| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
3. сун̃н̃ад̇аваг̇г̇о
3. Suññatavaggo
1. жуул̣асун̃н̃ад̇асуд̇д̇ам̣
1. Cūḷasuññatasuttaṃ
176. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и буб̣б̣аараамз миг̇аарамаад̇убаасаад̣̇з. ат̇а ко ааяасмаа аананд̣̇о сааяанхасамаяам̣ бадисаллаанаа вудтид̇о язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа аананд̣̇о бхаг̇аванд̇ам̣ зд̇ад̣̇авожа – ‘‘згамид̣̇ам̣, бханд̇з, самаяам̣ бхаг̇аваа саггзсу вихарад̇и наг̇арагам̣ наама сагяаанам̣ ниг̇амо. д̇ад̇т̇а мз, бханд̇з, бхаг̇авад̇о саммукаа суд̇ам̣, саммукаа бадиг̇г̇ахид̇ам̣ – ‘сун̃н̃ад̇аавихаарзнаахам̣, аананд̣̇а, зд̇арахи б̣ахулам̣ вихараамий’д̇и. гажжи мзд̇ам̣, бханд̇з, суссуд̇ам̣ суг̇г̇ахид̇ам̣ суманасигад̇ам̣ суубад̇хаарид̇а’’нд̇и? ‘‘д̇аг̇гха д̇з зд̇ам̣, аананд̣̇а, суссуд̇ам̣ суг̇г̇ахид̇ам̣ суманасигад̇ам̣ суубад̇хаарид̇ам̣. буб̣б̣збаахам̣ 1, аананд̣̇а, зд̇арахиби 2 сун̃н̃ад̇аавихаарзна б̣ахулам̣ вихараами. сзяяат̇ааби, аананд̣̇а, аяам̣ миг̇аарамаад̇убаасаад̣̇о сун̃н̃о хад̇т̇иг̇авассавал̣авзна, сун̃н̃о ж̇аад̇аруубараж̇ад̇зна, сун̃н̃о ид̇т̇ибурисасаннибаад̇зна ад̇т̇и жзвид̣̇ам̣ асун̃н̃ад̇ам̣ яад̣̇ид̣̇ам̣ – бхигкусан̇гхам̣ бадижжа згад̇д̇ам̣; звамзва ко, аананд̣̇а, бхигку аманасигарид̇ваа г̇аамасан̃н̃ам̣, аманасигарид̇ваа мануссасан̃н̃ам̣, аран̃н̃асан̃н̃ам̣ бадижжа манаси гарод̇и згад̇д̇ам̣ . д̇асса аран̃н̃асан̃н̃ааяа жид̇д̇ам̣ багканд̣̇ад̇и басийд̣̇ад̇и санд̇идтад̇и ад̇химужжад̇и. со звам̣ баж̇аанаад̇и – ‘яз ассу д̣̇арат̇аа г̇аамасан̃н̃ам̣ бадижжа д̇зд̇ха на санд̇и, яз ассу д̣̇арат̇аа мануссасан̃н̃ам̣ бадижжа д̇зд̇ха на санд̇и, ад̇т̇и жзвааяам̣ д̣̇арат̇амад̇д̇аа яад̣̇ид̣̇ам̣ – аран̃н̃асан̃н̃ам̣ бадижжа згад̇д̇а’нд̇и. со ‘сун̃н̃амид̣̇ам̣ сан̃н̃ааг̇ад̇ам̣ г̇аамасан̃н̃ааяаа’д̇и баж̇аанаад̇и, ‘сун̃н̃амид̣̇ам̣ сан̃н̃ааг̇ад̇ам̣ мануссасан̃н̃ааяаа’д̇и баж̇аанаад̇и, ‘ад̇т̇и жзвид̣̇ам̣ асун̃н̃ад̇ам̣ яад̣̇ид̣̇ам̣ – аран̃н̃асан̃н̃ам̣ бадижжа згад̇д̇а’нд̇и. ид̇и яан̃хи ко д̇ад̇т̇а на ход̇и д̇зна д̇ам̣ сун̃н̃ам̣ саманубассад̇и, яам̣ бана д̇ад̇т̇а авасидтам̣ ход̇и д̇ам̣ ‘санд̇амид̣̇ам̣ ад̇т̇ий’’’д̇и баж̇аанаад̇и. звамбисса зсаа, аананд̣̇а, яат̇аабхужжаа авибаллад̇т̇аа барисуд̣̇д̇хаа сун̃н̃ад̇аавагганд̇и бхавад̇и.
176. Evaṃ me sutaṃ – ekaṃ samayaṃ bhagavā sāvatthiyaṃ viharati pubbārāme migāramātupāsāde. Atha kho āyasmā ānando sāyanhasamayaṃ paṭisallānā vuṭṭhito yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā ānando bhagavantaṃ etadavoca – ‘‘ekamidaṃ, bhante, samayaṃ bhagavā sakkesu viharati nagarakaṃ nāma sakyānaṃ nigamo. Tattha me, bhante, bhagavato sammukhā sutaṃ, sammukhā paṭiggahitaṃ – ‘suññatāvihārenāhaṃ, ānanda, etarahi bahulaṃ viharāmī’ti. Kacci metaṃ, bhante, sussutaṃ suggahitaṃ sumanasikataṃ sūpadhārita’’nti? ‘‘Taggha te etaṃ, ānanda, sussutaṃ suggahitaṃ sumanasikataṃ sūpadhāritaṃ. Pubbepāhaṃ 3, ānanda, etarahipi 4 suññatāvihārena bahulaṃ viharāmi. Seyyathāpi, ānanda, ayaṃ migāramātupāsādo suñño hatthigavassavaḷavena, suñño jātarūparajatena, suñño itthipurisasannipātena atthi cevidaṃ asuññataṃ yadidaṃ – bhikkhusaṅghaṃ paṭicca ekattaṃ; evameva kho, ānanda, bhikkhu amanasikaritvā gāmasaññaṃ, amanasikaritvā manussasaññaṃ, araññasaññaṃ paṭicca manasi karoti ekattaṃ . Tassa araññasaññāya cittaṃ pakkhandati pasīdati santiṭṭhati adhimuccati. So evaṃ pajānāti – ‘ye assu darathā gāmasaññaṃ paṭicca tedha na santi, ye assu darathā manussasaññaṃ paṭicca tedha na santi, atthi cevāyaṃ darathamattā yadidaṃ – araññasaññaṃ paṭicca ekatta’nti. So ‘suññamidaṃ saññāgataṃ gāmasaññāyā’ti pajānāti, ‘suññamidaṃ saññāgataṃ manussasaññāyā’ti pajānāti, ‘atthi cevidaṃ asuññataṃ yadidaṃ – araññasaññaṃ paṭicca ekatta’nti. Iti yañhi kho tattha na hoti tena taṃ suññaṃ samanupassati, yaṃ pana tattha avasiṭṭhaṃ hoti taṃ ‘santamidaṃ atthī’’’ti pajānāti. Evampissa esā, ānanda, yathābhuccā avipallatthā parisuddhā suññatāvakkanti bhavati.
177. ‘‘буна жабарам̣, аананд̣̇а, бхигку аманасигарид̇ваа мануссасан̃н̃ам̣, аманасигарид̇ваа аран̃н̃асан̃н̃ам̣, бат̇авийсан̃н̃ам̣ бадижжа манаси гарод̇и згад̇д̇ам̣. д̇асса бат̇авийсан̃н̃ааяа жид̇д̇ам̣ багканд̣̇ад̇и басийд̣̇ад̇и санд̇идтад̇и ад̇химужжад̇и. сзяяат̇ааби, аананд̣̇а, аасабхажаммам̣ сан̇гусад̇зна сувихад̇ам̣ виг̇ад̇авалигам̣; звамзва ко, аананд̣̇а, бхигку яам̣ имиссаа бат̇авияаа уггуулавиггуулам̣ над̣̇ийвид̣̇уг̇г̇ам̣ каан̣уган̣дагадтаанам̣ баб̣б̣ад̇ависамам̣ д̇ам̣ саб̣б̣ам̣ 5 аманасигарид̇ваа бат̇авийсан̃н̃ам̣ бадижжа манаси гарод̇и згад̇д̇ам̣. д̇асса бат̇авийсан̃н̃ааяа жид̇д̇ам̣ багканд̣̇ад̇и басийд̣̇ад̇и санд̇идтад̇и ад̇химужжад̇и. со звам̣ баж̇аанаад̇и – ‘яз ассу д̣̇арат̇аа мануссасан̃н̃ам̣ бадижжа д̇зд̇ха на санд̇и, яз ассу д̣̇арат̇аа аран̃н̃асан̃н̃ам̣ бадижжа д̇зд̇ха на санд̇и, ад̇т̇и жзвааяам̣ д̣̇арат̇амад̇д̇аа яад̣̇ид̣̇ам̣ – бат̇авийсан̃н̃ам̣ бадижжа згад̇д̇а’нд̇и. со ‘сун̃н̃амид̣̇ам̣ сан̃н̃ааг̇ад̇ам̣ мануссасан̃н̃ааяаа’д̇и баж̇аанаад̇и, ‘сун̃н̃амид̣̇ам̣ сан̃н̃ааг̇ад̇ам̣ аран̃н̃асан̃н̃ааяаа’д̇и баж̇аанаад̇и, ‘ад̇т̇и жзвид̣̇ам̣ асун̃н̃ад̇ам̣ яад̣̇ид̣̇ам̣ – бат̇авийсан̃н̃ам̣ бадижжа згад̇д̇а’нд̇и. ид̇и яан̃хи ко д̇ад̇т̇а на ход̇и д̇зна д̇ам̣ сун̃н̃ам̣ саманубассад̇и, яам̣ бана д̇ад̇т̇а авасидтам̣ ход̇и д̇ам̣ ‘санд̇амид̣̇ам̣ ад̇т̇ий’д̇и баж̇аанаад̇и. звамбисса зсаа, аананд̣̇а, яат̇аабхужжаа авибаллад̇т̇аа барисуд̣̇д̇хаа сун̃н̃ад̇аавагганд̇и бхавад̇и.
177. ‘‘Puna caparaṃ, ānanda, bhikkhu amanasikaritvā manussasaññaṃ, amanasikaritvā araññasaññaṃ, pathavīsaññaṃ paṭicca manasi karoti ekattaṃ. Tassa pathavīsaññāya cittaṃ pakkhandati pasīdati santiṭṭhati adhimuccati. Seyyathāpi, ānanda, āsabhacammaṃ saṅkusatena suvihataṃ vigatavalikaṃ; evameva kho, ānanda, bhikkhu yaṃ imissā pathaviyā ukkūlavikkūlaṃ nadīviduggaṃ khāṇukaṇṭakaṭṭhānaṃ pabbatavisamaṃ taṃ sabbaṃ 6 amanasikaritvā pathavīsaññaṃ paṭicca manasi karoti ekattaṃ. Tassa pathavīsaññāya cittaṃ pakkhandati pasīdati santiṭṭhati adhimuccati. So evaṃ pajānāti – ‘ye assu darathā manussasaññaṃ paṭicca tedha na santi, ye assu darathā araññasaññaṃ paṭicca tedha na santi, atthi cevāyaṃ darathamattā yadidaṃ – pathavīsaññaṃ paṭicca ekatta’nti. So ‘suññamidaṃ saññāgataṃ manussasaññāyā’ti pajānāti, ‘suññamidaṃ saññāgataṃ araññasaññāyā’ti pajānāti, ‘atthi cevidaṃ asuññataṃ yadidaṃ – pathavīsaññaṃ paṭicca ekatta’nti. Iti yañhi kho tattha na hoti tena taṃ suññaṃ samanupassati, yaṃ pana tattha avasiṭṭhaṃ hoti taṃ ‘santamidaṃ atthī’ti pajānāti. Evampissa esā, ānanda, yathābhuccā avipallatthā parisuddhā suññatāvakkanti bhavati.
178. ‘‘буна жабарам̣, аананд̣̇а, бхигку аманасигарид̇ваа аран̃н̃асан̃н̃ам̣, аманасигарид̇ваа бат̇авийсан̃н̃ам̣, аагаасаанан̃жааяад̇анасан̃н̃ам̣ бадижжа манаси гарод̇и згад̇д̇ам̣. д̇асса аагаасаанан̃жааяад̇анасан̃н̃ааяа жид̇д̇ам̣ багканд̣̇ад̇и басийд̣̇ад̇и санд̇идтад̇и ад̇химужжад̇и. со звам̣ баж̇аанаад̇и – ‘яз ассу д̣̇арат̇аа аран̃н̃асан̃н̃ам̣ бадижжа д̇зд̇ха на санд̇и, яз ассу д̣̇арат̇аа бат̇авийсан̃н̃ам̣ бадижжа д̇зд̇ха на санд̇и, ад̇т̇и жзвааяам̣ д̣̇арат̇амад̇д̇аа яад̣̇ид̣̇ам̣ – аагаасаанан̃жааяад̇анасан̃н̃ам̣ бадижжа згад̇д̇а’нд̇и. со ‘сун̃н̃амид̣̇ам̣ сан̃н̃ааг̇ад̇ам̣ аран̃н̃асан̃н̃ааяаа’д̇и баж̇аанаад̇и, ‘сун̃н̃амид̣̇ам̣ сан̃н̃ааг̇ад̇ам̣ бат̇авийсан̃н̃ааяаа’д̇и баж̇аанаад̇и, ‘ад̇т̇и жзвид̣̇ам̣ асун̃н̃ад̇ам̣ яад̣̇ид̣̇ам̣ – аагаасаанан̃жааяад̇анасан̃н̃ам̣ бадижжа згад̇д̇а’нд̇и. ид̇и яан̃хи ко д̇ад̇т̇а на ход̇и д̇зна д̇ам̣ сун̃н̃ам̣ саманубассад̇и, яам̣ бана д̇ад̇т̇а авасидтам̣ ход̇и д̇ам̣ ‘санд̇амид̣̇ам̣ ад̇т̇ий’д̇и баж̇аанаад̇и. звамбисса зсаа, аананд̣̇а , яат̇аабхужжаа авибаллад̇т̇аа барисуд̣̇д̇хаа сун̃н̃ад̇аавагганд̇и бхавад̇и.
178. ‘‘Puna caparaṃ, ānanda, bhikkhu amanasikaritvā araññasaññaṃ, amanasikaritvā pathavīsaññaṃ, ākāsānañcāyatanasaññaṃ paṭicca manasi karoti ekattaṃ. Tassa ākāsānañcāyatanasaññāya cittaṃ pakkhandati pasīdati santiṭṭhati adhimuccati. So evaṃ pajānāti – ‘ye assu darathā araññasaññaṃ paṭicca tedha na santi, ye assu darathā pathavīsaññaṃ paṭicca tedha na santi, atthi cevāyaṃ darathamattā yadidaṃ – ākāsānañcāyatanasaññaṃ paṭicca ekatta’nti. So ‘suññamidaṃ saññāgataṃ araññasaññāyā’ti pajānāti, ‘suññamidaṃ saññāgataṃ pathavīsaññāyā’ti pajānāti, ‘atthi cevidaṃ asuññataṃ yadidaṃ – ākāsānañcāyatanasaññaṃ paṭicca ekatta’nti. Iti yañhi kho tattha na hoti tena taṃ suññaṃ samanupassati, yaṃ pana tattha avasiṭṭhaṃ hoti taṃ ‘santamidaṃ atthī’ti pajānāti. Evampissa esā, ānanda , yathābhuccā avipallatthā parisuddhā suññatāvakkanti bhavati.
179. ‘‘буна жабарам̣, аананд̣̇а, бхигку аманасигарид̇ваа бат̇авийсан̃н̃ам̣, аманасигарид̇ваа аагаасаанан̃жааяад̇анасан̃н̃ам̣, вин̃н̃аан̣ан̃жааяад̇анасан̃н̃ам̣ бадижжа манаси гарод̇и згад̇д̇ам̣. д̇асса вин̃н̃аан̣ан̃жааяад̇анасан̃н̃ааяа жид̇д̇ам̣ багканд̣̇ад̇и басийд̣̇ад̇и санд̇идтад̇и ад̇химужжад̇и. со звам̣ баж̇аанаад̇и – ‘яз ассу д̣̇арат̇аа бат̇авийсан̃н̃ам̣ бадижжа д̇зд̇ха на санд̇и, яз ассу д̣̇арат̇аа аагаасаанан̃жааяад̇анасан̃н̃ам̣ бадижжа д̇зд̇ха на санд̇и, ад̇т̇и жзвааяам̣ д̣̇арат̇амад̇д̇аа яад̣̇ид̣̇ам̣ – вин̃н̃аан̣ан̃жааяад̇анасан̃н̃ам̣ бадижжа згад̇д̇а’нд̇и. со ‘сун̃н̃амид̣̇ам̣ сан̃н̃ааг̇ад̇ам̣ бат̇авийсан̃н̃ааяаа’д̇и баж̇аанаад̇и, ‘сун̃н̃амид̣̇ам̣ сан̃н̃ааг̇ад̇ам̣ аагаасаанан̃жааяад̇анасан̃н̃ааяаа’д̇и баж̇аанаад̇и, ‘ад̇т̇и жзвид̣̇ам̣ асун̃н̃ад̇ам̣ яад̣̇ид̣̇ам̣ – вин̃н̃аан̣ан̃жааяад̇анасан̃н̃ам̣ бадижжа згад̇д̇а’нд̇и. ид̇и яан̃хи ко д̇ад̇т̇а на ход̇и д̇зна д̇ам̣ сун̃н̃ам̣ саманубассад̇и, яам̣ бана д̇ад̇т̇а авасидтам̣ ход̇и д̇ам̣ ‘санд̇амид̣̇ам̣ ад̇т̇ий’д̇и баж̇аанаад̇и. звамбисса зсаа, аананд̣̇а, яат̇аабхужжаа авибаллад̇т̇аа барисуд̣̇д̇хаа сун̃н̃ад̇аавагганд̇и бхавад̇и.
179. ‘‘Puna caparaṃ, ānanda, bhikkhu amanasikaritvā pathavīsaññaṃ, amanasikaritvā ākāsānañcāyatanasaññaṃ, viññāṇañcāyatanasaññaṃ paṭicca manasi karoti ekattaṃ. Tassa viññāṇañcāyatanasaññāya cittaṃ pakkhandati pasīdati santiṭṭhati adhimuccati. So evaṃ pajānāti – ‘ye assu darathā pathavīsaññaṃ paṭicca tedha na santi, ye assu darathā ākāsānañcāyatanasaññaṃ paṭicca tedha na santi, atthi cevāyaṃ darathamattā yadidaṃ – viññāṇañcāyatanasaññaṃ paṭicca ekatta’nti. So ‘suññamidaṃ saññāgataṃ pathavīsaññāyā’ti pajānāti, ‘suññamidaṃ saññāgataṃ ākāsānañcāyatanasaññāyā’ti pajānāti, ‘atthi cevidaṃ asuññataṃ yadidaṃ – viññāṇañcāyatanasaññaṃ paṭicca ekatta’nti. Iti yañhi kho tattha na hoti tena taṃ suññaṃ samanupassati, yaṃ pana tattha avasiṭṭhaṃ hoti taṃ ‘santamidaṃ atthī’ti pajānāti. Evampissa esā, ānanda, yathābhuccā avipallatthā parisuddhā suññatāvakkanti bhavati.
180. ‘‘буна жабарам̣, аананд̣̇а, бхигку аманасигарид̇ваа аагаасаанан̃жааяад̇анасан̃н̃ам̣, аманасигарид̇ваа вин̃н̃аан̣ан̃жааяад̇анасан̃н̃ам̣, аагин̃жан̃н̃ааяад̇анасан̃н̃ам̣ бадижжа манаси гарод̇и згад̇д̇ам̣. д̇асса аагин̃жан̃н̃ааяад̇анасан̃н̃ааяа жид̇д̇ам̣ багканд̣̇ад̇и басийд̣̇ад̇и санд̇идтад̇и ад̇химужжад̇и. со звам̣ баж̇аанаад̇и – ‘яз ассу д̣̇арат̇аа аагаасаанан̃жааяад̇анасан̃н̃ам̣ бадижжа д̇зд̇ха на санд̇и, яз ассу д̣̇арат̇аа вин̃н̃аан̣ан̃жааяад̇анасан̃н̃ам̣ бадижжа д̇зд̇ха на санд̇и, ад̇т̇и жзвааяам̣ д̣̇арат̇амад̇д̇аа яад̣̇ид̣̇ам̣ – аагин̃жан̃н̃ааяад̇анасан̃н̃ам̣ бадижжа згад̇д̇а’нд̇и. со ‘сун̃н̃амид̣̇ам̣ сан̃н̃ааг̇ад̇ам̣ аагаасаанан̃жааяад̇анасан̃н̃ааяаа’д̇и баж̇аанаад̇и, ‘сун̃н̃амид̣̇ам̣ сан̃н̃ааг̇ад̇ам̣ вин̃н̃аан̣ан̃жааяад̇анасан̃н̃ааяаа’д̇и баж̇аанаад̇и, ‘ад̇т̇и жзвид̣̇ам̣ асун̃н̃ад̇ам̣ яад̣̇ид̣̇ам̣ – аагин̃жан̃н̃ааяад̇анасан̃н̃ам̣ бадижжа згад̇д̇а’нд̇и. ид̇и яан̃хи ко д̇ад̇т̇а на ход̇и д̇зна д̇ам̣ сун̃н̃ам̣ саманубассад̇и, яам̣ бана д̇ад̇т̇а авасидтам̣ ход̇и д̇ам̣ ‘санд̇амид̣̇ам̣ ад̇т̇ий’д̇и баж̇аанаад̇и. звамбисса зсаа, аананд̣̇а, яат̇аабхужжаа авибаллад̇т̇аа барисуд̣̇д̇хаа сун̃н̃ад̇аавагганд̇и бхавад̇и.
180. ‘‘Puna caparaṃ, ānanda, bhikkhu amanasikaritvā ākāsānañcāyatanasaññaṃ, amanasikaritvā viññāṇañcāyatanasaññaṃ, ākiñcaññāyatanasaññaṃ paṭicca manasi karoti ekattaṃ. Tassa ākiñcaññāyatanasaññāya cittaṃ pakkhandati pasīdati santiṭṭhati adhimuccati. So evaṃ pajānāti – ‘ye assu darathā ākāsānañcāyatanasaññaṃ paṭicca tedha na santi, ye assu darathā viññāṇañcāyatanasaññaṃ paṭicca tedha na santi, atthi cevāyaṃ darathamattā yadidaṃ – ākiñcaññāyatanasaññaṃ paṭicca ekatta’nti. So ‘suññamidaṃ saññāgataṃ ākāsānañcāyatanasaññāyā’ti pajānāti, ‘suññamidaṃ saññāgataṃ viññāṇañcāyatanasaññāyā’ti pajānāti, ‘atthi cevidaṃ asuññataṃ yadidaṃ – ākiñcaññāyatanasaññaṃ paṭicca ekatta’nti. Iti yañhi kho tattha na hoti tena taṃ suññaṃ samanupassati, yaṃ pana tattha avasiṭṭhaṃ hoti taṃ ‘santamidaṃ atthī’ti pajānāti. Evampissa esā, ānanda, yathābhuccā avipallatthā parisuddhā suññatāvakkanti bhavati.
181. ‘‘буна жабарам̣, аананд̣̇а бхигку аманасигарид̇ваа вин̃н̃аан̣ан̃жааяад̇анасан̃н̃ам̣, аманасигарид̇ваа аагин̃жан̃н̃ааяад̇анасан̃н̃ам̣, нзвасан̃н̃аанаасан̃н̃ааяад̇анасан̃н̃ам̣ бадижжа манаси гарод̇и згад̇д̇ам̣. д̇асса нзвасан̃н̃аанаасан̃н̃ааяад̇анасан̃н̃ааяа жид̇д̇ам̣ багканд̣̇ад̇и басийд̣̇ад̇и санд̇идтад̇и ад̇химужжад̇и. со звам̣ баж̇аанаад̇и – ‘яз ассу д̣̇арат̇аа вин̃н̃аан̣ан̃жааяад̇анасан̃н̃ам̣ бадижжа д̇зд̇ха на санд̇и, яз ассу д̣̇арат̇аа аагин̃жан̃н̃ааяад̇анасан̃н̃ам̣ бадижжа д̇зд̇ха на санд̇и, ад̇т̇и жзвааяам̣ д̣̇арат̇амад̇д̇аа яад̣̇ид̣̇ам̣ – нзвасан̃н̃аанаасан̃н̃ааяад̇анасан̃н̃ам̣ бадижжа згад̇д̇а’нд̇и. со ‘сун̃н̃амид̣̇ам̣ сан̃н̃ааг̇ад̇ам̣ вин̃н̃аан̣ан̃жааяад̇анасан̃н̃ааяаа’д̇и баж̇аанаад̇и, ‘сун̃н̃амид̣̇ам̣ сан̃н̃ааг̇ад̇ам̣ аагин̃жан̃н̃ааяад̇анасан̃н̃ааяаа’д̇и баж̇аанаад̇и, ‘ад̇т̇и жзвид̣̇ам̣ асун̃н̃ад̇ам̣ яад̣̇ид̣̇ам̣ – нзвасан̃н̃аанаасан̃н̃ааяад̇анасан̃н̃ам̣ бадижжа згад̇д̇а’нд̇и . ид̇и яан̃хи ко д̇ад̇т̇а на ход̇и д̇зна д̇ам̣ сун̃н̃ам̣ саманубассад̇и, яам̣ бана д̇ад̇т̇а авасидтам̣ ход̇и д̇ам̣ ‘санд̇амид̣̇ам̣ ад̇т̇ий’д̇и баж̇аанаад̇и. звамбисса зсаа, аананд̣̇а, яат̇аабхужжаа авибаллад̇т̇аа барисуд̣̇д̇хаа сун̃н̃ад̇аавагганд̇и бхавад̇и.
181. ‘‘Puna caparaṃ, ānanda bhikkhu amanasikaritvā viññāṇañcāyatanasaññaṃ, amanasikaritvā ākiñcaññāyatanasaññaṃ, nevasaññānāsaññāyatanasaññaṃ paṭicca manasi karoti ekattaṃ. Tassa nevasaññānāsaññāyatanasaññāya cittaṃ pakkhandati pasīdati santiṭṭhati adhimuccati. So evaṃ pajānāti – ‘ye assu darathā viññāṇañcāyatanasaññaṃ paṭicca tedha na santi, ye assu darathā ākiñcaññāyatanasaññaṃ paṭicca tedha na santi, atthi cevāyaṃ darathamattā yadidaṃ – nevasaññānāsaññāyatanasaññaṃ paṭicca ekatta’nti. So ‘suññamidaṃ saññāgataṃ viññāṇañcāyatanasaññāyā’ti pajānāti, ‘suññamidaṃ saññāgataṃ ākiñcaññāyatanasaññāyā’ti pajānāti, ‘atthi cevidaṃ asuññataṃ yadidaṃ – nevasaññānāsaññāyatanasaññaṃ paṭicca ekatta’nti . Iti yañhi kho tattha na hoti tena taṃ suññaṃ samanupassati, yaṃ pana tattha avasiṭṭhaṃ hoti taṃ ‘santamidaṃ atthī’ti pajānāti. Evampissa esā, ānanda, yathābhuccā avipallatthā parisuddhā suññatāvakkanti bhavati.
182. ‘‘буна жабарам̣, аананд̣̇а, бхигку аманасигарид̇ваа аагин̃жан̃н̃ааяад̇анасан̃н̃ам̣, аманасигарид̇ваа нзвасан̃н̃аанаасан̃н̃ааяад̇анасан̃н̃ам̣, анимид̇д̇ам̣ жзд̇осамаад̇хим̣ бадижжа манаси гарод̇и згад̇д̇ам̣. д̇асса анимид̇д̇з жзд̇осамаад̇химхи жид̇д̇ам̣ багканд̣̇ад̇и басийд̣̇ад̇и санд̇идтад̇и ад̇химужжад̇и. со звам̣ баж̇аанаад̇и – ‘яз ассу д̣̇арат̇аа аагин̃жан̃н̃ааяад̇анасан̃н̃ам̣ бадижжа д̇зд̇ха на санд̇и, яз ассу д̣̇арат̇аа нзвасан̃н̃аанаасан̃н̃ааяад̇анасан̃н̃ам̣ бадижжа д̇зд̇ха на санд̇и, ад̇т̇и жзвааяам̣ д̣̇арат̇амад̇д̇аа яад̣̇ид̣̇ам̣ – имамзва гааяам̣ бадижжа сал̣ааяад̇анигам̣ ж̇ийвид̇абажжаяаа’д̇и . со ‘сун̃н̃амид̣̇ам̣ сан̃н̃ааг̇ад̇ам̣ аагин̃жан̃н̃ааяад̇анасан̃н̃ааяаа’д̇и баж̇аанаад̇и, ‘сун̃н̃амид̣̇ам̣ сан̃н̃ааг̇ад̇ам̣ нзвасан̃н̃аанаасан̃н̃ааяад̇анасан̃н̃ааяаа’д̇и баж̇аанаад̇и, ‘ад̇т̇и жзвид̣̇ам̣ асун̃н̃ад̇ам̣ яад̣̇ид̣̇ам̣ – имамзва гааяам̣ бадижжа сал̣ааяад̇анигам̣ ж̇ийвид̇абажжаяаа’д̇и. ид̇и яан̃хи ко д̇ад̇т̇а на ход̇и д̇зна д̇ам̣ сун̃н̃ам̣ саманубассад̇и, яам̣ бана д̇ад̇т̇а авасидтам̣ ход̇и д̇ам̣ ‘санд̇амид̣̇ам̣ ад̇т̇ий’д̇и баж̇аанаад̇и. звамбисса зсаа, аананд̣̇а, яат̇аабхужжаа авибаллад̇т̇аа барисуд̣̇д̇хаа сун̃н̃ад̇аавагганд̇и бхавад̇и.
182. ‘‘Puna caparaṃ, ānanda, bhikkhu amanasikaritvā ākiñcaññāyatanasaññaṃ, amanasikaritvā nevasaññānāsaññāyatanasaññaṃ, animittaṃ cetosamādhiṃ paṭicca manasi karoti ekattaṃ. Tassa animitte cetosamādhimhi cittaṃ pakkhandati pasīdati santiṭṭhati adhimuccati. So evaṃ pajānāti – ‘ye assu darathā ākiñcaññāyatanasaññaṃ paṭicca tedha na santi, ye assu darathā nevasaññānāsaññāyatanasaññaṃ paṭicca tedha na santi, atthi cevāyaṃ darathamattā yadidaṃ – imameva kāyaṃ paṭicca saḷāyatanikaṃ jīvitapaccayā’ti . So ‘suññamidaṃ saññāgataṃ ākiñcaññāyatanasaññāyā’ti pajānāti, ‘suññamidaṃ saññāgataṃ nevasaññānāsaññāyatanasaññāyā’ti pajānāti, ‘atthi cevidaṃ asuññataṃ yadidaṃ – imameva kāyaṃ paṭicca saḷāyatanikaṃ jīvitapaccayā’ti. Iti yañhi kho tattha na hoti tena taṃ suññaṃ samanupassati, yaṃ pana tattha avasiṭṭhaṃ hoti taṃ ‘santamidaṃ atthī’ti pajānāti. Evampissa esā, ānanda, yathābhuccā avipallatthā parisuddhā suññatāvakkanti bhavati.
183. ‘‘буна жабарам̣, аананд̣̇а, бхигку аманасигарид̇ваа аагин̃жан̃н̃ааяад̇анасан̃н̃ам̣, аманасигарид̇ваа нзвасан̃н̃аанаасан̃н̃ааяад̇анасан̃н̃ам̣, анимид̇д̇ам̣ жзд̇осамаад̇хим̣ бадижжа манаси гарод̇и згад̇д̇ам̣. д̇асса анимид̇д̇з жзд̇осамаад̇химхи жид̇д̇ам̣ багканд̣̇ад̇и басийд̣̇ад̇и санд̇идтад̇и ад̇химужжад̇и. со звам̣ баж̇аанаад̇и – ‘аяамби ко анимид̇д̇о жзд̇осамаад̇хи абхисан̇кад̇о абхисан̃жзд̇аяид̇о’. ‘яам̣ ко бана гин̃жи абхисан̇кад̇ам̣ абхисан̃жзд̇аяид̇ам̣ д̇ад̣̇анижжам̣ нирод̇хад̇хамма’нд̇и баж̇аанаад̇и. д̇асса звам̣ ж̇аанад̇о звам̣ бассад̇о гаамаасавааби жид̇д̇ам̣ вимужжад̇и, бхаваасавааби жид̇д̇ам̣ вимужжад̇и, авиж̇ж̇аасавааби жид̇д̇ам̣ вимужжад̇и. вимуд̇д̇асмим̣ вимуд̇д̇амид̇и н̃аан̣ам̣ ход̇и. ‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’д̇и баж̇аанаад̇и. со звам̣ баж̇аанаад̇и – ‘яз ассу д̣̇арат̇аа гаамаасавам̣ бадижжа д̇зд̇ха на санд̇и, яз ассу д̣̇арат̇аа бхаваасавам̣ бадижжа д̇зд̇ха на санд̇и, яз ассу д̣̇арат̇аа авиж̇ж̇аасавам̣ бадижжа д̇зд̇ха на санд̇и, ад̇т̇и жзвааяам̣ д̣̇арат̇амад̇д̇аа яад̣̇ид̣̇ам̣ – имамзва гааяам̣ бадижжа сал̣ааяад̇анигам̣ ж̇ийвид̇абажжаяаа’д̇и. со ‘сун̃н̃амид̣̇ам̣ сан̃н̃ааг̇ад̇ам̣ гаамаасавзнаа’д̇и баж̇аанаад̇и, ‘сун̃н̃амид̣̇ам̣ сан̃н̃ааг̇ад̇ам̣ бхаваасавзнаа’д̇и баж̇аанаад̇и, ‘сун̃н̃амид̣̇ам̣ сан̃н̃ааг̇ад̇ам̣ авиж̇ж̇аасавзнаа’д̇и баж̇аанаад̇и, ‘ад̇т̇и жзвид̣̇ам̣ асун̃н̃ад̇ам̣ яад̣̇ид̣̇ам̣ – имамзва гааяам̣ бадижжа сал̣ааяад̇анигам̣ ж̇ийвид̇абажжаяаа’д̇и. ид̇и яан̃хи ко д̇ад̇т̇а на ход̇и д̇зна д̇ам̣ сун̃н̃ам̣ саманубассад̇и, яам̣ бана д̇ад̇т̇а авасидтам̣ ход̇и д̇ам̣ ‘санд̇амид̣̇ам̣ ад̇т̇ий’д̇и баж̇аанаад̇и. звамбисса зсаа, аананд̣̇а, яат̇аабхужжаа авибаллад̇т̇аа барисуд̣̇д̇хаа барамаануд̇д̇араа сун̃н̃ад̇аавагганд̇и бхавад̇и.
183. ‘‘Puna caparaṃ, ānanda, bhikkhu amanasikaritvā ākiñcaññāyatanasaññaṃ, amanasikaritvā nevasaññānāsaññāyatanasaññaṃ, animittaṃ cetosamādhiṃ paṭicca manasi karoti ekattaṃ. Tassa animitte cetosamādhimhi cittaṃ pakkhandati pasīdati santiṭṭhati adhimuccati. So evaṃ pajānāti – ‘ayampi kho animitto cetosamādhi abhisaṅkhato abhisañcetayito’. ‘Yaṃ kho pana kiñci abhisaṅkhataṃ abhisañcetayitaṃ tadaniccaṃ nirodhadhamma’nti pajānāti. Tassa evaṃ jānato evaṃ passato kāmāsavāpi cittaṃ vimuccati, bhavāsavāpi cittaṃ vimuccati, avijjāsavāpi cittaṃ vimuccati. Vimuttasmiṃ vimuttamiti ñāṇaṃ hoti. ‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānāti. So evaṃ pajānāti – ‘ye assu darathā kāmāsavaṃ paṭicca tedha na santi, ye assu darathā bhavāsavaṃ paṭicca tedha na santi, ye assu darathā avijjāsavaṃ paṭicca tedha na santi, atthi cevāyaṃ darathamattā yadidaṃ – imameva kāyaṃ paṭicca saḷāyatanikaṃ jīvitapaccayā’ti. So ‘suññamidaṃ saññāgataṃ kāmāsavenā’ti pajānāti, ‘suññamidaṃ saññāgataṃ bhavāsavenā’ti pajānāti, ‘suññamidaṃ saññāgataṃ avijjāsavenā’ti pajānāti, ‘atthi cevidaṃ asuññataṃ yadidaṃ – imameva kāyaṃ paṭicca saḷāyatanikaṃ jīvitapaccayā’ti. Iti yañhi kho tattha na hoti tena taṃ suññaṃ samanupassati, yaṃ pana tattha avasiṭṭhaṃ hoti taṃ ‘santamidaṃ atthī’ti pajānāti. Evampissa esā, ānanda, yathābhuccā avipallatthā parisuddhā paramānuttarā suññatāvakkanti bhavati.
184. ‘‘язби хи гзжи, аананд̣̇а, ад̇ийд̇амад̣̇д̇хаанам̣ саман̣аа ваа б̣раахман̣аа ваа барисуд̣̇д̇хам̣ барамаануд̇д̇арам̣ сун̃н̃ад̇ам̣ убасамбаж̇ж̇а вихарим̣су, саб̣б̣з д̇з имам̣язва барисуд̣̇д̇хам̣ барамаануд̇д̇арам̣ сун̃н̃ад̇ам̣ убасамбаж̇ж̇а вихарим̣су. язби 7 хи гзжи, аананд̣̇а, анааг̇ад̇амад̣̇д̇хаанам̣ саман̣аа ваа б̣раахман̣аа ваа барисуд̣̇д̇хам̣ барамаануд̇д̇арам̣ сун̃н̃ад̇ам̣ убасамбаж̇ж̇а вихариссанд̇и, саб̣б̣з д̇з имам̣язва барисуд̣̇д̇хам̣ барамаануд̇д̇арам̣ сун̃н̃ад̇ам̣ убасамбаж̇ж̇а вихариссанд̇и. язби 8 хи гзжи, аананд̣̇а, зд̇арахи саман̣аа ваа б̣раахман̣аа ваа барисуд̣̇д̇хам̣ барамаануд̇д̇арам̣ сун̃н̃ад̇ам̣ убасамбаж̇ж̇а вихаранд̇и, саб̣б̣з д̇з имам̣язва барисуд̣̇д̇хам̣ барамаануд̇д̇арам̣ сун̃н̃ад̇ам̣ убасамбаж̇ж̇а вихаранд̇и. д̇асмаад̇иха, аананд̣̇а, ‘барисуд̣̇д̇хам̣ барамаануд̇д̇арам̣ сун̃н̃ад̇ам̣ убасамбаж̇ж̇а вихариссаамаа’д̇и 9 – зван̃хи во 10, аананд̣̇а, сигкид̇аб̣б̣а’’нд̇и.
184. ‘‘Yepi hi keci, ānanda, atītamaddhānaṃ samaṇā vā brāhmaṇā vā parisuddhaṃ paramānuttaraṃ suññataṃ upasampajja vihariṃsu, sabbe te imaṃyeva parisuddhaṃ paramānuttaraṃ suññataṃ upasampajja vihariṃsu. Yepi 11 hi keci, ānanda, anāgatamaddhānaṃ samaṇā vā brāhmaṇā vā parisuddhaṃ paramānuttaraṃ suññataṃ upasampajja viharissanti, sabbe te imaṃyeva parisuddhaṃ paramānuttaraṃ suññataṃ upasampajja viharissanti. Yepi 12 hi keci, ānanda, etarahi samaṇā vā brāhmaṇā vā parisuddhaṃ paramānuttaraṃ suññataṃ upasampajja viharanti, sabbe te imaṃyeva parisuddhaṃ paramānuttaraṃ suññataṃ upasampajja viharanti. Tasmātiha, ānanda, ‘parisuddhaṃ paramānuttaraṃ suññataṃ upasampajja viharissāmā’ti 13 – evañhi vo 14, ānanda, sikkhitabba’’nti.
ид̣̇амавожа бхаг̇аваа. ад̇д̇амано ааяасмаа аананд̣̇о бхаг̇авад̇о бхаасид̇ам̣ абхинанд̣̇ийд̇и.
Idamavoca bhagavā. Attamano āyasmā ānando bhagavato bhāsitaṃ abhinandīti.
жуул̣асун̃н̃ад̇асуд̇д̇ам̣ нидтид̇ам̣ батамам̣.
Cūḷasuññatasuttaṃ niṭṭhitaṃ paṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 1. жуул̣асун̃н̃ад̇асуд̇д̇аван̣н̣анаа • 1. Cūḷasuññatasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 1. жуул̣асун̃н̃ад̇асуд̇д̇аван̣н̣анаа • 1. Cūḷasuññatasuttavaṇṇanā
