| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
2. д̣̇уд̇ияаваг̇г̇о
2. Dutiyavaggo
1. жуул̣аважчад̇т̇зраг̇аат̇ааван̣н̣анаа
1. Cūḷavacchattheragāthāvaṇṇanā
баамож̇ж̇аб̣ахулод̇и ааяасмад̇о жуул̣аважчад̇т̇зрасса г̇аат̇аа. гаа уббад̇д̇и? со гира бад̣̇умуд̇д̇арасса бхаг̇авад̇о гаалз д̣̇алид̣̇д̣̇агулз ниб̣б̣ад̇д̇ид̇ваа барзсам̣ бхад̇ияаа ж̇ийвигам̣ габбзнд̇о бхаг̇авад̇о саавагам̣ суж̇аад̇ам̣ наама т̇зрам̣ бам̣сугуулам̣ бариязсанд̇ам̣ д̣̇исваа басаннамаанасо убасан̇гамид̇ваа вад̇т̇ам̣ д̣̇ад̇ваа бан̃жабад̇идтид̇зна ванд̣̇и. со д̇зна бун̃н̃агаммзна д̇зд̇д̇им̣сагкад̇д̇ум̣ д̣̇звараж̇ж̇ам̣ гаарзси. сад̇д̇асад̇д̇ад̇игкад̇д̇ум̣ жаггавад̇д̇ий рааж̇аа ахоси. анзгаваарам̣ бад̣̇зсарааж̇аа. звам̣ д̣̇звамануссзсу сам̣саранд̇о гассабасса бхаг̇авад̇о саасанз осаггамаанз баб̣б̣аж̇ид̇ваа саман̣ад̇хаммам̣ гад̇ваа згам̣ б̣уд̣̇д̇ханд̇арам̣ д̣̇звамануссаг̇ад̇ийсу абараабарам̣ баривад̇д̇анд̇о амхаагам̣ бхаг̇авад̇о гаалз госамб̣ияам̣ б̣раахман̣агулз ниб̣б̣ад̇д̇и. жуул̣аважчод̇исса наамам̣ ахоси. со ваяаббад̇д̇о б̣раахман̣асиббзсу нибпад̇д̇им̣ г̇ад̇о б̣уд̣̇д̇хаг̇ун̣з суд̇ваа басаннамаанасо бхаг̇аванд̇ам̣ убасан̇гами, д̇асса бхаг̇аваа д̇хаммам̣ гат̇зси. со бадилад̣̇д̇хасад̣̇д̇хо баб̣б̣аж̇ид̇ваа лад̣̇д̇хуубасамбад̣̇о гад̇абуб̣б̣агижжо жарид̇аанугуулам̣ гаммадтаанам̣ г̇ахзд̇ваа бхаавзнд̇о вихари. д̇зна жа самаязна госамб̣игаа бхигкуу бхан̣д̣анаж̇аад̇аа ахзсум̣. д̇ад̣̇аа жуул̣аважчад̇т̇зро убхаязсам̣ бхигкуунам̣ лад̣̇д̇хим̣ анаад̣̇ааяа бхаг̇авад̇аа д̣̇инноваад̣̇з тад̇ваа вибассанам̣ б̣руухзд̇ваа арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 2.50.31-40) –
Pāmojjabahuloti āyasmato cūḷavacchattherassa gāthā. Kā uppatti? So kira padumuttarassa bhagavato kāle daliddakule nibbattitvā paresaṃ bhatiyā jīvikaṃ kappento bhagavato sāvakaṃ sujātaṃ nāma theraṃ paṃsukūlaṃ pariyesantaṃ disvā pasannamānaso upasaṅkamitvā vatthaṃ datvā pañcapatiṭṭhitena vandi. So tena puññakammena tettiṃsakkhattuṃ devarajjaṃ kāresi. Sattasattatikkhattuṃ cakkavattī rājā ahosi. Anekavāraṃ padesarājā. Evaṃ devamanussesu saṃsaranto kassapassa bhagavato sāsane osakkamāne pabbajitvā samaṇadhammaṃ katvā ekaṃ buddhantaraṃ devamanussagatīsu aparāparaṃ parivattanto amhākaṃ bhagavato kāle kosambiyaṃ brāhmaṇakule nibbatti. Cūḷavacchotissa nāmaṃ ahosi. So vayappatto brāhmaṇasippesu nipphattiṃ gato buddhaguṇe sutvā pasannamānaso bhagavantaṃ upasaṅkami, tassa bhagavā dhammaṃ kathesi. So paṭiladdhasaddho pabbajitvā laddhūpasampado katapubbakicco caritānukūlaṃ kammaṭṭhānaṃ gahetvā bhāvento vihari. Tena ca samayena kosambikā bhikkhū bhaṇḍanajātā ahesuṃ. Tadā cūḷavacchatthero ubhayesaṃ bhikkhūnaṃ laddhiṃ anādāya bhagavatā dinnovāde ṭhatvā vipassanaṃ brūhetvā arahattaṃ pāpuṇi. Tena vuttaṃ apadāne (apa. thera 2.50.31-40) –
‘‘бад̣̇умуд̇д̇арабхаг̇авад̇о, суж̇аад̇о наама сааваго;
‘‘Padumuttarabhagavato, sujāto nāma sāvako;
бам̣сугуулам̣ г̇авзсанд̇о, сан̇гаарз жарад̇ий д̇ад̣̇аа.
Paṃsukūlaṃ gavesanto, saṅkāre caratī tadā.
‘‘наг̇арз хам̣савад̇ияаа, барзсам̣ бхад̇аго ахам̣;
‘‘Nagare haṃsavatiyā, paresaṃ bhatako ahaṃ;
убад̣дхуд̣̇уссам̣ д̣̇ад̇ваана, сирасаа абхиваад̣̇аяим̣.
Upaḍḍhudussaṃ datvāna, sirasā abhivādayiṃ.
‘‘д̇зна гаммзна сугад̇зна, жзд̇анаабан̣ид̇хийхи жа;
‘‘Tena kammena sukatena, cetanāpaṇidhīhi ca;
ж̇ахид̇ваа маанусам̣ д̣̇зхам̣, д̇аавад̇им̣самаг̇ажчахам̣.
Jahitvā mānusaṃ dehaṃ, tāvatiṃsamagacchahaṃ.
‘‘д̇зд̇д̇им̣сагкад̇д̇ум̣ д̣̇звинд̣̇о, д̣̇звараж̇ж̇амагаараяим̣;
‘‘Tettiṃsakkhattuṃ devindo, devarajjamakārayiṃ;
сад̇д̇асад̇д̇ад̇игкад̇д̇ун̃жа, жаггавад̇д̇ий ахосахам̣.
Sattasattatikkhattuñca, cakkavattī ahosahaṃ.
‘‘бад̣̇зсараж̇ж̇ам̣ вибулам̣, г̇ан̣анаад̇о асан̇кияам̣;
‘‘Padesarajjaṃ vipulaṃ, gaṇanāto asaṅkhiyaṃ;
убад̣дхад̣̇уссад̣̇аанзна, мод̣̇аами агуд̇обхаяо.
Upaḍḍhadussadānena, modāmi akutobhayo.
‘‘ижчамаано жахам̣ аж̇ж̇а, сагаананам̣ сабаб̣б̣ад̇ам̣;
‘‘Icchamāno cahaṃ ajja, sakānanaṃ sapabbataṃ;
комад̣̇уссзхи чаад̣̇зяяам̣, ад̣дхуд̣̇уссассид̣̇ам̣ палам̣.
Khomadussehi chādeyyaṃ, aḍḍhudussassidaṃ phalaṃ.
‘‘сад̇асахассид̇о габбз, яам̣ д̣̇аанамад̣̇ад̣̇им̣ д̇ад̣̇аа;
‘‘Satasahassito kappe, yaṃ dānamadadiṃ tadā;
д̣̇уг̇г̇ад̇им̣ наабхиж̇аанаами, ад̣дхуд̣̇уссассид̣̇ам̣ палам̣.
Duggatiṃ nābhijānāmi, aḍḍhudussassidaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
ат̇а жуул̣аважчад̇т̇зро арахад̇д̇ам̣ бад̇ваа д̇зсам̣ бхигкуунам̣ галахаабхирад̇ияаа сагад̇т̇авинаасам̣ д̣̇исваа д̇хаммасам̣взг̇аббад̇д̇о, ад̇д̇ано жа бад̇д̇ависзсам̣ бажжавзгкид̇ваа бийд̇исоманассавасзна ‘‘баамож̇ж̇аб̣ахуло’’д̇и г̇аат̇ам̣ абхааси.
Atha cūḷavacchatthero arahattaṃ patvā tesaṃ bhikkhūnaṃ kalahābhiratiyā sakatthavināsaṃ disvā dhammasaṃvegappatto, attano ca pattavisesaṃ paccavekkhitvā pītisomanassavasena ‘‘pāmojjabahulo’’ti gāthaṃ abhāsi.
11. д̇ад̇т̇а баамож̇ж̇аб̣ахулод̇и субарисуд̣̇д̇хасийлад̇ааяа виббадисаараабхаавад̇о ад̇хигусалзсу д̇хаммзсу абхирад̇ивасзна бамод̣̇аб̣ахуло. д̇знзвааха ‘‘д̇хаммз б̣уд̣̇д̇хаббавзд̣̇ид̇з’’д̇и. д̇ад̇т̇а д̇хаммзд̇и. сад̇д̇ад̇им̣сааяа б̣од̇хибагкияад̇хаммз нававид̇хз ваа логуд̇д̇арад̇хаммз. со хи саб̣б̣ан̃н̃уб̣уд̣̇д̇хзна саамуггам̣сигааяа д̣̇зсанааяа багаасид̇ад̇д̇аа саад̇исаяам̣ б̣уд̣̇д̇хаббавзд̣̇ид̇о наама. д̇асса бана ад̇хиг̇амуубааяабхаавад̇о д̣̇зсанаад̇хаммоби ид̇ха лаб̣бхад̇зва. бад̣̇ам̣ санд̇анд̇и ниб̣б̣аанам̣ санд̇хааяа вад̣̇ад̇и. зваруубо хи бхигку санд̇ам̣ бад̣̇ам̣ санд̇ам̣ годтаасам̣ саб̣б̣асан̇каараанам̣ убасамабхаавад̇о сан̇кааруубасамам̣ барамасукад̇ааяа сукам̣ ниб̣б̣аанам̣ ад̇хиг̇ажчад̇и винд̣̇ад̇иязва. барисуд̣̇д̇хасийло хи бхигку виббадисаараабхаавзна баамож̇ж̇аб̣ахуло сад̣̇д̇хаммз яуд̇д̇аббаяуд̇д̇о вимуд̇д̇ибарияосаанаа саб̣б̣асамбад̇д̇ияо баабун̣аад̇и. яат̇ааха – ‘‘авиббадисаарад̇т̇аани ко , аананд̣̇а, гусалаани сийлаани, авиббадисааро баамож̇ж̇ад̇т̇ааяаа’’д̇иаад̣̇и (а. ни. 10.1). ат̇а ваа баамож̇ж̇аб̣ахулод̇и саммаасамб̣уд̣̇д̇хо бхаг̇аваа, сваагкаад̇о д̇хаммо, суббадибанно сан̇гход̇и рад̇анад̇д̇аяам̣ санд̇хааяа бамод̣̇аб̣ахуло. д̇ад̇т̇а бана со бамод̣̇аб̣ахуло гим̣ ваа гарод̇ийд̇и ааха ‘‘д̇хаммз б̣уд̣̇д̇хаббавзд̣̇ид̇з’’д̇иаад̣̇и. сад̣̇д̇хаасамбаннасса хи саббурисасам̣сзванасад̣̇д̇хаммассаванаяонисоманасигаарад̇хаммаануд̇хаммабадибад̇д̇ийнам̣ сукзнзва самбхавад̇о самбад̇д̇ияо хад̇т̇аг̇ад̇аа зва хонд̇и, яат̇ааха – ‘‘сад̣̇д̇хааж̇аад̇о убасан̇гамад̇и, убасан̇гаманд̇о баяирубаасад̇ий’’д̇иаад̣̇и (ма. ни. 2.183).
11. Tattha pāmojjabahuloti suparisuddhasīlatāya vippaṭisārābhāvato adhikusalesu dhammesu abhirativasena pamodabahulo. Tenevāha ‘‘dhamme buddhappavedite’’ti. Tattha dhammeti. Sattatiṃsāya bodhipakkhiyadhamme navavidhe vā lokuttaradhamme. So hi sabbaññubuddhena sāmukkaṃsikāya desanāya pakāsitattā sātisayaṃ buddhappavedito nāma. Tassa pana adhigamūpāyabhāvato desanādhammopi idha labbhateva. Padaṃ santanti nibbānaṃ sandhāya vadati. Evarūpo hi bhikkhu santaṃ padaṃ santaṃ koṭṭhāsaṃ sabbasaṅkhārānaṃ upasamabhāvato saṅkhārūpasamaṃ paramasukhatāya sukhaṃ nibbānaṃ adhigacchati vindatiyeva. Parisuddhasīlo hi bhikkhu vippaṭisārābhāvena pāmojjabahulo saddhamme yuttappayutto vimuttipariyosānā sabbasampattiyo pāpuṇāti. Yathāha – ‘‘avippaṭisāratthāni kho , ānanda, kusalāni sīlāni, avippaṭisāro pāmojjatthāyā’’tiādi (a. ni. 10.1). Atha vā pāmojjabahuloti sammāsambuddho bhagavā, svākkhāto dhammo, suppaṭipanno saṅghoti ratanattayaṃ sandhāya pamodabahulo. Tattha pana so pamodabahulo kiṃ vā karotīti āha ‘‘dhamme buddhappavedite’’tiādi. Saddhāsampannassa hi sappurisasaṃsevanasaddhammassavanayonisomanasikāradhammānudhammapaṭipattīnaṃ sukheneva sambhavato sampattiyo hatthagatā eva honti, yathāha – ‘‘saddhājāto upasaṅkamati, upasaṅkamanto payirupāsatī’’tiādi (ma. ni. 2.183).
жуул̣аважчад̇т̇зраг̇аат̇ааван̣н̣анаа нидтид̇аа.
Cūḷavacchattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 1. жуул̣аважчад̇т̇зраг̇аат̇аа • 1. Cūḷavacchattheragāthā
