| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
8. д̣̇аб̣б̣асуд̇д̇аван̣н̣анаа
8. Dabbasuttavaṇṇanā
478. сод̇о аабаж̇ж̇ийяад̇и зд̇знаад̇и сод̇аабад̇д̇и, анааг̇ад̇ам̣ бад̇и батамамаг̇г̇о. сод̇од̇и арияамаг̇г̇асод̇о д̣̇адтаб̣б̣о. аабаж̇ж̇ийяад̇ийд̇иаад̣̇ид̇о бадибаж̇ж̇ийяад̇и. батамамаг̇г̇абадилаабханимид̇д̇аани сод̇аабаннасса ан̇г̇аани ид̇ха ‘‘сод̇аабад̇д̇ияан̇г̇ааний’’д̇и вуд̇д̇аани. д̇аани бана д̇ийсу таанзсу сад̣̇д̇хаа арияаганд̇асийлан̃жаад̇и взд̣̇ид̇аб̣б̣аани. сависаязд̇и сагависаяз. ж̇здтагабхаавад̣̇ассанад̇т̇анд̇и бад̇хаанабхаавад̣̇ассанад̇т̇ам̣. яад̇т̇а сад̣̇д̇хаад̣̇иинд̣̇рияаанам̣ саад̇исаяагижжам̣, д̇зсам̣ гижжаад̇ирзгад̇ам̣ д̣̇ассзд̇унд̇и ад̇т̇о. ид̣̇аани д̇амад̇т̇ам̣ убамаахи вибхаавзд̇ум̣ ‘‘яат̇аа хий’’д̇иаад̣̇и вуд̇д̇ам̣. бад̇ваад̇и ад̇д̇ано гижжаад̇ирзгадтаанам̣ бадилабхид̇ваа. буб̣б̣ан̇г̇аманд̇и сад̣̇д̣̇аханагижжзсу бурзжаарам̣ д̇хораяхам̣. сзсаани вийрияинд̣̇рияаад̣̇ийни. д̇ад̣̇анваяаанийд̇и д̇ад̣̇ануг̇ад̇аани д̇асса сад̣̇д̇хинд̣̇рияаад̣̇игасса багкигаани. зса наяо сзсзсуби. жхаанавимогкзд̇и жхаанасан̇каад̇з вимогкз самаад̇хибад̇хаанад̇ааяа жхаанаанам̣. зван̃жа гад̇ваа ‘‘сод̇аабад̇д̇ияан̇г̇аани бад̇ваа’’д̇и ид̣̇ан̃жа важанам̣ самад̇т̇ид̇ам̣ ход̇и. сад̣̇д̇хуубанисан̃хи сийланд̇и. арияасажжаани бад̇ваад̇и жад̇д̇аари сажжаани абхисамзд̇аб̣б̣аани баабун̣ид̇ваа.
478. Soto āpajjīyati etenāti sotāpatti, anāgataṃ pati paṭhamamaggo. Sototi ariyamaggasoto daṭṭhabbo. Āpajjīyatītiādito paṭipajjīyati. Paṭhamamaggapaṭilābhanimittāni sotāpannassa aṅgāni idha ‘‘sotāpattiyaṅgānī’’ti vuttāni. Tāni pana tīsu ṭhānesu saddhā ariyakantasīlañcāti veditabbāni. Savisayeti sakavisaye. Jeṭṭhakabhāvadassanatthanti padhānabhāvadassanatthaṃ. Yattha saddhādiindriyānaṃ sātisayakiccaṃ, tesaṃ kiccātirekataṃ dassetunti attho. Idāni tamatthaṃ upamāhi vibhāvetuṃ ‘‘yathā hī’’tiādi vuttaṃ. Patvāti attano kiccātirekaṭṭhānaṃ paṭilabhitvā. Pubbaṅgamanti saddahanakiccesu purecāraṃ dhorayhaṃ. Sesāni vīriyindriyādīni. Tadanvayānīti tadanugatāni tassa saddhindriyādikassa pakkhikāni. Esa nayo sesesupi. Jhānavimokkheti jhānasaṅkhāte vimokkhe samādhipadhānatāya jhānānaṃ. Evañca katvā ‘‘sotāpattiyaṅgāni patvā’’ti idañca vacanaṃ samatthitaṃ hoti. Saddhūpanisañhi sīlanti. Ariyasaccāni patvāti cattāri saccāni abhisametabbāni pāpuṇitvā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 8. д̣̇адтаб̣б̣асуд̇д̇ам̣ • 8. Daṭṭhabbasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 8. д̣̇адтаб̣б̣асуд̇д̇аван̣н̣анаа • 8. Daṭṭhabbasuttavaṇṇanā
