| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
5. д̣̇аб̣б̣ад̇т̇зраг̇аат̇ааван̣н̣анаа
5. Dabbattheragāthāvaṇṇanā
яо д̣̇уд̣̇д̣̇амияод̇и ааяасмад̇о д̣̇аб̣б̣ад̇т̇зрасса г̇аат̇аа. гаа уббад̇д̇и? аяамби бад̣̇умуд̇д̇араб̣уд̣̇д̇хагаалз хам̣савад̇ийнаг̇арз гулаг̇зхз ниб̣б̣ад̇д̇ид̇ваа ваяаббад̇д̇о хздтаа вуд̇д̇анаязнзва д̇хаммад̣̇зсанам̣ сун̣анд̇о сад̇т̇аарам̣ згам̣ бхигкум̣ сзнаасанабан̃н̃аабагаанам̣ аг̇г̇адтаанз табзнд̇ам̣ д̣̇исваа ад̇хигаарагаммам̣ гад̇ваа д̇ам̣ таананд̇арам̣ бад̇т̇зд̇ваа сад̇т̇аараа б̣яаагад̇о яааваж̇ийвам̣ гусалам̣ гад̇ваа д̣̇звамануссзсу сам̣сарид̇ваа гассабад̣̇асаб̣аласса саасаносагганагаалз баб̣б̣аж̇и. д̇ад̣̇аа д̇зна сад̣̇д̇хим̣ абарз ча ж̇анаад̇и сад̇д̇а бхигкуу згажид̇д̇аа худ̇ваа ан̃н̃з саасанз аг̇ааравам̣ гаронд̇з д̣̇исваа – ‘‘ид̇ха гим̣ гарома згаманд̇з саман̣ад̇хаммам̣ гад̇ваа д̣̇угкассанд̇ам̣ гариссаамаа’’д̇и ниссзн̣им̣ б̣анд̇хид̇ваа ужжам̣ баб̣б̣ад̇асикарам̣ аарухид̇ваа, ‘‘ад̇д̇ано жид̇д̇аб̣алам̣ ж̇аананд̇аа ниссзн̣им̣ нибаад̇знд̇у, ж̇ийвид̇з саалаяаа од̇аранд̇у, маа бажчаануд̇аббино ахувад̇т̇аа’’д̇и вад̇ваа саб̣б̣з згажид̇д̇аа худ̇ваа ниссзн̣им̣ баад̇зд̇ваа – ‘‘аббамад̇д̇аа хот̇а, аавусо’’д̇и ан̃н̃аман̃н̃ам̣ овад̣̇ид̇ваа жид̇д̇аружигзсу таанзсу нисийд̣̇ид̇ваа саман̣ад̇хаммам̣ гаад̇ум̣ аарабхим̣су.
Yo duddamiyoti āyasmato dabbattherassa gāthā. Kā uppatti? Ayampi padumuttarabuddhakāle haṃsavatīnagare kulagehe nibbattitvā vayappatto heṭṭhā vuttanayeneva dhammadesanaṃ suṇanto satthāraṃ ekaṃ bhikkhuṃ senāsanapaññāpakānaṃ aggaṭṭhāne ṭhapentaṃ disvā adhikārakammaṃ katvā taṃ ṭhānantaraṃ patthetvā satthārā byākato yāvajīvaṃ kusalaṃ katvā devamanussesu saṃsaritvā kassapadasabalassa sāsanosakkanakāle pabbaji. Tadā tena saddhiṃ apare cha janāti satta bhikkhū ekacittā hutvā aññe sāsane agāravaṃ karonte disvā – ‘‘idha kiṃ karoma ekamante samaṇadhammaṃ katvā dukkhassantaṃ karissāmā’’ti nisseṇiṃ bandhitvā uccaṃ pabbatasikharaṃ āruhitvā, ‘‘attano cittabalaṃ jānantā nisseṇiṃ nipātentu, jīvite sālayā otarantu, mā pacchānutappino ahuvatthā’’ti vatvā sabbe ekacittā hutvā nisseṇiṃ pātetvā – ‘‘appamattā hotha, āvuso’’ti aññamaññaṃ ovaditvā cittarucikesu ṭhānesu nisīditvā samaṇadhammaṃ kātuṃ ārabhiṃsu.
д̇ад̇рзго т̇зро бан̃жамз д̣̇ивасз арахад̇д̇ам̣ бад̇ваа, ‘‘мама гижжам̣ нибпаннам̣, ахам̣ имасмим̣ таанз гим̣ гариссаами’’д̇и ид̣̇д̇хияаа уд̇д̇арагуруд̇о бин̣д̣абаад̇ам̣ аахарид̇ваа, ‘‘аавусо, имам̣ бин̣д̣абаад̇ам̣ барибхун̃ж̇ат̇а, бхигкаажаарагижжам̣ мамааяад̇д̇ам̣ ход̇у, д̇умхз ад̇д̇ано гаммам̣ гарот̇аа’’д̇и ааха. ‘‘гим̣ ну ко маяам̣, аавусо, ниссзн̣им̣ баад̇знд̇аа звам̣ авожумха – ‘яо батамам̣ д̇хаммам̣ сажчигарод̇и, со бхигкам̣ аахарад̇у, д̇знаабхад̇ам̣ сзсаа барибхун̃ж̇ид̇ваа саман̣ад̇хаммам̣ гариссанд̇ий’’’д̇и. ‘‘над̇т̇и, аавусо’’д̇и. д̇умхз ад̇д̇ано буб̣б̣ахзд̇унаа лабхид̇т̇а, маяамби саггонд̇аа ваддассанд̇ам̣ гариссаама, г̇ажчат̇а д̇умхзд̇и. т̇зро д̇з сан̃н̃аабзд̇ум̣ асаггонд̇о паасугадтаанз бин̣д̣абаад̇ам̣ барибхун̃ж̇ид̇ваа г̇ад̇о . абаро т̇зро сад̇д̇амз д̣̇ивасз анааг̇аамипалам̣ бад̇ваа д̇ад̇о жуд̇о суд̣̇д̇хааваасаб̣рахмалогз ниб̣б̣ад̇д̇о. ид̇арз т̇зраа д̇ад̇о жуд̇аа згам̣ б̣уд̣̇д̇ханд̇арам̣ д̣̇звамануссзсу сам̣сарид̇ваа д̇зсу д̇зсу гулзсу ниб̣б̣ад̇д̇аа. зго г̇анд̇хаарарадтз д̇аггасилаанаг̇арз рааж̇аг̇зхз ниб̣б̣ад̇д̇о, зго маж̇жханд̇игарадтз бариб̣б̣ааж̇игааяа гужчимхи ниб̣б̣ад̇д̇о, зго б̣аахияарадтз гудумб̣ияаг̇зхз ниб̣б̣ад̇д̇о, зго бхигкунубассаяз ж̇аад̇о.
Tatreko thero pañcame divase arahattaṃ patvā, ‘‘mama kiccaṃ nipphannaṃ, ahaṃ imasmiṃ ṭhāne kiṃ karissāmi’’ti iddhiyā uttarakuruto piṇḍapātaṃ āharitvā, ‘‘āvuso, imaṃ piṇḍapātaṃ paribhuñjatha, bhikkhācārakiccaṃ mamāyattaṃ hotu, tumhe attano kammaṃ karothā’’ti āha. ‘‘Kiṃ nu kho mayaṃ, āvuso, nisseṇiṃ pātentā evaṃ avocumha – ‘yo paṭhamaṃ dhammaṃ sacchikaroti, so bhikkhaṃ āharatu, tenābhataṃ sesā paribhuñjitvā samaṇadhammaṃ karissantī’’’ti. ‘‘Natthi, āvuso’’ti. Tumhe attano pubbahetunā labhittha, mayampi sakkontā vaṭṭassantaṃ karissāma, gacchatha tumheti. Thero te saññāpetuṃ asakkonto phāsukaṭṭhāne piṇḍapātaṃ paribhuñjitvā gato . Aparo thero sattame divase anāgāmiphalaṃ patvā tato cuto suddhāvāsabrahmaloke nibbatto. Itare therā tato cutā ekaṃ buddhantaraṃ devamanussesu saṃsaritvā tesu tesu kulesu nibbattā. Eko gandhāraraṭṭhe takkasilānagare rājagehe nibbatto, eko majjhantikaraṭṭhe paribbājikāya kucchimhi nibbatto, eko bāhiyaraṭṭhe kuṭumbiyagehe nibbatto, eko bhikkhunupassaye jāto.
аяам̣ бана д̣̇аб̣б̣ад̇т̇зро малларадтз анубияанаг̇арз згасса малларан̃н̃о г̇зхз бадисанд̇хим̣ г̇ан̣хи. д̇асса маад̇аа убавиж̇ан̃н̃аа гааламагааси, мад̇асарийрам̣ сусаанам̣ нзд̇ваа д̣̇ааружид̇агам̣ ааробзд̇ваа аг̇г̇им̣ ад̣̇ам̣су. д̇ассаа аг̇г̇ивзг̇асанд̇ад̇д̇ам̣ уд̣̇арабадалам̣ д̣̇взд̇хаа ахоси. д̣̇аараго ад̇д̇ано бун̃н̃аб̣алзна уббад̇ид̇ваа згасмим̣ д̣̇аб̣б̣ад̇т̇амбхз нибад̇и. д̇ам̣ д̣̇аарагам̣ г̇ахзд̇ваа аяяигааяа ад̣̇ам̣су. саа д̇асса наамам̣ г̇ан̣ханд̇ий д̣̇аб̣б̣ад̇т̇амбхз бад̇ид̇ваа лад̣̇д̇хаж̇ийвид̇ад̇д̇аа ‘‘д̣̇аб̣б̣о’’д̇исса наамам̣ агааси. д̇асса жа сад̇д̇авассигагаалз сад̇т̇аа бхигкусан̇гхабаривааро малларадтз жааригам̣ жарамаано анубияамб̣аванз вихарад̇и. д̣̇аб̣б̣агумааро сад̇т̇аарам̣ д̣̇исваа д̣̇ассанзнзва басийд̣̇ид̇ваа баб̣б̣аж̇ид̇угаамо худ̇ваа ‘‘ахам̣ д̣̇асаб̣аласса санд̇игз баб̣б̣аж̇иссаамий’’д̇и аяяигам̣ аабужчи. саа ‘‘саад̇ху, д̇аад̇аа’’д̇и д̣̇аб̣б̣агумаарам̣ аад̣̇ааяа сад̇т̇у санд̇игам̣ г̇анд̇ваа, ‘‘бханд̇з, имам̣ гумаарам̣ баб̣б̣ааж̇зт̇аа’’д̇и ааха. сад̇т̇аа ан̃н̃ад̇арасса бхигкуно сан̃н̃ам̣ ад̣̇ааси – ‘‘бхигку имам̣ д̣̇аарагам̣ баб̣б̣ааж̇зхий’’д̇и. со т̇зро сад̇т̇у важанам̣ суд̇ваа д̣̇аб̣б̣агумаарам̣ баб̣б̣ааж̇знд̇о д̇ажабан̃жагагаммадтаанам̣ аажигки. буб̣б̣ахзд̇усамбанно гад̇аабхинийхааро сад̇д̇о батамагзсаваддияаа воробанагкан̣з сод̇аабад̇д̇ипалз бад̇идтахи, д̣̇уд̇ияааяа гзсаваддияаа оробияамаанааяа сагад̣̇ааг̇аамипалз, д̇ад̇ияааяа анааг̇аамипалз, саб̣б̣агзсаанам̣ бана оробанан̃жа арахад̇д̇апаласажчигирияаа жа абажчаа абурз ахоси. сад̇т̇аа малларадтз яат̇аабхиранд̇ам̣ вихарид̇ваа рааж̇аг̇ахам̣ г̇анд̇ваа взл̣уванз ваасам̣ габбзси.
Ayaṃ pana dabbatthero mallaraṭṭhe anupiyanagare ekassa mallarañño gehe paṭisandhiṃ gaṇhi. Tassa mātā upavijaññā kālamakāsi, matasarīraṃ susānaṃ netvā dārucitakaṃ āropetvā aggiṃ adaṃsu. Tassā aggivegasantattaṃ udarapaṭalaṃ dvedhā ahosi. Dārako attano puññabalena uppatitvā ekasmiṃ dabbatthambhe nipati. Taṃ dārakaṃ gahetvā ayyikāya adaṃsu. Sā tassa nāmaṃ gaṇhantī dabbatthambhe patitvā laddhajīvitattā ‘‘dabbo’’tissa nāmaṃ akāsi. Tassa ca sattavassikakāle satthā bhikkhusaṅghaparivāro mallaraṭṭhe cārikaṃ caramāno anupiyambavane viharati. Dabbakumāro satthāraṃ disvā dassaneneva pasīditvā pabbajitukāmo hutvā ‘‘ahaṃ dasabalassa santike pabbajissāmī’’ti ayyikaṃ āpucchi. Sā ‘‘sādhu, tātā’’ti dabbakumāraṃ ādāya satthu santikaṃ gantvā, ‘‘bhante, imaṃ kumāraṃ pabbājethā’’ti āha. Satthā aññatarassa bhikkhuno saññaṃ adāsi – ‘‘bhikkhu imaṃ dārakaṃ pabbājehī’’ti. So thero satthu vacanaṃ sutvā dabbakumāraṃ pabbājento tacapañcakakammaṭṭhānaṃ ācikkhi. Pubbahetusampanno katābhinīhāro satto paṭhamakesavaṭṭiyā voropanakkhaṇe sotāpattiphale patiṭṭhahi, dutiyāya kesavaṭṭiyā oropiyamānāya sakadāgāmiphale, tatiyāya anāgāmiphale, sabbakesānaṃ pana oropanañca arahattaphalasacchikiriyā ca apacchā apure ahosi. Satthā mallaraṭṭhe yathābhirantaṃ viharitvā rājagahaṃ gantvā veḷuvane vāsaṃ kappesi.
д̇ад̇рааяасмаа д̣̇аб̣б̣о маллабуд̇д̇о рахог̇ад̇о ад̇д̇ано гижжанибпад̇д̇им̣ ологзд̇ваа сан̇гхасса взяяааважжагаран̣з гааяам̣ яож̇зд̇угаамо жинд̇зси – ‘‘яам̣нуунаахам̣ сан̇гхасса сзнаасанан̃жа бан̃н̃аабзяяам̣ бхад̇д̇аани жа уд̣̇д̣̇исзяяа’’нд̇и. со сад̇т̇у санд̇игам̣ г̇анд̇ваа ад̇д̇ано баривид̇аггам̣ аарожзси. сад̇т̇аа д̇асса саад̇хугаарам̣ д̣̇ад̇ваа сзнаасанабан̃н̃аабагад̇д̇ан̃жа бхад̇д̇уд̣̇д̣̇зсагад̇д̇ан̃жа самбадижчи. ат̇а нам̣ ‘‘аяам̣ д̣̇аб̣б̣о д̣̇ахарова самаано маханд̇з таанз тид̇о’’д̇и сад̇д̇авассигагаалзязва убасамбаад̣̇зси. т̇зро убасамбаннагаалад̇о бадтааяа рааж̇аг̇ахам̣ убаниссааяа вихаранд̇аанам̣ саб̣б̣абхигкуунам̣ сзнаасанаани жа бан̃н̃аабзд̇и, бхигкан̃жа уд̣̇д̣̇исад̇и. д̇асса сзнаасанабан̃н̃аабагабхааво саб̣б̣ад̣̇исаасу баагадо ахоси – ‘‘д̣̇аб̣б̣о гира маллабуд̇д̇о сабхааг̇асабхааг̇аанам̣ бхигкуунам̣ згадтаанз сзнаасанаани бан̃н̃аабзд̇и, аасаннзби д̣̇уурзби сзнаасанам̣ бан̃н̃аабзд̇и, г̇анд̇ум̣ асаггонд̇з ид̣̇д̇хияаа нзд̇ий’’д̇и.
Tatrāyasmā dabbo mallaputto rahogato attano kiccanipphattiṃ oloketvā saṅghassa veyyāvaccakaraṇe kāyaṃ yojetukāmo cintesi – ‘‘yaṃnūnāhaṃ saṅghassa senāsanañca paññāpeyyaṃ bhattāni ca uddiseyya’’nti. So satthu santikaṃ gantvā attano parivitakkaṃ ārocesi. Satthā tassa sādhukāraṃ datvā senāsanapaññāpakattañca bhattuddesakattañca sampaṭicchi. Atha naṃ ‘‘ayaṃ dabbo daharova samāno mahante ṭhāne ṭhito’’ti sattavassikakāleyeva upasampādesi. Thero upasampannakālato paṭṭhāya rājagahaṃ upanissāya viharantānaṃ sabbabhikkhūnaṃ senāsanāni ca paññāpeti, bhikkhañca uddisati. Tassa senāsanapaññāpakabhāvo sabbadisāsu pākaṭo ahosi – ‘‘dabbo kira mallaputto sabhāgasabhāgānaṃ bhikkhūnaṃ ekaṭṭhāne senāsanāni paññāpeti, āsannepi dūrepi senāsanaṃ paññāpeti, gantuṃ asakkonte iddhiyā netī’’ti.
ат̇а нам̣ бхигкуу гаалзби вигаалзби – ‘‘амхаагам̣, аавусо, ж̇ийвагамб̣аванз сзнаасанам̣ бан̃н̃аабзхи, амхаагам̣ мад̣̇д̣̇агужчисмим̣ миг̇ад̣̇ааяз’’д̇и звам̣ сзнаасанам̣ уд̣̇д̣̇исаабзд̇ваа д̇асса ид̣̇д̇хим̣ бассанд̇аа г̇ажчанд̇и. соби ид̣̇д̇хияаа маномаяз гааяз абхисан̇карид̇ваа згзгасса т̇зрасса згзгам̣ ад̇д̇анаа сад̣̇исам̣ бхигкум̣ д̣̇ад̇ваа ан̇г̇улияаа ж̇аламаанааяа бурад̇о г̇анд̇ваа ‘‘аяам̣ ман̃жо ид̣̇ам̣ бийта’’нд̇иаад̣̇ийни вад̇ваа сзнаасанам̣ бан̃н̃аабзд̇ваа буна ад̇д̇ано васанадтаанамзва ааг̇ажчад̇и . аяамзд̇т̇а сан̇кзбо, вид̇т̇аарад̇о банид̣̇ам̣ вад̇т̇у баал̣ияам̣ ааг̇ад̇амзва. сад̇т̇аа ид̣̇амзва гааран̣ам̣ адтуббад̇д̇им̣ гад̇ваа абарабхааг̇з арияаг̇ан̣амаж̇жхз нисинно т̇зрам̣ сзнаасанабан̃н̃аабагаанам̣ аг̇г̇адтаанз табзси – ‘‘зд̇ад̣̇аг̇г̇ам̣, бхигкавз, мама саавагаанам̣ бхигкуунам̣ сзнаасанабан̃н̃аабагаанам̣ яад̣̇ид̣̇ам̣ д̣̇аб̣б̣о маллабуд̇д̇о’’д̇и (а. ни. 1.209; 214). вуд̇д̇амби жзд̇ам̣ абад̣̇аанз (аба. т̇зра 2.54, 108-149) –
Atha naṃ bhikkhū kālepi vikālepi – ‘‘amhākaṃ, āvuso, jīvakambavane senāsanaṃ paññāpehi, amhākaṃ maddakucchismiṃ migadāye’’ti evaṃ senāsanaṃ uddisāpetvā tassa iddhiṃ passantā gacchanti. Sopi iddhiyā manomaye kāye abhisaṅkharitvā ekekassa therassa ekekaṃ attanā sadisaṃ bhikkhuṃ datvā aṅguliyā jalamānāya purato gantvā ‘‘ayaṃ mañco idaṃ pīṭha’’ntiādīni vatvā senāsanaṃ paññāpetvā puna attano vasanaṭṭhānameva āgacchati . Ayamettha saṅkhepo, vitthārato panidaṃ vatthu pāḷiyaṃ āgatameva. Satthā idameva kāraṇaṃ aṭṭhuppattiṃ katvā aparabhāge ariyagaṇamajjhe nisinno theraṃ senāsanapaññāpakānaṃ aggaṭṭhāne ṭhapesi – ‘‘etadaggaṃ, bhikkhave, mama sāvakānaṃ bhikkhūnaṃ senāsanapaññāpakānaṃ yadidaṃ dabbo mallaputto’’ti (a. ni. 1.209; 214). Vuttampi cetaṃ apadāne (apa. thera 2.54, 108-149) –
‘‘бад̣̇умуд̇д̇аро наама ж̇ино, саб̣б̣алогавид̣̇уу муни;
‘‘Padumuttaro nāma jino, sabbalokavidū muni;
ид̇о сад̇асахассамхи, габбз уббаж̇ж̇и жагкумаа.
Ito satasahassamhi, kappe uppajji cakkhumā.
‘‘оваад̣̇аго вин̃н̃аабаго, д̇аараго саб̣б̣абаан̣инам̣;
‘‘Ovādako viññāpako, tārako sabbapāṇinaṃ;
д̣̇зсанаагусало б̣уд̣̇д̇хо, д̇аарзси ж̇анад̇ам̣ б̣ахум̣.
Desanākusalo buddho, tāresi janataṃ bahuṃ.
‘‘анугамбаго гаарун̣иго, хид̇зсий саб̣б̣абаан̣инам̣;
‘‘Anukampako kāruṇiko, hitesī sabbapāṇinaṃ;
самбад̇д̇з д̇ид̇т̇ияз саб̣б̣з, бан̃жасийлз бад̇идтаби.
Sampatte titthiye sabbe, pañcasīle patiṭṭhapi.
‘‘звам̣ нираагулам̣ ааси, сун̃н̃ад̇ам̣ д̇ид̇т̇иязхи жа;
‘‘Evaṃ nirākulaṃ āsi, suññataṃ titthiyehi ca;
вижид̇д̇ам̣ араханд̇зхи, васийбхууд̇зхи д̇аад̣̇ибхи.
Vicittaṃ arahantehi, vasībhūtehi tādibhi.
‘‘рад̇анаанадтабан̃н̃аасам̣, уг̇г̇ад̇о со махаамуни;
‘‘Ratanānaṭṭhapaññāsaṃ, uggato so mahāmuni;
ган̃жанаг̇гхияасан̇гаасо, б̣аад̇д̇им̣саваралагкан̣о.
Kañcanagghiyasaṅkāso, bāttiṃsavaralakkhaṇo.
‘‘вассасад̇асахассаани, ааяу виж̇ж̇ад̇и д̇аавад̣̇з;
‘‘Vassasatasahassāni, āyu vijjati tāvade;
д̇аавад̇аа д̇идтамаано со, д̇аарзси ж̇анад̇ам̣ б̣ахум̣.
Tāvatā tiṭṭhamāno so, tāresi janataṃ bahuṃ.
‘‘д̇ад̣̇аахам̣ хам̣савад̇ияам̣, сздтибуд̇д̇о махааяасо;
‘‘Tadāhaṃ haṃsavatiyaṃ, seṭṭhiputto mahāyaso;
убзд̇ваа логабаж̇ж̇од̇ам̣, ассосим̣ д̇хаммад̣̇зсанам̣.
Upetvā lokapajjotaṃ, assosiṃ dhammadesanaṃ.
‘‘сзнаасанаани бхигкуунам̣, бан̃н̃аабзнд̇ам̣ сасаавагам̣;
‘‘Senāsanāni bhikkhūnaṃ, paññāpentaṃ sasāvakaṃ;
гид̇д̇аяанд̇асса важанам̣, сун̣ид̇ваа муд̣̇ид̇о ахам̣.
Kittayantassa vacanaṃ, suṇitvā mudito ahaṃ.
‘‘ад̇хигаарам̣ сасан̇гхасса, гад̇ваа д̇асса махзсино;
‘‘Adhikāraṃ sasaṅghassa, katvā tassa mahesino;
нибажжа сирасаа баад̣̇з, д̇ам̣ таанамабхибад̇т̇аяим̣.
Nipacca sirasā pāde, taṃ ṭhānamabhipatthayiṃ.
‘‘д̇ад̣̇ааха са махаавийро, мама гаммам̣ багид̇д̇аяам̣;
‘‘Tadāha sa mahāvīro, mama kammaṃ pakittayaṃ;
яо сасан̇гхамабхож̇зси, сад̇д̇аахам̣ логанааяагам̣.
Yo sasaṅghamabhojesi, sattāhaṃ lokanāyakaṃ.
‘‘сояам̣ гамалабад̇д̇агко, сийхам̣со ганагад̇д̇ажо;
‘‘Soyaṃ kamalapattakkho, sīhaṃso kanakattaco;
мама баад̣̇амуулз нибад̇и, бад̇т̇аяам̣ таанамуд̇д̇амам̣.
Mama pādamūle nipati, patthayaṃ ṭhānamuttamaṃ.
‘‘сад̇асахассид̇о габбз, оггаагагуласамбхаво;
‘‘Satasahassito kappe, okkākakulasambhavo;
г̇од̇амо наама г̇од̇д̇зна, сад̇т̇аа логз бхависсад̇и.
Gotamo nāma gottena, satthā loke bhavissati.
‘‘сааваго д̇асса б̣уд̣̇д̇хасса, д̣̇аб̣б̣о наамзна виссуд̇о;
‘‘Sāvako tassa buddhassa, dabbo nāmena vissuto;
сзнаасанабан̃н̃аабаго, аг̇г̇о хзссад̇ияам̣ д̇ад̣̇аа.
Senāsanapaññāpako, aggo hessatiyaṃ tadā.
‘‘д̇зна гаммзна сугад̇зна, жзд̇анаабан̣ид̇хийхи жа;
‘‘Tena kammena sukatena, cetanāpaṇidhīhi ca;
ж̇ахид̇ваа маанусам̣ д̣̇зхам̣, д̇аавад̇им̣самаг̇ажчахам̣.
Jahitvā mānusaṃ dehaṃ, tāvatiṃsamagacchahaṃ.
‘‘сад̇аанам̣ д̇ийн̣игкад̇д̇ун̃жа, д̣̇звараж̇ж̇амагаараяим̣;
‘‘Satānaṃ tīṇikkhattuñca, devarajjamakārayiṃ;
сад̇аанам̣ бан̃жагкад̇д̇ун̃жа, жаггавад̇д̇ий ахосахам̣.
Satānaṃ pañcakkhattuñca, cakkavattī ahosahaṃ.
‘‘бад̣̇зсараж̇ж̇ам̣ вибулам̣, г̇ан̣анаад̇о асан̇кияам̣;
‘‘Padesarajjaṃ vipulaṃ, gaṇanāto asaṅkhiyaṃ;
саб̣б̣ад̇т̇а сукид̇о аасим̣, д̇асса гаммасса ваахасаа.
Sabbattha sukhito āsiṃ, tassa kammassa vāhasā.
‘‘зганавуд̇ид̇о габбз, вибассий наама нааяаго;
‘‘Ekanavutito kappe, vipassī nāma nāyako;
уббаж̇ж̇и жааруд̣̇ассано, саб̣б̣ад̇хаммавибассаго.
Uppajji cārudassano, sabbadhammavipassako.
‘‘д̣̇удтажид̇д̇о убавад̣̇им̣, саавагам̣ д̇асса д̇аад̣̇ино;
‘‘Duṭṭhacitto upavadiṃ, sāvakaṃ tassa tādino;
саб̣б̣аасавабаригкийн̣ам̣, суд̣̇д̇ход̇и жа виж̇аанияа.
Sabbāsavaparikkhīṇaṃ, suddhoti ca vijāniya.
‘‘д̇ассзва наравийрасса, саавагаанам̣ махзсинам̣;
‘‘Tasseva naravīrassa, sāvakānaṃ mahesinaṃ;
салааган̃жа г̇ахзд̇ваана, кийрод̣̇анамад̣̇аасахам̣.
Salākañca gahetvāna, khīrodanamadāsahaṃ.
‘‘имамхи бхад̣̇д̣̇агз габбз, б̣рахмаб̣анд̇ху махааяасо;
‘‘Imamhi bhaddake kappe, brahmabandhu mahāyaso;
гассабо наама г̇од̇д̇зна, уббаж̇ж̇и вад̣̇ад̇ам̣ варо.
Kassapo nāma gottena, uppajji vadataṃ varo.
‘‘саасанам̣ ж̇од̇аяид̇ваана, абхибхуяяа гуд̇ид̇т̇ияз;
‘‘Sāsanaṃ jotayitvāna, abhibhuyya kutitthiye;
винзяяз винаяид̇ваава, ниб̣б̣уд̇о со сасааваго.
Vineyye vinayitvāva, nibbuto so sasāvako.
‘‘сасиссз ниб̣б̣уд̇з наат̇з, ад̇т̇амзнд̇амхи саасанз;
‘‘Sasisse nibbute nāthe, atthamentamhi sāsane;
д̣̇зваа ганд̣̇им̣су сам̣виг̇г̇аа, муд̇д̇агзсаа руд̣̇аммукаа.
Devā kandiṃsu saṃviggā, muttakesā rudammukhā.
‘‘ниб̣б̣ааяиссад̇и д̇хаммагко, на бассисаама суб̣б̣ад̇з;
‘‘Nibbāyissati dhammakkho, na passisāma subbate;
на сун̣иссаама сад̣̇д̇хаммам̣, ахо но аббабун̃н̃ад̇аа.
Na suṇissāma saddhammaṃ, aho no appapuññatā.
‘‘д̇ад̣̇ааяам̣ бат̇авий саб̣б̣аа, ажалаа саа жалаажалаа;
‘‘Tadāyaṃ pathavī sabbā, acalā sā calācalā;
сааг̇аро жа сасогова, винад̣̇ий гарун̣ам̣ г̇ирам̣.
Sāgaro ca sasokova, vinadī karuṇaṃ giraṃ.
‘‘жад̇уд̣̇д̣̇исаа д̣̇унд̣̇убхияо, наад̣̇аяим̣су амаанусаа;
‘‘Catuddisā dundubhiyo, nādayiṃsu amānusā;
саманд̇ад̇о асанияо, палим̣су жа бхаяаавахаа.
Samantato asaniyo, phaliṃsu ca bhayāvahā.
‘‘уггаа бад̇им̣су набхасаа, д̇хуумагзд̇у жа д̣̇иссад̇и;
‘‘Ukkā patiṃsu nabhasā, dhūmaketu ca dissati;
сад̇хуумаа ж̇аалаваддаа жа, равим̣су гарун̣ам̣ миг̇аа.
Sadhūmā jālavaṭṭā ca, raviṃsu karuṇaṃ migā.
‘‘уббаад̣̇з д̣̇аарун̣з д̣̇исваа, саасанад̇т̇ан̇г̇асуужагз;
‘‘Uppāde dāruṇe disvā, sāsanatthaṅgasūcake;
сам̣виг̇г̇аа бхигкаво сад̇д̇а, жинд̇аяимха маяам̣ д̇ад̣̇аа.
Saṃviggā bhikkhavo satta, cintayimha mayaṃ tadā.
‘‘саасанзна винаамхаагам̣, ж̇ийвид̇зна алам̣ маяам̣;
‘‘Sāsanena vināmhākaṃ, jīvitena alaṃ mayaṃ;
бависид̇ваа махааран̃н̃ам̣, яун̃ж̇аама ж̇инасаасанз.
Pavisitvā mahāraññaṃ, yuñjāma jinasāsane.
‘‘ад̣̇д̣̇асамха д̇ад̣̇ааран̃н̃з, уб̣б̣ид̣̇д̇хам̣ сзламуд̇д̇амам̣;
‘‘Addasamha tadāraññe, ubbiddhaṃ selamuttamaṃ;
ниссзн̣ияаа д̇амааруяха, ниссзн̣им̣ баад̇аяимхасз.
Nisseṇiyā tamāruyha, nisseṇiṃ pātayimhase.
‘‘д̇ад̣̇аа овад̣̇и но т̇зро, б̣уд̣̇д̇хуббаад̣̇о суд̣̇уллабхо;
‘‘Tadā ovadi no thero, buddhuppādo sudullabho;
сад̣̇д̇хаад̇ид̣̇уллабхаа лад̣̇д̇хаа, т̇огам̣ сзсан̃жа саасанам̣.
Saddhātidullabhā laddhā, thokaṃ sesañca sāsanaṃ.
‘‘нибад̇анд̇и кан̣аад̇ийд̇аа, ананд̇з д̣̇угкасааг̇арз;
‘‘Nipatanti khaṇātītā, anante dukkhasāgare;
д̇асмаа баяог̇о гад̇д̇аб̣б̣о, яаава таад̇и мунз мад̇ам̣.
Tasmā payogo kattabbo, yāva ṭhāti mune mataṃ.
‘‘арахаа ааси со т̇зро, анааг̇аамий д̇ад̣̇аануг̇о;
‘‘Arahā āsi so thero, anāgāmī tadānugo;
сусийлаа ид̇арз яуд̇д̇аа, д̣̇звалогам̣ аг̇амхасз.
Susīlā itare yuttā, devalokaṃ agamhase.
‘‘ниб̣б̣уд̇о д̇ин̣н̣асам̣сааро, суд̣̇д̇хааваасз жа згаго;
‘‘Nibbuto tiṇṇasaṃsāro, suddhāvāse ca ekako;
ахан̃жа баггусаад̇и жа, сабхияо б̣аахияо д̇ат̇аа.
Ahañca pakkusāti ca, sabhiyo bāhiyo tathā.
‘‘гумаарагассабо, жзва, д̇ад̇т̇а д̇ад̇т̇уубаг̇аа маяам̣;
‘‘Kumārakassapo, ceva, tattha tatthūpagā mayaṃ;
сам̣саараб̣анд̇ханаа муд̇д̇аа, г̇од̇амзнаанугамбид̇аа.
Saṃsārabandhanā muttā, gotamenānukampitā.
‘‘маллзсу гусинаарааяам̣, г̇аб̣бхз ж̇аад̇асса мз сад̇о;
‘‘Mallesu kusinārāyaṃ, gabbhe jātassa me sato;
маад̇аа мад̇аа жид̇аарул̣хаа, д̇ад̇о ниббад̇ид̇о ахам̣.
Mātā matā citāruḷhā, tato nippatito ahaṃ.
‘‘бад̇ид̇о д̣̇аб̣б̣абун̃ж̇амхи, д̇ад̇о д̣̇аб̣б̣од̇и виссуд̇о;
‘‘Patito dabbapuñjamhi, tato dabboti vissuto;
б̣рахмажаарийб̣алзнаахам̣, вимуд̇д̇о сад̇д̇авассиго.
Brahmacārībalenāhaṃ, vimutto sattavassiko.
‘‘кийрод̣̇анаб̣алзнаахам̣ , бан̃жахан̇г̇зхубааг̇ад̇о;
‘‘Khīrodanabalenāhaṃ , pañcahaṅgehupāgato;
кийн̣аасавобаваад̣̇зна, баабзхи б̣аху жод̣̇ид̇о.
Khīṇāsavopavādena, pāpehi bahu codito.
‘‘убхо бун̃н̃ан̃жа баабан̃жа, вийд̇ивад̇д̇омхи д̣̇аанихам̣;
‘‘Ubho puññañca pāpañca, vītivattomhi dānihaṃ;
бад̇ваана барамам̣ санд̇им̣, вихараами анаасаво.
Patvāna paramaṃ santiṃ, viharāmi anāsavo.
‘‘сзнаасанам̣ бан̃н̃аабаяим̣, хаасаяид̇ваана суб̣б̣ад̇з;
‘‘Senāsanaṃ paññāpayiṃ, hāsayitvāna subbate;
ж̇ино д̇асмим̣ г̇ун̣з д̇удто, зд̇ад̣̇аг̇г̇з табзси мам̣.
Jino tasmiṃ guṇe tuṭṭho, etadagge ṭhapesi maṃ.
‘‘гилзсаа жхаабид̇аа маяхам̣, бхаваа саб̣б̣з самуухад̇аа;
‘‘Kilesā jhāpitā mayhaṃ, bhavā sabbe samūhatā;
нааг̇ова б̣анд̇ханам̣ чзд̇ваа, вихараами анаасаво.
Nāgova bandhanaṃ chetvā, viharāmi anāsavo.
‘‘свааг̇ад̇ам̣ вад̇а мз ааси, б̣уд̣̇д̇хасздтасса санд̇игз;
‘‘Svāgataṃ vata me āsi, buddhaseṭṭhassa santike;
д̇иссо виж̇ж̇аа ануббад̇д̇аа, гад̇ам̣ б̣уд̣̇д̇хасса саасанам̣.
Tisso vijjā anuppattā, kataṃ buddhassa sāsanaṃ.
‘‘бадисамбхид̣̇аа жад̇ассо…бз…гад̇ам̣ б̣уд̣̇д̇хасса саасана’’нд̇и.
‘‘Paṭisambhidā catasso…pe…kataṃ buddhassa sāsana’’nti.
звам̣бхууд̇ам̣ бана д̇ам̣ язна буб̣б̣з згасса кийн̣аасавад̇т̇зрасса ануд̣̇д̇хам̣санавасзна гад̇зна баабагаммзна б̣ахууни вассасад̇асахассаани нираяз бажжи, д̇ааяа зва гаммабилод̇игааяа жод̣̇ияамаанаа мзд̇д̇ияабхуумаж̇агаа бхигкуу ‘‘иминаа маяам̣ галяаан̣абхад̇д̇игасса г̇ахабад̇ино анд̇арз барибхзд̣̇ид̇аа’’д̇и д̣̇уг̇г̇ахид̇аг̇аахино амуулагзна баарааж̇игзна д̇хаммзна ануд̣̇д̇хам̣сзсум̣. д̇асмин̃жа ад̇хигаран̣з сан̇гхзна сад̇ивинаязна вуубасамид̇з аяам̣ т̇зро логаанугамбааяа ад̇д̇ано г̇ун̣з вибхаавзнд̇о ‘‘яо д̣̇уд̣̇д̣̇амияо’’д̇и имам̣ г̇аат̇ам̣ абхааси.
Evaṃbhūtaṃ pana taṃ yena pubbe ekassa khīṇāsavattherassa anuddhaṃsanavasena katena pāpakammena bahūni vassasatasahassāni niraye pacci, tāya eva kammapilotikāya codiyamānā mettiyabhūmajakā bhikkhū ‘‘iminā mayaṃ kalyāṇabhattikassa gahapatino antare paribheditā’’ti duggahitagāhino amūlakena pārājikena dhammena anuddhaṃsesuṃ. Tasmiñca adhikaraṇe saṅghena sativinayena vūpasamite ayaṃ thero lokānukampāya attano guṇe vibhāvento ‘‘yo duddamiyo’’ti imaṃ gāthaṃ abhāsi.
5. д̇ад̇т̇а яод̇и анияамид̇анид̣̇д̣̇зсо, д̇асса ‘‘со’’д̇и иминаа нияамад̇д̇ам̣ д̣̇адтаб̣б̣ам̣. убхаязнаби ан̃н̃ам̣ вияа гад̇ваа ад̇д̇аанамзва вад̣̇ад̇и. д̣̇уд̣̇д̣̇амияод̇и д̣̇уд̣̇д̣̇амо, д̣̇амзд̇ум̣ асаггун̣зяяо. ид̣̇ан̃жа ад̇д̇ано бут̇уж̇ж̇анагаалз д̣̇идтиг̇ад̇аанам̣ висуугааяигаанам̣ гилзсаанам̣ мад̣̇аалзбажид̇д̇асса вибпанд̣̇ид̇ам̣ инд̣̇рияаанам̣ авуубасаманан̃жа жинд̇зд̇ваа вад̣̇ад̇и. д̣̇амзнаад̇и уд̇д̇амзна аг̇г̇амаг̇г̇ад̣̇амзна, д̇зна хи д̣̇анд̇о буна д̣̇амзд̇аб̣б̣ад̇аабхаавад̇о ‘‘д̣̇анд̇о’’д̇и вад̇д̇аб̣б̣ад̇ам̣ арахад̇и, на ан̃н̃зна. ат̇а ваа д̣̇амзнаад̇и д̣̇амагзна бурисад̣̇аммасаарат̇инаа д̣̇амид̇о . д̣̇аб̣б̣од̇и д̣̇раб̣яо, бхаб̣б̣од̇и ад̇т̇о. д̇знааха бхаг̇аваа имамзва т̇зрам̣ санд̇хааяа – ‘‘на ко, д̣̇аб̣б̣а, д̣̇аб̣б̣аа звам̣ ниб̣б̣зтзнд̇ий’’д̇и (баараа. 384; жуул̣ава. 193) . санд̇усид̇од̇и яат̇аалад̣̇д̇хабажжаяасанд̇осзна жхаанасамаабад̇д̇исанд̇осзна маг̇г̇апаласанд̇осзна жа санд̇удто. вид̇ин̣н̣аган̇код̇и сол̣асавад̇т̇угааяа адтавад̇т̇угааяа жа ган̇кааяа батамамаг̇г̇знзва самуг̇гхаадид̇ад̇д̇аа виг̇ад̇аган̇ко. виж̇ид̇аавийд̇и бурисааж̇аанийязна виж̇зд̇аб̣б̣асса саб̣б̣ассаби сам̣гилзсабагкасса виж̇ид̇ад̇д̇аа вид̇хамид̇ад̇д̇аа виж̇ид̇аавий. абзд̇абхзравод̇и бан̃жавийсад̇ияаа бхаяаанам̣ саб̣б̣асо абзд̇ад̇д̇аа абаг̇ад̇абхзраво абхаяуубарад̇о . буна д̣̇аб̣б̣од̇и наамагид̇д̇анам̣. бариниб̣б̣уд̇од̇и д̣̇вз бариниб̣б̣аанаани гилзсабариниб̣б̣аанан̃жа, яаа саубаад̣̇исзсаниб̣б̣аанад̇хаад̇у, канд̇хабариниб̣б̣аанан̃жа, яаа анубаад̣̇исзсаниб̣б̣аанад̇хаад̇у. д̇зсу ид̇ха гилзсабариниб̣б̣аанам̣ ад̇хиббзд̇ам̣, д̇асмаа бахаад̇аб̣б̣ад̇хаммаанам̣ маг̇г̇зна саб̣б̣асо бахийнад̇д̇аа гилзсабариниб̣б̣аанзна бариниб̣б̣уд̇од̇и ад̇т̇о. тид̇ад̇д̇од̇и тид̇асабхааво ажало идтаад̣̇ийсу д̇аад̣̇ибхааваббад̇д̇ияаа логад̇хаммзхи агамбанийяо. хийд̇и жа хзд̇уад̇т̇з нибаад̇о, д̇зна яо буб̣б̣з д̣̇уд̣̇д̣̇амо худ̇ваа тид̇о яасмаа д̣̇аб̣б̣ад̇д̇аа сад̇т̇аараа уд̇д̇амзна д̣̇амзна д̣̇амид̇о санд̇усид̇о вид̇ин̣н̣аган̇ко виж̇ид̇аавий абзд̇абхзраво, д̇асмаа со д̣̇аб̣б̣о бариниб̣б̣уд̇о д̇ад̇оязва жа тид̇ад̇д̇о, звам̣бхууд̇з жа д̇асмим̣ жид̇д̇абасаад̣̇ова гаад̇аб̣б̣о, на басаад̣̇ан̃н̃ат̇ад̇д̇анд̇и баранзяяаб̣уд̣̇д̇хигз сад̇д̇з анугамбанд̇о т̇зро ан̃н̃ам̣ б̣яаагааси.
5. Tattha yoti aniyamitaniddeso, tassa ‘‘so’’ti iminā niyamattaṃ daṭṭhabbaṃ. Ubhayenapi aññaṃ viya katvā attānameva vadati. Duddamiyoti duddamo, dametuṃ asakkuṇeyyo. Idañca attano puthujjanakāle diṭṭhigatānaṃ visūkāyikānaṃ kilesānaṃ madālepacittassa vipphanditaṃ indriyānaṃ avūpasamanañca cintetvā vadati. Damenāti uttamena aggamaggadamena, tena hi danto puna dametabbatābhāvato ‘‘danto’’ti vattabbataṃ arahati, na aññena. Atha vā damenāti damakena purisadammasārathinā damito . Dabboti drabyo, bhabboti attho. Tenāha bhagavā imameva theraṃ sandhāya – ‘‘na kho, dabba, dabbā evaṃ nibbeṭhentī’’ti (pārā. 384; cūḷava. 193) . Santusitoti yathāladdhapaccayasantosena jhānasamāpattisantosena maggaphalasantosena ca santuṭṭho. Vitiṇṇakaṅkhoti soḷasavatthukāya aṭṭhavatthukāya ca kaṅkhāya paṭhamamaggeneva samugghāṭitattā vigatakaṅkho. Vijitāvīti purisājānīyena vijetabbassa sabbassapi saṃkilesapakkhassa vijitattā vidhamitattā vijitāvī. Apetabheravoti pañcavīsatiyā bhayānaṃ sabbaso apetattā apagatabheravo abhayūparato . Puna dabboti nāmakittanaṃ. Parinibbutoti dve parinibbānāni kilesaparinibbānañca, yā saupādisesanibbānadhātu, khandhaparinibbānañca, yā anupādisesanibbānadhātu. Tesu idha kilesaparinibbānaṃ adhippetaṃ, tasmā pahātabbadhammānaṃ maggena sabbaso pahīnattā kilesaparinibbānena parinibbutoti attho. Ṭhitattoti ṭhitasabhāvo acalo iṭṭhādīsu tādibhāvappattiyā lokadhammehi akampanīyo. Hīti ca hetuatthe nipāto, tena yo pubbe duddamo hutvā ṭhito yasmā dabbattā satthārā uttamena damena damito santusito vitiṇṇakaṅkho vijitāvī apetabheravo, tasmā so dabbo parinibbuto tatoyeva ca ṭhitatto, evaṃbhūte ca tasmiṃ cittapasādova kātabbo, na pasādaññathattanti paraneyyabuddhike satte anukampanto thero aññaṃ byākāsi.
д̣̇аб̣б̣ад̇т̇зраг̇аат̇ааван̣н̣анаа нидтид̇аа.
Dabbattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 5. д̣̇аб̣б̣ад̇т̇зраг̇аат̇аа • 5. Dabbattheragāthā
