciṇṇabrahmacariyatāya pana sahadhammaṃ carantīti na vattabbāti asekkhavāro na gahito. Sabbepeteti ete yathāvuttā bhikkhuādayo sotāpannādayo ca puthujjanā ariyā cāti sabbepi ete taṃtaṃsikkhāhi samānadhammattā sahadhammattā ‘‘sahadhammikā’’ti vuccanti. Idāni nibbattitaariyadhammavaseneva sahadhammike dassento ‘‘apicā’’tiādimāha. Maggadassanamhīti pariññābhisamayādivasena saccapaṭivedhena ‘‘nava maggaṅgāni, aṭṭha bojjhaṅgānī’’tiādinā vivādo natthi. Ekadhammacāritāyāti samānadhammacāritāya. Na hi paṭividdhasaccānaṃ ‘‘mayā dhammo sudiṭṭho, tayā duddiṭṭho’’tiādinā vivādo atthi. Diṭṭhisīlasāmaññena saṅghātā hi te uttamapurisā. Imināti ‘‘sahadhammikā kho panā’’tiādivacanena. Tattha piyamanāpaggahaṇena sīlesu paripūrakāritāpadesena ekadesena gahitaṃ saṅghasuppaṭipattiṃ paripuṇṇaṃ katvā dasseti. Ye hi sampannasīlā suvisuddhadassanā, te viññūnaṃ piyā manāpāti. Ettāvatāti ‘‘atthi kho no āvuso’’tiādinayappavattena ratanattayapasādajotanena akkhātā tesu tesu suttapadesesu.
141. сад̇т̇ари басаад̣̇од̇и басаад̣̇аг̇г̇ахан̣зна ‘‘бхаг̇авад̇аа’’д̇иаад̣̇инаа ваа басаад̣̇анийяаа д̇хаммаа г̇ахид̇аа. д̇зна б̣уд̣̇д̇хасуб̣уд̣̇д̇хад̇ам̣ д̣̇ассзд̇и, д̇ат̇аа ‘‘д̇хаммз басаад̣̇о’’д̇и иминаа д̇хаммасуд̇хаммад̇ам̣, ид̇арзна сан̇гхасуббадибаннад̇ам̣. язна жид̇д̇зна ан̃н̃ад̇т̇а анубалаб̣бхамаанзна саасанзязва саман̣о ид̇о б̣ахид̣̇д̇хаа над̇т̇ийд̇и аяамад̇т̇о, саммад̣̇зва, бад̇идтаабид̇од̇и взд̣̇ид̇аб̣б̣ам̣. д̇ад̇рааяам̣ яож̇анаа – яасмаа саммаасамб̣уд̣̇д̇хо амхаагам̣ сад̇т̇аа, д̇асмаа ад̇т̇и ко но, аавусо, сад̇т̇ари басаад̣̇о, саммаасамб̣уд̣̇д̇хад̇д̇аа жасса сваакаад̇о д̇хаммод̇и ад̇т̇и д̇хаммз басаад̣̇о, д̇ад̇о зва жа ад̇т̇и сийлзсу барибуурагаарид̇аад̇и сахад̇хаммигаа…бз… баб̣б̣аж̇ид̇аа жаад̇и звамзд̇т̇а сад̇т̇ари басаад̣̇зна д̇хаммз басаад̣̇о, д̇зна сан̇гхасуббадибад̇д̇ийд̇и аяан̃жа наяо лзсзнаби бараббаваад̣̇зсу над̇т̇ийд̇и ид̇хзва саман̣о…бз… саман̣зхи ан̃н̃зхийд̇и.
141.Satthari pasādoti pasādaggahaṇena ‘‘bhagavatā’’tiādinā vā pasādanīyā dhammā gahitā. Tena buddhasubuddhataṃ dasseti, tathā ‘‘dhammepasādo’’ti iminā dhammasudhammataṃ, itarena saṅghasuppaṭipannataṃ. Yena cittena aññattha anupalabbhamānena sāsaneyeva samaṇo ito bahiddhā natthīti ayamattho, sammadeva, patiṭṭhāpitoti veditabbaṃ. Tatrāyaṃ yojanā – yasmā sammāsambuddho amhākaṃ satthā, tasmā atthi kho no, āvuso, satthari pasādo, sammāsambuddhattā cassa svākhāto dhammoti atthi dhamme pasādo, tato eva ca atthi sīlesu paripūrakāritāti sahadhammikā…pe… pabbajitā cāti evamettha satthari pasādena dhamme pasādo, tena saṅghasuppaṭipattīti ayañca nayo lesenapi parappavādesu natthīti idheva samaṇo…pe… samaṇehi aññehīti.
бадивид̣̇д̇хасажжаанам̣ бахийнаанурод̇хаанам̣ г̇зхассид̇абзмасса асамбхаво зваад̇и ‘‘ид̣̇ааний’’д̇и вуд̇д̇ам̣. яад̣̇и звам̣ ‘‘убаж̇жхааязна, бхигкавз, сад̣̇д̇хивихааригамхи буд̇д̇абзмам̣ убадтабзд̇аб̣б̣ам̣’’д̇иаад̣̇иважанам̣ (махаава. 65) гат̇анд̇и? наяид̣̇ам̣ г̇зхассид̇абзмам̣ санд̇хааяа вуд̇д̇ам̣, д̇ам̣сад̣̇исад̇д̇аа бана бзмамукзна вуд̇д̇о мзд̇д̇ааснзхо. на хи бхаг̇аваа бхигкуу сам̣гилзсз нияож̇зд̇и. зваруубам̣ бзмам̣ санд̇хааяаад̇и басаад̣̇аавахаг̇ун̣аавахад̇о бууран̣аад̣̇ийсу бхад̇д̇и басаад̣̇о на ход̇и, басаад̣̇абад̇ируубагаа бана лобхабавад̇д̇ийд̇и д̣̇адтаб̣б̣аа. т̇зрод̇и махаасан̇гхарагкид̇ад̇т̇зро. язна адтагат̇аа бод̇т̇агам̣ ааробид̇аа. згова сад̇т̇аа анан̃н̃асаад̇хааран̣аг̇ун̣ад̇д̇аа, ан̃н̃ат̇аа анажчарияад̇д̇аа сад̇т̇улагкан̣амзва на барибуурзяяа. висум̣ гад̇ваад̇и ан̃н̃зхи вивзжзд̇ваа ад̇д̇ано аавзн̣игам̣ гад̇ваа. ‘‘амхаагам̣ сад̇т̇аа’’д̇и б̣яаавад̣̇анд̇аанам̣ ан̃н̃зсам̣ сад̇т̇аа на ход̇ийд̇и ад̇т̇ад̇о аабаннамзва ход̇и, д̇ат̇аа жа бад̣̇зсавад̇д̇иним̣ д̇асса сад̇т̇уд̇ам̣ бадиж̇аананд̇аа барибун̣н̣алагкан̣асад̇т̇уд̇ам̣ ижчанд̇аанамби д̇ад̇о вируд̣̇д̇хаа сад̇т̇убхаавабариязсанзна барааж̇ид̇аа хонд̇и. барияад̇д̇ид̇хаммзд̇и ад̇хигаб̣рахмаг̇ун̣асуд̇д̇аг̇зяяаад̣̇иббабхзд̣̇асамаяз. д̇ад̇т̇а аж̇асийла…бз… гуггурасийлаад̣̇ийсууд̇и ид̣̇ам̣ язбхуяязна ан̃н̃ад̇ид̇т̇ияаанам̣ д̇аад̣̇исам̣ вад̇асамаад̣̇аанасаб̣бхаавад̇о вуд̇д̇ам̣, аад̣̇и-сад̣̇д̣̇зна яаманияамажаад̇уяаамасам̣вараад̣̇ийнам̣ сан̇г̇аход̇и. ад̇хиббаяаасод̇и ад̇хигам̣ баяасад̇и баяуж̇ж̇ад̇и зд̇знаад̇и ад̇хиббаяаасо, сависзсам̣ ад̇хигад̇д̇аб̣б̣агирияаа (а. ни. дий. 2.3.117). д̇знааха ‘‘ад̇хигаббаяог̇о’’д̇и.
Paṭividdhasaccānaṃ pahīnānurodhānaṃ gehassitapemassa asambhavo evāti ‘‘idānī’’ti vuttaṃ. Yadi evaṃ ‘‘upajjhāyena, bhikkhave, saddhivihārikamhi puttapemaṃ upaṭṭhapetabbaṃ’’tiādivacanaṃ (mahāva. 65) kathanti? Nayidaṃ gehassitapemaṃ sandhāya vuttaṃ, taṃsadisattā pana pemamukhena vutto mettāsneho. Na hi bhagavā bhikkhū saṃkilese niyojeti. Evarūpaṃ pemaṃ sandhāyāti pasādāvahaguṇāvahato pūraṇādīsu bhatti pasādo na hoti, pasādapatirūpakā pana lobhapavattīti daṭṭhabbā. Theroti mahāsaṅgharakkhitatthero. Yena aṭṭhakathā potthakaṃ āropitā. Ekova satthā anaññasādhāraṇaguṇattā, aññathā anacchariyattā satthulakkhaṇameva na paripūreyya. Visuṃ katvāti aññehi vivecetvā attano āveṇikaṃ katvā. ‘‘Amhākaṃ satthā’’ti byāvadantānaṃ aññesaṃ satthā na hotīti atthato āpannameva hoti, tathā ca padesavattiniṃ tassa satthutaṃ paṭijānantā paripuṇṇalakkhaṇasatthutaṃ icchantānampi tato viruddhā satthubhāvapariyesanena parājitā honti. Pariyattidhammeti adhikabrahmaguṇasuttageyyādippabhedasamaye. Tattha ajasīla…pe… kukkurasīlādīsūti idaṃ yebhuyyena aññatitthiyānaṃ tādisaṃ vatasamādānasabbhāvato vuttaṃ, ādi-saddena yamaniyamacātuyāmasaṃvarādīnaṃ saṅgahoti. Adhippayāsoti adhikaṃ payasati payujjati etenāti adhippayāso, savisesaṃ adhikattabbakiriyā (a. ni. ṭī. 2.3.117). Tenāha ‘‘adhikappayogo’’ti.
д̇асса басаад̣̇асса барияосаанабхууд̇аад̇и д̇асса сад̇т̇ари д̇хаммз жа басаад̣̇асса нидтаанабхууд̇аа. нидтаад̇и могко. самаяаваад̣̇ийнан̃хи д̇асмим̣ д̇асмим̣ самаяз д̇ад̣̇убад̣̇зсагз жа басаад̣̇о яаавад̣̇зва могкаад̇хиг̇аманадто. д̣̇идтиг̇ад̇игаа д̇ат̇аа д̇ат̇аа ад̇д̇ано лад̣̇д̇хивасзна нидтам̣ баригаббзнд̇и язваад̇и ааха ‘‘нидтам̣ абан̃н̃абзнд̇о наама над̇т̇ий’’д̇и. б̣раахман̣аананд̇и б̣раахман̣аваад̣̇ийнам̣. д̇зсам̣ згажжз б̣рахмунаа салогад̇аа нидтаад̇и вад̣̇анд̇и, згажжз д̇асса самийбад̇аа, згажжз д̇зна сам̣яог̇о нидтаад̇и вад̣̇анд̇и. д̇ад̇т̇а яз салогад̇ааваад̣̇ино самийбад̇ааваад̣̇ино жа, д̇з д̣̇взд̇хааваад̣̇ино, ид̇арз ад̣̇взд̇хааваад̣̇ино. саб̣б̣зби д̇з ад̇т̇ад̇о б̣рахмалогубабад̇д̇ияам̣язва нидтаасан̃н̃ино. д̇ад̇т̇а хи нзсам̣ нижжаабхинивзсо яат̇аа д̇ам̣ б̣агасса б̣рахмуно. д̇зна вуд̇д̇ам̣ ‘‘б̣рахмалого нидтаа’’д̇и. б̣рахмалогод̇и батамаж̇жхаанабхууми. махаад̇аабасаананд̇и взканасаад̣̇ид̇аабасаанам̣. махааб̣рахмаа вияа батамаж̇жхаанабхуумияам̣ аабхассарзсу зго саб̣б̣асздто над̇т̇ийд̇и ‘‘аабхассараа’’д̇и бут̇уважанам̣. бариб̣б̣ааж̇агаананд̇и сан̃жаяаад̣̇ибариб̣б̣ааж̇агаанам̣. анд̇о жа мано жа зд̇асса над̇т̇ийд̇и ананд̇амаанасо. ааж̇ийвагаанан̃хи саб̣б̣ад̣̇аабхаавад̇о ананд̇о, сукад̣̇угкаад̣̇исамад̇иггаманад̇о амаанасо. иминаа адтахи логад̇хаммзхи убаггилидтажид̇д̇ад̇ам̣ д̣̇ассзд̇и.
Tassapasādassa pariyosānabhūtāti tassa satthari dhamme ca pasādassa niṭṭhānabhūtā. Niṭṭhāti mokkho. Samayavādīnañhi tasmiṃ tasmiṃ samaye tadupadesake ca pasādo yāvadeva mokkhādhigamanaṭṭho. Diṭṭhigatikā tathā tathā attano laddhivasena niṭṭhaṃ parikappenti yevāti āha ‘‘niṭṭhaṃ apaññapento nāma natthī’’ti. Brāhmaṇānanti brāhmaṇavādīnaṃ. Tesaṃ ekacce brahmunā salokatā niṭṭhāti vadanti, ekacce tassa samīpatā, ekacce tena saṃyogo niṭṭhāti vadanti. Tattha ye salokatāvādino samīpatāvādino ca, te dvedhāvādino, itare advedhāvādino. Sabbepi te atthato brahmalokupapattiyaṃyeva niṭṭhāsaññino. Tattha hi nesaṃ niccābhiniveso yathā taṃ bakassa brahmuno. Tena vuttaṃ ‘‘brahmaloko niṭṭhā’’ti. Brahmalokoti paṭhamajjhānabhūmi. Mahātāpasānanti vekhanasāditāpasānaṃ. Mahābrahmā viya paṭhamajjhānabhūmiyaṃ ābhassaresu eko sabbaseṭṭho natthīti ‘‘ābhassarā’’ti puthuvacanaṃ. Paribbājakānanti sañcayādiparibbājakānaṃ. Anto ca mano ca etassa natthīti anantamānaso. Ājīvakānañhi sabbadābhāvato ananto, sukhadukkhādisamatikkamanato amānaso. Iminā aṭṭhahi lokadhammehi upakkiliṭṭhacittataṃ dasseti.
бабан̃жз яам̣ вад̇д̇аб̣б̣ам̣, д̇ам̣ хздтаа вуд̇д̇амзва. д̇ан̣хаад̣̇идтияова ад̇хиббзд̇аа маман̇гаараахан̇гааравиг̇амасса ад̇хиббзд̇ад̇д̇аа. яат̇аа бан̃жасу таанзсу згова гилзсо лобхо ааг̇ад̇о, звам̣ д̣̇вийсу таанзсу д̇аяо гилзсаа ааг̇ад̇аа ‘‘д̣̇осо мохо д̣̇идтий’’д̇и. ‘‘сад̣̇осассаа’’д̇и хи вуд̇д̇адтаанз бадигхам̣ агусаламуулам̣ г̇ахид̇ам̣, ‘‘бадивируд̣̇д̇хассаа’’д̇и вирод̇хо, ‘‘самохассаа’’д̇и мохо агусаламуулам̣, ‘‘авид̣̇д̣̇асуно’’д̇и маляам̣, асамбаж̇ан̃н̃ам̣ ваа, ‘‘саубаад̣̇аанассаа’’д̇и ‘‘над̇т̇и д̣̇инна’’нд̇иаад̣̇инаа наязна г̇ахан̣ам̣, ‘‘бабан̃жаараамассаа’’д̇и бабан̃жуббад̇д̇ивасзна.
Papañce yaṃ vattabbaṃ, taṃ heṭṭhā vuttameva. Taṇhādiṭṭhiyova adhippetā mamaṅkāraahaṅkāravigamassa adhippetattā. Yathā pañcasu ṭhānesu ekova kileso lobho āgato, evaṃ dvīsu ṭhānesu tayo kilesā āgatā ‘‘doso moho diṭṭhī’’ti. ‘‘Sadosassā’’ti hi vuttaṭṭhāne paṭighaṃ akusalamūlaṃ gahitaṃ, ‘‘paṭiviruddhassā’’ti virodho, ‘‘samohassā’’ti moho akusalamūlaṃ, ‘‘aviddasuno’’ti malyaṃ, asampajaññaṃ vā, ‘‘saupādānassā’’ti ‘‘natthi dinna’’ntiādinā nayena gahaṇaṃ, ‘‘papañcārāmassā’’ti papañcuppattivasena.
аагаарад̇од̇и бавад̇д̇иаагаарад̇о. бад̣̇анд̇арзна рааг̇ависзсасса вужжамаанад̇д̇аааад̣̇ид̇о вуд̇д̇ам̣ сарааг̇аважанам̣ ол̣ааригам̣ рааг̇ависаяанд̇и ааха ‘‘бан̃жагаамаг̇ун̣игарааг̇авасзнаа’’д̇и. г̇ахан̣авасзнаад̇и д̣̇ал̣хаг̇г̇ахан̣авасзна. ‘‘ануруд̣̇д̇хабадивируд̣̇д̇хассаа’’д̇и згабад̣̇авасзна баал̣ияам̣ ааг̇ад̇ад̇д̇аа згаж̇жхам̣ бад̣̇уд̣̇д̇хааро гад̇о. д̇ад̇т̇а бана ‘‘ануруд̣̇д̇хассаа’’д̇и субхавасзнаад̇и звамад̇т̇о вад̇д̇аб̣б̣о. на хи бадивируж̇жханам̣ субхавасзна ход̇и. бабан̃жуббад̇д̇ид̣̇ассанавасзнаад̇и гилзсагаммавибаагаанам̣ абараабаруббад̇д̇ибажжаяад̇ааяа сам̣саарасса бабан̃жанам̣ бабан̃жо, д̇асса уббад̇д̇ихзд̇убхаавад̣̇ассанавасзна. д̇ан̣хаа хи бхавуббад̇д̇ияаа висзсабажжаяо. д̇ан̣хаабажжаяаа убаад̣̇аанад̣̇ассанавасзнаад̇и д̇ан̣хаабажжаяасса убаад̣̇аанасса д̣̇ассанавасзна, яад̣̇авад̇т̇аа д̇ан̣хаа убаад̣̇аанасса бажжаяо, д̇ад̣̇авад̇т̇аад̣̇ассанавасзна. палзна хи хзд̇увисзсагид̇д̇анамзд̇анд̇и. звам̣ вид̣̇д̇хам̣сзт̇аад̇и гаамарааг̇абхавад̇ан̣хаад̣̇ивасзна лобхам̣ гасмаа звам̣ виббагирзт̇а. д̇ан̣хаагаран̣авасзнаад̇и д̇ан̣хааяанагаран̣авасзна субхаагаараг̇г̇ахан̣авасзна. субханд̇и хи аарамман̣з бавад̇д̇о рааг̇о ‘‘субха’’нд̇и вуд̇д̇о.
Ākāratoti pavattiākārato. Padantarena rāgavisesassa vuccamānattāādito vuttaṃ sarāgavacanaṃ oḷārikaṃ rāgavisayanti āha ‘‘pañcakāmaguṇikarāgavasenā’’ti. Gahaṇavasenāti daḷhaggahaṇavasena. ‘‘Anuruddhapaṭiviruddhassā’’ti ekapadavasena pāḷiyaṃ āgatattā ekajjhaṃ paduddhāro kato. Tattha pana ‘‘anuruddhassā’’ti subhavasenāti evamattho vattabbo. Na hi paṭivirujjhanaṃ subhavasena hoti. Papañcuppattidassanavasenāti kilesakammavipākānaṃ aparāparuppattipaccayatāya saṃsārassa papañcanaṃ papañco, tassa uppattihetubhāvadassanavasena. Taṇhā hi bhavuppattiyā visesapaccayo. Taṇhāpaccayā upādānadassanavasenāti taṇhāpaccayassa upādānassa dassanavasena, yadavatthā taṇhā upādānassa paccayo, tadavatthādassanavasena. Phalena hi hetuvisesakittanametanti. Evaṃ viddhaṃsethāti kāmarāgabhavataṇhādivasena lobhaṃ kasmā evaṃ vippakiretha. Taṇhākaraṇavasenāti taṇhāyanakaraṇavasena subhākāraggahaṇavasena. Subhanti hi ārammaṇe pavatto rāgo ‘‘subha’’nti vutto.
142. вад̣̇анд̇и зд̇знаад̇и ваад̣̇о, д̣̇идтиваад̣̇о. д̣̇идтивасзна хи ‘‘сассад̇о ад̇д̇аа жа лого жа, асассад̇о ад̇д̇аа жа лого жаа’’д̇и жа д̣̇идтиг̇ад̇игаа бан̃н̃абзнд̇и. д̇знааха ‘‘д̣̇взмаа, бхигкавз, д̣̇идтияо’’д̇и (ма. ни. 1.142). д̇ан̣хаарахид̇ааяа д̣̇идтияаа абхаавад̇о д̇ан̣хаавасзнзва жа ад̇д̇ано сассад̇абхааваабхинивзсод̇и гад̇ваа вуд̇д̇ам̣ ‘‘д̇ан̣хаад̣̇идтивасзнаа’’д̇и. аллийнаад̇и ниссид̇аа. убаг̇ад̇аад̇и ависсаж̇ж̇анавасзна згибхаавамива г̇ад̇аа. аж̇жхосид̇аад̇и д̇ааяа д̣̇идтияаа г̇илид̇ваа баринидтаабид̇аа вияа д̇ад̣̇анд̇ог̇ад̇хаа. д̇знааха ‘‘анубавидтаа’’д̇и. яат̇аа г̇ахадтаанам̣ гаамаж̇жхосаанам̣ виваад̣̇амуулам̣, звам̣ баб̣б̣аж̇ид̇аанам̣ д̣̇идтаж̇жхосаананд̇и ааха ‘‘вибхавад̣̇идтияаа д̇з бадивируд̣̇д̇хаа’’д̇и. д̣̇идтивирод̇хзна хи д̣̇идтиг̇ад̇игавирод̇хо.
142. Vadanti etenāti vādo, diṭṭhivādo. Diṭṭhivasena hi ‘‘sassato attā ca loko ca, asassato attā ca loko cā’’ti ca diṭṭhigatikā paññapenti. Tenāha ‘‘dvemā, bhikkhave, diṭṭhiyo’’ti (ma. ni. 1.142). Taṇhārahitāya diṭṭhiyā abhāvato taṇhāvaseneva ca attano sassatabhāvābhinivesoti katvā vuttaṃ ‘‘taṇhādiṭṭhivasenā’’ti. Allīnāti nissitā. Upagatāti avissajjanavasena ekibhāvamiva gatā. Ajjhositāti tāya diṭṭhiyā gilitvā pariniṭṭhāpitā viya tadantogadhā. Tenāha ‘‘anupaviṭṭhā’’ti. Yathā gahaṭṭhānaṃ kāmajjhosānaṃ vivādamūlaṃ, evaṃ pabbajitānaṃ diṭṭhajjhosānanti āha ‘‘vibhavadiṭṭhiyā te paṭiviruddhā’’ti. Diṭṭhivirodhena hi diṭṭhigatikavirodho.
кан̣игасамуд̣̇аяо уббаад̣̇агкан̣од̇и ааха ‘‘д̣̇идтийнам̣ ниб̣б̣ад̇д̇ий’’д̇и. д̣̇идтиниб̣б̣ад̇д̇иг̇г̇ахан̣знзва жзд̇т̇а яат̇аа д̣̇идтийнам̣ бадижжасамуббаннад̇аа вибхаавид̇аа, звам̣ д̣̇идтивад̇т̇унобийд̇и убхаязсамби анижжад̇аа д̣̇угкад̇аа анад̇д̇ад̇аа жа вибхаавид̇аад̇и д̣̇адтаб̣б̣ам̣. яаани бадисамбхид̣̇аанаязна (бади. ма. 1.122) ‘‘бажжаяасамуд̣̇аяо адта таанааний’’д̇и вуд̇д̇аани, д̇аани д̣̇ассзнд̇о ‘‘канд̇хаабий’’д̇иаад̣̇имааха. д̇ад̇т̇а канд̇хааби д̣̇идтидтаанам̣ аарамман̣адтзна ‘‘руубам̣ ад̇д̇ад̇о саманубассад̇ий’’д̇иаад̣̇иважанад̇о (сам̣. ни. 3.81; 4.345). авиж̇ж̇ааби д̣̇идтидтаанам̣ убаниссаяаад̣̇ивасзна бажжаяабхаавад̇о. яат̇ааха – ‘‘ассуд̇аваа, бхигкавз, бут̇уж̇ж̇ано арияаанам̣ ад̣̇ассаавий арияад̇хаммасса аговид̣̇о’’д̇иаад̣̇и (ма. ни. 1.2, 461; сам̣. ни. 3.1, 7). пассоби д̣̇идтидтаанам̣. яат̇аа жааха ‘‘д̇ад̣̇аби пассабажжаяаа (д̣̇ий. ни. 1.118-130), пусса пусса бадисам̣взд̣̇ияанд̇ий’’д̇и (д̣̇ий. ни. 1.144) жа . сан̃н̃ааби д̣̇идтидтаанам̣. вуд̇д̇ан̃хзд̇ам̣ ‘‘сан̃н̃аанид̣̇аанаа хи бабан̃жасан̇каад̇и (су. ни. 880), бат̇авим̣ бат̇авид̇о сан̃н̃ад̇ваа’’д̇и (ма. ни. 1.2) жа аад̣̇и. вид̇аггоби д̣̇идтидтаанам̣. вуд̇д̇амби жзд̇ам̣ ‘‘д̇агган̃жа д̣̇идтийсу багаббаяид̇ваа, сажжам̣ мусаад̇и д̣̇ваяад̇хаммамаахуу’’д̇и (су. ни. 892; махаани. 121) ‘‘д̇аггий ход̇и виймам̣сий’’д̇и (д̣̇ий. ни. 1.34) жа аад̣̇и. аяонисоманасигаароби д̣̇идтидтаанам̣. яат̇ааха бхаг̇аваа ‘‘д̇ассзва аяонисо манасигарод̇о чаннам̣ д̣̇идтийнам̣ ан̃н̃ад̇араа д̣̇идти уббаж̇ж̇ад̇и, ад̇т̇и мз ад̇д̇аад̇и асса сажжад̇о т̇зд̇ад̇о д̣̇идти уббаж̇ж̇ад̇ий’’д̇иаад̣̇и (ма. ни. 1.19). самудтаад̇и зд̇знаад̇и самудтаанам̣, д̇асса бхааво самудтаанадто, д̇зна. кан̣игад̇т̇ан̇г̇амо кан̣иганирод̇хо. бажжаяад̇т̇ан̇г̇амо авиж̇ж̇аад̣̇ийнам̣ ажжанд̇анирод̇хо. со бана язна ход̇и, д̇ам̣ д̣̇ассзнд̇о ‘‘сод̇аабад̇д̇имаг̇г̇о’’д̇и ааха. жад̇д̇ааро хи арияамаг̇г̇аа яат̇аарахам̣ д̇асса д̇асса сан̇каараг̇ад̇асса ажжанд̇анирод̇хахзд̇у, кан̣иганирод̇хо бана ахзд̇уго.
Khaṇikasamudayo uppādakkhaṇoti āha ‘‘diṭṭhīnaṃ nibbattī’’ti. Diṭṭhinibbattiggahaṇeneva cettha yathā diṭṭhīnaṃ paṭiccasamuppannatā vibhāvitā, evaṃ diṭṭhivatthunopīti ubhayesampi aniccatā dukkhatā anattatā ca vibhāvitāti daṭṭhabbaṃ. Yāni paṭisambhidānayena (paṭi. ma. 1.122) ‘‘paccayasamudayo aṭṭha ṭhānānī’’ti vuttāni, tāni dassento ‘‘khandhāpī’’tiādimāha. Tattha khandhāpi diṭṭhiṭṭhānaṃ ārammaṇaṭṭhena ‘‘rūpaṃ attato samanupassatī’’tiādivacanato (saṃ. ni. 3.81; 4.345). Avijjāpi diṭṭhiṭṭhānaṃ upanissayādivasena paccayabhāvato. Yathāha – ‘‘assutavā, bhikkhave, puthujjano ariyānaṃ adassāvī ariyadhammassa akovido’’tiādi (ma. ni. 1.2, 461; saṃ. ni. 3.1, 7). Phassopi diṭṭhiṭṭhānaṃ. Yathā cāha ‘‘tadapi phassapaccayā (dī. ni. 1.118-130), phussa phussa paṭisaṃvediyantī’’ti (dī. ni. 1.144) ca . Saññāpi diṭṭhiṭṭhānaṃ. Vuttañhetaṃ ‘‘saññānidānā hi papañcasaṅkhāti (su. ni. 880), pathaviṃ pathavito saññatvā’’ti (ma. ni. 1.2) ca ādi. Vitakkopi diṭṭhiṭṭhānaṃ. Vuttampi cetaṃ ‘‘takkañca diṭṭhīsu pakappayitvā, saccaṃ musāti dvayadhammamāhū’’ti (su. ni. 892; mahāni. 121) ‘‘takkī hoti vīmaṃsī’’ti (dī. ni. 1.34) ca ādi. Ayonisomanasikāropi diṭṭhiṭṭhānaṃ. Yathāha bhagavā ‘‘tasseva ayoniso manasikaroto channaṃ diṭṭhīnaṃ aññatarā diṭṭhi uppajjati, atthi me attāti assa saccato thetato diṭṭhi uppajjatī’’tiādi (ma. ni. 1.19). Samuṭṭhāti etenāti samuṭṭhānaṃ, tassa bhāvo samuṭṭhānaṭṭho, tena. Khaṇikatthaṅgamo khaṇikanirodho. Paccayatthaṅgamo avijjādīnaṃ accantanirodho. So pana yena hoti, taṃ dassento ‘‘sotāpattimaggo’’ti āha. Cattāro hi ariyamaggā yathārahaṃ tassa tassa saṅkhāragatassa accantanirodhahetu, khaṇikanirodho pana ahetuko.
аанисам̣санд̇и уд̣̇аяам̣. со бана д̣̇идтад̇хаммигасамбарааяигавасзна д̣̇увид̇хо. д̇ад̇т̇а самбарааяиго д̣̇уг̇г̇ад̇ибаригилзсад̇ааяааад̣̇ийнавабагкиго зваад̇и ид̇арам̣ д̣̇ассзнд̇о ‘‘яам̣ санд̇хааяаа’’д̇иаад̣̇имааха. аад̣̇ийнавамби д̣̇идтад̇хаммигамзва д̣̇ассзнд̇о ‘‘д̣̇идтиг̇г̇ахан̣амуулагам̣ убад̣̇д̣̇ава’’нд̇иаад̣̇имааха. сод̇иаад̣̇ийнаво. аад̣̇ийнанд̇и аад̣̇и-сад̣̇д̣̇зна наг̇г̇ияаанасанасан̇гадивад̇аад̣̇ийнам̣ сан̇г̇ахо. ниссарад̇и зд̇знаад̇и ниссаран̣анд̇и вужжамаанз д̣̇ассанамаг̇г̇о зва д̣̇идтийнам̣ ниссаран̣ам̣ сияаа, д̇асса бана ад̇т̇ан̇г̇амабарияааязна г̇ахид̇ад̇д̇аа саб̣б̣асан̇кад̇аниссадам̣ ниб̣б̣аанам̣ д̣̇идтийхиби ниссаданд̇и гад̇ваа вуд̇д̇ам̣ ‘‘д̣̇идтийнам̣ ниссаран̣ам̣ наама ниб̣б̣аана’’нд̇и. иминаад̇иаад̣̇ийсу вад̇д̇аб̣б̣ам̣ ануяог̇авад̇д̇з вуд̇д̇анаяамзва.
Ānisaṃsanti udayaṃ. So pana diṭṭhadhammikasamparāyikavasena duvidho. Tattha samparāyiko duggatiparikilesatāyaādīnavapakkhiko evāti itaraṃ dassento ‘‘yaṃ sandhāyā’’tiādimāha. Ādīnavampi diṭṭhadhammikameva dassento ‘‘diṭṭhiggahaṇamūlakaṃ upaddava’’ntiādimāha. Sotiādīnavo. Ādīnanti ādi-saddena naggiyānasanasaṅkaṭivatādīnaṃ saṅgaho. Nissarati etenāti nissaraṇanti vuccamāne dassanamaggo eva diṭṭhīnaṃ nissaraṇaṃ siyā, tassa pana atthaṅgamapariyāyena gahitattā sabbasaṅkhatanissaṭaṃ nibbānaṃ diṭṭhīhipi nissaṭanti katvā vuttaṃ ‘‘diṭṭhīnaṃ nissaraṇaṃ nāma nibbāna’’nti. Iminātiādīsu vattabbaṃ anuyogavatte vuttanayameva.
143. д̣̇идтижчзд̣̇анам̣ д̣̇ассзнд̇од̇и саб̣б̣убаад̣̇аанабарин̃н̃аад̣̇ассанзна саб̣б̣асо д̣̇идтийнам̣ самужчзд̣̇авид̇хим̣ д̣̇ассзнд̇о. вуд̇д̇ааязваад̇и –
143.Diṭṭhicchedanaṃ dassentoti sabbupādānapariññādassanena sabbaso diṭṭhīnaṃ samucchedavidhiṃ dassento. Vuttāyevāti –
‘‘убаад̣̇аанаани жад̇д̇аари, д̇аани ад̇т̇авибхааг̇ад̇о;
‘‘Upādānāni cattāri, tāni atthavibhāgato;
д̇хаммасан̇кзбавид̇т̇аараа, гамад̇о жа вибхааваяз’’д̇и. (висуд̣̇д̇хи. 2.645) –
Dhammasaṅkhepavitthārā, kamato ca vibhāvaye’’ti. (visuddhi. 2.645) –
г̇аат̇ам̣ уд̣̇д̣̇исид̇ваа ад̇т̇авибхааг̇аад̣̇ивасзна вуд̇д̇ааязва. гаамам̣ ид̇о б̣аахирагаанам̣ ‘‘имаани убаад̣̇аанаани зд̇д̇агаани жад̇д̇аари, на ид̇о бхияяо’’д̇и ийд̣̇исам̣ н̃аан̣ам̣ над̇т̇и, гзвалам̣ бана гзжи ‘‘гаамаа бахаад̇аб̣б̣аа’’д̇и вад̣̇анд̇и, гзжи ‘‘над̇т̇и баро логод̇и жа, мижчаа’’д̇и вад̣̇анд̇и, абарз ‘‘сийлаб̣б̣ад̇зна суд̣̇д̇хийд̇и жа, мижчаа’’д̇и вад̣̇анд̇и, ад̇д̇ад̣̇идтияаа бана мижчаабхаавам̣ саб̣б̣асо на ж̇аананд̇и зва. яад̇д̇агам̣ бана ж̇аананд̇и, д̇ассаби ажжанд̇аббахаанам̣ на ж̇аананд̇и, д̇ат̇ааби саб̣б̣асса барин̃н̃зяяасса барин̃н̃зяяам̣ бан̃н̃абзмаижжзва д̇идтанд̇и. звам̣бхууд̇аанам̣ бана нзсам̣ д̇ад̇т̇а яаад̣̇исий бадибад̇д̇и, д̇ам̣ д̣̇ассзнд̇о сад̇т̇аа ‘‘санд̇и, бхигкавз’’д̇иаад̣̇имааха. д̇ад̇т̇а санд̇ийд̇и сам̣виж̇ж̇анд̇и. д̇зна д̇зсам̣ д̣̇идтиг̇ад̇игаанам̣ виж̇ж̇амаанад̇ааяа авижчзд̣̇ад̇ам̣ д̣̇ассзд̇и. згзд̇и згажжз. саман̣аб̣раахман̣аад̇и баб̣б̣аж̇ж̇убаг̇аманзна саман̣аа, ж̇аад̇имад̇д̇зна жа б̣раахман̣аа. саб̣б̣зсанд̇и анавасзсаанам̣ убаад̣̇аанаанам̣ самад̇иггамам̣ бахаанам̣. саммаа на бан̃н̃абзнд̇ийд̇и язсам̣ бан̃н̃абзнд̇и, д̇зсамби саммаа барин̃н̃ам̣ на бан̃н̃абзнд̇и. ид̣̇аани д̇ам̣ ад̇т̇ам̣ вид̇т̇аарад̇о д̣̇ассзд̇ум̣ ‘‘гзжий’’д̇иаад̣̇и вуд̇д̇ам̣. д̇ад̇т̇а ход̇ига-гудийжага-б̣ахууд̣̇ага-хам̣са-барамахам̣са-гааж̇ага-д̇ид̣̇ан̣д̣а-монавад̇а-сзва-баарубага-бан̃жамарад̇д̇ига- сомагаарага-муг̇аб̣б̣ад̇а-жараб̣аага-д̇аабаса-ниг̇ант̇аа-ж̇ийвага-иси-баарааяанига-бан̃жаад̇абига-гаабила- гаан̣аад̣̇а-сам̣саараможага-аг̇г̇ибхад̇д̇ига-маг̇авад̇ига-г̇овад̇ига-гуггуравад̇ига-гааман̣д̣алуга- ваг̇г̇уливад̇ига-згасаадага-од̣̇агасуд̣̇д̇хига-сарийрасанд̇аабага-сийласуд̣̇д̇хига-жхаанасуд̣̇д̇хига-жад̇уб̣б̣ид̇ха- сассад̇аваад̣̇аад̣̇аяо чаннавуд̇и д̇ан̣хаабаасзна д̣ам̣санад̇о, арияад̇хаммасса ваа виб̣аад̇ханад̇о баасан̣д̣аа. вад̇т̇убадисзванам̣ гааманд̇и б̣яаабаарасса вад̇т̇уно бадисзванасан̇каад̇ам̣ гаамам̣. т̇зяязна сзванд̇ийд̇и бадихад̇т̇ааад̣̇исаман̃н̃ааяа логасса важанавасзна сзванд̇и. д̇ийн̣и гааран̣аанийд̇и ‘‘над̇т̇и д̣̇инна’’нд̇иаад̣̇инаяаббавад̇д̇аани д̣̇идтивисзсабхууд̇аани ваддагааран̣аани.
Gāthaṃ uddisitvā atthavibhāgādivasena vuttāyeva. Kāmaṃ ito bāhirakānaṃ ‘‘imāni upādānāni ettakāni cattāri, na ito bhiyyo’’ti īdisaṃ ñāṇaṃ natthi, kevalaṃ pana keci ‘‘kāmā pahātabbā’’ti vadanti, keci ‘‘natthi paro lokoti ca, micchā’’ti vadanti, apare ‘‘sīlabbatena suddhīti ca, micchā’’ti vadanti, attadiṭṭhiyā pana micchābhāvaṃ sabbaso na jānanti eva. Yattakaṃ pana jānanti, tassapi accantappahānaṃ na jānanti, tathāpi sabbassa pariññeyyassa pariññeyyaṃ paññapemaicceva tiṭṭhanti. Evaṃbhūtānaṃ pana nesaṃ tattha yādisī paṭipatti, taṃ dassento satthā ‘‘santi, bhikkhave’’tiādimāha. Tattha santīti saṃvijjanti. Tena tesaṃ diṭṭhigatikānaṃ vijjamānatāya avicchedataṃ dasseti. Eketi ekacce. Samaṇabrāhmaṇāti pabbajjupagamanena samaṇā, jātimattena ca brāhmaṇā. Sabbesanti anavasesānaṃ upādānānaṃ samatikkamaṃ pahānaṃ. Sammā na paññapentīti yesaṃ paññapenti, tesampi sammā pariññaṃ na paññapenti. Idāni taṃ atthaṃ vitthārato dassetuṃ ‘‘kecī’’tiādi vuttaṃ. Tattha hotika-kuṭīcaka-bahūdaka-haṃsa-paramahaṃsa-kājaka-tidaṇḍa-monavata-seva-pārupaka-pañcamarattika- somakāraka-mugabbata-carabāka-tāpasa-niganthā-jīvaka-isi-pārāyanika-pañcātapika-kāpila- kāṇāda-saṃsāramocaka-aggibhattika-magavatika-govatika-kukkuravatika-kāmaṇḍaluka- vaggulivatika-ekasāṭaka-odakasuddhika-sarīrasantāpaka-sīlasuddhika-jhānasuddhika-catubbidha- sassatavādādayo channavuti taṇhāpāsena ḍaṃsanato, ariyadhammassa vā vibādhanato pāsaṇḍā. Vatthupaṭisevanaṃ kāmanti byāpārassa vatthuno paṭisevanasaṅkhātaṃ kāmaṃ. Theyyena sevantīti paṭihatthaādisamaññāya lokassa vacanavasena sevanti. Tīṇi kāraṇānīti ‘‘natthi dinna’’ntiādinayappavattāni diṭṭhivisesabhūtāni vaṭṭakāraṇāni.
ад̇т̇асаллаабигаад̇и ад̇т̇асса саллаабигаа, д̣̇виннам̣ ад̇хиббзд̇ад̇т̇асаллаабавибхаавинийд̇и ад̇хиббааяо. д̣̇виннан̃хи важанам̣ саллаабо. д̇знааха ‘‘бат̇авий гираа’’д̇иаад̣̇и.
Atthasallāpikāti atthassa sallāpikā, dvinnaṃ adhippetatthasallāpavibhāvinīti adhippāyo. Dvinnañhi vacanaṃ sallāpo. Tenāha ‘‘pathavī kirā’’tiādi.
яо д̇ид̇т̇ияаанам̣ ад̇д̇ано сад̇т̇ари д̇хаммз сахад̇хаммигзсу жа басаад̣̇о вуд̇д̇о, д̇асса анааяад̇анаг̇ад̇ад̇д̇аа аббасаад̣̇агабхаавад̣̇ассанам̣ басаад̣̇абажчзд̣̇о. д̇ат̇аабавад̇д̇о ваад̣̇о басаад̣̇абажчзд̣̇аваад̣̇о вуд̇д̇о. зваруубзд̇и ийд̣̇исз вуд̇д̇анаязна гилзсаанам̣ анубасамасам̣вад̇д̇анигз. д̇хаммзд̇и д̇хаммабад̇ируубагз. винаязд̇и винаяабад̇ируубагз. д̇ид̇т̇ияаа хи гохан̃н̃з тад̇ваа логам̣ ван̃жзнд̇аа д̇хаммам̣ гат̇змаад̇и ‘‘сад̇д̇имз гааяаа агадаа агадавид̇хаа’’д̇иаад̣̇инаа (д̣̇ий. ни. 1.174) яам̣ гин̃жи гат̇зд̇ваа д̇ат̇аа ‘‘винаяам̣ бан̃н̃абзмаа’’д̇и г̇осийлаваг̇г̇уливад̇аад̣̇ийни бан̃н̃абзд̇ваа д̇аад̣̇исам̣ саавагз сигкаабзд̇ваа ‘‘д̇хаммавинаяо’’д̇и гат̇знд̇и, д̇ам̣ санд̇хааязд̇ам̣ вуд̇д̇ам̣ ‘‘д̇хаммавинаяз’’д̇и. д̇знааха ‘‘убхаязнаби анияяаанигам̣ саасанам̣ д̣̇ассзд̇ий’’д̇и. барид̇д̇амби наама бун̃н̃ам̣ гаад̇угаамам̣ мажчзрамалаабхибхууд̇ад̇ааяа ниваарзнд̇асса анд̇арааяам̣ д̇асса гарод̇о д̣̇идтзва д̇хаммз вин̃н̃уухи г̇арахид̇аб̣б̣ад̇аа самбарааяз жа д̣̇уг̇г̇ад̇и баадиган̇каа, гиман̇г̇ам̣ бана сагалаваддад̣̇угканиссаран̣аавахз ж̇инажаггз бахаарад̣̇ааяино д̇ид̇т̇агарасса д̇ад̣̇оваад̣̇агарасса жаад̇и имамад̇т̇ам̣ д̣̇ассзнд̇о ‘‘анияяаанигасаасанамхи хий’’д̇иаад̣̇имааха. яат̇аа со басаад̣̇о самбарааяз на саммаг̇г̇ад̇о ад̇д̇ано бавад̇д̇ивасзнаад̇и д̣̇ассзнд̇о ‘‘ган̃жи гаалам̣ г̇анд̇вааби бажчаа винассад̇и язваа’’д̇и ааха, авзжжаббасаад̣̇о вияа ажжанд̇иго на ход̇ийд̇и ад̇т̇о.
Yo titthiyānaṃ attano satthari dhamme sahadhammikesu ca pasādo vutto, tassa anāyatanagatattā appasādakabhāvadassanaṃ pasādapacchedo. Tathāpavatto vādo pasādapacchedavādo vutto. Evarūpeti īdise vuttanayena kilesānaṃ anupasamasaṃvattanike. Dhammeti dhammapatirūpake. Vinayeti vinayapatirūpake. Titthiyā hi kohaññe ṭhatvā lokaṃ vañcentā dhammaṃ kathemāti ‘‘sattime kāyā akaṭā akaṭavidhā’’tiādinā (dī. ni. 1.174) yaṃ kiñci kathetvā tathā ‘‘vinayaṃ paññapemā’’ti gosīlavaggulivatādīni paññapetvā tādisaṃ sāvake sikkhāpetvā ‘‘dhammavinayo’’ti kathenti, taṃ sandhāyetaṃ vuttaṃ ‘‘dhammavinaye’’ti. Tenāha ‘‘ubhayenapi aniyyānikaṃ sāsanaṃ dassetī’’ti. Parittampi nāma puññaṃ kātukāmaṃ maccheramalābhibhūtatāya nivārentassa antarāyaṃ tassa karoto diṭṭheva dhamme viññūhi garahitabbatā samparāye ca duggati pāṭikaṅkhā, kimaṅgaṃ pana sakalavaṭṭadukkhanissaraṇāvahe jinacakke pahāradāyino titthakarassa tadovādakarassa cāti imamatthaṃ dassento ‘‘aniyyānikasāsanamhi hī’’tiādimāha. Yathā so pasādo samparāye na sammaggato attano pavattivasenāti dassento ‘‘kañci kālaṃ gantvāpi pacchā vinassati yevā’’ti āha, aveccappasādo viya accantiko na hotīti attho.
самбаж̇ж̇амаанаа яат̇аавид̇хибадибад̇д̇ияаа д̇иражчаанаяоним̣ аавахад̇и. гаммасаригкагзна хи вибаагзнзва бхавид̇аб̣б̣ам̣. саб̣б̣амби гааран̣абхзд̣̇анд̇и саб̣б̣амби яат̇аавуд̇д̇ам̣ д̇ид̇т̇агараанам̣ саавагаанам̣ абааяад̣̇угкаавахам̣ мижчаабадибад̇д̇исан̇каад̇ам̣ гааран̣ависзсам̣. со банзса басаад̣̇о на нияяаад̇и мижчад̇д̇абагкигад̇д̇аа сураабийд̇асин̇г̇аалз басаад̣̇о вияа. сурам̣ бариссаавзд̇ваа чад̣д̣ид̇агасадам̣ сурааж̇аллигам̣. б̣раахман̣аа наама д̇ханалуд̣̇д̇хаад̇и ад̇хиббааязнааха ‘‘имам̣ ван̃жзссаамий’’д̇и. гам̣сасад̇аад̇и гахаабан̣асад̇аа.
Sampajjamānā yathāvidhipaṭipattiyā tiracchānayoniṃ āvahati. Kammasarikkhakena hi vipākeneva bhavitabbaṃ. Sabbampi kāraṇabhedanti sabbampi yathāvuttaṃ titthakarānaṃ sāvakānaṃ apāyadukkhāvahaṃ micchāpaṭipattisaṅkhātaṃ kāraṇavisesaṃ. So panesa pasādo na niyyāti micchattapakkhikattā surāpītasiṅgāle pasādo viya. Suraṃ parissāvetvā chaḍḍitakasaṭaṃ surājallikaṃ. Brāhmaṇā nāma dhanaluddhāti adhippāyenāha ‘‘imaṃ vañcessāmī’’ti. Kaṃsasatāti kahāpaṇasatā.
144. д̇ассаад̇и басаад̣̇асса. саб̣б̣оби лобхо гаамубаад̣̇аананд̇зва вужжад̇ийд̇и ааха ‘‘арахад̇д̇амаг̇г̇зна гаамубаад̣̇аанасса бахаанабарин̃н̃а’’нд̇и. зваруубзд̇и ийд̣̇исз саб̣б̣асо гилзсаанам̣ убасамасам̣вад̇д̇анигз. яат̇аанусидтам̣ бадибаж̇ж̇амаанаанам̣ абааязсу абад̇анавасзна д̇хааран̣адтзна д̇хаммз. саб̣б̣асо винаяанадтзна винаяз. д̇ад̇т̇а бхавад̣̇угканиссаран̣ааяа сам̣вад̇д̇анз.
144.Tassāti pasādassa. Sabbopi lobho kāmupādānanteva vuccatīti āha ‘‘arahattamaggena kāmupādānassa pahānapariñña’’nti. Evarūpeti īdise sabbaso kilesānaṃ upasamasaṃvattanike. Yathānusiṭṭhaṃ paṭipajjamānānaṃ apāyesu apatanavasena dhāraṇaṭṭhena dhamme. Sabbaso vinayanaṭṭhena vinaye. Tattha bhavadukkhanissaraṇāya saṃvattane.
намассамаано адтааси д̣̇вз асан̇кязяяаани бажжзгаб̣од̇хибаарамийнам̣ бууран̣зна д̇ад̇т̇а б̣уд̣̇д̇хасаасанз барижаязна жа бхаг̇авад̇и басаннажид̇д̇ад̇ааяа жа. ‘‘улуугаа’’д̇яаад̣̇иг̇аат̇аа ругкад̣̇звад̇ааяа бхаасид̇аа. гаалудтид̇анд̇и сааяанхагаалз д̣̇иваавихаарад̇о удтид̇ам̣. д̣̇уг̇г̇ад̇зсо на г̇ажчад̇ийд̇и д̣̇уг̇г̇ад̇им̣ зсо на г̇амиссад̇и. мораж̇иго мураж̇аваад̣̇аго. махаабхзриваад̣̇агавад̇т̇уаад̣̇ийниби сид̇абаад̇угаран̣ам̣ аад̣̇им̣ гад̇ваа вид̇т̇аарзд̇аб̣б̣аани.
Namassamāno aṭṭhāsi dve asaṅkhyeyyāni paccekabodhipāramīnaṃ pūraṇena tattha buddhasāsane paricayena ca bhagavati pasannacittatāya ca. ‘‘Ulūkā’’tyādigāthā rukkhadevatāya bhāsitā. Kāluṭṭhitanti sāyanhakāle divāvihārato uṭṭhitaṃ. Duggateso na gacchatīti duggatiṃ eso na gamissati. Morajiko murajavādako. Mahābherivādakavatthuādīnipi sitapātukaraṇaṃ ādiṃ katvā vitthāretabbāni.
барамад̇т̇зд̇и логуд̇д̇арад̇хаммз. гим̣ бана вад̇д̇аб̣б̣анд̇и д̇хаммзби барамад̇т̇з нимид̇д̇ам̣ г̇ахзд̇ваа сун̣анд̇аанам̣. сааман̣зравад̇т̇ууд̇и баб̣б̣аж̇ид̇ад̣̇ивасзязва саббзна д̣̇адто худ̇ваа гаалам̣ гад̇ваа д̣̇звалогам̣ убабаннасааман̣зравад̇т̇у.
Paramattheti lokuttaradhamme. Kiṃ pana vattabbanti dhammepi paramatthe nimittaṃ gahetvā suṇantānaṃ. Sāmaṇeravatthūti pabbajitadivaseyeva sappena daṭṭho hutvā kālaṃ katvā devalokaṃ upapannasāmaṇeravatthu.
кийрод̣̇ананд̇и кийрзна сад̣̇д̇хим̣ саммиссам̣ од̣̇анам̣. д̇имб̣арусаганд̇и д̇инд̣̇угапалам̣. д̇ибусасад̣̇исаа згаа валлиж̇аад̇и д̇имб̣арусам̣, д̇асса палам̣ д̇имб̣арусаганд̇и жа вад̣̇анд̇и. гаггаариганд̇и куд̣̇д̣̇агазлаал̣угам̣. махаад̇ибусанд̇и жа вад̣̇анд̇и. валлибагганд̇и куд̣̇д̣̇агад̇ибусаваллияаа палам̣. хад̇т̇абад̇аабаганд̇и манд̣̇аамуки. амб̣аган̃ж̇иганд̇и амб̣илаган̃ж̇игам̣. кал̣аяааг̇унд̇иби вад̣̇анд̇и. д̣̇он̣иниммаж̇ж̇анинд̇и сад̇злам̣ д̇илабин̃н̃аагам̣. вид̇хубананд̇и жад̇урассаб̣ийж̇аним̣ . д̇аалаван̣данд̇и д̇аалабад̇д̇зхи гад̇аман̣д̣алаб̣ийж̇аним̣. морахад̇т̇анд̇и морабин̃чзхи гад̇ам̣ магасаб̣ийж̇аним̣.
Khīrodananti khīrena saddhiṃ sammissaṃ odanaṃ. Timbarusakanti tindukaphalaṃ. Tipusasadisā ekā vallijāti timbarusaṃ, tassa phalaṃ timbarusakanti ca vadanti. Kakkārikanti khuddakaelāḷukaṃ. Mahātipusanti ca vadanti. Vallipakkanti khuddakatipusavalliyā phalaṃ. Hatthapatāpakanti mandāmukhi. Ambakañjikanti ambilakañjikaṃ. Khaḷayāguntipi vadanti. Doṇinimmajjaninti satelaṃ tilapiññākaṃ. Vidhupananti caturassabījaniṃ . Tālavaṇṭanti tālapattehi katamaṇḍalabījaniṃ. Morahatthanti morapiñchehi kataṃ makasabījaniṃ.
вуд̇д̇анаяаанусаарзнзваад̇и яасмаа ид̇хааби яат̇аавуд̇д̇ам̣ саб̣б̣амби гааран̣абхзд̣̇ам̣ згад̇о гад̇ваа д̣̇ассзнд̇о сад̇т̇аа ‘‘д̇ам̣ гисса хзд̇уу’’нд̇иаад̣̇имааха, д̇асмаа д̇ад̇т̇а анияяаанигасаасанз вуд̇д̇анаяасса ануссаран̣авасзна яож̇зд̇ваа взд̣̇ид̇аб̣б̣ам̣.
Vuttanayānusārenevāti yasmā idhāpi yathāvuttaṃ sabbampi kāraṇabhedaṃ ekato katvā dassento satthā ‘‘taṃ kissa hetū’’ntiādimāha, tasmā tattha aniyyānikasāsane vuttanayassa anussaraṇavasena yojetvā veditabbaṃ.
145. барин̃н̃анд̇и бахаанабарин̃н̃ам̣. д̇зсам̣ бажжаяам̣ д̣̇ассзд̇унд̇и убаад̣̇аанаанам̣ барин̃н̃аа наама бахаанабарин̃н̃аа. д̇зсам̣ ажжанд̇анирод̇хо ад̇хиббзд̇о, со жа бажжаяанирод̇хзна ход̇ийд̇и д̇зсам̣ бажжаяам̣ муулагааран̣ад̇о бабхуд̇и д̣̇ассзд̇ум̣. аяанд̇и ид̣̇аани вужжамаано зд̇т̇а ‘‘имз жаа’’д̇иаад̣̇ибаатз ‘‘гим̣ нид̣̇аанаа’’д̇иаад̣̇исамаасабад̣̇аанам̣ ад̇т̇о. саб̣б̣абад̣̇зсууд̇и ‘‘д̇ан̣хаасамуд̣̇аяаа’’д̇иаад̣̇ийсу саб̣б̣зсу бад̣̇зсу. иминаа зва жа саб̣б̣аг̇г̇ахан̣зна ‘‘пассанид̣̇аанаа’’д̇иаад̣̇ийнамби бад̣̇аанам̣ сан̇г̇ахо д̣̇адтаб̣б̣о. имз ан̃н̃ад̇ид̇т̇ияаа убаад̣̇аанаанамби самуд̣̇аяам̣ на ж̇аананд̇и, гуд̇о нирод̇хам̣, д̇ат̇ааг̇ад̇о бана д̇зсам̣ д̇аббажжаяабажжаяаанамби самуд̣̇аяан̃жа ад̇т̇ан̇г̇аман̃жа яаат̇аавад̇о ж̇аанаад̇и, д̇асмаа – ‘‘ид̇хзва, бхигкавз, саман̣о…бз… сун̃н̃аа бараббаваад̣̇аа саман̣збхи ан̃н̃зхий’’д̇и (ма. ни. 1.139) яат̇аарад̣̇д̇хасийханаад̣̇ам̣ мад̇т̇агам̣ баабзд̇ваа д̣̇ассзнд̇о ‘‘имз жа, бхигкавз, жад̇д̇ааро убаад̣̇аанаа’’д̇иаад̣̇инаа (ма. ни. 1.145) наязна д̣̇зсанам̣ бадижжасамуббаад̣̇амукзна од̇аарзнд̇о ваддам̣ д̣̇ассзд̇ваа ‘‘яад̇о жа ко’’д̇иаад̣̇инаа виваддам̣ д̣̇ассзнд̇о арахад̇д̇зна д̣̇зсанааяа гуудам̣ г̇ан̣хи, д̇амад̇т̇ам̣ д̣̇ассзнд̇о ‘‘яасмаа бана бхаг̇аваа’’д̇иаад̣̇имааха. д̇ам̣ сувин̃н̃зяяамзва.
145.Pariññanti pahānapariññaṃ. Tesaṃ paccayaṃ dassetunti upādānānaṃ pariññā nāma pahānapariññā. Tesaṃ accantanirodho adhippeto, so ca paccayanirodhena hotīti tesaṃ paccayaṃ mūlakāraṇato pabhuti dassetuṃ. Ayanti idāni vuccamāno ettha ‘‘ime cā’’tiādipāṭhe ‘‘kiṃ nidānā’’tiādisamāsapadānaṃ attho. Sabbapadesūti ‘‘taṇhāsamudayā’’tiādīsu sabbesu padesu. Iminā eva ca sabbaggahaṇena ‘‘phassanidānā’’tiādīnampi padānaṃ saṅgaho daṭṭhabbo. Ime aññatitthiyā upādānānampi samudayaṃ na jānanti, kuto nirodhaṃ, tathāgato pana tesaṃ tappaccayapaccayānampi samudayañca atthaṅgamañca yāthāvato jānāti, tasmā – ‘‘idheva, bhikkhave, samaṇo…pe… suññā parappavādā samaṇebhi aññehī’’ti (ma. ni. 1.139) yathāraddhasīhanādaṃ matthakaṃ pāpetvā dassento ‘‘ime ca, bhikkhave, cattāro upādānā’’tiādinā (ma. ni. 1.145) nayena desanaṃ paṭiccasamuppādamukhena otārento vaṭṭaṃ dassetvā ‘‘yato ca kho’’tiādinā vivaṭṭaṃ dassento arahattena desanāya kūṭaṃ gaṇhi, tamatthaṃ dassento ‘‘yasmā pana bhagavā’’tiādimāha. Taṃ suviññeyyameva.
жуул̣асийханаад̣̇асуд̇д̇аван̣н̣анааяа лийнад̇т̇аббагаасанаа самад̇д̇аа.
Cūḷasīhanādasuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 1. жуул̣асийханаад̣̇асуд̇д̇ам̣ • 1. Cūḷasīhanādasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 1. жуул̣асийханаад̣̇асуд̇д̇аван̣н̣анаа • 1. Cūḷasīhanādasuttavaṇṇanā
