Library / Tipiṭaka / д̇ибидага • Tipiṭaka / ж̇аад̇агабаал̣и • Jātakapāḷi

438. д̣̇ад̣̇д̣̇араж̇аад̇агам̣ (12)

438. Daddarajātakaṃ (12)

105.

яо д̇з буд̇д̇агз акаад̣̇и, д̣̇иннабхад̇д̇о ад̣̇уусагз;

Yo te puttake akhādi, dinnabhatto adūsake;

д̇асмим̣ д̣̇аатам̣ нибаад̇зхи, маа д̇з мужжид̇т̇а ж̇ийвад̇о.

Tasmiṃ dāṭhaṃ nipātehi, mā te muccittha jīvato.

106.

аагин̣н̣алуд̣̇д̣̇о бурисо, д̇хаад̇ижзлам̣ва магкид̇о;

Ākiṇṇaluddo puriso, dhāticelaṃva makkhito;

бад̣̇зсам̣ д̇ам̣ на бассаами, яад̇т̇а д̣̇аатам̣ нибаад̇аяз.

Padesaṃ taṃ na passāmi, yattha dāṭhaṃ nipātaye.

107.

агад̇ан̃н̃усса босасса, нижжам̣ виварад̣̇ассино;

Akataññussa posassa, niccaṃ vivaradassino;

саб̣б̣ам̣ жз бат̇авим̣ д̣̇аж̇ж̇аа, нзва нам̣ абхираад̇хаяз.

Sabbaṃ ce pathaviṃ dajjā, neva naṃ abhirādhaye.

108.

гинну суб̣ааху д̇арамаанаруубо, бажжааг̇ад̇оси саха маан̣авзна;

Kinnu subāhu taramānarūpo, paccāgatosi saha māṇavena;

гим̣ гижжамад̇т̇ам̣ ид̇хамад̇т̇и д̇уяхам̣, агкаахи мз бужчид̇о зд̇амад̇т̇ам̣.

Kiṃ kiccamatthaṃ idhamatthi tuyhaṃ, akkhāhi me pucchito etamatthaṃ.

109.

яо д̇з сакаа д̣̇ад̣̇д̣̇аро саад̇хуруубо, д̇асса вад̇хам̣ барисан̇гаами аж̇ж̇а;

Yo te sakhā daddaro sādhurūpo, tassa vadhaṃ parisaṅkāmi ajja;

бурисасса гаммааяад̇анаани суд̇ваа, наахам̣ суким̣ д̣̇ад̣̇д̣̇арам̣ аж̇ж̇а ман̃н̃з.

Purisassa kammāyatanāni sutvā, nāhaṃ sukhiṃ daddaraṃ ajja maññe.

110.

гаанисса гаммааяад̇анаани ассу, бурисасса вуд̇д̇исамод̇хаанад̇ааяа;

Kānissa kammāyatanāni assu, purisassa vuttisamodhānatāya;

гам̣ ваа бадин̃н̃ам̣ бурисасса суд̇ваа, барисан̇гаси д̣̇ад̣̇д̣̇арам̣ маан̣авзна.

Kaṃ vā paṭiññaṃ purisassa sutvā, parisaṅkasi daddaraṃ māṇavena.

111.

жин̣н̣аа галин̇г̇аа жарид̇аа ван̣иж̇ж̇аа, взд̇д̇аажаро сан̇губат̇оби жин̣н̣о;

Ciṇṇā kaliṅgā caritā vaṇijjā, vettācaro saṅkupathopi ciṇṇo;

надзхи жин̣н̣ам̣ саха ваагурзхи ¹, д̣̇ан̣д̣зна яуд̣̇д̇хамби самаж̇ж̇амаж̇жхз.

Naṭehi ciṇṇaṃ saha vākurehi ², daṇḍena yuddhampi samajjamajjhe.

112.

б̣ад̣̇д̇хаа гулийгаа ³ мид̇амаал̣хагзна, агкаа ж̇ид̇аа ⁴ сам̣яамо аб̣бхад̇ийд̇о;

Baddhā kulīkā ⁵ mitamāḷhakena, akkhā jitā ⁶ saṃyamo abbhatīto;

аб̣б̣аахид̇ам̣ ⁷ буб̣б̣агам̣ ⁸ ад̣дхарад̇д̇ам̣, хад̇т̇аа д̣̇ад̣дхаа бин̣д̣абадиг̇г̇ахзна.

Abbāhitaṃ ⁹ pubbakaṃ ¹⁰ aḍḍharattaṃ, hatthā daḍḍhā piṇḍapaṭiggahena.

113.

д̇аанисса гаммааяад̇анаани ассу, бурисасса вуд̇д̇исамод̇хаанад̇ааяа;

Tānissa kammāyatanāni assu, purisassa vuttisamodhānatāya;

яат̇аа аяам̣ д̣̇иссад̇и ломабин̣д̣о, г̇ааво хад̇аа гим̣ бана д̣̇ад̣̇д̣̇арассаад̇и.

Yathā ayaṃ dissati lomapiṇḍo, gāvo hatā kiṃ pana daddarassāti.

д̣̇ад̣̇д̣̇араж̇аад̇агам̣ д̣̇ваад̣̇асамам̣.

Daddarajātakaṃ dvādasamaṃ.

наваганибаад̇ам̣ нидтид̇ам̣.

Navakanipātaṃ niṭṭhitaṃ.

д̇ассуд̣̇д̣̇аанам̣ –

Tassuddānaṃ –

вараг̇иж̇жха самаж̇ж̇ана хам̣саваро, нид̇хисавхаяа хаарид̇а баадалиго;

Varagijjha samajjana haṃsavaro, nidhisavhaya hārita pāṭaliko;

аж̇араамара д̇хан̇га д̇ид̇игка гуд̇о, ат̇а д̣̇ваад̣̇аса бзгкана д̣̇ад̣̇д̣̇арибхийд̇и.

Ajarāmara dhaṅka titikkha kuto, atha dvādasa pekkhana daddaribhīti.

Next: 10. д̣̇асаганибаад̇о • 10. Dasakanipāto

Footnotes:

1. ваагарзхи (бий. сий. нияяа), вааг̇урзхи (?)

2. vākarehi (pī. sī. niyya), vāgurehi (?)

3. гулин̇гаа (сий. бий.)

4. агкаажид̇аа (сий. адта.)

5. kuliṅkā (sī. pī.)

6. akkhācitā (sī. aṭṭha.)

7. аббахид̇ам̣ (сий. сяаа.), аб̣б̣уухид̇ам̣ (бий. сий. нияяа)

8. бубпагам̣ (сий. сяаа.)

9. appahitaṃ (sī. syā.), abbūhitaṃ (pī. sī. niyya)

10. pupphakaṃ (sī. syā.)

Related texts:

адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / ж̇аад̇ага-адтагат̇аа • Jātaka-aṭṭhakathā / [438] 12. д̣̇ад̣̇д̣̇араж̇аад̇агаван̣н̣анаа • [438] 12. Daddarajātakavaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact