| Library / Tipiṭaka / តិបិដក • Tipiṭaka / ជាតកបាឡិ • Jātakapāḷi |
៤៣៨. ទទ្ទរជាតកំ (១២)
438. Daddarajātakaṃ (12)
១០៥.
105.
យោ តេ បុត្តកេ អខាទិ, ទិន្នភត្តោ អទូសកេ;
Yo te puttake akhādi, dinnabhatto adūsake;
តស្មិំ ទាឋំ និបាតេហិ, មា តេ មុច្ចិត្ថ ជីវតោ។
Tasmiṃ dāṭhaṃ nipātehi, mā te muccittha jīvato.
១០៦.
106.
អាកិណ្ណលុទ្ទោ បុរិសោ, ធាតិចេលំវ មក្ខិតោ;
Ākiṇṇaluddo puriso, dhāticelaṃva makkhito;
បទេសំ តំ ន បស្សាមិ, យត្ថ ទាឋំ និបាតយេ។
Padesaṃ taṃ na passāmi, yattha dāṭhaṃ nipātaye.
១០៧.
107.
អកតញ្ញុស្ស បោសស្ស, និច្ចំ វិវរទស្សិនោ;
Akataññussa posassa, niccaṃ vivaradassino;
សព្ពំ ចេ បថវិំ ទជ្ជា, នេវ នំ អភិរាធយេ។
Sabbaṃ ce pathaviṃ dajjā, neva naṃ abhirādhaye.
១០៨.
108.
កិន្នុ សុពាហុ តរមានរូបោ, បច្ចាគតោសិ សហ មាណវេន;
Kinnu subāhu taramānarūpo, paccāgatosi saha māṇavena;
កិំ កិច្ចមត្ថំ ឥធមត្ថិ តុយ្ហំ, អក្ខាហិ មេ បុច្ឆិតោ ឯតមត្ថំ។
Kiṃ kiccamatthaṃ idhamatthi tuyhaṃ, akkhāhi me pucchito etamatthaṃ.
១០៩.
109.
យោ តេ សខា ទទ្ទរោ សាធុរូបោ, តស្ស វធំ បរិសង្កាមិ អជ្ជ;
Yo te sakhā daddaro sādhurūpo, tassa vadhaṃ parisaṅkāmi ajja;
បុរិសស្ស កម្មាយតនានិ សុត្វា, នាហំ សុខិំ ទទ្ទរំ អជ្ជ មញ្ញេ។
Purisassa kammāyatanāni sutvā, nāhaṃ sukhiṃ daddaraṃ ajja maññe.
១១០.
110.
កានិស្ស កម្មាយតនានិ អស្សុ, បុរិសស្ស វុត្តិសមោធានតាយ;
Kānissa kammāyatanāni assu, purisassa vuttisamodhānatāya;
កំ វា បដិញ្ញំ បុរិសស្ស សុត្វា, បរិសង្កសិ ទទ្ទរំ មាណវេន។
Kaṃ vā paṭiññaṃ purisassa sutvā, parisaṅkasi daddaraṃ māṇavena.
១១១.
111.
ចិណ្ណា កលិង្គា ចរិតា វណិជ្ជា, វេត្តាចរោ សង្កុបថោបិ ចិណ្ណោ;
Ciṇṇā kaliṅgā caritā vaṇijjā, vettācaro saṅkupathopi ciṇṇo;
នដេហិ ចិណ្ណំ សហ វាកុរេហិ 1, ទណ្ឌេន យុទ្ធម្បិ សមជ្ជមជ្ឈេ។
Naṭehi ciṇṇaṃ saha vākurehi 2, daṇḍena yuddhampi samajjamajjhe.
១១២.
112.
១១៣.
113.
តានិស្ស កម្មាយតនានិ អស្សុ, បុរិសស្ស វុត្តិសមោធានតាយ;
Tānissa kammāyatanāni assu, purisassa vuttisamodhānatāya;
យថា អយំ ទិស្សតិ លោមបិណ្ឌោ, គាវោ ហតា កិំ បន ទទ្ទរស្សាតិ។
Yathā ayaṃ dissati lomapiṇḍo, gāvo hatā kiṃ pana daddarassāti.
ទទ្ទរជាតកំ ទ្វាទសមំ។
Daddarajātakaṃ dvādasamaṃ.
នវកនិបាតំ និដ្ឋិតំ។
Navakanipātaṃ niṭṭhitaṃ.
តស្សុទ្ទានំ –
Tassuddānaṃ –
វរគិជ្ឈ សមជ្ជន ហំសវរោ, និធិសវ្ហយ ហារិត បាដលិកោ;
Varagijjha samajjana haṃsavaro, nidhisavhaya hārita pāṭaliko;
អជរាមរ ធង្ក តិតិក្ខ កុតោ, អថ ទ្វាទស បេក្ខន ទទ្ទរិភីតិ។
Ajarāmara dhaṅka titikkha kuto, atha dvādasa pekkhana daddaribhīti.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ជាតក-អដ្ឋកថា • Jātaka-aṭṭhakathā / [៤៣៨] ១២. ទទ្ទរជាតកវណ្ណនា • [438] 12. Daddarajātakavaṇṇanā
