| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
10. жуул̣асуг̇анд̇хад̇т̇зраабад̣̇аанаван̣н̣анаа
10. Cūḷasugandhattheraapadānavaṇṇanā
д̣̇асамаабад̣̇аанз имамхи бхад̣̇д̣̇агз габбзд̇иаад̣̇игам̣ ааяасмад̇о суг̇анд̇хад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о гассабасаммаасамб̣уд̣̇д̇хагаалз б̣аараан̣асияам̣ вибхавасамбаннз гулз ниб̣б̣ад̇д̇о вин̃н̃уд̇ам̣ бад̇ваа сад̇т̇у санд̇игз д̇хаммам̣ суд̇ваа саб̣б̣ад̣̇аа намассамаано махаад̣̇аанам̣ д̣̇ад̣̇амаано маасасса сад̇д̇агкад̇д̇ум̣ бхаг̇авад̇о г̇анд̇хагудияаа жад̇уж̇ж̇аад̇иг̇анд̇хзна вилимбзси. ‘‘мама ниб̣б̣ад̇д̇аниб̣б̣ад̇д̇адтаанз сарийрад̇о суг̇анд̇хаг̇анд̇хо ниб̣б̣ад̇д̇ад̇уу’’д̇и бад̇т̇анам̣ агааси. бхаг̇аваа д̇ам̣ б̣яаагааси. со яаавад̇ааяугам̣ тад̇ваа бун̃н̃аани гаронд̇о д̇ад̇о жуд̇о д̣̇звалогз ниб̣б̣ад̇д̇о гаамааважаралогам̣ сарийраг̇анд̇хзна суг̇анд̇хам̣ гурумаано суг̇анд̇хад̣̇звабуд̇д̇од̇и баагадо ахоси. со д̣̇звалогасамбад̇д̇ияо анубхавид̇ваа д̇ад̇о жуд̇о имасмим̣ б̣уд̣̇д̇хуббаад̣̇з махаабхог̇агулз ниб̣б̣ад̇д̇и, д̇асса маад̇угужчиг̇ад̇ассзва маад̇уяаа сарийраг̇анд̇хзна сагалаг̇зхам̣ сагаланаг̇аран̃жа суг̇анд̇хзна згаг̇анд̇хам̣ ахоси, ж̇аад̇агкан̣з сагалам̣ саавад̇т̇инаг̇арам̣ суг̇анд̇хагаран̣д̣аго вияа ахоси, д̇знасса суг̇анд̇ход̇и наамам̣ гарим̣су. со вуд̣̇д̇хим̣ аг̇амааси. д̇ад̣̇аа сад̇т̇аа саавад̇т̇ияам̣ бад̇ваа ж̇зд̇аванамахаавихаарам̣ бадиг̇г̇ахзси, д̇ам̣ д̣̇исваа басаннамаанасо бхаг̇авад̇о санд̇игз баб̣б̣аж̇ид̇ваа нажирассзва саха бадисамбхид̣̇аахи арахад̇д̇ам̣ баабун̣и. д̇асса уббаннад̣̇ивасад̇о бадтааяа яаава бариниб̣б̣аанаа зд̇т̇анд̇арз нибаннадтаанаад̣̇ийсу суг̇анд̇хамзва вааяи. д̣̇звааби д̣̇иб̣б̣ажун̣н̣ад̣̇иб̣б̣аг̇анд̇хабубпаани огиранд̇и.
Dasamāpadāne imamhi bhaddake kappetiādikaṃ āyasmato sugandhattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto kassapasammāsambuddhakāle bārāṇasiyaṃ vibhavasampanne kule nibbatto viññutaṃ patvā satthu santike dhammaṃ sutvā sabbadā namassamāno mahādānaṃ dadamāno māsassa sattakkhattuṃ bhagavato gandhakuṭiyā catujjātigandhena vilimpesi. ‘‘Mama nibbattanibbattaṭṭhāne sarīrato sugandhagandho nibbattatū’’ti patthanaṃ akāsi. Bhagavā taṃ byākāsi. So yāvatāyukaṃ ṭhatvā puññāni karonto tato cuto devaloke nibbatto kāmāvacaralokaṃ sarīragandhena sugandhaṃ kurumāno sugandhadevaputtoti pākaṭo ahosi. So devalokasampattiyo anubhavitvā tato cuto imasmiṃ buddhuppāde mahābhogakule nibbatti, tassa mātukucchigatasseva mātuyā sarīragandhena sakalagehaṃ sakalanagarañca sugandhena ekagandhaṃ ahosi, jātakkhaṇe sakalaṃ sāvatthinagaraṃ sugandhakaraṇḍako viya ahosi, tenassa sugandhoti nāmaṃ kariṃsu. So vuddhiṃ agamāsi. Tadā satthā sāvatthiyaṃ patvā jetavanamahāvihāraṃ paṭiggahesi, taṃ disvā pasannamānaso bhagavato santike pabbajitvā nacirasseva saha paṭisambhidāhi arahattaṃ pāpuṇi. Tassa uppannadivasato paṭṭhāya yāva parinibbānā etthantare nipannaṭṭhānādīsu sugandhameva vāyi. Devāpi dibbacuṇṇadibbagandhapupphāni okiranti.
272. соби т̇зро арахад̇д̇ам̣ бад̇ваа ад̇д̇ано буб̣б̣агаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о имамхи бхад̣̇д̣̇агз габбзд̇иаад̣̇имааха. д̇ам̣ саб̣б̣ам̣ хздтаа вуд̇д̇анаяад̇д̇аа уд̇д̇аанад̇т̇ад̇д̇аа жа сувин̃н̃зяяамзва, гзвалам̣ бун̃н̃анаанад̇д̇ам̣ нааманаанад̇д̇ан̃жа висзсо.
272. Sopi thero arahattaṃ patvā attano pubbakammaṃ saritvā somanassajāto pubbacaritāpadānaṃ pakāsento imamhi bhaddake kappetiādimāha. Taṃ sabbaṃ heṭṭhā vuttanayattā uttānatthattā ca suviññeyyameva, kevalaṃ puññanānattaṃ nāmanānattañca viseso.
жуул̣асуг̇анд̇хад̇т̇зраабад̣̇аанаван̣н̣анаа самад̇д̇аа.
Cūḷasugandhattheraapadānavaṇṇanā samattā.
бан̃жабан̃н̃аасамаваг̇г̇аван̣н̣анаа самад̇д̇аа.
Pañcapaññāsamavaggavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 10. жуул̣асуг̇анд̇хад̇т̇зраабад̣̇аанам̣ • 10. Cūḷasugandhattheraapadānaṃ
