| Library / Tipiṭaka / д̇ибидага • Tipiṭaka / махаанид̣̇д̣̇зсабаал̣и • Mahāniddesapāḷi |
12. жуул̣авияуухасуд̇д̇анид̣̇д̣̇зсо
12. Cūḷaviyūhasuttaniddeso
ат̇а жуул̣авияуухасуд̇д̇анид̣̇д̣̇зсам̣ вагкад̇и –
Atha cūḷaviyūhasuttaniddesaṃ vakkhati –
113.
113.
сагам̣ сагам̣ д̣̇идтибариб̣б̣асаанаа, виг̇г̇аяха наанаа гусалаа вад̣̇анд̇и;
Sakaṃsakaṃ diṭṭhiparibbasānā, viggayha nānā kusalā vadanti;
яо звам̣ ж̇аанаад̇и 1 са взд̣̇и д̇хаммам̣, ид̣̇ам̣ бадиггосамагзвалий со.
Yo evaṃ jānāti2sa vedi dhammaṃ, idaṃ paṭikkosamakevalī so.
сагам̣ сагам̣ д̣̇идтибариб̣б̣асаанаад̇и. санд̇згз саман̣аб̣раахман̣аа д̣̇идтиг̇ад̇игаа; д̇з д̣̇ваасадтияаа д̣̇идтиг̇ад̇аанам̣ ан̃н̃ад̇аран̃н̃ад̇арам̣ д̣̇идтиг̇ад̇ам̣ г̇ахзд̇ваа уг̇г̇ахзд̇ваа г̇ан̣хид̇ваа бараамасид̇ваа абхинивисид̇ваа сагааяа сагааяа д̣̇идтияаа васанд̇и сам̣васанд̇и аавасанд̇и баривасанд̇и. яат̇аа аг̇ааригаа гхарзсу васанд̇и, саабад̇д̇игаа ваа аабад̇д̇ийсу васанд̇и, сагилзсаа ваа гилзсзсу васанд̇и; звамзва санд̇згз саман̣аб̣раахман̣аа д̣̇идтиг̇ад̇игаа, д̇з д̣̇ваасадтияаа д̣̇идтиг̇ад̇аанам̣ ан̃н̃ад̇аран̃н̃ад̇арам̣ д̣̇идтиг̇ад̇ам̣ г̇ахзд̇ваа уг̇г̇ахзд̇ваа г̇ан̣хид̇ваа бараамасид̇ваа абхинивисид̇ваа сагааяа сагааяа д̣̇идтияаа васанд̇и сам̣васанд̇и аавасанд̇и баривасанд̇ийд̇и – сагам̣ сагам̣ д̣̇идтибариб̣б̣асаанаа.
Sakaṃsakaṃ diṭṭhiparibbasānāti. Santeke samaṇabrāhmaṇā diṭṭhigatikā; te dvāsaṭṭhiyā diṭṭhigatānaṃ aññataraññataraṃ diṭṭhigataṃ gahetvā uggahetvā gaṇhitvā parāmasitvā abhinivisitvā sakāya sakāya diṭṭhiyā vasanti saṃvasanti āvasanti parivasanti. Yathā agārikā gharesu vasanti, sāpattikā vā āpattīsu vasanti, sakilesā vā kilesesu vasanti; evameva santeke samaṇabrāhmaṇā diṭṭhigatikā, te dvāsaṭṭhiyā diṭṭhigatānaṃ aññataraññataraṃ diṭṭhigataṃ gahetvā uggahetvā gaṇhitvā parāmasitvā abhinivisitvā sakāya sakāya diṭṭhiyā vasanti saṃvasanti āvasanti parivasantīti – sakaṃ sakaṃ diṭṭhiparibbasānā.
виг̇г̇аяха наанаа гусалаа вад̣̇анд̇ийд̇и. виг̇г̇аяхаад̇и г̇ахзд̇ваа уг̇г̇ахзд̇ваа г̇ан̣хид̇ваа бараамасид̇ваа абхинивисид̇ваа наанаа вад̣̇анд̇и вивид̇хам̣ вад̣̇анд̇и ан̃н̃он̃н̃ам̣ вад̣̇анд̇и бут̇у 3 вад̣̇анд̇и, на згам̣ вад̣̇анд̇и гат̇знд̇и бхан̣анд̇и д̣̇ийбаяанд̇и вохаранд̇и. гусалаад̇и гусалаваад̣̇аа бан̣д̣ид̇аваад̣̇аа т̇ираваад̣̇аа н̃ааяаваад̣̇аа хзд̇уваад̣̇аа лагкан̣аваад̣̇аа гааран̣аваад̣̇аа таанаваад̣̇аа сагааяа лад̣̇д̇хияаад̇и – виг̇г̇аяха наанаа гусалаа вад̣̇анд̇и.
Viggayha nānā kusalā vadantīti. Viggayhāti gahetvā uggahetvā gaṇhitvā parāmasitvā abhinivisitvā nānā vadanti vividhaṃ vadanti aññoññaṃ vadanti puthu 4 vadanti, na ekaṃ vadanti kathenti bhaṇanti dīpayanti voharanti. Kusalāti kusalavādā paṇḍitavādā thiravādā ñāyavādā hetuvādā lakkhaṇavādā kāraṇavādā ṭhānavādā sakāya laddhiyāti – viggayha nānā kusalā vadanti.
яо звам̣ ж̇аанаад̇и са взд̣̇и д̇хамманд̇и. яо имам̣ 5 д̇хаммам̣ д̣̇идтим̣ бадибад̣̇ам̣ маг̇г̇ам̣ ж̇аанаад̇и со д̇хаммам̣ взд̣̇и ан̃н̃ааси абасси бадивиж̇жхийд̇и – яо звам̣ ж̇аанаад̇и са взд̣̇и д̇хаммам̣.
Yo evaṃ jānāti sa vedi dhammanti. Yo imaṃ 6 dhammaṃ diṭṭhiṃ paṭipadaṃ maggaṃ jānāti so dhammaṃ vedi aññāsi apassi paṭivijjhīti – yo evaṃ jānāti sa vedi dhammaṃ.
ид̣̇ам̣ бадиггосамагзвалий сод̇и. яо имам̣ д̇хаммам̣ д̣̇идтим̣ бадибад̣̇ам̣ маг̇г̇ам̣ бадиггосад̇и, агзвалий со асамад̇д̇о со абарибун̣н̣о со хийно нихийно омаго лаамаго чад̇угго барид̇д̇од̇и – ид̣̇ам̣ бадиггосамагзвалий со.
Idaṃ paṭikkosamakevalī soti. Yo imaṃ dhammaṃ diṭṭhiṃ paṭipadaṃ maggaṃ paṭikkosati, akevalī so asamatto so aparipuṇṇo so hīno nihīno omako lāmako chatukko parittoti – idaṃ paṭikkosamakevalī so.
д̇знааха со ниммид̇о –
Tenāha so nimmito –
‘‘сагам̣ сагам̣ д̣̇идтибариб̣б̣асаанаа, виг̇г̇аяха наанаа гусалаа вад̣̇анд̇и;
‘‘Sakaṃ sakaṃ diṭṭhiparibbasānā, viggayha nānā kusalā vadanti;
яо звам̣ ж̇аанаад̇и са взд̣̇и д̇хаммам̣, ид̣̇ам̣ бадиггосамагзвалий со’’д̇и.
Yo evaṃ jānāti sa vedi dhammaṃ, idaṃ paṭikkosamakevalī so’’ti.
114.
114.
звамби виг̇г̇аяха виваад̣̇аяанд̇и, б̣аало баро аггусалод̇и жааху;
Evampi viggayha vivādayanti, bālo paro akkusaloti cāhu;
сажжо ну ваад̣̇о гад̇амо имзсам̣, саб̣б̣зва хиймз гусалаавад̣̇аанаа.
Sacco nu vādo katamo imesaṃ, sabbeva hīme kusalāvadānā.
звамби виг̇г̇аяха виваад̣̇аяанд̇ийд̇и. звам̣ г̇ахзд̇ваа уг̇г̇ахзд̇ваа г̇ан̣хид̇ваа бараамасид̇ваа абхинивисид̇ваа виваад̣̇аяанд̇и, галахам̣ гаронд̇и, бхан̣д̣анам̣ гаронд̇и, виг̇г̇ахам̣ гаронд̇и, виваад̣̇ам̣ гаронд̇и, мзд̇хаг̇ам̣ гаронд̇и – ‘‘на д̇вам̣ имам̣ д̇хаммавинаяам̣ ааж̇аанааси…бз… ниб̣б̣зтзхи ваа сажз бахосий’’д̇и – звамби виг̇г̇аяха виваад̣̇аяанд̇и.
Evampiviggayha vivādayantīti. Evaṃ gahetvā uggahetvā gaṇhitvā parāmasitvā abhinivisitvā vivādayanti, kalahaṃ karonti, bhaṇḍanaṃ karonti, viggahaṃ karonti, vivādaṃ karonti, medhagaṃ karonti – ‘‘na tvaṃ imaṃ dhammavinayaṃ ājānāsi…pe… nibbeṭhehi vā sace pahosī’’ti – evampi viggayha vivādayanti.
б̣аало баро аггусалод̇и жаахууд̇и. баро б̣аало хийно нихийно омаго лаамаго чад̇угго барид̇д̇о агусало авид̣̇ваа авиж̇ж̇ааг̇ад̇о ан̃н̃аан̣ий авибхаавий д̣̇уббан̃н̃од̇и, звамаахам̣су звам̣ гат̇знд̇и звам̣ бхан̣анд̇и звам̣ д̣̇ийбаяанд̇и звам̣ вохаранд̇ийд̇и – б̣аало баро аггусалод̇и жааху.
Bālo paro akkusaloti cāhūti. Paro bālo hīno nihīno omako lāmako chatukko paritto akusalo avidvā avijjāgato aññāṇī avibhāvī duppaññoti, evamāhaṃsu evaṃ kathenti evaṃ bhaṇanti evaṃ dīpayanti evaṃ voharantīti – bālo paro akkusaloti cāhu.
сажжо ну ваад̣̇о гад̇амо имзсанд̇и. имзсам̣ саман̣аб̣раахман̣аанам̣ ваад̣̇о гад̇амо сажжо д̇ажчо д̇ат̇о бхууд̇о яаат̇ааво авибарийд̇од̇и – сажжо ну ваад̣̇о гад̇амо имзсам̣.
Sacco nu vādo katamo imesanti. Imesaṃ samaṇabrāhmaṇānaṃ vādo katamo sacco taccho tatho bhūto yāthāvo aviparītoti – sacco nu vādo katamo imesaṃ.
саб̣б̣зва хиймз гусалаавад̣̇аанаад̇и. саб̣б̣звимз саман̣аб̣раахман̣аа гусалаваад̣̇аа бан̣д̣ид̇аваад̣̇аа т̇ираваад̣̇аа н̃ааяаваад̣̇аа хзд̇уваад̣̇аа лагкан̣аваад̣̇аа гааран̣аваад̣̇аа таанаваад̣̇аа сагааяа лад̣̇д̇хияаад̇и – саб̣б̣зва хиймз гусалаавад̣̇аанаа.
Sabbeva hīme kusalāvadānāti. Sabbevime samaṇabrāhmaṇā kusalavādā paṇḍitavādā thiravādā ñāyavādā hetuvādā lakkhaṇavādā kāraṇavādā ṭhānavādā sakāya laddhiyāti – sabbeva hīme kusalāvadānā.
д̇знааха со ниммид̇о –
Tenāha so nimmito –
‘‘звамби виг̇г̇аяха виваад̣̇аяанд̇и, б̣аало баро аггусалод̇и жааху;
‘‘Evampi viggayha vivādayanti, bālo paro akkusaloti cāhu;
сажжо ну ваад̣̇о гад̇амо имзсам̣, саб̣б̣зва хиймз гусалаавад̣̇аанаа’’д̇и.
Sacco nu vādo katamo imesaṃ, sabbeva hīme kusalāvadānā’’ti.
115.
115.
барасса жз д̇хаммаманаануж̇аанам̣, б̣ааломаго ход̇и нихийнабан̃н̃о;
Parassace dhammamanānujānaṃ, bālomako hoti nihīnapañño;
саб̣б̣зва б̣аалаа сунихийнабан̃н̃аа, саб̣б̣звимз д̣̇идтибариб̣б̣асаанаа.
Sabbevabālā sunihīnapaññā, sabbevime diṭṭhiparibbasānā.
барасса жз д̇хаммаманаануж̇аананд̇и. барасса д̇хаммам̣ д̣̇идтим̣ бадибад̣̇ам̣ маг̇г̇ам̣ анаануж̇аананд̇о анаанубассанд̇о анаанумананд̇о анаануман̃н̃анд̇о анаанумод̣̇анд̇од̇и – барасса жз д̇хаммаманаануж̇аанам̣.
Parassa ce dhammamanānujānanti. Parassa dhammaṃ diṭṭhiṃ paṭipadaṃ maggaṃ anānujānanto anānupassanto anānumananto anānumaññanto anānumodantoti – parassa ce dhammamanānujānaṃ.
б̣ааломаго ход̇и нихийнабан̃н̃од̇и. баро б̣аало ход̇и хийно нихийно омаго лаамаго чад̇угго барид̇д̇о, хийнабан̃н̃о нихийнабан̃н̃о омагабан̃н̃о лаамагабан̃н̃о чад̇уггабан̃н̃о барид̇д̇абан̃н̃од̇и – б̣ааломаго ход̇и нихийнабан̃н̃о.
Bālomakohoti nihīnapaññoti. Paro bālo hoti hīno nihīno omako lāmako chatukko paritto, hīnapañño nihīnapañño omakapañño lāmakapañño chatukkapañño parittapaññoti – bālomako hoti nihīnapañño.
саб̣б̣зва б̣аалаа сунихийнабан̃н̃аад̇и. саб̣б̣звимз саман̣аб̣раахман̣аа б̣аалаа хийнаа нихийнаа омагаа лаамагаа чад̇уггаа барид̇д̇аа, саб̣б̣зва хийнабан̃н̃аа нихийнабан̃н̃аа омагабан̃н̃аа лаамагабан̃н̃аа чад̇уггабан̃н̃аа барид̇д̇абан̃н̃аад̇и – саб̣б̣зва б̣аалаа сунихийнабан̃н̃аа.
Sabbeva bālā sunihīnapaññāti. Sabbevime samaṇabrāhmaṇā bālā hīnā nihīnā omakā lāmakā chatukkā parittā, sabbeva hīnapaññā nihīnapaññā omakapaññā lāmakapaññā chatukkapaññā parittapaññāti – sabbeva bālā sunihīnapaññā.
саб̣б̣звимз д̣̇идтибариб̣б̣асаанаад̇и. саб̣б̣звимз саман̣аб̣раахман̣аа д̣̇идтиг̇ад̇игаа; д̇з д̣̇ваасадтияаа д̣̇идтиг̇ад̇аанам̣ ан̃н̃ад̇аран̃н̃ад̇арам̣ д̣̇идтиг̇ад̇ам̣ г̇ахзд̇ваа уг̇г̇ахзд̇ваа г̇ан̣хид̇ваа бараамасид̇ваа абхинивисид̇ваа сагааяа сагааяа д̣̇идтияаа васанд̇и сам̣васанд̇и аавасанд̇и баривасанд̇и. яат̇аа аг̇ааригаа ваа гхарзсу васанд̇и, саабад̇д̇игаа ваа аабад̇д̇ийсу васанд̇и, сагилзсаа ваа гилзсзсу васанд̇и; звамзва саб̣б̣звимз саман̣аб̣раахман̣аа д̣̇идтиг̇ад̇игаа…бз… баривасанд̇ийд̇и – саб̣б̣звимз д̣̇идтибариб̣б̣асаанаа.
Sabbevime diṭṭhiparibbasānāti. Sabbevime samaṇabrāhmaṇā diṭṭhigatikā; te dvāsaṭṭhiyā diṭṭhigatānaṃ aññataraññataraṃ diṭṭhigataṃ gahetvā uggahetvā gaṇhitvā parāmasitvā abhinivisitvā sakāya sakāya diṭṭhiyā vasanti saṃvasanti āvasanti parivasanti. Yathā agārikā vā gharesu vasanti, sāpattikā vā āpattīsu vasanti, sakilesā vā kilesesu vasanti; evameva sabbevime samaṇabrāhmaṇā diṭṭhigatikā…pe… parivasantīti – sabbevime diṭṭhiparibbasānā.
д̇знааха бхаг̇аваа –
Tenāha bhagavā –
‘‘барасса жз д̇хаммаманаануж̇аанам̣, б̣ааломаго ход̇и нихийнабан̃н̃о;
‘‘Parassa ce dhammamanānujānaṃ, bālomako hoti nihīnapañño;
саб̣б̣зва б̣аалаа сунихийнабан̃н̃аа, саб̣б̣звимз д̣̇идтибариб̣б̣асаанаа’’д̇и.
Sabbeva bālā sunihīnapaññā, sabbevime diṭṭhiparibbasānā’’ti.
116.
116.
санд̣̇идтияаа жзва навийвад̣̇аад̇аа, 7 сам̣суд̣̇д̇хабан̃н̃аа гусалаа муд̇иймаа;
Sandiṭṭhiyā ceva navīvadātā,8saṃsuddhapaññā kusalā mutīmā;
на д̇зсам̣ гожи барихийнабан̃н̃о, д̣̇идтий хи д̇зсамби д̇ат̇аа самад̇д̇аа.
Na tesaṃ koci parihīnapañño, diṭṭhī hi tesampi tathā samattā.
санд̣̇идтияаа жзва навийвад̣̇аад̇аад̇и. сагааяа д̣̇идтияаа сагааяа канд̇ияаа сагааяа ружияаа сагааяа лад̣̇д̇хияаа анавийвад̣̇аад̇аа авод̣̇аад̇аа абарияод̣̇аад̇аа сам̣гилидтаа сам̣гилзсигаад̇и – санд̣̇идтияаа жзва навийвад̣̇аад̇аа.
Sandiṭṭhiyā ceva navīvadātāti. Sakāya diṭṭhiyā sakāya khantiyā sakāya ruciyā sakāya laddhiyā anavīvadātā avodātā apariyodātā saṃkiliṭṭhā saṃkilesikāti – sandiṭṭhiyā ceva navīvadātā.
сам̣суд̣̇д̇хабан̃н̃аа гусалаа муд̇иймаад̇и. суд̣̇д̇хабан̃н̃аа висуд̣̇д̇хабан̃н̃аа барисуд̣̇д̇хабан̃н̃аа вод̣̇аад̇абан̃н̃аа барияод̣̇аад̇абан̃н̃аа. ат̇а ваа суд̣̇д̇хад̣̇ассанаа висуд̣̇д̇хад̣̇ассанаа барисуд̣̇д̇хад̣̇ассанаа вод̣̇аад̇ад̣̇ассанаа барияод̣̇аад̇ад̣̇ассанаад̇и – сам̣суд̣̇д̇хабан̃н̃аа. гусалаад̇и гусалаа бан̣д̣ид̇аа бан̃н̃аванд̇о ид̣̇д̇химанд̇о н̃аан̣ино вибхаавино мзд̇хаавинод̇и – сам̣суд̣̇д̇хабан̃н̃аа гусалаа. муд̇иймаад̇и муд̇имаа бан̣д̣ид̇аа бан̃н̃аванд̇о ид̣̇д̇химанд̇о н̃аан̣ино вибхаавино мзд̇хаавинод̇и – сам̣суд̣̇д̇хабан̃н̃аа гусалаа муд̇иймаа.
Saṃsuddhapaññākusalā mutīmāti. Suddhapaññā visuddhapaññā parisuddhapaññā vodātapaññā pariyodātapaññā. Atha vā suddhadassanā visuddhadassanā parisuddhadassanā vodātadassanā pariyodātadassanāti – saṃsuddhapaññā. Kusalāti kusalā paṇḍitā paññavanto iddhimanto ñāṇino vibhāvino medhāvinoti – saṃsuddhapaññā kusalā. Mutīmāti mutimā paṇḍitā paññavanto iddhimanto ñāṇino vibhāvino medhāvinoti – saṃsuddhapaññā kusalā mutīmā.
д̇зсам̣ на гожи барихийнабан̃н̃од̇и. д̇зсам̣ саман̣аб̣раахман̣аанам̣ на гожи хийнабан̃н̃о нихийнабан̃н̃о омагабан̃н̃о лаамагабан̃н̃о чад̇уггабан̃н̃о барид̇д̇абан̃н̃о ад̇т̇и. саб̣б̣зва сздтабан̃н̃аа висидтабан̃н̃аа баамогкабан̃н̃аа уд̇д̇амабан̃н̃аа баварабан̃н̃аад̇и – д̇зсам̣ на гожи барихийнабан̃н̃о.
Tesaṃ na koci parihīnapaññoti. Tesaṃ samaṇabrāhmaṇānaṃ na koci hīnapañño nihīnapañño omakapañño lāmakapañño chatukkapañño parittapañño atthi. Sabbeva seṭṭhapaññā visiṭṭhapaññā pāmokkhapaññā uttamapaññā pavarapaññāti – tesaṃ na koci parihīnapañño.
д̣̇идтий хи д̇зсамби д̇ат̇аа самад̇д̇аад̇и. д̇зсам̣ саман̣аб̣раахман̣аанам̣ д̣̇идти д̇ат̇аа самад̇д̇аа самаад̣̇иннаа г̇ахид̇аа бараамадтаа абхинивидтаа аж̇жхосид̇аа ад̇химуд̇д̇аад̇и – д̣̇идтий хи д̇зсамби д̇ат̇аа самад̇д̇аа.
Diṭṭhī hi tesampi tathā samattāti. Tesaṃ samaṇabrāhmaṇānaṃ diṭṭhi tathā samattā samādinnā gahitā parāmaṭṭhā abhiniviṭṭhā ajjhositā adhimuttāti – diṭṭhī hi tesampi tathā samattā.
д̇знааха бхаг̇аваа –
Tenāha bhagavā –
‘‘санд̣̇идтияаа жзва навийвад̣̇аад̇аа, сам̣суд̣̇д̇хабан̃н̃аа гусалаа муд̇иймаа;
‘‘Sandiṭṭhiyā ceva navīvadātā, saṃsuddhapaññā kusalā mutīmā;
д̇зсам̣ на гожи барихийнабан̃н̃о, д̣̇идтий хи д̇зсамби д̇ат̇аа самад̇д̇аа’’д̇и.
Tesaṃ na koci parihīnapañño, diṭṭhī hi tesampi tathā samattā’’ti.
117.
117.
на ваахамзд̇ам̣ д̇ат̇ияанд̇и 9 б̣рууми, яамааху б̣аалаа мит̇у ан̃н̃аман̃н̃ам̣;
Na vāhametaṃ tathiyanti10brūmi, yamāhu bālā mithu aññamaññaṃ;
сагам̣ сагам̣ д̣̇идтимагам̣су сажжам̣, д̇асмаа хи б̣аалод̇и барам̣ д̣̇аханд̇и.
Sakaṃ sakaṃ diṭṭhimakaṃsu saccaṃ, tasmā hi bāloti paraṃ dahanti.
на ваахамзд̇ам̣ д̇ат̇ияанд̇и б̣руумийд̇и. наад̇и бадигкзбо. зд̇анд̇и ‘‘д̣̇ваасадтид̣̇идтиг̇ад̇аани наахам̣ зд̇ам̣ д̇ажчам̣ д̇ат̇ам̣ бхууд̇ам̣ яаат̇аавам̣ авибарийд̇а’’нд̇и б̣рууми аажигкаами д̣̇зсзми бан̃н̃абзми бадтабзми вивараами вибхаж̇аами уд̇д̇аанийгароми багаасзмийд̇и – на ваахамзд̇ам̣ д̇ат̇ияанд̇и б̣рууми.
Navāhametaṃ tathiyanti brūmīti. Nāti paṭikkhepo. Etanti ‘‘dvāsaṭṭhidiṭṭhigatāni nāhaṃ etaṃ tacchaṃ tathaṃ bhūtaṃ yāthāvaṃ aviparīta’’nti brūmi ācikkhāmi desemi paññapemi paṭṭhapemi vivarāmi vibhajāmi uttānīkaromi pakāsemīti – na vāhametaṃ tathiyanti brūmi.
яамааху б̣аалаа мит̇у ан̃н̃аман̃н̃анд̇и. мит̇ууд̇и д̣̇вз ж̇анаа, д̣̇вз галахагаарагаа, д̣̇вз бхан̣д̣анагаарагаа, д̣̇вз бхассагаарагаа, д̣̇вз виваад̣̇агаарагаа, д̣̇вз ад̇хигаран̣агаарагаа, д̣̇вз ваад̣̇ино, д̣̇вз саллабагаа; д̇з ан̃н̃аман̃н̃ам̣ б̣аало 11 хийно нихийно омаго лаамаго чад̇угго барид̇д̇од̇и, звамаахам̣су звам̣ гат̇знд̇и звам̣ бхан̣анд̇и звам̣ д̣̇ийбаяанд̇и звам̣ вохаранд̇ийд̇и – яамааху б̣аалаа мит̇у ан̃н̃аман̃н̃ам̣.
Yamāhu bālā mithu aññamaññanti. Mithūti dve janā, dve kalahakārakā, dve bhaṇḍanakārakā, dve bhassakārakā, dve vivādakārakā, dve adhikaraṇakārakā, dve vādino, dve sallapakā; te aññamaññaṃ bālo 12 hīno nihīno omako lāmako chatukko parittoti, evamāhaṃsu evaṃ kathenti evaṃ bhaṇanti evaṃ dīpayanti evaṃ voharantīti – yamāhu bālā mithu aññamaññaṃ.
сагам̣ сагам̣ д̣̇идтимагам̣су сажжанд̇и. ‘‘сассад̇о лого, ид̣̇амзва сажжам̣ могхаман̃н̃а’’нд̇и – сагам̣ сагам̣ д̣̇идтимагам̣су сажжам̣. ‘‘асассад̇о лого, ид̣̇амзва сажжам̣ могхаман̃н̃а’’нд̇и…бз… ‘‘нзва ход̇и на на ход̇и д̇ат̇ааг̇ад̇о барам̣ маран̣аа, ид̣̇амзва сажжам̣ могхаман̃н̃а’’нд̇и – сагам̣ сагам̣ д̣̇идтимагам̣су сажжам̣.
Sakaṃ sakaṃ diṭṭhimakaṃsu saccanti. ‘‘Sassato loko, idameva saccaṃ moghamañña’’nti – sakaṃ sakaṃ diṭṭhimakaṃsu saccaṃ. ‘‘Asassato loko, idameva saccaṃ moghamañña’’nti…pe… ‘‘neva hoti na na hoti tathāgato paraṃ maraṇā, idameva saccaṃ moghamañña’’nti – sakaṃ sakaṃ diṭṭhimakaṃsu saccaṃ.
д̇асмаа хи б̣аалод̇и барам̣ д̣̇аханд̇ийд̇и. д̇асмаад̇и д̇асмаа д̇ам̣гааран̣аа д̇ам̣хзд̇у д̇аббажжаяаа д̇ам̣нид̣̇аанаа барам̣ б̣аало хийно нихийно омаго лаамаго чад̇угго барид̇д̇од̇и д̣̇аханд̇и бассанд̇и д̣̇агканд̇и ологзнд̇и ниж̇жхааяанд̇и убабаригканд̇ийд̇и – д̇асмаа хи б̣аалод̇и барам̣ д̣̇аханд̇и.
Tasmā hi bāloti paraṃ dahantīti. Tasmāti tasmā taṃkāraṇā taṃhetu tappaccayā taṃnidānā paraṃ bālo hīno nihīno omako lāmako chatukko parittoti dahanti passanti dakkhanti olokenti nijjhāyanti upaparikkhantīti – tasmā hi bāloti paraṃ dahanti.
д̇знааха бхаг̇аваа –
Tenāha bhagavā –
‘‘на ваахамзд̇ам̣ д̇ат̇ияанд̇и б̣рууми, яамааху б̣аалаа мит̇у ан̃н̃аман̃н̃ам̣;
‘‘Na vāhametaṃ tathiyanti brūmi, yamāhu bālā mithu aññamaññaṃ;
сагам̣ сагам̣ д̣̇идтимагам̣су сажжам̣, д̇асмаа хи б̣аалод̇и барам̣ д̣̇аханд̇ий’’д̇и.
Sakaṃ sakaṃ diṭṭhimakaṃsu saccaṃ, tasmā hi bāloti paraṃ dahantī’’ti.
118.
118.
яамааху сажжам̣ д̇ат̇ияанд̇и згз, д̇амааху ан̃н̃зби 13 д̇ужчам̣ мусаад̇и;
Yamāhusaccaṃ tathiyanti eke, tamāhu aññepi14tucchaṃ musāti;
звамби виг̇г̇аяха виваад̣̇аяанд̇и, гасмаа на згам̣ саман̣аа вад̣̇анд̇и.
Evampi viggayha vivādayanti, kasmā na ekaṃ samaṇā vadanti.
яамааху сажжам̣ д̇ат̇ияанд̇и згзд̇и. яам̣ д̇хаммам̣ д̣̇идтим̣ бадибад̣̇ам̣ маг̇г̇ам̣ згз саман̣аб̣раахман̣аа ‘‘ид̣̇ам̣ сажжам̣ д̇ажчам̣ д̇ат̇ам̣ бхууд̇ам̣ яаат̇аавам̣ авибарийд̇а’’нд̇и, звамаахам̣су звам̣ гат̇знд̇и звам̣ бхан̣анд̇и звам̣ д̣̇ийбаяанд̇и звам̣ вохаранд̇ийд̇и – яамааху сажжам̣ д̇ат̇ияанд̇и згз.
Yamāhu saccaṃ tathiyanti eketi. Yaṃ dhammaṃ diṭṭhiṃ paṭipadaṃ maggaṃ eke samaṇabrāhmaṇā ‘‘idaṃ saccaṃ tacchaṃ tathaṃ bhūtaṃ yāthāvaṃ aviparīta’’nti, evamāhaṃsu evaṃ kathenti evaṃ bhaṇanti evaṃ dīpayanti evaṃ voharantīti – yamāhu saccaṃ tathiyanti eke.
д̇амааху ан̃н̃зби д̇ужчам̣ мусаад̇ийд̇и. д̇амзва д̇хаммам̣ д̣̇идтим̣ бадибад̣̇ам̣ маг̇г̇ам̣ згз саман̣аб̣раахман̣аа ‘‘д̇ужчам̣ зд̇ам̣, мусаа зд̇ам̣, абхууд̇ам̣ зд̇ам̣, алигам̣ зд̇ам̣, аяаат̇аавам̣ зд̇а’’нд̇и, звамаахам̣су звам̣ гат̇знд̇и звам̣ бхан̣анд̇и звам̣ д̣̇ийбаяанд̇и звам̣ вохаранд̇ийд̇и – д̇амааху ан̃н̃зби д̇ужчам̣ мусаад̇и.
Tamāhu aññepi tucchaṃ musātīti. Tameva dhammaṃ diṭṭhiṃ paṭipadaṃ maggaṃ eke samaṇabrāhmaṇā ‘‘tucchaṃ etaṃ, musā etaṃ, abhūtaṃ etaṃ, alikaṃ etaṃ, ayāthāvaṃ eta’’nti, evamāhaṃsu evaṃ kathenti evaṃ bhaṇanti evaṃ dīpayanti evaṃ voharantīti – tamāhu aññepi tucchaṃ musāti.
звамби виг̇г̇аяха виваад̣̇аяанд̇ийд̇и. звам̣ г̇ахзд̇ваа уг̇г̇ахзд̇ваа г̇ан̣хид̇ваа бараамасид̇ваа абхинивисид̇ваа виваад̣̇аяанд̇и, галахам̣ гаронд̇и, бхан̣д̣анам̣ гаронд̇и, виг̇г̇ахам̣ гаронд̇и, виваад̣̇ам̣ гаронд̇и , мзд̇хаг̇ам̣ гаронд̇и – ‘‘на д̇вам̣ имам̣ д̇хаммавинаяам̣ ааж̇аанааси…бз… ниб̣б̣зтзхи ваа сажз бахосий’’д̇и – звамби виг̇г̇аяха виваад̣̇аяанд̇и.
Evampiviggayha vivādayantīti. Evaṃ gahetvā uggahetvā gaṇhitvā parāmasitvā abhinivisitvā vivādayanti, kalahaṃ karonti, bhaṇḍanaṃ karonti, viggahaṃ karonti, vivādaṃ karonti , medhagaṃ karonti – ‘‘na tvaṃ imaṃ dhammavinayaṃ ājānāsi…pe… nibbeṭhehi vā sace pahosī’’ti – evampi viggayha vivādayanti.
гасмаа на згам̣ саман̣аа вад̣̇анд̇ийд̇и. гасмаад̇и гасмаа гим̣гааран̣аа гим̣хзд̇у гим̣бажжаяаа гим̣нид̣̇аанаа гим̣самуд̣̇аяаа гим̣ж̇аад̇игаа гим̣бабхаваа на згам̣ вад̣̇анд̇и наанаа вад̣̇анд̇и вивид̇хам̣ вад̣̇анд̇и ан̃н̃он̃н̃ам̣ 15 вад̣̇анд̇и бут̇у вад̣̇анд̇и гат̇знд̇и бхан̣анд̇и д̣̇ийбаяанд̇и вохаранд̇ийд̇и – гасмаа на згам̣ саман̣аа вад̣̇анд̇и.
Kasmāna ekaṃ samaṇā vadantīti. Kasmāti kasmā kiṃkāraṇā kiṃhetu kiṃpaccayā kiṃnidānā kiṃsamudayā kiṃjātikā kiṃpabhavā na ekaṃ vadanti nānā vadanti vividhaṃ vadanti aññoññaṃ 16 vadanti puthu vadanti kathenti bhaṇanti dīpayanti voharantīti – kasmā na ekaṃ samaṇā vadanti.
д̇знааха со ниммид̇о –
Tenāha so nimmito –
‘‘яамааху сажжам̣ д̇ат̇ияанд̇и згз, д̇амааху ан̃н̃зби д̇ужчам̣ мусаад̇и;
‘‘Yamāhu saccaṃ tathiyanti eke, tamāhu aññepi tucchaṃ musāti;
звамби виг̇г̇аяха виваад̣̇аяанд̇и, гасмаа на згам̣ саман̣аа вад̣̇анд̇ий’’д̇и.
Evampi viggayha vivādayanti, kasmā na ekaṃ samaṇā vadantī’’ti.
119.
119.
зган̃хи сажжам̣ на д̣̇уд̇ийяамад̇т̇и, яасмим̣ баж̇аа но вивад̣̇з баж̇аанам̣;
Ekañhi saccaṃ na dutīyamatthi, yasmiṃ pajā no vivade pajānaṃ;
наанаа д̇з сажжаани саяам̣ т̇унанд̇и, д̇асмаа на згам̣ саман̣аа вад̣̇анд̇и.
Nānā te saccāni sayaṃ thunanti, tasmā na ekaṃ samaṇā vadanti.
зган̃хи сажжам̣ на д̣̇уд̇ийяамад̇т̇ийд̇и. згам̣ сажжам̣ вужжад̇и д̣̇угканирод̇хо ниб̣б̣аанам̣. яо со саб̣б̣асан̇каарасамат̇о саб̣б̣уубад̇хибадиниссаг̇г̇о д̇ан̣хагкаяо вирааг̇о нирод̇хо ниб̣б̣аанам̣. ат̇а ваа згам̣ сажжам̣ вужжад̇и – маг̇г̇асажжам̣, нияяаанасажжам̣, д̣̇угканирод̇хаг̇ааминий бадибад̣̇аа, арияо адтан̇г̇иго маг̇г̇о, сзяяат̇ид̣̇ам̣ – саммаад̣̇идти, саммаасан̇габбо, саммааваажаа, саммаагамманд̇о, саммааааж̇ийво, саммаавааяаамо, саммаасад̇и, саммаасамаад̇хийд̇и – зган̃хи сажжам̣ на д̣̇уд̇ийяамад̇т̇и.
Ekañhi saccaṃ na dutīyamatthīti. Ekaṃ saccaṃ vuccati dukkhanirodho nibbānaṃ. Yo so sabbasaṅkhārasamatho sabbūpadhipaṭinissaggo taṇhakkhayo virāgo nirodho nibbānaṃ. Atha vā ekaṃ saccaṃ vuccati – maggasaccaṃ, niyyānasaccaṃ, dukkhanirodhagāminī paṭipadā, ariyo aṭṭhaṅgiko maggo, seyyathidaṃ – sammādiṭṭhi, sammāsaṅkappo, sammāvācā, sammākammanto, sammāājīvo, sammāvāyāmo, sammāsati, sammāsamādhīti – ekañhi saccaṃ na dutīyamatthi.
яасмим̣ баж̇аа но вивад̣̇з баж̇аананд̇и. яасминд̇и яасмим̣ сажжз. баж̇аад̇и сад̇д̇аад̇хиважанам̣. баж̇аананд̇и 17 яам̣ сажжам̣ баж̇аананд̇аа ааж̇аананд̇аа виж̇аананд̇аа бадивиж̇аананд̇аа бадивиж̇жханд̇аа на галахам̣ гарзяяум̣, на бхан̣д̣анам̣ гарзяяум̣, на виг̇г̇ахам̣ гарзяяум̣, на виваад̣̇ам̣ гарзяяум̣, на мзд̇хаг̇ам̣ гарзяяум̣, галахам̣ бхан̣д̣анам̣ виг̇г̇ахам̣ виваад̣̇ам̣ мзд̇хаг̇ам̣ баж̇ахзяяум̣, винод̣̇зяяум̣, б̣яанд̇им̣ гарзяяум̣ 18, анабхаавам̣ г̇амзяяунд̇и – яасмим̣ баж̇аа но вивад̣̇з баж̇аанам̣.
Yasmiṃpajā no vivade pajānanti. Yasminti yasmiṃ sacce. Pajāti sattādhivacanaṃ. Pajānanti 19 yaṃ saccaṃ pajānantā ājānantā vijānantā paṭivijānantā paṭivijjhantā na kalahaṃ kareyyuṃ, na bhaṇḍanaṃ kareyyuṃ, na viggahaṃ kareyyuṃ, na vivādaṃ kareyyuṃ, na medhagaṃ kareyyuṃ, kalahaṃ bhaṇḍanaṃ viggahaṃ vivādaṃ medhagaṃ pajaheyyuṃ, vinodeyyuṃ, byantiṃ kareyyuṃ 20, anabhāvaṃ gameyyunti – yasmiṃ pajā no vivade pajānaṃ.
наанаа д̇з сажжаани саяам̣ т̇унанд̇ийд̇и. наанаа д̇з сажжаани саяам̣ т̇унанд̇и вад̣̇анд̇и гат̇знд̇и бхан̣анд̇и д̣̇ийбаяанд̇и вохаранд̇и. ‘‘сассад̇о лого, ид̣̇амзва сажжам̣ могхаман̃н̃а’’нд̇и саяам̣ т̇унанд̇и вад̣̇анд̇и гат̇знд̇и бхан̣анд̇и д̣̇ийбаяанд̇и вохаранд̇и. ‘‘асассад̇о лого…бз… нзва ход̇и на на ход̇и д̇ат̇ааг̇ад̇о барам̣ маран̣аа, ид̣̇амзва сажжам̣ могхаман̃н̃а’’нд̇и саяам̣ т̇унанд̇и вад̣̇анд̇и гат̇знд̇и бхан̣анд̇и д̣̇ийбаяанд̇и вохаранд̇ийд̇и – наанаа д̇з сажжаани саяам̣ т̇унанд̇и.
Nānāte saccāni sayaṃ thunantīti. Nānā te saccāni sayaṃ thunanti vadanti kathenti bhaṇanti dīpayanti voharanti. ‘‘Sassato loko, idameva saccaṃ moghamañña’’nti sayaṃ thunanti vadanti kathenti bhaṇanti dīpayanti voharanti. ‘‘Asassato loko…pe… neva hoti na na hoti tathāgato paraṃ maraṇā, idameva saccaṃ moghamañña’’nti sayaṃ thunanti vadanti kathenti bhaṇanti dīpayanti voharantīti – nānā te saccāni sayaṃ thunanti.
д̇асмаа на згам̣ саман̣аа вад̣̇анд̇ийд̇и. д̇асмаад̇и д̇асмаа д̇ам̣гааран̣аа д̇ам̣хзд̇у д̇аббажжаяаа д̇ам̣нид̣̇аанаа на згам̣ вад̣̇анд̇и наанаа вад̣̇анд̇и вивид̇хам̣ вад̣̇анд̇и ан̃н̃он̃н̃ам̣ вад̣̇анд̇и бут̇у вад̣̇анд̇и гат̇знд̇и бхан̣анд̇и д̣̇ийбаяанд̇и вохаранд̇ийд̇и – д̇асмаа на згам̣ саман̣аа вад̣̇анд̇и.
Tasmā na ekaṃ samaṇā vadantīti. Tasmāti tasmā taṃkāraṇā taṃhetu tappaccayā taṃnidānā na ekaṃ vadanti nānā vadanti vividhaṃ vadanti aññoññaṃ vadanti puthu vadanti kathenti bhaṇanti dīpayanti voharantīti – tasmā na ekaṃ samaṇā vadanti.
д̇знааха бхаг̇аваа –
Tenāha bhagavā –
‘‘зган̃хи сажжам̣ на д̣̇уд̇ийяамад̇т̇и, яасмим̣ баж̇аа но вивад̣̇з баж̇аанам̣;
‘‘Ekañhi saccaṃ na dutīyamatthi, yasmiṃ pajā no vivade pajānaṃ;
наанаа д̇з сажжаани саяам̣ т̇унанд̇и, д̇асмаа на згам̣ саман̣аа вад̣̇анд̇ий’’д̇и.
Nānā te saccāni sayaṃ thunanti, tasmā na ekaṃ samaṇā vadantī’’ti.
120.
120.
гасмаа ну сажжаани вад̣̇анд̇и наанаа, баваад̣̇ияаасз гусалаавад̣̇аанаа;
Kasmā nu saccāni vadanti nānā, pavādiyāse kusalāvadānā;
сажжаани суд̇аани б̣ахууни наанаа, уд̣̇ааху д̇з д̇аггамануссаранд̇и.
Saccāni sutāni bahūni nānā, udāhu te takkamanussaranti.
гасмаа ну сажжаани вад̣̇анд̇и наанаад̇и. гасмаад̇и гасмаа гим̣гааран̣аа гим̣хзд̇у гим̣бажжаяаа гим̣нид̣̇аанаа сажжаани наанаа 21 вад̣̇анд̇и, вивид̇хаани вад̣̇анд̇и, ан̃н̃он̃н̃аани вад̣̇анд̇и, бут̇ууни вад̣̇анд̇и гат̇знд̇и бхан̣анд̇и д̣̇ийбаяанд̇и вохаранд̇ийд̇и – гасмаа ну сажжаани вад̣̇анд̇и наанаа.
Kasmā nu saccāni vadanti nānāti. Kasmāti kasmā kiṃkāraṇā kiṃhetu kiṃpaccayā kiṃnidānā saccāni nānā 22 vadanti, vividhāni vadanti, aññoññāni vadanti, puthūni vadanti kathenti bhaṇanti dīpayanti voharantīti – kasmā nu saccāni vadanti nānā.
баваад̣̇ияаасз гусалаавад̣̇аанаад̇и. баваад̣̇ияаасзд̇и виббавад̣̇анд̇ийд̇иби баваад̣̇ияаасз. ат̇а ваа сагам̣ сагам̣ д̣̇идтиг̇ад̇ам̣ бавад̣̇анд̇и гат̇знд̇и бхан̣анд̇и д̣̇ийбаяанд̇и вохаранд̇и. ‘‘сассад̇о лого, ид̣̇амзва сажжам̣ могхаман̃н̃а’’нд̇и бавад̣̇анд̇и гат̇знд̇и бхан̣анд̇и д̣̇ийбаяанд̇и вохаранд̇и. ‘‘асассад̇о лого…бз… нзва ход̇и на на ход̇и д̇ат̇ааг̇ад̇о барам̣ маран̣аа, ид̣̇амзва сажжам̣ могхаман̃н̃а’’нд̇и бавад̣̇анд̇и гат̇знд̇и бхан̣анд̇и д̣̇ийбаяанд̇и вохаранд̇и. гусалаавад̣̇аанаад̇и гусалаваад̣̇аа бан̣д̣ид̇аваад̣̇аа т̇ираваад̣̇аа н̃ааяаваад̣̇аа хзд̇уваад̣̇аа лагкан̣аваад̣̇аа гааран̣аваад̣̇аа таанаваад̣̇аа сагааяа лад̣̇д̇хияаад̇и – баваад̣̇ияаасз гусалаавад̣̇аанаа.
Pavādiyāse kusalāvadānāti. Pavādiyāseti vippavadantītipi pavādiyāse. Atha vā sakaṃ sakaṃ diṭṭhigataṃ pavadanti kathenti bhaṇanti dīpayanti voharanti. ‘‘Sassato loko, idameva saccaṃ moghamañña’’nti pavadanti kathenti bhaṇanti dīpayanti voharanti. ‘‘Asassato loko…pe… neva hoti na na hoti tathāgato paraṃ maraṇā, idameva saccaṃ moghamañña’’nti pavadanti kathenti bhaṇanti dīpayanti voharanti. Kusalāvadānāti kusalavādā paṇḍitavādā thiravādā ñāyavādā hetuvādā lakkhaṇavādā kāraṇavādā ṭhānavādā sakāya laddhiyāti – pavādiyāse kusalāvadānā.
сажжаани суд̇аани б̣ахууни наанаад̇и сажжаани суд̇аани б̣ахугаани наанаани вивид̇хаани ан̃н̃он̃н̃аани бут̇уунийд̇и – сажжаани суд̇аани б̣ахууни наанаа.
Saccāni sutāni bahūni nānāti saccāni sutāni bahukāni nānāni vividhāni aññoññāni puthūnīti – saccāni sutāni bahūni nānā.
уд̣̇ааху д̇з д̇аггамануссаранд̇ийд̇и уд̣̇ааху д̇аггзна сан̇габбзна яааяанд̇и нийяанд̇и вуяханд̇и сам̣харийяанд̇ийд̇и . звамби уд̣̇ааху д̇з д̇аггамануссаранд̇и. ат̇а ваа д̇аггабарияаахад̇ам̣ виймам̣саанужарид̇ам̣ саяам̣ бадибхаанам̣ вад̣̇анд̇и гат̇знд̇и бхан̣анд̇и д̣̇ийбаяанд̇и вохаранд̇ийд̇и. звамби уд̣̇ааху д̇з д̇аггамануссаранд̇и.
Udāhu te takkamanussarantīti udāhu takkena saṅkappena yāyanti nīyanti vuyhanti saṃharīyantīti . Evampi udāhu te takkamanussaranti. Atha vā takkapariyāhataṃ vīmaṃsānucaritaṃ sayaṃ paṭibhānaṃ vadanti kathenti bhaṇanti dīpayanti voharantīti. Evampi udāhu te takkamanussaranti.
д̇знааха со ниммид̇о –
Tenāha so nimmito –
‘‘гасмаа ну сажжаани вад̣̇анд̇и наанаа, баваад̣̇ияаасз гусалаавад̣̇аанаа;
‘‘Kasmā nu saccāni vadanti nānā, pavādiyāse kusalāvadānā;
сажжаани суд̇аани б̣ахууни наанаа, уд̣̇ааху д̇з д̇аггамануссаранд̇ий’’д̇и.
Saccāni sutāni bahūni nānā, udāhu te takkamanussarantī’’ti.
121.
121.
на хзва сажжаани б̣ахууни наанаа, ан̃н̃ад̇ра сан̃н̃ааяа нижжаани логз;
Na heva saccāni bahūni nānā, aññatra saññāya niccāni loke;
д̇агган̃жа д̣̇идтийсу багаббаяид̇ваа, сажжам̣ мусаад̇и д̣̇ваяад̇хаммамааху.
Takkañca diṭṭhīsu pakappayitvā, saccaṃ musāti dvayadhammamāhu.
на хзва сажжаани б̣ахууни наанаад̇и на хзва сажжаани б̣ахугаани наанаани вивид̇хаани ан̃н̃он̃н̃аани бут̇уунийд̇и – на хзва сажжаани б̣ахууни наанаа.
Na heva saccāni bahūni nānāti na heva saccāni bahukāni nānāni vividhāni aññoññāni puthūnīti – na heva saccāni bahūni nānā.
ан̃н̃ад̇ра сан̃н̃ааяа нижжаани логзд̇и ан̃н̃ад̇ра сан̃н̃ааяа нижжаг̇г̇аахаа зган̃н̃зва сажжам̣ логз гат̇ийяад̇и бхан̣ийяад̇и д̣̇ийбийяад̇и вохарийяад̇и – д̣̇угканирод̇хо ниб̣б̣аанам̣. яо со саб̣б̣асан̇каарасамат̇о саб̣б̣уубад̇хибадиниссаг̇г̇о д̇ан̣хагкаяо вирааг̇о нирод̇хо ниб̣б̣аанам̣. ат̇а ваа згам̣ сажжам̣ вужжад̇и маг̇г̇асажжам̣, нияяаанасажжам̣, д̣̇угканирод̇хаг̇ааминий бадибад̣̇аа, арияо адтан̇г̇иго маг̇г̇о, сзяяат̇ид̣̇ам̣ – саммаад̣̇идти …бз… саммаасамаад̇хийд̇и – ан̃н̃ад̇ра сан̃н̃ааяа нижжаани логз.
Aññatra saññāya niccāni loketi aññatra saññāya niccaggāhā ekaññeva saccaṃ loke kathīyati bhaṇīyati dīpīyati voharīyati – dukkhanirodho nibbānaṃ. Yo so sabbasaṅkhārasamatho sabbūpadhipaṭinissaggo taṇhakkhayo virāgo nirodho nibbānaṃ. Atha vā ekaṃ saccaṃ vuccati maggasaccaṃ, niyyānasaccaṃ, dukkhanirodhagāminī paṭipadā, ariyo aṭṭhaṅgiko maggo, seyyathidaṃ – sammādiṭṭhi …pe… sammāsamādhīti – aññatra saññāya niccāni loke.
д̇агган̃жа д̣̇идтийсу багаббаяид̇ваа, сажжам̣ мусаад̇и д̣̇ваяад̇хаммамаахууд̇и. д̇аггам̣ вид̇аггам̣ сан̇габбам̣ д̇аггаяид̇ваа вид̇аггаяид̇ваа сан̇габбаяид̇ваа д̣̇идтиг̇ад̇аани ж̇анзнд̇и сан̃ж̇анзнд̇и ниб̣б̣ад̇д̇знд̇и абхиниб̣б̣ад̇д̇знд̇и. д̣̇идтиг̇ад̇аани ж̇анзд̇ваа сан̃ж̇анзд̇ваа ниб̣б̣ад̇д̇зд̇ваа абхиниб̣б̣ад̇д̇зд̇ваа ‘‘маяхам̣ сажжам̣ д̇уяхам̣ мусаа’’д̇и, звамаахам̣су звам̣ гат̇знд̇и звам̣ бхан̣анд̇и звам̣ д̣̇ийбаяанд̇и звам̣ вохаранд̇ийд̇и – д̇агган̃жа д̣̇идтийсу багаббаяид̇ваа сажжам̣ мусаад̇и д̣̇ваяад̇хаммамааху.
Takkañca diṭṭhīsu pakappayitvā, saccaṃ musāti dvayadhammamāhūti. Takkaṃ vitakkaṃ saṅkappaṃ takkayitvā vitakkayitvā saṅkappayitvā diṭṭhigatāni janenti sañjanenti nibbattenti abhinibbattenti. Diṭṭhigatāni janetvā sañjanetvā nibbattetvā abhinibbattetvā ‘‘mayhaṃ saccaṃ tuyhaṃ musā’’ti, evamāhaṃsu evaṃ kathenti evaṃ bhaṇanti evaṃ dīpayanti evaṃ voharantīti – takkañca diṭṭhīsu pakappayitvā saccaṃ musāti dvayadhammamāhu.
д̇знааха бхаг̇аваа –
Tenāha bhagavā –
‘‘на хзва сажжаани б̣ахууни наанаа, ан̃н̃ад̇ра сан̃н̃ааяа нижжаани логз;
‘‘Na heva saccāni bahūni nānā, aññatra saññāya niccāni loke;
д̇агган̃жа д̣̇идтийсу багаббаяид̇ваа, сажжам̣ мусаад̇и д̣̇ваяад̇хаммамаахуу’’д̇и.
Takkañca diṭṭhīsu pakappayitvā, saccaṃ musāti dvayadhammamāhū’’ti.
122.
122.
д̣̇идтз суд̇з сийлавад̇з муд̇з ваа, зд̇з жа 23 ниссааяа вимаанад̣̇ассий;
Diṭṭhesute sīlavate mute vā, ete ca24nissāya vimānadassī;
винижчаяз тад̇ваа бахассамаано, б̣аало баро аггусалод̇и жааха.
Vinicchaye ṭhatvā pahassamāno, bālo paro akkusaloti cāha.
д̣̇идтз суд̇з сийлавад̇з муд̇з ваа, зд̇з жа ниссааяа вимаанад̣̇ассийд̇и. д̣̇идтам̣ ваа д̣̇идтасуд̣̇д̇хим̣ ваа, суд̇ам̣ ваа суд̇асуд̣̇д̇хим̣ ваа, сийлам̣ ваа сийласуд̣̇д̇хим̣ ваа, вад̇ам̣ ваа вад̇асуд̣̇д̇хим̣ ваа, муд̇ам̣ ваа муд̇асуд̣̇д̇хим̣ ваа ниссааяа убаниссааяа г̇ан̣хид̇ваа бараамасид̇ваа абхинивисид̇ваад̇и – д̣̇идтз суд̇з сийлавад̇з муд̇з ваа. зд̇з жа ниссааяа вимаанад̣̇ассийд̇и. на саммаанзд̇ийд̇иби вимаанад̣̇ассий. ат̇а ваа д̣̇оманассам̣ ж̇анзд̇ийд̇иби вимаанад̣̇ассийд̇и – д̣̇идтз суд̇з сийлавад̇з муд̇з ваа зд̇з жа ниссааяа вимаанад̣̇ассий.
Diṭṭhesute sīlavate mute vā, ete ca nissāya vimānadassīti. Diṭṭhaṃ vā diṭṭhasuddhiṃ vā, sutaṃ vā sutasuddhiṃ vā, sīlaṃ vā sīlasuddhiṃ vā, vataṃ vā vatasuddhiṃ vā, mutaṃ vā mutasuddhiṃ vā nissāya upanissāya gaṇhitvā parāmasitvā abhinivisitvāti – diṭṭhe sute sīlavate mute vā. Ete ca nissāya vimānadassīti. Na sammānetītipi vimānadassī. Atha vā domanassaṃ janetītipi vimānadassīti – diṭṭhe sute sīlavate mute vā ete ca nissāya vimānadassī.
винижчаяз тад̇ваа бахассамаанод̇и. винижчаяаа вужжанд̇и д̣̇ваасадти д̣̇идтиг̇ад̇аани. д̣̇идтивинижчаяз винижчаяад̣̇идтияаа тад̇ваа бад̇идтахид̇ваа г̇ан̣хид̇ваа бараамасид̇ваа абхинивисид̇ваад̇и – винижчаяз тад̇ваа. бахассамаанод̇и д̇удто ход̇и хадто бахадто ад̇д̇амано барибун̣н̣асан̇габбо. ат̇а ваа д̣̇анд̇авид̣̇ам̣сагам̣ бахассамаанод̇и – винижчаяз тад̇ваа бахассамаано.
Vinicchaye ṭhatvā pahassamānoti. Vinicchayā vuccanti dvāsaṭṭhi diṭṭhigatāni. Diṭṭhivinicchaye vinicchayadiṭṭhiyā ṭhatvā patiṭṭhahitvā gaṇhitvā parāmasitvā abhinivisitvāti – vinicchaye ṭhatvā. Pahassamānoti tuṭṭho hoti haṭṭho pahaṭṭho attamano paripuṇṇasaṅkappo. Atha vā dantavidaṃsakaṃ pahassamānoti – vinicchaye ṭhatvā pahassamāno.
б̣аало баро аггусалод̇и жаахаад̇и. баро б̣аало хийно нихийно омаго лаамаго чад̇угго барид̇д̇о агусало авид̣̇ваа авиж̇ж̇ааг̇ад̇о ан̃н̃аан̣ий авибхаавий амзд̇хаавий д̣̇уббан̃н̃од̇и, звамааха звам̣ гат̇зд̇и звам̣ бхан̣ад̇и звам̣ д̣̇ийбаяад̇и звам̣ вохарад̇ийд̇и – б̣аало баро аггусалод̇и жааха.
Bālo paro akkusaloti cāhāti. Paro bālo hīno nihīno omako lāmako chatukko paritto akusalo avidvā avijjāgato aññāṇī avibhāvī amedhāvī duppaññoti, evamāha evaṃ katheti evaṃ bhaṇati evaṃ dīpayati evaṃ voharatīti – bālo paro akkusaloti cāha.
д̇знааха бхаг̇аваа –
Tenāha bhagavā –
‘‘д̣̇идтз суд̇з сийлавад̇з муд̇з ваа, зд̇з жа ниссааяа вимаанад̣̇ассий;
‘‘Diṭṭhe sute sīlavate mute vā, ete ca nissāya vimānadassī;
винижчаяз тад̇ваа бахассамаано, б̣аало баро аггусалод̇и жаахаа’’д̇и.
Vinicchaye ṭhatvā pahassamāno, bālo paro akkusaloti cāhā’’ti.
123.
123.
язнзва б̣аалод̇и барам̣ д̣̇ахаад̇и, д̇знаад̇умаанам̣ гусалод̇и жааха;
Yeneva bāloti paraṃ dahāti, tenātumānaṃ kusaloti cāha;
саяамад̇д̇анаа со гусалаавад̣̇аано, ан̃н̃ам̣ вимаанзд̇и д̇ад̣̇зва баава.
Sayamattanā so kusalāvadāno, aññaṃ vimāneti tadeva pāva.
язнзва б̣аалод̇и барам̣ д̣̇ахаад̇ийд̇и. язнзва хзд̇унаа язна бажжаязна язна гааран̣зна язна бабхавзна барам̣ б̣аалад̇о хийнад̇о нихийнад̇о омагад̇о лаамагад̇о чад̇уггад̇о барид̇д̇ад̇о д̣̇ахад̇и бассад̇и д̣̇агкад̇и ологзд̇и ниж̇жхааяад̇и убабаригкад̇ийд̇и – язнзва б̣аалод̇и барам̣ д̣̇ахаад̇и.
Yeneva bāloti paraṃ dahātīti. Yeneva hetunā yena paccayena yena kāraṇena yena pabhavena paraṃ bālato hīnato nihīnato omakato lāmakato chatukkato parittato dahati passati dakkhati oloketi nijjhāyati upaparikkhatīti – yeneva bāloti paraṃ dahāti.
д̇знаад̇умаанам̣ гусалод̇и жаахаад̇и. аад̇умаано вужжад̇и ад̇д̇аа. соби д̇знзва хзд̇унаа д̇зна бажжаязна д̇зна гааран̣зна д̇зна бабхавзна ад̇д̇аанам̣ ахамасми гусало бан̣д̣ид̇о бан̃н̃аваа б̣уд̣̇д̇химаа н̃аан̣ий вибхаавий мзд̇хаавийд̇и – д̇знаад̇умаанам̣ гусалод̇и жааха.
Tenātumānaṃkusaloti cāhāti. Ātumāno vuccati attā. Sopi teneva hetunā tena paccayena tena kāraṇena tena pabhavena attānaṃ ahamasmi kusalo paṇḍito paññavā buddhimā ñāṇī vibhāvī medhāvīti – tenātumānaṃ kusaloti cāha.
саяамад̇д̇анаа со гусалаавад̣̇аанод̇и. саяамзва ад̇д̇аанам̣ гусалаваад̣̇о бан̣д̣ид̇аваад̣̇о т̇ираваад̣̇о н̃ааяаваад̣̇о хзд̇уваад̣̇о лагкан̣аваад̣̇о гааран̣аваад̣̇о таанаваад̣̇о сагааяа лад̣̇д̇хияаад̇и – саяамад̇д̇анаа со гусалаавад̣̇аано.
Sayamattanā so kusalāvadānoti. Sayameva attānaṃ kusalavādo paṇḍitavādo thiravādo ñāyavādo hetuvādo lakkhaṇavādo kāraṇavādo ṭhānavādo sakāya laddhiyāti – sayamattanā so kusalāvadāno.
ан̃н̃ам̣ вимаанзд̇и д̇ад̣̇зва бааваад̇и. на саммаанзд̇ийд̇иби ан̃н̃ам̣ вимаанзд̇и. ат̇а ваа д̣̇оманассам̣ ж̇анзд̇ийд̇иби ан̃н̃ам̣ вимаанзд̇и. д̇ад̣̇зва бааваад̇и д̇ад̣̇зва д̇ам̣ д̣̇идтиг̇ад̇ам̣ баавад̣̇ад̇и ‘‘ид̇ибааяам̣ буг̇г̇ало мижчаад̣̇идтиго вибарийд̇ад̣̇ассано’’д̇и – ан̃н̃ам̣ вимаанзд̇и д̇ад̣̇зва баавад̣̇а.
Aññaṃvimāneti tadeva pāvāti. Na sammānetītipi aññaṃ vimāneti. Atha vā domanassaṃ janetītipi aññaṃ vimāneti. Tadeva pāvāti tadeva taṃ diṭṭhigataṃ pāvadati ‘‘itipāyaṃ puggalo micchādiṭṭhiko viparītadassano’’ti – aññaṃ vimāneti tadeva pāvada.
д̇знааха бхаг̇аваа –
Tenāha bhagavā –
‘‘язнзва б̣аалод̇и барам̣ д̣̇ахаад̇и, д̇знаад̇умаанам̣ гусалод̇и жааха;
‘‘Yeneva bāloti paraṃ dahāti, tenātumānaṃ kusaloti cāha;
саяамад̇д̇анаа со гусалаавад̣̇аано, ан̃н̃ам̣ вимаанзд̇и д̇ад̣̇зва бааваа’’д̇и.
Sayamattanā so kusalāvadāno, aññaṃ vimāneti tadeva pāvā’’ti.
124.
124.
ад̇исаарад̣̇идтияаа со самад̇д̇о, маанзна мад̇д̇о барибун̣н̣амааний;
Atisāradiṭṭhiyāso samatto, mānena matto paripuṇṇamānī;
саяамзва саамам̣ манасаабхисид̇д̇о, д̣̇идтий хи саа д̇асса д̇ат̇аа самад̇д̇аа.
Sayameva sāmaṃ manasābhisitto, diṭṭhī hi sā tassa tathā samattā.
ад̇исаарад̣̇идтияаа со самад̇д̇од̇и. ад̇исаарад̣̇идтияо вужжанд̇и д̣̇ваасадти д̣̇идтиг̇ад̇аани. гим̣гааран̣аа ад̇исаарад̣̇идтияо вужжанд̇и д̣̇ваасадти д̣̇идтиг̇ад̇аани? саб̣б̣аа д̇аа д̣̇идтияо гааран̣аад̇игганд̇аа лагкан̣аад̇игганд̇аа таанаад̇игганд̇аа, д̇ам̣гааран̣аа ад̇исаарад̣̇идтияо вужжанд̇и д̣̇ваасадти д̣̇идтиг̇ад̇аани. саб̣б̣ааби д̣̇идтияо ад̇исаарад̣̇идтияо 25. гим̣гааран̣аа саб̣б̣ааби д̣̇идтияо вужжанд̇и ад̇исаарад̣̇идтияо? д̇з 26 ан̃н̃аман̃н̃ам̣ ад̇иггамид̇ваа самад̇иггамид̇ваа вийд̇ивад̇д̇ид̇ваа д̣̇идтиг̇ад̇аани ж̇анзнд̇и сан̃ж̇анзнд̇и ниб̣б̣ад̇д̇знд̇и абхиниб̣б̣ад̇д̇знд̇и, д̇ам̣гааран̣аа саб̣б̣ааби д̣̇идтияо вужжанд̇и ад̇исаарад̣̇идтияо. ад̇исаарад̣̇идтияаа со самад̇д̇од̇и. ад̇исаарад̣̇идтияаа самад̇д̇о барибун̣н̣о аномод̇и – ад̇исаарад̣̇идтияаа со самад̇д̇о.
Atisāradiṭṭhiyā so samattoti. Atisāradiṭṭhiyo vuccanti dvāsaṭṭhi diṭṭhigatāni. Kiṃkāraṇā atisāradiṭṭhiyo vuccanti dvāsaṭṭhi diṭṭhigatāni? Sabbā tā diṭṭhiyo kāraṇātikkantā lakkhaṇātikkantā ṭhānātikkantā, taṃkāraṇā atisāradiṭṭhiyo vuccanti dvāsaṭṭhi diṭṭhigatāni. Sabbāpi diṭṭhiyo atisāradiṭṭhiyo 27. Kiṃkāraṇā sabbāpi diṭṭhiyo vuccanti atisāradiṭṭhiyo? Te 28 aññamaññaṃ atikkamitvā samatikkamitvā vītivattitvā diṭṭhigatāni janenti sañjanenti nibbattenti abhinibbattenti, taṃkāraṇā sabbāpi diṭṭhiyo vuccanti atisāradiṭṭhiyo. Atisāradiṭṭhiyā so samattoti. Atisāradiṭṭhiyā samatto paripuṇṇo anomoti – atisāradiṭṭhiyā so samatto.
маанзна мад̇д̇о барибун̣н̣амаанийд̇и. сагааяа д̣̇идтияаа д̣̇идтимаанзна мад̇д̇о бамад̇д̇о уммад̇д̇о ад̇имад̇д̇од̇и – маанзна мад̇д̇о. барибун̣н̣амаанийд̇и барибун̣н̣амааний самад̇д̇амааний аномамаанийд̇и – маанзна мад̇д̇о барибун̣н̣амааний.
Mānena matto paripuṇṇamānīti. Sakāya diṭṭhiyā diṭṭhimānena matto pamatto ummatto atimattoti – mānena matto. Paripuṇṇamānīti paripuṇṇamānī samattamānī anomamānīti – mānena matto paripuṇṇamānī.
саяамзва саамам̣ манасаабхисид̇д̇од̇и. саяамзва ад̇д̇аанам̣ жид̇д̇зна абхисин̃жад̇и ‘‘ахамасми гусало бан̣д̣ид̇о бан̃н̃аваа б̣уд̣̇д̇химаа н̃аан̣ий вибхаавий мзд̇хаавий’’д̇и – саяамзва саамам̣ манасаабхисид̇д̇о.
Sayameva sāmaṃ manasābhisittoti. Sayameva attānaṃ cittena abhisiñcati ‘‘ahamasmi kusalo paṇḍito paññavā buddhimā ñāṇī vibhāvī medhāvī’’ti – sayameva sāmaṃ manasābhisitto.
д̣̇идтий хи саа д̇асса д̇ат̇аа самад̇д̇аад̇и. д̇асса саа д̣̇идти д̇ат̇аа самад̇д̇аа самаад̣̇иннаа г̇ахид̇аа бараамадтаа абхинивидтаа аж̇жхосид̇аа ад̇химуд̇д̇аад̇и – д̣̇идтий хи саа д̇асса д̇ат̇аа самад̇д̇аа.
Diṭṭhī hi sā tassa tathā samattāti. Tassa sā diṭṭhi tathā samattā samādinnā gahitā parāmaṭṭhā abhiniviṭṭhā ajjhositā adhimuttāti – diṭṭhī hi sā tassa tathā samattā.
д̇знааха бхаг̇аваа –
Tenāha bhagavā –
‘‘ад̇исаарад̣̇идтияаа со самад̇д̇о, маанзна мад̇д̇о барибун̣н̣амааний;
‘‘Atisāradiṭṭhiyā so samatto, mānena matto paripuṇṇamānī;
саяамзва саамам̣ манасаабхисид̇д̇о, д̣̇идтий хи саа д̇асса д̇ат̇аа самад̇д̇аа’’д̇и.
Sayameva sāmaṃ manasābhisitto, diṭṭhī hi sā tassa tathā samattā’’ti.
125.
125.
барасса жз хи важасаа нихийно, д̇умо сахаа ход̇и нихийнабан̃н̃о;
Parassace hi vacasā nihīno, tumo sahā hoti nihīnapañño;
ат̇а жз саяам̣ взд̣̇аг̇уу ход̇и д̇хийро, на гожи б̣аало саман̣зсу ад̇т̇и.
Athace sayaṃ vedagū hoti dhīro, na koci bālo samaṇesu atthi.
барасса жз хи важасаа нихийнод̇и барасса жз ваажааяа важанзна нинд̣̇ид̇агааран̣аа г̇арахид̇агааран̣аа убавад̣̇ид̇агааран̣аа баро б̣аало ход̇и хийно нихийно омаго лаамаго чад̇угго барид̇д̇од̇и – барасса жз хи важасаа нихийно. д̇умо сахаа ход̇и нихийнабан̃н̃од̇и. соби д̇знзва сахаа ход̇и хийнабан̃н̃о нихийнабан̃н̃о омагабан̃н̃о лаамагабан̃н̃о чад̇уггабан̃н̃о барид̇д̇абан̃н̃од̇и – д̇умо сахаа ход̇и нихийнабан̃н̃о.
Parassace hi vacasā nihīnoti parassa ce vācāya vacanena ninditakāraṇā garahitakāraṇā upavaditakāraṇā paro bālo hoti hīno nihīno omako lāmako chatukko parittoti – parassa ce hi vacasā nihīno. Tumo sahā hoti nihīnapaññoti. Sopi teneva sahā hoti hīnapañño nihīnapañño omakapañño lāmakapañño chatukkapañño parittapaññoti – tumo sahā hoti nihīnapañño.
ат̇а жз саяам̣ взд̣̇аг̇уу ход̇и д̇хийрод̇и ат̇а жз саяам̣ взд̣̇аг̇уу ход̇и д̇хийро бан̣д̣ид̇о бан̃н̃аваа б̣уд̣̇д̇химаа н̃аан̣ий вибхаавий мзд̇хаавийд̇и – ат̇а жз саяам̣ взд̣̇аг̇уу ход̇и д̇хийро.
Atha ce sayaṃ vedagū hoti dhīroti atha ce sayaṃ vedagū hoti dhīro paṇḍito paññavā buddhimā ñāṇī vibhāvī medhāvīti – atha ce sayaṃ vedagū hoti dhīro.
на гожи б̣аало саман̣зсу ад̇т̇ийд̇и. саман̣зсу на гожи б̣аало хийно нихийно омаго лаамаго чад̇угго барид̇д̇о ад̇т̇и, саб̣б̣зва сздтабан̃н̃аа 29 висидтабан̃н̃аа баамогкабан̃н̃аа уд̇д̇амабан̃н̃аа баварабан̃н̃аад̇и – на гожи б̣аало саман̣зсу ад̇т̇и.
Na koci bālo samaṇesu atthīti. Samaṇesu na koci bālo hīno nihīno omako lāmako chatukko paritto atthi, sabbeva seṭṭhapaññā 30 visiṭṭhapaññā pāmokkhapaññā uttamapaññā pavarapaññāti – na koci bālo samaṇesu atthi.
д̇знааха бхаг̇аваа –
Tenāha bhagavā –
‘‘барасса жз хи важасаа нихийно, д̇умо сахаа ход̇и нихийнабан̃н̃о;
‘‘Parassa ce hi vacasā nihīno, tumo sahā hoti nihīnapañño;
ат̇а жз саяам̣ взд̣̇аг̇уу ход̇и д̇хийро, на гожи б̣аало саман̣зсу ад̇т̇ий’’д̇и.
Atha ce sayaṃ vedagū hoti dhīro, na koci bālo samaṇesu atthī’’ti.
126.
126.
ан̃н̃ам̣ ид̇о яаабхивад̣̇анд̇и д̇хаммам̣, абарад̣̇д̇хаа суд̣̇д̇химагзвалий д̇з;
Aññaṃito yābhivadanti dhammaṃ, aparaddhā suddhimakevalī te;
звамби д̇ид̇т̇яаа бут̇усо вад̣̇анд̇и, санд̣̇идтирааг̇зна хи д̇збхирад̇д̇аа.
Evampi titthyā puthuso vadanti, sandiṭṭhirāgena hi tebhirattā.
ан̃н̃ам̣ ид̇о яаабхивад̣̇анд̇и д̇хаммам̣, абарад̣̇д̇хаа суд̣̇д̇химагзвалий д̇зд̇и. ид̇о ан̃н̃ам̣ д̇хаммам̣ д̣̇идтим̣ бадибад̣̇ам̣ маг̇г̇ам̣ яз абхивад̣̇анд̇и, д̇з суд̣̇д̇химаг̇г̇ам̣ висуд̣̇д̇химаг̇г̇ам̣ барисуд̣̇д̇химаг̇г̇ам̣ вод̣̇аад̇амаг̇г̇ам̣ барияод̣̇аад̇амаг̇г̇ам̣ вирад̣̇д̇хаа абарад̣̇д̇хаа калид̇аа г̇алид̇аа ан̃н̃ааяа абарад̣̇д̇хаа агзвалий д̇з, асамад̇д̇аа д̇з, абарибун̣н̣аа д̇з, хийнаа нихийнаа омагаа лаамагаа чад̇уггаа барид̇д̇аад̇и – ан̃н̃ам̣ ид̇о яаабхивад̣̇анд̇и д̇хаммам̣, абарад̣̇д̇хаа суд̣̇д̇химагзвалий д̇з.
Aññaṃ ito yābhivadanti dhammaṃ, aparaddhā suddhimakevalī teti. Ito aññaṃ dhammaṃ diṭṭhiṃ paṭipadaṃ maggaṃ ye abhivadanti, te suddhimaggaṃ visuddhimaggaṃ parisuddhimaggaṃ vodātamaggaṃ pariyodātamaggaṃ viraddhā aparaddhā khalitā galitā aññāya aparaddhā akevalī te, asamattā te, aparipuṇṇā te, hīnā nihīnā omakā lāmakā chatukkā parittāti – aññaṃ ito yābhivadanti dhammaṃ, aparaddhā suddhimakevalī te.
звамби д̇ид̇т̇яаа бут̇усо вад̣̇анд̇ийд̇и. д̇ид̇т̇ам̣ вужжад̇и д̣̇идтиг̇ад̇ам̣. д̇ид̇т̇ияаа вужжанд̇и д̣̇идтиг̇ад̇игаа. бут̇уд̣̇идтияаа бут̇уд̣̇идтиг̇ад̇аани вад̣̇анд̇и гат̇знд̇и бхан̣анд̇и д̣̇ийбаяанд̇и вохаранд̇ийд̇и – звамби д̇ид̇т̇яаа бут̇усо вад̣̇анд̇и.
Evampi titthyā puthuso vadantīti. Titthaṃ vuccati diṭṭhigataṃ. Titthiyā vuccanti diṭṭhigatikā. Puthudiṭṭhiyā puthudiṭṭhigatāni vadanti kathenti bhaṇanti dīpayanti voharantīti – evampi titthyā puthuso vadanti.
санд̣̇идтирааг̇зна хи д̇збхирад̇д̇аад̇и. сагааяа д̣̇идтияаа д̣̇идтирааг̇зна рад̇д̇аа абхирад̇д̇аад̇и – санд̣̇идтирааг̇зна хи д̇збхирад̇д̇аа.
Sandiṭṭhirāgena hi tebhirattāti. Sakāya diṭṭhiyā diṭṭhirāgena rattā abhirattāti – sandiṭṭhirāgena hi tebhirattā.
д̇знааха бхаг̇аваа –
Tenāha bhagavā –
‘‘ан̃н̃ам̣ ид̇о яаабхивад̣̇анд̇и д̇хаммам̣, абарад̣̇д̇хаа суд̣̇д̇химагзвалий д̇з;
‘‘Aññaṃ ito yābhivadanti dhammaṃ, aparaddhā suddhimakevalī te;
звамби д̇ид̇т̇яаа бут̇усо вад̣̇анд̇и, санд̣̇идтирааг̇зна хи д̇збхирад̇д̇аа’’д̇и.
Evampi titthyā puthuso vadanti, sandiṭṭhirāgena hi tebhirattā’’ti.
127.
127.
ид̇хзва суд̣̇д̇хим̣ ид̇и ваад̣̇аяанд̇и, наан̃н̃зсу д̇хаммзсу висуд̣̇д̇химааху;
Idheva suddhiṃ iti vādayanti, nāññesu dhammesu visuddhimāhu;
звамби д̇ид̇т̇яаа бут̇усо нивидтаа, сагааяанз д̇ад̇т̇а д̣̇ал̣хам̣ вад̣̇аанаа.
Evampi titthyā puthuso niviṭṭhā, sakāyane tattha daḷhaṃ vadānā.
ид̇хзва суд̣̇д̇хим̣ ид̇и ваад̣̇аяанд̇ийд̇и. ид̇ха суд̣̇д̇хим̣ висуд̣̇д̇хим̣ барисуд̣̇д̇хим̣, муд̇д̇им̣ вимуд̇д̇им̣ баримуд̇д̇им̣ вад̣̇анд̇и гат̇знд̇и бхан̣анд̇и д̣̇ийбаяанд̇и вохаранд̇и. ‘‘сассад̇о лого, ид̣̇амзва сажжам̣ могхаман̃н̃а’’нд̇и ид̇ха суд̣̇д̇хим̣ висуд̣̇д̇хим̣ барисуд̣̇д̇хим̣, муд̇д̇им̣ вимуд̇д̇им̣ баримуд̇д̇им̣ вад̣̇анд̇и гат̇знд̇и бхан̣анд̇и д̣̇ийбаяанд̇и вохаранд̇и. ‘‘асассад̇о лого…бз… нзва ход̇и на на ход̇и д̇ат̇ааг̇ад̇о барам̣ маран̣аа, ид̣̇амзва сажжам̣ могхаман̃н̃а’’нд̇и ид̇ха суд̣̇д̇хим̣ висуд̣̇д̇хим̣ барисуд̣̇д̇хим̣ муд̇д̇им̣ вимуд̇д̇им̣ баримуд̇д̇им̣ вад̣̇анд̇и гат̇знд̇и бхан̣анд̇и д̣̇ийбаяанд̇и вохаранд̇ийд̇и – ид̇хзва суд̣̇д̇хим̣ ид̇и ваад̣̇аяанд̇и.
Idheva suddhiṃ iti vādayantīti. Idha suddhiṃ visuddhiṃ parisuddhiṃ, muttiṃ vimuttiṃ parimuttiṃ vadanti kathenti bhaṇanti dīpayanti voharanti. ‘‘Sassato loko, idameva saccaṃ moghamañña’’nti idha suddhiṃ visuddhiṃ parisuddhiṃ, muttiṃ vimuttiṃ parimuttiṃ vadanti kathenti bhaṇanti dīpayanti voharanti. ‘‘Asassato loko…pe… neva hoti na na hoti tathāgato paraṃ maraṇā, idameva saccaṃ moghamañña’’nti idha suddhiṃ visuddhiṃ parisuddhiṃ muttiṃ vimuttiṃ parimuttiṃ vadanti kathenti bhaṇanti dīpayanti voharantīti – idheva suddhiṃ iti vādayanti.
наан̃н̃зсу д̇хаммзсу висуд̣̇д̇химаахууд̇и. ад̇д̇ано сад̇т̇аарам̣ д̇хаммагкаанам̣ г̇ан̣ам̣ д̣̇идтим̣ бадибад̣̇ам̣ маг̇г̇ам̣ табзд̇ваа саб̣б̣з бараваад̣̇з кибанд̇и угкибанд̇и баригкибанд̇и. ‘‘со сад̇т̇аа на саб̣б̣ан̃н̃уу, д̇хаммо на сваагкаад̇о, г̇ан̣о на суббадибанно, д̣̇идти на бхад̣̇д̣̇игаа, бадибад̣̇аа на субан̃н̃ад̇д̇аа, маг̇г̇о на нияяааниго, над̇т̇зд̇т̇а суд̣̇д̇хи ваа висуд̣̇д̇хи ваа барисуд̣̇д̇хи ваа, муд̇д̇и ваа вимуд̇д̇и ваа баримуд̇д̇и ваа, над̇т̇зд̇т̇а суж̇жханд̇и ваа висуж̇жханд̇и ваа барисуж̇жханд̇и ваа, мужжанд̇и ваа вимужжанд̇и ваа баримужжанд̇и ваа хийнаа нихийнаа омагаа лаамагаа чад̇уггаа барид̇д̇аа’’д̇и, звамаахам̣су звам̣ гат̇знд̇и звам̣ бхан̣анд̇и звам̣ д̣̇ийбаяанд̇и звам̣ вохаранд̇ийд̇и – наан̃н̃зсу д̇хаммзсу висуд̣̇д̇химааху.
Nāññesu dhammesu visuddhimāhūti. Attano satthāraṃ dhammakkhānaṃ gaṇaṃ diṭṭhiṃ paṭipadaṃ maggaṃ ṭhapetvā sabbe paravāde khipanti ukkhipanti parikkhipanti. ‘‘So satthā na sabbaññū, dhammo na svākkhāto, gaṇo na suppaṭipanno, diṭṭhi na bhaddikā, paṭipadā na supaññattā, maggo na niyyāniko, natthettha suddhi vā visuddhi vā parisuddhi vā, mutti vā vimutti vā parimutti vā, natthettha sujjhanti vā visujjhanti vā parisujjhanti vā, muccanti vā vimuccanti vā parimuccanti vā hīnā nihīnā omakā lāmakā chatukkā parittā’’ti, evamāhaṃsu evaṃ kathenti evaṃ bhaṇanti evaṃ dīpayanti evaṃ voharantīti – nāññesu dhammesu visuddhimāhu.
звамби д̇ид̇т̇яаа бут̇усо нивидтаад̇и. д̇ид̇т̇ам̣ вужжад̇и д̣̇идтиг̇ад̇ам̣. д̇ид̇т̇ияаа вужжанд̇и д̣̇идтиг̇ад̇игаа. бут̇уд̣̇идтияаа 31 бут̇уд̣̇идтиг̇ад̇зсу нивидтаа бад̇идтид̇аа аллийнаа убаг̇ад̇аа аж̇жхосид̇аа ад̇химуд̇д̇аад̇и – звамби д̇ид̇т̇яаа бут̇усо нивидтаа.
Evampi titthyā puthuso niviṭṭhāti. Titthaṃ vuccati diṭṭhigataṃ. Titthiyā vuccanti diṭṭhigatikā. Puthudiṭṭhiyā 32 puthudiṭṭhigatesu niviṭṭhā patiṭṭhitā allīnā upagatā ajjhositā adhimuttāti – evampi titthyā puthuso niviṭṭhā.
сагааяанз д̇ад̇т̇а д̣̇ал̣хам̣ вад̣̇аанаад̇и. д̇хаммо сагааяанам̣, д̣̇идти сагааяанам̣, бадибад̣̇аа сагааяанам̣, маг̇г̇о сагааяанам̣, сагааяанз д̣̇ал̣хаваад̣̇аа т̇ираваад̣̇аа б̣алигаваад̣̇аа авадтид̇аваад̣̇аад̇и – сагааяанз д̇ад̇т̇а д̣̇ал̣хам̣ вад̣̇аанаа.
Sakāyane tattha daḷhaṃ vadānāti. Dhammo sakāyanaṃ, diṭṭhi sakāyanaṃ, paṭipadā sakāyanaṃ, maggo sakāyanaṃ, sakāyane daḷhavādā thiravādā balikavādā avaṭṭhitavādāti – sakāyane tattha daḷhaṃ vadānā.
д̇знааха бхаг̇аваа –
Tenāha bhagavā –
‘‘ид̇хзва суд̣̇д̇хим̣ ид̇и ваад̣̇аяанд̇и, наан̃н̃зсу д̇хаммзсу висуд̣̇д̇химааху;
‘‘Idheva suddhiṃ iti vādayanti, nāññesu dhammesu visuddhimāhu;
звамби д̇ид̇т̇яаа бут̇усо нивидтаа, сагааяанз д̇ад̇т̇а д̣̇ал̣хам̣ вад̣̇аанаа’’д̇и.
Evampi titthyā puthuso niviṭṭhā, sakāyane tattha daḷhaṃ vadānā’’ti.
128.
128.
сагааяанз вааби д̣̇ал̣хам̣ вад̣̇аано, гамзд̇т̇а 33 б̣аалод̇и барам̣ д̣̇ахзяяа;
Sakāyane vāpi daḷhaṃ vadāno, kamettha34bāloti paraṃ daheyya;
саяам̣ва 35 со мзд̇хаг̇амаавахзяяа, барам̣ вад̣̇ам̣ б̣ааламасуд̣̇д̇хид̇хаммам̣.
Sayaṃva36so medhagamāvaheyya, paraṃ vadaṃ bālamasuddhidhammaṃ.
сагааяанз вааби д̣̇ал̣хам̣ вад̣̇аанод̇и. д̇хаммо сагааяанам̣, д̣̇идти сагааяанам̣, бадибад̣̇аа сагааяанам̣, маг̇г̇о сагааяанам̣, сагааяанз д̣̇ал̣хаваад̣̇о т̇ираваад̣̇о б̣алигаваад̣̇о авадтид̇аваад̣̇од̇и – сагааяанз вааби д̣̇ал̣хам̣ вад̣̇аано.
Sakāyanevāpi daḷhaṃ vadānoti. Dhammo sakāyanaṃ, diṭṭhi sakāyanaṃ, paṭipadā sakāyanaṃ, maggo sakāyanaṃ, sakāyane daḷhavādo thiravādo balikavādo avaṭṭhitavādoti – sakāyane vāpi daḷhaṃ vadāno.
гамзд̇т̇а б̣аалод̇и барам̣ д̣̇ахзяяаад̇и. зд̇т̇аад̇и сагааяа д̣̇идтияаа сагааяа канд̇ияаа сагааяа ружияаа сагааяа лад̣̇д̇хияаа барам̣ б̣аалад̇о хийнад̇о нихийнад̇о омагад̇о лаамагад̇о чад̇уггад̇о барид̇д̇ад̇о гам̣ д̣̇ахзяяа гам̣ бассзяяа гам̣ д̣̇агкзяяа гам̣ ологзяяа гам̣ ниж̇жхааязяяа гам̣ убабаригкзяяаад̇и – гамзд̇т̇а б̣аалод̇и барам̣ д̣̇ахзяяа.
Kametthabāloti paraṃ daheyyāti. Etthāti sakāya diṭṭhiyā sakāya khantiyā sakāya ruciyā sakāya laddhiyā paraṃ bālato hīnato nihīnato omakato lāmakato chatukkato parittato kaṃ daheyya kaṃ passeyya kaṃ dakkheyya kaṃ olokeyya kaṃ nijjhāyeyya kaṃ upaparikkheyyāti – kamettha bāloti paraṃ daheyya.
саяам̣ва со мзд̇хаг̇амаавахзяяа, барам̣ вад̣̇ам̣ б̣ааламасуд̣̇д̇хид̇хамманд̇и. баро б̣аало хийно нихийно омаго лаамаго чад̇угго барид̇д̇о асуд̣̇д̇хид̇хаммо ависуд̣̇д̇хид̇хаммо абарисуд̣̇д̇хид̇хаммо авод̣̇аад̇ад̇хаммод̇и – звам̣ вад̣̇анд̇о звам̣ гат̇знд̇о звам̣ бхан̣анд̇о звам̣ д̣̇ийбаяанд̇о звам̣ вохаранд̇о саяамзва галахам̣ бхан̣д̣анам̣ виг̇г̇ахам̣ виваад̣̇ам̣ мзд̇хаг̇ам̣ аавахзяяа самаавахзяяа аахарзяяа самаахарзяяа аагад̣дхзяяа самаагад̣дхзяяа г̇ан̣хзяяа бараамасзяяа абхинивисзяяаад̇и – саяам̣ва со мзд̇хаг̇амаавахзяяа барам̣ вад̣̇ам̣ б̣ааламасуд̣̇д̇хид̇хаммам̣.
Sayaṃvaso medhagamāvaheyya, paraṃ vadaṃ bālamasuddhidhammanti. Paro bālo hīno nihīno omako lāmako chatukko paritto asuddhidhammo avisuddhidhammo aparisuddhidhammo avodātadhammoti – evaṃ vadanto evaṃ kathento evaṃ bhaṇanto evaṃ dīpayanto evaṃ voharanto sayameva kalahaṃ bhaṇḍanaṃ viggahaṃ vivādaṃ medhagaṃ āvaheyya samāvaheyya āhareyya samāhareyya ākaḍḍheyya samākaḍḍheyya gaṇheyya parāmaseyya abhiniviseyyāti – sayaṃva so medhagamāvaheyya paraṃ vadaṃ bālamasuddhidhammaṃ.
д̇знааха бхаг̇аваа –
Tenāha bhagavā –
‘‘сагааяанз вааби д̣̇ал̣хам̣ вад̣̇аано, гамзд̇т̇а б̣аалод̇и барам̣ д̣̇ахзяяа;
‘‘Sakāyane vāpi daḷhaṃ vadāno, kamettha bāloti paraṃ daheyya;
саяам̣ва со мзд̇хаг̇амаавахзяяа, барам̣ вад̣̇ам̣ б̣ааламасуд̣̇д̇хид̇хамма’’нд̇и.
Sayaṃva so medhagamāvaheyya, paraṃ vadaṃ bālamasuddhidhamma’’nti.
129.
129.
винижчаяз тад̇ваа саяам̣ бамааяа, уд̣̇д̇хам̣са 37 логасмим̣ виваад̣̇амзд̇и;
Vinicchaye ṭhatvā sayaṃ pamāya, uddhaṃsa38lokasmiṃ vivādameti;
хид̇ваана саб̣б̣аани винижчаяаани, на мзд̇хаг̇ам̣ губ̣б̣ад̇и ж̇анд̇у логз.
Hitvāna sabbāni vinicchayāni, na medhagaṃ kubbati jantu loke.
винижчаяз тад̇ваа саяам̣ бамааяаад̇и. винижчаяаа вужжанд̇и д̣̇ваасадти д̣̇идтиг̇ад̇аани. винижчаяад̣̇идтияаа тад̇ваа бад̇идтахид̇ваа г̇ан̣хид̇ваа бараамасид̇ваа абхинивисид̇ваа винижчаяз тад̇ваа. саяам̣ бамааяаад̇и саяам̣ бамааяа баминид̇ваа. ‘‘аяам̣ сад̇т̇аа саб̣б̣ан̃н̃уу’’д̇и саяам̣ бамааяа баминид̇ваа, ‘‘аяам̣ д̇хаммо сваагкаад̇о… аяам̣ г̇ан̣о суббадибанно… аяам̣ д̣̇идти бхад̣̇д̣̇игаа… аяам̣ бадибад̣̇аа субан̃н̃ад̇д̇аа… аяам̣ маг̇г̇о нияяааниго’’д̇и саяам̣ бамааяа баминид̇ваад̇и – винижчаяз тад̇ваа саяам̣ бамааяа.
Vinicchayeṭhatvā sayaṃ pamāyāti. Vinicchayā vuccanti dvāsaṭṭhi diṭṭhigatāni. Vinicchayadiṭṭhiyā ṭhatvā patiṭṭhahitvā gaṇhitvā parāmasitvā abhinivisitvā vinicchaye ṭhatvā. Sayaṃ pamāyāti sayaṃ pamāya paminitvā. ‘‘Ayaṃ satthā sabbaññū’’ti sayaṃ pamāya paminitvā, ‘‘ayaṃ dhammo svākkhāto… ayaṃ gaṇo suppaṭipanno… ayaṃ diṭṭhi bhaddikā… ayaṃ paṭipadā supaññattā… ayaṃ maggo niyyāniko’’ti sayaṃ pamāya paminitvāti – vinicchaye ṭhatvā sayaṃ pamāya.
уд̣̇д̇хам̣са логасмим̣ виваад̣̇амзд̇ийд̇и. уд̣̇д̇хам̣со вужжад̇и анааг̇ад̇ам̣. ад̇д̇ано ваад̣̇ам̣ уд̣̇д̇хам̣ табзд̇ваа саяамзва галахам̣ бхан̣д̣анам̣ виг̇г̇ахам̣ виваад̣̇ам̣ мзд̇хаг̇ам̣ зд̇и убзд̇и убаг̇ажчад̇и г̇ан̣хаад̇и бараамасад̇и абхинивисад̇ийд̇и. звамби уд̣̇д̇хам̣са логасмим̣ виваад̣̇амзд̇и. ат̇а ваа ан̃н̃зна уд̣̇д̇хам̣ ваад̣̇зна сад̣̇д̇хим̣ галахам̣ гарод̇и бхан̣д̣анам̣ гарод̇и виг̇г̇ахам̣ гарод̇и виваад̣̇ам̣ гарод̇и мзд̇хаг̇ам̣ гарод̇и – ‘‘на д̇вам̣ имам̣ д̇хаммавинаяам̣ ааж̇аанааси…бз… ниб̣б̣зтзхи ваа сажз бахосий’’д̇и. звамби уд̣̇д̇хам̣са логасмим̣ виваад̣̇амзд̇и.
Uddhaṃsa lokasmiṃ vivādametīti. Uddhaṃso vuccati anāgataṃ. Attano vādaṃ uddhaṃ ṭhapetvā sayameva kalahaṃ bhaṇḍanaṃ viggahaṃ vivādaṃ medhagaṃ eti upeti upagacchati gaṇhāti parāmasati abhinivisatīti. Evampi uddhaṃsa lokasmiṃ vivādameti. Atha vā aññena uddhaṃ vādena saddhiṃ kalahaṃ karoti bhaṇḍanaṃ karoti viggahaṃ karoti vivādaṃ karoti medhagaṃ karoti – ‘‘na tvaṃ imaṃ dhammavinayaṃ ājānāsi…pe… nibbeṭhehi vā sace pahosī’’ti. Evampi uddhaṃsa lokasmiṃ vivādameti.
хид̇ваана саб̣б̣аани винижчаяаанийд̇и. винижчаяаа вужжанд̇и д̣̇ваасадти д̣̇идтиг̇ад̇аани. д̣̇идтивинижчаяаа саб̣б̣з винижчаяз 39 хид̇ваа жаж̇ид̇ваа барижжаж̇ид̇ваа ж̇ахид̇ваа баж̇ахид̇ваа винод̣̇зд̇ваа б̣яанд̇им̣ гарид̇ваа анабхаавам̣ г̇амзд̇ваад̇и – хид̇ваана саб̣б̣аани винижчаяаани.
Hitvānasabbāni vinicchayānīti. Vinicchayā vuccanti dvāsaṭṭhi diṭṭhigatāni. Diṭṭhivinicchayā sabbe vinicchaye 40 hitvā cajitvā pariccajitvā jahitvā pajahitvā vinodetvā byantiṃ karitvā anabhāvaṃ gametvāti – hitvāna sabbāni vinicchayāni.
на мзд̇хаг̇ам̣ губ̣б̣ад̇и ж̇анд̇у логзд̇и. на галахам̣ гарод̇и, на бхан̣д̣анам̣ гарод̇и, на виг̇г̇ахам̣ гарод̇и, на виваад̣̇ам̣ гарод̇и, на мзд̇хаг̇ам̣ гарод̇и. вуд̇д̇ан̃хзд̇ам̣ бхаг̇авад̇аа – ‘‘звам̣ вимуд̇д̇ажид̇д̇о ко, аг̇г̇ивзссана, бхигку на гзнажи сам̣вад̣̇ад̇и, на гзнажи вивад̣̇ад̇и, яан̃жа логз вуд̇д̇ам̣ д̇зна жа вохарад̇и абараамаса’’нд̇и. ж̇анд̇ууд̇и сад̇д̇о наро маанаво босо буг̇г̇ало ж̇ийво ж̇ааг̇у ж̇анд̇у инд̣̇аг̇у мануж̇о. логзд̇и абааяалогз…бз… ааяад̇аналогзд̇и – на мзд̇хаг̇ам̣ губ̣б̣ад̇и ж̇анд̇у логзд̇и.
Na medhagaṃ kubbati jantu loketi. Na kalahaṃ karoti, na bhaṇḍanaṃ karoti, na viggahaṃ karoti, na vivādaṃ karoti, na medhagaṃ karoti. Vuttañhetaṃ bhagavatā – ‘‘evaṃ vimuttacitto kho, aggivessana, bhikkhu na kenaci saṃvadati, na kenaci vivadati, yañca loke vuttaṃ tena ca voharati aparāmasa’’nti. Jantūti satto naro mānavo poso puggalo jīvo jāgu jantu indagu manujo. Loketi apāyaloke…pe… āyatanaloketi – na medhagaṃ kubbati jantu loketi.
д̇знааха бхаг̇аваа –
Tenāha bhagavā –
‘‘винижчаяз тад̇ваа саяам̣ бамааяа, уд̣̇д̇хам̣са логасмим̣ виваад̣̇амзд̇и;
‘‘Vinicchaye ṭhatvā sayaṃ pamāya, uddhaṃsa lokasmiṃ vivādameti;
хид̇ваана саб̣б̣аани винижчаяаани, на мзд̇хаг̇ам̣ губ̣б̣ад̇и ж̇анд̇у логз’’д̇и.
Hitvāna sabbāni vinicchayāni, na medhagaṃ kubbati jantu loke’’ti.
жуул̣авияуухасуд̇д̇анид̣̇д̣̇зсо д̣̇ваад̣̇асамо.
Cūḷaviyūhasuttaniddeso dvādasamo.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / махаанид̣̇д̣̇зса-адтагат̇аа • Mahāniddesa-aṭṭhakathā / 12. жуул̣аб̣яуухасуд̇д̇анид̣̇д̣̇зсаван̣н̣анаа • 12. Cūḷabyūhasuttaniddesavaṇṇanā
