| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੧੦. ਚੁਨ੍ਦਤ੍ਥੇਰਅਪਦਾਨવਣ੍ਣਨਾ
10. Cundattheraapadānavaṇṇanā
ਸਿਦ੍ਧਤ੍ਥਸ੍ਸ ਭਗવਤੋਤਿਆਦਿਕਂ ਆਯਸ੍ਮਤੋ ਚੁਨ੍ਦਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਪੁਞ੍ਞਸਮ੍ਭਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਸਿਦ੍ਧਤ੍ਥਸ੍ਸ ਭਗવਤੋ ਕਾਲੇ વਿਭવਸਮ੍ਪਨ੍ਨੇ ਕੁਲੇ ਨਿਬ੍ਬਤ੍ਤੋ વਿਞ੍ਞੁਤਂ ਪਤ੍વਾ ਸਤ੍ਥਰਿ ਪਸੀਦਿਤ੍વਾ ਸਤ੍ਤਰਤਨਮਯਂ ਸੁવਣ੍ਣਗ੍ਘਿਯਂ ਕਾਰੇਤ੍વਾ ਸੁਮਨਪੁਪ੍ਫੇਹਿ ਛਾਦੇਤ੍વਾ ਭਗવਨ੍ਤਂ ਪੂਜੇਸਿ। ਤਾਨਿ ਪੁਪ੍ਫਾਨਿ ਆਕਾਸਂ ਸਮੁਗ੍ਗਨ੍ਤ੍વਾ વਿਤਾਨਾਕਾਰੇਨ ਅਟ੍ਠਂਸੁ। ਅਥ ਨਂ ਭਗવਾ ‘‘ਅਨਾਗਤੇ ਗੋਤਮਸ੍ਸ ਨਾਮ ਭਗવਤੋ ਸਾਸਨੇ ਚੁਨ੍ਦੋ ਨਾਮ ਸਾવਕੋ ਭવਿਸ੍ਸਤੀ’’ਤਿ ਬ੍ਯਾਕਾਸਿ। ਸੋ ਤੇਨ ਪੁਞ੍ਞਕਮ੍ਮੇਨ ਤਤੋ ਚੁਤੋ ਦੇવਲੋਕੇ ਉਪਪਨ੍ਨੋ ਕਮੇਨ ਛਸੁ ਕਾਮਾવਚਰਦੇવੇਸੁ ਸੁਖਂ ਅਨੁਭવਿਤ੍વਾ ਮਨੁਸ੍ਸੇਸੁ ਚਕ੍ਕવਤ੍ਤਿਆਦਿਸਮ੍ਪਤ੍ਤਿਯੋ ਚ ਅਨੁਭવਿਤ੍વਾ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਬ੍ਰਾਹ੍ਮਣਕੁਲੇ ਰੂਪਸਾਰਿਯਾ ਪੁਤ੍ਤੋ ਸਾਰਿਪੁਤ੍ਤਤ੍ਥੇਰਸ੍ਸ ਕਨਿਟ੍ਠੋ ਹੁਤ੍વਾ ਨਿਬ੍ਬਤ੍ਤਿ। ਤਸ੍ਸ વਿਞ੍ਞੁਤਂ ਪਤ੍ਤਸ੍ਸ ਆਰੋਹਪਰਿਣਾਹਰੂਪવਯਾਨਂ ਸੁਨ੍ਦਰਤਾਯ ਸਕਾਰਸ੍ਸ ਚਕਾਰਂ ਕਤ੍વਾ ਚੁਨ੍ਦੋਤਿ ਨਾਮਂ ਕਰਿਂਸੁ। ਸੋ વਯਪ੍ਪਤ੍ਤੋ ਘਰਾવਾਸੇ ਆਦੀਨવਂ ਪਬ੍ਬਜ੍ਜਾਯ ਚ ਆਨਿਸਂਸਂ ਦਿਸ੍વਾ ਭਾਤੁਤ੍ਥੇਰਸ੍ਸ ਸਨ੍ਤਿਕੇ ਪਬ੍ਬਜਿਤ੍વਾ વਿਪਸ੍ਸਨਂ વਡ੍ਢੇਤ੍વਾ ਨਚਿਰਸ੍ਸੇવ ਅਰਹਤ੍ਤਂ ਪਾਪੁਣਿ।
Siddhatthassabhagavatotiādikaṃ āyasmato cundattherassa apadānaṃ. Ayampi purimabuddhesu katapuññasambhāro tattha tattha bhave vivaṭṭūpanissayāni puññāni upacinanto siddhatthassa bhagavato kāle vibhavasampanne kule nibbatto viññutaṃ patvā satthari pasīditvā sattaratanamayaṃ suvaṇṇagghiyaṃ kāretvā sumanapupphehi chādetvā bhagavantaṃ pūjesi. Tāni pupphāni ākāsaṃ samuggantvā vitānākārena aṭṭhaṃsu. Atha naṃ bhagavā ‘‘anāgate gotamassa nāma bhagavato sāsane cundo nāma sāvako bhavissatī’’ti byākāsi. So tena puññakammena tato cuto devaloke upapanno kamena chasu kāmāvacaradevesu sukhaṃ anubhavitvā manussesu cakkavattiādisampattiyo ca anubhavitvā imasmiṃ buddhuppāde brāhmaṇakule rūpasāriyā putto sāriputtattherassa kaniṭṭho hutvā nibbatti. Tassa viññutaṃ pattassa ārohapariṇāharūpavayānaṃ sundaratāya sakārassa cakāraṃ katvā cundoti nāmaṃ kariṃsu. So vayappatto gharāvāse ādīnavaṃ pabbajjāya ca ānisaṃsaṃ disvā bhātuttherassa santike pabbajitvā vipassanaṃ vaḍḍhetvā nacirasseva arahattaṃ pāpuṇi.
੧੨੫. ਸੋ ਪਤ੍ਤਅਰਹਤ੍ਤਫਲੋ ਏਕਦਿવਸਂ ਅਤ੍ਤਨੋ ਪੁਬ੍ਬਕਮ੍ਮਂ ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਸਿਦ੍ਧਤ੍ਥਸ੍ਸ ਭਗવਤੋਤਿਆਦਿਮਾਹ। ਤਂ ਹੇਟ੍ਠਾ વੁਤ੍ਤਤ੍ਥਮੇવ। ਅਗ੍ਘਿਯਨ੍ਤਿਆਦਯੋਪਿ ਉਤ੍ਤਾਨਤ੍ਥਾਯੇવ।
125. So pattaarahattaphalo ekadivasaṃ attano pubbakammaṃ saritvā somanassajāto pubbacaritāpadānaṃ pakāsento siddhatthassa bhagavatotiādimāha. Taṃ heṭṭhā vuttatthameva. Agghiyantiādayopi uttānatthāyeva.
੧੨੮. વਿਤਿਣ੍ਣਕਙ੍ਖੋ ਸਮ੍ਬੁਦ੍ਧੋਤਿ વਿਸੇਸੇਨ ਮਗ੍ਗਾਧਿਗਮੇਨ વਿਚਿਕਿਚ੍ਛਾਯ ਖੇਪਿਤਤ੍ਤਾ વਿਤਿਣ੍ਣਕਙ੍ਖੋ ਅਸਂਸਯੋ ਸਮ੍ਬੁਦ੍ਧੋ। ਤਿਣ੍ਣੋਘੇਹਿ ਪੁਰਕ੍ਖਤੋਤਿ ਕਾਮੋਘਾਦੀਨਂ ਚਤੁਨ੍ਨਂ ਓਘਾਨਂ ਤਿਣ੍ਣਤ੍ਤਾ ਅਤਿਕ੍ਕਨ੍ਤਤ੍ਤਾ ਓਘਤਿਣ੍ਣੇਹਿ ਖੀਣਾਸવੇਹਿ ਪੁਰਕ੍ਖਤੋ ਪਰਿવਾਰਿਤੋਤਿ ਅਤ੍ਥੋ। ਬ੍ਯਾਕਰਣਗਾਥਾ ਉਤ੍ਤਾਨਤ੍ਥਾਯੇવ।
128.Vitiṇṇakaṅkho sambuddhoti visesena maggādhigamena vicikicchāya khepitattā vitiṇṇakaṅkho asaṃsayo sambuddho. Tiṇṇoghehi purakkhatoti kāmoghādīnaṃ catunnaṃ oghānaṃ tiṇṇattā atikkantattā oghatiṇṇehi khīṇāsavehi purakkhato parivāritoti attho. Byākaraṇagāthā uttānatthāyeva.
੧੩੯. ਉਪਟ੍ਠਹਿਂ ਮਹਾવੀਰਨ੍ਤਿ ਉਤ੍ਤਮਤ੍ਥਸ੍ਸ ਨਿਬ੍ਬਾਨਸ੍ਸ ਪਤ੍ਤਿਯਾ ਪਾਪੁਣਨਤ੍ਥਾਯ ਕਪ੍ਪਸਤਸਹਸ੍ਸਾਧਿਕੇਸੁ ਚਤੁਰਾਸਙ੍ਖ੍ਯੇਯ੍ਯੇਸੁ ਕਪ੍ਪੇਸੁ ਪਾਰਮਿਯੋ ਪੂਰੇਨ੍ਤੇਨ ਕਤવੀਰਿਯਤ੍ਤਾ ਮਹਾવੀਰਂ ਬੁਦ੍ਧਂ ਉਪਟ੍ਠਹਿਂ ਉਪਟ੍ਠਾਨਂ ਅਕਾਸਿਨ੍ਤਿ ਅਤ੍ਥੋ। ਅਞ੍ਞੇ ਚ ਪੇਸਲੇ ਬਹੂਤਿ ਨ ਕੇવਲਮੇવ ਬੁਦ੍ਧਂ ਉਪਟ੍ਠਹਿਂ, ਪੇਸਲੇ ਪਿਯਸੀਲੇ ਸੀਲવਨ੍ਤੇ ਅਞ੍ਞੇ ਚ ਬਹੁਅਗ੍ਗਪ੍ਪਤ੍ਤੇ ਸਾવਕੇ, ਮੇ ਮਯ੍ਹਂ ਭਾਤਰਂ ਸਾਰਿਪੁਤ੍ਤਤ੍ਥੇਰਞ੍ਚ ਉਪਟ੍ਠਹਿਨ੍ਤਿ ਸਮ੍ਬਨ੍ਧੋ।
139.Upaṭṭhahiṃ mahāvīranti uttamatthassa nibbānassa pattiyā pāpuṇanatthāya kappasatasahassādhikesu caturāsaṅkhyeyyesu kappesu pāramiyo pūrentena katavīriyattā mahāvīraṃ buddhaṃ upaṭṭhahiṃ upaṭṭhānaṃ akāsinti attho. Aññe ca pesale bahūti na kevalameva buddhaṃ upaṭṭhahiṃ, pesale piyasīle sīlavante aññe ca bahuaggappatte sāvake, me mayhaṃ bhātaraṃ sāriputtattherañca upaṭṭhahinti sambandho.
੧੪੦. ਭਾਤਰਂ ਮੇ ਉਪਟ੍ਠਹਿਤ੍વਾਤਿ ਮਯ੍ਹਂ ਭਾਤਰਂ ਉਪਟ੍ਠਹਿਤ੍વਾ વਤ੍ਤਪਟਿવਤ੍ਤਂ ਕਤ੍વਾ ਤਸ੍ਸ ਪਰਿਨਿਬ੍ਬੁਤਕਾਲੇ ਭਗવਤੋ ਪਠਮਂ ਪਰਿਨਿਬ੍ਬੁਤਤ੍ਤਾ ਤਸ੍ਸ ਧਾਤੁਯੋ ਗਹੇਤ੍વਾ ਪਤ੍ਤਮ੍ਹਿ ਓਕਿਰਿਤ੍વਾ ਲੋਕਜੇਟ੍ਠਸ੍ਸ ਨਰਾਨਂ ਆਸਭਸ੍ਸ ਬੁਦ੍ਧਸ੍ਸ ਉਪਨਾਮੇਸਿਂ ਅਦਾਸਿਨ੍ਤਿ ਅਤ੍ਥੋ।
140.Bhātaraṃme upaṭṭhahitvāti mayhaṃ bhātaraṃ upaṭṭhahitvā vattapaṭivattaṃ katvā tassa parinibbutakāle bhagavato paṭhamaṃ parinibbutattā tassa dhātuyo gahetvā pattamhi okiritvā lokajeṭṭhassa narānaṃ āsabhassa buddhassa upanāmesiṃ adāsinti attho.
੧੪੧. ਉਭੋ ਹਤ੍ਥੇਹਿ ਪਗ੍ਗਯ੍ਹਾਤਿ ਤਂ ਮਹਾ ਦਿਨ੍ਨਂ ਧਾਤੁਂ ਸੋ ਭਗવਾ ਅਤ੍ਤਨੋ ਉਭੋਹਿ ਹਤ੍ਥੇਹਿ ਪਕਾਰੇਨ ਗਹੇਤ੍વਾ ਤਂ ਧਾਤੁਂ ਸਂਸੁਟ੍ਠੁ ਦਸ੍ਸਯਨ੍ਤੋ ਅਗ੍ਗਸਾવਕਂ ਸਾਰਿਪੁਤ੍ਤਤ੍ਥੇਰਂ ਕਿਤ੍ਤਯਿ ਪਕਾਸੇਸੀਤਿ ਅਤ੍ਥੋ। ਸੇਸਂ ਉਤ੍ਤਾਨਤ੍ਥਮੇવਾਤਿ।
141.Ubho hatthehi paggayhāti taṃ mahā dinnaṃ dhātuṃ so bhagavā attano ubhohi hatthehi pakārena gahetvā taṃ dhātuṃ saṃsuṭṭhu dassayanto aggasāvakaṃ sāriputtattheraṃ kittayi pakāsesīti attho. Sesaṃ uttānatthamevāti.
ਚੁਨ੍ਦਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Cundattheraapadānavaṇṇanā samattā.
ਪਞ੍ਚਮવਗ੍ਗવਣ੍ਣਨਾ ਸਮਤ੍ਤਾ।
Pañcamavaggavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੧੦. ਚੁਨ੍ਦਤ੍ਥੇਰਅਪਦਾਨਂ • 10. Cundattheraapadānaṃ
