| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੮. ਦਬ੍ਬਸੁਤ੍ਤવਣ੍ਣਨਾ
8. Dabbasuttavaṇṇanā
੪੭੮. ਸੋਤੋ ਆਪਜ੍ਜੀਯਤਿ ਏਤੇਨਾਤਿ ਸੋਤਾਪਤ੍ਤਿ, ਅਨਾਗਤਂ ਪਤਿ ਪਠਮਮਗ੍ਗੋ। ਸੋਤੋਤਿ ਅਰਿਯਮਗ੍ਗਸੋਤੋ ਦਟ੍ਠਬ੍ਬੋ। ਆਪਜ੍ਜੀਯਤੀਤਿਆਦਿਤੋ ਪਟਿਪਜ੍ਜੀਯਤਿ। ਪਠਮਮਗ੍ਗਪਟਿਲਾਭਨਿਮਿਤ੍ਤਾਨਿ ਸੋਤਾਪਨ੍ਨਸ੍ਸ ਅਙ੍ਗਾਨਿ ਇਧ ‘‘ਸੋਤਾਪਤ੍ਤਿਯਙ੍ਗਾਨੀ’’ਤਿ વੁਤ੍ਤਾਨਿ। ਤਾਨਿ ਪਨ ਤੀਸੁ ਠਾਨੇਸੁ ਸਦ੍ਧਾ ਅਰਿਯਕਨ੍ਤਸੀਲਞ੍ਚਾਤਿ વੇਦਿਤਬ੍ਬਾਨਿ। ਸવਿਸਯੇਤਿ ਸਕવਿਸਯੇ। ਜੇਟ੍ਠਕਭਾવਦਸ੍ਸਨਤ੍ਥਨ੍ਤਿ ਪਧਾਨਭਾવਦਸ੍ਸਨਤ੍ਥਂ। ਯਤ੍ਥ ਸਦ੍ਧਾਦਿਇਨ੍ਦ੍ਰਿਯਾਨਂ ਸਾਤਿਸਯਕਿਚ੍ਚਂ, ਤੇਸਂ ਕਿਚ੍ਚਾਤਿਰੇਕਤਂ ਦਸ੍ਸੇਤੁਨ੍ਤਿ ਅਤ੍ਥੋ। ਇਦਾਨਿ ਤਮਤ੍ਥਂ ਉਪਮਾਹਿ વਿਭਾવੇਤੁਂ ‘‘ਯਥਾ ਹੀ’’ਤਿਆਦਿ વੁਤ੍ਤਂ। ਪਤ੍વਾਤਿ ਅਤ੍ਤਨੋ ਕਿਚ੍ਚਾਤਿਰੇਕਟ੍ਠਾਨਂ ਪਟਿਲਭਿਤ੍વਾ। ਪੁਬ੍ਬਙ੍ਗਮਨ੍ਤਿ ਸਦ੍ਦਹਨਕਿਚ੍ਚੇਸੁ ਪੁਰੇਚਾਰਂ ਧੋਰਯ੍ਹਂ। ਸੇਸਾਨਿ વੀਰਿਯਿਨ੍ਦ੍ਰਿਯਾਦੀਨਿ। ਤਦਨ੍વਯਾਨੀਤਿ ਤਦਨੁਗਤਾਨਿ ਤਸ੍ਸ ਸਦ੍ਧਿਨ੍ਦ੍ਰਿਯਾਦਿਕਸ੍ਸ ਪਕ੍ਖਿਕਾਨਿ। ਏਸ ਨਯੋ ਸੇਸੇਸੁਪਿ। ਝਾਨવਿਮੋਕ੍ਖੇਤਿ ਝਾਨਸਙ੍ਖਾਤੇ વਿਮੋਕ੍ਖੇ ਸਮਾਧਿਪਧਾਨਤਾਯ ਝਾਨਾਨਂ। ਏવਞ੍ਚ ਕਤ੍વਾ ‘‘ਸੋਤਾਪਤ੍ਤਿਯਙ੍ਗਾਨਿ ਪਤ੍વਾ’’ਤਿ ਇਦਞ੍ਚ વਚਨਂ ਸਮਤ੍ਥਿਤਂ ਹੋਤਿ। ਸਦ੍ਧੂਪਨਿਸਞ੍ਹਿ ਸੀਲਨ੍ਤਿ। ਅਰਿਯਸਚ੍ਚਾਨਿ ਪਤ੍વਾਤਿ ਚਤ੍ਤਾਰਿ ਸਚ੍ਚਾਨਿ ਅਭਿਸਮੇਤਬ੍ਬਾਨਿ ਪਾਪੁਣਿਤ੍વਾ।
478. Soto āpajjīyati etenāti sotāpatti, anāgataṃ pati paṭhamamaggo. Sototi ariyamaggasoto daṭṭhabbo. Āpajjīyatītiādito paṭipajjīyati. Paṭhamamaggapaṭilābhanimittāni sotāpannassa aṅgāni idha ‘‘sotāpattiyaṅgānī’’ti vuttāni. Tāni pana tīsu ṭhānesu saddhā ariyakantasīlañcāti veditabbāni. Savisayeti sakavisaye. Jeṭṭhakabhāvadassanatthanti padhānabhāvadassanatthaṃ. Yattha saddhādiindriyānaṃ sātisayakiccaṃ, tesaṃ kiccātirekataṃ dassetunti attho. Idāni tamatthaṃ upamāhi vibhāvetuṃ ‘‘yathā hī’’tiādi vuttaṃ. Patvāti attano kiccātirekaṭṭhānaṃ paṭilabhitvā. Pubbaṅgamanti saddahanakiccesu purecāraṃ dhorayhaṃ. Sesāni vīriyindriyādīni. Tadanvayānīti tadanugatāni tassa saddhindriyādikassa pakkhikāni. Esa nayo sesesupi. Jhānavimokkheti jhānasaṅkhāte vimokkhe samādhipadhānatāya jhānānaṃ. Evañca katvā ‘‘sotāpattiyaṅgāni patvā’’ti idañca vacanaṃ samatthitaṃ hoti. Saddhūpanisañhi sīlanti. Ariyasaccāni patvāti cattāri saccāni abhisametabbāni pāpuṇitvā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੮. ਦਟ੍ਠਬ੍ਬਸੁਤ੍ਤਂ • 8. Daṭṭhabbasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੮. ਦਟ੍ਠਬ੍ਬਸੁਤ੍ਤવਣ੍ਣਨਾ • 8. Daṭṭhabbasuttavaṇṇanā
