| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
3. госаласам̣яуд̇д̇ам̣
3. Kosalasaṃyuttaṃ
1. батамаваг̇г̇о
1. Paṭhamavaggo
1. д̣̇ахарасуд̇д̇ам̣
1. Daharasuttaṃ
112. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. ат̇а ко рааж̇аа басзнад̣̇и госало язна бхаг̇аваа д̇знубасан̇гами; убасан̇гамид̇ваа бхаг̇авад̇аа сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко рааж̇аа басзнад̣̇и госало бхаг̇аванд̇ам̣ зд̇ад̣̇авожа – ‘‘бхавамби но г̇од̇амо ануд̇д̇арам̣ саммаасамб̣од̇хим̣ абхисамб̣уд̣̇д̇ход̇и бадиж̇аанаад̇ий’’д̇и? ‘‘яан̃хи д̇ам̣, махаарааж̇а, саммаа вад̣̇амаано вад̣̇зяяа ‘ануд̇д̇арам̣ саммаасамб̣од̇хим̣ абхисамб̣уд̣̇д̇хо’д̇и, мамзва 1 д̇ам̣ саммаа вад̣̇амаано вад̣̇зяяа. ахан̃хи, махаарааж̇а, ануд̇д̇арам̣ саммаасамб̣од̇хим̣ абхисамб̣уд̣̇д̇хо’’д̇и.
112. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Atha kho rājā pasenadi kosalo yena bhagavā tenupasaṅkami; upasaṅkamitvā bhagavatā saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho rājā pasenadi kosalo bhagavantaṃ etadavoca – ‘‘bhavampi no gotamo anuttaraṃ sammāsambodhiṃ abhisambuddhoti paṭijānātī’’ti? ‘‘Yañhi taṃ, mahārāja, sammā vadamāno vadeyya ‘anuttaraṃ sammāsambodhiṃ abhisambuddho’ti, mameva 2 taṃ sammā vadamāno vadeyya. Ahañhi, mahārāja, anuttaraṃ sammāsambodhiṃ abhisambuddho’’ti.
‘‘язби д̇з, бхо г̇од̇ама, саман̣аб̣раахман̣аа сан̇гхино г̇ан̣ино г̇ан̣аажарияаа н̃аад̇аа яасассино д̇ид̇т̇агараа саад̇хусаммад̇аа б̣ахуж̇анасса, сзяяат̇ид̣̇ам̣ – бууран̣о гассабо, магкали г̇осаало, ниг̇ан̣то наадабуд̇д̇о, сан̃жаяо б̣зладтабуд̇д̇о, багуд̇хо гажжааяано, аж̇ид̇о гзсагамб̣ало; д̇зби маяаа ‘ануд̇д̇арам̣ саммаасамб̣од̇хим̣ абхисамб̣уд̣̇д̇ход̇и бадиж̇аанаат̇аа’д̇и будтаа самаанаа ануд̇д̇арам̣ саммаасамб̣од̇хим̣ абхисамб̣уд̣̇д̇ход̇и на бадиж̇аананд̇и. гим̣ бана бхавам̣ г̇од̇амо д̣̇ахаро жзва ж̇аад̇ияаа наво жа баб̣б̣аж̇ж̇ааяаа’’д̇и?
‘‘Yepi te, bho gotama, samaṇabrāhmaṇā saṅghino gaṇino gaṇācariyā ñātā yasassino titthakarā sādhusammatā bahujanassa, seyyathidaṃ – pūraṇo kassapo, makkhali gosālo, nigaṇṭho nāṭaputto, sañcayo belaṭṭhaputto, pakudho kaccāyano, ajito kesakambalo; tepi mayā ‘anuttaraṃ sammāsambodhiṃ abhisambuddhoti paṭijānāthā’ti puṭṭhā samānā anuttaraṃ sammāsambodhiṃ abhisambuddhoti na paṭijānanti. Kiṃ pana bhavaṃ gotamo daharo ceva jātiyā navo ca pabbajjāyā’’ti?
‘‘жад̇д̇ааро ко мз, махаарааж̇а, д̣̇ахараад̇и на ун̃н̃аад̇аб̣б̣аа, д̣̇ахараад̇и на барибход̇аб̣б̣аа. гад̇амз жад̇д̇ааро? кад̇д̇ияо ко, махаарааж̇а, д̣̇ахарод̇и на ун̃н̃аад̇аб̣б̣о, д̣̇ахарод̇и на барибход̇аб̣б̣о. ураг̇о ко, махаарааж̇а, д̣̇ахарод̇и на ун̃н̃аад̇аб̣б̣о, д̣̇ахарод̇и на барибход̇аб̣б̣о. аг̇г̇и ко, махаарааж̇а, д̣̇ахарод̇и на ун̃н̃аад̇аб̣б̣о, д̣̇ахарод̇и на барибход̇аб̣б̣о. бхигку, ко, махаарааж̇а, д̣̇ахарод̇и на ун̃н̃аад̇аб̣б̣о, д̣̇ахарод̇и на барибход̇аб̣б̣о. имз ко, махаарааж̇а, жад̇д̇ааро д̣̇ахараад̇и на ун̃н̃аад̇аб̣б̣аа, д̣̇ахараад̇и на барибход̇аб̣б̣аа’’д̇и.
‘‘Cattāro kho me, mahārāja, daharāti na uññātabbā, daharāti na paribhotabbā. Katame cattāro? Khattiyo kho, mahārāja, daharoti na uññātabbo, daharoti na paribhotabbo. Urago kho, mahārāja, daharoti na uññātabbo, daharoti na paribhotabbo. Aggi kho, mahārāja, daharoti na uññātabbo, daharoti na paribhotabbo. Bhikkhu, kho, mahārāja, daharoti na uññātabbo, daharoti na paribhotabbo. Ime kho, mahārāja, cattāro daharāti na uññātabbā, daharāti na paribhotabbā’’ti.
ид̣̇амавожа бхаг̇аваа. ид̣̇ам̣ вад̇ваана суг̇ад̇о ат̇аабарам̣ зд̇ад̣̇авожа сад̇т̇аа –
Idamavoca bhagavā. Idaṃ vatvāna sugato athāparaṃ etadavoca satthā –
‘‘кад̇д̇ияам̣ ж̇аад̇исамбаннам̣, абхиж̇аад̇ам̣ яасассинам̣;
‘‘Khattiyaṃ jātisampannaṃ, abhijātaṃ yasassinaṃ;
д̣̇ахарод̇и нааваж̇аанзяяа, на нам̣ барибхавз наро.
Daharoti nāvajāneyya, na naṃ paribhave naro.
‘‘таанан̃хи со мануж̇инд̣̇о, раж̇ж̇ам̣ лад̣̇д̇хаана кад̇д̇ияо;
‘‘Ṭhānañhi so manujindo, rajjaṃ laddhāna khattiyo;
со гуд̣̇д̇хо рааж̇ад̣̇ан̣д̣зна, д̇асмим̣ баггамад̇з бхусам̣;
So kuddho rājadaṇḍena, tasmiṃ pakkamate bhusaṃ;
д̇асмаа д̇ам̣ бариваж̇ж̇зяяа, рагкам̣ ж̇ийвид̇амад̇д̇ано.
Tasmā taṃ parivajjeyya, rakkhaṃ jīvitamattano.
‘‘г̇аамз ваа яад̣̇и ваа ран̃н̃з, яад̇т̇а бассз бхуж̇ан̇г̇амам̣;
‘‘Gāme vā yadi vā raññe, yattha passe bhujaṅgamaṃ;
д̣̇ахарод̇и нааваж̇аанзяяа, на нам̣ барибхавз наро.
Daharoti nāvajāneyya, na naṃ paribhave naro.
со аасаж̇ж̇а д̣ам̣сз б̣аалам̣, нарам̣ наарин̃жа згад̣̇аа;
So āsajja ḍaṃse bālaṃ, naraṃ nāriñca ekadā;
д̇асмаа д̇ам̣ бариваж̇ж̇зяяа, рагкам̣ ж̇ийвид̇амад̇д̇ано.
Tasmā taṃ parivajjeyya, rakkhaṃ jīvitamattano.
‘‘бахууд̇абхагкам̣ ж̇аалинам̣, баавагам̣ ган̣хавад̇д̇аним̣;
‘‘Pahūtabhakkhaṃ jālinaṃ, pāvakaṃ kaṇhavattaniṃ;
д̣̇ахарод̇и нааваж̇аанзяяа, на нам̣ барибхавз наро.
Daharoti nāvajāneyya, na naṃ paribhave naro.
‘‘лад̣̇д̇хаа хи со убаад̣̇аанам̣, махаа худ̇ваана бааваго;
‘‘Laddhā hi so upādānaṃ, mahā hutvāna pāvako;
со аасаж̇ж̇а д̣ахз 5 б̣аалам̣, нарам̣ наарин̃жа згад̣̇аа;
So āsajja ḍahe 6 bālaṃ, naraṃ nāriñca ekadā;
д̇асмаа д̇ам̣ бариваж̇ж̇зяяа, рагкам̣ ж̇ийвид̇амад̇д̇ано.
Tasmā taṃ parivajjeyya, rakkhaṃ jīvitamattano.
‘‘ванам̣ яад̣̇аг̇г̇и д̣ахад̇и 7, бааваго ган̣хавад̇д̇аний;
‘‘Vanaṃ yadaggi ḍahati 8, pāvako kaṇhavattanī;
ж̇ааяанд̇и д̇ад̇т̇а баарохаа, ахорад̇д̇аанамажжаяз.
Jāyanti tattha pārohā, ahorattānamaccaye.
‘‘яан̃жа ко сийласамбанно, бхигку д̣ахад̇и д̇зж̇асаа;
‘‘Yañca kho sīlasampanno, bhikkhu ḍahati tejasā;
на д̇асса буд̇д̇аа басаво, д̣̇ааяаад̣̇аа винд̣̇арз д̇ханам̣;
Na tassa puttā pasavo, dāyādā vindare dhanaṃ;
анабажжаа ад̣̇ааяаад̣̇аа, д̇аалаавад̇т̇уу бхаванд̇и д̇з.
Anapaccā adāyādā, tālāvatthū bhavanti te.
‘‘д̇асмаа хи бан̣д̣ид̇о босо, самбассам̣ ад̇т̇амад̇д̇ано;
‘‘Tasmā hi paṇḍito poso, sampassaṃ atthamattano;
бхуж̇ан̇г̇амам̣ бааваган̃жа, кад̇д̇ияан̃жа яасассинам̣;
Bhujaṅgamaṃ pāvakañca, khattiyañca yasassinaṃ;
бхигкун̃жа сийласамбаннам̣, саммад̣̇зва самаажарз’’д̇и.
Bhikkhuñca sīlasampannaṃ, sammadeva samācare’’ti.
звам̣ вуд̇д̇з, рааж̇аа басзнад̣̇и госало бхаг̇аванд̇ам̣ зд̇ад̣̇авожа – ‘‘абхигганд̇ам̣, бханд̇з, абхигганд̇ам̣, бханд̇з! сзяяат̇ааби бханд̇з, ниггуж̇ж̇ид̇ам̣ 9 ваа уггуж̇ж̇зяяа , бадижчаннам̣ ваа виварзяяа, муул̣хасса ваа маг̇г̇ам̣ аажигкзяяа , анд̇хагаарз ваа д̇злабаж̇ж̇од̇ам̣ д̇хаарзяяа – ‘жагкуманд̇о руубаани д̣̇агканд̇ий’д̇и; звамзвам̣ бхаг̇авад̇аа анзгабарияааязна д̇хаммо багаасид̇о. зсаахам̣, бханд̇з, бхаг̇аванд̇ам̣ саран̣ам̣ г̇ажчаами д̇хамман̃жа бхигкусан̇гхан̃жа. убаасагам̣ мам̣, бханд̇з, бхаг̇аваа д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇а’’нд̇и.
Evaṃ vutte, rājā pasenadi kosalo bhagavantaṃ etadavoca – ‘‘abhikkantaṃ, bhante, abhikkantaṃ, bhante! Seyyathāpi bhante, nikkujjitaṃ 10 vā ukkujjeyya , paṭicchannaṃ vā vivareyya, mūḷhassa vā maggaṃ ācikkheyya , andhakāre vā telapajjotaṃ dhāreyya – ‘cakkhumanto rūpāni dakkhantī’ti; evamevaṃ bhagavatā anekapariyāyena dhammo pakāsito. Esāhaṃ, bhante, bhagavantaṃ saraṇaṃ gacchāmi dhammañca bhikkhusaṅghañca. Upāsakaṃ maṃ, bhante, bhagavā dhāretu ajjatagge pāṇupetaṃ saraṇaṃ gata’’nti.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1. д̣̇ахарасуд̇д̇аван̣н̣анаа • 1. Daharasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1. д̣̇ахарасуд̇д̇аван̣н̣анаа • 1. Daharasuttavaṇṇanā
