| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
10. жунд̣̇ад̇т̇зраабад̣̇аанаван̣н̣анаа
10. Cundattheraapadānavaṇṇanā
сид̣̇д̇хад̇т̇асса бхаг̇авад̇од̇иаад̣̇игам̣ ааяасмад̇о жунд̣̇ад̇т̇зрасса абад̣̇аанам̣. аяамби буримаб̣уд̣̇д̇хзсу гад̇абун̃н̃асамбхааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о сид̣̇д̇хад̇т̇асса бхаг̇авад̇о гаалз вибхавасамбаннз гулз ниб̣б̣ад̇д̇о вин̃н̃уд̇ам̣ бад̇ваа сад̇т̇ари басийд̣̇ид̇ваа сад̇д̇арад̇анамаяам̣ суван̣н̣аг̇гхияам̣ гаарзд̇ваа суманабубпзхи чаад̣̇зд̇ваа бхаг̇аванд̇ам̣ бууж̇зси. д̇аани бубпаани аагаасам̣ самуг̇г̇анд̇ваа вид̇аанаагаарзна адтам̣су. ат̇а нам̣ бхаг̇аваа ‘‘анааг̇ад̇з г̇од̇амасса наама бхаг̇авад̇о саасанз жунд̣̇о наама сааваго бхависсад̇ий’’д̇и б̣яаагааси. со д̇зна бун̃н̃агаммзна д̇ад̇о жуд̇о д̣̇звалогз убабанно гамзна часу гаамааважарад̣̇звзсу сукам̣ анубхавид̇ваа мануссзсу жаггавад̇д̇иаад̣̇исамбад̇д̇ияо жа анубхавид̇ваа имасмим̣ б̣уд̣̇д̇хуббаад̣̇з б̣раахман̣агулз руубасаарияаа буд̇д̇о саарибуд̇д̇ад̇т̇зрасса ганидто худ̇ваа ниб̣б̣ад̇д̇и. д̇асса вин̃н̃уд̇ам̣ бад̇д̇асса аарохабарин̣аахаруубаваяаанам̣ сунд̣̇арад̇ааяа сагаарасса жагаарам̣ гад̇ваа жунд̣̇од̇и наамам̣ гарим̣су. со ваяаббад̇д̇о гхарааваасз аад̣̇ийнавам̣ баб̣б̣аж̇ж̇ааяа жа аанисам̣сам̣ д̣̇исваа бхаад̇уд̇т̇зрасса санд̇игз баб̣б̣аж̇ид̇ваа вибассанам̣ вад̣дхзд̇ваа нажирассзва арахад̇д̇ам̣ баабун̣и.
Siddhatthassabhagavatotiādikaṃ āyasmato cundattherassa apadānaṃ. Ayampi purimabuddhesu katapuññasambhāro tattha tattha bhave vivaṭṭūpanissayāni puññāni upacinanto siddhatthassa bhagavato kāle vibhavasampanne kule nibbatto viññutaṃ patvā satthari pasīditvā sattaratanamayaṃ suvaṇṇagghiyaṃ kāretvā sumanapupphehi chādetvā bhagavantaṃ pūjesi. Tāni pupphāni ākāsaṃ samuggantvā vitānākārena aṭṭhaṃsu. Atha naṃ bhagavā ‘‘anāgate gotamassa nāma bhagavato sāsane cundo nāma sāvako bhavissatī’’ti byākāsi. So tena puññakammena tato cuto devaloke upapanno kamena chasu kāmāvacaradevesu sukhaṃ anubhavitvā manussesu cakkavattiādisampattiyo ca anubhavitvā imasmiṃ buddhuppāde brāhmaṇakule rūpasāriyā putto sāriputtattherassa kaniṭṭho hutvā nibbatti. Tassa viññutaṃ pattassa ārohapariṇāharūpavayānaṃ sundaratāya sakārassa cakāraṃ katvā cundoti nāmaṃ kariṃsu. So vayappatto gharāvāse ādīnavaṃ pabbajjāya ca ānisaṃsaṃ disvā bhātuttherassa santike pabbajitvā vipassanaṃ vaḍḍhetvā nacirasseva arahattaṃ pāpuṇi.
125. со бад̇д̇аарахад̇д̇апало згад̣̇ивасам̣ ад̇д̇ано буб̣б̣агаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о сид̣̇д̇хад̇т̇асса бхаг̇авад̇од̇иаад̣̇имааха. д̇ам̣ хздтаа вуд̇д̇ад̇т̇амзва. аг̇гхияанд̇иаад̣̇аяоби уд̇д̇аанад̇т̇ааязва.
125. So pattaarahattaphalo ekadivasaṃ attano pubbakammaṃ saritvā somanassajāto pubbacaritāpadānaṃ pakāsento siddhatthassa bhagavatotiādimāha. Taṃ heṭṭhā vuttatthameva. Agghiyantiādayopi uttānatthāyeva.
128. вид̇ин̣н̣аган̇ко самб̣уд̣̇д̇ход̇и висзсзна маг̇г̇аад̇хиг̇амзна вижигижчааяа кзбид̇ад̇д̇аа вид̇ин̣н̣аган̇ко асам̣саяо самб̣уд̣̇д̇хо. д̇ин̣н̣огхзхи бурагкад̇од̇и гаамогхаад̣̇ийнам̣ жад̇уннам̣ огхаанам̣ д̇ин̣н̣ад̇д̇аа ад̇игганд̇ад̇д̇аа огхад̇ин̣н̣зхи кийн̣аасавзхи бурагкад̇о бариваарид̇од̇и ад̇т̇о. б̣яаагаран̣аг̇аат̇аа уд̇д̇аанад̇т̇ааязва.
128.Vitiṇṇakaṅkho sambuddhoti visesena maggādhigamena vicikicchāya khepitattā vitiṇṇakaṅkho asaṃsayo sambuddho. Tiṇṇoghehi purakkhatoti kāmoghādīnaṃ catunnaṃ oghānaṃ tiṇṇattā atikkantattā oghatiṇṇehi khīṇāsavehi purakkhato parivāritoti attho. Byākaraṇagāthā uttānatthāyeva.
139. убадтахим̣ махаавийранд̇и уд̇д̇амад̇т̇асса ниб̣б̣аанасса бад̇д̇ияаа баабун̣анад̇т̇ааяа габбасад̇асахассаад̇хигзсу жад̇ураасан̇кязяязсу габбзсу баарамияо буурзнд̇зна гад̇авийрияад̇д̇аа махаавийрам̣ б̣уд̣̇д̇хам̣ убадтахим̣ убадтаанам̣ агаасинд̇и ад̇т̇о. ан̃н̃з жа бзсалз б̣ахууд̇и на гзваламзва б̣уд̣̇д̇хам̣ убадтахим̣, бзсалз бияасийлз сийлаванд̇з ан̃н̃з жа б̣ахуаг̇г̇аббад̇д̇з саавагз, мз маяхам̣ бхаад̇арам̣ саарибуд̇д̇ад̇т̇зран̃жа убадтахинд̇и самб̣анд̇хо.
139.Upaṭṭhahiṃ mahāvīranti uttamatthassa nibbānassa pattiyā pāpuṇanatthāya kappasatasahassādhikesu caturāsaṅkhyeyyesu kappesu pāramiyo pūrentena katavīriyattā mahāvīraṃ buddhaṃ upaṭṭhahiṃ upaṭṭhānaṃ akāsinti attho. Aññe ca pesale bahūti na kevalameva buddhaṃ upaṭṭhahiṃ, pesale piyasīle sīlavante aññe ca bahuaggappatte sāvake, me mayhaṃ bhātaraṃ sāriputtattherañca upaṭṭhahinti sambandho.
140. бхаад̇арам̣ мз убадтахид̇ваад̇и маяхам̣ бхаад̇арам̣ убадтахид̇ваа вад̇д̇абадивад̇д̇ам̣ гад̇ваа д̇асса бариниб̣б̣уд̇агаалз бхаг̇авад̇о батамам̣ бариниб̣б̣уд̇ад̇д̇аа д̇асса д̇хаад̇уяо г̇ахзд̇ваа бад̇д̇амхи огирид̇ваа логаж̇здтасса нараанам̣ аасабхасса б̣уд̣̇д̇хасса убанаамзсим̣ ад̣̇аасинд̇и ад̇т̇о.
140.Bhātaraṃme upaṭṭhahitvāti mayhaṃ bhātaraṃ upaṭṭhahitvā vattapaṭivattaṃ katvā tassa parinibbutakāle bhagavato paṭhamaṃ parinibbutattā tassa dhātuyo gahetvā pattamhi okiritvā lokajeṭṭhassa narānaṃ āsabhassa buddhassa upanāmesiṃ adāsinti attho.
141. убхо хад̇т̇зхи баг̇г̇аяхаад̇и д̇ам̣ махаа д̣̇иннам̣ д̇хаад̇ум̣ со бхаг̇аваа ад̇д̇ано убхохи хад̇т̇зхи багаарзна г̇ахзд̇ваа д̇ам̣ д̇хаад̇ум̣ сам̣судту д̣̇ассаяанд̇о аг̇г̇асаавагам̣ саарибуд̇д̇ад̇т̇зрам̣ гид̇д̇аяи багаасзсийд̇и ад̇т̇о. сзсам̣ уд̇д̇аанад̇т̇амзваад̇и.
141.Ubho hatthehi paggayhāti taṃ mahā dinnaṃ dhātuṃ so bhagavā attano ubhohi hatthehi pakārena gahetvā taṃ dhātuṃ saṃsuṭṭhu dassayanto aggasāvakaṃ sāriputtattheraṃ kittayi pakāsesīti attho. Sesaṃ uttānatthamevāti.
жунд̣̇ад̇т̇зраабад̣̇аанаван̣н̣анаа самад̇д̇аа.
Cundattheraapadānavaṇṇanā samattā.
бан̃жамаваг̇г̇аван̣н̣анаа самад̇д̇аа.
Pañcamavaggavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 10. жунд̣̇ад̇т̇зраабад̣̇аанам̣ • 10. Cundattheraapadānaṃ
