| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
4. жуул̣авзд̣̇алласуд̇д̇аван̣н̣анаа
4. Cūḷavedallasuttavaṇṇanā
460. аяам̣ д̣̇зсанаа яасмаа бужчаависсаж̇ж̇анавасзна бавад̇д̇аа, д̇асмаа бужчагависсаж̇ж̇агз бужчаанимид̇д̇ан̃жа самуд̣̇ааяад̇о вибхаавзд̇ум̣ ‘‘го банааяа’’нд̇иаад̣̇и вуд̇д̇ам̣. убаасагад̇д̇анд̇и амаг̇г̇ааг̇ад̇ам̣ убаасагад̇д̇ам̣. д̇зсанд̇и згаад̣̇асанахуд̇аанам̣. маг̇г̇ааг̇ад̇зна убасамзна санд̇инд̣̇рияо санд̇амаанасо.
460. Ayaṃ desanā yasmā pucchāvissajjanavasena pavattā, tasmā pucchakavissajjake pucchānimittañca samudāyato vibhāvetuṃ ‘‘ko panāya’’ntiādi vuttaṃ. Upāsakattanti amaggāgataṃ upāsakattaṃ. Tesanti ekādasanahutānaṃ. Maggāgatena upasamena santindriyo santamānaso.
‘‘гим̣ ну ко аж̇ж̇а бхависсад̇и аяяабуд̇д̇о’’д̇и вийт̇им̣ ологаяамаанаа. оламб̣анад̇т̇анд̇и д̇асса хад̇т̇ааваламб̣анад̇т̇ам̣ буб̣б̣аажин̣н̣авасзна ад̇д̇ано хад̇т̇ам̣ басаарзси. б̣ахид̣̇д̇хаад̇и ад̇д̇анаа ан̃н̃ам̣ висабхааг̇авад̇т̇ум̣ санд̇хааяа вад̣̇ад̇и. барибхзд̣̇агзнаад̇и бзсун̃н̃аваад̣̇инаа.
‘‘Kiṃ nu kho ajja bhavissati ayyaputto’’ti vīthiṃ olokayamānā. Olambanatthanti tassa hatthāvalambanatthaṃ pubbāciṇṇavasena attano hatthaṃ pasāresi. Bahiddhāti attanā aññaṃ visabhāgavatthuṃ sandhāya vadati. Paribhedakenāti pesuññavādinā.
ад̇хиг̇амаббижчад̇ааяа ‘‘на багаасзд̇аб̣б̣о’’д̇и жинд̇зси. буна д̇ам̣ анугамбанд̇о ‘‘сажз ко банааха’’нд̇иаад̣̇им̣ жинд̇зси. зсо д̇хаммод̇и зсо логуд̇д̇арад̇хаммо. виваддам̣ уд̣̇д̣̇исса убажид̇ам̣ ниб̣б̣зд̇хабхааг̇ияам̣ гусалам̣ убаниссаяо. ‘‘яад̣̇и мз убаниссаяо ад̇т̇и, саггаа зд̇ам̣ бадилад̣̇д̇хум̣. сажзби над̇т̇и, ааяад̇им̣ убаниссаяо бхависсад̇ий’’д̇и жирагаалабарибхаавид̇ааяа гхадз бад̣̇ийбаж̇аалаа вияа аб̣бханд̇арз д̣̇иббамаанааяа хзд̇усамбад̇д̇ияаа жод̣̇ияамаанаа ааха ‘‘звам̣ санд̇з маяхам̣ баб̣б̣аж̇ж̇ам̣ ануж̇аанаат̇аа’’д̇и.
Adhigamappicchatāya ‘‘na pakāsetabbo’’ti cintesi. Puna taṃ anukampanto ‘‘sace kho panāha’’ntiādiṃ cintesi. Eso dhammoti eso lokuttaradhammo. Vivaṭṭaṃ uddissa upacitaṃ nibbedhabhāgiyaṃ kusalaṃ upanissayo. ‘‘Yadi me upanissayo atthi, sakkā etaṃ paṭiladdhuṃ. Sacepi natthi, āyatiṃ upanissayo bhavissatī’’ti cirakālaparibhāvitāya ghaṭe padīpajālā viya abbhantare dippamānāya hetusampattiyā codiyamānā āha ‘‘evaṃ sante mayhaṃ pabbajjaṃ anujānāthā’’ti.
лаабхасаггааро уббаж̇ж̇и сужирагаалам̣ гад̇уубажид̇абун̃н̃ад̇ааяа. абхинийхаарасамбаннад̇д̇аад̇и суж̇аад̇ад̇т̇зрасса бад̣̇умуд̇д̇арасса бхаг̇авад̇о аг̇г̇асаавагасса нибажжагаарам̣ гад̇ваа – ‘‘д̇умхзхи д̣̇идтад̇хаммасса бхааг̇ий асса’’нд̇и ниб̣б̣зд̇хабхааг̇ияам̣ д̣̇аанам̣ д̣̇ад̇ваа гад̇абад̇т̇анаасан̇каад̇асамбаннаабхинийхаарад̇д̇аа. наад̇ижирам̣ гиламид̇т̇аад̇и гаммадтаанам̣ бхаавзнд̇ий вибассанааяа барибаагавасзна жирам̣ на гиламид̇т̇а. вуд̇д̇амзвад̇т̇ам̣ виварид̇ум̣ ‘‘ид̇о бадтааяаа’’д̇иаад̣̇и вуд̇д̇ам̣. д̣̇уд̇ияаг̇аманзнаад̇и баб̣б̣ааж̇анад̇т̇ам̣ г̇аманад̇о д̣̇уд̇ияаг̇аманзна.
Lābhasakkāro uppajji sucirakālaṃ katūpacitapuññatāya. Abhinīhārasampannattāti sujātattherassa padumuttarassa bhagavato aggasāvakassa nipaccakāraṃ katvā – ‘‘tumhehi diṭṭhadhammassa bhāgī assa’’nti nibbedhabhāgiyaṃ dānaṃ datvā katapatthanāsaṅkhātasampannābhinīhārattā. Nāticiraṃ kilamitthāti kammaṭṭhānaṃ bhāventī vipassanāya paripākavasena ciraṃ na kilamittha. Vuttamevatthaṃ vivarituṃ ‘‘ito paṭṭhāyā’’tiādi vuttaṃ. Dutiyagamanenāti pabbājanatthaṃ gamanato dutiyagamanena.
убанзд̇ваад̇и бан̃хасса ад̇т̇абхаавзна убанзд̇ваа. саггааяанд̇и сагааяам̣. убанигкид̇д̇ам̣ гин̃жи вад̇т̇ум̣ самбадижчамаанаа, вияа самбадижчанд̇ий вияа. зго зва баасо зд̇иссаад̇и згабаасагаа, г̇ан̣ти. саа хи суможияаа, анзгабаасаа бана д̣̇умможияаа, згабаасаг̇г̇ахан̣ам̣ виссаж̇ж̇анасса сугарабхаавад̣̇ассанад̇т̇ам̣ . бадисамбхид̣̇аависаяз тад̇ваад̇и зд̇зна т̇зрияаа бабхиннабадисамбхид̣̇ад̇ам̣ д̣̇ассзд̇и. бажжаяабхууд̇аад̇и аарамман̣аад̣̇ивасзна бажжаяабхууд̇аа.
Upanetvāti pañhassa atthabhāvena upanetvā. Sakkāyanti sakāyaṃ. Upanikkhittaṃ kiñci vatthuṃ sampaṭicchamānā, viya sampaṭicchantī viya. Eko eva pāso etissāti ekapāsakā, gaṇṭhi. Sā hi sumociyā, anekapāsā pana dummociyā, ekapāsaggahaṇaṃ vissajjanassa sukarabhāvadassanatthaṃ . Paṭisambhidāvisaye ṭhatvāti etena theriyā pabhinnapaṭisambhidataṃ dasseti. Paccayabhūtāti ārammaṇādivasena paccayabhūtā.
т̇зрияаа висзсаад̇хиг̇амасса ад̇д̇ано ависаяад̇ааяа висаако ‘‘на саггаа’’д̇иаад̣̇инаа жинд̇зсийд̇и д̣̇адтаб̣б̣ам̣. сажжавиниб̣бхог̇абан̃хаб̣яаагаран̣знаад̇и сажжабарияаабаннасса д̇хаммасса д̣̇ассанад̇о ан̃н̃аанан̃н̃ад̇т̇анид̣̇д̇хааран̣абхзд̣̇анаасан̇каад̇асса виниб̣бхог̇абан̃хасса виссаж̇ж̇анзна. д̣̇вз сажжаанийд̇и д̣̇угкасамуд̣̇аяасажжаани. бадинивад̇д̇зд̇ваад̇и баривад̇д̇зд̇ваа. г̇ан̣тибан̃ханд̇и д̣̇уб̣б̣иниб̣б̣зд̇хад̇ааяа г̇ан̣тибхууд̇ам̣ бан̃хам̣.
Theriyā visesādhigamassa attano avisayatāya visākho ‘‘na sakkā’’tiādinā cintesīti daṭṭhabbaṃ. Saccavinibbhogapañhabyākaraṇenāti saccapariyāpannassa dhammassa dassanato aññānaññatthaniddhāraṇabhedanāsaṅkhātassa vinibbhogapañhassa vissajjanena. Dve saccānīti dukkhasamudayasaccāni. Paṭinivattetvāti parivattetvā. Gaṇṭhipañhanti dubbinibbedhatāya gaṇṭhibhūtaṃ pañhaṃ.
на д̇ам̣язва убаад̣̇аанам̣ д̇з бан̃жубаад̣̇аанагканд̇хаа згад̣̇зсасса самуд̣̇ааяад̇аабхаавад̇о, самуд̣̇ааяасса жа згад̣̇зсад̇аабхаавад̇о. нааби ан̃н̃ад̇ра бан̃жахи убаад̣̇аанагканд̇хзхи убаад̣̇аанам̣ д̇асса д̇ад̣̇згад̣̇зсабхаавад̇о. на хи згад̣̇зсо самуд̣̇ааяавинимуд̇д̇о ход̇и. яад̣̇и хи д̇ан̃н̃зваад̇иаад̣̇инаа убхаяабагкзби д̣̇осам̣ д̣̇ассзд̇и. руубаад̣̇исабхаавамбийд̇и руубавзд̣̇анаасан̃н̃аавин̃н̃аан̣асабхаавамби, пассажзд̇анаад̣̇исабхаавамби убаад̣̇аанам̣ сияаа. ан̃н̃ад̇ра сияаад̇и бан̃жахи убаад̣̇аанагканд̇хзхи висум̣язва убаад̣̇аанам̣ яад̣̇и сияаа. барасамаязд̇и нигааяаваад̣̇з. жид̇д̇авиббаяуд̇д̇о анусаяод̇и нид̣̇ассанамад̇д̇амзд̇ам̣ нигааяаваад̣̇з жид̇д̇асабхааваабхаававин̃н̃аан̣аад̣̇ийнамби жид̇д̇авиббаяуд̇д̇абхаавабадиж̇аананад̇о. звам̣ б̣яаагаасийд̇и ‘‘на ко, аавусо’’д̇иаад̣̇инаа канд̇хаг̇ад̇ачанд̣̇арааг̇абхаавзна б̣яаагааси. ад̇т̇ад̇хамманижчаяасамбхавад̇о асамб̣анд̇хзна. д̇зсу гад̇т̇ажиби асаммуяханад̇о авид̇т̇ааяанд̇зна. бужчаависаяз моханд̇хагааравиг̇аманзна бад̣̇ийбасахассам̣ ж̇аалзнд̇зна вияа. саубаад̣̇аанубаад̣̇аанадтаанам̣ ануд̇д̇аанад̇ааяа бажураж̇анасса г̇уул̣хо. аг̇г̇ахид̇асан̇гзд̇аанам̣ гзсан̃жи бадижчаад̣̇ид̇асад̣̇исад̇д̇аа бадижчанно. д̇илагкан̣аб̣бхаахад̇ад̇хаммависаяад̇ааяа д̇илагкан̣аахад̇о. г̇амбхийран̃аан̣аг̇ожарад̇ааяа г̇амбхийро. лад̣̇д̇хабад̇идтаа арияасажжасамбадивзд̇ханад̇о. звам̣ д̣̇идтад̇хаммаад̣̇ибхаавад̇о взсаараж̇ж̇аббад̇д̇аа. саб̣б̣асо нивуд̇т̇аб̣рахмажарияад̇ааяа д̇ин̣н̣ам̣ бхаваанамби абарабхааг̇з ниб̣б̣аанз нивуд̇т̇авад̇ийд̇и бхавамад̇т̇агз тид̇аа.
Na taṃyeva upādānaṃ te pañcupādānakkhandhā ekadesassa samudāyatābhāvato, samudāyassa ca ekadesatābhāvato. Nāpi aññatra pañcahi upādānakkhandhehi upādānaṃ tassa tadekadesabhāvato. Na hi ekadeso samudāyavinimutto hoti. Yadi hi taññevātiādinā ubhayapakkhepi dosaṃ dasseti. Rūpādisabhāvampīti rūpavedanāsaññāviññāṇasabhāvampi, phassacetanādisabhāvampi upādānaṃ siyā. Aññatra siyāti pañcahi upādānakkhandhehi visuṃyeva upādānaṃ yadi siyā. Parasamayeti nikāyavāde. Cittavippayutto anusayoti nidassanamattametaṃ nikāyavāde cittasabhāvābhāvaviññāṇādīnampi cittavippayuttabhāvapaṭijānanato. Evaṃ byākāsīti ‘‘na kho, āvuso’’tiādinā khandhagatachandarāgabhāvena byākāsi. Atthadhammanicchayasambhavato asambandhena. Tesu katthacipi asammuyhanato avitthāyantena. Pucchāvisaye mohandhakāravigamanena padīpasahassaṃ jālentena viya. Saupādānupādānaṭṭhānaṃ anuttānatāya pacurajanassa gūḷho. Aggahitasaṅketānaṃ kesañci paṭicchāditasadisattā paṭicchanno. Tilakkhaṇabbhāhatadhammavisayatāya tilakkhaṇāhato. Gambhīrañāṇagocaratāya gambhīro. Laddhapatiṭṭhā ariyasaccasampaṭivedhanato. Evaṃ diṭṭhadhammādibhāvato vesārajjappattā. Sabbaso nivutthabrahmacariyatāya tiṇṇaṃ bhavānampi aparabhāge nibbāne nivutthavatīti bhavamatthake ṭhitā.
461. ‘‘руубам̣ ад̇д̇ад̇о саманубассад̇ий’’д̇и бад̣̇уд̣̇д̇хаарам̣ гад̇ваа ‘‘ид̇хзгажжо’’д̇иаад̣̇инаа (бади. ма. 1.130) бадисамбхид̣̇аабаатзна д̇ад̣̇ад̇т̇ам̣ виварад̇и. д̇ад̇т̇а ад̇д̇ад̇о саманубассад̇ийд̇и ад̇д̇аад̇и саманубассад̇и, ад̇д̇абхаавзна саманубассад̇и. аханд̇и ад̇д̇аанам̣ нид̣̇д̣̇исад̇и. ахам̣б̣уд̣̇д̇хиниб̣анд̇ханан̃хи ад̇д̇аанам̣ ад̇д̇аваад̣̇ий бан̃н̃абзд̇и, д̇асмаа яам̣ руубам̣ со аханд̇и яад̣̇зд̇ам̣ мама руубам̣ наама, со аханд̇и вужжамаано мама ад̇д̇аа д̇ам̣ мама руубанд̇и руубан̃жа ад̇д̇ан̃жа ад̣̇ваяам̣ анан̃н̃ам̣ саманубассад̇и. д̇ат̇аа бассад̇о жа ад̇д̇аа вияа руубам̣, руубам̣ вияа ваа ад̇д̇аа анижжод̇и аабаннамзва . ажжийд̇и ж̇ааласикаа. саа жз ван̣н̣о, жагкувин̃н̃зяяаава сияаа, на гааяавин̃н̃зяяаа, ван̣н̣оби ваа гааяаад̣̇ивин̃н̃зяяо ажжияаа анан̃н̃ад̇д̇аад̇и убамзяяам̣ вияа убамааби д̣̇идтиг̇ад̇игасса аяуд̇д̇аава. д̣̇идтибассанааяаад̇и мижчаад̣̇идтисан̇каад̇ааяа бассанааяа бассад̇и, на д̇ан̣хаамаанабан̃н̃аанубассанааяа. аруубам̣ взд̣̇анаад̣̇им̣ ад̇д̇аад̇и г̇ахзд̇ваа чааяааяа ругкаад̇хийнад̇ааяа чааяааванд̇ам̣ ругкам̣ вияа, руубасса санд̇агабхаавзна ад̇д̇аад̇хийнад̇ааяа руубаванд̇ам̣ ад̇д̇аанам̣ саманубассад̇и. бубпаад̇хийнад̇ааяа бубпасмим̣ г̇анд̇хам̣ вияа аад̇хзяяабхаавзна ад̇д̇аад̇хийнад̇ааяа руубасса ад̇д̇ани руубам̣ саманубассад̇и. яат̇аа гаран̣д̣о ман̣ино аад̇хааро, звам̣ руубамби ад̇д̇ано аад̇хаарод̇и гад̇ваа ад̇д̇аанам̣ руубасмим̣ саманубассад̇и. зсзва наяод̇и иминаа ад̇д̇ано взд̣̇анаад̣̇ийхи анан̃н̃ад̇д̇ам̣ д̇зсан̃жаад̇хааран̣ад̇ам̣ ниссид̇ад̇ан̃жа яат̇аавуд̇д̇ам̣ ад̇ид̣̇исад̇и.
461.‘‘Rūpaṃ attato samanupassatī’’ti paduddhāraṃ katvā ‘‘idhekacco’’tiādinā (paṭi. ma. 1.130) paṭisambhidāpāṭhena tadatthaṃ vivarati. Tattha attato samanupassatīti attāti samanupassati, attabhāvena samanupassati. Ahanti attānaṃ niddisati. Ahaṃbuddhinibandhanañhi attānaṃ attavādī paññapeti, tasmā yaṃ rūpaṃ so ahanti yadetaṃ mama rūpaṃ nāma, so ahanti vuccamāno mama attā taṃ mama rūpanti rūpañca attañca advayaṃ anaññaṃ samanupassati. Tathā passato ca attā viya rūpaṃ, rūpaṃ viya vā attā aniccoti āpannameva . Accīti jālasikhā. Sā ce vaṇṇo, cakkhuviññeyyāva siyā, na kāyaviññeyyā, vaṇṇopi vā kāyādiviññeyyo acciyā anaññattāti upameyyaṃ viya upamāpi diṭṭhigatikassa ayuttāva. Diṭṭhipassanāyāti micchādiṭṭhisaṅkhātāya passanāya passati, na taṇhāmānapaññānupassanāya. Arūpaṃ vedanādiṃ attāti gahetvā chāyāya rukkhādhīnatāya chāyāvantaṃ rukkhaṃ viya, rūpassa santakabhāvena attādhīnatāya rūpavantaṃ attānaṃ samanupassati. Pupphādhīnatāya pupphasmiṃ gandhaṃ viya ādheyyabhāvena attādhīnatāya rūpassa attani rūpaṃ samanupassati. Yathā karaṇḍo maṇino ādhāro, evaṃ rūpampi attano ādhāroti katvā attānaṃ rūpasmiṃ samanupassati. Eseva nayoti iminā attano vedanādīhi anaññattaṃ tesañcādhāraṇataṃ nissitatañca yathāvuttaṃ atidisati.
аруубам̣ ад̇д̇аад̇и гат̇ид̇ам̣ ‘‘взд̣̇анааванд̇а’’нд̇иаад̣̇ийсу вияа руубзна вомиссагад̇ааяа абхаавад̇о. руубааруубамиссаго ад̇д̇аа гат̇ид̇о руубзна сад̣̇д̇хим̣ сзсааруубад̇хаммаанам̣ ад̇д̇аад̇и г̇ахид̇ад̇д̇аа. ужчзд̣̇ад̣̇идти гат̇ид̇аа руубаад̣̇ийнам̣ винаасад̣̇ассанад̇о. д̇знзвааха ‘‘руубам̣ ад̇д̇аад̇и яо вад̣̇зяяа, д̇ам̣ на убабаж̇ж̇ад̇и, ад̇д̇аа мз уббаж̇ж̇ад̇и жа взд̇и жаад̇и ижжасса звамааг̇ад̇ам̣ ход̇ий’’д̇иаад̣̇и. авасзсзсууд̇и баннарасасу таанзсу. сассад̇ад̣̇идти гат̇ид̇аа руубаванд̇аад̣̇ибхаавзна г̇ахид̇асса анид̣̇д̇хаарид̇аруубад̇д̇аа.
Arūpaṃ attāti kathitaṃ ‘‘vedanāvanta’’ntiādīsu viya rūpena vomissakatāya abhāvato. Rūpārūpamissako attā kathito rūpena saddhiṃ sesārūpadhammānaṃ attāti gahitattā. Ucchedadiṭṭhi kathitā rūpādīnaṃ vināsadassanato. Tenevāha ‘‘rūpaṃ attāti yo vadeyya, taṃ na upapajjati, attā me uppajjati ca veti cāti iccassa evamāgataṃ hotī’’tiādi. Avasesesūti pannarasasu ṭhānesu. Sassatadiṭṭhi kathitā rūpavantādibhāvena gahitassa aniddhāritarūpattā.
д̣̇идтиг̇ад̇иго яам̣ вад̇т̇ум̣ ад̇д̇аад̇и саманубассад̇и, язбхуяязна д̇ам̣ нижжам̣ суканд̇и жа саманубассад̇зва. сааваго бана д̇аббадигкзбзна саб̣б̣з д̇хаммаа анад̇д̇аад̇и суд̣̇идтад̇д̇аа руубам̣ ад̇д̇аад̇и на саманубассад̇и, д̇ат̇аабхууд̇о жа анижжам̣ д̣̇угкам̣ анад̇д̇аад̇и саманубассад̇и, д̇ат̇аа взд̣̇анаад̣̇аяод̇и д̣̇ассзнд̇о ‘‘на руубам̣ ад̇д̇ад̇о’’д̇иаад̣̇имааха. звам̣ бхавад̣̇идтиби авиж̇ж̇аабхавад̇ан̣хаа вияа ваддасса самуд̣̇аяоязваад̇и д̣̇идтигат̇ааяам̣ ‘‘зд̇д̇агзна г̇аманам̣ ход̇ий’’д̇иаад̣̇и. д̣̇идтиббахаанагат̇ааяан̃жа ‘‘зд̇д̇агзна г̇аманам̣ на ход̇ий’’д̇иаад̣̇и вуд̇д̇ам̣.
Diṭṭhigatiko yaṃ vatthuṃ attāti samanupassati, yebhuyyena taṃ niccaṃ sukhanti ca samanupassateva. Sāvako pana tappaṭikkhepena sabbe dhammā anattāti sudiṭṭhattā rūpaṃ attāti na samanupassati, tathābhūto ca aniccaṃ dukkhaṃ anattāti samanupassati, tathā vedanādayoti dassento ‘‘na rūpaṃ attato’’tiādimāha. Evaṃ bhavadiṭṭhipi avijjābhavataṇhā viya vaṭṭassa samudayoyevāti diṭṭhikathāyaṃ ‘‘ettakena gamanaṃ hotī’’tiādi. Diṭṭhippahānakathāyañca ‘‘ettakena gamanaṃ na hotī’’tiādi vuttaṃ.
462. хздтаа вуд̇д̇амад̇т̇амзва бужчид̇ад̇д̇аа ‘‘т̇зрияаа бадибужчид̇ваа виссаж̇ж̇зд̇аб̣б̣о’’д̇и вад̇ваа бадибужчанавид̇хим̣ д̣̇ассзд̇ум̣ ‘‘убаасагаа’’д̇иаад̣̇и вуд̇д̇ам̣. бадибад̇д̇ивасзнаад̇и саггааяанирод̇хаг̇ааминибадибад̣̇аабхаавзна. сан̇кад̇аасан̇кад̇авасзна логияалогуд̇д̇аравасзна сан̇г̇ахид̇аасан̇г̇ахид̇авасзнаад̇и ‘‘васзнаа’’д̇и бад̣̇ам̣ бажжзгам̣ яож̇зд̇аб̣б̣ам̣. д̇ад̇т̇а гаамам̣ асан̇кад̇о наама маг̇г̇о над̇т̇и, гим̣ сан̇кад̇о, уд̣̇ааху асан̇кад̇од̇и бана бужчаавасзна д̇ат̇аа вуд̇д̇ам̣? ‘‘арияо’’д̇и важанзнзва маг̇г̇асса логуд̇д̇арад̇о сид̣̇д̇хаа, сан̇г̇аахагаканд̇хабарияаабаннаанам̣ бана маг̇г̇ад̇хаммаанамби сияаа логияад̇аад̇и ид̇ха логияаг̇г̇ахан̣ам̣. гин̃жааби сан̇г̇ахид̇абад̣̇амзва баал̣ияам̣ ааг̇ад̇ам̣, на асан̇г̇ахид̇абад̣̇ам̣, яз бана сан̇г̇аахагабхаавзна вуд̇д̇аа, д̇з сан̇г̇ахид̇аа на хонд̇ийд̇и адтагат̇ааяам̣ асан̇г̇ахид̇аг̇г̇ахан̣ам̣ гад̇анд̇и д̣̇адтаб̣б̣ам̣. сан̇кад̇од̇иаад̣̇ийсу самзжжа самбхуяяа бажжаязхи гад̇од̇и сан̇кад̇о. д̇ат̇аабхууд̇о жа д̇ам̣саман̇г̇ино буг̇г̇аласса буб̣б̣абхааг̇ажзд̇анаад̇и маяхам̣ маг̇г̇о адтан̇г̇иго ход̇у сад̇д̇ан̇г̇иго ваад̇и жзд̇ид̇абхаавзна жзд̇ид̇о. сахаж̇аад̇ажзд̇анааяаби жзд̇ид̇ова д̇ассаа сахагаарийгааран̣абхаавад̇о, д̇ад̇о зва багаббид̇о ааяуухид̇о. бажжаязхи нибпаад̣̇ид̇ад̇д̇аа гад̇о ниб̣б̣ад̇д̇ид̇о жа. самаабаж̇ж̇анд̇зна ад̇д̇ано санд̇аанз саммад̣̇зва аабаж̇ж̇анд̇зна уббаад̣̇знд̇зна. ид̇и сад̇д̇ахиби бад̣̇зхи бажжаяаниб̣б̣ад̇д̇ид̇ам̣язва арияамаг̇г̇асса д̣̇ассзд̇и.
462. Heṭṭhā vuttamatthameva pucchitattā ‘‘theriyā paṭipucchitvā vissajjetabbo’’ti vatvā paṭipucchanavidhiṃ dassetuṃ ‘‘upāsakā’’tiādi vuttaṃ. Paṭipattivasenāti sakkāyanirodhagāminipaṭipadābhāvena. Saṅkhatāsaṅkhatavasena lokiyalokuttaravasena saṅgahitāsaṅgahitavasenāti ‘‘vasenā’’ti padaṃ paccekaṃ yojetabbaṃ. Tattha kāmaṃ asaṅkhato nāma maggo natthi, kiṃ saṅkhato, udāhu asaṅkhatoti pana pucchāvasena tathā vuttaṃ? ‘‘Ariyo’’ti vacaneneva maggassa lokuttarato siddhā, saṅgāhakakhandhapariyāpannānaṃ pana maggadhammānampi siyā lokiyatāti idha lokiyaggahaṇaṃ. Kiñcāpi saṅgahitapadameva pāḷiyaṃ āgataṃ, na asaṅgahitapadaṃ, ye pana saṅgāhakabhāvena vuttā, te saṅgahitā na hontīti aṭṭhakathāyaṃ asaṅgahitaggahaṇaṃ katanti daṭṭhabbaṃ. Saṅkhatotiādīsu samecca sambhuyya paccayehi katoti saṅkhato. Tathābhūto ca taṃsamaṅgino puggalassa pubbabhāgacetanāti mayhaṃ maggo aṭṭhaṅgiko hotu sattaṅgiko vāti cetitabhāvena cetito. Sahajātacetanāyapi cetitova tassā sahakārīkāraṇabhāvato, tato eva pakappito āyūhito. Paccayehi nipphāditattā kato nibbattito ca. Samāpajjantena attano santāne sammadeva āpajjantena uppādentena. Iti sattahipi padehi paccayanibbattitaṃyeva ariyamaggassa dasseti.
асан̇г̇ахид̇о канд̇хаанам̣ бад̣̇зсо зд̇асса ад̇т̇ийд̇и маг̇г̇о саббад̣̇зсо. над̇т̇и зд̇зсам̣ бад̣̇зсаад̇и канд̇хаа ниббад̣̇зсаа. бад̣̇иссад̇и зд̇зна самуд̣̇ааяод̇и хи бад̣̇зсо, аваяаво. аяанд̇и маг̇г̇о. саббад̣̇зсад̇д̇аа згад̣̇зсад̇д̇аа. ниббад̣̇зсзхи самуд̣̇ааяабхаавад̇о ниравасзсабад̣̇зсзхи. яат̇аа наг̇арам̣ раж̇ж̇згад̣̇зсабхууд̇ам̣ д̇ад̣̇анд̇ог̇ад̇хад̇д̇аа раж̇ж̇зна сан̇г̇ахид̇ам̣, звам̣ арияамаг̇г̇о канд̇хад̇д̇аязгад̣̇зсабхууд̇о д̇ад̣̇анд̇ог̇ад̇хад̇д̇аа д̇ийхи канд̇хзхи сан̇г̇ахид̇од̇и д̣̇ассзд̇и ‘‘наг̇арам̣ вияа раж̇ж̇знаа’’д̇и иминаа. саж̇аад̇ид̇од̇и самаанаж̇аад̇ид̇ааяа, самаанасабхаавад̇д̇аа зваад̇и ад̇т̇о. зд̇т̇а жа сийлагканд̇хо ‘‘нава годисахассааний’’д̇иаад̣̇инаа (висуд̣̇д̇хи. 1.20; аба. адта. 2.55.55; бади. ма. адта. 1.1.37) вуд̇д̇абабхзд̣̇авасзна жзва самбад̇д̇асамаад̣̇аанавирад̇иаад̣̇ивасзна жа г̇аяхамаано ниббад̣̇зсо, маг̇г̇асийлам̣ бана ааж̇ийвадтамагамзва самужчзд̣̇авирад̇имад̇д̇амзваад̇и саббад̣̇зсам̣. самаад̇хигканд̇хо барид̇д̇амахаг̇г̇ад̇аад̣̇ивасзна жзва убажаараббанаасамаад̇хивасзна жа анзгабхзд̣̇ад̇ааяа ниббад̣̇зсо, маг̇г̇асамаад̇хи бана логуд̇д̇арова , аббанаасамаад̇хи зваад̇и саббад̣̇зсо. д̇ат̇аа бан̃н̃аагканд̇хо барид̇д̇амахаг̇г̇ад̇аад̣̇ивасзна жзва суд̇амаяан̃аан̣аад̣̇ивасзна жа анзгабхзд̣̇ад̇ааяа ниббад̣̇зсо, маг̇г̇абан̃н̃аа бана логуд̇д̇араава, бхааванаамаяаа зваад̇и саббад̣̇зсаа. ад̇д̇ано д̇хаммад̇ааяаад̇и сахагаарийгааран̣ам̣ анабзгкид̇ваа ад̇д̇ано сабхаавзна ад̇д̇ано б̣алзна аббзд̇ум̣ на саггод̇и вийриязна анубад̇т̇амбхид̇ам̣, сад̇ияаа жа анубадтид̇ам̣. баг̇г̇ахагижжанд̇и яат̇аа госаж̇ж̇абагкз на бад̇ид̇аа жид̇д̇адтид̇и, д̇ат̇аа баг̇г̇ан̣ханагижжам̣. абилаабанагижжанд̇и яат̇аа аарамман̣з на билавад̇и, звам̣ абилаабанагижжам̣.
Asaṅgahito khandhānaṃ padeso etassa atthīti maggo sappadeso. Natthi etesaṃ padesāti khandhā nippadesā. Padissati etena samudāyoti hi padeso, avayavo. Ayanti maggo. Sappadesattā ekadesattā. Nippadesehi samudāyabhāvato niravasesapadesehi. Yathā nagaraṃ rajjekadesabhūtaṃ tadantogadhattā rajjena saṅgahitaṃ, evaṃ ariyamaggo khandhattayekadesabhūto tadantogadhattā tīhi khandhehi saṅgahitoti dasseti ‘‘nagaraṃ viya rajjenā’’ti iminā. Sajātitoti samānajātitāya, samānasabhāvattā evāti attho. Ettha ca sīlakkhandho ‘‘nava koṭisahassānī’’tiādinā (visuddhi. 1.20; apa. aṭṭha. 2.55.55; paṭi. ma. aṭṭha. 1.1.37) vuttapabhedavasena ceva sampattasamādānaviratiādivasena ca gayhamāno nippadeso, maggasīlaṃ pana ājīvaṭṭhamakameva samucchedaviratimattamevāti sappadesaṃ. Samādhikkhandho parittamahaggatādivasena ceva upacārappanāsamādhivasena ca anekabhedatāya nippadeso, maggasamādhi pana lokuttarova , appanāsamādhi evāti sappadeso. Tathā paññākkhandho parittamahaggatādivasena ceva sutamayañāṇādivasena ca anekabhedatāya nippadeso, maggapaññā pana lokuttarāva, bhāvanāmayā evāti sappadesā. Attano dhammatāyāti sahakārīkāraṇaṃ anapekkhitvā attano sabhāvena attano balena appetuṃ na sakkoti vīriyena anupatthambhitaṃ, satiyā ca anupaṭṭhitaṃ. Paggahakiccanti yathā kosajjapakkhe na patitā cittaṭṭhiti, tathā paggaṇhanakiccaṃ. Apilāpanakiccanti yathā ārammaṇe na pilavati, evaṃ apilāpanakiccaṃ.
згад̇о ж̇аад̇аад̇и сахаж̇аад̇аа. бидтим̣ д̣̇ад̇ваа онад̇асахааяо вияа вааяаамо самаад̇хисса аарамман̣з аббанааяа висзсабажжаяабхаавад̇о. ам̣сагуудам̣ д̣̇ад̇ваа тид̇асахааяо вияа сад̇и самаад̇хисса аарамман̣з д̣̇ал̣хабавад̇д̇ияаа бажжаяабхаавад̇о. гирияад̇од̇и убагаарагирияад̇о.
Ekato jātāti sahajātā. Piṭṭhiṃ datvā onatasahāyo viya vāyāmo samādhissa ārammaṇe appanāya visesapaccayabhāvato. Aṃsakūṭaṃ datvā ṭhitasahāyo viya sati samādhissa ārammaṇe daḷhapavattiyā paccayabhāvato. Kiriyatoti upakārakiriyato.
аагодзд̇ваад̇и аарамман̣ам̣ ааханид̇ваа. д̇ат̇аа хи вид̇агго ‘‘аахананарасо’’д̇и, яог̇ааважаро жа ‘‘гаммадтаанам̣ д̇аггаахад̇ам̣ вид̇аггабарияаахад̇ам̣ гарод̇ий’’д̇и вужжад̇и. ид̇хаабийд̇и саммаад̣̇идтисан̇габбзсу. гирияад̇од̇и вуд̇д̇аббагаараубагаарагирияад̇о.
Ākoṭetvāti ārammaṇaṃ āhanitvā. Tathā hi vitakko ‘‘āhananaraso’’ti, yogāvacaro ca ‘‘kammaṭṭhānaṃ takkāhataṃ vitakkapariyāhataṃ karotī’’ti vuccati. Idhāpīti sammādiṭṭhisaṅkappesu. Kiriyatoti vuttappakāraupakārakiriyato.
субхасукаад̣̇инимид̇д̇аг̇г̇аахавид̇хаманам̣ жад̇угижжасаад̇ханам̣. бажжаяад̇д̇знаад̇и сахаж̇аад̇аад̣̇ибажжаяабхаавзна. жад̇угижжасаад̇ханавасзнзваад̇и ид̣̇ам̣ маг̇г̇авийрияассзва г̇ахид̇абхаавад̣̇ассанам̣. д̇ан̃хи згам̣язва худ̇ваа жад̇угижжам̣ яат̇аавуд̇д̇аубагаарагасабхаавзна жа бариваарадтзна баригкааро ход̇и. маг̇г̇асамбаяуд̇д̇ад̇хаммаананд̇и иминаа маг̇г̇ад̇хаммаанамби г̇ахан̣ам̣, на д̇ам̣самбаяуд̇д̇апассаад̣̇ийнам̣язва. згажид̇д̇агкан̣игаад̇и маг̇г̇ажид̇д̇уббаад̣̇авасзна згажид̇д̇агкан̣игаа.
Subhasukhādinimittaggāhavidhamanaṃ catukiccasādhanaṃ. Paccayattenāti sahajātādipaccayabhāvena. Catukiccasādhanavasenevāti idaṃ maggavīriyasseva gahitabhāvadassanaṃ. Tañhi ekaṃyeva hutvā catukiccaṃ yathāvuttaupakārakasabhāvena ca parivāraṭṭhena parikkhāro hoti. Maggasampayuttadhammānanti iminā maggadhammānampi gahaṇaṃ, na taṃsampayuttaphassādīnaṃyeva. Ekacittakkhaṇikāti maggacittuppādavasena ekacittakkhaṇikā.
сад̇д̇ахи н̃аан̣зхийд̇и барамуггам̣саг̇ад̇зхи сад̇д̇ахи ж̇аванзхи самбаяуд̇д̇ан̃аан̣зхи, сад̇д̇ахи ваа анубассанаан̃аан̣зхи. аад̣̇ид̇о сзванаа аасзванаа, д̇ад̇о барам̣ вад̣дханаа бхааванаа, бунаббунам̣ гаран̣ам̣ б̣ахулийгамманд̇и ад̇хиббааязнааха ‘‘ан̃н̃зна жид̇д̇знаа’’д̇иаад̣̇и. ад̇хиббааяавасзна нид̣̇д̇хаарзд̇ваа г̇ахзд̇аб̣б̣ад̇т̇ам̣ суд̇д̇ам̣ нзяяад̇т̇ам̣. яат̇ааруд̇авасзна г̇ахзд̇аб̣б̣ад̇т̇ам̣ нийд̇ад̇т̇ам̣. звам̣ санд̇зд̇и яад̣̇и ид̣̇ам̣ суд̇д̇ам̣ нийд̇ад̇т̇ам̣, аасзванаад̣̇и жа висум̣ висум̣ жид̇д̇зхи ход̇и, звам̣ санд̇з. аасзванаад̣̇и наама жид̇д̇асса анзгаваарам̣ уббад̇д̇ияаа ход̇и , на згаваарамзваад̇и ааха ‘‘згам̣ жид̇д̇а’’нд̇иаад̣̇и. д̇ад̇рааяам̣ сан̇кзбад̇т̇о – аасзванаавасзна бавад̇д̇амаанам̣ жид̇д̇ам̣ сужирамби гаалам̣ аасзванаавасзнзва бавад̇д̇зяяа, д̇ат̇аа бхааванааб̣ахулийгаммавасзна бавад̇д̇амаанааниби, на жзд̇т̇а зд̇д̇агаанзва жид̇д̇аани аасзванаавасзна бавад̇д̇анд̇и, зд̇д̇агаани бхааванаавасзна, б̣ахулийгаммавасзнаад̇и нияамо лаб̣бхад̇и. ид̇и анзгажид̇д̇агкан̣игаарияамаг̇г̇ам̣ вад̣̇анд̇асса д̣̇унниваарияовааяам̣ д̣̇осо. яат̇аа бана буб̣б̣абхааг̇зби наанаажид̇д̇зсу бавад̇д̇абарин̃н̃аад̣̇игижжаанам̣ саммаад̣̇идтиаад̣̇ийнам̣ бадивзд̇хагаалз яат̇аарахам̣ жад̇угижжасаад̇ханам̣, згажид̇д̇агкан̣игаа жа бавад̇д̇и, звам̣ вибассанааяа бавад̇д̇аабхисан̇кааравасзна аасзванаабхааванааб̣ахулийгаммаани бадивзд̇хагаалз згажид̇д̇агкан̣игаанзва хонд̇ийд̇и вад̣̇анд̇аанам̣ аажарияаанам̣ на гожи д̣̇осо аасзванаад̣̇ийхи гаад̇аб̣б̣агижжасса д̇ад̣̇аа згажид̇д̇агкан̣зязва сиж̇жханад̇о. д̇знааха ‘‘згажид̇д̇агкан̣игааваа’’д̇иаад̣̇и. сажз сан̃ж̇аанаад̇ийд̇и сажз сан̃н̃ад̇д̇им̣ г̇ажчад̇и. яааг̇ум̣ биваахийд̇и уяяож̇зд̇аб̣б̣о д̇хаммасаагажчааяа абхаб̣б̣абхаавад̇од̇и ад̇хиббааяо.
Sattahi ñāṇehīti paramukkaṃsagatehi sattahi javanehi sampayuttañāṇehi, sattahi vā anupassanāñāṇehi. Ādito sevanā āsevanā, tato paraṃ vaḍḍhanā bhāvanā, punappunaṃ karaṇaṃ bahulīkammanti adhippāyenāha ‘‘aññena cittenā’’tiādi. Adhippāyavasena niddhāretvā gahetabbatthaṃ suttaṃ neyyatthaṃ. Yathārutavasena gahetabbatthaṃ nītatthaṃ. Evaṃ santeti yadi idaṃ suttaṃ nītatthaṃ, āsevanādi ca visuṃ visuṃ cittehi hoti, evaṃ sante. Āsevanādi nāma cittassa anekavāraṃ uppattiyā hoti , na ekavāramevāti āha ‘‘ekaṃ citta’’ntiādi. Tatrāyaṃ saṅkhepattho – āsevanāvasena pavattamānaṃ cittaṃ sucirampi kālaṃ āsevanāvaseneva pavatteyya, tathā bhāvanābahulīkammavasena pavattamānānipi, na cettha ettakāneva cittāni āsevanāvasena pavattanti, ettakāni bhāvanāvasena, bahulīkammavasenāti niyamo labbhati. Iti anekacittakkhaṇikaariyamaggaṃ vadantassa dunnivāriyovāyaṃ doso. Yathā pana pubbabhāgepi nānācittesu pavattapariññādikiccānaṃ sammādiṭṭhiādīnaṃ paṭivedhakāle yathārahaṃ catukiccasādhanaṃ, ekacittakkhaṇikā ca pavatti, evaṃ vipassanāya pavattābhisaṅkhāravasena āsevanābhāvanābahulīkammāni paṭivedhakāle ekacittakkhaṇikāneva hontīti vadantānaṃ ācariyānaṃ na koci doso āsevanādīhi kātabbakiccassa tadā ekacittakkhaṇeyeva sijjhanato. Tenāha ‘‘ekacittakkhaṇikāvā’’tiādi. Sace sañjānātīti sace saññattiṃ gacchati. Yāguṃ pivāhīti uyyojetabbo dhammasākacchāya abhabbabhāvatoti adhippāyo.
463. бун̃н̃аабхисан̇каараад̣̇ийсууд̇и аад̣̇и-сад̣̇д̣̇зна гааяасан̃жзд̇анаад̣̇и лагкан̣з гааяасан̇каараад̣̇игзби сан̇г̇ан̣хаад̇и, на абун̃н̃аанзн̃ж̇аабхисан̇каарз зва. гааяабадиб̣ад̣̇д̇хад̇д̇аа гааязна сан̇карийяад̇и, на гааяасамудтаанад̇д̇аа. жид̇д̇асамудтаанаа хи д̇з д̇хаммаад̇и. ниб̣б̣ад̇д̇ийяад̇ийд̇и жа ид̣̇ам̣ гааяз сад̇и саб̣бхаавам̣ , асад̇и жа абхаавам̣ санд̇хааяа вуд̇д̇ам̣. ваажанд̇и важийгхосам̣. сан̇карод̇ийд̇и ж̇анзд̇и. д̇знааха ‘‘ниб̣б̣ад̇д̇зд̇ий’’д̇и. на хи д̇ам̣ вид̇аггавижаарарахид̇ажид̇д̇ам̣ важийгхосам̣ ниб̣б̣ад̇д̇зд̇ум̣ саггод̇и. жид̇д̇абадиб̣ад̣̇д̇хад̇д̇аад̇и зд̇зна жид̇д̇асса ниссаяаад̣̇ибажжаяабхааво жид̇д̇асан̇каарасан̇каран̣анд̇и д̣̇ассзд̇и. ан̃н̃аман̃н̃амиссаад̇и ад̇т̇ад̇о бхиннааби гааяасан̇каараад̣̇иважанаважанийяабхаавзна ан̃н̃аман̃н̃амиссид̇аа абхиннаа вияа, д̇ад̇о зва аалул̣ид̇аа сам̣гин̣н̣аа авибхууд̇аа абаагадаа д̣̇уд̣̇д̣̇ийбанаа д̣̇увин̃н̃аабаяаа. аад̣̇аанаг̇г̇ахан̣амун̃жанажобанаанийд̇и яасса гассажи гааязна аад̣̇аад̇аб̣б̣асса аад̣̇аанасан̇каад̇ам̣ г̇ахан̣ам̣, виссаж̇ж̇анасан̇каад̇ам̣ мун̃жанам̣, яат̇аад̇ат̇аажаланасан̇каад̇ам̣ жобананд̇и имаани баабзд̇ваа саад̇хзд̇ваа уббаннаа. гааяад̇о бавад̇д̇аа сан̇каараа, гааязна сан̇карийяанд̇ийд̇и жа гааяасан̇каараад̇взва вужжанд̇и. ханусам̣жобананд̇и ханусан̃жаланам̣. важийбхзд̣̇анд̇и ваажаанижчааран̣ам̣. ваажам̣ сан̇каронд̇ийд̇и гад̇ваа ид̇ха важийсан̇каараад̇взва вужжанд̇и.
463.Puññābhisaṅkhārādīsūti ādi-saddena kāyasañcetanādi lakkhaṇe kāyasaṅkhārādikepi saṅgaṇhāti, na apuññāneñjābhisaṅkhāre eva. Kāyapaṭibaddhattā kāyena saṅkharīyati, na kāyasamuṭṭhānattā. Cittasamuṭṭhānā hi te dhammāti. Nibbattīyatīti ca idaṃ kāye sati sabbhāvaṃ , asati ca abhāvaṃ sandhāya vuttaṃ. Vācanti vacīghosaṃ. Saṅkharotīti janeti. Tenāha ‘‘nibbattetī’’ti. Na hi taṃ vitakkavicārarahitacittaṃ vacīghosaṃ nibbattetuṃ sakkoti. Cittapaṭibaddhattāti etena cittassa nissayādipaccayabhāvo cittasaṅkhārasaṅkharaṇanti dasseti. Aññamaññamissāti atthato bhinnāpi kāyasaṅkhārādivacanavacanīyabhāvena aññamaññamissitā abhinnā viya, tato eva āluḷitā saṃkiṇṇā avibhūtā apākaṭā duddīpanā duviññāpayā. Ādānaggahaṇamuñcanacopanānīti yassa kassaci kāyena ādātabbassa ādānasaṅkhātaṃ gahaṇaṃ, vissajjanasaṅkhātaṃ muñcanaṃ, yathātathācalanasaṅkhātaṃ copananti imāni pāpetvā sādhetvā uppannā. Kāyato pavattā saṅkhārā, kāyena saṅkharīyantīti ca kāyasaṅkhārātveva vuccanti. Hanusaṃcopananti hanusañcalanaṃ. Vacībhedanti vācānicchāraṇaṃ. Vācaṃ saṅkharontīti katvā idha vacīsaṅkhārātveva vuccanti.
464. самаабаж̇ж̇иссанд̇и бад̣̇ам̣ нирод̇хасса аасаннаанааг̇ад̇абхаавависаяам̣ аасаннам̣ важ̇ж̇зд̇ваа д̣̇уурасса г̇ахан̣з баяож̇анаабхаавад̇о. нирод̇хабаад̣̇агасса нзвасан̃н̃аанаасан̃н̃ааяад̇анажид̇д̇асса жа г̇ахан̣ад̇о бадтааяа нирод̇хам̣ самаабаж̇ж̇ад̇и наамаад̇и ад̇хиббааязна ‘‘бад̣̇ад̣̇ваязна нзвасан̃н̃аанаасан̃н̃ааяад̇анасамаабад̇д̇игаало гат̇ид̇о’’д̇и вуд̇д̇ам̣. д̇ат̇аа жид̇д̇ам̣ бхаавид̇ам̣ ход̇ийд̇и зд̇т̇а ад̣̇д̇хаанабарижчзд̣̇ажид̇д̇аг̇г̇ахан̣ам̣ ид̇арзсам̣ наананд̇арияабхаавад̇о. на хи б̣алад̣̇ваяан̃аан̣асамаад̇хижарияаанам̣ васийбхааваабаад̣̇анажид̇д̇зхи винаа ад̣̇д̇хаанабарижчзд̣̇ажид̇д̇ам̣ ажид̇д̇агабхаавааяа ход̇и.
464.Samāpajjissanti padaṃ nirodhassa āsannānāgatabhāvavisayaṃ āsannaṃ vajjetvā dūrassa gahaṇe payojanābhāvato. Nirodhapādakassa nevasaññānāsaññāyatanacittassa ca gahaṇato paṭṭhāya nirodhaṃ samāpajjati nāmāti adhippāyena ‘‘padadvayena nevasaññānāsaññāyatanasamāpattikālo kathito’’ti vuttaṃ. Tathā cittaṃ bhāvitaṃ hotīti ettha addhānaparicchedacittaggahaṇaṃ itaresaṃ nānantariyabhāvato. Na hi baladvayañāṇasamādhicariyānaṃ vasībhāvāpādanacittehi vinā addhānaparicchedacittaṃ acittakabhāvāya hoti.
сзсасан̇каарзхийд̇и гааяасан̇кааражид̇д̇асан̇каарзхи. д̣̇уд̇ияаж̇жхаанзязва нируж̇жхад̇и ануббад̇д̇инирод̇хзна. ид̇арзсуби зсзва наяо. вудтахиссанд̇и бад̣̇ам̣ вудтаханасса аасаннаанааг̇ад̇абхаавависаяам̣ аасаннам̣ важ̇ж̇зд̇ваа д̣̇уурасса г̇ахан̣з баяож̇анаабхаавад̇о. нирод̇хад̇о вудтаанасса жа жид̇д̇уббаад̣̇зна барижчиннад̇д̇аа д̇ад̇о орамзваад̇и ааха ‘‘бад̣̇ад̣̇ваязна анд̇онирод̇хагаало гат̇ид̇о’’д̇и. д̇ат̇аа жид̇д̇ам̣ бхаавид̇ам̣ ход̇ийд̇и яат̇аа яат̇аабарижчиннагааламзва ажид̇д̇агабхааво, д̇ад̇о барам̣ сажид̇д̇агабхааво ход̇и, д̇ат̇аа нирод̇хасса баригаммажид̇д̇ам̣ уббаад̣̇ид̇ам̣ ход̇и.
Sesasaṅkhārehīti kāyasaṅkhāracittasaṅkhārehi. Dutiyajjhāneyeva nirujjhati anuppattinirodhena. Itaresupi eseva nayo. Vuṭṭhahissanti padaṃ vuṭṭhahanassa āsannānāgatabhāvavisayaṃ āsannaṃ vajjetvā dūrassa gahaṇe payojanābhāvato. Nirodhato vuṭṭhānassa ca cittuppādena paricchinnattā tato oramevāti āha ‘‘padadvayena antonirodhakālo kathito’’ti. Tathā cittaṃ bhāvitaṃ hotīti yathā yathāparicchinnakālameva acittakabhāvo, tato paraṃ sacittakabhāvo hoti, tathā nirodhassa parikammacittaṃ uppāditaṃ hoti.
бадисан̇каад̇и бадисан̇кааяа ид̣̇амзва гаад̇аб̣б̣ам̣ ж̇аанид̇ваа аббавад̇д̇имад̇д̇ам̣. самаабаж̇ж̇анд̇ийд̇и ажид̇д̇агабхаавам̣ самбад̣̇зва аабаж̇ж̇анд̇и. ат̇а гасмаа сад̇д̇аахамзва самаабаж̇ж̇анд̇ийд̇и? яат̇аагаалабарижчзд̣̇агаран̣ад̇о, д̇ан̃жа язбхуяязна аахааруубаж̇ийвийнам̣ сад̇д̇аанам̣ убаад̣̇иннагабавад̇д̇асса згад̣̇ивасам̣ бхуд̇д̇аахаарасса сад̇д̇аахамзва яаабанад̇о.
Paṭisaṅkhāti paṭisaṅkhāya idameva kātabbaṃ jānitvā appavattimattaṃ. Samāpajjantīti acittakabhāvaṃ sampadeva āpajjanti. Atha kasmā sattāhameva samāpajjantīti? Yathākālaparicchedakaraṇato, tañca yebhuyyena āhārūpajīvīnaṃ sattānaṃ upādinnakapavattassa ekadivasaṃ bhuttāhārassa sattāhameva yāpanato.
саб̣б̣аа паласамаабад̇д̇и ассаасабассаасз на самудтаабзд̇ийд̇и ид̣̇ам̣ над̇т̇ийд̇и ааха ‘‘самудтаабзд̇ий’’д̇и. яаа бана на самудтаабзд̇и, д̇ам̣ д̣̇ассзнд̇о ‘‘имасса бана…бз… на самудтаабзд̇ий’’д̇и ааха. д̇ад̇т̇а имассаад̇и ид̇ха баал̣ияам̣ вуд̇д̇анирод̇хасамаабаж̇ж̇анабхигкуно. д̇асса бана паласамаабад̇д̇и жад̇уд̇т̇аж̇жхаанигааваад̇и нияамо над̇т̇ийд̇и ааха ‘‘гим̣ ваа зд̇знаа’’д̇иаад̣̇и. аб̣б̣охааригаад̇и сукумад̇д̇абхааваббад̇д̇ияаа ‘‘ад̇т̇ий’’д̇и вохарид̇ум̣ асаггун̣зяяаад̇и гзжи. нирод̇хасса бана баад̣̇агабхууд̇ааяа жад̇уд̇т̇аж̇жхаанаад̣̇исамаад̇хижарияааяа васзна ажад̇уд̇т̇аж̇жхаанигааби нирод̇хаананд̇арапаласамаабад̇д̇и ассаасабассаасз на самудтаабзд̇ийд̇и абхаавад̇о зва д̇з аб̣б̣охааригаа вуд̇д̇аа. зван̃жа гад̇ваа сан̃ж̇ийвад̇т̇зравад̇т̇умхи аанийд̇асамаабад̇д̇ипаланид̣̇ассанамби судту убабаж̇ж̇ад̇и. д̇знааха ‘‘бхаван̇г̇асамаязнзвзд̇ам̣ гат̇ид̇а’’нд̇и. гирияамаяабавад̇д̇авал̣ан̃ж̇анагаалзд̇и зд̇т̇а гирияамаяабавад̇д̇ам̣ гааяаважийвин̃н̃ад̇д̇ивибпааро, д̇асса вал̣ан̃ж̇анагаалз бавад̇д̇анасамаяз. ваажам̣ абхисан̇каад̇ум̣ на саггонд̇и авин̃н̃ад̇д̇иж̇анагад̇д̇аа д̇зсам̣ вид̇аггавижаараанам̣.
Sabbā phalasamāpatti assāsapassāse na samuṭṭhāpetīti idaṃ natthīti āha ‘‘samuṭṭhāpetī’’ti. Yā pana na samuṭṭhāpeti, taṃ dassento ‘‘imassa pana…pe… na samuṭṭhāpetī’’ti āha. Tattha imassāti idha pāḷiyaṃ vuttanirodhasamāpajjanabhikkhuno. Tassa pana phalasamāpatti catutthajjhānikāvāti niyamo natthīti āha ‘‘kiṃ vā etenā’’tiādi. Abbohārikāti sukhumattabhāvappattiyā ‘‘atthī’’ti voharituṃ asakkuṇeyyāti keci. Nirodhassa pana pādakabhūtāya catutthajjhānādisamādhicariyāya vasena acatutthajjhānikāpi nirodhānantaraphalasamāpatti assāsapassāse na samuṭṭhāpetīti abhāvato eva te abbohārikā vuttā. Evañca katvā sañjīvattheravatthumhi ānītasamāpattiphalanidassanampi suṭṭhu upapajjati. Tenāha ‘‘bhavaṅgasamayenevetaṃ kathita’’nti. Kiriyamayapavattavaḷañjanakāleti ettha kiriyamayapavattaṃ kāyavacīviññattivipphāro, tassa vaḷañjanakāle pavattanasamaye. Vācaṃ abhisaṅkhātuṃ na sakkonti aviññattijanakattā tesaṃ vitakkavicārānaṃ.
саг̇ун̣знаад̇и сарасзна, сабхаавзнаад̇и ад̇т̇о. сун̃н̃ад̇аа наама паласамаабад̇д̇и рааг̇аад̣̇ийхи сун̃н̃ад̇д̇аа. д̇ат̇аа рааг̇анимид̇д̇аад̣̇ийнам̣ абхааваа анимид̇д̇аа, рааг̇абан̣ид̇хиаад̣̇ийнам̣ абхааваа аббан̣ихид̇аад̇и ааха ‘‘анимид̇д̇ааббан̣ихид̇зсуби зсзва наяо’’д̇и. анимид̇д̇ам̣ аббан̣ихид̇ан̃жа ниб̣б̣аанам̣ аарамман̣ам̣ гад̇ваа уббаннапаласамаабад̇д̇ияам̣ пассо анимид̇д̇о пассо аббан̣ихид̇о пассо наамаад̇и имамад̇т̇ам̣ ‘‘зсзва наяо’’д̇и иминаа ад̇ид̣̇исад̇и.
Saguṇenāti sarasena, sabhāvenāti attho. Suññatā nāma phalasamāpatti rāgādīhi suññattā. Tathā rāganimittādīnaṃ abhāvā animittā, rāgapaṇidhiādīnaṃ abhāvā appaṇihitāti āha ‘‘animittaappaṇihitesupi eseva nayo’’ti. Animittaṃ appaṇihitañca nibbānaṃ ārammaṇaṃ katvā uppannaphalasamāpattiyaṃ phasso animitto phasso appaṇihito phasso nāmāti imamatthaṃ ‘‘eseva nayo’’ti iminā atidisati.
ад̇д̇асун̃н̃ад̇аад̣̇ассанад̇о анад̇д̇аанубассанаа сун̃н̃ад̇аа, нижжанимид̇д̇уг̇гхааданад̇о анижжаанубассанаа анимид̇д̇аа, сукаббан̣ид̇хибадигкзбад̇о д̣̇угкаанубассанаа аббан̣ихид̇аад̇и ааха – ‘‘сун̃н̃ад̇аа…бз… вибассанааби вужжад̇ий’’д̇и. анижжад̇о вудтаад̇ийд̇и сан̇каараанам̣ анижжаагаараг̇г̇аахинияаа вудтаанаг̇ааминияаа барад̇о згад̇овудтаанаубхад̇овудтаанзхи нимид̇д̇абавад̇д̇ад̇о вудтаад̇и. анижжад̇о бариг̇г̇ахзд̇ваад̇и жа ид̣̇ам̣ ‘‘на зганд̇игам̣ звамби ход̇ий’’д̇и гад̇ваа вуд̇д̇ам̣. зса наяо сзсзсуби. аббан̣ихид̇авибассанааяа маг̇г̇од̇иаад̣̇инаа, сун̃н̃ад̇авибассанааяа маг̇г̇од̇иаад̣̇инаа жа яож̇анам̣ санд̇хааяааха ‘‘зсзва наяо’’д̇и. вигаббо аабаж̇ж̇зяяа ааг̇аманасса вавад̇т̇аанасса абхаавзна ававад̇т̇аанагарад̇д̇аа. зван̃хи д̇аяо пассаа пусанд̇ийд̇и звам̣ саг̇ун̣ад̇о аарамман̣ад̇о жа наамалаабхз сун̃н̃ад̇аад̣̇инаамагаа д̇аяо пассаа пусанд̇ийд̇и анияамаважанам̣. самзд̇и яуж̇ж̇ад̇и згассзва пассасса наамад̇д̇аяаяог̇ад̇о.
Attasuññatādassanato anattānupassanā suññatā, niccanimittugghāṭanato aniccānupassanā animittā, sukhappaṇidhipaṭikkhepato dukkhānupassanā appaṇihitāti āha – ‘‘suññatā…pe… vipassanāpi vuccatī’’ti. Aniccato vuṭṭhātīti saṅkhārānaṃ aniccākāraggāhiniyā vuṭṭhānagāminiyā parato ekatovuṭṭhānaubhatovuṭṭhānehi nimittapavattato vuṭṭhāti. Aniccato pariggahetvāti ca idaṃ ‘‘na ekantikaṃ evampi hotī’’ti katvā vuttaṃ. Esa nayo sesesupi. Appaṇihitavipassanāya maggotiādinā, suññatavipassanāya maggotiādinā ca yojanaṃ sandhāyāha ‘‘eseva nayo’’ti. Vikappo āpajjeyya āgamanassa vavatthānassa abhāvena avavatthānakarattā. Evañhi tayo phassā phusantīti evaṃ saguṇato ārammaṇato ca nāmalābhe suññatādināmakā tayo phassā phusantīti aniyamavacanaṃ. Sameti yujjati ekasseva phassassa nāmattayayogato.
саб̣б̣асан̇кад̇авивид̇д̇ад̇ааяа ниб̣б̣аанам̣ вивзго наама убад̇хививзгод̇и гад̇ваа. ниннад̇аа д̇аббадибагкавимукасса д̇ад̣̇абхимукад̇аа. бон̣ад̇аа онаманам̣, баб̣бхаарад̇аа д̇ад̇о виссадтабхааво.
Sabbasaṅkhatavivittatāya nibbānaṃ viveko nāma upadhivivekoti katvā. Ninnatā tappaṭipakkhavimukhassa tadabhimukhatā. Poṇatā onamanaṃ, pabbhāratā tato vissaṭṭhabhāvo.
465. жагкаад̣̇ид̇о руубаад̣̇ийсу бавад̇д̇аруубагааяад̇о уббаж̇ж̇анад̇о бан̃жад̣̇вааригам̣ сукам̣ гааяигам̣ наама, манод̣̇вааригам̣ жзд̇опассаж̇аад̇ааяа жзд̇асигам̣ наама. сабхааванид̣̇д̣̇зсо сукаяад̇ийд̇и гад̇ваа. мад̇хурабхаавад̣̇ийбаганд̇и идтабхааваж̇од̇анам̣. взд̣̇аяид̇абхаавад̣̇ийбаганд̇и взд̣̇агабхаававибхаавагам̣. взд̣̇анаа зва хи барамад̇т̇ад̇о аарамман̣ам̣ взд̣̇зд̇и, аарамман̣ам̣ бана взд̣̇ид̇аб̣б̣анд̇и. д̣̇угканд̇и сабхааванид̣̇д̣̇зсод̇извамаад̣̇иад̇т̇аважанам̣ санд̇хааяааха ‘‘зсзва наяо’’д̇и. тид̇исукаад̇и тид̇ияаа д̇харамаанад̇ааяа сукаа, на тид̇игкан̣амад̇д̇зна. д̇знааха ‘‘ад̇т̇ибхааво сука’’нд̇и. вибарин̣аамад̣̇угкаад̇и вибарин̣аманзна виг̇аманзна д̣̇угкаа, на нирод̇хагкан̣зна. д̇знааха ‘‘над̇т̇ибхааво д̣̇угка’’нд̇и. абарин̃н̃аад̇авад̇т̇угаанан̃хи сукавзд̣̇анубарамо д̣̇угкад̇о убадтаад̇и. свааяамад̇т̇о бияавиббаяог̇зна д̣̇ийбзд̇аб̣б̣о. тид̇ид̣̇угкаа вибарин̣аамасукаад̇и зд̇т̇ааби зсзва наяо. д̇знааха ‘‘ад̇т̇ибхааво д̣̇угкам̣, над̇т̇ибхааво сука’’нд̇и. д̣̇угкавзд̣̇анубарамо хи сад̇д̇аанам̣ сукад̇о убадтаад̇и. зван̃хи вад̣̇анд̇и – ‘‘д̇асса рог̇асса вуубасамзна ахо сукам̣ ж̇аад̇а’’нд̇и. ж̇аананабхаавод̇и яаат̇аавасабхаавад̇о аваб̣уж̇жханам̣. ад̣̇угкамасукан̃хи взд̣̇анам̣ ж̇аананд̇асса сукам̣ ход̇и д̇асса сукумабхаавад̇о, яат̇аа д̇ад̣̇ан̃н̃з д̇хаммз салагкан̣ад̇о сааман̃н̃алагкан̣ад̇о жа саммад̣̇зва аваб̣од̇хо барамам̣ сукам̣. д̇знзвааха –
465. Cakkhādito rūpādīsu pavattarūpakāyato uppajjanato pañcadvārikaṃ sukhaṃ kāyikaṃ nāma, manodvārikaṃ cetophassajātāya cetasikaṃnāma. Sabhāvaniddeso sukhayatīti katvā. Madhurabhāvadīpakanti iṭṭhabhāvajotanaṃ. Vedayitabhāvadīpakanti vedakabhāvavibhāvakaṃ. Vedanā eva hi paramatthato ārammaṇaṃ vedeti, ārammaṇaṃ pana veditabbanti. Dukkhanti sabhāvaniddesotievamādiatthavacanaṃ sandhāyāha ‘‘eseva nayo’’ti. Ṭhitisukhāti ṭhitiyā dharamānatāya sukhā, na ṭhitikkhaṇamattena. Tenāha ‘‘atthibhāvo sukha’’nti. Vipariṇāmadukkhāti vipariṇamanena vigamanena dukkhā, na nirodhakkhaṇena. Tenāha ‘‘natthibhāvo dukkha’’nti. Apariññātavatthukānañhi sukhavedanuparamo dukkhato upaṭṭhāti. Svāyamattho piyavippayogena dīpetabbo. Ṭhitidukkhā vipariṇāmasukhāti etthāpi eseva nayo. Tenāha ‘‘atthibhāvo dukkhaṃ, natthibhāvo sukha’’nti. Dukkhavedanuparamo hi sattānaṃ sukhato upaṭṭhāti. Evañhi vadanti – ‘‘tassa rogassa vūpasamena aho sukhaṃ jāta’’nti. Jānanabhāvoti yāthāvasabhāvato avabujjhanaṃ. Adukkhamasukhañhi vedanaṃ jānantassa sukhaṃ hoti tassa sukhumabhāvato, yathā tadaññe dhamme salakkhaṇato sāmaññalakkhaṇato ca sammadeva avabodho paramaṃ sukhaṃ. Tenevāha –
‘‘яад̇о яад̇о саммасад̇и, канд̇хаанам̣ уд̣̇аяаб̣б̣аяам̣;
‘‘Yato yato sammasati, khandhānaṃ udayabbayaṃ;
лабхад̇ий бийд̇ибаамож̇ж̇ам̣, амад̇ам̣ д̇ам̣ виж̇аанад̇а’’нд̇и. (д̇ха. ба. 374);
Labhatī pītipāmojjaṃ, amataṃ taṃ vijānata’’nti. (dha. pa. 374);
аж̇аананабхаавод̇и зд̇т̇а вуд̇д̇авибарияааязна ад̇т̇о взд̣̇ид̇аб̣б̣о. д̣̇угкан̃хи саммохавихаарод̇и. абаро наяо ж̇аананабхаавод̇и ж̇аананасса н̃аан̣асса саб̣бхааво. н̃аан̣асамбаяуд̇д̇аа хи н̃аан̣обаниссаяаа жа ад̣̇угкамасукаа взд̣̇анаа сукаа идтаагаараа. яат̇ааха ‘‘идтаа жзва идтапалаа жаа’’д̇и. аж̇аананабхааво д̣̇угканд̇и зд̇т̇а вуд̇д̇авибарияааязна ад̇т̇о взд̣̇ид̇аб̣б̣о.
Ajānanabhāvoti ettha vuttavipariyāyena attho veditabbo. Dukkhañhi sammohavihāroti. Aparo nayo jānanabhāvoti jānanassa ñāṇassa sabbhāvo. Ñāṇasampayuttā hi ñāṇopanissayā ca adukkhamasukhā vedanā sukhā iṭṭhākārā. Yathāha ‘‘iṭṭhā ceva iṭṭhaphalā cā’’ti. Ajānanabhāvo dukkhanti ettha vuttavipariyāyena attho veditabbo.
гад̇амо анусаяо анусзд̇ийд̇и гаамарааг̇аанусаяаад̣̇ийсу сад̇д̇асу анусаязсу гад̇амо анусаяо анусаяавасзна бавад̇д̇ад̇и? аббахийнабхаавзна хи санд̇аанз анусаяанд̇ийд̇и анусаяаа, ануруубам̣ гааран̣ам̣ лабхид̇ваа уббаж̇ж̇анд̇ийд̇и ад̇т̇о. зд̇зна гааран̣алаабхз сад̇и уббаж̇ж̇анаарахад̇аа нзсам̣ д̣̇ассид̇аа. аббахийнаа хи гилзсаа гааран̣алаабхз сад̇и уббаж̇ж̇анд̇и. д̇знааха ‘‘аббахийнадтзна саяид̇о вияа ход̇ий’’д̇и. д̇з жа ниббарияааяад̇о анааг̇ад̇аа гилзсаа д̣̇адтаб̣б̣аа, ад̇ийд̇аа бажжуббаннаа жа д̇ам̣сабхаавад̇д̇аа д̇ат̇аа вужжанд̇и. на хи д̇хаммаанам̣ гаалабхзд̣̇зна сабхаавабхзд̣̇о ад̇т̇и. яад̣̇и аббахийнадто анусаяадто, нану саб̣б̣зби гилзсаа аббахийнаа анусаяаа бхавзяяунд̇и? на маяам̣ аббахийнад̇аамад̇д̇зна анусаяадтам̣ вад̣̇аама, ат̇а ко бана аббахийнадтзна т̇аамаг̇ад̇аа гилзсаа анусаяаа. ид̣̇ам̣ т̇аамаг̇аманан̃жа рааг̇аад̣̇ийнамзва аавзн̣иго сабхааво д̣̇адтаб̣б̣о, яад̇о абхид̇хаммз – ‘‘т̇аамаг̇ад̇ам̣ анусаяам̣ баж̇ахад̇ий’’д̇и вуд̇д̇ам̣. сод̇и рааг̇аанусаяо. аббахийнод̇и аббахийнабхаавамукзна анусаяанадтамааха. со жа абарин̃н̃аад̇агканд̇хавад̇т̇уд̇о, барин̃н̃аад̇зсу бад̇идтам̣ на лабхад̇и. д̇знааха ‘‘на саб̣б̣ааяа сукааяа взд̣̇анааяа со аббахийно’’д̇и. аарамман̣авасзна жааяам̣ анусаяадто ад̇хиббзд̇о. д̇знааха ‘‘на саб̣б̣ам̣ сукам̣ взд̣̇анам̣ аараб̣бха уббаж̇ж̇ад̇ийд̇и ад̇т̇о’’д̇и.
Katamo anusayo anusetīti kāmarāgānusayādīsu sattasu anusayesu katamo anusayo anusayavasena pavattati? Appahīnabhāvena hi santāne anusayantīti anusayā, anurūpaṃ kāraṇaṃ labhitvā uppajjantīti attho. Etena kāraṇalābhe sati uppajjanārahatā nesaṃ dassitā. Appahīnā hi kilesā kāraṇalābhe sati uppajjanti. Tenāha ‘‘appahīnaṭṭhena sayito viya hotī’’ti. Te ca nippariyāyato anāgatā kilesā daṭṭhabbā, atītā paccuppannā ca taṃsabhāvattā tathā vuccanti. Na hi dhammānaṃ kālabhedena sabhāvabhedo atthi. Yadi appahīnaṭṭho anusayaṭṭho, nanu sabbepi kilesā appahīnā anusayā bhaveyyunti? Na mayaṃ appahīnatāmattena anusayaṭṭhaṃ vadāma, atha kho pana appahīnaṭṭhena thāmagatā kilesā anusayā. Idaṃ thāmagamanañca rāgādīnameva āveṇiko sabhāvo daṭṭhabbo, yato abhidhamme – ‘‘thāmagataṃ anusayaṃ pajahatī’’ti vuttaṃ. Soti rāgānusayo. Appahīnoti appahīnabhāvamukhena anusayanaṭṭhamāha. So ca apariññātakkhandhavatthuto, pariññātesu patiṭṭhaṃ na labhati. Tenāha ‘‘na sabbāya sukhāya vedanāya so appahīno’’ti. Ārammaṇavasena cāyaṃ anusayaṭṭho adhippeto. Tenāha ‘‘na sabbaṃ sukhaṃ vedanaṃ ārabbha uppajjatīti attho’’ti.
вад̇т̇увасзнаби бана анусаяадто взд̣̇ид̇аб̣б̣о, яо ‘‘бхуумилад̣̇д̇ха’’нд̇и вужжад̇и. д̇зна хи адтагат̇ааяам̣ (висуд̣̇д̇хи. 2.834) вуд̇д̇ам̣ –
Vatthuvasenapi pana anusayaṭṭho veditabbo, yo ‘‘bhūmiladdha’’nti vuccati. Tena hi aṭṭhakathāyaṃ (visuddhi. 2.834) vuttaṃ –
‘‘бхуумийд̇и вибассанааяа аарамман̣абхууд̇аа д̇збхуумагаа бан̃жагканд̇хаа. бхуумилад̣̇д̇хам̣ наама д̇зсу канд̇хзсу уббад̇д̇ирахам̣ гилзсаж̇аад̇ам̣. д̇зна хи саа бхуумилад̣̇д̇хаа наама ход̇и, д̇асмаа бхуумилад̣̇д̇ханд̇и вужжад̇и, саа жа ко на аарамман̣авасзна. аарамман̣авасзна хи саб̣б̣зби ад̇ийд̇аанааг̇ад̇з барин̃н̃аад̇зби жа кийн̣аасаваанам̣ канд̇хз аараб̣бха гилзсаа уббаж̇ж̇анд̇и махаагажжаанауббалаван̣н̣аад̣̇ийнам̣ канд̇хз аараб̣бха сорзяяасздтинанд̣̇амаан̣авагаад̣̇ийнам̣ вияа. яад̣̇и жа д̇ам̣ бхуумилад̣̇д̇хам̣ наама сияаа, д̇асса аббахзяяад̇о на гожи бхавамуулам̣ баж̇ахзяяа, вад̇т̇увасзна бана бхуумилад̣̇д̇хам̣ взд̣̇ид̇аб̣б̣ам̣. яад̇т̇а яад̇т̇а хи вибассанааяа абарин̃н̃аад̇аа канд̇хаа уббаж̇ж̇анд̇и, д̇ад̇т̇а д̇ад̇т̇а уббаад̣̇ад̇о бабхуд̇и д̇зсу ваддамуулам̣ гилзсаж̇аад̇ам̣ анусзд̇и. д̇ам̣ аббахийнадтзна бхуумилад̣̇д̇ханд̇и взд̣̇ид̇аб̣б̣а’’нд̇иаад̣̇и.
‘‘Bhūmīti vipassanāya ārammaṇabhūtā tebhūmakā pañcakkhandhā. Bhūmiladdhaṃ nāma tesu khandhesu uppattirahaṃ kilesajātaṃ. Tena hi sā bhūmiladdhā nāma hoti, tasmā bhūmiladdhanti vuccati, sā ca kho na ārammaṇavasena. Ārammaṇavasena hi sabbepi atītānāgate pariññātepi ca khīṇāsavānaṃ khandhe ārabbha kilesā uppajjanti mahākaccānauppalavaṇṇādīnaṃ khandhe ārabbha soreyyaseṭṭhinandamāṇavakādīnaṃ viya. Yadi ca taṃ bhūmiladdhaṃ nāma siyā, tassa appaheyyato na koci bhavamūlaṃ pajaheyya, vatthuvasena pana bhūmiladdhaṃ veditabbaṃ. Yattha yattha hi vipassanāya apariññātā khandhā uppajjanti, tattha tattha uppādato pabhuti tesu vaṭṭamūlaṃ kilesajātaṃ anuseti. Taṃ appahīnaṭṭhena bhūmiladdhanti veditabba’’ntiādi.
зса наяо саб̣б̣ад̇т̇аад̇и иминаа ‘‘на саб̣б̣ааяа д̣̇угкааяа взд̣̇анааяа со аббахийно, на саб̣б̣ам̣ д̣̇угкам̣ взд̣̇анам̣ аараб̣бха уббаж̇ж̇ад̇ий’’д̇иаад̣̇им̣ ад̇ид̣̇исад̇и. д̇ад̇т̇а яам̣ вад̇д̇аб̣б̣ам̣, д̇ам̣ вуд̇д̇анаязнзва взд̣̇ид̇аб̣б̣ам̣. ‘‘яо анусаяо яад̇т̇а анусзд̇и , со бахийяамаано д̇ад̇т̇а бахийно наама ход̇ий’’д̇и д̇ад̇т̇а д̇ад̇т̇а бахаанабужчаа, д̇ам̣ санд̇хааяааха ‘‘гим̣ бахаад̇аб̣б̣анд̇и аяам̣ бахаанабужчаа наамаа’’д̇и.
Esa nayo sabbatthāti iminā ‘‘na sabbāya dukkhāya vedanāya so appahīno, na sabbaṃ dukkhaṃ vedanaṃ ārabbha uppajjatī’’tiādiṃ atidisati. Tattha yaṃ vattabbaṃ, taṃ vuttanayeneva veditabbaṃ. ‘‘Yo anusayo yattha anuseti , so pahīyamāno tattha pahīno nāma hotī’’ti tattha tattha pahānapucchā, taṃ sandhāyāha ‘‘kiṃ pahātabbanti ayaṃ pahānapucchā nāmā’’ti.
згзнзва б̣яаагаран̣знаад̇и ‘‘ид̇хаавусо, висаака, бхигку вивижжзва гаамзхий’’д̇иаад̣̇инаа (ма. ни. 1.374) згзнзва виссаж̇ж̇анзна. д̣̇вз бужчаад̇и анусаяабужчаа бахаанабужчаад̇и д̣̇взби бужчаа виссаж̇ж̇зси. ‘‘рааг̇ам̣ д̇зна баж̇ахад̇ий’’д̇и ид̣̇амзгам̣ виссаж̇ж̇анам̣, ‘‘на д̇ад̇т̇а рааг̇аанусаяо анусзд̇ий’’д̇и ид̣̇амзгам̣ виссаж̇ж̇анам̣, бужчаануггаман̃жзд̇т̇а анаад̣̇ияид̇ваа бахаанаггамзна виссаж̇ж̇анаа бавад̇д̇аа . ‘‘д̣̇вз бужчаа виссаж̇ж̇зсий’’д̇и сан̇кзбад̇о вуд̇д̇амад̇т̇ам̣ виварид̇ум̣ ‘‘ид̇хаа’’д̇иаад̣̇и вуд̇д̇ам̣. д̇ад̇т̇а д̇ат̇аавигкамбхид̇амзва гад̇ваад̇и иминаа яо рааг̇ам̣ вигкамбхзд̇ваа буна уббаж̇ж̇ид̇ум̣ аббад̣̇аанад̇о д̇ат̇аавигкамбхид̇амзва гад̇ваа маг̇г̇зна самуг̇гхаад̇зд̇и, д̇асса васзна ‘‘рааг̇ам̣ д̇зна баж̇ахад̇и, на д̇ад̇т̇а рааг̇аанусаяо анусзд̇ий’’д̇и вад̇д̇аб̣б̣анд̇и д̣̇ассзд̇и. гаамогхаад̣̇ийхи жад̇уухи огхзхи сам̣саарабхавогхзнзва ваа взг̇асаа вуяхамаанзсу сад̇д̇зсу д̇ам̣ уд̇д̇арид̇ваа бад̇д̇аб̣б̣ам̣, д̇асса бана г̇аад̇хабхаавад̇о бад̇идтаанабхууд̇ам̣. д̇знааха бхаг̇аваа – ‘‘д̇ин̣н̣о бааран̇г̇ад̇о т̇алз д̇идтад̇и б̣раахман̣о’’д̇и (сам̣. ни. 4.238; ид̇иву. 69; бу. ба. 187).
Ekeneva byākaraṇenāti ‘‘idhāvuso, visākha, bhikkhu vivicceva kāmehī’’tiādinā (ma. ni. 1.374) ekeneva vissajjanena. Dve pucchāti anusayapucchā pahānapucchāti dvepi pucchā vissajjesi. ‘‘Rāgaṃ tena pajahatī’’ti idamekaṃ vissajjanaṃ, ‘‘na tattha rāgānusayo anusetī’’ti idamekaṃ vissajjanaṃ, pucchānukkamañcettha anādiyitvā pahānakkamena vissajjanā pavattā . ‘‘Dve pucchā vissajjesī’’ti saṅkhepato vuttamatthaṃ vivarituṃ ‘‘idhā’’tiādi vuttaṃ. Tattha tathāvikkhambhitameva katvāti iminā yo rāgaṃ vikkhambhetvā puna uppajjituṃ appadānato tathāvikkhambhitameva katvā maggena samugghāteti, tassa vasena ‘‘rāgaṃ tena pajahati, na tattha rāgānusayo anusetī’’ti vattabbanti dasseti. Kāmoghādīhi catūhi oghehi saṃsārabhavogheneva vā vegasā vuyhamānesu sattesu taṃ uttaritvā pattabbaṃ, tassa pana gādhabhāvato patiṭṭhānabhūtaṃ. Tenāha bhagavā – ‘‘tiṇṇo pāraṅgato thale tiṭṭhati brāhmaṇo’’ti (saṃ. ni. 4.238; itivu. 69; pu. pa. 187).
сун̃н̃ад̇аад̣̇ибхзд̣̇зна анзгабхзд̣̇ад̇д̇аа баал̣ияам̣ ‘‘ануд̇д̇арзсуу’’д̇и б̣ахуважананид̣̇д̣̇зсод̇и ‘‘ануд̇д̇араа вимогкаа’’д̇и вад̇ваа буна д̇зсам̣ саб̣б̣зсамби арахад̇д̇абхаавасааман̃н̃зна ‘‘арахад̇д̇з’’д̇и вуд̇д̇ам̣. висаяз жзд̇ам̣ бхуммам̣. бад̇т̇анам̣ бадтабзнд̇ассаад̇и ‘‘ахо вад̇аахам̣ арахад̇д̇ам̣ лабхзяяа’’нд̇и бад̇т̇анам̣ убадтабзнд̇асса, бад̇т̇знд̇ассаад̇и ад̇т̇о. бадтабзнд̇ассаад̇и жзд̇т̇а хзд̇умхи анд̇асад̣̇д̣̇о. гат̇ам̣ бана арахад̇д̇ависаяаа бад̇т̇анаа уббаж̇ж̇ад̇ийд̇и? на гаажи арахад̇д̇ам̣ аарамман̣ам̣ гад̇ваа бад̇т̇анаа уббаж̇ж̇ад̇и анад̇хиг̇ад̇ад̇д̇аа ависаяабхаавад̇о. баригаббид̇аруубам̣ бана д̇ам̣ уд̣̇д̣̇исса бад̇т̇анаа уббаж̇ж̇ад̇и. ‘‘уббаж̇ж̇ад̇и бихаабажжаяаа’’д̇и вуд̇д̇ам̣ барамбарабажжаяад̇ам̣ санд̇хааяа, уж̇угам̣ бана бажжаяабхааво над̇т̇ийд̇и вуд̇д̇ам̣ ‘‘на бад̇т̇анааяа бадтабанамуулагам̣ уббаж̇ж̇ад̇ий’’д̇и. ид̣̇ам̣ бана сзвид̇аб̣б̣ам̣ д̣̇оманассам̣ агусалаббахаанасса гусалаабхивуд̣дхияаа жа нимид̇д̇абхаавад̇о. д̇знааха бхаг̇аваа – ‘‘д̣̇оманассамбаахам̣, д̣̇зваанаминд̣̇а, д̣̇увид̇хзна вад̣̇аами сзвид̇аб̣б̣амби асзвид̇аб̣б̣амбий’’д̇и (д̣̇ий. ни. 2.359-362). д̇ийхи маасзхи самбаж̇ж̇анагаа д̇змаасигаа . сзсабад̣̇ад̣̇ваязби зсзва наяо. имасмим̣ ваарзд̇и имасмим̣ бавааран̣аваарз. висуд̣̇д̇хибавааран̣анд̇и ‘‘барисуд̣̇д̇хо аха’’нд̇и звам̣ бавад̇д̇ам̣ висуд̣̇д̇хибавааран̣ам̣. араханд̇аанамзва хзса бавааран̣аа.
Suññatādibhedena anekabhedattā pāḷiyaṃ ‘‘anuttaresū’’ti bahuvacananiddesoti ‘‘anuttarā vimokkhā’’ti vatvā puna tesaṃ sabbesampi arahattabhāvasāmaññena ‘‘arahatte’’ti vuttaṃ. Visaye cetaṃ bhummaṃ. Patthanaṃ paṭṭhapentassāti ‘‘aho vatāhaṃ arahattaṃ labheyya’’nti patthanaṃ upaṭṭhapentassa, patthentassāti attho. Paṭṭhapentassāti cettha hetumhi antasaddo. Kathaṃ pana arahattavisayā patthanā uppajjatīti? Na kāci arahattaṃ ārammaṇaṃ katvā patthanā uppajjati anadhigatattā avisayabhāvato. Parikappitarūpaṃ pana taṃ uddissa patthanā uppajjati. ‘‘Uppajjati pihāpaccayā’’ti vuttaṃ paramparapaccayataṃ sandhāya, ujukaṃ pana paccayabhāvo natthīti vuttaṃ ‘‘na patthanāya paṭṭhapanamūlakaṃ uppajjatī’’ti. Idaṃ pana sevitabbaṃ domanassaṃ akusalappahānassa kusalābhivuḍḍhiyā ca nimittabhāvato. Tenāha bhagavā – ‘‘domanassampāhaṃ, devānaminda, duvidhena vadāmi sevitabbampi asevitabbampī’’ti (dī. ni. 2.359-362). Tīhi māsehi sampajjanakā temāsikā. Sesapadadvayepi eseva nayo. Imasmiṃ vāreti imasmiṃ pavāraṇavāre. Visuddhipavāraṇanti ‘‘parisuddho aha’’nti evaṃ pavattaṃ visuddhipavāraṇaṃ. Arahantānameva hesa pavāraṇā.
на гад̣̇аажи бахаад̇аб̣б̣асса бахааяагад̇аа ад̇т̇ийд̇и д̣̇ассзнд̇о ‘‘на д̣̇оманассзна ваа’’д̇иаад̣̇им̣ вад̇ваа барияааязнзд̇ам̣ вуд̇д̇ам̣, д̇ам̣ вибхаавзнд̇о ‘‘аяам̣ банаа’’д̇иаад̣̇имааха. яам̣ банзд̇т̇а вад̇д̇аб̣б̣ам̣, д̇ам̣ барад̇о вид̇т̇аарзна ааг̇амиссад̇и. бадибад̣̇ам̣ г̇ахзд̇ваа бад̇т̇анам̣ гад̇ваа бад̇т̇анам̣ табзд̇ваа. бадисан̃жигкад̇ийд̇и оваад̣̇авасзна ад̇д̇аанам̣ самуд̇д̇зж̇знд̇о гат̇зд̇и. сийлзна хийнадтаананд̇и ан̃н̃зхи арахад̇д̇ааяа бадибаж̇ж̇анд̇зхи сийлзна хийнадтаанам̣ гим̣ д̇уяхам̣ ад̇т̇ийд̇и ад̇хиббааяо. субарисуд̣̇д̇ханд̇и акан̣д̣аад̣̇ибхаавад̇о суд̇ход̇аж̇аад̇иман̣и вияа судту барисуд̣̇д̇хам̣. субаг̇г̇ахид̇анд̇и гад̣̇аажиби сан̇гожаабхаавад̇о вийрияам̣ судту баг̇г̇ахид̇ам̣. бан̃н̃аад̇и вибассанаабан̃н̃аа бадибагкзхи анад̇хибхууд̇ад̇ааяа агун̣таа д̇игкависад̣̇аа сан̇каараанам̣ саммасанз суураа худ̇ваа вахад̇и бавад̇д̇ад̇и. барияааязнаад̇и д̇асса д̣̇оманассасса арахад̇д̇убаниссаяад̇аабарияааязна. аарамман̣авасзна анусаяанам̣ ид̇хаад̇хиббзд̇анд̇и ааха ‘‘на д̇ам̣ аараб̣бха уббаж̇ж̇ад̇ий’’д̇и. ануббаж̇ж̇анамзд̇т̇а бахаанам̣ наамаад̇и вуд̇д̇ам̣ ‘‘бахийнова д̇ад̇т̇а бадигхаанусаяод̇и ад̇т̇о’’д̇и. д̇ад̇ияаж̇жхаанзна вигкамбхзд̇аб̣б̣аа авиж̇ж̇аа, саа зва арияамаг̇г̇зна самужчинд̣̇ийяад̇ийд̇и ‘‘авиж̇ж̇аанусаяам̣ вигкамбхзд̇ваа’’д̇иаад̣̇и вуд̇д̇ам̣, анусаяасад̣̇исад̇ааяа ваа. ‘‘рааг̇аанусаяам̣ вигкамбхзд̇ваа’’д̇и зд̇т̇ааби зсзва наяо. жад̇уд̇т̇аж̇жхаанз наанусзд̇и наама д̇ад̇т̇а гаад̇аб̣б̣агижжаагаран̣ад̇о.
Na kadāci pahātabbassa pahāyakatā atthīti dassento ‘‘na domanassena vā’’tiādiṃ vatvā pariyāyenetaṃ vuttaṃ, taṃ vibhāvento ‘‘ayaṃ panā’’tiādimāha. Yaṃ panettha vattabbaṃ, taṃ parato vitthārena āgamissati. Paṭipadaṃ gahetvā patthanaṃ katvā patthanaṃ ṭhapetvā. Paṭisañcikkhatīti ovādavasena attānaṃ samuttejento katheti. Sīlena hīnaṭṭhānanti aññehi arahattāya paṭipajjantehi sīlena hīnaṭṭhānaṃ kiṃ tuyhaṃ atthīti adhippāyo. Suparisuddhanti akhaṇḍādibhāvato sudhotajātimaṇi viya suṭṭhu parisuddhaṃ. Supaggahitanti kadācipi saṅkocābhāvato vīriyaṃ suṭṭhu paggahitaṃ. Paññāti vipassanāpaññā paṭipakkhehi anadhibhūtatāya akuṇṭhā tikkhavisadā saṅkhārānaṃ sammasane sūrā hutvā vahati pavattati. Pariyāyenāti tassa domanassassa arahattupanissayatāpariyāyena. Ārammaṇavasena anusayanaṃ idhādhippetanti āha ‘‘na taṃ ārabbha uppajjatī’’ti. Anuppajjanamettha pahānaṃ nāmāti vuttaṃ ‘‘pahīnova tattha paṭighānusayoti attho’’ti. Tatiyajjhānena vikkhambhetabbā avijjā, sā eva ariyamaggena samucchindīyatīti ‘‘avijjānusayaṃ vikkhambhetvā’’tiādi vuttaṃ, anusayasadisatāya vā. ‘‘Rāgānusayaṃ vikkhambhetvā’’ti etthāpi eseva nayo. Catutthajjhāne nānuseti nāma tattha kātabbakiccākaraṇato.
466. д̇асмаад̇и бажжанийгад̇д̇аа сабхаавад̇о гижжад̇о бажжаяад̇о жаад̇и ад̇хиббааяо. висабхааг̇абадибхааг̇о гат̇ид̇о ‘‘ган̣хасуггасаббадибхааг̇аа д̇хаммаа’’д̇иаад̣̇ийсу вияа. анд̇хагаараад̇и анд̇хагаарасад̣̇исаа аббагаа сабхаавад̇о. авибхууд̇аа абаагадаа анол̣ааригабхаавад̇о. д̇ад̇о зва д̣̇уд̣̇д̣̇ийбанаа д̣̇увин̃н̃аабанаа. д̇аад̣̇исааваад̇и убзгкаасад̣̇исаава. яат̇аа убзгкаа сукад̣̇угкаани вияа на ол̣ааригаа, звам̣ авиж̇ж̇аа рааг̇ад̣̇осаа вияа на ол̣ааригаа. ат̇а ко анд̇хагаараа авибхууд̇аа д̣̇уд̣̇д̣̇ийбанаа д̣̇увин̃н̃аабанаад̇и ад̇т̇о. сабхааг̇абадибхааг̇о гат̇ид̇о ‘‘бан̣ид̇хи бадигхосо’’д̇иаад̣̇ийсу вияа. яад̇д̇агзсу таанзсууд̇и д̣̇угкаад̣̇ийсу яад̇д̇агзсу таанзсу, яад̇т̇а ваа н̃зяяадтаанзсу. висабхааг̇абадибхааг̇од̇и анд̇хагаарасса вияа аалого вигхаад̇агабадибхааг̇о. виж̇ж̇аад̇и маг̇г̇ан̃аан̣ам̣ ад̇хиббзд̇ам̣, вимуд̇д̇ийд̇и паланд̇и ааха ‘‘убхобзд̇з д̇хаммаа анаасаваа’’д̇и. анаасавадтзнаад̇иаад̣̇ийсу бан̣ийд̇адтзнаад̇иби вад̇д̇аб̣б̣ам̣. соби хи вимуд̇д̇иниб̣б̣аанаанам̣ саад̇хааран̣о, вимуд̇д̇ияаа асан̇кад̇адтзна ниб̣б̣аанасса висабхааг̇ад̇ааби лаб̣бхад̇зва. бан̃хам̣ ад̇иггамид̇ваа г̇ад̇оси, абужчид̇аб̣б̣ам̣ бужчанд̇од̇и ад̇хиббааяо. бан̃хаанам̣ барижчзд̣̇абамаан̣ам̣ г̇ахзд̇ум̣ яуд̇д̇адтаанз адтад̇ваа д̇ад̇о барам̣ бужчанд̇о наасагки бан̃хаанам̣ барияанд̇ам̣ г̇ахзд̇ум̣. аббадибхааг̇ад̇хаммассаад̇и ниббарияааяад̇о сабхааг̇абадибхааг̇зна аббадибхааг̇ад̇хаммасса. анааг̇ад̇аад̣̇ибарияааязна ниб̣б̣аанасса сабхааг̇абадибхааг̇о вуд̇д̇о, висабхааг̇з жа ад̇т̇зва сан̇кад̇ад̇хаммаа, д̇асмаа ниббарияааяад̇о гин̃жи сабхааг̇абадибхааг̇ам̣ санд̇хааяа бужчад̇ийд̇и гад̇ваа ‘‘ажжаяаасий’’д̇иаад̣̇и вуд̇д̇ам̣. асан̇кад̇асса хи аббад̇идтасса зганд̇анижжасса сад̇о ниб̣б̣аанасса гуд̇о ниббарияааязна сабхааг̇асса самбхаво. д̇знааха ‘‘ниб̣б̣аанам̣ наамзд̇а’’нд̇иаад̣̇и.
466.Tasmāti paccanīkattā sabhāvato kiccato paccayato cāti adhippāyo. Visabhāgapaṭibhāgo kathito ‘‘kaṇhasukkasappaṭibhāgā dhammā’’tiādīsu viya. Andhakārāti andhakārasadisā appakā sabhāvato. Avibhūtā apākaṭā anoḷārikabhāvato. Tato eva duddīpanā duviññāpanā. Tādisāvāti upekkhāsadisāva. Yathā upekkhā sukhadukkhāni viya na oḷārikā, evaṃ avijjā rāgadosā viya na oḷārikā. Atha kho andhakārā avibhūtā duddīpanā duviññāpanāti attho. Sabhāgapaṭibhāgo kathito ‘‘paṇidhi paṭighoso’’tiādīsu viya. Yattakesu ṭhānesūti dukkhādīsu yattakesu ṭhānesu, yattha vā ñeyyaṭṭhānesu. Visabhāgapaṭibhāgoti andhakārassa viya āloko vighātakapaṭibhāgo. Vijjāti maggañāṇaṃ adhippetaṃ, vimuttīti phalanti āha ‘‘ubhopete dhammā anāsavā’’ti. Anāsavaṭṭhenātiādīsu paṇītaṭṭhenātipi vattabbaṃ. Sopi hi vimuttinibbānānaṃ sādhāraṇo, vimuttiyā asaṅkhataṭṭhena nibbānassa visabhāgatāpi labbhateva. Pañhaṃ atikkamitvā gatosi, apucchitabbaṃ pucchantoti adhippāyo. Pañhānaṃ paricchedapamāṇaṃ gahetuṃ yuttaṭṭhāne aṭṭhatvā tato paraṃ pucchanto nāsakkhi pañhānaṃ pariyantaṃ gahetuṃ. Appaṭibhāgadhammassāti nippariyāyato sabhāgapaṭibhāgena appaṭibhāgadhammassa. Anāgatādipariyāyena nibbānassa sabhāgapaṭibhāgo vutto, visabhāge ca attheva saṅkhatadhammā, tasmā nippariyāyato kiñci sabhāgapaṭibhāgaṃ sandhāya pucchatīti katvā ‘‘accayāsī’’tiādi vuttaṃ. Asaṅkhatassa hi appatiṭṭhassa ekantaniccassa sato nibbānassa kuto nippariyāyena sabhāgassa sambhavo. Tenāha ‘‘nibbānaṃ nāmeta’’ntiādi.
вирад̣̇д̇ход̇и зд̇т̇а сабхааг̇абадибхааг̇ам̣ бужчиссаамийд̇и нижчаяаабхаавад̇о бужчид̇амад̇т̇ам̣ вираж̇жхид̇ваава бужчи, на аж̇аанид̇ваад̇и ад̇т̇о. зд̇зна хздтаа саб̣б̣абужчаа д̣̇идтасам̣санд̣̇ананаязна ж̇аанид̇ваава бавад̇д̇аад̇и д̣̇ийбид̇ам̣ ход̇и. т̇зрий бана д̇ам̣ д̇ам̣ бужчид̇амад̇т̇ам̣ сабхаавад̇о вибхаавзнд̇ий сад̇т̇у д̣̇зсанаан̃аан̣ам̣ ануг̇анд̇ваава виссаж̇ж̇зси. ниб̣б̣ааног̇ад̇ханд̇и ниб̣б̣аанам̣ ог̇аахид̇ваа тид̇ам̣ ниб̣б̣аананд̇ог̇ад̇хам̣. д̇знааха ‘‘ниб̣б̣аанаб̣бханд̇арам̣ ниб̣б̣аанам̣ анубавидта’’нд̇и. ассаад̇и б̣рахмажарияасса.
Viraddhoti ettha sabhāgapaṭibhāgaṃ pucchissāmīti nicchayābhāvato pucchitamatthaṃ virajjhitvāva pucchi, na ajānitvāti attho. Etena heṭṭhā sabbapucchā diṭṭhasaṃsandananayena jānitvāva pavattāti dīpitaṃ hoti. Therī pana taṃ taṃ pucchitamatthaṃ sabhāvato vibhāventī satthu desanāñāṇaṃ anugantvāva vissajjesi. Nibbānogadhanti nibbānaṃ ogāhitvā ṭhitaṃ nibbānantogadhaṃ. Tenāha ‘‘nibbānabbhantaraṃ nibbānaṃ anupaviṭṭha’’nti. Assāti brahmacariyassa.
467. бан̣д̣ижжзна саманнааг̇ад̇аад̇и зд̇т̇а вуд̇д̇абан̣д̣ижжам̣ д̣̇ассзд̇ум̣ ‘‘д̇хаад̇угусалаа’’д̇иаад̣̇и вуд̇д̇ам̣. д̇знзвааха – ‘‘гид̇д̇аавад̇аа ну ко, бханд̇з, бан̣д̣ид̇о ход̇и? яад̇о ко, аананд̣̇а, бхигку д̇хаад̇угусало жа ход̇и, ааяад̇анагусало жа бадижжасамуббаад̣̇агусало жа таанаадтаанагусало жа. зд̇д̇аавад̇аа ну ко, аананд̣̇а, бхигку бан̣д̣ид̇о ход̇ий’’д̇и (ма. ни. 3.124). бан̃н̃аамахад̇д̇ам̣ наама т̇зрияаа асзгкаббадисамбхид̣̇аббад̇д̇ааяа бадисамбхид̣̇ааяо буурзд̇ваа тид̇ад̇аад̇и д̇ам̣ д̣̇ассзд̇ум̣ ‘‘маханд̇з ад̇т̇з’’д̇иаад̣̇и вуд̇д̇ам̣. рааж̇аяуд̇д̇зхийд̇и ран̃н̃о гаммз нияуд̇д̇абурисзхи. аахажжаважанзнаад̇и сад̇т̇аараа гаран̣аад̣̇ийни ааханид̇ваа бавад̇д̇ид̇аважанзна. яад̣̇зд̇т̇а ад̇т̇ад̇о на вибхад̇д̇ам̣, д̇ам̣ хздтаа вуд̇д̇анаяад̇д̇аа сувин̃н̃зяяамзва.
467.Paṇḍiccenasamannāgatāti ettha vuttapaṇḍiccaṃ dassetuṃ ‘‘dhātukusalā’’tiādi vuttaṃ. Tenevāha – ‘‘kittāvatā nu kho, bhante, paṇḍito hoti? Yato kho, ānanda, bhikkhu dhātukusalo ca hoti, āyatanakusalo ca paṭiccasamuppādakusalo ca ṭhānāṭṭhānakusalo ca. Ettāvatā nu kho, ānanda, bhikkhu paṇḍito hotī’’ti (ma. ni. 3.124). Paññāmahattaṃ nāma theriyā asekkhappaṭisambhidappattāya paṭisambhidāyo pūretvā ṭhitatāti taṃ dassetuṃ ‘‘mahante atthe’’tiādi vuttaṃ. Rājayuttehīti rañño kamme niyuttapurisehi. Āhaccavacanenāti satthārā karaṇādīni āhanitvā pavattitavacanena. Yadettha atthato na vibhattaṃ, taṃ heṭṭhā vuttanayattā suviññeyyameva.
жуул̣авзд̣̇алласуд̇д̇аван̣н̣анааяа лийнад̇т̇аббагаасанаа самад̇д̇аа.
Cūḷavedallasuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 4. жуул̣авзд̣̇алласуд̇д̇ам̣ • 4. Cūḷavedallasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 4. жуул̣авзд̣̇алласуд̇д̇аван̣н̣анаа • 4. Cūḷavedallasuttavaṇṇanā
