| Library / Tipiṭaka / तिपिटक • Tipiṭaka / जातकपाळि • Jātakapāḷi |
४३८. दद्दरजातकं (१२)
438. Daddarajātakaṃ (12)
१०५.
105.
यो ते पुत्तके अखादि, दिन्नभत्तो अदूसके।
Yo te puttake akhādi, dinnabhatto adūsake;
तस्मिं दाठं निपातेहि, मा ते मुच्चित्थ जीवतो॥
Tasmiṃ dāṭhaṃ nipātehi, mā te muccittha jīvato.
१०६.
106.
आकिण्णलुद्दो पुरिसो, धातिचेलंव मक्खितो।
Ākiṇṇaluddo puriso, dhāticelaṃva makkhito;
पदेसं तं न पस्सामि, यत्थ दाठं निपातये॥
Padesaṃ taṃ na passāmi, yattha dāṭhaṃ nipātaye.
१०७.
107.
अकतञ्ञुस्स पोसस्स, निच्चं विवरदस्सिनो।
Akataññussa posassa, niccaṃ vivaradassino;
सब्बं चे पथविं दज्जा, नेव नं अभिराधये॥
Sabbaṃ ce pathaviṃ dajjā, neva naṃ abhirādhaye.
१०८.
108.
किन्नु सुबाहु तरमानरूपो, पच्चागतोसि सह माणवेन।
Kinnu subāhu taramānarūpo, paccāgatosi saha māṇavena;
किं किच्चमत्थं इधमत्थि तुय्हं, अक्खाहि मे पुच्छितो एतमत्थं॥
Kiṃ kiccamatthaṃ idhamatthi tuyhaṃ, akkhāhi me pucchito etamatthaṃ.
१०९.
109.
यो ते सखा दद्दरो साधुरूपो, तस्स वधं परिसङ्कामि अज्ज।
Yo te sakhā daddaro sādhurūpo, tassa vadhaṃ parisaṅkāmi ajja;
पुरिसस्स कम्मायतनानि सुत्वा, नाहं सुखिं दद्दरं अज्ज मञ्ञे॥
Purisassa kammāyatanāni sutvā, nāhaṃ sukhiṃ daddaraṃ ajja maññe.
११०.
110.
कानिस्स कम्मायतनानि अस्सु, पुरिसस्स वुत्तिसमोधानताय।
Kānissa kammāyatanāni assu, purisassa vuttisamodhānatāya;
कं वा पटिञ्ञं पुरिसस्स सुत्वा, परिसङ्कसि दद्दरं माणवेन॥
Kaṃ vā paṭiññaṃ purisassa sutvā, parisaṅkasi daddaraṃ māṇavena.
१११.
111.
चिण्णा कलिङ्गा चरिता वणिज्जा, वेत्ताचरो सङ्कुपथोपि चिण्णो।
Ciṇṇā kaliṅgā caritā vaṇijjā, vettācaro saṅkupathopi ciṇṇo;
नटेहि चिण्णं सह वाकुरेहि 1, दण्डेन युद्धम्पि समज्जमज्झे॥
Naṭehi ciṇṇaṃ saha vākurehi 2, daṇḍena yuddhampi samajjamajjhe.
११२.
112.
११३.
113.
तानिस्स कम्मायतनानि अस्सु, पुरिसस्स वुत्तिसमोधानताय।
Tānissa kammāyatanāni assu, purisassa vuttisamodhānatāya;
यथा अयं दिस्सति लोमपिण्डो, गावो हता किं पन दद्दरस्साति॥
Yathā ayaṃ dissati lomapiṇḍo, gāvo hatā kiṃ pana daddarassāti.
दद्दरजातकं द्वादसमं।
Daddarajātakaṃ dvādasamaṃ.
नवकनिपातं निट्ठितं।
Navakanipātaṃ niṭṭhitaṃ.
तस्सुद्दानं –
Tassuddānaṃ –
वरगिज्झ समज्जन हंसवरो, निधिसव्हय हारित पाटलिको।
Varagijjha samajjana haṃsavaro, nidhisavhaya hārita pāṭaliko;
अजरामर धङ्क तितिक्ख कुतो, अथ द्वादस पेक्खन दद्दरिभीति॥
Ajarāmara dhaṅka titikkha kuto, atha dvādasa pekkhana daddaribhīti.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / जातक-अट्ठकथा • Jātaka-aṭṭhakathā / [४३८] १२. दद्दरजातकवण्णना • [438] 12. Daddarajātakavaṇṇanā
