| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[400] 5. д̣̇аб̣бхабубпаж̇аад̇агаван̣н̣анаа
[400] 5. Dabbhapupphajātakavaṇṇanā
ануд̇ийражаарий бхад̣̇д̣̇анд̇зд̇и ид̣̇ам̣ сад̇т̇аа ж̇зд̇аванз вихаранд̇о убананд̣̇ам̣ сагяабуд̇д̇ам̣ аараб̣бха гат̇зси. со хи саасанз баб̣б̣аж̇ид̇ваа аббижчад̇аад̣̇иг̇ун̣з бахааяа махаад̇ан̣хо ахоси. вассуубанааяигааяа д̣̇вз д̇аяо вихаарз бариг̇г̇ахзд̇ваа згасмим̣ чад̇д̇ам̣ ваа убааханам̣ ваа згасмим̣ гад̇д̇араяадтим̣ ваа уд̣̇агад̇умб̣ам̣ ваа табзд̇ваа згасмим̣ саяам̣ васад̇и. со згасмим̣ ж̇анабад̣̇авихаарз вассам̣ убаг̇анд̇ваа ‘‘бхигкуухи наама аббижчзхи бхавид̇аб̣б̣а’’нд̇и аагаасз жанд̣̇ам̣ удтаабзнд̇о вияа бхигкуунам̣ бажжаяасанд̇осад̣̇ийбагам̣ арияавам̣сабадибад̣̇ам̣ гат̇зси. д̇ам̣ суд̇ваа бхигкуу манаабаани бад̇д̇ажийвараани чад̣д̣зд̇ваа мад̇д̇игаабад̇д̇аани жзва бам̣сугуулажийвараани жа г̇ан̣хим̣су. со д̇аани ад̇д̇ано васанадтаанз табзд̇ваа вуд̇т̇авассо баваарзд̇ваа яаанагам̣ буурзд̇ваа ж̇зд̇аванам̣ г̇ажчанд̇о анд̇араамаг̇г̇з згасса аран̃н̃авихаарасса бидтибхааг̇з баад̣̇з валлияаа балиб̣уд̣̇д̇хо ‘‘ад̣̇д̇хаа зд̇т̇а гин̃жи лад̣̇д̇хаб̣б̣ам̣ бхависсад̇ий’’д̇и д̇ам̣ вихаарам̣ баависи. д̇ад̇т̇а бана д̣̇вз махаллагаа бхигкуу вассам̣ убаг̇ажчим̣су. д̇з д̣̇вз жа т̇ууласаадагз зган̃жа сукумагамб̣алам̣ лабхид̇ваа бхааж̇зд̇ум̣ асаггонд̇аа д̇ам̣ д̣̇исваа ‘‘т̇зро но бхааж̇зд̇ваа д̣̇ассад̇ий’’д̇и д̇удтажид̇д̇аа ‘‘маяам̣, бханд̇з, имам̣ вассааваасигам̣ бхааж̇зд̇ум̣ на саггома, имам̣ но ниссааяа виваад̣̇о ход̇и, ид̣̇ам̣ амхаагам̣ бхааж̇зд̇ваа д̣̇зт̇аа’’д̇и аахам̣су. со ‘‘саад̇ху бхааж̇зссаамий’’д̇и д̣̇вз т̇ууласаадагз д̣̇виннамби бхааж̇зд̇ваа ‘‘аяам̣ амхаагам̣ винаяад̇хараанам̣ баабун̣аад̇ий’’д̇и гамб̣алам̣ г̇ахзд̇ваа баггаами.
Anutīracārī bhaddanteti idaṃ satthā jetavane viharanto upanandaṃ sakyaputtaṃ ārabbha kathesi. So hi sāsane pabbajitvā appicchatādiguṇe pahāya mahātaṇho ahosi. Vassūpanāyikāya dve tayo vihāre pariggahetvā ekasmiṃ chattaṃ vā upāhanaṃ vā ekasmiṃ kattarayaṭṭhiṃ vā udakatumbaṃ vā ṭhapetvā ekasmiṃ sayaṃ vasati. So ekasmiṃ janapadavihāre vassaṃ upagantvā ‘‘bhikkhūhi nāma appicchehi bhavitabba’’nti ākāse candaṃ uṭṭhāpento viya bhikkhūnaṃ paccayasantosadīpakaṃ ariyavaṃsapaṭipadaṃ kathesi. Taṃ sutvā bhikkhū manāpāni pattacīvarāni chaḍḍetvā mattikāpattāni ceva paṃsukūlacīvarāni ca gaṇhiṃsu. So tāni attano vasanaṭṭhāne ṭhapetvā vutthavasso pavāretvā yānakaṃ pūretvā jetavanaṃ gacchanto antarāmagge ekassa araññavihārassa piṭṭhibhāge pāde valliyā palibuddho ‘‘addhā ettha kiñci laddhabbaṃ bhavissatī’’ti taṃ vihāraṃ pāvisi. Tattha pana dve mahallakā bhikkhū vassaṃ upagacchiṃsu. Te dve ca thūlasāṭake ekañca sukhumakambalaṃ labhitvā bhājetuṃ asakkontā taṃ disvā ‘‘thero no bhājetvā dassatī’’ti tuṭṭhacittā ‘‘mayaṃ, bhante, imaṃ vassāvāsikaṃ bhājetuṃ na sakkoma, imaṃ no nissāya vivādo hoti, idaṃ amhākaṃ bhājetvā dethā’’ti āhaṃsu. So ‘‘sādhu bhājessāmī’’ti dve thūlasāṭake dvinnampi bhājetvā ‘‘ayaṃ amhākaṃ vinayadharānaṃ pāpuṇātī’’ti kambalaṃ gahetvā pakkāmi.
д̇зби т̇зраа гамб̣алз саалаяаа д̇знзва сад̣̇д̇хим̣ ж̇зд̇аванам̣ г̇анд̇ваа винаяад̇хараанам̣ бхигкуунам̣ д̇амад̇т̇ам̣ аарожзд̇ваа ‘‘лаб̣бхад̇и ну ко, бханд̇з, винаяад̇хараанам̣ звам̣ вилобам̣ каад̣̇ид̇у’’нд̇и аахам̣су. бхигкуу убананд̣̇ад̇т̇зрзна аабхад̇ам̣ бад̇д̇ажийварараасим̣ д̣̇исваа ‘‘махаабун̃н̃оси д̇вам̣ аавусо, б̣ахум̣ д̇з бад̇д̇ажийварам̣ лад̣̇д̇ха’’нд̇и вад̣̇им̣су. со ‘‘гуд̇о мз аавусо, бун̃н̃ам̣, иминаа мз убааязна ид̣̇ам̣ лад̣̇д̇ха’’нд̇и саб̣б̣ам̣ гат̇зси. бхигкуу д̇хаммасабхааяам̣ гат̇ам̣ самудтаабзсум̣ ‘‘аавусо, убананд̣̇о сагяабуд̇д̇о махаад̇ан̣хо махаалобхо’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, убананд̣̇зна бадибад̣̇ааяа анужчавигам̣ гад̇ам̣, барасса бадибад̣̇ам̣ гат̇знд̇зна наама бхигкунаа батамам̣ ад̇д̇ано анужчавигам̣ гад̇ваа бажчаа баро овад̣̇ид̇аб̣б̣о’’д̇и.
Tepi therā kambale sālayā teneva saddhiṃ jetavanaṃ gantvā vinayadharānaṃ bhikkhūnaṃ tamatthaṃ ārocetvā ‘‘labbhati nu kho, bhante, vinayadharānaṃ evaṃ vilopaṃ khāditu’’nti āhaṃsu. Bhikkhū upanandattherena ābhataṃ pattacīvararāsiṃ disvā ‘‘mahāpuññosi tvaṃ āvuso, bahuṃ te pattacīvaraṃ laddha’’nti vadiṃsu. So ‘‘kuto me āvuso, puññaṃ, iminā me upāyena idaṃ laddha’’nti sabbaṃ kathesi. Bhikkhū dhammasabhāyaṃ kathaṃ samuṭṭhāpesuṃ ‘‘āvuso, upanando sakyaputto mahātaṇho mahālobho’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, upanandena paṭipadāya anucchavikaṃ kataṃ, parassa paṭipadaṃ kathentena nāma bhikkhunā paṭhamaṃ attano anucchavikaṃ katvā pacchā paro ovaditabbo’’ti.
‘‘ад̇д̇аанамзва батамам̣, бад̇ируубз нивзсаяз;
‘‘Attānameva paṭhamaṃ, patirūpe nivesaye;
ат̇ан̃н̃аманусаасзяяа, на гилиссзяяа бан̣д̣ид̇о’’д̇и. (д̇ха. ба. 158) –
Athaññamanusāseyya, na kilisseyya paṇḍito’’ti. (dha. pa. 158) –
имааяа д̇хаммабад̣̇з г̇аат̇ааяа д̇хаммам̣ д̣̇зсзд̇ваа ‘‘на, бхигкавз, убананд̣̇о ид̣̇аанзва, буб̣б̣збзса махаад̇ан̣хо махаалобхова, на жа бана ид̣̇аанзва, буб̣б̣збзса имзсам̣ санд̇агам̣ вилумбиязваа’’д̇и вад̇ваа ад̇ийд̇ам̣ аахари.
Imāya dhammapade gāthāya dhammaṃ desetvā ‘‘na, bhikkhave, upanando idāneva, pubbepesa mahātaṇho mahālobhova, na ca pana idāneva, pubbepesa imesaṃ santakaṃ vilumpiyevā’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о над̣̇ийд̇ийрз ругкад̣̇звад̇аа ахоси. д̇ад̣̇аа зго син̇г̇аало мааяаавим̣ наама бхарияам̣ г̇ахзд̇ваа над̣̇ийд̇ийрз згасмим̣ таанз васи. ат̇згад̣̇ивасам̣ син̇г̇аалий син̇г̇аалам̣ ааха ‘‘д̣̇охал̣о мз саами, уббанно, алларохид̇амажчам̣ каад̣̇ид̇ум̣ ижчаамий’’д̇и. син̇г̇аало ‘‘аббоссуггаа хохи, аахариссаами д̇з’’д̇и над̣̇ийд̇ийрз жаранд̇о валлияаа баад̣̇з балиб̣уж̇жхид̇ваа ануд̇ийрамзва аг̇амааси. д̇асмим̣ кан̣з г̇амбхийражаарий жа ануд̇ийражаарий жаад̇и д̣̇вз уд̣̇д̣̇аа мажчз бариязсанд̇аа д̇ийрз адтам̣су. д̇зсу г̇амбхийражаарий маханд̇ам̣ рохид̇амажчам̣ д̣̇исваа взг̇зна уд̣̇агз бависид̇ваа д̇ам̣ нан̇г̇удтз г̇ан̣хи. б̣алаваа мажчо баригад̣дханд̇о яааси. со г̇амбхийражаарий уд̣̇д̣̇о ‘‘махаамажчо убхиннамби но бахоссад̇и, зхи мз сахааяо хохий’’д̇и ид̇арзна сад̣̇д̇хим̣ саллабанд̇о батамам̣ г̇аат̇амааха –
Atīte bārāṇasiyaṃ brahmadatte rajjaṃ kārente bodhisatto nadītīre rukkhadevatā ahosi. Tadā eko siṅgālo māyāviṃ nāma bhariyaṃ gahetvā nadītīre ekasmiṃ ṭhāne vasi. Athekadivasaṃ siṅgālī siṅgālaṃ āha ‘‘dohaḷo me sāmi, uppanno, allarohitamacchaṃ khādituṃ icchāmī’’ti. Siṅgālo ‘‘appossukkā hohi, āharissāmi te’’ti nadītīre caranto valliyā pāde palibujjhitvā anutīrameva agamāsi. Tasmiṃ khaṇe gambhīracārī ca anutīracārī cāti dve uddā macche pariyesantā tīre aṭṭhaṃsu. Tesu gambhīracārī mahantaṃ rohitamacchaṃ disvā vegena udake pavisitvā taṃ naṅguṭṭhe gaṇhi. Balavā maccho parikaḍḍhanto yāsi. So gambhīracārī uddo ‘‘mahāmaccho ubhinnampi no pahossati, ehi me sahāyo hohī’’ti itarena saddhiṃ sallapanto paṭhamaṃ gāthamāha –
29.
29.
‘‘ануд̇ийражаарий бхад̣̇д̣̇анд̇з, сахааяамануд̇хаава мам̣;
‘‘Anutīracārī bhaddante, sahāyamanudhāva maṃ;
махаа мз г̇ахид̇о мажчо, со мам̣ харад̇и взг̇асаа’’д̇и.
Mahā me gahito maccho, so maṃ harati vegasā’’ti.
д̇ад̇т̇а сахааяамануд̇хаава манд̇и сахааяа ануд̇хаава мам̣, санд̇хивасзна ма-гааро вуд̇д̇о. ид̣̇ам̣ вуд̇д̇ам̣ ход̇и – яат̇аахам̣ иминаа мажчзна на сам̣хийраами, звам̣ мам̣ нан̇г̇удтакан̣д̣з г̇ахзд̇ваа д̇вам̣ ануд̇хааваад̇и.
Tattha sahāyamanudhāva manti sahāya anudhāva maṃ, sandhivasena ma-kāro vutto. Idaṃ vuttaṃ hoti – yathāhaṃ iminā macchena na saṃhīrāmi, evaṃ maṃ naṅguṭṭhakhaṇḍe gahetvā tvaṃ anudhāvāti.
д̇ам̣ суд̇ваа ид̇аро д̣̇уд̇ияам̣ г̇аат̇амааха –
Taṃ sutvā itaro dutiyaṃ gāthamāha –
30.
30.
‘‘г̇амбхийражаарий бхад̣̇д̣̇анд̇з, д̣̇ал̣хам̣ г̇ан̣хаахи т̇аамасаа;
‘‘Gambhīracārī bhaddante, daḷhaṃ gaṇhāhi thāmasā;
ахам̣ д̇ам̣ уд̣̇д̇хариссаами, субан̣н̣о ураг̇аамиваа’’д̇и.
Ahaṃ taṃ uddharissāmi, supaṇṇo uragāmivā’’ti.
д̇ад̇т̇а т̇аамасаад̇и т̇аамзна. уд̣̇д̇хариссаамийд̇и нийхариссаами. субан̣н̣о ураг̇аамиваад̇и г̇арул̣о саббам̣ вияа.
Tattha thāmasāti thāmena. Uddharissāmīti nīharissāmi. Supaṇṇo uragāmivāti garuḷo sappaṃ viya.
ат̇а д̣̇взби д̇з згад̇о худ̇ваа рохид̇амажчам̣ нийхарид̇ваа т̇алз табзд̇ваа маарзд̇ваа ‘‘д̇вам̣ бхааж̇зхи, д̇вам̣ бхааж̇зхий’’д̇и галахам̣ гад̇ваа бхааж̇зд̇ум̣ асаггонд̇аа табзд̇ваа нисийд̣̇им̣су. д̇асмим̣ гаалз син̇г̇аало д̇ам̣ таанам̣ ануббад̇д̇о. д̇з д̇ам̣ д̣̇исваа убхоби бажжуг̇г̇аманам̣ гад̇ваа ‘‘аяам̣, самма, д̣̇аб̣бхабубпамажчо амхзхи згад̇о худ̇ваа г̇ахид̇о, д̇ам̣ но бхааж̇зд̇ум̣ асаггонд̇аанам̣ виваад̣̇о уббанно, самабхааг̇ам̣ но бхааж̇зд̇ваа д̣̇зхий’’д̇и д̇ад̇ияам̣ г̇аат̇амаахам̣су –
Atha dvepi te ekato hutvā rohitamacchaṃ nīharitvā thale ṭhapetvā māretvā ‘‘tvaṃ bhājehi, tvaṃ bhājehī’’ti kalahaṃ katvā bhājetuṃ asakkontā ṭhapetvā nisīdiṃsu. Tasmiṃ kāle siṅgālo taṃ ṭhānaṃ anuppatto. Te taṃ disvā ubhopi paccuggamanaṃ katvā ‘‘ayaṃ, samma, dabbhapupphamaccho amhehi ekato hutvā gahito, taṃ no bhājetuṃ asakkontānaṃ vivādo uppanno, samabhāgaṃ no bhājetvā dehī’’ti tatiyaṃ gāthamāhaṃsu –
31.
31.
‘‘виваад̣̇о но самуббанно, д̣̇аб̣бхабубпа сун̣охи мз;
‘‘Vivādo no samuppanno, dabbhapuppha suṇohi me;
самзхи мзд̇хаг̇ам̣ саммаа, виваад̣̇о вуубасаммад̇а’’нд̇и.
Samehi medhagaṃ sammā, vivādo vūpasammata’’nti.
д̇ад̇т̇а д̣̇аб̣бхабубпаад̇и д̣̇аб̣бхабубпасамаанаван̣н̣ад̇ааяа д̇ам̣ аалабанд̇и. мзд̇хаг̇анд̇и галахам̣.
Tattha dabbhapupphāti dabbhapupphasamānavaṇṇatāya taṃ ālapanti. Medhaganti kalahaṃ.
д̇зсам̣ важанам̣ суд̇ваа син̇г̇аало ад̇д̇ано б̣алам̣ д̣̇ийбзнд̇о –
Tesaṃ vacanaṃ sutvā siṅgālo attano balaṃ dīpento –
32.
32.
‘‘д̇хаммадтохам̣ бурз аасим̣, б̣ахуу ад̣д̣аа мз д̇ийрид̇аа;
‘‘Dhammaṭṭhohaṃ pure āsiṃ, bahū aḍḍā me tīritā;
самзми мзд̇хаг̇ам̣ саммаа, виваад̣̇о вуубасаммад̇а’’нд̇и. –
Samemi medhagaṃ sammā, vivādo vūpasammata’’nti. –
ид̣̇ам̣ г̇аат̇ам̣ вад̇ваа бхааж̇знд̇о –
Idaṃ gāthaṃ vatvā bhājento –
33.
33.
‘‘ануд̇ийражаари нан̇г̇удтам̣, сийсам̣ г̇амбхийражаарино;
‘‘Anutīracāri naṅguṭṭhaṃ, sīsaṃ gambhīracārino;
ажжааяам̣ маж̇жхимо кан̣д̣о, д̇хаммадтасса бхависсад̇ий’’д̇и. –
Accāyaṃ majjhimo khaṇḍo, dhammaṭṭhassa bhavissatī’’ti. –
имам̣ г̇аат̇амааха –
Imaṃ gāthamāha –
д̇ад̇т̇а батамаг̇аат̇ааяа аяамад̇т̇о – ахам̣ буб̣б̣з рааж̇уунам̣ винижчаяаамажжо аасим̣, д̇зна маяаа винижчаяз нисийд̣̇ид̇ваа б̣ахуу ад̣д̣аа д̇ийрид̇аа, д̇зсам̣ д̇зсам̣ б̣раахман̣аг̇ахабад̇игаад̣̇ийнам̣ б̣ахуу ад̣д̣аа д̇ийрид̇аа винижчид̇аа, сваахам̣ д̇умхаад̣̇исаанам̣ самаж̇аад̇игаанам̣ жад̇уббад̣̇аанам̣ ад̣д̣ам̣ д̇ийрзд̇ум̣ гим̣ на сагкиссаами, ахам̣ во самзми мзд̇хаг̇ам̣, саммаа мам̣ ниссааяа д̇умхаагам̣ виваад̣̇о вуубасаммад̇ууд̇и .
Tattha paṭhamagāthāya ayamattho – ahaṃ pubbe rājūnaṃ vinicchayāmacco āsiṃ, tena mayā vinicchaye nisīditvā bahū aḍḍā tīritā, tesaṃ tesaṃ brāhmaṇagahapatikādīnaṃ bahū aḍḍā tīritā vinicchitā, svāhaṃ tumhādisānaṃ samajātikānaṃ catuppadānaṃ aḍḍaṃ tīretuṃ kiṃ na sakkhissāmi, ahaṃ vo samemi medhagaṃ, sammā maṃ nissāya tumhākaṃ vivādo vūpasammatūti .
зван̃жа бана вад̇ваа мажчам̣ д̇аяо годтаасз гад̇ваа ануд̇ийражаари д̇вам̣ нан̇г̇удтам̣ г̇ан̣ха, сийсам̣ г̇амбхийражаарино ход̇у. ажжааяам̣ маж̇жхимо кан̣д̣од̇и абижа аяам̣ маж̇жхимо годтаасо. ат̇а ваа ажжаад̇и ад̇ижжа, имз д̣̇вз годтаасз ад̇иггамид̇ваа тид̇о аяам̣ маж̇жхимо кан̣д̣о д̇хаммадтасса винижчаяасаамигасса маяхам̣ бхависсад̇ийд̇и.
Evañca pana vatvā macchaṃ tayo koṭṭhāse katvā anutīracāri tvaṃ naṅguṭṭhaṃ gaṇha, sīsaṃ gambhīracārino hotu. Accāyaṃ majjhimo khaṇḍoti apica ayaṃ majjhimo koṭṭhāso. Atha vā accāti aticca, ime dve koṭṭhāse atikkamitvā ṭhito ayaṃ majjhimo khaṇḍo dhammaṭṭhassa vinicchayasāmikassa mayhaṃ bhavissatīti.
звам̣ д̇ам̣ мажчам̣ вибхаж̇ид̇ваа ‘‘д̇умхз галахам̣ агад̇ваа нан̇г̇удтан̃жа сийсан̃жа каад̣̇ат̇аа’’д̇и вад̇ваа маж̇жхимакан̣д̣ам̣ мукзна д̣ам̣сид̇ваа д̇зсам̣ бассанд̇аанам̣язва балааяи. д̇з сахассам̣ барааж̇ид̇аа вияа д̣̇уммукаа нисийд̣̇ид̇ваа г̇аат̇амаахам̣су –
Evaṃ taṃ macchaṃ vibhajitvā ‘‘tumhe kalahaṃ akatvā naṅguṭṭhañca sīsañca khādathā’’ti vatvā majjhimakhaṇḍaṃ mukhena ḍaṃsitvā tesaṃ passantānaṃyeva palāyi. Te sahassaṃ parājitā viya dummukhā nisīditvā gāthamāhaṃsu –
34.
34.
‘‘жирамби бхагко абхависса, сажз на вивад̣̇змасз;
‘‘Cirampi bhakkho abhavissa, sace na vivademase;
асийсагам̣ анан̇г̇удтам̣, син̇г̇аало харад̇и рохид̇а’’нд̇и.
Asīsakaṃ anaṅguṭṭhaṃ, siṅgālo harati rohita’’nti.
д̇ад̇т̇а жирамбийд̇и д̣̇вз д̇аяо д̣̇ивасз санд̇хааяа вуд̇д̇ам̣.
Tattha cirampīti dve tayo divase sandhāya vuttaṃ.
син̇г̇аалоби ‘‘аж̇ж̇а бхарияам̣ рохид̇амажчам̣ каад̣̇аабзссаамий’’д̇и д̇удтажид̇д̇о д̇ассаа санд̇игам̣ аг̇амааси. саа д̇ам̣ ааг̇ажчанд̇ам̣ д̣̇исваа абхинанд̣̇амаанаа –
Siṅgālopi ‘‘ajja bhariyaṃ rohitamacchaṃ khādāpessāmī’’ti tuṭṭhacitto tassā santikaṃ agamāsi. Sā taṃ āgacchantaṃ disvā abhinandamānā –
35.
35.
‘‘яат̇ааби рааж̇аа нанд̣̇зяяа, раж̇ж̇ам̣ лад̣̇д̇хаана кад̇д̇ияо;
‘‘Yathāpi rājā nandeyya, rajjaṃ laddhāna khattiyo;
зваахамаж̇ж̇а нанд̣̇аами, д̣̇исваа бун̣н̣амукам̣ бад̇и’’нд̇и. –
Evāhamajja nandāmi, disvā puṇṇamukhaṃ pati’’nti. –
имам̣ г̇аат̇ам̣ вад̇ваа ад̇хиг̇амуубааяам̣ бужчанд̇ий –
Imaṃ gāthaṃ vatvā adhigamūpāyaṃ pucchantī –
36.
36.
‘‘гат̇ам̣ ну т̇алаж̇о санд̇о, уд̣̇агз мажчам̣ бараамаси;
‘‘Kathaṃ nu thalajo santo, udake macchaṃ parāmasi;
будто мз самма агкаахи, гат̇ам̣ ад̇хиг̇ад̇ам̣ д̇аяаа’’д̇и. –
Puṭṭho me samma akkhāhi, kathaṃ adhigataṃ tayā’’ti. –
имам̣ г̇аат̇амааха –
Imaṃ gāthamāha –
д̇ад̇т̇а гат̇ам̣ нууд̇и ‘‘каад̣̇а, бхад̣̇д̣̇з’’д̇и мажчакан̣д̣з бурад̇о табид̇з ‘‘гат̇ам̣ ну д̇вам̣ т̇алаж̇о самаано уд̣̇агз мажчам̣ г̇ан̣хий’’д̇и бужчи.
Tattha kathaṃ nūti ‘‘khāda, bhadde’’ti macchakhaṇḍe purato ṭhapite ‘‘kathaṃ nu tvaṃ thalajo samāno udake macchaṃ gaṇhī’’ti pucchi.
син̇г̇аало д̇ассаа ад̇хиг̇амуубааяам̣ аажигканд̇о ананд̇араг̇аат̇амааха –
Siṅgālo tassā adhigamūpāyaṃ ācikkhanto anantaragāthamāha –
37.
37.
‘‘виваад̣̇зна гисаа хонд̇и, виваад̣̇зна д̇ханагкаяаа;
‘‘Vivādena kisā honti, vivādena dhanakkhayā;
ж̇ийнаа уд̣̇д̣̇аа виваад̣̇зна, бхун̃ж̇а мааяаави рохид̇а’’нд̇и.
Jīnā uddā vivādena, bhuñja māyāvi rohita’’nti.
д̇ад̇т̇а виваад̣̇зна гисаа хонд̇ийд̇и бхад̣̇д̣̇з, имз сад̇д̇аа виваад̣̇ам̣ гаронд̇аа виваад̣̇ам̣ ниссааяа гисаа аббамам̣салохид̇аа хонд̇и. виваад̣̇зна д̇ханагкаяаад̇и хиран̃н̃асуван̣н̣аад̣̇ийнам̣ д̇ханаанам̣ каяаа виваад̣̇знзва хонд̇и. д̣̇вийсуби вивад̣̇анд̇зсу зго барааж̇ид̇о барааж̇ид̇ад̇д̇аа д̇ханагкаяам̣ баабун̣аад̇и, ид̇аро ж̇аяабхааг̇ад̣̇аанзна. ж̇ийнаа уд̣̇д̣̇аад̇и д̣̇вз уд̣̇д̣̇ааби виваад̣̇знзва имам̣ мажчам̣ ж̇ийнаа, д̇асмаа д̇вам̣ маяаа аабхад̇асса уббад̇д̇им̣ маа бужча, гзвалам̣ имам̣ бхун̃ж̇а мааяаави рохид̇анд̇и.
Tattha vivādena kisā hontīti bhadde, ime sattā vivādaṃ karontā vivādaṃ nissāya kisā appamaṃsalohitā honti. Vivādena dhanakkhayāti hiraññasuvaṇṇādīnaṃ dhanānaṃ khayā vivādeneva honti. Dvīsupi vivadantesu eko parājito parājitattā dhanakkhayaṃ pāpuṇāti, itaro jayabhāgadānena. Jīnā uddāti dve uddāpi vivādeneva imaṃ macchaṃ jīnā, tasmā tvaṃ mayā ābhatassa uppattiṃ mā puccha, kevalaṃ imaṃ bhuñja māyāvi rohitanti.
ид̇араа абхисамб̣уд̣̇д̇хаг̇аат̇аа –
Itarā abhisambuddhagāthā –
38.
38.
‘‘звамзва мануссзсу, виваад̣̇о яад̇т̇а ж̇ааяад̇и;
‘‘Evameva manussesu, vivādo yattha jāyati;
д̇хаммадтам̣ бадид̇хаавад̇и, со хи нзсам̣ винааяаго;
Dhammaṭṭhaṃ paṭidhāvati, so hi nesaṃ vināyako;
д̇ханааби д̇ад̇т̇а ж̇ийяанд̇и, рааж̇агосо бавад̣дхад̇ий’’д̇и.
Dhanāpi tattha jīyanti, rājakoso pavaḍḍhatī’’ti.
д̇ад̇т̇а звамзваад̇и бхигкавз, яат̇аа зд̇з уд̣̇д̣̇аа ж̇ийнаа, звамзва мануссзсуби яасмим̣ таанз виваад̣̇о ж̇ааяад̇и, д̇ад̇т̇а д̇з мануссаа д̇хаммадтам̣ бад̇ид̇хааванд̇и, винижчаяасаамигам̣ убасан̇гаманд̇и. гим̣гааран̣аа? со хи нзсам̣ винааяаго, со д̇зсам̣ виваад̣̇аабаннаанам̣ виваад̣̇авуубасамагод̇и ад̇т̇о. д̇ханааби д̇ад̇т̇аад̇и д̇ад̇т̇а д̇з виваад̣̇аабаннаа д̇ханад̇оби ж̇ийяанд̇и, ад̇д̇ано санд̇агаа барихааяанд̇и, д̣̇ан̣д̣зна жзва ж̇аяабхааг̇аг̇г̇ахан̣зна жа рааж̇агосо бавад̣дхад̇ийд̇и.
Tattha evamevāti bhikkhave, yathā ete uddā jīnā, evameva manussesupi yasmiṃ ṭhāne vivādo jāyati, tattha te manussā dhammaṭṭhaṃ patidhāvanti, vinicchayasāmikaṃ upasaṅkamanti. Kiṃkāraṇā? So hi nesaṃ vināyako, so tesaṃ vivādāpannānaṃ vivādavūpasamakoti attho. Dhanāpitatthāti tattha te vivādāpannā dhanatopi jīyanti, attano santakā parihāyanti, daṇḍena ceva jayabhāgaggahaṇena ca rājakoso pavaḍḍhatīti.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа син̇г̇аало убананд̣̇о ахоси, уд̣̇д̣̇аа д̣̇вз махаллагаа, д̇асса гааран̣асса бажжагкагааригаа ругкад̣̇звад̇аа бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā siṅgālo upanando ahosi, uddā dve mahallakā, tassa kāraṇassa paccakkhakārikā rukkhadevatā pana ahameva ahosi’’nti.
д̣̇аб̣бхабубпаж̇аад̇агаван̣н̣анаа бан̃жамаа.
Dabbhapupphajātakavaṇṇanā pañcamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 400. д̣̇аб̣бхабубпаж̇аад̇агам̣ • 400. Dabbhapupphajātakaṃ
