| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
10. жунд̣̇асуд̇д̇ам̣
10. Cundasuttaṃ
176. звам̣ мз суд̇ам̣ – згам̣ самаяам̣ бхаг̇аваа баавааяам̣ 1 вихарад̇и жунд̣̇асса гаммаарабуд̇д̇асса амб̣аванз. ат̇а ко жунд̣̇о гаммаарабуд̇д̇о язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннам̣ ко жунд̣̇ам̣ гаммаарабуд̇д̇ам̣ бхаг̇аваа зд̇ад̣̇авожа – ‘‘гасса но д̇вам̣, жунд̣̇а, сожзяяаани рожзсий’’д̇и? ‘‘б̣раахман̣аа, бханд̇з, бажчаабхуумагаа гаман̣д̣алугаа сзвааламаалигаа 2 аг̇г̇ибарижааригаа уд̣̇агорохагаа сожзяяаани бан̃н̃абзнд̇и; д̇зсаахам̣ сожзяяаани рожзмий’’д̇и.
176. Evaṃ me sutaṃ – ekaṃ samayaṃ bhagavā pāvāyaṃ 3 viharati cundassa kammāraputtassa ambavane. Atha kho cundo kammāraputto yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinnaṃ kho cundaṃ kammāraputtaṃ bhagavā etadavoca – ‘‘kassa no tvaṃ, cunda, soceyyāni rocesī’’ti? ‘‘Brāhmaṇā, bhante, pacchābhūmakā kamaṇḍalukā sevālamālikā 4 aggiparicārikā udakorohakā soceyyāni paññapenti; tesāhaṃ soceyyāni rocemī’’ti.
‘‘яат̇аа гат̇ам̣ бана, жунд̣̇а, б̣раахман̣аа бажчаабхуумагаа гаман̣д̣алугаа сзвааламаалигаа аг̇г̇ибарижааригаа уд̣̇агорохагаа сожзяяаани бан̃н̃абзнд̇ий’’д̇и? ‘‘ид̇ха, бханд̇з, б̣раахман̣аа бажчаабхуумагаа гаман̣д̣алугаа сзвааламаалигаа аг̇г̇ибарижааригаа уд̣̇агорохагаа. д̇з саавагам̣ 5 звам̣ самаад̣̇абзнд̇и – ‘зхи д̇вам̣, амбхо буриса, гаалассзва 6 удтаханд̇ова 7 саяанамхаа бат̇авим̣ аамасзяяааси; но жз бат̇авим̣ аамасзяяааси, аллаани г̇омаяаани аамасзяяааси; но жз аллаани г̇омаяаани аамасзяяааси, харид̇аани д̇ин̣аани аамасзяяааси; но жз харид̇аани д̇ин̣аани аамасзяяааси, аг̇г̇им̣ барижарзяяааси; но жз аг̇г̇им̣ барижарзяяааси, бан̃ж̇алиго аад̣̇ижжам̣ намассзяяааси; но жз бан̃ж̇алиго аад̣̇ижжам̣ намассзяяааси, сааяад̇ад̇ияагам̣ уд̣̇агам̣ орохзяяаасий’д̇и. звам̣ ко, бханд̇з, б̣раахман̣аа бажчаабхуумагаа гаман̣д̣алугаа сзвааламаалигаа аг̇г̇ибарижааригаа уд̣̇агорохагаа сожзяяаани бан̃н̃абзнд̇и; д̇зсаахам̣ сожзяяаани рожзмий’’д̇и.
‘‘Yathā kathaṃ pana, cunda, brāhmaṇā pacchābhūmakā kamaṇḍalukā sevālamālikā aggiparicārikā udakorohakā soceyyāni paññapentī’’ti? ‘‘Idha, bhante, brāhmaṇā pacchābhūmakā kamaṇḍalukā sevālamālikā aggiparicārikā udakorohakā. Te sāvakaṃ 8 evaṃ samādapenti – ‘ehi tvaṃ, ambho purisa, kālasseva 9 uṭṭhahantova 10 sayanamhā pathaviṃ āmaseyyāsi; no ce pathaviṃ āmaseyyāsi, allāni gomayāni āmaseyyāsi; no ce allāni gomayāni āmaseyyāsi, haritāni tiṇāni āmaseyyāsi; no ce haritāni tiṇāni āmaseyyāsi, aggiṃ paricareyyāsi; no ce aggiṃ paricareyyāsi, pañjaliko ādiccaṃ namasseyyāsi; no ce pañjaliko ādiccaṃ namasseyyāsi, sāyatatiyakaṃ udakaṃ oroheyyāsī’ti. Evaṃ kho, bhante, brāhmaṇā pacchābhūmakā kamaṇḍalukā sevālamālikā aggiparicārikā udakorohakā soceyyāni paññapenti; tesāhaṃ soceyyāni rocemī’’ti.
‘‘ан̃н̃ат̇аа ко, жунд̣̇а, б̣раахман̣аа бажчаабхуумагаа гаман̣д̣алугаа сзвааламаалигаа аг̇г̇ибарижааригаа уд̣̇агорохагаа сожзяяаани бан̃н̃абзнд̇и, ан̃н̃ат̇аа жа бана арияасса винаяз сожзяяам̣ ход̇ий’’д̇и. ‘‘яат̇аа гат̇ам̣ бана, бханд̇з, арияасса винаяз сожзяяам̣ ход̇и? саад̇ху мз, бханд̇з, бхаг̇аваа д̇ат̇аа д̇хаммам̣ д̣̇зсзд̇у яат̇аа арияасса винаяз сожзяяам̣ ход̇ий’’д̇и.
‘‘Aññathā kho, cunda, brāhmaṇā pacchābhūmakā kamaṇḍalukā sevālamālikā aggiparicārikā udakorohakā soceyyāni paññapenti, aññathā ca pana ariyassa vinaye soceyyaṃ hotī’’ti. ‘‘Yathā kathaṃ pana, bhante, ariyassa vinaye soceyyaṃ hoti? Sādhu me, bhante, bhagavā tathā dhammaṃ desetu yathā ariyassa vinaye soceyyaṃ hotī’’ti.
‘‘д̇зна хи, жунд̣̇а, сун̣аахи, саад̇хугам̣ манаси гарохи; бхаасиссаамий’’д̇и. ‘‘звам̣, бханд̇з’’д̇и ко жунд̣̇о гаммаарабуд̇д̇о бхаг̇авад̇о бажжассоси. бхаг̇аваа зд̇ад̣̇авожа –
‘‘Tena hi, cunda, suṇāhi, sādhukaṃ manasi karohi; bhāsissāmī’’ti. ‘‘Evaṃ, bhante’’ti kho cundo kammāraputto bhagavato paccassosi. Bhagavā etadavoca –
‘‘д̇ивид̇хам̣ ко, жунд̣̇а, гааязна асожзяяам̣ ход̇и; жад̇уб̣б̣ид̇хам̣ ваажааяа асожзяяам̣ ход̇и; д̇ивид̇хам̣ манасаа асожзяяам̣ ход̇и.
‘‘Tividhaṃ kho, cunda, kāyena asoceyyaṃ hoti; catubbidhaṃ vācāya asoceyyaṃ hoti; tividhaṃ manasā asoceyyaṃ hoti.
‘‘гат̇ан̃жа, жунд̣̇а, д̇ивид̇хам̣ гааязна асожзяяам̣ ход̇и? ‘‘ид̇ха, жунд̣̇а, згажжо баан̣аад̇ибаад̇ий ход̇и луд̣̇д̣̇о лохид̇абаан̣и хад̇абахад̇з нивидто ад̣̇аяаабанно саб̣б̣абаан̣абхууд̇зсу 11.
‘‘Kathañca, cunda, tividhaṃ kāyena asoceyyaṃ hoti? ‘‘Idha, cunda, ekacco pāṇātipātī hoti luddo lohitapāṇi hatapahate niviṭṭho adayāpanno sabbapāṇabhūtesu 12.
‘‘ад̣̇иннаад̣̇ааяий ход̇и. яам̣ д̇ам̣ барасса баравид̇д̇уубагаран̣ам̣ г̇аамаг̇ад̇ам̣ ваа аран̃н̃аг̇ад̇ам̣ ваа д̇ам̣ ад̣̇иннам̣ т̇зяяасан̇каад̇ам̣ аад̣̇аад̇аа ход̇и.
‘‘Adinnādāyī hoti. Yaṃ taṃ parassa paravittūpakaraṇaṃ gāmagataṃ vā araññagataṃ vā taṃ adinnaṃ theyyasaṅkhātaṃ ādātā hoti.
‘‘гаамзсумижчаажаарий ход̇и. яаа д̇аа маад̇урагкид̇аа бид̇урагкид̇аа маад̇аабид̇урагкид̇аа 13 бхаад̇урагкид̇аа бхаг̇инирагкид̇аа н̃аад̇ирагкид̇аа г̇од̇д̇арагкид̇аа 14 д̇хаммарагкид̇аа сасаамигаа сабарид̣̇ан̣д̣аа анд̇амасо маалааг̇ул̣абаригкид̇д̇ааби, д̇ат̇ааруубаасу жаарид̇д̇ам̣ аабаж̇ж̇ид̇аа ход̇и. звам̣ ко, жунд̣̇а, д̇ивид̇хам̣ гааязна асожзяяам̣ ход̇и.
‘‘гат̇ан̃жа , жунд̣̇а, жад̇уб̣б̣ид̇хам̣ ваажааяа асожзяяам̣ ход̇и? ид̇ха, жунд̣̇а, згажжо мусааваад̣̇ий ход̇и. сабхаг̇г̇ад̇о ваа барисаг̇г̇ад̇о ваа н̃аад̇имаж̇жхаг̇ад̇о ваа бууг̇амаж̇жхаг̇ад̇о ваа рааж̇агуламаж̇жхаг̇ад̇о ваа абхинийд̇о сагкибудто – ‘зхамбхо буриса, яам̣ ж̇аанааси д̇ам̣ вад̣̇зхий’д̇и 17, со аж̇аанам̣ ваа ааха ‘ж̇аанаамий’д̇и, ж̇аанам̣ ваа ааха ‘на ж̇аанаамий’д̇и; абассам̣ ваа ааха ‘бассаамий’д̇и, бассам̣ ваа ааха ‘на бассаамий’д̇и 18. ид̇и ад̇д̇ахзд̇у ваа барахзд̇у ваа аамисагин̃жигкахзд̇у ваа самбаж̇аанамусаа бхаасид̇аа ход̇и.
‘‘Kathañca , cunda, catubbidhaṃ vācāya asoceyyaṃ hoti? Idha, cunda, ekacco musāvādī hoti. Sabhaggato vā parisaggato vā ñātimajjhagato vā pūgamajjhagato vā rājakulamajjhagato vā abhinīto sakkhipuṭṭho – ‘ehambho purisa, yaṃ jānāsi taṃ vadehī’ti 19, so ajānaṃ vā āha ‘jānāmī’ti, jānaṃ vā āha ‘na jānāmī’ti; apassaṃ vā āha ‘passāmī’ti, passaṃ vā āha ‘na passāmī’ti 20. Iti attahetu vā parahetu vā āmisakiñcikkhahetu vā sampajānamusā bhāsitā hoti.
‘‘бисун̣аваажо ход̇и. ид̇о суд̇ваа амуд̇ра агкаад̇аа имзсам̣ бхзд̣̇ааяа, амуд̇ра ваа суд̇ваа имзсам̣ агкаад̇аа амуусам̣ бхзд̣̇ааяа. ид̇и самаг̇г̇аанам̣ ваа бхзд̇д̇аа 21, бхиннаанам̣ ваа ануббад̣̇аад̇аа, ваг̇г̇аараамо ваг̇г̇арад̇о ваг̇г̇ананд̣̇ий ваг̇г̇агаран̣им̣ ваажам̣ бхаасид̇аа ход̇и.
‘‘Pisuṇavāco hoti. Ito sutvā amutra akkhātā imesaṃ bhedāya, amutra vā sutvā imesaṃ akkhātā amūsaṃ bhedāya. Iti samaggānaṃ vā bhettā 22, bhinnānaṃ vā anuppadātā, vaggārāmo vaggarato vagganandī vaggakaraṇiṃ vācaṃ bhāsitā hoti.
‘‘парусаваажо ход̇и. яаа саа ваажаа ан̣д̣агаа гаггасаа барагадугаа бараабхисаж̇ж̇аний год̇хасааманд̇аа асамаад̇хисам̣вад̇д̇анигаа, д̇ат̇ааруубим̣ ваажам̣ бхаасид̇аа ход̇и.
‘‘Pharusavāco hoti. Yā sā vācā aṇḍakā kakkasā parakaṭukā parābhisajjanī kodhasāmantā asamādhisaṃvattanikā, tathārūpiṃ vācaṃ bhāsitā hoti.
‘‘сампаббалаабий ход̇и агаалаваад̣̇ий абхууд̇аваад̣̇ий анад̇т̇аваад̣̇ий ад̇хаммаваад̣̇ий авинаяаваад̣̇ий; анид̇хаанавад̇им̣ ваажам̣ бхаасид̇аа ход̇и агаалзна анабад̣̇зсам̣ абарияанд̇авад̇им̣ анад̇т̇асам̣хид̇ам̣. звам̣ ко, жунд̣̇а, жад̇уб̣б̣ид̇хам̣ ваажааяа асожзяяам̣ ход̇и.
‘‘Samphappalāpī hoti akālavādī abhūtavādī anatthavādī adhammavādī avinayavādī; anidhānavatiṃ vācaṃ bhāsitā hoti akālena anapadesaṃ apariyantavatiṃ anatthasaṃhitaṃ. Evaṃ kho, cunda, catubbidhaṃ vācāya asoceyyaṃ hoti.
‘‘гат̇ан̃жа, жунд̣̇а, д̇ивид̇хам̣ манасаа асожзяяам̣ ход̇и? ид̇ха, жунд̣̇а, згажжо абхиж̇жхаалу ход̇и. яам̣ д̇ам̣ барасса баравид̇д̇уубагаран̣ам̣ д̇ам̣ абхиж̇жхаад̇аа 23 ход̇и – ‘ахо вад̇а яам̣ барасса д̇ам̣ мамассаа’д̇и.
‘‘Kathañca, cunda, tividhaṃ manasā asoceyyaṃ hoti? Idha, cunda, ekacco abhijjhālu hoti. Yaṃ taṃ parassa paravittūpakaraṇaṃ taṃ abhijjhātā 24 hoti – ‘aho vata yaṃ parassa taṃ mamassā’ti.
‘‘б̣яаабаннажид̇д̇о ход̇и бад̣̇удтаманасан̇габбо – ‘имз сад̇д̇аа хан̃н̃анд̇у ваа б̣аж̇жханд̇у ваа ужчиж̇ж̇анд̇у ваа винассанд̇у ваа маа ваа ахзсу’нд̇и 25.
‘‘Byāpannacitto hoti paduṭṭhamanasaṅkappo – ‘ime sattā haññantu vā bajjhantu vā ucchijjantu vā vinassantu vā mā vā ahesu’nti 26.
‘‘мижчаад̣̇идтиго ход̇и вибарийд̇ад̣̇ассано – ‘над̇т̇и д̣̇иннам̣, над̇т̇и яидтам̣, над̇т̇и худ̇ам̣, над̇т̇и сугадад̣̇уггадаанам̣ 27 гаммаанам̣ палам̣ вибааго, над̇т̇и аяам̣ лого, над̇т̇и баро лого, над̇т̇и маад̇аа, над̇т̇и бид̇аа, над̇т̇и сад̇д̇аа обабаад̇игаа, над̇т̇и логз саман̣аб̣раахман̣аа саммаг̇г̇ад̇аа саммаабадибаннаа яз иман̃жа логам̣ баран̃жа логам̣ саяам̣ абхин̃н̃аа сажчигад̇ваа бавзд̣̇знд̇ий’д̇и. звам̣ ко, жунд̣̇а, манасаа д̇ивид̇хам̣ асожзяяам̣ ход̇и.
‘‘Micchādiṭṭhiko hoti viparītadassano – ‘natthi dinnaṃ, natthi yiṭṭhaṃ, natthi hutaṃ, natthi sukaṭadukkaṭānaṃ 28 kammānaṃ phalaṃ vipāko, natthi ayaṃ loko, natthi paro loko, natthi mātā, natthi pitā, natthi sattā opapātikā, natthi loke samaṇabrāhmaṇā sammaggatā sammāpaṭipannā ye imañca lokaṃ parañca lokaṃ sayaṃ abhiññā sacchikatvā pavedentī’ti. Evaṃ kho, cunda, manasā tividhaṃ asoceyyaṃ hoti.
‘‘имз ко, жунд̣̇а, д̣̇аса агусалагаммабат̇аа 29. имзхи ко, жунд̣̇а, д̣̇асахи агусалзхи гаммабат̇зхи саманнааг̇ад̇о гаалассзва удтаханд̇ова саяанамхаа бат̇авим̣ жзби аамасад̇и, асужиязва ход̇и; но жзби бат̇авим̣ аамасад̇и, асужиязва ход̇и.
‘‘Ime kho, cunda, dasa akusalakammapathā 30. Imehi kho, cunda, dasahi akusalehi kammapathehi samannāgato kālasseva uṭṭhahantova sayanamhā pathaviṃ cepi āmasati, asuciyeva hoti; no cepi pathaviṃ āmasati, asuciyeva hoti.
‘‘аллаани жзби г̇омаяаани аамасад̇и, асужиязва ход̇и; но жзби аллаани г̇омаяаани аамасад̇и, асужиязва ход̇и.
‘‘Allāni cepi gomayāni āmasati, asuciyeva hoti; no cepi allāni gomayāni āmasati, asuciyeva hoti.
‘‘харид̇аани жзби д̇ин̣аани аамасад̇и, асужиязва ход̇и; но жзби харид̇аани д̇ин̣аани аамасад̇и, асужиязва ход̇и.
‘‘Haritāni cepi tiṇāni āmasati, asuciyeva hoti; no cepi haritāni tiṇāni āmasati, asuciyeva hoti.
‘‘аг̇г̇им̣ жзби барижарад̇и, асужиязва ход̇и, но жзби аг̇г̇им̣ барижарад̇и, асужиязва ход̇и.
‘‘Aggiṃ cepi paricarati, asuciyeva hoti, no cepi aggiṃ paricarati, asuciyeva hoti.
‘‘бан̃ж̇алиго жзби аад̣̇ижжам̣ намассад̇и, асужиязва ход̇и; но жзби бан̃ж̇алиго аад̣̇ижжам̣ намассад̇и, асужиязва ход̇и.
‘‘Pañjaliko cepi ādiccaṃ namassati, asuciyeva hoti; no cepi pañjaliko ādiccaṃ namassati, asuciyeva hoti.
‘‘сааяад̇ад̇ияагам̣ жзби уд̣̇агам̣ орохад̇и, асужиязва ход̇и; но жзби сааяад̇ад̇ияагам̣ уд̣̇агам̣ орохад̇и, асужиязва ход̇и. д̇ам̣ гисса хзд̇у? имз, жунд̣̇а, д̣̇аса агусалагаммабат̇аа асужийязва 31 хонд̇и асужигаран̣аа жа.
‘‘Sāyatatiyakaṃ cepi udakaṃ orohati, asuciyeva hoti; no cepi sāyatatiyakaṃ udakaṃ orohati, asuciyeva hoti. Taṃ kissa hetu? Ime, cunda, dasa akusalakammapathā asucīyeva 32 honti asucikaraṇā ca.
‘‘д̇ивид̇хам̣ ко, жунд̣̇а, гааязна сожзяяам̣ ход̇и; жад̇уб̣б̣ид̇хам̣ ваажааяа сожзяяам̣ ход̇и; д̇ивид̇хам̣ манасаа сожзяяам̣ ход̇и.
‘‘Tividhaṃ kho, cunda, kāyena soceyyaṃ hoti; catubbidhaṃ vācāya soceyyaṃ hoti; tividhaṃ manasā soceyyaṃ hoti.
‘‘гат̇ам̣ , жунд̣̇а, д̇ивид̇хам̣ гааязна сожзяяам̣ ход̇и? ид̇ха, жунд̣̇а, згажжо баан̣аад̇ибаад̇ам̣ бахааяа баан̣аад̇ибаад̇аа бадивирад̇о ход̇и нихид̇ад̣̇ан̣д̣о нихид̇асад̇т̇о, лаж̇ж̇ий д̣̇аяаабанно, саб̣б̣абаан̣абхууд̇ахид̇аанугамбий вихарад̇и.
‘‘Kathaṃ , cunda, tividhaṃ kāyena soceyyaṃ hoti? Idha, cunda, ekacco pāṇātipātaṃ pahāya pāṇātipātā paṭivirato hoti nihitadaṇḍo nihitasattho, lajjī dayāpanno, sabbapāṇabhūtahitānukampī viharati.
‘‘ад̣̇иннаад̣̇аанам̣ бахааяа, ад̣̇иннаад̣̇аанаа бадивирад̇о ход̇и. яам̣ д̇ам̣ барасса баравид̇д̇уубагаран̣ам̣ г̇аамаг̇ад̇ам̣ ваа аран̃н̃аг̇ад̇ам̣ ваа, на д̇ам̣ ад̣̇иннам̣ 37 т̇зяяасан̇каад̇ам̣ аад̣̇аад̇аа ход̇и.
‘‘Adinnādānaṃ pahāya, adinnādānā paṭivirato hoti. Yaṃ taṃ parassa paravittūpakaraṇaṃ gāmagataṃ vā araññagataṃ vā, na taṃ adinnaṃ 38 theyyasaṅkhātaṃ ādātā hoti.
‘‘гаамзсумижчаажаарам̣ бахааяа, гаамзсумижчаажаараа бадивирад̇о ход̇и яаа д̇аа маад̇урагкид̇аа бид̇урагкид̇аа маад̇аабид̇урагкид̇аа бхаад̇урагкид̇аа бхаг̇инирагкид̇аа н̃аад̇ирагкид̇аа г̇од̇д̇арагкид̇аа д̇хаммарагкид̇аа сасаамигаа сабарид̣̇ан̣д̣аа анд̇амасо маалааг̇ул̣абаригкид̇д̇ааби, д̇ат̇ааруубаасу на жаарид̇д̇ам̣ аабаж̇ж̇ид̇аа ход̇и. звам̣ ко, жунд̣̇а, д̇ивид̇хам̣ гааязна сожзяяам̣ ход̇и.
‘‘Kāmesumicchācāraṃ pahāya, kāmesumicchācārā paṭivirato hoti yā tā māturakkhitā piturakkhitā mātāpiturakkhitā bhāturakkhitā bhaginirakkhitā ñātirakkhitā gottarakkhitā dhammarakkhitā sasāmikā saparidaṇḍā antamaso mālāguḷaparikkhittāpi, tathārūpāsu na cārittaṃ āpajjitā hoti. Evaṃ kho, cunda, tividhaṃ kāyena soceyyaṃ hoti.
‘‘гат̇ан̃жа, жунд̣̇а, жад̇уб̣б̣ид̇хам̣ ваажааяа сожзяяам̣ ход̇и? ид̇ха, жунд̣̇а, згажжо мусааваад̣̇ам̣ бахааяа мусааваад̣̇аа бадивирад̇о ход̇и. сабхаг̇г̇ад̇о ваа барисаг̇г̇ад̇о ваа н̃аад̇имаж̇жхаг̇ад̇о ваа бууг̇амаж̇жхаг̇ад̇о ваа рааж̇агуламаж̇жхаг̇ад̇о ваа абхинийд̇о сагкибудто – ‘зхамбхо буриса, яам̣ ж̇аанааси д̇ам̣ вад̣̇зхий’д̇и, со аж̇аанам̣ ваа ааха ‘на ж̇аанаамий’д̇и, ж̇аанам̣ ваа ааха ‘ж̇аанаамий’д̇и, абассам̣ ваа ааха ‘на бассаамий’д̇и, бассам̣ ваа ааха ‘бассаамий’д̇и. ид̇и ад̇д̇ахзд̇у ваа барахзд̇у ваа аамисагин̃жигкахзд̇у ваа на самбаж̇аанамусаа бхаасид̇аа ход̇и.
‘‘Kathañca, cunda, catubbidhaṃ vācāya soceyyaṃ hoti? Idha, cunda, ekacco musāvādaṃ pahāya musāvādā paṭivirato hoti. Sabhaggato vā parisaggato vā ñātimajjhagato vā pūgamajjhagato vā rājakulamajjhagato vā abhinīto sakkhipuṭṭho – ‘ehambho purisa, yaṃ jānāsi taṃ vadehī’ti, so ajānaṃ vā āha ‘na jānāmī’ti, jānaṃ vā āha ‘jānāmī’ti, apassaṃ vā āha ‘na passāmī’ti, passaṃ vā āha ‘passāmī’ti. Iti attahetu vā parahetu vā āmisakiñcikkhahetu vā na sampajānamusā bhāsitā hoti.
‘‘бисун̣ам̣ ваажам̣ бахааяа, бисун̣ааяа ваажааяа бадивирад̇о ход̇и – на ид̇о суд̇ваа амуд̇ра агкаад̇аа имзсам̣ бхзд̣̇ааяа, на амуд̇ра ваа суд̇ваа имзсам̣ агкаад̇аа амуусам̣ бхзд̣̇ааяа. ид̇и бхиннаанам̣ ваа санд̇хаад̇аа сахид̇аанам̣ ваа ануббад̣̇аад̇аа самаг̇г̇аараамо самаг̇г̇арад̇о самаг̇г̇ананд̣̇ий самаг̇г̇агаран̣им̣ ваажам̣ бхаасид̇аа ход̇и.
‘‘Pisuṇaṃ vācaṃ pahāya, pisuṇāya vācāya paṭivirato hoti – na ito sutvā amutra akkhātā imesaṃ bhedāya, na amutra vā sutvā imesaṃ akkhātā amūsaṃ bhedāya. Iti bhinnānaṃ vā sandhātā sahitānaṃ vā anuppadātā samaggārāmo samaggarato samagganandī samaggakaraṇiṃ vācaṃ bhāsitā hoti.
‘‘парусам̣ ваажам̣ бахааяа, парусааяа ваажааяа бадивирад̇о ход̇и. яаа саа ваажаа нзлаа ган̣н̣асукаа бзманийяаа хад̣̇аяан̇г̇амаа борий б̣ахуж̇анаганд̇аа б̣ахуж̇анаманаабаа, д̇ат̇ааруубим̣ ваажам̣ бхаасид̇аа ход̇и.
‘‘Pharusaṃ vācaṃ pahāya, pharusāya vācāya paṭivirato hoti. Yā sā vācā nelā kaṇṇasukhā pemanīyā hadayaṅgamā porī bahujanakantā bahujanamanāpā, tathārūpiṃ vācaṃ bhāsitā hoti.
‘‘сампаббалаабам̣ бахааяа, сампаббалаабаа бадивирад̇о ход̇и гаалаваад̣̇ий бхууд̇аваад̣̇ий ад̇т̇аваад̣̇ий д̇хаммаваад̣̇ий винаяаваад̣̇ий; нид̇хаанавад̇им̣ ваажам̣ бхаасид̇аа ход̇и гаалзна саабад̣̇зсам̣ барияанд̇авад̇им̣ ад̇т̇асам̣хид̇ам̣. звам̣ ко, жунд̣̇а , жад̇уб̣б̣ид̇хам̣ ваажааяа сожзяяам̣ ход̇и.
‘‘Samphappalāpaṃ pahāya, samphappalāpā paṭivirato hoti kālavādī bhūtavādī atthavādī dhammavādī vinayavādī; nidhānavatiṃ vācaṃ bhāsitā hoti kālena sāpadesaṃ pariyantavatiṃ atthasaṃhitaṃ. Evaṃ kho, cunda , catubbidhaṃ vācāya soceyyaṃ hoti.
‘‘гат̇ан̃жа , жунд̣̇а, д̇ивид̇хам̣ манасаа сожзяяам̣ ход̇и? ид̇ха, жунд̣̇а, згажжо анабхиж̇жхаалу ход̇и. яам̣ д̇ам̣ барасса баравид̇д̇уубагаран̣ам̣ д̇ам̣ анабхиж̇жхид̇аа ход̇и – ‘ахо вад̇а яам̣ барасса д̇ам̣ мамассаа’д̇и.
‘‘Kathañca , cunda, tividhaṃ manasā soceyyaṃ hoti? Idha, cunda, ekacco anabhijjhālu hoti. Yaṃ taṃ parassa paravittūpakaraṇaṃ taṃ anabhijjhitā hoti – ‘aho vata yaṃ parassa taṃ mamassā’ti.
‘‘аб̣яаабаннажид̇д̇о ход̇и аббад̣̇удтаманасан̇габбо – ‘имз сад̇д̇аа авзраа хонд̇у 39 аб̣яаабаж̇ж̇аа, анийгхаа сукий ад̇д̇аанам̣ барихаранд̇уу’д̇и.
‘‘Abyāpannacitto hoti appaduṭṭhamanasaṅkappo – ‘ime sattā averā hontu 40 abyāpajjā, anīghā sukhī attānaṃ pariharantū’ti.
‘‘саммаад̣̇идтиго ход̇и авибарийд̇ад̣̇ассано – ‘ад̇т̇и д̣̇иннам̣, ад̇т̇и яидтам̣, ад̇т̇и худ̇ам̣, ад̇т̇и сугадад̣̇уггадаанам̣ гаммаанам̣ палам̣ вибааго, ад̇т̇и аяам̣ лого, ад̇т̇и баро лого, ад̇т̇и маад̇аа, ад̇т̇и бид̇аа, ад̇т̇и сад̇д̇аа обабаад̇игаа, ад̇т̇и логз саман̣аб̣раахман̣аа саммаг̇г̇ад̇аа саммаабадибаннаа яз иман̃жа логам̣ баран̃жа логам̣ саяам̣ абхин̃н̃аа сажчигад̇ваа бавзд̣̇знд̇ий’д̇и. звам̣ ко, жунд̣̇а, д̇ивид̇хам̣ манасаа сожзяяам̣ ход̇и.
‘‘Sammādiṭṭhiko hoti aviparītadassano – ‘atthi dinnaṃ, atthi yiṭṭhaṃ, atthi hutaṃ, atthi sukaṭadukkaṭānaṃ kammānaṃ phalaṃ vipāko, atthi ayaṃ loko, atthi paro loko, atthi mātā, atthi pitā, atthi sattā opapātikā, atthi loke samaṇabrāhmaṇā sammaggatā sammāpaṭipannā ye imañca lokaṃ parañca lokaṃ sayaṃ abhiññā sacchikatvā pavedentī’ti. Evaṃ kho, cunda, tividhaṃ manasā soceyyaṃ hoti.
‘‘имз ко, жунд̣̇а, д̣̇аса гусалагаммабат̇аа. имзхи ко, жунд̣̇а, д̣̇асахи гусалзхи гаммабат̇зхи саманнааг̇ад̇о гаалассзва удтаханд̇ова саяанамхаа бат̇авим̣ жзби аамасад̇и, сужиязва ход̇и; но жзби бат̇авим̣ аамасад̇и, сужиязва ход̇и.
‘‘Ime kho, cunda, dasa kusalakammapathā. Imehi kho, cunda, dasahi kusalehi kammapathehi samannāgato kālasseva uṭṭhahantova sayanamhā pathaviṃ cepi āmasati, suciyeva hoti; no cepi pathaviṃ āmasati, suciyeva hoti.
‘‘аллаани жзби г̇омаяаани аамасад̇и, сужиязва ход̇и; но жзби аллаани г̇омаяаани аамасад̇и, сужиязва ход̇и.
‘‘Allāni cepi gomayāni āmasati, suciyeva hoti; no cepi allāni gomayāni āmasati, suciyeva hoti.
‘‘харид̇аани жзби д̇ин̣аани аамасад̇и, сужиязва ход̇и; но жзби харид̇аани д̇ин̣аани аамасад̇и, сужиязва ход̇и.
‘‘Haritāni cepi tiṇāni āmasati, suciyeva hoti; no cepi haritāni tiṇāni āmasati, suciyeva hoti.
‘‘аг̇г̇им̣ жзби барижарад̇и, сужиязва ход̇и; но жзби аг̇г̇им̣ барижарад̇и, сужиязва ход̇и.
‘‘Aggiṃ cepi paricarati, suciyeva hoti; no cepi aggiṃ paricarati, suciyeva hoti.
‘‘бан̃ж̇алиго жзби аад̣̇ижжам̣ намассад̇и, сужиязва ход̇и; но жзби бан̃ж̇алиго аад̣̇ижжам̣ намассад̇и , сужиязва ход̇и.
‘‘Pañjaliko cepi ādiccaṃ namassati, suciyeva hoti; no cepi pañjaliko ādiccaṃ namassati , suciyeva hoti.
‘‘сааяад̇ад̇ияагам̣ жзби уд̣̇агам̣ орохад̇и, сужиязва ход̇и; но жзби сааяад̇ад̇ияагам̣ уд̣̇агам̣ орохад̇и, сужиязва ход̇и. д̇ам̣ гисса хзд̇у? имз, жунд̣̇а, д̣̇аса гусалагаммабат̇аа сужийязва хонд̇и сужигаран̣аа жа.
‘‘Sāyatatiyakaṃ cepi udakaṃ orohati, suciyeva hoti; no cepi sāyatatiyakaṃ udakaṃ orohati, suciyeva hoti. Taṃ kissa hetu? Ime, cunda, dasa kusalakammapathā sucīyeva honti sucikaraṇā ca.
‘‘имзсам̣ бана, жунд̣̇а, д̣̇асаннам̣ гусалаанам̣ гаммабат̇аанам̣ саманнааг̇аманахзд̇у д̣̇зваа бан̃н̃ааяанд̇и, мануссаа бан̃н̃ааяанд̇и, яаа ваа банан̃н̃ааби гаажи суг̇ад̇ияо’’д̇и 41.
‘‘Imesaṃ pana, cunda, dasannaṃ kusalānaṃ kammapathānaṃ samannāgamanahetu devā paññāyanti, manussā paññāyanti, yā vā panaññāpi kāci sugatiyo’’ti 42.
звам̣ вуд̇д̇з жунд̣̇о гаммаарабуд̇д̇о бхаг̇аванд̇ам̣ зд̇ад̣̇авожа – ‘‘абхигганд̇ам̣, бханд̇з…бз… убаасагам̣ мам̣, бханд̇з, бхаг̇аваа д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇а’’нд̇и. д̣̇асамам̣.
Evaṃ vutte cundo kammāraputto bhagavantaṃ etadavoca – ‘‘abhikkantaṃ, bhante…pe… upāsakaṃ maṃ, bhante, bhagavā dhāretu ajjatagge pāṇupetaṃ saraṇaṃ gata’’nti. Dasamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 10. жунд̣̇асуд̇д̇аван̣н̣анаа • 10. Cundasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-44. б̣раахман̣абажжорохан̣ийсуд̇д̇аад̣̇иван̣н̣анаа • 1-44. Brāhmaṇapaccorohaṇīsuttādivaṇṇanā
