| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
7. жуул̣ад̇ан̣хаасан̇каяасуд̇д̇ам̣
7. Cūḷataṇhāsaṅkhayasuttaṃ
390. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и буб̣б̣аараамз миг̇аарамаад̇убаасаад̣̇з. ат̇а ко сагго д̣̇зваанаминд̣̇о язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ адтааси. згаманд̇ам̣ тид̇о ко сагго д̣̇зваанаминд̣̇о бхаг̇аванд̇ам̣ зд̇ад̣̇авожа – ‘‘гид̇д̇аавад̇аа ну ко, бханд̇з, бхигку сам̣кид̇д̇зна д̇ан̣хаасан̇каяавимуд̇д̇о ход̇и ажжанд̇анидто ажжанд̇аяог̇агкзмий ажжанд̇аб̣рахмажаарий ажжанд̇абарияосаано сздто д̣̇звамануссаана’’нд̇и?
390. Evaṃ me sutaṃ – ekaṃ samayaṃ bhagavā sāvatthiyaṃ viharati pubbārāme migāramātupāsāde. Atha kho sakko devānamindo yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ aṭṭhāsi. Ekamantaṃ ṭhito kho sakko devānamindo bhagavantaṃ etadavoca – ‘‘kittāvatā nu kho, bhante, bhikkhu saṃkhittena taṇhāsaṅkhayavimutto hoti accantaniṭṭho accantayogakkhemī accantabrahmacārī accantapariyosāno seṭṭho devamanussāna’’nti?
‘‘ид̇ха, д̣̇зваанаминд̣̇а, бхигкуно суд̇ам̣ ход̇и – ‘саб̣б̣з д̇хаммаа наалам̣ абхинивзсааяаа’д̇и. зван̃жзд̇ам̣, д̣̇зваанаминд̣̇а, бхигкуно суд̇ам̣ ход̇и – ‘саб̣б̣з д̇хаммаа наалам̣ абхинивзсааяаа’д̇и. со саб̣б̣ам̣ д̇хаммам̣ абхиж̇аанаад̇и; саб̣б̣ам̣ д̇хаммам̣ абхин̃н̃ааяа саб̣б̣ам̣ д̇хаммам̣ бариж̇аанаад̇и; саб̣б̣ам̣ д̇хаммам̣ барин̃н̃ааяа яам̣ гин̃жи взд̣̇анам̣ взд̣̇зд̇и – сукам̣ ваа д̣̇угкам̣ ваа ад̣̇угкамасукам̣ ваа, со д̇аасу взд̣̇анаасу анижжаанубассий вихарад̇и, вирааг̇аанубассий вихарад̇и, нирод̇хаанубассий вихарад̇и, бадиниссаг̇г̇аанубассий вихарад̇и. со д̇аасу взд̣̇анаасу анижжаанубассий вихаранд̇о, вирааг̇аанубассий вихаранд̇о, нирод̇хаанубассий вихаранд̇о, бадиниссаг̇г̇аанубассий вихаранд̇о на гин̃жи логз убаад̣̇ияад̇и. анубаад̣̇ияам̣ на барид̇ассад̇и, абарид̇ассам̣ бажжад̇д̇ан̃н̃зва бариниб̣б̣ааяад̇и – ‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’д̇и баж̇аанаад̇и. зд̇д̇аавад̇аа ко, д̣̇зваанаминд̣̇а, бхигку сам̣кид̇д̇зна д̇ан̣хаасан̇каяавимуд̇д̇о ход̇и ажжанд̇анидто ажжанд̇аяог̇агкзмий ажжанд̇аб̣рахмажаарий ажжанд̇абарияосаано сздто д̣̇звамануссаана’’нд̇и.
‘‘Idha, devānaminda, bhikkhuno sutaṃ hoti – ‘sabbe dhammā nālaṃ abhinivesāyā’ti. Evañcetaṃ, devānaminda, bhikkhuno sutaṃ hoti – ‘sabbe dhammā nālaṃ abhinivesāyā’ti. So sabbaṃ dhammaṃ abhijānāti; sabbaṃ dhammaṃ abhiññāya sabbaṃ dhammaṃ parijānāti; sabbaṃ dhammaṃ pariññāya yaṃ kiñci vedanaṃ vedeti – sukhaṃ vā dukkhaṃ vā adukkhamasukhaṃ vā, so tāsu vedanāsu aniccānupassī viharati, virāgānupassī viharati, nirodhānupassī viharati, paṭinissaggānupassī viharati. So tāsu vedanāsu aniccānupassī viharanto, virāgānupassī viharanto, nirodhānupassī viharanto, paṭinissaggānupassī viharanto na kiñci loke upādiyati. Anupādiyaṃ na paritassati, aparitassaṃ paccattaññeva parinibbāyati – ‘khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānāti. Ettāvatā kho, devānaminda, bhikkhu saṃkhittena taṇhāsaṅkhayavimutto hoti accantaniṭṭho accantayogakkhemī accantabrahmacārī accantapariyosāno seṭṭho devamanussāna’’nti.
ат̇а ко сагго д̣̇зваанаминд̣̇о бхаг̇авад̇о бхаасид̇ам̣ абхинанд̣̇ид̇ваа анумод̣̇ид̇ваа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа д̇ад̇т̇званд̇арад̇хааяи.
Atha kho sakko devānamindo bhagavato bhāsitaṃ abhinanditvā anumoditvā bhagavantaṃ abhivādetvā padakkhiṇaṃ katvā tatthevantaradhāyi.
391. д̇зна ко бана самаязна ааяасмаа махаамог̇г̇аллаано бхаг̇авад̇о авид̣̇уурз нисинно ход̇и. ат̇а ко ааяасмад̇о махаамог̇г̇аллаанасса зд̇ад̣̇ахоси – ‘‘гим̣ ну ко со яагко бхаг̇авад̇о бхаасид̇ам̣ абхисамзжжа анумод̣̇и уд̣̇ааху но; яам̣нуунаахам̣ д̇ам̣ яагкам̣ ж̇аанзяяам̣ – яад̣̇и ваа со яагко бхаг̇авад̇о бхаасид̇ам̣ абхисамзжжа анумод̣̇и яад̣̇и ваа но’’д̇и? ат̇а ко ааяасмаа махаамог̇г̇аллаано – сзяяат̇ааби наама б̣алаваа бурисо самин̃ж̇ид̇ам̣ ваа б̣аахам̣ басаарзяяа, басаарид̇ам̣ ваа б̣аахам̣ самин̃ж̇зяяа, звамзва – буб̣б̣аараамз миг̇аарамаад̇убаасаад̣̇з анд̇арахид̇о д̣̇звзсу д̇аавад̇им̣сзсу баад̇урахоси. д̇зна ко бана самаязна сагго д̣̇зваанаминд̣̇о згабун̣д̣арийгз уяяаанз д̣̇иб̣б̣зхи бан̃жахи д̇уурияасад̇зхи 1 самаббид̇о саман̇г̇ийбхууд̇о барижаарзд̇и. ад̣̇д̣̇асаа ко сагго д̣̇зваанаминд̣̇о ааяасманд̇ам̣ махаамог̇г̇аллаанам̣ д̣̇уурад̇ова ааг̇ажчанд̇ам̣. д̣̇исваана д̇аани д̣̇иб̣б̣аани бан̃жа д̇уурияасад̇аани бадиббан̣аамзд̇ваа язнааяасмаа махаамог̇г̇аллаано д̇знубасан̇гами; убасан̇гамид̇ваа ааяасманд̇ам̣ махаамог̇г̇аллаанам̣ зд̇ад̣̇авожа – ‘‘зхи ко, маариса мог̇г̇аллаана, свааг̇ад̇ам̣, маариса мог̇г̇аллаана! жирассам̣ ко, маариса мог̇г̇аллаана, имам̣ барияааяам̣ агааси яад̣̇ид̣̇ам̣ ид̇хааг̇аманааяа. нисийд̣̇а, маариса мог̇г̇аллаана, ид̣̇амаасанам̣ бан̃н̃ад̇д̇а’’нд̇и. нисийд̣̇и ко ааяасмаа махаамог̇г̇аллаано бан̃н̃ад̇д̇з аасанз. саггоби ко д̣̇зваанаминд̣̇о ан̃н̃ад̇арам̣ нийжам̣ аасанам̣ г̇ахзд̇ваа згаманд̇ам̣ нисийд̣̇и. згаманд̇ам̣ нисиннам̣ ко саггам̣ д̣̇зваанаминд̣̇ам̣ ааяасмаа махаамог̇г̇аллаано зд̇ад̣̇авожа – ‘‘яат̇аа гат̇ам̣ бана ко, госияа, бхаг̇аваа сам̣кид̇д̇зна д̇ан̣хаасан̇каяавимуд̇д̇им̣ абхааси? саад̇ху маяамби зд̇иссаа гат̇ааяа бхааг̇ино ассаама саванааяаа’’д̇и.
391. Tena kho pana samayena āyasmā mahāmoggallāno bhagavato avidūre nisinno hoti. Atha kho āyasmato mahāmoggallānassa etadahosi – ‘‘kiṃ nu kho so yakkho bhagavato bhāsitaṃ abhisamecca anumodi udāhu no; yaṃnūnāhaṃ taṃ yakkhaṃ jāneyyaṃ – yadi vā so yakkho bhagavato bhāsitaṃ abhisamecca anumodi yadi vā no’’ti? Atha kho āyasmā mahāmoggallāno – seyyathāpi nāma balavā puriso samiñjitaṃ vā bāhaṃ pasāreyya, pasāritaṃ vā bāhaṃ samiñjeyya, evameva – pubbārāme migāramātupāsāde antarahito devesu tāvatiṃsesu pāturahosi. Tena kho pana samayena sakko devānamindo ekapuṇḍarīke uyyāne dibbehi pañcahi tūriyasatehi 2 samappito samaṅgībhūto paricāreti. Addasā kho sakko devānamindo āyasmantaṃ mahāmoggallānaṃ dūratova āgacchantaṃ. Disvāna tāni dibbāni pañca tūriyasatāni paṭippaṇāmetvā yenāyasmā mahāmoggallāno tenupasaṅkami; upasaṅkamitvā āyasmantaṃ mahāmoggallānaṃ etadavoca – ‘‘ehi kho, mārisa moggallāna, svāgataṃ, mārisa moggallāna! Cirassaṃ kho, mārisa moggallāna, imaṃ pariyāyaṃ akāsi yadidaṃ idhāgamanāya. Nisīda, mārisa moggallāna, idamāsanaṃ paññatta’’nti. Nisīdi kho āyasmā mahāmoggallāno paññatte āsane. Sakkopi kho devānamindo aññataraṃ nīcaṃ āsanaṃ gahetvā ekamantaṃ nisīdi. Ekamantaṃ nisinnaṃ kho sakkaṃ devānamindaṃ āyasmā mahāmoggallāno etadavoca – ‘‘yathā kathaṃ pana kho, kosiya, bhagavā saṃkhittena taṇhāsaṅkhayavimuttiṃ abhāsi? Sādhu mayampi etissā kathāya bhāgino assāma savanāyā’’ti.
392. ‘‘маяам̣ ко, маариса мог̇г̇аллаана, б̣ахугижжаа б̣ахугаран̣ийяаа – аббзва сагзна гаран̣ийязна, аби жа д̣̇зваанам̣язва д̇аавад̇им̣саанам̣ гаран̣ийязна. аби жа, маариса мог̇г̇аллаана, суссуд̇ам̣язва ход̇и суг̇г̇ахид̇ам̣ суманасигад̇ам̣ суубад̇хаарид̇ам̣, яам̣ но киббамзва анд̇арад̇хааяад̇и. бхууд̇абуб̣б̣ам̣, маариса мог̇г̇аллаана, д̣̇зваасурасан̇г̇аамо самубаб̣яуул̣хо 3 ахоси. д̇асмим̣ ко бана, маариса мог̇г̇аллаана, сан̇г̇аамз д̣̇зваа ж̇иним̣су, асураа барааж̇иним̣су. со ко ахам̣, маариса мог̇г̇аллаана, д̇ам̣ сан̇г̇аамам̣ абхивиж̇инид̇ваа виж̇ид̇асан̇г̇аамо д̇ад̇о бадинивад̇д̇ид̇ваа взж̇аяанд̇ам̣ наама баасаад̣̇ам̣ маабзсим̣. взж̇аяанд̇асса ко, маариса мог̇г̇аллаана, баасаад̣̇асса згасад̇ам̣ нияяуухам̣. згзгасмим̣ нияяуухз сад̇д̇а сад̇д̇а гуудааг̇аарасад̇аани. згамзгасмим̣ гуудааг̇аарз сад̇д̇а сад̇д̇а ажчарааяо . згамзгиссаа ажчарааяа сад̇д̇а сад̇д̇а барижааригааяо. ижчзяяааси но д̇вам̣ , маариса мог̇г̇аллаана, взж̇аяанд̇асса баасаад̣̇асса рааман̣зяяагам̣ д̣̇адту’’нд̇и? ад̇хиваасзси ко ааяасмаа махаамог̇г̇аллаано д̇ун̣хийбхаавзна.
392. ‘‘Mayaṃ kho, mārisa moggallāna, bahukiccā bahukaraṇīyā – appeva sakena karaṇīyena, api ca devānaṃyeva tāvatiṃsānaṃ karaṇīyena. Api ca, mārisa moggallāna, sussutaṃyeva hoti suggahitaṃ sumanasikataṃ sūpadhāritaṃ, yaṃ no khippameva antaradhāyati. Bhūtapubbaṃ, mārisa moggallāna, devāsurasaṅgāmo samupabyūḷho 4 ahosi. Tasmiṃ kho pana, mārisa moggallāna, saṅgāme devā jiniṃsu, asurā parājiniṃsu. So kho ahaṃ, mārisa moggallāna, taṃ saṅgāmaṃ abhivijinitvā vijitasaṅgāmo tato paṭinivattitvā vejayantaṃ nāma pāsādaṃ māpesiṃ. Vejayantassa kho, mārisa moggallāna, pāsādassa ekasataṃ niyyūhaṃ. Ekekasmiṃ niyyūhe satta satta kūṭāgārasatāni. Ekamekasmiṃ kūṭāgāre satta satta accharāyo . Ekamekissā accharāya satta satta paricārikāyo. Iccheyyāsi no tvaṃ , mārisa moggallāna, vejayantassa pāsādassa rāmaṇeyyakaṃ daṭṭhu’’nti? Adhivāsesi kho āyasmā mahāmoggallāno tuṇhībhāvena.
393. ат̇а ко сагго жа д̣̇зваанаминд̣̇о взссаван̣о жа махаарааж̇аа ааяасманд̇ам̣ махаамог̇г̇аллаанам̣ бурагкад̇ваа язна взж̇аяанд̇о баасаад̣̇о д̇знубасан̇гамим̣су. ад̣̇д̣̇асам̣су ко саггасса д̣̇зваанаминд̣̇асса барижааригааяо ааяасманд̇ам̣ махаамог̇г̇аллаанам̣ д̣̇уурад̇ова ааг̇ажчанд̇ам̣; д̣̇исваа од̇д̇аббамаанаа хирийяамаанаа сагам̣ сагам̣ оварагам̣ бависим̣су. сзяяат̇ааби наама сун̣исаа сасурам̣ д̣̇исваа од̇д̇аббад̇и хирийяад̇и, звамзва саггасса д̣̇зваанаминд̣̇асса барижааригааяо ааяасманд̇ам̣ махаамог̇г̇аллаанам̣ д̣̇исваа од̇д̇аббамаанаа хирийяамаанаа сагам̣ сагам̣ оварагам̣ бависим̣су. ат̇а ко сагго жа д̣̇зваанаминд̣̇о взссаван̣о жа махаарааж̇аа ааяасманд̇ам̣ махаамог̇г̇аллаанам̣ взж̇аяанд̇з баасаад̣̇з анужан̇гамаабзнд̇и анувижараабзнд̇и – ‘‘ид̣̇амби, маариса мог̇г̇аллаана, басса взж̇аяанд̇асса баасаад̣̇асса рааман̣зяяагам̣; ид̣̇амби, маариса мог̇г̇аллаана, басса взж̇аяанд̇асса баасаад̣̇асса рааман̣зяяага’’нд̇и. ‘‘собхад̇и ид̣̇ам̣ ааяасмад̇о госияасса, яат̇аа д̇ам̣ буб̣б̣з гад̇абун̃н̃асса. мануссааби гин̃жид̣̇зва рааман̣зяяагам̣ д̣̇исваа 5 звамаахам̣су – ‘собхад̇и вад̇а бхо яат̇аа д̣̇зваанам̣ д̇аавад̇им̣саана’нд̇и. д̇аяид̣̇ам̣ ааяасмад̇о госияасса собхад̇и, яат̇аа д̇ам̣ буб̣б̣з гад̇абун̃н̃ассаа’’д̇и. ат̇а ко ааяасмад̇о махаамог̇г̇аллаанасса зд̇ад̣̇ахоси – ‘‘ад̇иб̣аал̣хам̣ ко аяам̣ яагко бамад̇д̇о вихарад̇и. яам̣нуунаахам̣ имам̣ яагкам̣ сам̣взж̇зяяа’’нд̇и. ат̇а ко ааяасмаа махаамог̇г̇аллаано д̇ат̇ааруубам̣ ид̣̇д̇хаабхисан̇каарам̣ абхисан̇кааси 6 яат̇аа взж̇аяанд̇ам̣ баасаад̣̇ам̣ баад̣̇ан̇г̇удтагзна сан̇гамбзси самбагамбзси самбавзд̇хзси . ат̇а ко сагго жа д̣̇зваанаминд̣̇о, взссаван̣о жа махаарааж̇аа, д̣̇зваа жа д̇аавад̇им̣саа ажчарияаб̣бхуд̇ажид̇д̇аж̇аад̇аа ахзсум̣ – ‘‘ажчарияам̣ вад̇а, бхо, аб̣бхуд̇ам̣ вад̇а, бхо, саман̣асса махид̣̇д̇хигад̇аа махаанубхаавад̇аа, яад̇ра хи наама д̣̇иб̣б̣абхаванам̣ баад̣̇ан̇г̇удтагзна сан̇гамбзссад̇и самбагамбзссад̇и самбавзд̇хзссад̇ий’’д̇и! ат̇а ко ааяасмаа махаамог̇г̇аллаано саггам̣ д̣̇зваанаминд̣̇ам̣ сам̣виг̇г̇ам̣ ломахадтаж̇аад̇ам̣ вид̣̇ид̇ваа саггам̣ д̣̇зваанаминд̣̇ам̣ зд̇ад̣̇авожа – ‘‘яат̇аа гат̇ам̣ бана ко, госияа, бхаг̇аваа сам̣кид̇д̇зна д̇ан̣хаасан̇каяавимуд̇д̇им̣ абхааси? саад̇ху маяамби зд̇иссаа гат̇ааяа бхааг̇ино ассаама саванааяаа’’д̇и.
393. Atha kho sakko ca devānamindo vessavaṇo ca mahārājā āyasmantaṃ mahāmoggallānaṃ purakkhatvā yena vejayanto pāsādo tenupasaṅkamiṃsu. Addasaṃsu kho sakkassa devānamindassa paricārikāyo āyasmantaṃ mahāmoggallānaṃ dūratova āgacchantaṃ; disvā ottappamānā hirīyamānā sakaṃ sakaṃ ovarakaṃ pavisiṃsu. Seyyathāpi nāma suṇisā sasuraṃ disvā ottappati hirīyati, evameva sakkassa devānamindassa paricārikāyo āyasmantaṃ mahāmoggallānaṃ disvā ottappamānā hirīyamānā sakaṃ sakaṃ ovarakaṃ pavisiṃsu. Atha kho sakko ca devānamindo vessavaṇo ca mahārājā āyasmantaṃ mahāmoggallānaṃ vejayante pāsāde anucaṅkamāpenti anuvicarāpenti – ‘‘idampi, mārisa moggallāna, passa vejayantassa pāsādassa rāmaṇeyyakaṃ; idampi, mārisa moggallāna, passa vejayantassa pāsādassa rāmaṇeyyaka’’nti. ‘‘Sobhati idaṃ āyasmato kosiyassa, yathā taṃ pubbe katapuññassa. Manussāpi kiñcideva rāmaṇeyyakaṃ disvā 7 evamāhaṃsu – ‘sobhati vata bho yathā devānaṃ tāvatiṃsāna’nti. Tayidaṃ āyasmato kosiyassa sobhati, yathā taṃ pubbe katapuññassā’’ti. Atha kho āyasmato mahāmoggallānassa etadahosi – ‘‘atibāḷhaṃ kho ayaṃ yakkho pamatto viharati. Yaṃnūnāhaṃ imaṃ yakkhaṃ saṃvejeyya’’nti. Atha kho āyasmā mahāmoggallāno tathārūpaṃ iddhābhisaṅkhāraṃ abhisaṅkhāsi 8 yathā vejayantaṃ pāsādaṃ pādaṅguṭṭhakena saṅkampesi sampakampesi sampavedhesi . Atha kho sakko ca devānamindo, vessavaṇo ca mahārājā, devā ca tāvatiṃsā acchariyabbhutacittajātā ahesuṃ – ‘‘acchariyaṃ vata, bho, abbhutaṃ vata, bho, samaṇassa mahiddhikatā mahānubhāvatā, yatra hi nāma dibbabhavanaṃ pādaṅguṭṭhakena saṅkampessati sampakampessati sampavedhessatī’’ti! Atha kho āyasmā mahāmoggallāno sakkaṃ devānamindaṃ saṃviggaṃ lomahaṭṭhajātaṃ viditvā sakkaṃ devānamindaṃ etadavoca – ‘‘yathā kathaṃ pana kho, kosiya, bhagavā saṃkhittena taṇhāsaṅkhayavimuttiṃ abhāsi? Sādhu mayampi etissā kathāya bhāgino assāma savanāyā’’ti.
394. ‘‘ид̇хаахам̣ , маариса мог̇г̇аллаана, язна бхаг̇аваа д̇знубасан̇гамим̣; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ адтаасим̣. згаманд̇ам̣ тид̇о ко ахам̣, маариса мог̇г̇аллаана, бхаг̇аванд̇ам̣ зд̇ад̣̇авожам̣ – ‘гид̇д̇аавад̇аа ну ко, бханд̇з, бхигку сам̣кид̇д̇зна д̇ан̣хаасан̇каяавимуд̇д̇о ход̇и ажжанд̇анидто ажжанд̇аяог̇агкзмий ажжанд̇аб̣рахмажаарий ажжанд̇абарияосаано сздто д̣̇звамануссаана’’’нд̇и?
394. ‘‘Idhāhaṃ , mārisa moggallāna, yena bhagavā tenupasaṅkamiṃ; upasaṅkamitvā bhagavantaṃ abhivādetvā ekamantaṃ aṭṭhāsiṃ. Ekamantaṃ ṭhito kho ahaṃ, mārisa moggallāna, bhagavantaṃ etadavocaṃ – ‘kittāvatā nu kho, bhante, bhikkhu saṃkhittena taṇhāsaṅkhayavimutto hoti accantaniṭṭho accantayogakkhemī accantabrahmacārī accantapariyosāno seṭṭho devamanussāna’’’nti?
‘‘звам̣ вуд̇д̇з, маариса мог̇г̇аллаана, бхаг̇аваа мам̣ зд̇ад̣̇авожа – ‘ид̇ха, д̣̇зваанаминд̣̇а, бхигкуно суд̇ам̣ ход̇и – саб̣б̣з д̇хаммаа наалам̣ абхинивзсааяаа’д̇и. звам̣ жзд̇ам̣ д̣̇зваанаминд̣̇а бхигкуно суд̇ам̣ ход̇и ‘саб̣б̣з д̇хаммаа наалам̣ абхинивзсааяаа’д̇и. со саб̣б̣ам̣ д̇хаммам̣ абхиж̇аанаад̇и, саб̣б̣ам̣ д̇хаммам̣ абхин̃н̃ааяа саб̣б̣ам̣ д̇хаммам̣ бариж̇аанаад̇и, саб̣б̣ам̣ д̇хаммам̣ барин̃н̃ааяа яам̣ гин̃жи взд̣̇анам̣ взд̣̇зд̇и сукам̣ ваа д̣̇угкам̣ ваа ад̣̇угкамасукам̣ ваа. со д̇аасу взд̣̇анаасу анижжаанубассий вихарад̇и, вирааг̇аанубассий вихарад̇и, нирод̇хаанубассий вихарад̇и, бадиниссаг̇г̇аанубассий вихарад̇и. со д̇аасу взд̣̇анаасу анижжаанубассий вихаранд̇о, вирааг̇аанубассий вихаранд̇о, нирод̇хаанубассий вихаранд̇о, бадиниссаг̇г̇аанубассий вихаранд̇о на гин̃жи логз убаад̣̇ияад̇и, анубаад̣̇ияам̣ на барид̇ассад̇и, абарид̇ассам̣ бажжад̇д̇ан̃н̃зва бариниб̣б̣ааяад̇и – ‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’д̇и баж̇аанаад̇и. зд̇д̇аавад̇аа ко, д̣̇зваанаминд̣̇а, бхигку сам̣кид̇д̇зна д̇ан̣хаасан̇каяавимуд̇д̇о ход̇и ажжанд̇анидто ажжанд̇аяог̇агкзмий ажжанд̇аб̣рахмажаарий ажжанд̇абарияосаано сздто д̣̇звамануссаананд̇и. звам̣ ко мз, маариса мог̇г̇аллаана, бхаг̇аваа сам̣кид̇д̇зна д̇ан̣хаасан̇каяавимуд̇д̇им̣ абхаасий’’д̇и.
‘‘Evaṃ vutte, mārisa moggallāna, bhagavā maṃ etadavoca – ‘idha, devānaminda, bhikkhuno sutaṃ hoti – sabbe dhammā nālaṃ abhinivesāyā’ti. Evaṃ cetaṃ devānaminda bhikkhuno sutaṃ hoti ‘sabbe dhammā nālaṃ abhinivesāyā’ti. So sabbaṃ dhammaṃ abhijānāti, sabbaṃ dhammaṃ abhiññāya sabbaṃ dhammaṃ parijānāti, sabbaṃ dhammaṃ pariññāya yaṃ kiñci vedanaṃ vedeti sukhaṃ vā dukkhaṃ vā adukkhamasukhaṃ vā. So tāsu vedanāsu aniccānupassī viharati, virāgānupassī viharati, nirodhānupassī viharati, paṭinissaggānupassī viharati. So tāsu vedanāsu aniccānupassī viharanto, virāgānupassī viharanto, nirodhānupassī viharanto, paṭinissaggānupassī viharanto na kiñci loke upādiyati, anupādiyaṃ na paritassati, aparitassaṃ paccattaññeva parinibbāyati – ‘khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānāti. Ettāvatā kho, devānaminda, bhikkhu saṃkhittena taṇhāsaṅkhayavimutto hoti accantaniṭṭho accantayogakkhemī accantabrahmacārī accantapariyosāno seṭṭho devamanussānanti. Evaṃ kho me, mārisa moggallāna, bhagavā saṃkhittena taṇhāsaṅkhayavimuttiṃ abhāsī’’ti.
ат̇а ко ааяасмаа махаамог̇г̇аллаано саггасса д̣̇зваанаминд̣̇асса бхаасид̇ам̣ абхинанд̣̇ид̇ваа анумод̣̇ид̇ваа – сзяяат̇ааби наама б̣алаваа бурисо самин̃ж̇ид̇ам̣ ваа б̣аахам̣ басаарзяяа, басаарид̇ам̣ ваа б̣аахам̣ самин̃ж̇зяяа звамзва – д̣̇звзсу д̇аавад̇им̣сзсу анд̇арахид̇о буб̣б̣аараамз миг̇аарамаад̇убаасаад̣̇з баад̇урахоси. ат̇а ко саггасса д̣̇зваанаминд̣̇асса барижааригааяо ажирабагганд̇з ааяасманд̇з махаамог̇г̇аллаанз саггам̣ д̣̇зваанаминд̣̇ам̣ зд̇ад̣̇авожум̣ – ‘‘зсо ну д̇з, маариса, со бхаг̇аваа сад̇т̇аа’’д̇и? ‘‘на ко мз, маариса, со бхаг̇аваа сад̇т̇аа. саб̣рахмажаарий мз зсо ааяасмаа махаамог̇г̇аллаано’’д̇и. ‘‘лаабхаа д̇з, маариса, (сулад̣̇д̇хам̣ д̇з, маариса) 9 яасса д̇з саб̣рахмажаарий звам̣махид̣̇д̇хиго звам̣махаанубхааво! ахо нууна д̇з со бхаг̇аваа сад̇т̇аа’’д̇и.
Atha kho āyasmā mahāmoggallāno sakkassa devānamindassa bhāsitaṃ abhinanditvā anumoditvā – seyyathāpi nāma balavā puriso samiñjitaṃ vā bāhaṃ pasāreyya, pasāritaṃ vā bāhaṃ samiñjeyya evameva – devesu tāvatiṃsesu antarahito pubbārāme migāramātupāsāde pāturahosi. Atha kho sakkassa devānamindassa paricārikāyo acirapakkante āyasmante mahāmoggallāne sakkaṃ devānamindaṃ etadavocuṃ – ‘‘eso nu te, mārisa, so bhagavā satthā’’ti? ‘‘Na kho me, mārisa, so bhagavā satthā. Sabrahmacārī me eso āyasmā mahāmoggallāno’’ti. ‘‘Lābhā te, mārisa, (suladdhaṃ te, mārisa) 10 yassa te sabrahmacārī evaṃmahiddhiko evaṃmahānubhāvo! Aho nūna te so bhagavā satthā’’ti.
395. ат̇а ко ааяасмаа махаамог̇г̇аллаано язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа махаамог̇г̇аллаано бхаг̇аванд̇ам̣ зд̇ад̣̇авожа – ‘‘абхиж̇аанаад̇и но, бханд̇з, бхаг̇аваа аху 11 н̃аад̇ан̃н̃ад̇арасса махзсагкасса яагкасса сам̣кид̇д̇зна д̇ан̣хаасан̇каяавимуд̇д̇им̣ бхаасид̇аа’’д̇и 12? ‘‘абхиж̇аанаамахам̣, мог̇г̇аллаана, ид̇ха сагго д̣̇зваанаминд̣̇о язнаахам̣ д̇знубасан̇гами; убасан̇гамид̇ваа мам̣ абхиваад̣̇зд̇ваа згаманд̇ам̣ адтааси. згаманд̇ам̣ тид̇о ко, мог̇г̇аллаана, сагго д̣̇зваанаминд̣̇о мам̣ зд̇ад̣̇авожа – ‘гид̇д̇аавад̇аа ну ко, бханд̇з , бхигку сам̣кид̇д̇зна д̇ан̣хаасан̇каяавимуд̇д̇о ход̇и ажжанд̇анидто ажжанд̇аяог̇агкзмий ажжанд̇аб̣рахмажаарий ажжанд̇абарияосаано сздто д̣̇звамануссаана’’нд̇и.
395. Atha kho āyasmā mahāmoggallāno yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā mahāmoggallāno bhagavantaṃ etadavoca – ‘‘abhijānāti no, bhante, bhagavā ahu 13 ñātaññatarassa mahesakkhassa yakkhassa saṃkhittena taṇhāsaṅkhayavimuttiṃ bhāsitā’’ti 14? ‘‘Abhijānāmahaṃ, moggallāna, idha sakko devānamindo yenāhaṃ tenupasaṅkami; upasaṅkamitvā maṃ abhivādetvā ekamantaṃ aṭṭhāsi. Ekamantaṃ ṭhito kho, moggallāna, sakko devānamindo maṃ etadavoca – ‘kittāvatā nu kho, bhante , bhikkhu saṃkhittena taṇhāsaṅkhayavimutto hoti accantaniṭṭho accantayogakkhemī accantabrahmacārī accantapariyosāno seṭṭho devamanussāna’’nti.
звам̣ вуд̇д̇з ахам̣, мог̇г̇аллаана, саггам̣ д̣̇зваанаминд̣̇ам̣ зд̇ад̣̇авожам̣ ‘‘ид̇ха д̣̇зваанаминд̣̇а бхигкуно суд̇ам̣ ход̇и ‘саб̣б̣з д̇хаммаа наалам̣ абхинивзсааяаа’д̇и. звам̣ жзд̇ам̣ д̣̇зваанаминд̣̇а бхигкуно суд̇ам̣ ход̇и ‘саб̣б̣з д̇хаммаа наалам̣ абхинивзсааяаа’д̇и. со саб̣б̣ам̣ д̇хаммам̣ абхиж̇аанаад̇и, саб̣б̣ам̣ д̇хаммам̣ абхин̃н̃ааяа саб̣б̣ам̣ д̇хаммам̣ бариж̇аанаад̇и , саб̣б̣ам̣ д̇хаммам̣ барин̃н̃ааяа яам̣ гин̃жи взд̣̇анам̣ взд̣̇зд̇и сукам̣ ваа д̣̇угкам̣ ваа ад̣̇угкамасукам̣ ваа. со д̇аасу взд̣̇анаасу анижжаанубассий вихарад̇и, вирааг̇аанубассий вихарад̇и, нирод̇хаанубассий вихарад̇и, бадиниссаг̇г̇аанубассий вихарад̇и. со д̇аасу взд̣̇анаасу анижжаанубассий вихаранд̇о, вирааг̇аанубассий вихаранд̇о, нирод̇хаанубассий вихаранд̇о, бадиниссаг̇г̇аанубассий вихаранд̇о на гин̃жи логз убаад̣̇ияад̇и, анубаад̣̇ияам̣ на барид̇ассад̇и, абарид̇ассам̣ бажжад̇д̇ан̃н̃зва бариниб̣б̣ааяад̇и – ‘кийн̣аа ж̇аад̇и, вусид̇ам̣ б̣рахмажарияам̣ , гад̇ам̣ гаран̣ийяам̣, наабарам̣ ид̇т̇ад̇д̇ааяаа’д̇и баж̇аанаад̇и. зд̇д̇аавад̇аа ко, д̣̇зваанаминд̣̇а, бхигку сам̣кид̇д̇зна д̇ан̣хаасан̇каяавимуд̇д̇о ход̇и ажжанд̇анидто ажжанд̇аяог̇агкзмий ажжанд̇аб̣рахмажаарий ажжанд̇абарияосаано сздто д̣̇звамануссаананд̇и. звам̣ ко ахам̣, мог̇г̇аллаана, абхиж̇аанаами саггасса д̣̇зваанаминд̣̇асса сам̣кид̇д̇зна д̇ан̣хаасан̇каяавимуд̇д̇им̣ бхаасид̇аа’’д̇и.
Evaṃ vutte ahaṃ, moggallāna, sakkaṃ devānamindaṃ etadavocaṃ ‘‘idha devānaminda bhikkhuno sutaṃ hoti ‘sabbe dhammā nālaṃ abhinivesāyā’ti. Evaṃ cetaṃ devānaminda bhikkhuno sutaṃ hoti ‘sabbe dhammā nālaṃ abhinivesāyā’ti. So sabbaṃ dhammaṃ abhijānāti, sabbaṃ dhammaṃ abhiññāya sabbaṃ dhammaṃ parijānāti , sabbaṃ dhammaṃ pariññāya yaṃ kiñci vedanaṃ vedeti sukhaṃ vā dukkhaṃ vā adukkhamasukhaṃ vā. So tāsu vedanāsu aniccānupassī viharati, virāgānupassī viharati, nirodhānupassī viharati, paṭinissaggānupassī viharati. So tāsu vedanāsu aniccānupassī viharanto, virāgānupassī viharanto, nirodhānupassī viharanto, paṭinissaggānupassī viharanto na kiñci loke upādiyati, anupādiyaṃ na paritassati, aparitassaṃ paccattaññeva parinibbāyati – ‘khīṇā jāti, vusitaṃ brahmacariyaṃ , kataṃ karaṇīyaṃ, nāparaṃ itthattāyā’ti pajānāti. Ettāvatā kho, devānaminda, bhikkhu saṃkhittena taṇhāsaṅkhayavimutto hoti accantaniṭṭho accantayogakkhemī accantabrahmacārī accantapariyosāno seṭṭho devamanussānanti. Evaṃ kho ahaṃ, moggallāna, abhijānāmi sakkassa devānamindassa saṃkhittena taṇhāsaṅkhayavimuttiṃ bhāsitā’’ti.
ид̣̇амавожа бхаг̇аваа. ад̇д̇амано ааяасмаа махаамог̇г̇аллаано бхаг̇авад̇о бхаасид̇ам̣ абхинанд̣̇ийд̇и.
Idamavoca bhagavā. Attamano āyasmā mahāmoggallāno bhagavato bhāsitaṃ abhinandīti.
жуул̣ад̇ан̣хаасан̇каяасуд̇д̇ам̣ нидтид̇ам̣ сад̇д̇амам̣.
Cūḷataṇhāsaṅkhayasuttaṃ niṭṭhitaṃ sattamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 7. жуул̣ад̇ан̣хаасан̇каяасуд̇д̇аван̣н̣анаа • 7. Cūḷataṇhāsaṅkhayasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 7. жуул̣ад̇ан̣хаасан̇каяасуд̇д̇аван̣н̣анаа • 7. Cūḷataṇhāsaṅkhayasuttavaṇṇanā
