| Library / Tipiṭaka / д̇ибидага • Tipiṭaka / абад̣̇аанабаал̣и • Apadānapāḷi |
10. жунд̣̇ад̇т̇зраабад̣̇аанам̣
10. Cundattheraapadānaṃ
125.
125.
‘‘сид̣̇д̇хад̇т̇асса бхаг̇авад̇о, логаж̇здтасса д̇аад̣̇ино;
‘‘Siddhatthassa bhagavato, lokajeṭṭhassa tādino;
аг̇гхияам̣ гаараяид̇ваана, ж̇аад̇ибубпзхи чаад̣̇аяим̣.
Agghiyaṃ kārayitvāna, jātipupphehi chādayiṃ.
126.
126.
‘‘нидтаабзд̇ваана д̇ам̣ бубпам̣, б̣уд̣̇д̇хасса убанаамаяим̣;
‘‘Niṭṭhāpetvāna taṃ pupphaṃ, buddhassa upanāmayiṃ;
бубпаавасзсам̣ баг̇г̇аяха, б̣уд̣̇д̇хасса абхиробаяим̣.
Pupphāvasesaṃ paggayha, buddhassa abhiropayiṃ.
127.
127.
‘‘ган̃жанаг̇гхияасан̇гаасам̣ , б̣уд̣̇д̇хам̣ логаг̇г̇анааяагам̣;
‘‘Kañcanagghiyasaṅkāsaṃ , buddhaṃ lokagganāyakaṃ;
басаннажид̇д̇о сумано, бубпаг̇гхияамубаанаяим̣.
Pasannacitto sumano, pupphagghiyamupānayiṃ.
128.
128.
‘‘вид̇ин̣н̣аган̇ко самб̣уд̣̇д̇хо, д̇ин̣н̣огхзхи бурагкад̇о;
‘‘Vitiṇṇakaṅkho sambuddho, tiṇṇoghehi purakkhato;
бхигкусан̇гхз нисийд̣̇ид̇ваа, имаа г̇аат̇аа абхаасат̇а.
Bhikkhusaṅghe nisīditvā, imā gāthā abhāsatha.
129.
129.
‘‘‘д̣̇иб̣б̣аг̇анд̇хам̣ бавааяанд̇ам̣, яо мз бубпаг̇гхияам̣ ад̣̇аа;
‘‘‘Dibbagandhaṃ pavāyantaṃ, yo me pupphagghiyaṃ adā;
д̇амахам̣ гид̇д̇аяиссаами, сун̣аат̇а мама бхаасад̇о.
Tamahaṃ kittayissāmi, suṇātha mama bhāsato.
130.
130.
‘‘‘ид̇о жуд̇о аяам̣ босо, д̣̇звасан̇гхабурагкад̇о;
‘‘‘Ito cuto ayaṃ poso, devasaṅghapurakkhato;
ж̇аад̇ибубпзхи баригин̣н̣о, д̣̇звалогам̣ г̇амиссад̇и.
Jātipupphehi parikiṇṇo, devalokaṃ gamissati.
131.
131.
‘‘‘уб̣б̣ид̣̇д̇хам̣ бхаванам̣ д̇асса, сован̣н̣ан̃жа ман̣иймаяам̣;
‘‘‘Ubbiddhaṃ bhavanaṃ tassa, sovaṇṇañca maṇīmayaṃ;
б̣яамхам̣ баад̇убхависсад̇и, бун̃н̃агаммаббабхаавид̇ам̣.
Byamhaṃ pātubhavissati, puññakammappabhāvitaṃ.
132.
132.
‘‘‘жад̇усад̇д̇ад̇игкад̇д̇ум̣ со, д̣̇звараж̇ж̇ам̣ гариссад̇и;
‘‘‘Catusattatikkhattuṃ so, devarajjaṃ karissati;
анубхоссад̇и самбад̇д̇им̣, ажчараахи бурагкад̇о.
Anubhossati sampattiṃ, accharāhi purakkhato.
133.
133.
‘‘‘бат̇аб̣яаа раж̇ж̇ам̣ д̇исад̇ам̣, васуд̇хам̣ аавасиссад̇и;
‘‘‘Pathabyā rajjaṃ tisataṃ, vasudhaṃ āvasissati;
бан̃жасад̇д̇ад̇игкад̇д̇ун̃жа, жаггавад̇д̇ий бхависсад̇и.
Pañcasattatikkhattuñca, cakkavattī bhavissati.
134.
134.
‘‘‘д̣̇уж̇ж̇аяо наама наамзна, хзссад̇и мануж̇аад̇хибо;
‘‘‘Dujjayo nāma nāmena, hessati manujādhipo;
анубход̇ваана д̇ам̣ бун̃н̃ам̣, сагагаммам̣ абассид̇о 1.
Anubhotvāna taṃ puññaṃ, sakakammaṃ apassito 2.
135.
135.
‘‘‘винибаад̇ам̣ аг̇анд̇ваана, мануссад̇д̇ам̣ г̇амиссад̇и;
‘‘‘Vinipātaṃ agantvāna, manussattaṃ gamissati;
136.
136.
‘‘‘ниб̣б̣ад̇д̇иссад̇и яонимхи, б̣раахман̣з со бхависсад̇и;
‘‘‘Nibbattissati yonimhi, brāhmaṇe so bhavissati;
ван̇г̇анд̇асса суд̇о д̇хиймаа, саарияаа орасо бияо.
Vaṅgantassa suto dhīmā, sāriyā oraso piyo.
137.
137.
‘‘‘со жа бажчаа баб̣б̣аж̇ид̇ваа, ан̇г̇ийрасасса саасанз;
‘‘‘So ca pacchā pabbajitvā, aṅgīrasassa sāsane;
138.
138.
‘‘‘сааман̣зрова со санд̇о, кийн̣аасаво бхависсад̇и;
‘‘‘Sāmaṇerova so santo, khīṇāsavo bhavissati;
саб̣б̣аасавз барин̃н̃ааяа, ниб̣б̣ааяиссад̇инаасаво’.
Sabbāsave pariññāya, nibbāyissatināsavo’.
139.
139.
‘‘убадтахим̣ махаавийрам̣, ан̃н̃з жа бзсалз б̣ахуу;
‘‘Upaṭṭhahiṃ mahāvīraṃ, aññe ca pesale bahū;
бхаад̇арам̣ мз жубадтаасим̣, уд̇д̇амад̇т̇асса бад̇д̇ияаа.
Bhātaraṃ me cupaṭṭhāsiṃ, uttamatthassa pattiyā.
140.
140.
‘‘бхаад̇арам̣ мз убадтид̇ваа, д̇хаад̇ум̣ бад̇д̇амхи охияа 7;
‘‘Bhātaraṃ me upaṭṭhitvā, dhātuṃ pattamhi ohiya 8;
самб̣уд̣̇д̇хам̣ убанаамзсим̣, логаж̇здтам̣ нараасабхам̣.
Sambuddhaṃ upanāmesiṃ, lokajeṭṭhaṃ narāsabhaṃ.
141.
141.
‘‘убхо хад̇т̇зхи баг̇г̇аяха, б̣уд̣̇д̇хо логз сад̣̇звагз;
‘‘Ubho hatthehi paggayha, buddho loke sadevake;
санд̣̇ассаяанд̇о д̇ам̣ д̇хаад̇ум̣, гид̇д̇аяи аг̇г̇асаавагам̣.
Sandassayanto taṃ dhātuṃ, kittayi aggasāvakaṃ.
142.
142.
‘‘жид̇д̇ан̃жа сувимуд̇д̇ам̣ мз, сад̣̇д̇хаа маяхам̣ бад̇идтид̇аа;
‘‘Cittañca suvimuttaṃ me, saddhā mayhaṃ patiṭṭhitā;
саб̣б̣аасавз барин̃н̃ааяа, вихараами анаасаво.
Sabbāsave pariññāya, viharāmi anāsavo.
143.
143.
‘‘бадисамбхид̣̇аануббад̇д̇аа, вимогкааби жа пассид̇аа 9;
‘‘Paṭisambhidānuppattā, vimokkhāpi ca phassitā 10;
чал̣абхин̃н̃аа сажчигад̇аа, гад̇ам̣ б̣уд̣̇д̇хасса саасанам̣’’.
Chaḷabhiññā sacchikatā, kataṃ buddhassa sāsanaṃ’’.
ид̇т̇ам̣ суд̣̇ам̣ ааяасмаа жунд̣̇о т̇зро имаа г̇аат̇ааяо абхаасид̇т̇аад̇и.
Itthaṃ sudaṃ āyasmā cundo thero imā gāthāyo abhāsitthāti.
жунд̣̇ад̇т̇зрассаабад̣̇аанам̣ д̣̇асамам̣.
Cundattherassāpadānaṃ dasamaṃ.
убааливаг̇г̇о бан̃жамо.
Upālivaggo pañcamo.
д̇ассуд̣̇д̣̇аанам̣ –
Tassuddānaṃ –
убаали сон̣о бхад̣̇д̣̇ияо, саннидтаабагахад̇т̇ияо;
Upāli soṇo bhaddiyo, sanniṭṭhāpakahatthiyo;
чад̣̇анам̣ сзяяажан̇гамам̣, субхад̣̇д̣̇о жунд̣̇асавхаяо;
Chadanaṃ seyyacaṅkamaṃ, subhaddo cundasavhayo;
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / абад̣̇аана-адтагат̇аа • Apadāna-aṭṭhakathā / 10. жунд̣̇ад̇т̇зраабад̣̇аанаван̣н̣анаа • 10. Cundattheraapadānavaṇṇanā
