| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
2. சுந்தீ³ஸுத்தவண்ணனா
2. Cundīsuttavaṇṇanā
32. து³தியே பஞ்சஹி ரத²ஸதேஹீதி பு⁴த்தபாதராஸா பிது ஸந்திகங் பேஸெத்வா பஞ்ச ரத²ஸதானி யோஜாபெத்வா தேஹி பரிவுதாதி அத்தோ². உபஸங்கமீதி பா⁴தரா ஸத்³தி⁴ங் பவத்திதங் பஞ்ஹஸாகச்ச²ங் புச்சி²ஸ்ஸாமீதி க³ந்த⁴மாலசுண்ணாதீ³னி ஆதா³ய உபஸங்கமி. யதே³வ ஸோ ஹோதீதி யதா³ ஏவ ஸோ ஹோதி. அத² வா யோ ஏவ ஸோ ஹோதி. அரியகந்தானி ஸீலானீதி மக்³க³ப²லஸம்பயுத்தானி ஸீலானி. தானி ஹி அரியானங் கந்தானி ஹொந்தி, ப⁴வந்தரேபி ந பரிச்சஜந்தி. ஸேஸங் சதுக்கனிபாதே அக்³க³ப்பஸாத³ஸுத்தே வுத்தனயேனேவ வேதி³தப்³ப³ங்.
32. Dutiye pañcahi rathasatehīti bhuttapātarāsā pitu santikaṃ pesetvā pañca rathasatāni yojāpetvā tehi parivutāti attho. Upasaṅkamīti bhātarā saddhiṃ pavattitaṃ pañhasākacchaṃ pucchissāmīti gandhamālacuṇṇādīni ādāya upasaṅkami. Yadeva so hotīti yadā eva so hoti. Atha vā yo eva so hoti. Ariyakantāni sīlānīti maggaphalasampayuttāni sīlāni. Tāni hi ariyānaṃ kantāni honti, bhavantarepi na pariccajanti. Sesaṃ catukkanipāte aggappasādasutte vuttanayeneva veditabbaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 2. சுந்தீ³ஸுத்தங் • 2. Cundīsuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 2. சுந்தீ³ஸுத்தவண்ணனா • 2. Cundīsuttavaṇṇanā
