| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
3. сун̃н̃ад̇аваг̇г̇о
3. Suññatavaggo
1. жуул̣асун̃н̃ад̇асуд̇д̇аван̣н̣анаа
1. Cūḷasuññatasuttavaṇṇanā
176. гаалабарижчзд̣̇ам̣ гад̇ваад̇и самаабаж̇ж̇анд̇зхи наама гаалабарижчзд̣̇о гаад̇аб̣б̣о. т̇зро бана бхаг̇авад̇о вад̇д̇агаран̣ад̇т̇ам̣ гаалабарижчзд̣̇ам̣ гарод̇и, ‘‘зд̇д̇агз гаалз вийд̇ивад̇д̇з ид̣̇ам̣ наама бхаг̇авад̇о гаад̇аб̣б̣а’’нд̇и. со д̇ад̇т̇агам̣язва самаабад̇д̇им̣ самаабаж̇ж̇ид̇ваа вудтаад̇и, д̇ам̣ санд̇хааяа вуд̇д̇ам̣ ‘‘гаалабарижчзд̣̇ам̣ гад̇ваа’’д̇и. сун̃н̃ад̇аапаласамаабад̇д̇им̣ аббзд̇ваад̇и зд̇зна ид̇арз, ‘‘на сод̇аабаннасагад̣̇ааг̇аамий паласамаабад̇д̇им̣ самаабаж̇ж̇анд̇ий’’д̇и вад̣̇анд̇и, д̇ам̣ ваад̣̇ам̣ бадисзд̇хзд̇и. сун̃н̃ад̇од̇и ад̇д̇асун̃н̃ад̇о жа нижжасун̃н̃ад̇о жа сан̇каараа убадтахим̣су. сзгкаанан̃хи сун̃н̃ад̇аабадивзд̇хо баад̣̇зсиго субхасукасан̃н̃аанам̣ аббахийнад̇д̇аа, д̇асмаа со т̇зро сун̃н̃ад̇аагат̇ам̣ сод̇угаамо ж̇аад̇о. д̇хурзна д̇хурам̣ бахаранд̇зна вияаад̇и рат̇ад̇хурзна рат̇ад̇хурам̣ бахаранд̇зна вияа гад̇ваа уж̇угамзва сун̃н̃ад̇аа…бз… вад̇т̇ум̣ на саггаад̇и яож̇анаа. згам̣ бад̣̇анд̇и згам̣ сун̃н̃ад̇аабад̣̇ам̣.
176.Kālaparicchedaṃkatvāti samāpajjantehi nāma kālaparicchedo kātabbo. Thero pana bhagavato vattakaraṇatthaṃ kālaparicchedaṃ karoti, ‘‘ettake kāle vītivatte idaṃ nāma bhagavato kātabba’’nti. So tatthakaṃyeva samāpattiṃ samāpajjitvā vuṭṭhāti, taṃ sandhāya vuttaṃ ‘‘kālaparicchedaṃ katvā’’ti. Suññatāphalasamāpattiṃ appetvāti etena itare, ‘‘na sotāpannasakadāgāmī phalasamāpattiṃ samāpajjantī’’ti vadanti, taṃ vādaṃ paṭisedheti. Suññatoti attasuññato ca niccasuññato ca saṅkhārā upaṭṭhahiṃsu. Sekkhānañhi suññatāpaṭivedho pādesiko subhasukhasaññānaṃ appahīnattā, tasmā so thero suññatākathaṃ sotukāmo jāto. Dhurena dhuraṃ paharantena viyāti rathadhurena rathadhuraṃ paharantena viya katvā ujukameva suññatā…pe… vatthuṃ na sakkāti yojanā. Ekaṃ padanti ekaṃ suññatāpadaṃ.
буб̣б̣збааханд̇иаад̣̇инаа бхаг̇аваа батамаб̣од̇хияамби ад̇д̇ано сун̃н̃ад̇аавихаараб̣аахуллам̣ багаасзд̇ийд̇и д̣̇ассзнд̇о ‘‘батамаб̣од̇хияамбий’’д̇и ааха. згод̇иаад̣̇и т̇зрасса сун̃н̃ад̇аагат̇ааяа бхааж̇анабхаавад̣̇ассанад̇т̇ам̣. сод̇унд̇и адтим̣ гад̇ваа манаси гад̇ваа саб̣б̣ажзд̇асаа саманнаахарид̇ваа сод̇умби. уг̇г̇ахзд̇умбид̇и яат̇аабхууд̇ам̣ д̇хаммам̣ д̇хааран̣абарибужчаабарижаяавасзна хад̣̇аязна уг̇г̇ахид̇ам̣ суван̣н̣абхааж̇анз багкид̇д̇асийхавасаа вияа авинадтз гаад̇умби. гат̇зд̇умбийд̇и вид̇т̇аарзна барзсам̣ д̣̇ассзд̇умби саггаа. д̇ад̇т̇аад̇и миг̇аарамаад̇убаасаад̣̇з. гадтаруубабод̇т̇агаруубажид̇д̇аруубавасзна гад̇аад̇и т̇амбхаад̣̇ийсу уд̇д̇ирид̇ваа гад̇аанам̣ гадтаруубаанам̣, нияяуухаад̣̇ийсу бадимаавасзна ражид̇аанам̣ бод̇т̇агаруубаанам̣, сид̇д̇ибассз жид̇д̇агаммавасзна виражид̇аанам̣ жид̇д̇аруубаанан̃жа гад̇аа нидтабид̇аа. взссаван̣аманд̇хаад̇аад̣̇ийнанд̇и бадимааруубзна гад̇аанам̣ взссаван̣аманд̇хаад̇усаггаад̣̇ийнам̣. жид̇д̇агаммавасзнаад̇и аараамаад̣̇ижид̇д̇агаммавасзна. сан̣тид̇амбийд̇и аваяавабхаавзна сан̣тид̇ам̣ худ̇ваа тид̇амби. ж̇ин̣н̣абадисан̇каран̣ад̇т̇анд̇и ж̇ин̣н̣аанам̣ нияяуухагуудааг̇аарабаасаад̣̇ааваяаваанам̣ абхисан̇каран̣ад̇т̇ааяа д̇асмим̣ д̇асмим̣ таанз рахассасан̃н̃аан̣зна табид̇ам̣. ‘‘барибхун̃ж̇иссаамий’’д̇и д̇асмим̣ д̇асмим̣ гижжз винияун̃ж̇анавасзна барибхун̃ж̇ид̇аб̣б̣асса. зд̇ам̣ вуд̇д̇анд̇и, ‘‘аяам̣ миг̇аарамаад̇убаасаад̣̇о сун̃н̃о’’д̇иаад̣̇игам̣ вуд̇д̇ам̣.
Pubbepāhantiādinā bhagavā paṭhamabodhiyampi attano suññatāvihārabāhullaṃ pakāsetīti dassento ‘‘paṭhamabodhiyampī’’ti āha. Ekotiādi therassa suññatākathāya bhājanabhāvadassanatthaṃ. Sotunti aṭṭhiṃ katvā manasi katvā sabbacetasā samannāharitvā sotumpi. Uggahetumpiti yathābhūtaṃ dhammaṃ dhāraṇaparipucchāparicayavasena hadayena uggahitaṃ suvaṇṇabhājane pakkhittasīhavasā viya avinaṭṭhe kātumpi. Kathetumpīti vitthārena paresaṃ dassetumpi sakkā. Tatthāti migāramātupāsāde. Kaṭṭharūpapotthakarūpacittarūpavasena katāti thambhādīsu uttiritvā katānaṃ kaṭṭharūpānaṃ, niyyūhādīsu paṭimāvasena racitānaṃ potthakarūpānaṃ, sittipasse cittakammavasena viracitānaṃ cittarūpānañca katā niṭṭhapitā. Vessavaṇamandhātādīnanti paṭimārūpena katānaṃ vessavaṇamandhātusakkādīnaṃ. Cittakammavasenāti ārāmādicittakammavasena. Saṇṭhitampīti avayavabhāvena saṇṭhitaṃ hutvā ṭhitampi. Jiṇṇapaṭisaṅkharaṇatthanti jiṇṇānaṃ niyyūhakūṭāgārapāsādāvayavānaṃ abhisaṅkharaṇatthāya tasmiṃ tasmiṃ ṭhāne rahassasaññāṇena ṭhapitaṃ. ‘‘Paribhuñjissāmī’’ti tasmiṃ tasmiṃ kicce viniyuñjanavasena paribhuñjitabbassa. Etaṃ vuttanti, ‘‘ayaṃ migāramātupāsādo suñño’’tiādikaṃ vuttaṃ.
нижжанд̇и саб̣б̣агаалам̣ рад̇д̇ин̃жа д̣̇иваа жа. згабхаавам̣ згам̣ асун̃н̃ад̇анд̇и бажжад̇д̇з убаяог̇аважанам̣, згад̇д̇ам̣ зго асун̃н̃ад̇од̇и ад̇т̇о. г̇аамод̇и бавад̇д̇анавасзнаад̇и г̇зхасаннивзсавийт̇ижажжарасин̇гхаадагаад̣̇игз убаад̣̇ааяа г̇аамод̇и логуббад̇д̇ивасзна. гилзсавасзнаад̇и д̇ад̇т̇а анунаяабадигхавасзна. зсзва наяод̇и иминаа ‘‘бавад̇д̇авасзна ваа гилзсавасзна ваа уббаннам̣ мануссасан̃н̃а’’нд̇и имамад̇т̇ам̣ ад̇ид̣̇исад̇и. зд̇т̇а жа яат̇аа г̇аамаг̇г̇ахан̣зна гхараад̣̇исан̃н̃аа сан̇г̇ахид̇аа, звам̣ мануссаг̇г̇ахан̣зна ид̇т̇ибурисаад̣̇исан̃н̃аа сан̇г̇ахид̇аа. яасмаа ругкаад̣̇игз бадижжа аран̃н̃асан̃н̃аа д̇ад̇т̇а баб̣б̣ад̇аванасан̣д̣аад̣̇аяо анд̇ог̇ад̇хаа, д̇асмаа д̇ад̇т̇а виж̇ж̇амаанамби д̇ам̣ вибхааг̇ам̣ аг̇г̇ахзд̇ваа згам̣ аран̃н̃ам̣язва бадижжа аран̃н̃асан̃н̃ам̣ манаси гарод̇и. од̇арад̇ийд̇и ануббависад̇и. ад̇химужжад̇ийд̇и нижчинод̇и. бавад̇д̇ад̣̇арат̇аад̇и д̇ат̇ааруубааяа бассад̣̇д̇хияаа абхаавад̇о ол̣ааригад̇хаммаббавад̇д̇исид̣̇д̇хаа д̣̇арат̇аа. гилзсад̣̇арат̇аад̇и анунаяабадигхасамбхаваа гилзсад̣̇арат̇аа. д̣̇уд̇ияабад̣̇зд̇и ‘‘яз ассу д̣̇арат̇аа мануссасан̃н̃ам̣ бадижжаа’’д̇и имасмим̣ бад̣̇з. манасигаарасанд̇ад̇ааяа, – ‘‘нааяам̣ буб̣б̣з вияа ол̣ааригаа, д̇хаммаббавад̇д̇ий’’д̇и сан̇каарад̣̇ассанад̣̇арат̇аанам̣ сукумад̇аа саллахугад̇аа жа жарид̇ад̇т̇аад̇и ааха ‘‘бавад̇д̇ад̣̇арат̇амад̇д̇аа ад̇т̇ий’’д̇и.
Niccanti sabbakālaṃ rattiñca divā ca. Ekabhāvaṃ ekaṃ asuññatanti paccatte upayogavacanaṃ, ekattaṃ eko asuññatoti attho. Gāmoti pavattanavasenāti gehasannivesavīthicaccarasiṅghāṭakādike upādāya gāmoti lokuppattivasena. Kilesavasenāti tattha anunayapaṭighavasena. Eseva nayoti iminā ‘‘pavattavasena vā kilesavasena vā uppannaṃ manussasañña’’nti imamatthaṃ atidisati. Ettha ca yathā gāmaggahaṇena gharādisaññā saṅgahitā, evaṃ manussaggahaṇena itthipurisādisaññā saṅgahitā. Yasmā rukkhādike paṭicca araññasaññā tattha pabbatavanasaṇḍādayo antogadhā, tasmā tattha vijjamānampi taṃ vibhāgaṃ aggahetvā ekaṃ araññaṃyeva paṭicca araññasaññaṃ manasi karoti. Otaratīti anuppavisati. Adhimuccatīti nicchinoti. Pavattadarathāti tathārūpāya passaddhiyā abhāvato oḷārikadhammappavattisiddhā darathā. Kilesadarathāti anunayapaṭighasambhavā kilesadarathā. Dutiyapadeti ‘‘ye assu darathā manussasaññaṃ paṭiccā’’ti imasmiṃ pade. Manasikārasantatāya, – ‘‘nāyaṃ pubbe viya oḷārikā, dhammappavattī’’ti saṅkhāradassanadarathānaṃ sukhumatā sallahukatā ca caritatthāti āha ‘‘pavattadarathamattā atthī’’ti.
яам̣ гилзсад̣̇арат̇аж̇аад̇ам̣, д̇ам̣ имиссаа д̣̇арат̇асан̃н̃ааяа на ход̇ийд̇и яож̇анаа. бавад̇д̇ад̣̇арат̇амад̇д̇ам̣ авасидтам̣ ход̇и, виж̇ж̇амаанамзва ад̇т̇и ид̣̇анд̇и баж̇аанаад̇ийд̇и яож̇анаа. сун̃н̃ад̇аа ниб̣б̣ад̇д̇ийд̇и сун̃н̃ад̇анд̇и бавад̇д̇и. сун̃н̃ад̇аа сахажарид̇ан̃хи сун̃н̃ам̣, ид̇ха сун̃н̃ад̇аад̇и вуд̇д̇аа.
Yaṃ kilesadarathajātaṃ, taṃ imissā darathasaññāya na hotīti yojanā. Pavattadarathamattaṃ avasiṭṭhaṃ hoti, vijjamānameva atthi idanti pajānātīti yojanā. Suññatā nibbattīti suññatanti pavatti. Suññatā sahacaritañhi suññaṃ, idha suññatāti vuttā.
177. ассаад̇и бхаг̇авад̇о звам̣ ид̣̇аани вужжамаанаагаарзна жид̇д̇аббавад̇д̇и ахоси. ажжанд̇асун̃н̃ад̇анд̇и ‘‘барамаануд̇д̇ара’’нд̇и вуд̇д̇ам̣ арахад̇д̇ам̣ д̣̇зсзссаамийд̇и. аран̃н̃асан̃н̃ааяа висзсаанад̇хиг̇аманад̇од̇и, ‘‘аран̃н̃ам̣ аран̃н̃а’’нд̇и манасигаарзна жхаанаад̣̇ивисзсасса ад̇хиг̇амаабхаавад̇о, ‘‘бат̇авий’’д̇и манасигаарзна висзсаад̇хиг̇аманад̇о. ид̣̇аани д̇амзвад̇т̇ам̣ убамааяа вибхаавзд̇ум̣ ‘‘яат̇аа хий’’д̇иаад̣̇и вуд̇д̇ам̣. звам̣ санд̇зд̇и звам̣ вабид̇з саалиаад̣̇аяо самбаж̇ж̇анд̇и. д̇хувасзвананд̇и нияад̇асзванам̣ баарихаарияагаммадтаанам̣. бадижжаад̇и зд̇т̇а ‘‘самбхууд̇а’’нд̇и важанасзсо ижчид̇од̇и ааха ‘‘бадижжа самбхууд̇а’’нд̇и. бат̇авим̣ бадижжа самбхууд̇аа хи сан̃н̃аад̇и.
177.Assāti bhagavato evaṃ idāni vuccamānākārena cittappavatti ahosi. Accantasuññatanti ‘‘paramānuttara’’nti vuttaṃ arahattaṃ desessāmīti. Araññasaññāya visesānadhigamanatoti, ‘‘araññaṃ arañña’’nti manasikārena jhānādivisesassa adhigamābhāvato, ‘‘pathavī’’ti manasikārena visesādhigamanato. Idāni tamevatthaṃ upamāya vibhāvetuṃ ‘‘yathā hī’’tiādi vuttaṃ. Evaṃ santeti evaṃ vapite sāliādayo sampajjanti. Dhuvasevananti niyatasevanaṃ pārihāriyakammaṭṭhānaṃ. Paṭiccāti ettha ‘‘sambhūta’’nti vacanaseso icchitoti āha ‘‘paṭicca sambhūta’’nti. Pathaviṃ paṭicca sambhūtā hi saññāti.
бат̇авийгасин̣з со бат̇авийсан̃н̃ий ход̇и, на багад̇ибат̇авияам̣. д̇ассаад̇и бат̇авийгасин̣асса. д̇зхийд̇и г̇ан̣д̣аад̣̇ийхи. судту вихад̇анд̇и яат̇аа валийнам̣ лзсоби на ход̇и, звам̣ саммад̣̇зва аагодид̇ам̣. над̣̇ийд̇ал̣аагаад̣̇ийнам̣ д̇ийраббад̣̇зсо уд̣̇агасса аагарадтзна гуулам̣, уннад̇абхаавад̇о уг̇г̇ад̇ам̣ гуулам̣ вияаад̇и уггуулам̣, бхуумияаа ужжадтаанам̣. виг̇ад̇ам̣ гууланд̇и виггуулам̣, нийжадтаанам̣. д̇знааха ‘‘ужжанийжа’’нд̇и. згам̣ сан̃н̃анд̇и згам̣ бат̇авийд̇исан̃н̃ам̣язва.
Pathavīkasiṇeso pathavīsaññī hoti, na pakatipathaviyaṃ. Tassāti pathavīkasiṇassa. Tehīti gaṇḍādīhi. Suṭṭhu vihatanti yathā valīnaṃ lesopi na hoti, evaṃ sammadeva ākoṭitaṃ. Nadītaḷākādīnaṃ tīrappadeso udakassa ākaraṭṭhena kūlaṃ, unnatabhāvato uggataṃ kūlaṃ viyāti ukkūlaṃ, bhūmiyā uccaṭṭhānaṃ. Vigataṃ kūlanti vikkūlaṃ, nīcaṭṭhānaṃ. Tenāha ‘‘uccanīca’’nti. Ekaṃ saññanti ekaṃ pathavītisaññaṃyeva.
182. сад̇иби сан̇кааранимид̇д̇авирахз яаад̣̇исаанам̣ нимид̇д̇аанам̣ абхаавзна ‘‘анимид̇д̇а’’нд̇и вужжад̇и, д̇аани д̣̇ассзд̇ум̣, ‘‘нижжанимид̇д̇аад̣̇ивирахид̇о’’д̇и вуд̇д̇ам̣. жад̇умахаабхууд̇игам̣ жад̇умахаабхууд̇аниссид̇ам̣. сал̣ааяад̇анабадисам̣яуд̇д̇ам̣ жагкааяад̇анаад̣̇исал̣ааяад̇анасахид̇ам̣.
182. Satipi saṅkhāranimittavirahe yādisānaṃ nimittānaṃ abhāvena ‘‘animitta’’nti vuccati, tāni dassetuṃ, ‘‘niccanimittādivirahito’’ti vuttaṃ. Catumahābhūtikaṃ catumahābhūtanissitaṃ. Saḷāyatanapaṭisaṃyuttaṃ cakkhāyatanādisaḷāyatanasahitaṃ.
183. вибассанааяа бадивибассананд̇и д̇хаммаанан̃жа буна вибассанам̣. ид̇хаад̇и ад̇д̇ано бажжагкабхууд̇аяат̇аад̇хиг̇ад̇амаг̇г̇апалам̣ вад̣̇ад̇ийд̇и ааха – ‘‘арияамаг̇г̇з жзва арияапалз жаа’’д̇и. убаад̣̇исзсад̣̇арат̇ад̣̇ассанад̇т̇анд̇и саб̣б̣асо гилзсубад̇хияаа бахийнааяа канд̇хобад̇хи ависидтаа, д̇аббажжаяаа д̣̇арат̇аа убаад̣̇исзсад̣̇арат̇аа, д̇ам̣ д̣̇ассанад̇т̇ам̣. яасмаа висаяад̇о г̇аамасан̃н̃аа ол̣ааригаа, мануссасан̃н̃аа сукумаа, д̇асмаа мануссасан̃н̃ааяа г̇аамасан̃н̃ам̣ нивад̇д̇зд̇ваа. яасмаа бана мануссасан̃н̃ааби сабхааг̇авад̇т̇убариг̇г̇ахад̇о ол̣ааригаа, сабхааг̇авад̇т̇уд̇о аран̃н̃асан̃н̃аа сукумаа, д̇асмаа аран̃н̃асан̃н̃ааяа мануссасан̃н̃ам̣ нивад̇д̇зд̇ваа. бат̇авийсан̃н̃аад̣̇инивад̇д̇анз гааран̣ам̣ хздтаа суд̇д̇анд̇арзсу жа вуд̇д̇амзва. анубуб̣б̣знаад̇и маг̇г̇аббадибаадияаа. нижжасаараад̣̇ийнам̣ саб̣б̣асо авад̇т̇уд̇ааяа ажжанд̇амзва сун̃н̃ад̇д̇аа ажжанд̇асун̃н̃ад̇аа.
183.Vipassanāya paṭivipassananti dhammānañca puna vipassanaṃ. Idhāti attano paccakkhabhūtayathādhigatamaggaphalaṃ vadatīti āha – ‘‘ariyamagge ceva ariyaphale cā’’ti. Upādisesadarathadassanatthanti sabbaso kilesupadhiyā pahīnāya khandhopadhi avisiṭṭhā, tappaccayā darathā upādisesadarathā, taṃ dassanatthaṃ. Yasmā visayato gāmasaññā oḷārikā, manussasaññā sukhumā, tasmā manussasaññāya gāmasaññaṃ nivattetvā. Yasmā pana manussasaññāpi sabhāgavatthupariggahato oḷārikā, sabhāgavatthuto araññasaññā sukhumā, tasmā araññasaññāya manussasaññaṃ nivattetvā. Pathavīsaññādinivattane kāraṇaṃ heṭṭhā suttantaresu ca vuttameva. Anupubbenāti maggappaṭipāṭiyā. Niccasārādīnaṃ sabbaso avatthutāya accantameva suññattā accantasuññatā.
184. сун̃н̃ад̇апаласамаабад̇д̇инд̇и сун̃н̃ад̇авимогкасса палабхууд̇ад̇д̇аа, сун̃н̃ад̇аанубассанааяа васзна самаабаж̇ж̇ид̇аб̣б̣ад̇д̇аа жа сун̃н̃ад̇апаласамаабад̇д̇инд̇и лад̣̇д̇ханаамам̣ арахад̇д̇апаласамаабад̇д̇им̣. яасмаа ад̇ийд̇з бажжзгасамб̣уд̣̇д̇хаа ахзсум̣, анааг̇ад̇з бхависсанд̇и, ид̣̇аани бана б̣уд̣̇д̇хасаасанасса д̇харамаанад̇д̇аа бажжзгаб̣уд̣̇д̇хаа на вад̇д̇анд̇и, д̇асмаа бажжзгаб̣уд̣̇д̇хаг̇г̇ахан̣ам̣ агад̇ваа, ‘‘зд̇арахиби б̣уд̣̇д̇хаб̣уд̣̇д̇хасаавагасан̇каад̇аа’’ижжзва вуд̇д̇ам̣. на хи б̣уд̣̇д̇хасаасанз д̇харанд̇з бажжзгаб̣уд̣̇д̇хаа бхаванд̇и. сзсам̣ сувин̃н̃зяяамзва.
184.Suññataphalasamāpattinti suññatavimokkhassa phalabhūtattā, suññatānupassanāya vasena samāpajjitabbattā ca suññataphalasamāpattinti laddhanāmaṃ arahattaphalasamāpattiṃ. Yasmā atīte paccekasambuddhā ahesuṃ, anāgate bhavissanti, idāni pana buddhasāsanassa dharamānattā paccekabuddhā na vattanti, tasmā paccekabuddhaggahaṇaṃ akatvā, ‘‘etarahipi buddhabuddhasāvakasaṅkhātā’’icceva vuttaṃ. Na hi buddhasāsane dharante paccekabuddhā bhavanti. Sesaṃ suviññeyyameva.
жуул̣асун̃н̃ад̇асуд̇д̇аван̣н̣анааяа лийнад̇т̇аббагаасанаа самад̇д̇аа.
Cūḷasuññatasuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 1. жуул̣асун̃н̃ад̇асуд̇д̇ам̣ • 1. Cūḷasuññatasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 1. жуул̣асун̃н̃ад̇асуд̇д̇аван̣н̣анаа • 1. Cūḷasuññatasuttavaṇṇanā
