| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
4. д̣̇аб̣б̣амаллабуд̇д̇ад̇т̇зраабад̣̇аанаван̣н̣анаа
4. Dabbamallaputtattheraapadānavaṇṇanā
жад̇уд̇т̇аабад̣̇аанз бад̣̇умуд̇д̇аро наама ж̇инод̇иаад̣̇игам̣ ааяасмад̇о д̣̇аб̣б̣амаллабуд̇д̇ад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о бад̣̇умуд̇д̇арасса бхаг̇авад̇о гаалз хам̣савад̇ийнаг̇арз сздтибуд̇д̇о худ̇ваа ж̇аад̇о вибхавасамбанно ахоси, сад̇т̇ари басанно сад̇т̇у д̇хаммад̣̇зсанам̣ сун̣анд̇о сад̇т̇аарам̣ згам̣ бхигкум̣ сзнаасанабан̃н̃аабагаанам̣ аг̇г̇адтаанз табзнд̇ам̣ д̣̇исваа басаннамаанасо б̣уд̣̇д̇хаббамукам̣ бхигкусан̇гхам̣ ниманд̇зд̇ваа сад̇д̇аахам̣ махаад̣̇аанам̣ д̣̇ад̇ваа сад̇д̇аахажжаязна бхаг̇авад̇о баад̣̇амуулз нибад̇ид̇ваа д̇ам̣ таанам̣ бад̇т̇зси. бхаг̇аваабисса самиж̇жханабхаавам̣ н̃ад̇ваа б̣яаагааси. со яааваж̇ийвам̣ гусалам̣ гад̇ваа д̇ад̇о жуд̇о д̇усид̇аад̣̇ийсу д̣̇звзсу д̣̇иб̣б̣асамбад̇д̇им̣ анубхавид̇ваа д̇ад̇о жуд̇о вибассисса бхаг̇авад̇о гаалз згасмим̣ гулз ниб̣б̣ад̇д̇о асаббурисасам̣саг̇г̇зна д̇асса саавагам̣ бхигкум̣ арахаад̇и ж̇аананд̇оби аб̣бхууд̇зна аб̣бхаажигки. д̇ассзва саавагаанам̣ кийрасалаагабхад̇д̇ам̣ ад̣̇ааси. со яаавад̇ааяугам̣ бун̃н̃аани гад̇ваа д̣̇звамануссзсу сам̣саранд̇о убхаяасамбад̇д̇ияо анубхавид̇ваа гассабад̣̇асаб̣аласса гаалз гулаг̇зхз ниб̣б̣ад̇д̇о осаанагаалз саасанз баб̣б̣аж̇ид̇о бариниб̣б̣уд̇з бхаг̇авад̇и сагалалогз голаахалз ж̇аад̇з сад̇д̇а бхигкаво баб̣б̣аж̇ид̇о бажжанд̇аж̇анабад̣̇з ванамаж̇жхз згам̣ баб̣б̣ад̇ам̣ абхирухид̇ваа ‘‘ж̇ийвид̇аасаа ороханд̇у нираалаяаа нисийд̣̇анд̇уу’’д̇и ниссзн̣им̣ баад̇зсум̣. д̇зсам̣ оваад̣̇ад̣̇ааяаго ж̇здтагад̇т̇зро сад̇т̇аахаб̣бханд̇арз арахаа ахоси. д̇ад̣̇ананд̇арад̇т̇зро анааг̇аамий, ид̇арз бан̃жа барисуд̣̇д̇хасийлаа д̇ад̇о жуд̇аа д̣̇звалогз ниб̣б̣ад̇д̇аа. д̇ад̇т̇а згам̣ б̣уд̣̇д̇ханд̇арам̣ д̣̇иб̣б̣асукам̣ анубхавид̇ваа имасмим̣ б̣уд̣̇д̇хуббаад̣̇з буггусаад̇и (ма. ни. 3.342), сабхияо (су. ни. сабхияасуд̇д̇а), б̣аахияо (уд̣̇аа. 10), гумаарагассабод̇и (ма. ни. 1.249) имз жад̇д̇ааро д̇ад̇т̇а д̇ад̇т̇а ниб̣б̣ад̇д̇им̣су. аяам̣ бана малларадтз анубияанаг̇арз ниб̣б̣ад̇д̇и. д̇асмим̣ маад̇угужчид̇о анигканд̇зязва маад̇аа гааламагааси, ат̇зго д̇ассаа сарийрам̣ жхаабанад̇т̇ааяа жид̇агасмим̣ ааробзд̇ваа гумаарам̣ д̣̇аб̣б̣анд̇арз бад̇ид̇ам̣ г̇ахзд̇ваа ж̇аг̇г̇аабзси. д̣̇аб̣б̣з бад̇ид̇ад̇д̇аа д̣̇аб̣б̣о маллабуд̇д̇од̇и баагадо ахоси. абарабхааг̇з буб̣б̣асамбхааравасзна баб̣б̣аж̇и, со гаммадтаанамануяуд̇д̇о нажирассзва саха бадисамбхид̣̇аахи арахад̇д̇ам̣ баабун̣и.
Catutthāpadāne padumuttaro nāma jinotiādikaṃ āyasmato dabbamallaputtattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto padumuttarassa bhagavato kāle haṃsavatīnagare seṭṭhiputto hutvā jāto vibhavasampanno ahosi, satthari pasanno satthu dhammadesanaṃ suṇanto satthāraṃ ekaṃ bhikkhuṃ senāsanapaññāpakānaṃ aggaṭṭhāne ṭhapentaṃ disvā pasannamānaso buddhappamukhaṃ bhikkhusaṅghaṃ nimantetvā sattāhaṃ mahādānaṃ datvā sattāhaccayena bhagavato pādamūle nipatitvā taṃ ṭhānaṃ patthesi. Bhagavāpissa samijjhanabhāvaṃ ñatvā byākāsi. So yāvajīvaṃ kusalaṃ katvā tato cuto tusitādīsu devesu dibbasampattiṃ anubhavitvā tato cuto vipassissa bhagavato kāle ekasmiṃ kule nibbatto asappurisasaṃsaggena tassa sāvakaṃ bhikkhuṃ arahāti jānantopi abbhūtena abbhācikkhi. Tasseva sāvakānaṃ khīrasalākabhattaṃ adāsi. So yāvatāyukaṃ puññāni katvā devamanussesu saṃsaranto ubhayasampattiyo anubhavitvā kassapadasabalassa kāle kulagehe nibbatto osānakāle sāsane pabbajito parinibbute bhagavati sakalaloke kolāhale jāte satta bhikkhavo pabbajito paccantajanapade vanamajjhe ekaṃ pabbataṃ abhiruhitvā ‘‘jīvitāsā orohantu nirālayā nisīdantū’’ti nisseṇiṃ pātesuṃ. Tesaṃ ovādadāyako jeṭṭhakatthero satthāhabbhantare arahā ahosi. Tadanantaratthero anāgāmī, itare pañca parisuddhasīlā tato cutā devaloke nibbattā. Tattha ekaṃ buddhantaraṃ dibbasukhaṃ anubhavitvā imasmiṃ buddhuppāde pukkusāti (ma. ni. 3.342), sabhiyo (su. ni. sabhiyasutta), bāhiyo (udā. 10), kumārakassapoti (ma. ni. 1.249) ime cattāro tattha tattha nibbattiṃsu. Ayaṃ pana mallaraṭṭhe anupiyanagare nibbatti. Tasmiṃ mātukucchito anikkhanteyeva mātā kālamakāsi, atheko tassā sarīraṃ jhāpanatthāya citakasmiṃ āropetvā kumāraṃ dabbantare patitaṃ gahetvā jaggāpesi. Dabbe patitattā dabbo mallaputtoti pākaṭo ahosi. Aparabhāge pubbasambhāravasena pabbaji, so kammaṭṭhānamanuyutto nacirasseva saha paṭisambhidāhi arahattaṃ pāpuṇi.
ат̇а нам̣ сад̇т̇аа маж̇жхад̇д̇абхаавзна аанубхаавасамбаннабхаавзна жа бхигкуунам̣ сзнаасанам̣ бан̃н̃аабанз бхад̇д̇уд̣̇д̣̇зсанз жа нияож̇зси. саб̣б̣о жа бхигкусан̇гхо д̇ам̣ саманнзси. д̇ам̣ винаяаканд̇хагз (жуул̣ава. 189-190) ааг̇ад̇амзва. абарабхааг̇з т̇зро згасса варасалаагад̣̇ааяагасса салаагабхад̇д̇ам̣ мзд̇д̇ияабхуумаж̇агаанам̣ бхигкуунам̣ уд̣̇д̣̇иси. д̇з хадтад̇удтаа ‘‘свз маяхам̣ муг̇г̇агхад̇амад̇хумиссагабхад̇д̇ам̣ бхун̃ж̇иссаамаа’’д̇и уссаахаж̇аад̇аа ахзсум̣. со бана убаасаго д̇зсам̣ ваараббад̇д̇абхаавам̣ суд̇ваа д̣̇аасим̣ аан̣аабзси – ‘‘яз, ж̇з, бхигкуу свз ид̇ха ааг̇амиссанд̇и, д̇з ган̣ааж̇агзна б̣илан̇г̇ад̣̇уд̇иязна баривисаахий’’д̇и. сааби д̇ат̇зва д̇з бхигкуу ааг̇ад̇з годтагабамукз нисийд̣̇аабзд̇ваа бхож̇зси. д̇з бхигкуу анад̇д̇аманаа гобзна д̇адад̇адааяанд̇аа т̇зрз аагхаад̇ам̣ б̣анд̇хид̇ваа ‘‘мад̇хурабхад̇д̇ад̣̇ааяагам̣ амхаагам̣ амад̇хурабхад̇д̇ам̣ д̣̇аабзд̇ум̣ зсова нияож̇зсий’’д̇и д̣̇угкий д̣̇умманаа нисийд̣̇им̣су. ат̇а д̇з мзд̇д̇ияаа наама бхигкуний ‘‘гим̣, бханд̇з, д̣̇умманаа’’д̇и бужчи. д̇з, ‘‘бхаг̇ини, гим̣ амхз д̣̇аб̣б̣зна маллабуд̇д̇зна вихзтияамаанз аж̇жхубзгкасий’’д̇и аахам̣су. ‘‘гим̣, бханд̇з, маяаа саггаа гаад̇у’’нд̇и? ‘‘д̇асса д̣̇осам̣ ааробзхий’’д̇и. саа д̇ад̇т̇а д̇ад̇т̇а т̇зрасса абхууд̇ааробанам̣ агааси. д̇ам̣ суд̇ваа бхигкуу бхаг̇авад̇о аарожзсум̣. ат̇а бхаг̇аваа д̣̇аб̣б̣ам̣ маллабуд̇д̇ам̣ баггосаабзд̇ваа – ‘‘сажжам̣ гира д̇вам̣, д̣̇аб̣б̣а, мзд̇д̇ияааяа бхигкунияаа виббагаарамагаасий’’д̇и бужчи. ‘‘яат̇аа мам̣, бханд̇з, бхаг̇аваа ж̇аанаад̇ий’’д̇и. ‘‘на ко, д̣̇аб̣б̣а , д̣̇аб̣б̣аа звам̣ ниб̣б̣зтзнд̇и, гаарагабхаавам̣ ваа агаарагабхаавам̣ ваа вад̣̇зхий’’д̇и. ‘‘агаараго ахам̣, бханд̇з’’д̇и. бхаг̇аваа – ‘‘мзд̇д̇ияам̣ бхигкуним̣ наасзд̇ваа д̇з бхигкуу ануяун̃ж̇ат̇аа’’д̇и ааха. убаалид̇т̇зраббамукаа бхигкуу д̇ам̣ бхигкуним̣ уббаб̣б̣ааж̇зд̇ваа мзд̇д̇ияабхуумаж̇агз бхигкуу ануяун̃ж̇ид̇ваа д̇зхи ‘‘амхзхи нияож̇ид̇аа саа бхигкуний’’д̇и вуд̇д̇з бхаг̇авад̇о згамад̇т̇ам̣ аарожзсум̣. бхаг̇аваа мзд̇д̇ияабхуумаж̇агаанам̣ бхигкуунам̣ амуулагасан̇гхаад̣̇исзсам̣ бан̃н̃абзси.
Atha naṃ satthā majjhattabhāvena ānubhāvasampannabhāvena ca bhikkhūnaṃ senāsanaṃ paññāpane bhattuddesane ca niyojesi. Sabbo ca bhikkhusaṅgho taṃ samannesi. Taṃ vinayakhandhake (cūḷava. 189-190) āgatameva. Aparabhāge thero ekassa varasalākadāyakassa salākabhattaṃ mettiyabhūmajakānaṃ bhikkhūnaṃ uddisi. Te haṭṭhatuṭṭhā ‘‘sve mayhaṃ muggaghatamadhumissakabhattaṃ bhuñjissāmā’’ti ussāhajātā ahesuṃ. So pana upāsako tesaṃ vārappattabhāvaṃ sutvā dāsiṃ āṇāpesi – ‘‘ye, je, bhikkhū sve idha āgamissanti, te kaṇājakena bilaṅgadutiyena parivisāhī’’ti. Sāpi tatheva te bhikkhū āgate koṭṭhakapamukhe nisīdāpetvā bhojesi. Te bhikkhū anattamanā kopena taṭataṭāyantā there āghātaṃ bandhitvā ‘‘madhurabhattadāyakaṃ amhākaṃ amadhurabhattaṃ dāpetuṃ esova niyojesī’’ti dukkhī dummanā nisīdiṃsu. Atha te mettiyā nāma bhikkhunī ‘‘kiṃ, bhante, dummanā’’ti pucchi. Te, ‘‘bhagini, kiṃ amhe dabbena mallaputtena viheṭhiyamāne ajjhupekkhasī’’ti āhaṃsu. ‘‘Kiṃ, bhante, mayā sakkā kātu’’nti? ‘‘Tassa dosaṃ āropehī’’ti. Sā tattha tattha therassa abhūtāropanaṃ akāsi. Taṃ sutvā bhikkhū bhagavato ārocesuṃ. Atha bhagavā dabbaṃ mallaputtaṃ pakkosāpetvā – ‘‘saccaṃ kira tvaṃ, dabba, mettiyāya bhikkhuniyā vippakāramakāsī’’ti pucchi. ‘‘Yathā maṃ, bhante, bhagavā jānātī’’ti. ‘‘Na kho, dabba , dabbā evaṃ nibbeṭhenti, kārakabhāvaṃ vā akārakabhāvaṃ vā vadehī’’ti. ‘‘Akārako ahaṃ, bhante’’ti. Bhagavā – ‘‘mettiyaṃ bhikkhuniṃ nāsetvā te bhikkhū anuyuñjathā’’ti āha. Upālittherappamukhā bhikkhū taṃ bhikkhuniṃ uppabbājetvā mettiyabhūmajake bhikkhū anuyuñjitvā tehi ‘‘amhehi niyojitā sā bhikkhunī’’ti vutte bhagavato ekamatthaṃ ārocesuṃ. Bhagavā mettiyabhūmajakānaṃ bhikkhūnaṃ amūlakasaṅghādisesaṃ paññapesi.
д̇зна жа самаязна д̣̇аб̣б̣ад̇т̇зро бхигкуунам̣ сзнаасанам̣ бан̃н̃аабзнд̇о взл̣уванавихаарасса сааманд̇аа адтаарасамахаавихаарз сабхааг̇з бхигкуу бзсзнд̇о рад̇д̇ибхааг̇з анд̇хагаарз ан̇г̇улияаа бад̣̇ийбам̣ ж̇аалзд̇ваа д̇знзваалогзна анид̣̇д̇химанд̇з бхигкуу бзсзси. звам̣ т̇зрасса сзнаасанабан̃н̃аабанабхад̇д̇уд̣̇д̣̇зсанагижжз баагадз ж̇аад̇з сад̇т̇аа арияаг̇ан̣амаж̇жхз д̣̇аб̣б̣ад̇т̇зрам̣ таананд̇арз табзнд̇о ‘‘зд̇ад̣̇аг̇г̇ам̣, бхигкавз, мама саавагаанам̣ бхигкуунам̣ сзнаасанабан̃н̃аабагаанам̣ яад̣̇ид̣̇ам̣ д̣̇аб̣б̣о маллабуд̇д̇о’’д̇и (а. ни. 1.209, 214) зд̇ад̣̇аг̇г̇з табзси.
Tena ca samayena dabbatthero bhikkhūnaṃ senāsanaṃ paññāpento veḷuvanavihārassa sāmantā aṭṭhārasamahāvihāre sabhāge bhikkhū pesento rattibhāge andhakāre aṅguliyā padīpaṃ jāletvā tenevālokena aniddhimante bhikkhū pesesi. Evaṃ therassa senāsanapaññāpanabhattuddesanakicce pākaṭe jāte satthā ariyagaṇamajjhe dabbattheraṃ ṭhānantare ṭhapento ‘‘etadaggaṃ, bhikkhave, mama sāvakānaṃ bhikkhūnaṃ senāsanapaññāpakānaṃ yadidaṃ dabbo mallaputto’’ti (a. ni. 1.209, 214) etadagge ṭhapesi.
108. т̇зро ад̇д̇ано буб̣б̣агаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о бад̣̇умуд̇д̇аро наама ж̇инод̇иаад̣̇имааха. д̇ам̣ саб̣б̣ам̣ хздтаа вуд̇д̇ад̇т̇амзва. ид̇о зганавуд̇з габбз вибассий наама нааяаго логз уббаж̇ж̇ийд̇и самб̣анд̇хо.
108. Thero attano pubbakammaṃ saritvā somanassajāto pubbacaritāpadānaṃ pakāsento padumuttaro nāma jinotiādimāha. Taṃ sabbaṃ heṭṭhā vuttatthameva. Ito ekanavute kappe vipassī nāma nāyako loke uppajjīti sambandho.
125. д̣̇удтажид̇д̇од̇и д̣̇уусид̇ажид̇д̇о асаад̇хусан̇г̇амзна абасаннажид̇д̇од̇и ад̇т̇о. убавад̣̇им̣ саавагам̣ д̇ассаад̇и д̇асса бхаг̇авад̇о кийн̣аасавам̣ саавагам̣ убавад̣̇им̣, убари абхууд̇ам̣ важанам̣ ааробзсим̣, аб̣бхагкаанам̣ агаасинд̇и ад̇т̇о.
125.Duṭṭhacittoti dūsitacitto asādhusaṅgamena apasannacittoti attho. Upavadiṃ sāvakaṃ tassāti tassa bhagavato khīṇāsavaṃ sāvakaṃ upavadiṃ, upari abhūtaṃ vacanaṃ āropesiṃ, abbhakkhānaṃ akāsinti attho.
132. д̣̇унд̣̇убхияод̇и д̣̇унд̣̇ум̣ ид̇и сад̣̇д̣̇ааяанад̇о д̣̇унд̣̇убхисан̇каад̇аа бхзрияо. наад̣̇аяим̣сууд̇и сад̣̇д̣̇ам̣ гарим̣су. саманд̇ад̇о асанияод̇и саб̣б̣ад̣̇исаабхааг̇ад̇о асанз винаасанз нияуд̇д̇од̇и асанияо, д̣̇звад̣̇ан̣д̣аа бхаяаавахаа палим̣сууд̇и самб̣анд̇хо.
132.Dundubhiyoti dunduṃ iti saddāyanato dundubhisaṅkhātā bheriyo. Nādayiṃsūti saddaṃ kariṃsu. Samantato asaniyoti sabbadisābhāgato asane vināsane niyuttoti asaniyo, devadaṇḍā bhayāvahā phaliṃsūti sambandho.
133. уггаа бад̇им̣су набхасаад̇и аагаасад̇о аг̇г̇игканд̇хаа жа бад̇им̣сууд̇и ад̇т̇о. д̇хуумагзд̇у жа д̣̇иссад̇ийд̇и д̇хуумарааж̇исахид̇о аг̇г̇игканд̇хо жа д̣̇иссад̇и бан̃н̃ааяад̇ийд̇и ад̇т̇о. сзсам̣ сувин̃н̃зяяамзваад̇и.
133.Ukkā patiṃsu nabhasāti ākāsato aggikkhandhā ca patiṃsūti attho. Dhūmaketu ca dissatīti dhūmarājisahito aggikkhandho ca dissati paññāyatīti attho. Sesaṃ suviññeyyamevāti.
д̣̇аб̣б̣амаллабуд̇д̇ад̇т̇зраабад̣̇аанаван̣н̣анаа самад̇д̇аа.
Dabbamallaputtattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 4. д̣̇аб̣б̣амаллабуд̇д̇ад̇т̇зраабад̣̇аанам̣ • 4. Dabbamallaputtattheraapadānaṃ
