| Library / Tipiṭaka / д̇ибидага • Tipiṭaka / уд̣̇аана-адтагат̇аа • Udāna-aṭṭhakathā |
5. жунд̣̇асуд̇д̇аван̣н̣анаа
5. Cundasuttavaṇṇanā
75. бан̃жамз маллзсууд̇и звам̣наамагз ж̇анабад̣̇з. махад̇аа бхигкусан̇гхзнаад̇и г̇ун̣амахад̇д̇асан̇кяаамахад̇д̇зхи махад̇аа. со хи бхигкусан̇гхо сийлаад̣̇иг̇ун̣ависзсаяог̇знаби махаа д̇ад̇т̇а саб̣б̣абажчимагасса сод̇аабаннабхаавад̇о, сан̇кяаамахад̇д̇знаби махаа абарижчиннаг̇ан̣анад̇д̇аа. ааяусан̇каароссаж̇ж̇анад̇о бадтааяа хи ааг̇ад̇ааг̇ад̇аа бхигкуу на баггамим̣су. жунд̣̇ассаад̇и звам̣наамагасса. гаммаарабуд̇д̇ассаад̇и суван̣н̣агаарабуд̇д̇асса. со гира ад̣дхо махаагудумб̣иго бхаг̇авад̇о батамад̣̇ассанзнзва сод̇аабанно худ̇ваа ад̇д̇ано амб̣аванз сад̇т̇увасанаанужчавигам̣ г̇анд̇хагудим̣, бхигкусан̇гхасса жа рад̇д̇идтаанад̣̇иваадтаанаубадтаанасаалаагудиман̣д̣абажан̇гаманаад̣̇игз жа самбаад̣̇зд̇ваа баагаарабаригкид̇д̇ам̣ д̣̇ваарагодтагаяуд̇д̇ам̣ вихаарам̣ гад̇ваа б̣уд̣̇д̇хаббамукасса сан̇гхасса нияяаад̣̇зси. д̇ам̣ санд̇хааяа вуд̇д̇ам̣ – ‘‘д̇ад̇ра суд̣̇ам̣ бхаг̇аваа баавааяам̣ вихарад̇и жунд̣̇асса гаммаарабуд̇д̇асса амб̣аванз’’д̇и.
75. Pañcame mallesūti evaṃnāmake janapade. Mahatā bhikkhusaṅghenāti guṇamahattasaṅkhyāmahattehi mahatā. So hi bhikkhusaṅgho sīlādiguṇavisesayogenapi mahā tattha sabbapacchimakassa sotāpannabhāvato, saṅkhyāmahattenapi mahā aparicchinnagaṇanattā. Āyusaṅkhārossajjanato paṭṭhāya hi āgatāgatā bhikkhū na pakkamiṃsu. Cundassāti evaṃnāmakassa. Kammāraputtassāti suvaṇṇakāraputtassa. So kira aḍḍho mahākuṭumbiko bhagavato paṭhamadassaneneva sotāpanno hutvā attano ambavane satthuvasanānucchavikaṃ gandhakuṭiṃ, bhikkhusaṅghassa ca rattiṭṭhānadivāṭṭhānaupaṭṭhānasālākuṭimaṇḍapacaṅkamanādike ca sampādetvā pākāraparikkhittaṃ dvārakoṭṭhakayuttaṃ vihāraṃ katvā buddhappamukhassa saṅghassa niyyādesi. Taṃ sandhāya vuttaṃ – ‘‘tatra sudaṃ bhagavā pāvāyaṃ viharati cundassa kammāraputtassa ambavane’’ti.
бадияаад̣̇аабзд̇ваад̇и самбаад̣̇зд̇ваа. ‘‘суугарамад̣̇д̣̇аванд̇и суугарасса муд̣̇усинид̣̇д̇хам̣ бавад̇д̇амам̣са’’нд̇и махааадтагат̇ааяам̣ вуд̇д̇ам̣. гзжи бана ‘‘суугарамад̣̇д̣̇аванд̇и на суугарамам̣сам̣, суугарзхи мад̣̇д̣̇ид̇авам̣сагал̣ийро’’д̇и вад̣̇анд̇и. ан̃н̃з ‘‘суугарзхи мад̣̇д̣̇ид̇аббад̣̇зсз ж̇аад̇ам̣ ахичад̇д̇ага’’нд̇и. абарз бана ‘‘суугарамад̣̇д̣̇авам̣ наама згам̣ расааяана’’нд̇и бхан̣им̣су . д̇ан̃хи жунд̣̇о гаммаарабуд̇д̇о ‘‘аж̇ж̇а бхаг̇аваа бариниб̣б̣ааяиссад̇ий’’д̇и суд̇ваа ‘‘аббзва наама нам̣ барибхун̃ж̇ид̇ваа жирад̇арам̣ д̇идтзяяаа’’д̇и сад̇т̇у жираж̇ийвид̇угамяад̇ааяа ад̣̇аасийд̇и вад̣̇анд̇и.
Paṭiyādāpetvāti sampādetvā. ‘‘Sūkaramaddavanti sūkarassa mudusiniddhaṃ pavattamaṃsa’’nti mahāaṭṭhakathāyaṃ vuttaṃ. Keci pana ‘‘sūkaramaddavanti na sūkaramaṃsaṃ, sūkarehi madditavaṃsakaḷīro’’ti vadanti. Aññe ‘‘sūkarehi madditappadese jātaṃ ahichattaka’’nti. Apare pana ‘‘sūkaramaddavaṃ nāma ekaṃ rasāyana’’nti bhaṇiṃsu . Tañhi cundo kammāraputto ‘‘ajja bhagavā parinibbāyissatī’’ti sutvā ‘‘appeva nāma naṃ paribhuñjitvā cirataraṃ tiṭṭheyyā’’ti satthu cirajīvitukamyatāya adāsīti vadanti.
д̇зна мам̣ баривисаад̇и д̇зна мамам̣ бхож̇зхи. гасмаа бхаг̇аваа звамааха? бараануд̣̇д̣̇аяад̇ааяа. д̇ан̃жа гааран̣ам̣ баал̣ияам̣ вуд̇д̇амзва. д̇зна абхихадабхигкааяа барзсам̣ абарибхог̇аарахад̇о жа д̇ат̇аа вад̇д̇ум̣ ваддад̇ийд̇и д̣̇ассид̇ам̣ ход̇и. д̇асмим̣ гира суугарамад̣̇д̣̇авз д̣̇висахассад̣̇ийбабариваарзсу жад̇уусу махаад̣̇ийбзсу д̣̇звад̇аа ож̇ам̣ багкибим̣су. д̇асмаа д̇ам̣ ан̃н̃о гожи саммаа ж̇ийраабзд̇ум̣ на саггод̇и, д̇амад̇т̇ам̣ багаасзнд̇о сад̇т̇аа баруубаваад̣̇аможанад̇т̇ам̣ ‘‘наахам̣ д̇ам̣, жунд̣̇а, бассаамий’’д̇иаад̣̇инаа сийханаад̣̇ам̣ над̣̇и. яз хи барз убавад̣̇зяяум̣ ‘‘ад̇д̇анаа барибхуд̇д̇аавасзсам̣ нзва бхигкуунам̣, на ан̃н̃зсам̣ мануссаанам̣ ад̣̇ааси, ааваадз никан̣аабзд̇ваа винаасзсий’’д̇и, ‘‘д̇зсам̣ важаногаасо маа ход̇уу’’д̇и баруубаваад̣̇аможанад̇т̇ам̣ сийханаад̣̇ам̣ над̣̇и.
Tena maṃ parivisāti tena mamaṃ bhojehi. Kasmā bhagavā evamāha? Parānuddayatāya. Tañca kāraṇaṃ pāḷiyaṃ vuttameva. Tena abhihaṭabhikkhāya paresaṃ aparibhogārahato ca tathā vattuṃ vaṭṭatīti dassitaṃ hoti. Tasmiṃ kira sūkaramaddave dvisahassadīpaparivāresu catūsu mahādīpesu devatā ojaṃ pakkhipiṃsu. Tasmā taṃ añño koci sammā jīrāpetuṃ na sakkoti, tamatthaṃ pakāsento satthā parūpavādamocanatthaṃ ‘‘nāhaṃ taṃ, cunda, passāmī’’tiādinā sīhanādaṃ nadi. Ye hi pare upavadeyyuṃ ‘‘attanā paribhuttāvasesaṃ neva bhikkhūnaṃ, na aññesaṃ manussānaṃ adāsi, āvāṭe nikhaṇāpetvā vināsesī’’ti, ‘‘tesaṃ vacanokāso mā hotū’’ti parūpavādamocanatthaṃ sīhanādaṃ nadi.
д̇ад̇т̇а сад̣̇звагзд̇иаад̣̇ийсу саха д̣̇звзхийд̇и сад̣̇зваго, саха маарзнаад̇и самаараго, саха б̣рахмунаад̇и саб̣рахмаго, саха саман̣аб̣раахман̣зхийд̇и сассаман̣аб̣раахман̣ий, баж̇аад̇ад̇д̇аа баж̇аа, саха д̣̇звамануссзхийд̇и сад̣̇звамануссаа. д̇асмим̣ сад̣̇звагз логз…бз… сад̣̇звамануссааяа. д̇ад̇т̇а сад̣̇звагаважанзна бан̃жагаамааважарад̣̇зваг̇г̇ахан̣ам̣, самаарагаважанзна чадтагаамааважарад̣̇зваг̇г̇ахан̣ам̣, саб̣рахмагаважанзна б̣рахмагааяигаад̣̇иб̣рахмаг̇г̇ахан̣ам̣, сассаман̣аб̣раахман̣ийважанзна саасанасса бажжад̇т̇игабажжаамид̇д̇асаман̣аб̣раахман̣аг̇г̇ахан̣ам̣ самид̇абаабаб̣аахид̇абаабасаман̣аб̣раахман̣аг̇г̇ахан̣ан̃жа, баж̇ааважанзна сад̇д̇алогаг̇г̇ахан̣ам̣, сад̣̇звамануссаважанзна саммуд̇ид̣̇зваавасзсамануссаг̇г̇ахан̣ам̣. звамзд̇т̇а д̇ийхи бад̣̇зхи огаасалогавасзна, д̣̇вийхи баж̇аавасзна сад̇д̇алого г̇ахид̇од̇и взд̣̇ид̇аб̣б̣о. абаро наяо – сад̣̇звагаважанзна аруубааважаралого г̇ахид̇о, самаарагаважанзна чагаамааважарад̣̇звалого, саб̣рахмагаважанзна руубий б̣рахмалого, сассаман̣аб̣раахман̣аважанзна жад̇убарисавасзна саммуд̇ид̣̇звзхи саха мануссалого, авасзсасад̇д̇алого ваа г̇ахид̇од̇и взд̣̇ид̇аб̣б̣о.
Tattha sadevaketiādīsu saha devehīti sadevako, saha mārenāti samārako, saha brahmunāti sabrahmako, saha samaṇabrāhmaṇehīti sassamaṇabrāhmaṇī, pajātattā pajā, saha devamanussehīti sadevamanussā. Tasmiṃ sadevake loke…pe… sadevamanussāya. Tattha sadevakavacanena pañcakāmāvacaradevaggahaṇaṃ, samārakavacanena chaṭṭhakāmāvacaradevaggahaṇaṃ, sabrahmakavacanena brahmakāyikādibrahmaggahaṇaṃ, sassamaṇabrāhmaṇīvacanena sāsanassa paccatthikapaccāmittasamaṇabrāhmaṇaggahaṇaṃ samitapāpabāhitapāpasamaṇabrāhmaṇaggahaṇañca, pajāvacanena sattalokaggahaṇaṃ, sadevamanussavacanena sammutidevaavasesamanussaggahaṇaṃ. Evamettha tīhi padehi okāsalokavasena, dvīhi pajāvasena sattaloko gahitoti veditabbo. Aparo nayo – sadevakavacanena arūpāvacaraloko gahito, samārakavacanena chakāmāvacaradevaloko, sabrahmakavacanena rūpī brahmaloko, sassamaṇabrāhmaṇavacanena catuparisavasena sammutidevehi saha manussaloko, avasesasattaloko vā gahitoti veditabbo.
бхуд̇д̇аависсаад̇и бхуд̇д̇авад̇о. карод̇и парусо. ааб̣аад̇ход̇и висабхааг̇арог̇о. баб̣аал̣хаад̇и б̣алавад̇ияо. мааран̣анд̇игаад̇и маран̣анд̇аа маран̣асамийбабаабанасамад̇т̇аа. сад̇о самбаж̇аано ад̇хиваасзсийд̇и сад̇им̣ убадтид̇ам̣ гад̇ваа н̃аан̣зна барижчинд̣̇ид̇ваа ад̇хиваасзси. авихан̃н̃амаанод̇и взд̣̇анаанувад̇д̇анавасзна асаллагкид̇ад̇хаммо вияа абараабарам̣ баривад̇д̇анам̣ агаронд̇о абийл̣ияамаано ад̣̇угкияамаано вияа ад̇хиваасзси. бхаг̇авад̇о хи взл̣уваг̇аамагзязва д̇аа взд̣̇анаа уббаннаа, самаабад̇д̇иб̣алзна бана вигкамбхид̇аа яаава бариниб̣б̣аанад̣̇ивасаа на уббаж̇ж̇им̣су д̣̇ивасз д̣̇ивасз самаабад̇д̇ийхи бадибан̣ааманад̇о. д̇ам̣ д̣̇ивасам̣ бана бариниб̣б̣ааяид̇угаамо ‘‘годисахассахад̇т̇ийнам̣ б̣алам̣ д̇хаарзнд̇аанам̣ важ̇ирасан̇гхаад̇асамаанагааяаанам̣ абаримид̇агаалам̣ убажид̇абун̃н̃асамбхаараанамби бхавз сад̇и зваруубаа взд̣̇анаа бавад̇д̇анд̇и, гиман̇г̇ам̣ бана ан̃н̃зса’’нд̇и сад̇д̇аанам̣ сам̣взг̇аж̇ананад̇т̇ам̣ самаабад̇д̇им̣ на самаабаж̇ж̇и, д̇зна взд̣̇анаа караа вад̇д̇им̣су. ааяаамаад̇и зхи яаама.
Bhuttāvissāti bhuttavato. Kharoti pharuso. Ābādhoti visabhāgarogo. Pabāḷhāti balavatiyo. Māraṇantikāti maraṇantā maraṇasamīpapāpanasamatthā. Sato sampajāno adhivāsesīti satiṃ upaṭṭhitaṃ katvā ñāṇena paricchinditvā adhivāsesi. Avihaññamānoti vedanānuvattanavasena asallakkhitadhammo viya aparāparaṃ parivattanaṃ akaronto apīḷiyamāno adukkhiyamāno viya adhivāsesi. Bhagavato hi veḷuvagāmakeyeva tā vedanā uppannā, samāpattibalena pana vikkhambhitā yāva parinibbānadivasā na uppajjiṃsu divase divase samāpattīhi paṭipaṇāmanato. Taṃ divasaṃ pana parinibbāyitukāmo ‘‘koṭisahassahatthīnaṃ balaṃ dhārentānaṃ vajirasaṅghātasamānakāyānaṃ aparimitakālaṃ upacitapuññasambhārānampi bhave sati evarūpā vedanā pavattanti, kimaṅgaṃ pana aññesa’’nti sattānaṃ saṃvegajananatthaṃ samāpattiṃ na samāpajji, tena vedanā kharā vattiṃsu. Āyāmāti ehi yāma.
жунд̣̇асса бхад̇д̇ам̣ бхун̃ж̇ид̇ваад̇иаад̣̇игаа абарабхааг̇з д̇хаммасан̇г̇аахагзхи табид̇аа г̇аат̇аа. д̇ад̇т̇а бхуд̇д̇асса жа суугарамад̣̇д̣̇авзнаад̇и бхуд̇д̇асса уд̣̇абаад̣̇и, на бана бхуд̇д̇абажжаяаа. яад̣̇и хи абхуд̇д̇асса уббаж̇ж̇иссаа, ад̇икаро абхависсаа, синид̣̇д̇хабхож̇анам̣ бана бхуд̇д̇ад̇д̇аа д̇анугаа взд̣̇анаа ахоси, д̇знзва бад̣̇асаа г̇анд̇ум̣ асагки. зд̇зна явааяам̣ ‘‘яасса д̇ам̣ барибхуд̇д̇ам̣ саммаа барин̣аамам̣ г̇ажчзяяа ан̃н̃ад̇ра д̇ат̇ааг̇ад̇ассаа’’д̇и сийханаад̣̇о над̣̇ид̇о, д̇асса саад̇т̇агад̇аа д̣̇ассид̇аа. б̣уд̣̇д̇хаанан̃хи адтаанз г̇аж̇ж̇ид̇ам̣ наама над̇т̇и. яасмаа д̇ам̣ барибхуд̇д̇ам̣ бхаг̇авад̇о на гин̃жи вигаарам̣ уббаад̣̇зси, гаммзна бана лад̣̇д̇хогаасзна уббаад̣̇ияамаанам̣ вигаарам̣ аббамад̇д̇ад̇ааяа убасамзнд̇о сарийрз б̣алам̣ уббаад̣̇зси, язна яат̇аа вагкамаанам̣ д̇ивид̇хам̣ баяож̇анам̣ самбаад̣̇зси, д̇асмаа саммад̣̇зва д̇ам̣ барин̣аамам̣ г̇ад̇ам̣, мааран̣анд̇игад̇д̇аа бана взд̣̇анаанам̣ авин̃н̃аад̇ам̣ абаагадам̣ ахосийд̇и. вирижжамаанод̇и абхин̣хам̣ бавад̇д̇алохид̇авирзжанова самаано. авожаад̇и ад̇д̇анаа ижчид̇адтаанз бариниб̣б̣аанад̇т̇ааяа звамааха.
Cundassa bhattaṃ bhuñjitvātiādikā aparabhāge dhammasaṅgāhakehi ṭhapitā gāthā. Tattha bhuttassa ca sūkaramaddavenāti bhuttassa udapādi, na pana bhuttapaccayā. Yadi hi abhuttassa uppajjissā, atikharo abhavissā, siniddhabhojanaṃ pana bhuttattā tanukā vedanā ahosi, teneva padasā gantuṃ asakkhi. Etena yvāyaṃ ‘‘yassa taṃ paribhuttaṃ sammā pariṇāmaṃ gaccheyya aññatra tathāgatassā’’ti sīhanādo nadito, tassa sātthakatā dassitā. Buddhānañhi aṭṭhāne gajjitaṃ nāma natthi. Yasmā taṃ paribhuttaṃ bhagavato na kiñci vikāraṃ uppādesi, kammena pana laddhokāsena uppādiyamānaṃ vikāraṃ appamattatāya upasamento sarīre balaṃ uppādesi, yena yathā vakkhamānaṃ tividhaṃ payojanaṃ sampādesi, tasmā sammadeva taṃ pariṇāmaṃ gataṃ, māraṇantikattā pana vedanānaṃ aviññātaṃ apākaṭaṃ ahosīti. Viriccamānoti abhiṇhaṃ pavattalohitavirecanova samāno. Avocāti attanā icchitaṭṭhāne parinibbānatthāya evamāha.
гасмаа бана бхаг̇аваа звам̣ рог̇з уббаннз гусинаарам̣ аг̇амааси, гим̣ ан̃н̃ад̇т̇а на саггаа бариниб̣б̣ааяид̇унд̇и? бариниб̣б̣ааяид̇ум̣ наама на гад̇т̇ажи на саггаа, звам̣ бана жинд̇зси – маяи гусинаарам̣ г̇ад̇з махаасуд̣̇ассанасуд̇д̇ад̣̇зсанааяа (д̣̇ий. ни. 2.241) адтуббад̇д̇и бхависсад̇и, д̇ааяа яаа д̣̇звалогз анубхавид̇аб̣б̣асад̣̇исаа самбад̇д̇и мануссалогз маяаа анубхууд̇аа, д̇ам̣ д̣̇вийхи бхаан̣аваарзхи бадиман̣д̣зд̇ваа д̣̇зсзссаами, д̇ам̣ суд̇ваа б̣ахуу ж̇анаа гусалам̣ гад̇д̇аб̣б̣ам̣ ман̃н̃иссанд̇и. субхад̣̇д̣̇оби гад̇т̇а мам̣ убасан̇гамид̇ваа бан̃хам̣ бужчид̇ваа виссаж̇ж̇анабарияосаанз саран̣зсу бад̇идтааяа баб̣б̣аж̇ид̇ваа лад̣̇д̇хуубасамбад̣̇о гаммадтаанам̣ бхаавзд̇ваа маяи д̇харанд̇зязва арахад̇д̇ам̣ бад̇ваа бажчимасааваго наама бхависсад̇и. ан̃н̃ад̇т̇а маяи бариниб̣б̣уд̇з д̇хаад̇унимид̇д̇ам̣ махаагалахо бхависсад̇и, лохид̇ам̣ над̣̇ий вияа санд̣̇иссад̇и. гусинаарааяам̣ бана бариниб̣б̣уд̇з д̣̇он̣аб̣раахман̣о д̇ам̣ виваад̣̇ам̣ вуубасамзд̇ваа д̇хаад̇уяо вибхаж̇ид̇ваа д̣̇ассад̇ийд̇и имаани д̇ийн̣и гааран̣аани бассанд̇о бхаг̇аваа махад̇аа уссаахзна гусинаарам̣ аг̇амааси.
Kasmā pana bhagavā evaṃ roge uppanne kusināraṃ agamāsi, kiṃ aññattha na sakkā parinibbāyitunti? Parinibbāyituṃ nāma na katthaci na sakkā, evaṃ pana cintesi – mayi kusināraṃ gate mahāsudassanasuttadesanāya (dī. ni. 2.241) aṭṭhuppatti bhavissati, tāya yā devaloke anubhavitabbasadisā sampatti manussaloke mayā anubhūtā, taṃ dvīhi bhāṇavārehi paṭimaṇḍetvā desessāmi, taṃ sutvā bahū janā kusalaṃ kattabbaṃ maññissanti. Subhaddopi kattha maṃ upasaṅkamitvā pañhaṃ pucchitvā vissajjanapariyosāne saraṇesu patiṭṭhāya pabbajitvā laddhūpasampado kammaṭṭhānaṃ bhāvetvā mayi dharanteyeva arahattaṃ patvā pacchimasāvako nāma bhavissati. Aññattha mayi parinibbute dhātunimittaṃ mahākalaho bhavissati, lohitaṃ nadī viya sandissati. Kusinārāyaṃ pana parinibbute doṇabrāhmaṇo taṃ vivādaṃ vūpasametvā dhātuyo vibhajitvā dassatīti imāni tīṇi kāraṇāni passanto bhagavā mahatā ussāhena kusināraṃ agamāsi.
ин̇гхаад̇и жод̣̇анад̇т̇з нибаад̇о. гиланд̇осмийд̇и бариссанд̇о асми. д̇зна яат̇аавуд̇д̇авзд̣̇анаанам̣ б̣алавабхаавам̣ зва д̣̇ассзд̇и. бхаг̇аваа хи ад̇д̇ано аанубхаавзна д̇ад̣̇аа бад̣̇асаа аг̇амааси, ан̃н̃зсам̣ бана яат̇аа бад̣̇уд̣̇д̇хаарамби гаад̇ум̣ на саггаа, д̇ат̇аа взд̣̇анаа д̇икин̣аа караа гадугаа вад̇д̇им̣су. д̇знзвааха ‘‘нисийд̣̇иссаамий’’д̇и.
Iṅghāti codanatthe nipāto. Kilantosmīti parissanto asmi. Tena yathāvuttavedanānaṃ balavabhāvaṃ eva dasseti. Bhagavā hi attano ānubhāvena tadā padasā agamāsi, aññesaṃ pana yathā paduddhārampi kātuṃ na sakkā, tathā vedanā tikhiṇā kharā kaṭukā vattiṃsu. Tenevāha ‘‘nisīdissāmī’’ti.
ид̣̇аанийд̇и ад̇хунаа. лул̣ид̇анд̇и мад̣̇д̣̇ид̇ам̣ вияа аагулам̣. аавиланд̇и аалулам̣. ажчод̣̇агаад̇и д̇анубасаннасалилаа. саад̇од̣̇агаад̇и мад̇хурад̇ояаа. сийд̇од̣̇агаад̇и сийд̇алаж̇алаа. сзд̇од̣̇агаад̇и ниггад̣̇д̣̇амаа . уд̣̇аган̃хи сабхаавад̇о сзд̇аван̣н̣ам̣, бхуумивасзна гад̣̇д̣̇амаавилад̇ааяа жа ан̃н̃аад̣̇исам̣ ход̇и, гагуд̇хааби над̣̇ий вималаваалигаа самогин̣н̣аа сзд̇аван̣н̣аа санд̣̇ад̇и. д̇зна вуд̇д̇ам̣ ‘‘сзд̇од̣̇агаа’’д̇и. субад̇ид̇т̇аад̇и сунд̣̇арад̇ид̇т̇аа. раман̣ийяаад̇и манохарабхуумибхааг̇ад̇ааяа рамид̇аб̣б̣аа яат̇аавуд̇д̇ауд̣̇агасамбад̇д̇ияаа жа манорамаа.
Idānīti adhunā. Luḷitanti madditaṃ viya ākulaṃ. Āvilanti ālulaṃ. Acchodakāti tanupasannasalilā. Sātodakāti madhuratoyā. Sītodakāti sītalajalā. Setodakāti nikkaddamā . Udakañhi sabhāvato setavaṇṇaṃ, bhūmivasena kaddamāvilatāya ca aññādisaṃ hoti, kakudhāpi nadī vimalavālikā samokiṇṇā setavaṇṇā sandati. Tena vuttaṃ ‘‘setodakā’’ti. Supatitthāti sundaratitthā. Ramaṇīyāti manoharabhūmibhāgatāya ramitabbā yathāvuttaudakasampattiyā ca manoramā.
гиланд̇осми жунд̣̇ага, нибаж̇ж̇иссаамийд̇и д̇ат̇ааг̇ад̇асса хи –
Kilantosmi cundaka, nipajjissāmīti tathāgatassa hi –
‘‘гаал̣ааваган̃жа г̇ан̇г̇зяяам̣, бан̣д̣арам̣ д̇амб̣абин̇г̇алам̣;
‘‘Kāḷāvakañca gaṅgeyyaṃ, paṇḍaraṃ tambapiṅgalaṃ;
г̇анд̇хаман̇г̇алахзман̃жа, убосат̇ачад̣̇д̣̇анд̇имз д̣̇асаа’’д̇и. –
Gandhamaṅgalahemañca, uposathachaddantime dasā’’ti. –
звам̣ вуд̇д̇зсу д̣̇асасу хад̇т̇игулзсу гаал̣аавагасан̇каад̇аанам̣ яам̣ д̣̇асаннам̣ багад̇ихад̇т̇ийнам̣ б̣алам̣, д̇ам̣ згасса г̇ан̇г̇зяяассаад̇и звам̣ д̣̇асаг̇ун̣ид̇ааяа г̇ан̣анааяа багад̇ихад̇т̇ийнам̣ годисахассаб̣алаббамаан̣ам̣ сарийраб̣алам̣. д̇ам̣ саб̣б̣амби д̇асмим̣ д̣̇ивасз бажчаабхад̇д̇ад̇о бадтааяа жан̇г̇аваарз багкид̇д̇ауд̣̇агам̣ вияа баригкаяам̣ г̇ад̇ам̣. баавааяа д̇иг̇аавуд̇з гусинаараа. зд̇асмим̣ анд̇арз бан̃жавийсад̇ияаа таанзсу нисийд̣̇ид̇ваа маханд̇ам̣ уссаахам̣ гад̇ваа ааг̇ажчанд̇о суурияад̇т̇ан̇г̇аманавзлааяа бхаг̇аваа гусинаарам̣ баабун̣ийд̇и звам̣ ‘‘рог̇о наама саб̣б̣ам̣ аарог̇яам̣ мад̣̇д̣̇анд̇о ааг̇ажчад̇ий’’д̇и имамад̇т̇ам̣ д̣̇ассзнд̇о сад̣̇звагасса логасса сам̣взг̇агарам̣ ваажам̣ бхаасанд̇о ‘‘гиланд̇осми, жунд̣̇ага, нибаж̇ж̇иссаамий’’д̇и ааха.
Evaṃ vuttesu dasasu hatthikulesu kāḷāvakasaṅkhātānaṃ yaṃ dasannaṃ pakatihatthīnaṃ balaṃ, taṃ ekassa gaṅgeyyassāti evaṃ dasaguṇitāya gaṇanāya pakatihatthīnaṃ koṭisahassabalappamāṇaṃ sarīrabalaṃ. Taṃ sabbampi tasmiṃ divase pacchābhattato paṭṭhāya caṅgavāre pakkhittaudakaṃ viya parikkhayaṃ gataṃ. Pāvāya tigāvute kusinārā. Etasmiṃ antare pañcavīsatiyā ṭhānesu nisīditvā mahantaṃ ussāhaṃ katvā āgacchanto sūriyatthaṅgamanavelāya bhagavā kusināraṃ pāpuṇīti evaṃ ‘‘rogo nāma sabbaṃ ārogyaṃ maddanto āgacchatī’’ti imamatthaṃ dassento sadevakassa lokassa saṃvegakaraṃ vācaṃ bhāsanto ‘‘kilantosmi, cundaka, nipajjissāmī’’ti āha.
сийхасзяяанд̇и зд̇т̇а гаамабхог̇ийсзяяаа бзд̇асзяяаа д̇ат̇ааг̇ад̇асзяяаа сийхасзяяаад̇и жад̇ассо сзяяаа. д̇ад̇т̇а ‘‘язбхуяязна, бхигкавз, гаамабхог̇ий ваамзна бассзна сзяяам̣ габбзнд̇ий’’д̇и (а. ни. 4.246) аяам̣ гаамабхог̇ийсзяяаа. ‘‘язбхуяязна , бхигкавз, бзд̇аа уд̇д̇аанаа сзнд̇ий’’д̇и (а. ни. 4.246) аяам̣ бзд̇асзяяаа. жад̇уд̇т̇аж̇жхаанам̣ д̇ат̇ааг̇ад̇асзяяаа. ‘‘сийхо, бхигкавз, миг̇арааж̇аа д̣̇агкин̣зна бассзна сзяяам̣ габбзд̇ий’’д̇и (а. ни. 4.246) аяам̣ сийхасзяяаа. аяан̃хи д̇зж̇уссад̣̇аирияаабат̇ад̇д̇аа уд̇д̇амасзяяаа наама. д̇зна вуд̇д̇ам̣ – ‘‘д̣̇агкин̣зна бассзна сийхасзяяам̣ габбзсий’’д̇и. баад̣̇з баад̣̇анд̇и д̣̇агкин̣абаад̣̇з ваамабаад̣̇ам̣. ажжаад̇хааяаад̇и ад̇иаад̇хааяа, г̇обпагам̣ ад̇иггамма табзд̇ваа. г̇обпагзна хи г̇обпагз, ж̇аан̣унаа ж̇аан̣умхи сан̇гхаддияамаанз абхин̣хам̣ взд̣̇анаа уббаж̇ж̇анд̇и , сзяяаа паасугаа на ход̇и. яат̇аа бана на сан̇гхаддзд̇и, звам̣ ад̇иггамма табид̇з взд̣̇анаа нуббаж̇ж̇анд̇и, сзяяаа паасугаа ход̇и. д̇асмаа звам̣ нибаж̇ж̇и.
Sīhaseyyanti ettha kāmabhogīseyyā petaseyyā tathāgataseyyā sīhaseyyāti catasso seyyā. Tattha ‘‘yebhuyyena, bhikkhave, kāmabhogī vāmena passena seyyaṃ kappentī’’ti (a. ni. 4.246) ayaṃ kāmabhogīseyyā. ‘‘Yebhuyyena , bhikkhave, petā uttānā sentī’’ti (a. ni. 4.246) ayaṃ petaseyyā. Catutthajjhānaṃ tathāgataseyyā. ‘‘Sīho, bhikkhave, migarājā dakkhiṇena passena seyyaṃ kappetī’’ti (a. ni. 4.246) ayaṃ sīhaseyyā. Ayañhi tejussadairiyāpathattā uttamaseyyā nāma. Tena vuttaṃ – ‘‘dakkhiṇena passena sīhaseyyaṃ kappesī’’ti. Pāde pādanti dakkhiṇapāde vāmapādaṃ. Accādhāyāti atiādhāya, gopphakaṃ atikkamma ṭhapetvā. Gopphakena hi gopphake, jāṇunā jāṇumhi saṅghaṭṭiyamāne abhiṇhaṃ vedanā uppajjanti , seyyā phāsukā na hoti. Yathā pana na saṅghaṭṭeti, evaṃ atikkamma ṭhapite vedanā nuppajjanti, seyyā phāsukā hoti. Tasmā evaṃ nipajji.
г̇анд̇ваана б̣уд̣̇д̇ход̇и имаа г̇аат̇аа абарабхааг̇з д̇хаммасан̇г̇аахагзхи табид̇аа. д̇ад̇т̇а над̣̇иганд̇и над̣̇им̣. аббадимод̇ха логзд̇и аббадимо ид̇ха имасмим̣ сад̣̇звагз логз. нхад̇ваа жа бивид̇ваа жуд̣̇ад̇аарийд̇и г̇ад̇д̇аанам̣ сийд̇игаран̣авасзна нхад̇ваа жа баанийяам̣ бивид̇ваа жа над̣̇ид̇о уд̇д̇ари. д̇ад̣̇аа гира бхаг̇авад̇и нхааяанд̇з анд̇онад̣̇ияам̣ мажчагажчабаа, уд̣̇агам̣, убхосу д̇ийрзсу ванасан̣д̣о, саб̣б̣о жа со бхуумибхааг̇од̇и саб̣б̣ам̣ суван̣н̣аван̣н̣амзва ахоси. бурагкад̇од̇и г̇ун̣ависидтасад̇д̇уд̇д̇амаг̇арубхаавад̇о сад̣̇звагзна логзна бууж̇аасаммаанавасзна бурагкад̇о. бхигкуг̇ан̣асса маж̇жхзд̇и бхигкусан̇гхасса маж̇жхз. д̇ад̣̇аа бхигкуу бхаг̇авад̇о взд̣̇анаанам̣ ад̇химад̇д̇абхаавам̣ вид̣̇ид̇ваа аасаннаа худ̇ваа саманд̇ад̇о бариваарзд̇ваава г̇ажчанд̇и. сад̇т̇аад̇и д̣̇идтад̇хаммигасамбарааяигабарамад̇т̇зхи сад̇д̇аанам̣ анусаасанад̇о сад̇т̇аа. бавад̇д̇аа бхаг̇аваа ид̇ха д̇хаммзд̇и бхааг̇яаванд̇ад̇аад̣̇ийхи бхаг̇аваа ид̇ха сийлаад̣̇исаасанад̇хаммз бавад̇д̇аа, д̇хаммз ваа жад̇ураасийд̇ид̇хаммагканд̇хасахассаани бавад̇д̇аа бавад̇д̇зд̇аа. амб̣авананд̇и д̇ассаа зва над̣̇ияаа д̇ийрз амб̣аванам̣. ааманд̇аяи жунд̣̇аганд̇и д̇асмим̣ гира кан̣з ааяасмаа аананд̣̇о уд̣̇агасаадигам̣ бийл̣знд̇о охийяи, жунд̣̇агад̇т̇зро самийбз ахоси. д̇асмаа д̇ам̣ бхаг̇аваа ааманд̇аяи. бамукз нисийд̣̇ийд̇и вад̇д̇асийсзна сад̇т̇у бурад̇о нисийд̣̇и ‘‘гим̣ ну ко сад̇т̇аа аан̣аабзд̇ий’’д̇и. зд̇д̇аавад̇аа д̇хаммабхан̣д̣ааг̇аариго ануббад̇д̇о. звам̣ ануббад̇д̇ам̣ ат̇а ко бхаг̇аваа ааяасманд̇ам̣ аананд̣̇ам̣ ааманд̇зси.
Gantvāna buddhoti imā gāthā aparabhāge dhammasaṅgāhakehi ṭhapitā. Tattha nadikanti nadiṃ. Appaṭimodha loketi appaṭimo idha imasmiṃ sadevake loke. Nhatvā ca pivitvā cudatārīti gattānaṃ sītikaraṇavasena nhatvā ca pānīyaṃ pivitvā ca nadito uttari. Tadā kira bhagavati nhāyante antonadiyaṃ macchakacchapā, udakaṃ, ubhosu tīresu vanasaṇḍo, sabbo ca so bhūmibhāgoti sabbaṃ suvaṇṇavaṇṇameva ahosi. Purakkhatoti guṇavisiṭṭhasattuttamagarubhāvato sadevakena lokena pūjāsammānavasena purakkhato. Bhikkhugaṇassa majjheti bhikkhusaṅghassa majjhe. Tadā bhikkhū bhagavato vedanānaṃ adhimattabhāvaṃ viditvā āsannā hutvā samantato parivāretvāva gacchanti. Satthāti diṭṭhadhammikasamparāyikaparamatthehi sattānaṃ anusāsanato satthā. Pavattā bhagavā idhadhammeti bhāgyavantatādīhi bhagavā idha sīlādisāsanadhamme pavattā, dhamme vā caturāsītidhammakkhandhasahassāni pavattā pavattetā. Ambavananti tassā eva nadiyā tīre ambavanaṃ. Āmantayi cundakanti tasmiṃ kira khaṇe āyasmā ānando udakasāṭikaṃ pīḷento ohīyi, cundakatthero samīpe ahosi. Tasmā taṃ bhagavā āmantayi. Pamukhe nisīdīti vattasīsena satthu purato nisīdi ‘‘kiṃ nu kho satthā āṇāpetī’’ti. Ettāvatā dhammabhaṇḍāgāriko anuppatto. Evaṃ anuppattaṃ atha kho bhagavā āyasmantaṃ ānandaṃ āmantesi.
убад̣̇ахзяяаад̇и уббаад̣̇зяяа, виббадисаарасса уббаад̣̇аго гожи бурисо сияаа аби бхавзяяа. алаабхаад̇и яз ан̃н̃зсам̣ д̣̇аанам̣ д̣̇ад̣̇анд̇аанам̣ д̣̇аанаанисам̣сасан̇каад̇аа лаабхаа хонд̇и, д̇з алаабхаа. д̣̇уллад̣̇д̇ханд̇и бун̃н̃ависзсзна лад̣̇д̇хамби мануссад̇д̇ам̣ д̣̇уллад̣̇д̇хам̣. яасса д̇зд̇и яасса д̇ава. уд̇д̇ан̣д̣улам̣ ваа ад̇игилиннам̣ ваа го д̇ам̣ ж̇аанаад̇и, гийд̣̇исамби бажчимам̣ бин̣д̣абаад̇ам̣ бхун̃ж̇ид̇ваа д̇ат̇ааг̇ад̇о бариниб̣б̣уд̇о, ад̣̇д̇хаа д̇зна яам̣ ваа д̇ам̣ ваа д̣̇иннам̣ бхависсад̇ийд̇и. лаабхаад̇и д̣̇идтад̇хаммигасамбарааяигаа д̣̇аанаанисам̣сасан̇каад̇аа лаабхаа. сулад̣̇д̇ханд̇и д̇уяхам̣ мануссад̇д̇ам̣ сулад̣̇д̇хам̣. саммукаад̇и саммукад̇о, на ануссавзна на барамбарааяаад̇и ад̇т̇о. мзд̇анд̇и мз зд̇ам̣ маяаа зд̇ам̣. д̣̇взмзд̇и д̣̇вз имз. самасамапалаад̇и саб̣б̣аагаарзна самаанапалаа.
Upadaheyyāti uppādeyya, vippaṭisārassa uppādako koci puriso siyā api bhaveyya. Alābhāti ye aññesaṃ dānaṃ dadantānaṃ dānānisaṃsasaṅkhātā lābhā honti, te alābhā. Dulladdhanti puññavisesena laddhampi manussattaṃ dulladdhaṃ. Yassa teti yassa tava. Uttaṇḍulaṃ vā atikilinnaṃ vā ko taṃ jānāti, kīdisampi pacchimaṃ piṇḍapātaṃ bhuñjitvā tathāgato parinibbuto, addhā tena yaṃ vā taṃ vā dinnaṃ bhavissatīti. Lābhāti diṭṭhadhammikasamparāyikā dānānisaṃsasaṅkhātā lābhā. Suladdhanti tuyhaṃ manussattaṃ suladdhaṃ. Sammukhāti sammukhato, na anussavena na paramparāyāti attho. Metanti me etaṃ mayā etaṃ. Dvemeti dve ime. Samasamaphalāti sabbākārena samānaphalā.
нану жа яам̣ суж̇аад̇ааяа д̣̇иннам̣ бин̣д̣абаад̇ам̣ бхун̃ж̇ид̇ваа д̇ат̇ааг̇ад̇о абхисамб̣уд̣̇д̇хо, д̇ам̣ гилзсаанам̣ аббахийнагаалз д̣̇аанам̣, ид̣̇ам̣ бана жунд̣̇асса д̣̇аанам̣ кийн̣аасавагаалз, гасмаа зд̇аани самапалаанийд̇и? бариниб̣б̣аанасамад̇ааяа самаабад̇д̇исамад̇ааяа ануссаран̣асамад̇ааяа жа. бхаг̇аваа хи суж̇аад̇ааяа д̣̇иннам̣ бин̣д̣абаад̇ам̣ бхун̃ж̇ид̇ваа саубаад̣̇исзсааяа ниб̣б̣аанад̇хаад̇уяаа бариниб̣б̣уд̇о, жунд̣̇зна д̣̇иннам̣ бхун̃ж̇ид̇ваа анубаад̣̇исзсааяа ниб̣б̣аанад̇хаад̇уяаа бариниб̣б̣уд̇од̇и звам̣ бариниб̣б̣аанасамад̇ааяаби самапалаани. абхисамб̣уж̇жханад̣̇ивасз жа аг̇г̇амаг̇г̇асса хзд̇убхууд̇аа жад̇увийсад̇игодисад̇асахассасан̇каа самаабад̇д̇ияо самаабаж̇ж̇и, бариниб̣б̣аанад̣̇ивасзби саб̣б̣аа д̇аа самаабаж̇ж̇и. звам̣ самаабад̇д̇исамад̇ааяаби самапалаани. вуд̇д̇ан̃хзд̇ам̣ бхаг̇авад̇аа –
Nanu ca yaṃ sujātāya dinnaṃ piṇḍapātaṃ bhuñjitvā tathāgato abhisambuddho, taṃ kilesānaṃ appahīnakāle dānaṃ, idaṃ pana cundassa dānaṃ khīṇāsavakāle, kasmā etāni samaphalānīti? Parinibbānasamatāya samāpattisamatāya anussaraṇasamatāya ca. Bhagavā hi sujātāya dinnaṃ piṇḍapātaṃ bhuñjitvā saupādisesāya nibbānadhātuyā parinibbuto, cundena dinnaṃ bhuñjitvā anupādisesāya nibbānadhātuyā parinibbutoti evaṃ parinibbānasamatāyapi samaphalāni. Abhisambujjhanadivase ca aggamaggassa hetubhūtā catuvīsatikoṭisatasahassasaṅkhā samāpattiyo samāpajji, parinibbānadivasepi sabbā tā samāpajji. Evaṃ samāpattisamatāyapi samaphalāni. Vuttañhetaṃ bhagavatā –
‘‘яасса жзд̇ам̣ бин̣д̣абаад̇ам̣ барибхун̃ж̇ид̇ваа ануд̇д̇арам̣ аббамаан̣ам̣ жзд̇осамаад̇хим̣ убасамбаж̇ж̇а вихарад̇и, аббамаан̣о д̇асса бун̃н̃аабхисанд̣̇о гусалаабхисанд̣̇о’’д̇иаад̣̇и. –
‘‘Yassa cetaṃ piṇḍapātaṃ paribhuñjitvā anuttaraṃ appamāṇaṃ cetosamādhiṃ upasampajja viharati, appamāṇo tassa puññābhisando kusalābhisando’’tiādi. –
суж̇аад̇аа жа абарабхааг̇з ассоси ‘‘на гира саа ругкад̣̇звад̇аа, б̣од̇хисад̇д̇о гирзса, д̇ам̣ гира бин̣д̣абаад̇ам̣ барибхун̃ж̇ид̇ваа ануд̇д̇арам̣ саммаасамб̣од̇хим̣ абхисамб̣уд̣̇д̇хо, сад̇д̇асад̇д̇аахам̣ гирасса д̇зна яаабанаа ахосий’’д̇и. д̇ассаа ид̣̇ам̣ суд̇ваа ‘‘лаабхаа вад̇а мз’’д̇и ануссаранд̇ияаа б̣алавабийд̇исоманассам̣ уд̣̇абаад̣̇и. жунд̣̇ассаби абарабхааг̇з ‘‘авасаанабин̣д̣абаад̇о гира маяаа д̣̇инно, д̇хаммасийсам̣ гира маяаа г̇ахид̇ам̣, маяхам̣ гира бин̣д̣абаад̇ам̣ барибхун̃ж̇ид̇ваа сад̇т̇аа ад̇д̇анаа жирагаалаабхибад̇т̇ид̇ааяа анубаад̣̇исзсааяа ниб̣б̣аанад̇хаад̇уяаа бариниб̣б̣уд̇о’’д̇и суд̇ваа ‘‘лаабхаа вад̇а мз’’д̇и ануссарад̇о б̣алавабийд̇исоманассам̣ уд̣̇абаад̣̇и. звам̣ ануссаран̣асамад̇ааяаби самапалаани д̣̇взби бин̣д̣абаад̇ад̣̇аанаанийд̇и взд̣̇ид̇аб̣б̣аани.
Sujātā ca aparabhāge assosi ‘‘na kira sā rukkhadevatā, bodhisatto kiresa, taṃ kira piṇḍapātaṃ paribhuñjitvā anuttaraṃ sammāsambodhiṃ abhisambuddho, sattasattāhaṃ kirassa tena yāpanā ahosī’’ti. Tassā idaṃ sutvā ‘‘lābhā vata me’’ti anussarantiyā balavapītisomanassaṃ udapādi. Cundassapi aparabhāge ‘‘avasānapiṇḍapāto kira mayā dinno, dhammasīsaṃ kira mayā gahitaṃ, mayhaṃ kira piṇḍapātaṃ paribhuñjitvā satthā attanā cirakālābhipatthitāya anupādisesāya nibbānadhātuyā parinibbuto’’ti sutvā ‘‘lābhā vata me’’ti anussarato balavapītisomanassaṃ udapādi. Evaṃ anussaraṇasamatāyapi samaphalāni dvepi piṇḍapātadānānīti veditabbāni.
ааяусам̣вад̇д̇аниганд̇и д̣̇ийгхааяугасам̣вад̇д̇анигам̣. убажид̇анд̇и басуд̇ам̣ уббаад̣̇ид̇ам̣. яасасам̣вад̇д̇аниганд̇и бариваарасам̣вад̇д̇анигам̣. аад̇хибад̇зяяасам̣вад̇д̇аниганд̇и сздтабхаавасам̣вад̇д̇анигам̣.
Āyusaṃvattanikanti dīghāyukasaṃvattanikaṃ. Upacitanti pasutaṃ uppāditaṃ. Yasasaṃvattanikanti parivārasaṃvattanikaṃ. Ādhipateyyasaṃvattanikanti seṭṭhabhāvasaṃvattanikaṃ.
зд̇амад̇т̇ам̣ вид̣̇ид̇ваад̇и зд̇ам̣ д̣̇аанасса махабпалад̇ан̃жзва сийлаад̣̇иг̇ун̣зхи ад̇д̇ано жа ануд̇д̇арад̣̇агкин̣зяяабхаавам̣ анубаад̣̇аабариниб̣б̣аанан̃жаад̇и д̇ивид̇хамби ад̇т̇ам̣ саб̣б̣аагаарад̇о вид̣̇ид̇ваа д̇ад̣̇ад̇т̇ад̣̇ийбанам̣ имам̣ уд̣̇аанам̣ уд̣̇аанзси.
Etamatthaṃ viditvāti etaṃ dānassa mahapphalatañceva sīlādiguṇehi attano ca anuttaradakkhiṇeyyabhāvaṃ anupādāparinibbānañcāti tividhampi atthaṃ sabbākārato viditvā tadatthadīpanaṃ imaṃ udānaṃ udānesi.
д̇ад̇т̇а д̣̇ад̣̇ад̇о бун̃н̃ам̣ бавад̣дхад̇ийд̇и д̣̇аанам̣ д̣̇знд̇асса жид̇д̇асамбад̇д̇ияаа жа д̣̇агкин̣зяяасамбад̇д̇ияаа жа д̣̇аанамаяам̣ бун̃н̃ам̣ убажийяад̇и, махабпалад̇аран̃жа махаанисам̣сад̇аран̃жа ход̇ийд̇и ад̇т̇о. ат̇а ваа д̣̇ад̣̇ад̇о бун̃н̃ам̣ бавад̣дхад̇ийд̇и д̣̇зяяад̇хаммам̣ барижжаж̇анд̇о барижжааг̇ажзд̇анааяа б̣ахулийгад̇ааяа ануггамзна саб̣б̣ад̇т̇а анаабад̇д̇иб̣ахуло сувисуд̣̇д̇хасийлам̣ рагкид̇ваа самат̇авибассанан̃жа бхаавзд̇ум̣ саггод̇ийд̇и д̇асса д̣̇аанаад̣̇ивасзна д̇ивид̇хамби бун̃н̃ам̣ абхивад̣дхад̇ийд̇и звамзд̇т̇а ад̇т̇о взд̣̇ид̇аб̣б̣о. сам̣яамад̇од̇и сийласам̣яамзна сам̣яаманд̇асса, сам̣варз тид̇ассаад̇и ад̇т̇о. взрам̣ на жийяад̇ийд̇и бан̃жавид̇хавзрам̣ на бавад̣дхад̇и, ад̣̇осабад̇хаанад̇д̇аа ваа ад̇хисийласса гааяаваажаажид̇д̇зхи саяам̣манд̇о сувисуд̣̇д̇хасийло канд̇иб̣ахулад̇ааяа гзнажи взрам̣ на гарод̇и, гуд̇о д̇асса убажаяо. д̇асмаа д̇асса сам̣яамад̇о сам̣яаманд̇асса, сам̣яамахзд̇у ваа взрам̣ на жийяад̇и. гусало жа ж̇ахаад̇и баабаганд̇и гусало бана н̃аан̣асамбанно сувисуд̣̇д̇хасийлз бад̇идтид̇о адтад̇им̣сааяа аарамман̣зсу ад̇д̇ано ануруубам̣ гаммадтаанам̣ г̇ахзд̇ваа убажаараббанаабхзд̣̇ам̣ жхаанам̣ самбаад̣̇знд̇о баабагам̣ лаамагам̣ гаамажчанд̣̇аад̣̇иагусалам̣ вигкамбханавасзна ж̇ахаад̇и барижжаж̇ад̇и. со д̇амзва жхаанам̣ баад̣̇агам̣ гад̇ваа сан̇каарзсу каяаваяам̣ бадтабзд̇ваа вибассанааяа гаммам̣ гаронд̇о вибассанам̣ уссуггаабзд̇ваа арияамаг̇г̇зна анавасзсам̣ баабагам̣ лаамагам̣ агусалам̣ самужчзд̣̇авасзна ж̇ахаад̇и. рааг̇ад̣̇осамохагкаяаа са ниб̣б̣уд̇од̇и со звам̣ баабагам̣ баж̇ахид̇ваа рааг̇аад̣̇ийнам̣ каяаа анавасзсагилзсаниб̣б̣аанзна, д̇ад̇о барам̣ канд̇ханиб̣б̣аанзна жа ниб̣б̣уд̇о ход̇ийд̇и звам̣ бхаг̇аваа жунд̣̇асса жа д̣̇агкин̣асамбад̇д̇им̣, ад̇д̇ано жа д̣̇агкин̣зяяасамбад̇д̇им̣ ниссааяа бийд̇ивзг̇ависсадтам̣ уд̣̇аанам̣ уд̣̇аанзси.
Tattha dadato puññaṃ pavaḍḍhatīti dānaṃ dentassa cittasampattiyā ca dakkhiṇeyyasampattiyā ca dānamayaṃ puññaṃ upacīyati, mahapphalatarañca mahānisaṃsatarañca hotīti attho. Atha vā dadato puññaṃ pavaḍḍhatīti deyyadhammaṃ pariccajanto pariccāgacetanāya bahulīkatāya anukkamena sabbattha anāpattibahulo suvisuddhasīlaṃ rakkhitvā samathavipassanañca bhāvetuṃ sakkotīti tassa dānādivasena tividhampi puññaṃ abhivaḍḍhatīti evamettha attho veditabbo. Saṃyamatoti sīlasaṃyamena saṃyamantassa, saṃvare ṭhitassāti attho. Veraṃ na cīyatīti pañcavidhaveraṃ na pavaḍḍhati, adosapadhānattā vā adhisīlassa kāyavācācittehi sayaṃmanto suvisuddhasīlo khantibahulatāya kenaci veraṃ na karoti, kuto tassa upacayo. Tasmā tassa saṃyamato saṃyamantassa, saṃyamahetu vā veraṃ na cīyati. Kusalo ca jahāti pāpakanti kusalo pana ñāṇasampanno suvisuddhasīle patiṭṭhito aṭṭhatiṃsāya ārammaṇesu attano anurūpaṃ kammaṭṭhānaṃ gahetvā upacārappanābhedaṃ jhānaṃ sampādento pāpakaṃ lāmakaṃ kāmacchandādiakusalaṃ vikkhambhanavasena jahāti pariccajati. So tameva jhānaṃ pādakaṃ katvā saṅkhāresu khayavayaṃ paṭṭhapetvā vipassanāya kammaṃ karonto vipassanaṃ ussukkāpetvā ariyamaggena anavasesaṃ pāpakaṃ lāmakaṃ akusalaṃ samucchedavasena jahāti. Rāgadosamohakkhayā sa nibbutoti so evaṃ pāpakaṃ pajahitvā rāgādīnaṃ khayā anavasesakilesanibbānena, tato paraṃ khandhanibbānena ca nibbuto hotīti evaṃ bhagavā cundassa ca dakkhiṇasampattiṃ, attano ca dakkhiṇeyyasampattiṃ nissāya pītivegavissaṭṭhaṃ udānaṃ udānesi.
бан̃жамасуд̇д̇аван̣н̣анаа нидтид̇аа.
Pañcamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / уд̣̇аанабаал̣и • Udānapāḷi / 5. жунд̣̇асуд̇д̇ам̣ • 5. Cundasuttaṃ
