| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
3. сун̃н̃ад̇аваг̇г̇о
3. Suññatavaggo
1. жуул̣асун̃н̃ад̇асуд̇д̇аван̣н̣анаа
1. Cūḷasuññatasuttavaṇṇanā
176. звам̣ мз суд̇анд̇и жуул̣асун̃н̃ад̇асуд̇д̇ам̣. д̇ад̇т̇а згамид̣̇анд̇и т̇зро гира бхаг̇авад̇о вад̇д̇ам̣ гад̇ваа ад̇д̇ано д̣̇иваадтаанам̣ г̇анд̇ваа гаалабарижчзд̣̇ам̣ гад̇ваа ниб̣б̣аанаарамман̣ам̣ сун̃н̃ад̇аапаласамаабад̇д̇им̣ аббзд̇ваа нисинно яат̇аабарижчзд̣̇зна вудтааси. ат̇асса сан̇каараа сун̃н̃ад̇о убадтахим̣су. со сун̃н̃ад̇аагат̇ам̣ сод̇угаамо ж̇аад̇о. ат̇асса зд̇ад̣̇ахоси – ‘‘на ко бана саггаа д̇хурзна д̇хурам̣ бахаранд̇зна вияа г̇анд̇ваа ‘сун̃н̃ад̇аагат̇ам̣ мз, бханд̇з, гат̇зт̇аа’д̇и бхаг̇аванд̇ам̣ вад̇д̇ум̣, ханд̣̇аахам̣ яам̣ мз бхаг̇аваа наг̇арагам̣ убаниссааяа вихаранд̇о згам̣ гат̇ам̣ гат̇зси, д̇ам̣ саарзми, звам̣ мз бхаг̇аваа сун̃н̃ад̇аагат̇ам̣ гат̇зссад̇ий’’д̇и д̣̇асаб̣алам̣ саарзнд̇о згамид̣̇анд̇иаад̣̇имааха.
176.Evaṃme sutanti cūḷasuññatasuttaṃ. Tattha ekamidanti thero kira bhagavato vattaṃ katvā attano divāṭṭhānaṃ gantvā kālaparicchedaṃ katvā nibbānārammaṇaṃ suññatāphalasamāpattiṃ appetvā nisinno yathāparicchedena vuṭṭhāsi. Athassa saṅkhārā suññato upaṭṭhahiṃsu. So suññatākathaṃ sotukāmo jāto. Athassa etadahosi – ‘‘na kho pana sakkā dhurena dhuraṃ paharantena viya gantvā ‘suññatākathaṃ me, bhante, kathethā’ti bhagavantaṃ vattuṃ, handāhaṃ yaṃ me bhagavā nagarakaṃ upanissāya viharanto ekaṃ kathaṃ kathesi, taṃ sāremi, evaṃ me bhagavā suññatākathaṃ kathessatī’’ti dasabalaṃ sārento ekamidantiādimāha.
д̇ад̇т̇а ид̣̇анд̇и нибаад̇амад̇д̇амзва. гажжимзд̇ам̣, бханд̇зд̇и т̇зро згабад̣̇з тад̇ваа садтибад̣̇асахассаани уг̇г̇ахзд̇ваа д̇хаарзд̇ум̣ самад̇т̇о, гим̣ со ‘‘сун̃н̃ад̇аавихаарзнаа’’д̇и згам̣ бад̣̇ам̣ д̇хаарзд̇ум̣ на сагкиссад̇и, сод̇угаамзна бана ж̇аананд̇зна вияа бужчид̇ум̣ на ваддад̇и, баагадам̣ гад̇ваа вид̇т̇аарияамаанам̣ сун̃н̃ад̇аагат̇ам̣ сод̇угаамо аж̇аананд̇о вияа звамааха. зго аж̇аананд̇оби ж̇аананд̇о вияа ход̇и, т̇зро зваруубам̣ гохан̃н̃ам̣ гим̣ гариссад̇и, ад̇д̇ано ж̇аананадтаанзби бхаг̇авад̇о абажид̇им̣ д̣̇ассзд̇ваа ‘‘гажжимзд̇а’’нд̇иаад̣̇имааха.
Tattha idanti nipātamattameva. Kaccimetaṃ, bhanteti thero ekapade ṭhatvā saṭṭhipadasahassāni uggahetvā dhāretuṃ samattho, kiṃ so ‘‘suññatāvihārenā’’ti ekaṃ padaṃ dhāretuṃ na sakkhissati, sotukāmena pana jānantena viya pucchituṃ na vaṭṭati, pākaṭaṃ katvā vitthāriyamānaṃ suññatākathaṃ sotukāmo ajānanto viya evamāha. Eko ajānantopi jānanto viya hoti, thero evarūpaṃ kohaññaṃ kiṃ karissati, attano jānanaṭṭhānepi bhagavato apacitiṃ dassetvā ‘‘kaccimeta’’ntiādimāha.
буб̣б̣збийд̇и батамаб̣од̇хияам̣ наг̇арагам̣ убаниссааяа вихаран̣агаалзби. зд̇арахибийд̇и ид̣̇ааниби. звам̣ бана вад̇ваа жинд̇зси – ‘‘аананд̣̇о сун̃н̃ад̇аагат̇ам̣ сод̇угаамо, зго бана сод̇ум̣ саггод̇и, на уг̇г̇ахзд̇ум̣, зго сод̇умби уг̇г̇ахзд̇умби саггод̇и, на гат̇зд̇ум̣, аананд̣̇о бана сод̇умби саггод̇и уг̇г̇ахзд̇умби гат̇зд̇умби, (гат̇змисса) сун̃н̃ад̇аагат̇а’’нд̇и. ид̇и д̇ам̣ гат̇знд̇о сзяяат̇аабийд̇иаад̣̇имааха. д̇ад̇т̇а сун̃н̃о хад̇т̇иг̇аваассавал̣авзнаад̇и д̇ад̇т̇а гадтаруубабод̇т̇агаруубажид̇д̇аруубавасзна гад̇аа хад̇т̇иаад̣̇аяо ад̇т̇и, взссаван̣аманд̇хаад̇аад̣̇ийнам̣ тид̇адтаанз жид̇д̇агаммавасзна гад̇амби, рад̇анабаригкад̇аанам̣ ваад̇абаанад̣̇ваараб̣анд̇хаман̃жабийтаад̣̇ийнам̣ васзна сан̣тид̇амби, ж̇ин̣н̣абадисан̇каран̣ад̇т̇ам̣ табид̇амби ж̇аад̇аруубараж̇ад̇ам̣ ад̇т̇и, гадтаруубаад̣̇ивасзна гад̇аа д̇хаммасаванабан̃хабужчанаад̣̇ивасзна ааг̇ажчанд̇аа жа ид̇т̇ибурисааби ад̇т̇и, д̇асмаа на со д̇зхи сун̃н̃о. инд̣̇рияаб̣ад̣̇д̇хаанам̣ савин̃н̃аан̣агаанам̣ хад̇т̇иаад̣̇ийнам̣, ижчид̇ижчид̇агкан̣з барибхун̃ж̇ид̇аб̣б̣асса ж̇аад̇аруубараж̇ад̇асса, ниб̣ад̣̇д̇хаваасам̣ васанд̇аанам̣ ид̇т̇ибурисаанан̃жа абхаавам̣ санд̇хааязд̇ам̣ вуд̇д̇ам̣.
Pubbepīti paṭhamabodhiyaṃ nagarakaṃ upanissāya viharaṇakālepi. Etarahipīti idānipi. Evaṃ pana vatvā cintesi – ‘‘ānando suññatākathaṃ sotukāmo, eko pana sotuṃ sakkoti, na uggahetuṃ, eko sotumpi uggahetumpi sakkoti, na kathetuṃ, ānando pana sotumpi sakkoti uggahetumpi kathetumpi, (kathemissa) suññatākatha’’nti. Iti taṃ kathento seyyathāpītiādimāha. Tattha suñño hatthigavāssavaḷavenāti tattha kaṭṭharūpapotthakarūpacittarūpavasena katā hatthiādayo atthi, vessavaṇamandhātādīnaṃ ṭhitaṭṭhāne cittakammavasena katampi, ratanaparikkhatānaṃ vātapānadvārabandhamañcapīṭhādīnaṃ vasena saṇṭhitampi, jiṇṇapaṭisaṅkharaṇatthaṃ ṭhapitampi jātarūparajataṃ atthi, kaṭṭharūpādivasena katā dhammasavanapañhapucchanādivasena āgacchantā ca itthipurisāpi atthi, tasmā na so tehi suñño. Indriyabaddhānaṃ saviññāṇakānaṃ hatthiādīnaṃ, icchiticchitakkhaṇe paribhuñjitabbassa jātarūparajatassa, nibaddhavāsaṃ vasantānaṃ itthipurisānañca abhāvaṃ sandhāyetaṃ vuttaṃ.
бхигкусан̇гхам̣ бадижжаад̇и бхигкуусу хи бин̣д̣ааяа бавидтзсуби вихаарабхад̇д̇ам̣ саад̣̇ияанд̇зхи бхигкуухи жзва г̇илаанаг̇илаанубадтаагауд̣̇д̣̇зсажийварагаммабасуд̇аад̣̇ийхи жа бхигкуухи со асун̃н̃ова ход̇и, ид̇и нижжамби бхигкуунам̣ ад̇т̇ид̇ааяа звамааха. згад̇д̇анд̇и згабхаавам̣, згам̣ асун̃н̃ад̇ам̣ ад̇т̇ийд̇и ад̇т̇о. зго асун̃н̃абхааво ад̇т̇ийд̇и вуд̇д̇ам̣ ход̇и. аманасигарид̇ваад̇и жид̇д̇з агад̇ваа анааваж̇ж̇ид̇ваа абажжавзгкид̇ваа. г̇аамасан̃н̃анд̇и г̇аамод̇и бавад̇д̇авасзна ваа гилзсавасзна ваа уббаннам̣ г̇аамасан̃н̃ам̣. мануссасан̃н̃ааяаби зсзва наяо. аран̃н̃асан̃н̃ам̣ бадижжа манаси гарод̇и згад̇д̇анд̇и ид̣̇ам̣ аран̃н̃ам̣, аяам̣ ругко, аяам̣ баб̣б̣ад̇о, аяам̣ нийлобхаасо ванасан̣д̣од̇и звам̣ згам̣ аран̃н̃ам̣язва бадижжа аран̃н̃асан̃н̃ам̣ манаси гарод̇и. багканд̣̇ад̇ийд̇и од̇арад̇и. ад̇химужжад̇ийд̇и званд̇и ад̇химужжад̇и. яз ассу д̣̇арат̇аад̇и яз жа бавад̇д̇ад̣̇арат̇аа ваа гилзсад̣̇арат̇аа ваа г̇аамасан̃н̃ам̣ бадижжа бхавзяяум̣, д̇з ид̇ха аран̃н̃асан̃н̃ааяа на санд̇и. д̣̇уд̇ияабад̣̇зби зсзва наяо. ад̇т̇и жзвааяанд̇и аяам̣ бана згам̣ аран̃н̃асан̃н̃ам̣ бадижжа уббаж̇ж̇амаанаа бавад̇д̇ад̣̇арат̇амад̇д̇аа ад̇т̇и.
Bhikkhusaṅghaṃ paṭiccāti bhikkhūsu hi piṇḍāya paviṭṭhesupi vihārabhattaṃ sādiyantehi bhikkhūhi ceva gilānagilānupaṭṭhākauddesacīvarakammapasutādīhi ca bhikkhūhi so asuññova hoti, iti niccampi bhikkhūnaṃ atthitāya evamāha. Ekattanti ekabhāvaṃ, ekaṃ asuññataṃ atthīti attho. Eko asuññabhāvo atthīti vuttaṃ hoti. Amanasikaritvāti citte akatvā anāvajjitvā apaccavekkhitvā. Gāmasaññanti gāmoti pavattavasena vā kilesavasena vā uppannaṃ gāmasaññaṃ. Manussasaññāyapi eseva nayo. Araññasaññaṃ paṭicca manasi karoti ekattanti idaṃ araññaṃ, ayaṃ rukkho, ayaṃ pabbato, ayaṃ nīlobhāso vanasaṇḍoti evaṃ ekaṃ araññaṃyeva paṭicca araññasaññaṃ manasi karoti. Pakkhandatīti otarati. Adhimuccatīti evanti adhimuccati. Ye assu darathāti ye ca pavattadarathā vā kilesadarathā vā gāmasaññaṃ paṭicca bhaveyyuṃ, te idha araññasaññāya na santi. Dutiyapadepi eseva nayo. Atthi cevāyanti ayaṃ pana ekaṃ araññasaññaṃ paṭicca uppajjamānā pavattadarathamattā atthi.
яан̃хи ко д̇ад̇т̇а на ход̇ийд̇и яам̣ миг̇аарамаад̇убаасаад̣̇з хад̇т̇иаад̣̇аяо вияа имиссаа аран̃н̃асан̃н̃ааяа г̇аамасан̃н̃аамануссасан̃н̃аавасзна уббаж̇ж̇амаанам̣ бавад̇д̇ад̣̇арат̇агилзсад̣̇арат̇аж̇аад̇ам̣, д̇ам̣ на ход̇и. яам̣ бана д̇ад̇т̇а авасидтанд̇и яам̣ миг̇аарамаад̇убаасаад̣̇з бхигкусан̇гхо вияа д̇ад̇т̇а аран̃н̃асан̃н̃ааяа бавад̇д̇ад̣̇арат̇амад̇д̇ам̣ авасидтам̣ ход̇и. д̇ам̣ санд̇амид̣̇ам̣ ад̇т̇ийд̇и баж̇аанаад̇ийд̇и д̇ам̣ виж̇ж̇амаанамзва ‘‘ад̇т̇и ид̣̇а’’нд̇и баж̇аанаад̇и, сун̃н̃ад̇аавагганд̇ийд̇и сун̃н̃ад̇ааниб̣б̣ад̇д̇и.
Yañhikho tattha na hotīti yaṃ migāramātupāsāde hatthiādayo viya imissā araññasaññāya gāmasaññāmanussasaññāvasena uppajjamānaṃ pavattadarathakilesadarathajātaṃ, taṃ na hoti. Yaṃ pana tattha avasiṭṭhanti yaṃ migāramātupāsāde bhikkhusaṅgho viya tattha araññasaññāya pavattadarathamattaṃ avasiṭṭhaṃ hoti. Taṃ santamidaṃ atthīti pajānātīti taṃ vijjamānameva ‘‘atthi ida’’nti pajānāti, suññatāvakkantīti suññatānibbatti.
177. аманасигарид̇ваа мануссасан̃н̃анд̇и ид̇ха г̇аамасан̃н̃ам̣ на г̇ан̣хаад̇и. гасмаа? звам̣ гирасса ахоси – ‘‘мануссасан̃н̃ааяа г̇аамасан̃н̃ам̣ нивад̇д̇зд̇ваа, аран̃н̃асан̃н̃ааяа мануссасан̃н̃ам̣, бат̇авийсан̃н̃ааяа аран̃н̃асан̃н̃ам̣, аагаасаанан̃жааяад̇анасан̃н̃ааяа бат̇авийсан̃н̃ам̣…бз… нзвасан̃н̃аанаасан̃н̃ааяад̇анасан̃н̃ааяа аагин̃жан̃н̃ааяад̇анасан̃н̃ам̣ , вибассанааяа нзвасан̃н̃аанаасан̃н̃ааяад̇анасан̃н̃ам̣, маг̇г̇зна вибассанам̣ нивад̇д̇зд̇ваа анубуб̣б̣зна ажжанд̇асун̃н̃ад̇ам̣ наама д̣̇ассзссаамий’’д̇и. д̇асмаа звам̣ д̣̇зсанам̣ аарабхи. д̇ад̇т̇а бат̇авийсан̃н̃анд̇и гасмаа аран̃н̃асан̃н̃ам̣ бахааяа бат̇авийсан̃н̃ам̣ манаси гарод̇и? аран̃н̃асан̃н̃ааяа висзсаанад̇хиг̇аманад̇о. яат̇аа хи бурисасса раман̣ийяам̣ кзд̇д̇адтаанам̣ д̣̇исваа – ‘‘ид̇ха вуд̇д̇аа саалиаад̣̇аяо судту самбаж̇ж̇иссанд̇и, махаалаабхам̣ лабхиссаамий’’д̇и сад̇д̇агкад̇д̇умби кзд̇д̇адтаанам̣ ологзнд̇асса саалиаад̣̇аяо на самбаж̇ж̇анд̇зва, сажз бана д̇ам̣ таанам̣ вихад̇акаан̣угаган̣дагам̣ гад̇ваа гасид̇ваа вабад̇и, звам̣ санд̇з самбаж̇ж̇анд̇и, звамзва – ‘‘ид̣̇ам̣ аран̃н̃ам̣, аяам̣ ругко, аяам̣ баб̣б̣ад̇о, аяам̣ нийлобхаасо ванасан̣д̣о’’д̇и сажзби сад̇д̇агкад̇д̇ум̣ аран̃н̃асан̃н̃ам̣ манаси гарод̇и, нзвуубажаарам̣ на самаад̇хим̣ баабун̣аад̇и, бат̇авийсан̃н̃ааяа банасса д̇хувасзванам̣ гаммадтаанам̣ бат̇авийгасин̣ам̣ баригаммам̣ гад̇ваа жхаанаани ниб̣б̣ад̇д̇зд̇ваа жхаанабад̣̇адтаанамби вибассанам̣ вад̣дхзд̇ваа саггаа арахад̇д̇ам̣ баабун̣ид̇ум̣. д̇асмаа аран̃н̃асан̃н̃ам̣ бахааяа бат̇авийсан̃н̃ам̣ манаси гарод̇и. бадижжаад̇и бадижжа самбхууд̇ам̣.
177.Amanasikaritvāmanussasaññanti idha gāmasaññaṃ na gaṇhāti. Kasmā? Evaṃ kirassa ahosi – ‘‘manussasaññāya gāmasaññaṃ nivattetvā, araññasaññāya manussasaññaṃ, pathavīsaññāya araññasaññaṃ, ākāsānañcāyatanasaññāya pathavīsaññaṃ…pe… nevasaññānāsaññāyatanasaññāya ākiñcaññāyatanasaññaṃ , vipassanāya nevasaññānāsaññāyatanasaññaṃ, maggena vipassanaṃ nivattetvā anupubbena accantasuññataṃ nāma dassessāmī’’ti. Tasmā evaṃ desanaṃ ārabhi. Tattha pathavīsaññanti kasmā araññasaññaṃ pahāya pathavīsaññaṃ manasi karoti? Araññasaññāya visesānadhigamanato. Yathā hi purisassa ramaṇīyaṃ khettaṭṭhānaṃ disvā – ‘‘idha vuttā sāliādayo suṭṭhu sampajjissanti, mahālābhaṃ labhissāmī’’ti sattakkhattumpi khettaṭṭhānaṃ olokentassa sāliādayo na sampajjanteva, sace pana taṃ ṭhānaṃ vihatakhāṇukakaṇṭakaṃ katvā kasitvā vapati, evaṃ sante sampajjanti, evameva – ‘‘idaṃ araññaṃ, ayaṃ rukkho, ayaṃ pabbato, ayaṃ nīlobhāso vanasaṇḍo’’ti sacepi sattakkhattuṃ araññasaññaṃ manasi karoti, nevūpacāraṃ na samādhiṃ pāpuṇāti, pathavīsaññāya panassa dhuvasevanaṃ kammaṭṭhānaṃ pathavīkasiṇaṃ parikammaṃ katvā jhānāni nibbattetvā jhānapadaṭṭhānampi vipassanaṃ vaḍḍhetvā sakkā arahattaṃ pāpuṇituṃ. Tasmā araññasaññaṃ pahāya pathavīsaññaṃ manasi karoti. Paṭiccāti paṭicca sambhūtaṃ.
ид̣̇аани яасмим̣ бат̇авийгасин̣з со бат̇авийсан̃н̃ий ход̇и, д̇асса обаммад̣̇ассанад̇т̇ам̣ сзяяат̇аабийд̇иаад̣̇имааха. д̇ад̇т̇а усабхасса зд̇анд̇и аасабхам̣. ан̃н̃зсам̣ бана г̇уннам̣ г̇ан̣д̣ааби хонд̇и бахаарааби. д̇зсан̃хи жаммам̣ басаарияамаанам̣ ниб̣б̣алигам̣ на ход̇и, усабхасса лагкан̣асамбаннад̇ааяа д̇з д̣̇осаа над̇т̇и. д̇асмаа д̇асса жаммам̣ г̇ахид̇ам̣. сан̇гусад̇знаад̇и киласад̇зна. сувихад̇анд̇и басаарзд̇ваа судту вихад̇ам̣. уунагасад̇асан̇гувихад̇ан̃хи ниб̣б̣алигам̣ на ход̇и, сан̇гусад̇зна вихад̇ам̣ бхзрид̇алам̣ вияа ниб̣б̣алигам̣ ход̇и. д̇асмаа звамааха. уггуулавиггууланд̇и ужжанийжам̣ т̇аладтаанам̣ ниннадтаанам̣. над̣̇ийвид̣̇уг̇г̇анд̇и над̣̇ияо жзва д̣̇уг̇г̇амадтаанан̃жа. бат̇авийсан̃н̃ам̣ бадижжа манаси гарод̇и згад̇д̇анд̇и гасин̣абат̇авияам̣язва бадижжа самбхууд̇ам̣ згам̣ сан̃н̃ам̣ манаси гарод̇и. д̣̇арат̇амад̇д̇аад̇и ид̇о бадтааяа саб̣б̣аваарзсу бавад̇д̇ад̣̇арат̇авасзна д̣̇арат̇амад̇д̇аа взд̣̇ид̇аб̣б̣аа.
Idāni yasmiṃ pathavīkasiṇe so pathavīsaññī hoti, tassa opammadassanatthaṃ seyyathāpītiādimāha. Tattha usabhassa etanti āsabhaṃ. Aññesaṃ pana gunnaṃ gaṇḍāpi honti pahārāpi. Tesañhi cammaṃ pasāriyamānaṃ nibbalikaṃ na hoti, usabhassa lakkhaṇasampannatāya te dosā natthi. Tasmā tassa cammaṃ gahitaṃ. Saṅkusatenāti khilasatena. Suvihatanti pasāretvā suṭṭhu vihataṃ. Ūnakasatasaṅkuvihatañhi nibbalikaṃ na hoti, saṅkusatena vihataṃ bheritalaṃ viya nibbalikaṃ hoti. Tasmā evamāha. Ukkūlavikkūlanti uccanīcaṃ thalaṭṭhānaṃ ninnaṭṭhānaṃ. Nadīvidugganti nadiyo ceva duggamaṭṭhānañca. Pathavīsaññaṃ paṭicca manasi karoti ekattanti kasiṇapathaviyaṃyeva paṭicca sambhūtaṃ ekaṃ saññaṃ manasi karoti. Darathamattāti ito paṭṭhāya sabbavāresu pavattadarathavasena darathamattā veditabbā.
182. анимид̇д̇ам̣ жзд̇осамаад̇хинд̇и вибассанаажид̇д̇асамаад̇хим̣. со хи нижжанимид̇д̇аад̣̇ивирахид̇о анимид̇д̇од̇и вужжад̇и. имамзва гааяанд̇и вибассанааяа вад̇т̇ум̣ д̣̇ассзд̇и. д̇ад̇т̇а имамзваад̇и имам̣ зва жад̇умахаабхууд̇игам̣. сал̣ааяад̇аниганд̇и сал̣ааяад̇анабадисам̣яуд̇д̇ам̣. ж̇ийвид̇абажжаяаад̇и яаава ж̇ийвид̇инд̣̇рияаанам̣ бавад̇д̇и, д̇аава ж̇ийвид̇абажжаяаа бавад̇д̇ад̣̇арат̇амад̇д̇аа ад̇т̇ийд̇и вуд̇д̇ам̣ ход̇и.
182.Animittaṃ cetosamādhinti vipassanācittasamādhiṃ. So hi niccanimittādivirahito animittoti vuccati. Imameva kāyanti vipassanāya vatthuṃ dasseti. Tattha imamevāti imaṃ eva catumahābhūtikaṃ. Saḷāyatanikanti saḷāyatanapaṭisaṃyuttaṃ. Jīvitapaccayāti yāva jīvitindriyānaṃ pavatti, tāva jīvitapaccayā pavattadarathamattā atthīti vuttaṃ hoti.
183. буна анимид̇д̇анд̇и вибассанааяа бадивибассанам̣ д̣̇ассзд̇ум̣ вуд̇д̇ам̣. гаамаасавам̣ бадижжаад̇и гаамаасавам̣ бадижжа уббаж̇ж̇анабавад̇д̇ад̣̇арат̇аа ид̇ха на санд̇и, арияамаг̇г̇з жзва арияапалз жа над̇т̇ийд̇и вуд̇д̇ам̣ ход̇и. имамзва гааяанд̇и имам̣ убаад̣̇исзсад̣̇арат̇ад̣̇ассанад̇т̇ам̣ вуд̇д̇ам̣. ид̇и мануссасан̃н̃ааяа г̇аамасан̃н̃ам̣ нивад̇д̇зд̇ваа…бз… маг̇г̇зна вибассанам̣ нивад̇д̇зд̇ваа анубуб̣б̣зна ажжанд̇асун̃н̃ад̇аа наама д̣̇ассид̇аа ход̇и.
183. Puna animittanti vipassanāya paṭivipassanaṃ dassetuṃ vuttaṃ. Kāmāsavaṃ paṭiccāti kāmāsavaṃ paṭicca uppajjanapavattadarathā idha na santi, ariyamagge ceva ariyaphale ca natthīti vuttaṃ hoti. Imameva kāyanti imaṃ upādisesadarathadassanatthaṃ vuttaṃ. Iti manussasaññāya gāmasaññaṃ nivattetvā…pe… maggena vipassanaṃ nivattetvā anupubbena accantasuññatā nāma dassitā hoti.
184. барисуд̣̇д̇ханд̇и нирубаггилзсам̣. ануд̇д̇аранд̇и уд̇д̇аравирахид̇ам̣ саб̣б̣асздтам̣. сун̃н̃ад̇анд̇и сун̃н̃ад̇апаласамаабад̇д̇им̣. д̇асмаад̇и яасмаа ад̇ийд̇зби, б̣уд̣̇д̇хабажжзгаб̣уд̣̇д̇хаб̣уд̣̇д̇хасаавагасан̇каад̇аа саман̣аб̣раахман̣аа. анааг̇ад̇зби, зд̇арахиби б̣уд̣̇д̇хаб̣уд̣̇д̇хасаавагасан̇каад̇аа саман̣аб̣раахман̣аа имам̣язва барисуд̣̇д̇хам̣ барамам̣ ануд̇д̇арам̣ сун̃н̃ад̇ам̣ убасамбаж̇ж̇а вихарим̣су вихариссанд̇и вихаранд̇и жа, д̇асмаа. сзсам̣ саб̣б̣ад̇т̇а уд̇д̇аанамзваад̇и.
184.Parisuddhanti nirupakkilesaṃ. Anuttaranti uttaravirahitaṃ sabbaseṭṭhaṃ. Suññatanti suññataphalasamāpattiṃ. Tasmāti yasmā atītepi, buddhapaccekabuddhabuddhasāvakasaṅkhātā samaṇabrāhmaṇā. Anāgatepi, etarahipi buddhabuddhasāvakasaṅkhātā samaṇabrāhmaṇā imaṃyeva parisuddhaṃ paramaṃ anuttaraṃ suññataṃ upasampajja vihariṃsu viharissanti viharanti ca, tasmā. Sesaṃ sabbattha uttānamevāti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
жуул̣асун̃н̃ад̇асуд̇д̇аван̣н̣анаа нидтид̇аа.
Cūḷasuññatasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 1. жуул̣асун̃н̃ад̇асуд̇д̇ам̣ • 1. Cūḷasuññatasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 1. жуул̣асун̃н̃ад̇асуд̇д̇аван̣н̣анаа • 1. Cūḷasuññatasuttavaṇṇanā
