| Library / Tipiṭaka / തിപിടക • Tipiṭaka / അങ്ഗുത്തരനികായ (ടീകാ) • Aṅguttaranikāya (ṭīkā) |
൨. ചുന്ദീസുത്തവണ്ണനാ
2. Cundīsuttavaṇṇanā
൩൨. ദുതിയേ ‘‘അരിയകന്തേഹി സീലേഹി സമന്നാഗതോ’’തിആദീസു (അ॰ നി॰ ൫.൧൭൯) അരിയകന്താനീതി പഞ്ചസീലാനി ആഗതാനി. അരിയകന്താനി ഹി പഞ്ചസീലാനി അരിയാനം കന്താനി പിയാനി, ഭവന്തരഗതാപി അരിയാ താനി ന വിജഹന്തി. ഇധ പന ‘‘യാവതാ, ചുന്ദ, സീലാനി അരിയകന്താനി സീലാനി, തേസം അഗ്ഗമക്ഖായതി…പേ॰… അഗ്ഗേ തേ പരിപൂരകാരിനോ’’തി വുത്തത്താ മഗ്ഗഫലാനി സീലാനി അധിപ്പേതാനീതി ആഹ ‘‘അരിയകന്താനി സീലാനീതി മഗ്ഗഫലസമ്പയുത്താനി സീലാനീ’’തി.
32. Dutiye ‘‘ariyakantehi sīlehi samannāgato’’tiādīsu (a. ni. 5.179) ariyakantānīti pañcasīlāni āgatāni. Ariyakantāni hi pañcasīlāni ariyānaṃ kantāni piyāni, bhavantaragatāpi ariyā tāni na vijahanti. Idha pana ‘‘yāvatā, cunda, sīlāni ariyakantāni sīlāni, tesaṃ aggamakkhāyati…pe… agge te paripūrakārino’’ti vuttattā maggaphalāni sīlāni adhippetānīti āha ‘‘ariyakantāni sīlānīti maggaphalasampayuttāni sīlānī’’ti.
ചുന്ദീസുത്തവണ്ണനാ നിട്ഠിതാ.
Cundīsuttavaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / അങ്ഗുത്തരനികായ • Aṅguttaranikāya / ൨. ചുന്ദീസുത്തം • 2. Cundīsuttaṃ
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) / ൨. ചുന്ദീസുത്തവണ്ണനാ • 2. Cundīsuttavaṇṇanā
