| Library / Tipiṭaka / д̇ибидага • Tipiṭaka / вимаанавад̇т̇у-адтагат̇аа • Vimānavatthu-aṭṭhakathā |
6. д̣̇ад̣̇д̣̇аллавимаанаван̣н̣анаа
6. Daddallavimānavaṇṇanā
д̣̇ад̣̇д̣̇алламаанаа ван̣н̣знаад̇и д̣̇ад̣̇д̣̇аллавимаанам̣. д̇асса гаа уббад̇д̇и? бхаг̇аваа саавад̇т̇ияам̣ вихарад̇и ж̇зд̇аванз. д̇зна жа самаязна наалагаг̇аамагз ааяасмад̇о рзвад̇ад̇т̇зрасса убадтаагасса ан̃н̃ад̇арасса гудумб̣игасса д̣̇вз д̇хийд̇аро ахзсум̣, згаа бхад̣̇д̣̇аа наама, ид̇араа субхад̣̇д̣̇аа наама. д̇аасу бхад̣̇д̣̇аа бад̇игулам̣ г̇ад̇аа сад̣̇д̇хаа басаннаа б̣уд̣̇д̇хисамбаннаа ван̃жхаа жа ахоси. саа саамигам̣ ааха ‘‘мама ганидтаа субхад̣̇д̣̇аа наама ад̇т̇и, д̇ам̣ аанзхи, сажассаа буд̇д̇о бхавзяяа, со мамаби буд̇д̇о сияаа, аяан̃жа гулавам̣со на нассзяяаа’’д̇и. со ‘‘саад̇хуу’’д̇и самбадижчид̇ваа д̇ат̇аа агааси.
Daddallamānāvaṇṇenāti daddallavimānaṃ. Tassa kā uppatti? Bhagavā sāvatthiyaṃ viharati jetavane. Tena ca samayena nālakagāmake āyasmato revatattherassa upaṭṭhākassa aññatarassa kuṭumbikassa dve dhītaro ahesuṃ, ekā bhaddā nāma, itarā subhaddā nāma. Tāsu bhaddā patikulaṃ gatā saddhā pasannā buddhisampannā vañjhā ca ahosi. Sā sāmikaṃ āha ‘‘mama kaniṭṭhā subhaddā nāma atthi, taṃ ānehi, sacassā putto bhaveyya, so mamapi putto siyā, ayañca kulavaṃso na nasseyyā’’ti. So ‘‘sādhū’’ti sampaṭicchitvā tathā akāsi.
ат̇а бхад̣̇д̣̇аа субхад̣̇д̣̇ам̣ овад̣̇и ‘‘субхад̣̇д̣̇з, д̣̇аанасам̣вибхааг̇арад̇аа д̇хаммажарияааяа аббамад̇д̇аа хохи, звам̣ д̇з д̣̇идтад̇хаммиго самбарааяиго жа ад̇т̇о хад̇т̇аг̇ад̇о зва ход̇ий’’д̇и. саа д̇ассаа оваад̣̇з тад̇ваа вуд̇д̇анаязна бадибаж̇ж̇амаанаа згад̣̇ивасам̣ ааяасманд̇ам̣ рзвад̇ад̇т̇зрам̣ ад̇д̇адтамам̣ ниманд̇зси. т̇зро субхад̣̇д̣̇ааяа бун̃н̃уубажаяам̣ ааган̇канд̇о сан̇гхуд̣̇д̣̇зсавасзна сад̇д̇а бхигкуу г̇ахзд̇ваа д̇ассаа г̇зхам̣ аг̇амааси. саа басаннажид̇д̇аа ааяасманд̇ам̣ рзвад̇ад̇т̇зрам̣ д̇з жа бхигкуу бан̣ийд̇зна каад̣̇анийязна бхож̇анийязна сахад̇т̇аа санд̇аббзси, т̇зро анумод̣̇анам̣ гад̇ваа баггаами. саа абарабхааг̇з гаалам̣ гад̇ваа ниммаанарад̇ийнам̣ д̣̇зваанам̣ сахаб̣яад̇ам̣ убабаж̇ж̇и. бхад̣̇д̣̇аа бана буг̇г̇алзсу д̣̇аанаани д̣̇ад̇ваа саггасса д̣̇зваанаминд̣̇асса барижааригаа худ̇ваа ниб̣б̣ад̇д̇и.
Atha bhaddā subhaddaṃ ovadi ‘‘subhadde, dānasaṃvibhāgaratā dhammacariyāya appamattā hohi, evaṃ te diṭṭhadhammiko samparāyiko ca attho hatthagato eva hotī’’ti. Sā tassā ovāde ṭhatvā vuttanayena paṭipajjamānā ekadivasaṃ āyasmantaṃ revatattheraṃ attaṭṭhamaṃ nimantesi. Thero subhaddāya puññūpacayaṃ ākaṅkhanto saṅghuddesavasena satta bhikkhū gahetvā tassā gehaṃ agamāsi. Sā pasannacittā āyasmantaṃ revatattheraṃ te ca bhikkhū paṇītena khādanīyena bhojanīyena sahatthā santappesi, thero anumodanaṃ katvā pakkāmi. Sā aparabhāge kālaṃ katvā nimmānaratīnaṃ devānaṃ sahabyataṃ upapajji. Bhaddā pana puggalesu dānāni datvā sakkassa devānamindassa paricārikā hutvā nibbatti.
ат̇а субхад̣̇д̣̇аа ад̇д̇ано самбад̇д̇им̣ бажжавзгкид̇ваа ‘‘гзна ну ко ахам̣ бун̃н̃зна ид̇хуубабаннаа’’д̇и ааваж̇ж̇знд̇ий ‘‘бхад̣̇д̣̇ааяа оваад̣̇з тад̇ваа сан̇гхаг̇ад̇ааяа д̣̇агкин̣ааяа имам̣ самбад̇д̇им̣ самбад̇д̇аа, бхад̣̇д̣̇аа ну ко гахам̣ ниб̣б̣ад̇д̇аа’’д̇и ологзнд̇ий д̇ам̣ саггасса барижааригаабхаавзна ниб̣б̣ад̇д̇ам̣ д̣̇исваа анугамбамаанаа д̇ассаа вимаанам̣ баависи. ат̇а нам̣ бхад̣̇д̣̇аа –
Atha subhaddā attano sampattiṃ paccavekkhitvā ‘‘kena nu kho ahaṃ puññena idhūpapannā’’ti āvajjentī ‘‘bhaddāya ovāde ṭhatvā saṅghagatāya dakkhiṇāya imaṃ sampattiṃ sampattā, bhaddā nu kho kahaṃ nibbattā’’ti olokentī taṃ sakkassa paricārikābhāvena nibbattaṃ disvā anukampamānā tassā vimānaṃ pāvisi. Atha naṃ bhaddā –
619.
619.
‘‘д̣̇ад̣̇д̣̇алламаанаа ван̣н̣зна, яасасаа жа яасассиний;
‘‘Daddallamānā vaṇṇena, yasasā ca yasassinī;
саб̣б̣з д̣̇звз д̇аавад̇им̣сз, ван̣н̣зна ад̇ирожаси.
Sabbe deve tāvatiṃse, vaṇṇena atirocasi.
620.
620.
‘‘д̣̇ассанам̣ наабхиж̇аанаами, ид̣̇ам̣ батамад̣̇ассанам̣;
‘‘Dassanaṃ nābhijānāmi, idaṃ paṭhamadassanaṃ;
гасмаа гааяаа ну ааг̇амма, наамзна бхаасасз мама’’нд̇и. –
Kasmā kāyā nu āgamma, nāmena bhāsase mama’’nti. –
д̣̇вийхи г̇аат̇аахи бужчи. сааби д̇ассаа –
Dvīhi gāthāhi pucchi. Sāpi tassā –
621.
621.
‘‘ахам̣ бхад̣̇д̣̇з субхад̣̇д̣̇аасим̣, буб̣б̣з маанусагз бхавз;
‘‘Ahaṃ bhadde subhaddāsiṃ, pubbe mānusake bhave;
сахабхарияаа жа д̇з аасим̣, бхаг̇иний жа ганидтигаа.
Sahabhariyā ca te āsiṃ, bhaginī ca kaniṭṭhikā.
622.
622.
‘‘саа ахам̣ гааяасса бхзд̣̇аа, виббамуд̇д̇аа д̇ад̇о жуд̇аа;
‘‘Sā ahaṃ kāyassa bhedā, vippamuttā tato cutā;
ниммаанарад̇ийнам̣ д̣̇зваанам̣, убабаннаа сахаб̣яад̇а’’нд̇и. – д̣̇вийхи г̇аат̇аахи б̣яаагааси;
Nimmānaratīnaṃ devānaṃ, upapannā sahabyata’’nti. – dvīhi gāthāhi byākāsi;
619-20. д̇ад̇т̇а ван̣н̣знаад̇и ван̣н̣аад̣̇исамбад̇д̇ияаа. д̣̇ассанам̣ наабхиж̇аанаамийд̇и ид̇о буб̣б̣з д̇ава д̣̇ассанам̣ наабхиж̇аанаами, д̇вам̣ маяаа на д̣̇идтабуб̣б̣аад̇и ад̇т̇о. д̇знааха ‘‘ид̣̇ам̣ батамад̣̇ассана’’нд̇и. гасмаа гааяаа ну ааг̇амма, наамзна бхаасасз маманд̇и гад̇арад̣̇званигааяад̇о ааг̇анд̇ваа ‘‘бхад̣̇д̣̇з’’д̇и наамзна мам̣ аалабаси.
619-20. Tattha vaṇṇenāti vaṇṇādisampattiyā. Dassanaṃ nābhijānāmīti ito pubbe tava dassanaṃ nābhijānāmi, tvaṃ mayā na diṭṭhapubbāti attho. Tenāha ‘‘idaṃ paṭhamadassana’’nti. Kasmā kāyā nu āgamma, nāmena bhāsase mamanti kataradevanikāyato āgantvā ‘‘bhadde’’ti nāmena maṃ ālapasi.
621. ахам̣ бхад̣̇д̣̇зд̇и зд̇т̇а бхад̣̇д̣̇зд̇и аалабанам̣. субхад̣̇д̣̇аасинд̇и ахам̣ субхад̣̇д̣̇аа наама д̇ава бхаг̇иний ганидтигаа аасим̣ ахосим̣, д̇ад̇т̇а буб̣б̣з маанусагз бхавз сахабхарияаа самаанабхарияаа д̇з д̇аяаа згассзва бхарияаа, д̇ава бад̇ино зва бхарияаа, аасинд̇и ад̇т̇о. буна бхад̣̇д̣̇аа –
621.Ahaṃbhaddeti ettha bhaddeti ālapanaṃ. Subhaddāsinti ahaṃ subhaddā nāma tava bhaginī kaniṭṭhikā āsiṃ ahosiṃ, tattha pubbe mānusake bhave sahabhariyā samānabhariyā te tayā ekasseva bhariyā, tava patino eva bhariyā, āsinti attho. Puna bhaddā –
623.
623.
‘‘бахууд̇агад̇агаляаан̣аа, д̇з д̣̇звз яанд̇и баан̣ино;
‘‘Pahūtakatakalyāṇā, te deve yanti pāṇino;
язсам̣ д̇вам̣ гид̇д̇аяиссаси, субхад̣̇д̣̇з ж̇аад̇имад̇д̇ано.
Yesaṃ tvaṃ kittayissasi, subhadde jātimattano.
624.
624.
‘‘ат̇а д̇вам̣ гзна ван̣н̣зна, гзна ваа анусаасид̇аа;
‘‘Atha tvaṃ kena vaṇṇena, kena vā anusāsitā;
гийд̣̇исзнзва д̣̇аанзна, суб̣б̣ад̇зна яасассиний.
Kīdiseneva dānena, subbatena yasassinī.
625.
625.
‘‘яасам̣ зд̇аад̣̇исам̣ бад̇д̇аа, висзсам̣ вибуламаж̇жхаг̇аа;
‘‘Yasaṃ etādisaṃ pattā, visesaṃ vipulamajjhagā;
д̣̇звад̇з бужчид̇аажигка, гисса гаммассид̣̇ам̣ пала’’нд̇и. –
Devate pucchitācikkha, kissa kammassidaṃ phala’’nti. –
д̇ийхи г̇аат̇аахи бужчи. буна субхад̣̇д̣̇аа –
Tīhi gāthāhi pucchi. Puna subhaddā –
626.
626.
‘‘адтзва бин̣д̣абаад̇аани, яам̣ д̣̇аанам̣ ад̣̇ад̣̇ам̣ бурз;
‘‘Aṭṭheva piṇḍapātāni, yaṃ dānaṃ adadaṃ pure;
д̣̇агкин̣зяяасса сан̇гхасса, басаннаа сзхи баан̣ибхи.
Dakkhiṇeyyassa saṅghassa, pasannā sehi pāṇibhi.
627.
627.
‘‘д̇зна мзд̇аад̣̇исо ван̣н̣о…бз…
‘‘Tena metādiso vaṇṇo…pe…
ван̣н̣о жа мз саб̣б̣ад̣̇исаа бабхаасад̇ий’’д̇и. –
Vaṇṇo ca me sabbadisā pabhāsatī’’ti. –
б̣яаагааси.
Byākāsi.
623. д̇ад̇т̇а бахууд̇агад̇агаляаан̣аа д̇з д̣̇звз яанд̇ийд̇и бахууд̇агад̇агаляаан̣аа махаабун̃н̃аа д̇з ниммаанарад̇ино д̣̇звз яанд̇и уббаж̇ж̇анавасзна г̇ажчанд̇и баан̣ино сад̇д̇аа, язсам̣ ниммаанарад̇ийнам̣ д̣̇зваанам̣ анд̇арз д̇вам̣ ад̇д̇ано ж̇аад̇им̣ гид̇д̇аяиссаси гат̇зсийд̇и яож̇анаа.
623. Tattha pahūtakatakalyāṇā te deve yantīti pahūtakatakalyāṇā mahāpuññā te nimmānaratino deve yanti uppajjanavasena gacchanti pāṇino sattā, yesaṃ nimmānaratīnaṃ devānaṃ antare tvaṃ attano jātiṃ kittayissasi kathesīti yojanā.
624. гзна ван̣н̣знаад̇и гзна гааран̣зна. гийд̣̇исзнзваад̇и звасад̣̇д̣̇о самужжаяад̇т̇о, гийд̣̇исзна жаад̇и ад̇т̇о, аяамзва ваа баато. суб̣б̣ад̇знаад̇и сунд̣̇арзна вад̇зна, сувисуд̣̇д̇хзна сийлзнаад̇и ад̇т̇о.
624.Kena vaṇṇenāti kena kāraṇena. Kīdisenevāti evasaddo samuccayattho, kīdisena cāti attho, ayameva vā pāṭho. Subbatenāti sundarena vatena, suvisuddhena sīlenāti attho.
626. адтзва бин̣д̣абаад̇аанийд̇и адтаннам̣ бхигкуунам̣ д̣̇иннабин̣д̣абаад̇з санд̇хааяа вад̣̇ад̇и. ад̣̇ад̣̇анд̇и ад̣̇аасим̣.
626.Aṭṭhevapiṇḍapātānīti aṭṭhannaṃ bhikkhūnaṃ dinnapiṇḍapāte sandhāya vadati. Adadanti adāsiṃ.
звам̣ субхад̣̇д̣̇ааяа гат̇ид̇з буна бхад̣̇д̣̇аа –
Evaṃ subhaddāya kathite puna bhaddā –
629.
629.
‘‘ахам̣ д̇аяаа б̣ахуд̇арз бхигкуу, сан̃н̃ад̇з б̣рахмажаараяо;
‘‘Ahaṃ tayā bahutare bhikkhū, saññate brahmacārayo;
д̇аббзсим̣ аннабаанзна, басаннаа сзхи баан̣ибхи.
Tappesiṃ annapānena, pasannā sehi pāṇibhi.
630.
630.
‘‘д̇аяаа б̣ахуд̇арам̣ д̣̇ад̇ваа, хийнагааяуубаг̇аа ахам̣;
‘‘Tayā bahutaraṃ datvā, hīnakāyūpagā ahaṃ;
гат̇ам̣ д̇вам̣ аббад̇арам̣ д̣̇ад̇ваа, висзсам̣ вибуламаж̇жхаг̇аа;
Kathaṃ tvaṃ appataraṃ datvā, visesaṃ vipulamajjhagā;
д̣̇звад̇з бужчид̇аажигка, гисса гаммассид̣̇ам̣ пала’’нд̇и. –
Devate pucchitācikkha, kissa kammassidaṃ phala’’nti. –
бужчи. д̇ад̇т̇а д̇аяаад̇и ниссаггз гаран̣аважанам̣. буна субхад̣̇д̣̇аа –
Pucchi. Tattha tayāti nissakke karaṇavacanaṃ. Puna subhaddā –
631.
631.
‘‘манобхааванийяо бхигку, санд̣̇идто мз бурз аху;
‘‘Manobhāvanīyo bhikkhu, sandiṭṭho me pure ahu;
д̇аахам̣ бхад̇д̇зна ниманд̇зсим̣, рзвад̇ам̣ ад̇д̇анадтамам̣.
Tāhaṃ bhattena nimantesiṃ, revataṃ attanaṭṭhamaṃ.
632.
632.
‘‘со мз ад̇т̇абурзгкааро, анугамбааяа рзвад̇о;
‘‘So me atthapurekkhāro, anukampāya revato;
сан̇гхз д̣̇зхийд̇и мам̣вожа, д̇ассаахам̣ важанам̣ гарим̣.
Saṅghe dehīti maṃvoca, tassāhaṃ vacanaṃ kariṃ.
633.
633.
‘‘саа д̣̇агкин̣аа сан̇гхаг̇ад̇аа, аббамзяяз бад̇идтид̇аа;
‘‘Sā dakkhiṇā saṅghagatā, appameyye patiṭṭhitā;
буг̇г̇алзсу д̇аяаа д̣̇иннам̣, на д̇ам̣ д̇ава махабпала’’нд̇и. –
Puggalesu tayā dinnaṃ, na taṃ tava mahapphala’’nti. –
ад̇д̇анаа гад̇агаммам̣ гат̇зси.
Attanā katakammaṃ kathesi.
631. д̇ад̇т̇а манобхааванийяод̇и манавад̣дханаго ул̣аараг̇ун̣ад̇ааяа самбхааванийяо. санд̣̇идтод̇и ниманд̇анавасзна б̣од̇хид̇о гат̇ид̇о. д̇знааха ‘‘д̇аахам̣ бхад̇д̇зна ниманд̇зсим̣, рзвад̇ам̣ ад̇д̇анадтама’’нд̇и, д̇ам̣ манобхааванийяам̣ аяяам̣ рзвад̇ам̣ ад̇д̇анадтамам̣ бхад̇д̇зна ахам̣ ниманд̇зсим̣.
631. Tattha manobhāvanīyoti manavaḍḍhanako uḷāraguṇatāya sambhāvanīyo. Sandiṭṭhoti nimantanavasena bodhito kathito. Tenāha ‘‘tāhaṃ bhattena nimantesiṃ, revataṃ attanaṭṭhama’’nti, taṃ manobhāvanīyaṃ ayyaṃ revataṃ attanaṭṭhamaṃ bhattena ahaṃ nimantesiṃ.
632-3. со мз ад̇т̇абурзгкаарод̇и со аяяо рзвад̇о д̣̇аанасса махабпалабхаавагаран̣зна мама ад̇т̇абурзгкааро хид̇зсий. сан̇гхз д̣̇зхийд̇и мам̣вожаад̇и ‘‘яад̣̇и д̇вам̣ субхад̣̇д̣̇з адтаннам̣ бхигкуунам̣ д̣̇аад̇угаамаа, яасмаа буг̇г̇алаг̇ад̇ааяа д̣̇агкин̣ааяа сан̇гхаг̇ад̇аа зва д̣̇агкин̣аа махабпалад̇араа, д̇асмаа сан̇гхз д̣̇зхи, сан̇гхам̣ уд̣̇д̣̇исса д̣̇аанам̣ д̣̇зхий’’д̇и мам̣ абхааси. д̇анд̇и д̇ам̣ д̣̇аанам̣.
632-3.So me atthapurekkhāroti so ayyo revato dānassa mahapphalabhāvakaraṇena mama atthapurekkhāro hitesī. Saṅghe dehīti maṃvocāti ‘‘yadi tvaṃ subhadde aṭṭhannaṃ bhikkhūnaṃ dātukāmā, yasmā puggalagatāya dakkhiṇāya saṅghagatā eva dakkhiṇā mahapphalatarā, tasmā saṅghe dehi, saṅghaṃ uddissa dānaṃ dehī’’ti maṃ abhāsi. Tanti taṃ dānaṃ.
звам̣ субхад̣̇д̣̇ааяа вуд̇д̇з бхад̣̇д̣̇аа д̇амад̇т̇ам̣ самбадижчанд̇ий уд̇д̇ари жа д̇ат̇аа бадибаж̇ж̇ид̇угаамаа –
Evaṃ subhaddāya vutte bhaddā tamatthaṃ sampaṭicchantī uttari ca tathā paṭipajjitukāmā –
634.
634.
‘‘ид̣̇аанзваахам̣ ж̇аанаами, сан̇гхз д̣̇иннам̣ махабпалам̣;
‘‘Idānevāhaṃ jānāmi, saṅghe dinnaṃ mahapphalaṃ;
саахам̣ г̇анд̇ваа мануссад̇д̇ам̣, вад̣̇ан̃н̃уу вийд̇амажчараа;
Sāhaṃ gantvā manussattaṃ, vadaññū vītamaccharā;
сан̇гхз д̣̇аанаани д̣̇ассаами, аббамад̇д̇аа бунаббуна’’нд̇и. –
Saṅghe dānāni dassāmi, appamattā punappuna’’nti. –
г̇аат̇амааха. субхад̣̇д̣̇аа бана ад̇д̇ано д̣̇звалогамзва г̇ад̇аа. ат̇а сагго д̣̇зваанаминд̣̇о саб̣б̣з д̣̇звз д̇аавад̇им̣сз ад̇д̇ано сарийробхаасзна абхибхуяяа вирожамаанам̣ субхад̣̇д̣̇ам̣ д̣̇звад̇хийд̇арам̣ д̣̇исваа д̇ан̃жа д̇аасам̣ гат̇аасаллаабам̣ суд̇ваа д̇аавад̣̇зва жа субхад̣̇д̣̇ааяа анд̇арахид̇ааяа д̇ам̣ ‘‘аяам̣ наамаа’’д̇и аж̇аананд̇о –
Gāthamāha. Subhaddā pana attano devalokameva gatā. Atha sakko devānamindo sabbe deve tāvatiṃse attano sarīrobhāsena abhibhuyya virocamānaṃ subhaddaṃ devadhītaraṃ disvā tañca tāsaṃ kathāsallāpaṃ sutvā tāvadeva ca subhaddāya antarahitāya taṃ ‘‘ayaṃ nāmā’’ti ajānanto –
635.
635.
‘‘гаа зсаа д̣̇звад̇аа бхад̣̇д̣̇з, д̇аяаа манд̇аяад̇з саха;
‘‘Kā esā devatā bhadde, tayā mantayate saha;
саб̣б̣з д̣̇звз д̇аавад̇им̣сз, ван̣н̣зна ад̇ирожад̇ий’’д̇и. –
Sabbe deve tāvatiṃse, vaṇṇena atirocatī’’ti. –
бхад̣̇д̣̇ам̣ бужчи. саабисса –
Bhaddaṃ pucchi. Sāpissa –
636.
636.
‘‘мануссабхууд̇аа д̣̇звинд̣̇а, буб̣б̣з маанусагз бхавз;
‘‘Manussabhūtā devinda, pubbe mānusake bhave;
сахабхарияаа жа мз ааси, бхаг̇иний жа ганидтигаа,
Sahabhariyā ca me āsi, bhaginī ca kaniṭṭhikā,
сан̇гхз д̣̇аанаани д̣̇ад̇ваана, гад̇абун̃н̃аа вирожад̇ий’’д̇и. –
Saṅghe dānāni datvāna, katapuññā virocatī’’ti. –
гат̇зси. ат̇а сагго д̇ассаа сан̇гхаг̇ад̇ааяа д̣̇агкин̣ааяа махабпалабхаавам̣ д̣̇ассзнд̇о д̇хаммам̣ гат̇зси. д̇зна вуд̇д̇ам̣ –
Kathesi. Atha sakko tassā saṅghagatāya dakkhiṇāya mahapphalabhāvaṃ dassento dhammaṃ kathesi. Tena vuttaṃ –
637.
637.
‘‘д̇хаммзна буб̣б̣з бхаг̇иний, д̇аяаа бхад̣̇д̣̇з вирожад̇и;
‘‘Dhammena pubbe bhaginī, tayā bhadde virocati;
яам̣ сан̇гхамхи аббамзяяз, бад̇идтаабзси д̣̇агкин̣ам̣.
Yaṃ saṅghamhi appameyye, patiṭṭhāpesi dakkhiṇaṃ.
638.
638.
‘‘бужчид̇о хи маяаа б̣уд̣̇д̇хо, г̇иж̇жхагуудамхи баб̣б̣ад̇з;
‘‘Pucchito hi mayā buddho, gijjhakūṭamhi pabbate;
вибаагам̣ сам̣вибхааг̇асса, яад̇т̇а д̣̇иннам̣ махабпалам̣.
Vipākaṃ saṃvibhāgassa, yattha dinnaṃ mahapphalaṃ.
639.
639.
‘‘яаж̇амаанаанам̣ мануссаанам̣, бун̃н̃абзгкаана баан̣инам̣;
‘‘Yajamānānaṃ manussānaṃ, puññapekkhāna pāṇinaṃ;
гарод̇ам̣ обад̇хигам̣ бун̃н̃ам̣, яад̇т̇а д̣̇иннам̣ махабпалам̣.
Karotaṃ opadhikaṃ puññaṃ, yattha dinnaṃ mahapphalaṃ.
640.
640.
‘‘д̇ам̣ мз б̣уд̣̇д̇хо вияаагааси, ж̇аанам̣ гаммапалам̣ сагам̣;
‘‘Taṃ me buddho viyākāsi, jānaṃ kammaphalaṃ sakaṃ;
вибаагам̣ сам̣вибхааг̇асса, яад̇т̇а д̣̇иннам̣ махабпалам̣.
Vipākaṃ saṃvibhāgassa, yattha dinnaṃ mahapphalaṃ.
641.
641.
‘‘жад̇д̇ааро жа бадибаннаа, жад̇д̇ааро жа палз тид̇аа;
‘‘Cattāro ca paṭipannā, cattāro ca phale ṭhitā;
зса сан̇гхо уж̇убхууд̇о, бан̃н̃аасийласамаахид̇о.
Esa saṅgho ujubhūto, paññāsīlasamāhito.
642.
642.
‘‘яаж̇амаанаанам̣ мануссаанам̣, бун̃н̃абзгкаана баан̣инам̣;
‘‘Yajamānānaṃ manussānaṃ, puññapekkhāna pāṇinaṃ;
гарод̇ам̣ обад̇хигам̣ бун̃н̃ам̣, сан̇гхз д̣̇иннам̣ махабпалам̣.
Karotaṃ opadhikaṃ puññaṃ, saṅghe dinnaṃ mahapphalaṃ.
643.
643.
‘‘зсо хи сан̇гхо вибуло махаг̇г̇ад̇о, зсаббамзяяо уд̣̇ад̇хийва сааг̇аро;
‘‘Eso hi saṅgho vipulo mahaggato, esappameyyo udadhīva sāgaro;
зд̇з хи сздтаа наравийрасаавагаа, бабхан̇гараа д̇хаммамуд̣̇ийраяанд̇и.
Ete hi seṭṭhā naravīrasāvakā, pabhaṅkarā dhammamudīrayanti.
644.
644.
‘‘д̇зсам̣ суд̣̇иннам̣ сухуд̇ам̣ суяидтам̣, яз сан̇гхамуд̣̇д̣̇исса д̣̇ад̣̇анд̇и д̣̇аанам̣;
‘‘Tesaṃ sudinnaṃ suhutaṃ suyiṭṭhaṃ, ye saṅghamuddissa dadanti dānaṃ;
саа д̣̇агкин̣аа сан̇гхаг̇ад̇аа бад̇идтид̇аа, махабпалаа логавид̣̇ууна ван̣н̣ид̇аа.
Sā dakkhiṇā saṅghagatā patiṭṭhitā, mahapphalā lokavidūna vaṇṇitā.
645.
645.
‘‘зд̇аад̣̇исам̣ яан̃н̃амануссаранд̇аа, яз взд̣̇аж̇аад̇аа вижаранд̇и логз;
‘‘Etādisaṃ yaññamanussarantā, ye vedajātā vicaranti loke;
винзяяа мажчзрамалам̣ самуулам̣, анинд̣̇ид̇аа саг̇г̇амубзнд̇и таана’’нд̇и.
Vineyya maccheramalaṃ samūlaṃ, aninditā saggamupenti ṭhāna’’nti.
637. д̇ад̇т̇а д̇хаммзнаад̇и гааран̣зна н̃ааязна ваа. д̇аяаад̇и ниссаггз гаран̣аважанам̣. ид̣̇аани д̇ам̣ ‘‘д̇хаммзнаа’’д̇и вуд̇д̇агааран̣ам̣ д̣̇ассзд̇ум̣ яам̣ сан̇гхамхи аббамзяяз, бад̇идтаабзси д̣̇агкин̣а’’нд̇и вуд̇д̇ам̣. аббамзяязд̇и г̇ун̣аанубхаавасса ад̇д̇ани гад̇аанам̣ гаараанам̣ палависзсасса жа васзна баминид̇ум̣ асаггун̣зяяз.
637. Tattha dhammenāti kāraṇena ñāyena vā. Tayāti nissakke karaṇavacanaṃ. Idāni taṃ ‘‘dhammenā’’ti vuttakāraṇaṃ dassetuṃ yaṃ saṅghamhi appameyye, patiṭṭhāpesi dakkhiṇa’’nti vuttaṃ. Appameyyeti guṇānubhāvassa attani katānaṃ kārānaṃ phalavisesassa ca vasena paminituṃ asakkuṇeyye.
638-9. аяан̃жа ад̇т̇о бхаг̇авад̇о саммукаа жа суд̇о, саммукаа жа бадиг̇г̇ахид̇од̇и д̣̇ассзнд̇о ‘‘бужчид̇о’’д̇иаад̣̇имааха. д̇ад̇т̇а яаж̇амаанаананд̇и д̣̇ад̣̇анд̇аанам̣. бун̃н̃абзгкаана баан̣инанд̇и анунаасигалобам̣ гад̇ваа нид̣̇д̣̇зсо, бун̃н̃апалам̣ ааган̇канд̇аанам̣ сад̇д̇аанам̣. обад̇хиганд̇и убад̇хи наама канд̇хаа, убад̇хисса гаран̣асийлам̣, убад̇хибаяож̇ананд̇и ваа обад̇хигам̣, ад̇д̇абхааваж̇анагам̣ бадисанд̇хибавад̇д̇ивибаагад̣̇ааяагам̣.
638-9. Ayañca attho bhagavato sammukhā ca suto, sammukhā ca paṭiggahitoti dassento ‘‘pucchito’’tiādimāha. Tattha yajamānānanti dadantānaṃ. Puññapekkhāna pāṇinanti anunāsikalopaṃ katvā niddeso, puññaphalaṃ ākaṅkhantānaṃ sattānaṃ. Opadhikanti upadhi nāma khandhā, upadhissa karaṇasīlaṃ, upadhipayojananti vā opadhikaṃ, attabhāvajanakaṃ paṭisandhipavattivipākadāyakaṃ.
640. ж̇аанам̣ гаммапалам̣ саганд̇и сад̇д̇аанам̣ сагам̣ сагам̣ яат̇аасагам̣ бун̃н̃ам̣ бун̃н̃апалан̃жа хад̇т̇ад̇алз аамалагам̣ вияа ж̇аананд̇о. саганд̇и ваа яагаарасса гагаарам̣ гад̇ваа вуд̇д̇ам̣, саяам̣ ад̇д̇анаад̇и ад̇т̇о.
640.Jānaṃ kammaphalaṃ sakanti sattānaṃ sakaṃ sakaṃ yathāsakaṃ puññaṃ puññaphalañca hatthatale āmalakaṃ viya jānanto. Sakanti vā yakārassa kakāraṃ katvā vuttaṃ, sayaṃ attanāti attho.
641. бадибаннаад̇и бадибаж̇ж̇амаанаа, маг̇г̇адтаад̇и ад̇т̇о. уж̇убхууд̇од̇и уж̇убадибад̇д̇ияаа уж̇убхаавам̣ бад̇д̇о д̣̇агкин̣зяяо ж̇аад̇о. бан̃н̃аасийласамаахид̇од̇и бан̃н̃ааяа сийлзна жа самаахид̇о, д̣̇идтисийласамбанно арияааяа д̣̇идтияаа ариязна сийлзна жа саманнааг̇ад̇о. д̇знаабисса барамад̇т̇асан̇гхабхаавамзва вибхаавзд̇и. д̣̇идтисийласааман̃н̃зна сан̇гхадид̇ад̇д̇аа хи сан̇гхо . ат̇а ваа самаахид̇ам̣ самаад̇хи, бан̃н̃аа сийлам̣ самаахид̇ан̃жа асса ад̇т̇ийд̇и бан̃н̃аасийласамаахид̇о. д̇знасса сийлаад̣̇ид̇хаммагканд̇хад̇д̇аяасамбаннад̇ааяа аг̇г̇ад̣̇агкин̣зяяабхаавам̣ вибхаавзд̇и.
641.Paṭipannāti paṭipajjamānā, maggaṭṭhāti attho. Ujubhūtoti ujupaṭipattiyā ujubhāvaṃ patto dakkhiṇeyyo jāto. Paññāsīlasamāhitoti paññāya sīlena ca samāhito, diṭṭhisīlasampanno ariyāya diṭṭhiyā ariyena sīlena ca samannāgato. Tenāpissa paramatthasaṅghabhāvameva vibhāveti. Diṭṭhisīlasāmaññena saṅghaṭitattā hi saṅgho . Atha vā samāhitaṃ samādhi, paññā sīlaṃ samāhitañca assa atthīti paññāsīlasamāhito. Tenassa sīlādidhammakkhandhattayasampannatāya aggadakkhiṇeyyabhāvaṃ vibhāveti.
643. вибуло махаг̇г̇ад̇од̇и г̇ун̣зхи махад̇д̇ам̣ г̇ад̇од̇и махаг̇г̇ад̇о, д̇ад̇о зва ад̇д̇ани гад̇аанам̣ гаараанам̣ палавзбуллахзд̇уд̇ааяа вибуло. уд̣̇ад̇хийва сааг̇арод̇и яат̇аа уд̣̇агам̣ зд̇т̇а д̇хийяад̇ийд̇и ‘‘уд̣̇ад̇хий’’д̇и лад̣̇д̇ханаамо сааг̇аро, ‘‘зд̇д̇агаани уд̣̇агаал̣хагааний’’д̇иаад̣̇инаа уд̣̇агад̇о аббамзяяо, звамзса г̇ун̣ад̇од̇и ад̇т̇о. зд̇з хийд̇и хи-сад̣̇д̣̇о авад̇хааран̣з нибаад̇о, зд̇з зва сздтаад̇и ад̇т̇о. вуд̇д̇ан̃хзд̇ам̣ –
643.Vipulo mahaggatoti guṇehi mahattaṃ gatoti mahaggato, tato eva attani katānaṃ kārānaṃ phalavepullahetutāya vipulo. Udadhīva sāgaroti yathā udakaṃ ettha dhīyatīti ‘‘udadhī’’ti laddhanāmo sāgaro, ‘‘ettakāni udakāḷhakānī’’tiādinā udakato appameyyo, evamesa guṇatoti attho. Ete hīti hi-saddo avadhāraṇe nipāto, ete eva seṭṭhāti attho. Vuttañhetaṃ –
‘‘яаавад̇аа, бхигкавз, сан̇гхаа ваа г̇ан̣аа ваа, д̇ат̇ааг̇ад̇асаавагасан̇гхо д̇зсам̣ аг̇г̇амагкааяад̇ий’’д̇и (ид̇иву. 90; а. ни. 4.34; 5.32).
‘‘Yāvatā, bhikkhave, saṅghā vā gaṇā vā, tathāgatasāvakasaṅgho tesaṃ aggamakkhāyatī’’ti (itivu. 90; a. ni. 4.34; 5.32).
наравийрасаавагаад̇и нарзсу вийрияасамбаннасса нарасса саавагаа. бабхан̇гараад̇и логасса н̃аан̣аалогагараа. д̇хаммамуд̣̇ийраяанд̇ийд̇и д̇хаммам̣ уд̣̇д̣̇исанд̇и. гат̇ам̣? д̇хаммасааминаа хи д̇хаммабаж̇ж̇од̇о арияасан̇гхз табид̇о.
Naravīrasāvakāti naresu vīriyasampannassa narassa sāvakā. Pabhaṅkarāti lokassa ñāṇālokakarā. Dhammamudīrayantīti dhammaṃ uddisanti. Kathaṃ? Dhammasāminā hi dhammapajjoto ariyasaṅghe ṭhapito.
644. яз сан̇гхамуд̣̇д̣̇исса д̣̇ад̣̇анд̇и д̣̇аананд̇и яз сад̇д̇аа арияасан̇гхам̣ уд̣̇д̣̇исса саммуд̇исан̇гхз анд̇амасо г̇од̇рабхубуг̇г̇алзсуби д̣̇аанам̣ д̣̇ад̣̇анд̇и, д̇ам̣ д̣̇аанам̣ сам̣вибхааг̇авасзна д̣̇иннамби суд̣̇иннам̣, аахунабаахунавасзна худ̇амби сухуд̇ам̣, махааяааг̇авасзна яидтамби суяидтамзва ход̇и. гасмаа? яасмаа саа д̣̇агкин̣аа сан̇гхаг̇ад̇аа бад̇идтид̇аа махабпалаа логавид̣̇ууна ван̣н̣ид̇аад̇и, логавид̣̇уухи саммаасамб̣уд̣̇д̇хзхи ‘‘на д̇взваахам̣, аананд̣̇а, гзнажи барияааязна сан̇гхаг̇ад̇ааяа д̣̇агкин̣ааяа баадибуг̇г̇алигам̣ д̣̇агкин̣ам̣ махабпалад̇арам̣ вад̣̇аами (ма. ни. 3.380). бун̃н̃ам̣ ааган̇камаанаанам̣, сан̇гхо вз яаж̇ад̇ам̣ мукам̣ (ма. ни. 2.400; су. ни. 574; махаава. 300). ануд̇д̇арам̣ бун̃н̃агкзд̇д̇ам̣ логассаа’’д̇и (ма. ни. 1.74; сам̣. ни. 5.997) жа аад̣̇инаа махабпалад̇аа ван̣н̣ид̇аа басад̇т̇аа т̇омид̇аад̇и ад̇т̇о.
644.Ye saṅghamuddissa dadanti dānanti ye sattā ariyasaṅghaṃ uddissa sammutisaṅghe antamaso gotrabhupuggalesupi dānaṃ dadanti, taṃ dānaṃ saṃvibhāgavasena dinnampi sudinnaṃ, āhunapāhunavasena hutampi suhutaṃ, mahāyāgavasena yiṭṭhampi suyiṭṭhameva hoti. Kasmā? Yasmā sā dakkhiṇā saṅghagatā patiṭṭhitā mahapphalā lokavidūna vaṇṇitāti, lokavidūhi sammāsambuddhehi ‘‘na tvevāhaṃ, ānanda, kenaci pariyāyena saṅghagatāya dakkhiṇāya pāṭipuggalikaṃ dakkhiṇaṃ mahapphalataraṃ vadāmi (ma. ni. 3.380). Puññaṃ ākaṅkhamānānaṃ, saṅgho ve yajataṃ mukhaṃ (ma. ni. 2.400; su. ni. 574; mahāva. 300). Anuttaraṃ puññakkhettaṃ lokassā’’ti (ma. ni. 1.74; saṃ. ni. 5.997) ca ādinā mahapphalatā vaṇṇitā pasatthā thomitāti attho.
645. ийд̣̇исам̣ яан̃н̃амануссаранд̇аад̇и зд̇аад̣̇исам̣ сан̇гхам̣ уд̣̇д̣̇исса ад̇д̇анаа гад̇ам̣ д̣̇аанам̣ ануссаранд̇аа. взд̣̇аж̇аад̇аад̇и ж̇аад̇асоманассаа. винзяяа мажчзрамалам̣ самууланд̇и мажчзрамзва жид̇д̇асса малинабхаавагаран̣ад̇о мажчзрамалам̣, ат̇а ваа мажчзран̃жа ан̃н̃ам̣ иссаалобхад̣̇осаад̣̇ималан̃жаад̇и мажчзрамалам̣. д̇ан̃жа авиж̇ж̇аавижигижчаавибаллаасаад̣̇ийхи саха муулзхийд̇и самуулам̣ винзяяа винаяид̇ваа вигкамбхзд̇ваа анинд̣̇ид̇ваа саг̇г̇амубзнд̇и таананд̇и яож̇анаа. сзсам̣ вуд̇д̇анаяамзва.
645.Īdisaṃ yaññamanussarantāti etādisaṃ saṅghaṃ uddissa attanā kataṃ dānaṃ anussarantā. Vedajātāti jātasomanassā. Vineyya maccheramalaṃsamūlanti maccherameva cittassa malinabhāvakaraṇato maccheramalaṃ, atha vā maccherañca aññaṃ issālobhadosādimalañcāti maccheramalaṃ. Tañca avijjāvicikicchāvipallāsādīhi saha mūlehīti samūlaṃ vineyya vinayitvā vikkhambhetvā aninditvā saggamupenti ṭhānanti yojanā. Sesaṃ vuttanayameva.
имам̣ бана саб̣б̣ам̣ бавад̇д̇им̣ сагго д̣̇зваанаминд̣̇о ‘‘д̣̇ад̣̇д̣̇алламаанаа ван̣н̣знаа’’д̇иаад̣̇инаа ааяасмад̇о махаамог̇г̇аллаанасса аажигки, ааяасмаа махаамог̇г̇аллаано бхаг̇авад̇о аарожзси, бхаг̇аваа д̇амад̇т̇ам̣ адтуббад̇д̇им̣ гад̇ваа самбад̇д̇абарисааяа д̇хаммам̣ д̣̇зсзси. саа д̣̇зсанаа махааж̇анасса саад̇т̇игаа ахоси.
Imaṃ pana sabbaṃ pavattiṃ sakko devānamindo ‘‘daddallamānā vaṇṇenā’’tiādinā āyasmato mahāmoggallānassa ācikkhi, āyasmā mahāmoggallāno bhagavato ārocesi, bhagavā tamatthaṃ aṭṭhuppattiṃ katvā sampattaparisāya dhammaṃ desesi. Sā desanā mahājanassa sātthikā ahosi.
д̣̇ад̣̇д̣̇аллавимаанаван̣н̣анаа нидтид̇аа.
Daddallavimānavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / вимаанавад̇т̇убаал̣и • Vimānavatthupāḷi / 6. д̣̇ад̣̇д̣̇аллавимаанавад̇т̇у • 6. Daddallavimānavatthu
