3. госаласам̣яуд̇д̇ам̣

1. батамаваг̇г̇о

1. д̣̇ахарасуд̇д̇аван̣н̣анаа

112. госаласам̣яуд̇д̇асса батамз бхаг̇авад̇аа сад̣̇д̇хим̣ саммод̣̇ийд̇и яат̇аа каманийяаад̣̇ийни бужчанд̇о бхаг̇аваа д̇зна, звам̣ соби бхаг̇авад̇аа сад̣̇д̇хим̣ самаббавад̇д̇амод̣̇о ахоси. сийд̇од̣̇агам̣ вияа ун̣ход̣̇агзна саммод̣̇ид̇ам̣ згийбхаавам̣ аг̇амааси. яааяа жа – ‘‘гажжи, бхо г̇од̇ама, каманийяам̣, гажжи яаабанийяам̣, гажжи бход̇о жа г̇од̇амасса саавагаанан̃жа аббааб̣аад̇хам̣ аббаад̇ан̇гам̣ лахудтаанам̣ б̣алам̣ паасувихааро’’д̇иаад̣̇игааяа гат̇ааяа саммод̣̇и, д̇ам̣ бийд̇ибаамож̇ж̇асан̇каад̇асаммод̣̇аж̇ананад̇о саммод̣̇ид̇ум̣ яуд̇д̇абхаавад̇о жа саммод̣̇анийяам̣, ад̇т̇аб̣яан̃ж̇анамад̇хурад̇ааяа жирамби гаалам̣ саарзд̇ум̣ ниранд̇арам̣ бавад̇д̇зд̇ум̣ арахаруубад̇о сарид̇аб̣б̣абхаавад̇о жа сааран̣ийяам̣. суяяамаанасукад̇о жа саммод̣̇анийяам̣, ануссарияамаанасукад̇о сааран̣ийяам̣. д̇ат̇аа б̣яан̃ж̇анабарисуд̣̇д̇хад̇ааяа саммод̣̇анийяам̣, ад̇т̇абарисуд̣̇д̇хад̇ааяа сааран̣ийяанд̇и звам̣ анзгзхи барияааязхи саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа барияосаабзд̇ваа нидтабзд̇ваа ид̇о буб̣б̣з д̇ат̇ааг̇ад̇асса ад̣̇идтад̇д̇аа г̇ун̣ааг̇ун̣авасзна г̇амбхийрабхаавам̣ ваа уд̇д̇аанабхаавам̣ ваа аж̇аананд̇о згаманд̇ам̣ нисийд̣̇и, згаманд̇ам̣ нисинно ко яам̣ оваддигасаарам̣ гад̇ваа ааг̇ад̇о логаниссаран̣абхавогганд̇ибан̃хам̣ сад̇т̇у саммаасамб̣уд̣̇д̇хад̇ам̣ бужчид̇ум̣ бхавамби нод̇иаад̣̇имааха.

д̇ад̇т̇а бхавамбийд̇и би-гааро самбин̣д̣анад̇т̇з нибаад̇о, д̇зна жа ча сад̇т̇аарз самбин̣д̣зд̇и. яат̇аа бууран̣аад̣̇аяо ‘‘саммаасамб̣уд̣̇д̇хамхаа’’д̇и бадиж̇аананд̇и, звам̣ бхавамби ну бадиж̇аанаад̇ийд̇и ад̇т̇о. ид̣̇ам̣ бана рааж̇аа на ад̇д̇ано лад̣̇д̇хияаа, логз махааж̇анзна г̇ахид̇абадин̃н̃аавасзна бужчад̇и. ат̇а бхаг̇аваа б̣уд̣̇д̇хасийханаад̣̇ам̣ над̣̇анд̇о яам̣ хи д̇ам̣ махаарааж̇аад̇иаад̣̇имааха. д̇ад̇т̇а ахам̣ хи махаарааж̇аад̇и ануд̇д̇арам̣ саб̣б̣асздтам̣ саб̣б̣ан̃н̃уд̇ан̃н̃аан̣асан̇каад̇ам̣ саммаасамб̣од̇хим̣ ахам̣ абхисамб̣уд̣̇д̇ход̇и ад̇т̇о. саман̣аб̣раахман̣аад̇и баб̣б̣аж̇ж̇уубаг̇аманзна саман̣аа, ж̇аад̇ивасзна б̣раахман̣аа. сан̇гхинод̇иаад̣̇ийсу баб̣б̣аж̇ид̇асамуухасан̇каад̇о сан̇гхо зд̇зсам̣ ад̇т̇ийд̇и сан̇гхино. свзва г̇ан̣о зд̇зсам̣ ад̇т̇ийд̇и г̇ан̣ино. аажаарасигкаабанавасзна д̇асса г̇ан̣асса аажарияаад̇и г̇ан̣аажарияаа. н̃аад̇аад̇и бан̃н̃аад̇аа баагадаа. ‘‘аббижчаа санд̇удтаа аббижчад̇ааяа вад̇т̇амби на ниваасзнд̇ий’’д̇и звам̣ самуг̇г̇ад̇о яасо зд̇зсам̣ ад̇т̇ийд̇и яасассино. д̇ид̇т̇агараад̇и лад̣̇д̇хигараа. саад̇хусаммад̇аад̇и ‘‘санд̇о саббурисаа’’д̇и звам̣ саммад̇аа. б̣ахуж̇анассаад̇и ассуд̇авад̇о анд̇хаб̣аалабут̇уж̇ж̇анасса. бууран̣од̇иаад̣̇ийни д̇зсам̣ наамаг̇од̇д̇аани. бууран̣од̇и хи наамамзва. д̇ат̇аа, магкалийд̇и. со бана г̇осаалааяа ж̇аад̇ад̇д̇аа г̇осаалод̇и вуд̇д̇о. наадабуд̇д̇од̇и наадасса буд̇д̇о. б̣зладтабуд̇д̇од̇и б̣зладтасса буд̇д̇о. гажжааяанод̇и багуд̇хасса г̇од̇д̇ам̣. гзсагамб̣аласса д̇хааран̣ад̇о аж̇ид̇о гзсагамб̣алод̇и вуд̇д̇о.

д̇зби маяаад̇и габбаголаахалам̣ б̣уд̣̇д̇хаголаахалам̣ жаггавад̇д̇иголаахаланд̇и д̇ийн̣и голаахалаани. д̇ад̇т̇а ‘‘вассасад̇асахассамад̇т̇агз габбудтаанам̣ бхависсад̇ий’’д̇и габбаголаахалам̣ наама ход̇и – ‘‘ид̇о вассасад̇асахассамад̇т̇агз лого винассиссад̇и, мзд̇д̇ам̣ маарисаа, бхаавзт̇а, гарун̣ам̣ муд̣̇ид̇ам̣ убзгка’’нд̇и мануссаббат̇з д̣̇звад̇аа гхосзнд̇ияо вижаранд̇и. ‘‘вассасахассамад̇т̇агз бана б̣уд̣̇д̇хо уббаж̇ж̇иссад̇ий’’д̇и б̣уд̣̇д̇хаголаахалам̣ наама ход̇и – ‘‘ид̇о вассасахассамад̇т̇агз б̣уд̣̇д̇хо уббаж̇ж̇ид̇ваа д̇хаммаануд̇хаммабадибад̣̇ам̣ бадибаннзна сан̇гхарад̇анзна бариваарид̇о д̇хаммам̣ д̣̇зсзнд̇о вижариссад̇ий’’д̇и д̣̇звад̇аа уг̇гхосзнд̇и. ‘‘вассасад̇амад̇т̇агз бана жаггавад̇д̇ий уббаж̇ж̇иссад̇ий’’д̇и жаггавад̇д̇иголаахалам̣ наама ход̇и – ‘‘ид̇о вассасад̇амад̇т̇агз сад̇д̇арад̇анасамбанно жад̇уд̣̇д̣̇ийбиссаро сахасса буд̇д̇абаривааро взхаасан̇г̇амо жаггавад̇д̇ирааж̇аа уббаж̇ж̇иссад̇ий’’д̇и д̣̇звад̇аа уг̇гхосзнд̇и.

имзсу д̇ийсу голаахалзсу имз ча сад̇т̇ааро б̣уд̣̇д̇хаголаахалам̣ суд̇ваа аажарияз баяирубаасид̇ваа жинд̇аамаан̣ивиж̇ж̇аад̣̇ийни уг̇г̇ан̣хид̇ваа – ‘‘маяам̣ б̣уд̣̇д̇хамхаа’’д̇и бадин̃н̃ам̣ гад̇ваа махааж̇анабаривуд̇аа ж̇анабад̣̇ам̣ вижаранд̇аа анубуб̣б̣зна саавад̇т̇ияам̣ бад̇д̇аа. д̇зсам̣ убадтаагаа рааж̇аанам̣ убасан̇гамид̇ваа, ‘‘махаарааж̇а, бууран̣о гассабо…бз… аж̇ид̇о гзсагамб̣ало б̣уд̣̇д̇хо гира саб̣б̣ан̃н̃уу гираа’’д̇и аарожзсум̣. рааж̇аа ‘‘д̇умхзва нз ниманд̇зд̇ваа аанзт̇аа’’д̇и ааха . д̇з г̇анд̇ваа д̇зхи, ‘‘рааж̇аа во ниманд̇зд̇и. ран̃н̃о г̇зхз бхигкам̣ г̇ан̣хат̇аа’’д̇и вуд̇д̇аа г̇анд̇ум̣ на уссаханд̇и, бунаббунам̣ вужжамаанаа убадтаагаанам̣ жид̇д̇аанурагкан̣ад̇т̇ааяа ад̇хиваасзд̇ваа саб̣б̣з згад̇ова аг̇амам̣су. рааж̇аа аасанаани бан̃н̃аабзд̇ваа ‘‘нисийд̣̇анд̇уу’’д̇и ааха. ниг̇г̇ун̣аанам̣ ад̇д̇абхаавз рааж̇усмаа наама парад̇и, д̇з махаарахзсу аасанзсу нисийд̣̇ид̇ум̣ асаггонд̇аа палагзсу жзва бхуумияам̣ жа нисийд̣̇им̣су.

рааж̇аа ‘‘зд̇д̇агзнзва над̇т̇и д̇зсам̣ анд̇о суггад̇хаммо’’д̇и вад̇ваа аахаарам̣ ад̣̇ад̇ваава д̇аалад̇о бад̇ид̇ам̣ муг̇г̇арзна бот̇знд̇о вияа ‘‘д̇умхз б̣уд̣̇д̇хаа, на б̣уд̣̇д̇хаа’’д̇и бан̃хам̣ бужчи. д̇з жинд̇аяим̣су – ‘‘сажз ‘б̣уд̣̇д̇хамхаа’д̇и вагкаама, рааж̇аа б̣уд̣̇д̇хависаяз бан̃хам̣ бужчид̇ваа гат̇зд̇ум̣ асаггонд̇з ‘д̇умхз маяам̣ б̣уд̣̇д̇хаад̇и махааж̇анам̣ ван̃жзд̇ваа аахин̣д̣ат̇аа’д̇и ж̇ивхамби чинд̣̇аабзяяа, ан̃н̃амби анад̇т̇ам̣ гарзяяаа’’д̇и сагабадин̃н̃ааяа зва ‘на маяам̣ б̣уд̣̇д̇хаа’д̇и вад̣̇им̣су. ат̇а нз рааж̇аа г̇зхад̇о нигад̣дхаабзси. д̇з рааж̇агхарад̇о нигканд̇з убадтаагаа бужчим̣су – ‘‘гим̣ аажарияаа рааж̇аа д̇умхз бан̃хам̣ бужчид̇ваа саггаарасаммаанам̣ агаасий’’д̇и? рааж̇аа ‘‘б̣уд̣̇д̇хаа д̇умхз’’д̇и бужчи, д̇ад̇о маяам̣ – ‘‘сажз аяам̣ рааж̇аа б̣уд̣̇д̇хависаяз бан̃хам̣ гат̇ияамаанам̣ аж̇аананд̇о амхзсу манам̣ бад̣̇осзссад̇и, б̣ахум̣ абун̃н̃ам̣ басависсад̇ий’’д̇и ран̃н̃о анугамбааяа ‘на маяам̣ б̣уд̣̇д̇хаа’д̇и вад̣̇имхаа, маяам̣ бана б̣уд̣̇д̇хаа зва, амхаагам̣ б̣уд̣̇д̇хабхааво, уд̣̇агзна д̇ховид̇вааби харид̇ум̣ на саггаад̇и. ид̇и б̣ахид̣̇д̇хаа ‘б̣уд̣̇д̇хамхаа’д̇и аахам̣су – ран̃н̃о санд̇игз ‘на маяам̣ б̣уд̣̇д̇хаа’д̇и вад̣̇им̣сууд̇и, ид̣̇ам̣ г̇ахзд̇ваа рааж̇аа звамааха. д̇ад̇т̇а гим̣ бана бхавам̣ г̇од̇амо д̣̇ахаро жзва ж̇аад̇ияаа, наво жа баб̣б̣аж̇ж̇ааяаад̇и ид̣̇ам̣ ад̇д̇ано бадин̃н̃ам̣ г̇ахзд̇ваа вад̣̇ад̇и. д̇ад̇т̇а гинд̇и бадигкзбаважанам̣. зд̇з ж̇аад̇имахаллагаа жа жирабаб̣б̣аж̇ид̇аа жа ‘‘б̣уд̣̇д̇хамхаа’’д̇и на бадиж̇аананд̇и, бхавам̣ г̇од̇амо ж̇аад̇ияаа жа д̣̇ахаро баб̣б̣аж̇ж̇ааяа жа наво гим̣ бадиж̇аанаад̇и? маа бадиж̇аанаахийд̇и ад̇т̇о.

на ун̃н̃аад̇аб̣б̣аад̇и на аваж̇аанид̇аб̣б̣аа. на барибход̇аб̣б̣аад̇и на барибхавид̇аб̣б̣аа. гад̇амз жад̇д̇аарод̇и гат̇зд̇угамяад̇аабужчаа. кад̇д̇ияод̇и рааж̇агумааро. ураг̇од̇и аасийвисо. аг̇г̇ийд̇и аг̇г̇иязва. бхигкууд̇и имасмим̣ бана бад̣̇з д̣̇зсанаагусалад̇ааяа ад̇д̇аанам̣ аб̣бханд̇арам̣ гад̇ваа сийлаванд̇ам̣ баб̣б̣аж̇ид̇ам̣ д̣̇ассзд̇и. зд̇т̇а жа д̣̇ахарам̣ рааж̇агумаарам̣ д̣̇исваа, уггамид̇ваа маг̇г̇ам̣ ад̣̇знд̇о, баарубанам̣ анабанзнд̇о, нисиннаасанад̇о анудтаханд̇о, хад̇т̇ибидтаад̣̇ийхи анод̇аранд̇о, хздтаа гад̇ваа ман̃н̃анавасзна ан̃н̃амби зваруубам̣ анаажаарам̣ гаронд̇о кад̇д̇ияам̣ аваж̇аанаад̇и наама. ‘‘бхад̣̇д̣̇аго вад̇ааяам̣ рааж̇агумааро, махааган̣д̣о маход̣̇аро – гим̣ наама яам̣гин̃жи жоруубад̣̇д̣̇авам̣ вуубасамзд̇ум̣ яад̇т̇а гад̇т̇ажи таанз раж̇ж̇ам̣ анусаасид̇ум̣ сагкиссад̇ий’’д̇иаад̣̇ийни вад̣̇анд̇о барибход̇и наама. ан̃ж̇анисалаагамад̇д̇амби аасийвисабод̇агам̣ ган̣н̣аад̣̇ийсу бил̣анд̇ханд̇о ан̇г̇улимби ж̇ивхамби д̣ам̣саабзнд̇о ураг̇ам̣ аваж̇аанаад̇и наама . ‘‘бхад̣̇д̣̇аго вад̇ааяам̣ аасийвисо уд̣̇агад̣̇зд̣д̣убхо вияа гим̣ наама гин̃жид̣̇зва д̣ам̣сид̇ум̣ гассажид̣̇зва гааяз висам̣ парид̇ум̣ сагкиссад̇ий’’д̇иаад̣̇ийни вад̣̇анд̇о барибход̇и наама. каж̇ж̇обанагамад̇д̇амби аг̇г̇им̣ г̇ахзд̇ваа хад̇т̇зна гийл̣анд̇о бхан̣д̣угкалигааяа кибанд̇о жуул̣ааяа ваа саяанабидтасаадагабасиб̣б̣агаад̣̇ийсу ваа табзнд̇о аг̇г̇им̣ аваж̇аанаад̇и наама. ‘‘бхад̣̇д̣̇аго вад̇ааяам̣ аг̇г̇и гад̇арам̣ ну ко яааг̇убхад̇д̇ам̣ бажиссад̇и, гад̇арам̣ мажчамам̣сам̣, гасса сийд̇ам̣ винод̣̇зссад̇ий’’д̇иаад̣̇ийни вад̣̇анд̇о барибход̇и наама. д̣̇ахарасааман̣зрамби бана д̣̇исваа уггамид̇ваа маг̇г̇ам̣ ад̣̇знд̇од̇и рааж̇агумаарз вуд̇д̇ам̣ анаажаарам̣ гаронд̇о бхигкум̣ аваж̇аанаад̇и наама. ‘‘бхад̣̇д̣̇аго вад̇ааяам̣ сааман̣зро махааган̣то маход̣̇аро яам̣гин̃жи б̣уд̣̇д̇хаважанам̣ уг̇г̇ахзд̇ум̣ яам̣гин̃жи аран̃н̃ам̣ аж̇жхог̇аахзд̇ваа васид̇ум̣ сагкиссад̇и, сан̇гхад̇т̇зрагаалз манаабо бхависсад̇ий’’д̇иаад̣̇ийни вад̣̇анд̇о барибход̇и наама. д̇ам̣ саб̣б̣амби на гаад̇аб̣б̣анд̇и д̣̇ассзнд̇о на ун̃н̃аад̇аб̣б̣о на барибход̇аб̣б̣од̇и ааха.

зд̇ад̣̇авожаад̇и зд̇ам̣ г̇аат̇ааб̣анд̇хам̣ авожа. г̇аат̇аа жа наамзд̇аа д̇ад̣̇ад̇т̇ад̣̇ийбанааби хонд̇и висзсад̇т̇ад̣̇ийбанааби, д̇ад̇римаа д̇ад̣̇ад̇т̇амби висзсад̇т̇амби д̣̇ийбзнд̇иязва. д̇ад̇т̇а кад̇д̇ияанд̇и кзд̇д̇аанам̣ ад̇хибад̇им̣. вуд̇д̇ан̃хзд̇ам̣ ‘‘кзд̇д̇аанам̣ ад̇хибад̇ийд̇и ко, ваасздта, ‘кад̇д̇ияо кад̇д̇ияо’д̇взва д̣̇уд̇ияам̣ агкарам̣ убаниб̣б̣ад̇д̇а’’нд̇и (д̣̇ий. ни. 3.131). ж̇аад̇исамбаннанд̇и д̇ааязва кад̇д̇ияаж̇аад̇ияаа ж̇аад̇исамбаннам̣. абхиж̇аад̇анд̇и д̇ийн̣и гулаани ад̇иггамид̇ваа ж̇аад̇ам̣.

таанам̣ хийд̇и гааран̣ам̣ виж̇ж̇ад̇и. мануж̇инд̣̇од̇и мануссаж̇здтаго. рааж̇ад̣̇ан̣д̣знаад̇и ран̃н̃о уд̣̇д̇хадад̣̇ан̣д̣зна, со аббаго наама на ход̇и, д̣̇асасахассавийсад̇исахассаббамаан̣о ход̇иязва. д̇асмим̣ баггамад̇з бхусанд̇и д̇асмим̣ буг̇г̇алз б̣алаваубаггамам̣ убаггамад̇и. рагкам̣ ж̇ийвид̇амад̇д̇анод̇и ад̇д̇ано ж̇ийвид̇ам̣ рагкамаано д̇ам̣ кад̇д̇ияам̣ бариваж̇ж̇зяяа на гхаддзяяа.

ужжааважзхийд̇и наанаавид̇хзхи. ван̣н̣зхийд̇и сан̣таанзхи. язна язна хи ван̣н̣зна жаранд̇о г̇ожарам̣ лабхад̇и, яад̣̇и саббаван̣н̣зна, яад̣̇и д̣̇зд̣д̣убхаван̣н̣зна, яад̣̇и д̇хаманиван̣н̣зна, анд̇амасо галанд̣̇агаван̣н̣знаби жарад̇иязва. аасаж̇ж̇аад̇и бад̇ваа. б̣ааланд̇и язна б̣аалзна гхаддид̇о, д̇ам̣ б̣аалам̣ нарам̣ ваа наарим̣ ваа д̣ам̣сзяяа.

бахууд̇абхагканд̇и б̣ахубхагкам̣. аг̇г̇исса хи абхагкам̣ наама над̇т̇и. ж̇аалинанд̇и ж̇аалаванд̇ам̣. бааваганд̇и аг̇г̇им̣. бааваг̇анд̇иби баато. ган̣хавад̇д̇анинд̇и вад̇д̇анийд̇и маг̇г̇о, аг̇г̇инаа г̇ад̇амаг̇г̇о ган̣хо ход̇и гаал̣аго, д̇асмаа ‘‘ган̣хавад̇д̇аний’’д̇и вужжад̇и.

махаа худ̇ваанаад̇и маханд̇о худ̇ваа. аг̇г̇и хи згад̣̇аа яааваб̣рахмалогаббамаан̣оби ход̇и. ж̇ааяанд̇и д̇ад̇т̇а баарохаад̇и д̇ад̇т̇а аг̇г̇инаа д̣̇ад̣дхаванз баарохаа ж̇ааяанд̇и. баарохаад̇и д̇ин̣аругкаад̣̇аяо вужжанд̇и. д̇з хи аг̇г̇инаа д̣̇ад̣дхадтаанз мууламад̇д̇зби авасидтз баад̣̇ад̇о роханд̇и ж̇ааяанд̇и вад̣дханд̇и, д̇асмаа ‘‘баарохаа’’д̇и вужжанд̇и. буна роханад̇т̇зна ваа баарохаа. ахорад̇д̇аанамажжаязд̇и рад̇д̇инд̣̇иваанам̣ ад̇иггамз. нид̣̇аагхзби д̣̇звз вудтамад̇д̇з ж̇ааяанд̇и.

бхигку д̣ахад̇и д̇зж̇асаад̇и зд̇т̇а аггосанд̇ам̣ бажжаггосанд̇о бхан̣д̣анд̇ам̣ бадибхан̣д̣анд̇о бахаранд̇ам̣ бадибахаранд̇о бхигку наама гин̃жи бхигкуд̇зж̇асаа д̣ахид̇ум̣ на саггод̇и. яо бана аггосанд̇ам̣ на бажжаггосад̇и, бхан̣д̣анд̇ам̣ на бадибхан̣д̣ад̇и. бахаранд̇ам̣ на бадибахарад̇и, д̇асмим̣ виббадибанно д̇асса сийлад̇зж̇зна д̣аяхад̇и. д̇знзвзд̇ам̣ вуд̇д̇ам̣. на д̇асса буд̇д̇аа басавод̇и д̇асса буд̇д̇ад̇хийд̇ароби г̇омахим̣сагуггудасуугараад̣̇аяо басавоби на бхаванд̇и, винассанд̇ийд̇и ад̇т̇о. д̣̇ааяаад̣̇аа винд̣̇арз д̇хананд̇и д̇асса д̣̇ааяаад̣̇ааби д̇ханам̣ на винд̣̇анд̇и. д̇аалаавад̇т̇уу бхаванд̇и д̇зд̇и д̇з бхигкуд̇зж̇асаа д̣̇ад̣дхаа вад̇т̇умад̇д̇аавасидто мад̇т̇агажчиннад̇аало вияа бхаванд̇и, буд̇д̇ад̇хийд̇аад̣̇ивасзна на вад̣дханд̇ийд̇и ад̇т̇о.

д̇асмаад̇и яасмаа саман̣ад̇зж̇зна д̣̇ад̣дхаа мад̇т̇агажчиннад̇аало вияа авирул̣хид̇хаммаа бхаванд̇и, д̇асмаа. саммад̣̇зва самаажарзд̇и саммаа самаажарзяяа. саммаа самаажаранд̇зна бана гим̣ гаад̇аб̣б̣анд̇и? кад̇д̇ияам̣ д̇аава ниссааяа лад̣̇д̇хаб̣б̣ам̣ г̇ааманиг̇амаяаанавааханаад̣̇иаанисам̣сам̣, ураг̇ам̣ ниссааяа д̇асса гийл̣аабанзна лад̣̇д̇хаб̣б̣ам̣ вад̇т̇ахиран̃н̃асуван̣н̣аад̣̇иаанисам̣сам̣ аг̇г̇им̣ ниссааяа д̇ассаанубхаавзна бад̇д̇аб̣б̣ам̣ яааг̇убхад̇д̇абажанасийд̇авинод̣̇анаад̣̇иаанисам̣сам̣, бхигкум̣ ниссааяа д̇асса васзна бад̇д̇аб̣б̣ам̣ асуд̇асаванасуд̇абарияод̣̇абана-саг̇г̇амаг̇г̇аад̇хиг̇амаад̣̇иаанисам̣сам̣ самбассамаанзна ‘‘зд̇з ниссааяа буб̣б̣з вуд̇д̇аббагааро аад̣̇ийнаво ад̇т̇и. гим̣ имзхий’’д̇и? на саб̣б̣асо бахаад̇аб̣б̣аа. иссарияад̇т̇игзна бана вуд̇д̇аббагаарам̣ аваж̇аананан̃жа барибхаванан̃жа агад̇ваа буб̣б̣удтааяибажчаанибаад̇ид̇аад̣̇ийхи убааязхи кад̇д̇ияагумааро д̇осзд̇аб̣б̣о, звам̣ д̇ад̇о иссарияам̣ ад̇хиг̇амиссад̇и. ахид̇ун̣д̣игзна ураг̇з виссаасам̣ агад̇ваа нааг̇авиж̇ж̇ам̣ баривад̇д̇зд̇ваа аж̇абад̣̇зна д̣̇ан̣д̣зна г̇ийвааяа г̇ахзд̇ваа висахарзна муулзна д̣̇аатаа д̇ховид̇ваа бзл̣ааяам̣ багкибид̇ваа гийл̣аабзнд̇зна жарид̇аб̣б̣ам̣. звам̣ д̇ам̣ ниссааяа гхаасажчаад̣̇анаад̣̇ийни лабхиссад̇и. яааг̇убажанаад̣̇ийни гад̇д̇угаамзна аг̇г̇им̣ виссаасзна бхан̣д̣угкалигаад̣̇ийсу абагкибид̇ваа хад̇т̇зхи анаамасанд̇зна г̇омаяажун̣н̣аад̣̇ийхи ж̇аалзд̇ваа яааг̇убажанаад̣̇ийни гад̇д̇аб̣б̣аани, звам̣ д̇ам̣ ниссааяа аанисам̣сам̣ лабхиссад̇и. асуд̇асаванаад̣̇ийни бад̇т̇аяанд̇знаби бхигкум̣ ад̇ивиссаасзна взж̇ж̇агамманавагаммаад̣̇ийсу аяож̇зд̇ваа жад̇уухи бажжаязхи саггажжам̣ убадтаад̇аб̣б̣о, звам̣ д̇ам̣ ниссааяа асуд̇абуб̣б̣ам̣ б̣уд̣̇д̇хаважанам̣ асуд̇абуб̣б̣ам̣ бан̃хаавинижчаяам̣ д̣̇идтад̇хаммигасамбарааяигам̣ ад̇т̇ам̣ д̇иссо гуласамбад̇д̇ияо ча гаамасаг̇г̇аани нава жа б̣рахмалогз бад̇ваа амад̇амахааниб̣б̣аанад̣̇ассанамби лабхиссад̇ийд̇и имамад̇т̇ам̣ санд̇хааяа саммад̣̇зва самаажарзд̇и ааха.

зд̇ад̣̇авожаад̇и д̇хаммад̣̇зсанам̣ суд̇ваа басанно басаад̣̇ам̣ аавигаронд̇о зд̇ам̣ ‘‘абхигганд̇а’’нд̇иаад̣̇иважанам̣ авожа. д̇ад̇т̇а абхигганд̇анд̇и абхиганд̇ам̣ ад̇иидтам̣ ад̇иманаабам̣, ад̇исунд̣̇аранд̇и ад̇т̇о. зд̇т̇а згзна абхигганд̇асад̣̇д̣̇зна д̣̇зсанам̣ т̇омзд̇и ‘‘абхигганд̇ам̣, бханд̇з, яад̣̇ид̣̇ам̣ бхаг̇авад̇о д̇хаммад̣̇зсанаа’’д̇и. згзна ад̇д̇ано басаад̣̇ам̣ ‘‘абхигганд̇ам̣, бханд̇з, яад̣̇ид̣̇ам̣ бхаг̇авад̇о д̇хаммад̣̇зсанам̣ ааг̇амма мама басаад̣̇о’’д̇и.

д̇ад̇о барам̣ жад̇уухи убамаахи д̣̇зсанам̣язва т̇омзд̇и. д̇ад̇т̇а ниггуж̇ж̇ид̇анд̇и ад̇хомукатабид̇ам̣, хздтаамукаж̇аад̇ам̣ ваа. уггуж̇ж̇зяяаад̇и убаримукам̣ гарзяяа. бадижчаннанд̇и д̇ин̣абан̣н̣аад̣̇ичаад̣̇ид̇ам̣. виварзяяаад̇и уг̇гхаадзяяа. муул̣хассаад̇и д̣̇исаамуул̣хасса. маг̇г̇ам̣ аажигкзяяаад̇и хад̇т̇з г̇ахзд̇ваа ‘‘зса маг̇г̇о’’д̇и вад̣̇зяяа. анд̇хагаарзд̇и гаал̣абагкажаад̇уд̣̇д̣̇асий ад̣дхарад̇д̇агханаванасан̣д̣а мзгхабадалзхи жад̇уран̇г̇з д̇амз. ид̣̇ам̣ вуд̇д̇ам̣ ход̇и – яат̇аа гожи ниггуж̇ж̇ид̇ам̣ уггуж̇ж̇зяяа, звам̣ сад̣̇д̇хаммавимукам̣ асад̣̇д̇хаммз бад̇ид̇ам̣ мам̣ асад̣̇д̇хаммаа вудтаабзнд̇зна, яат̇аа бадижчаннам̣ виварзяяа, звам̣ гассабасса бхаг̇авад̇о саасананд̇арад̇хаанаа бабхуд̇и мижчаад̣̇идтиг̇аханабадижчаннам̣ саасанам̣ виваранд̇зна, яат̇аа муул̣хасса маг̇г̇ам̣ аажигкзяяа, звам̣ гуммаг̇г̇амижчаамаг̇г̇абадибаннасса мз саг̇г̇амогкамаг̇г̇ам̣ аавигаронд̇зна, яат̇аа анд̇хагаарз д̇злабаж̇ж̇од̇ам̣ д̇хаарзяяа, звам̣ моханд̇хагаарз нимуг̇г̇асса мз б̣уд̣̇д̇хаад̣̇ирад̇анаруубаани абассад̇о д̇аббадижчаад̣̇агамоханд̇хагааравид̣̇д̇хам̣сагад̣̇зсанаабаж̇ж̇од̇ам̣ д̇хаарзнд̇зна маяхам̣ бхаг̇авад̇аа зд̇зхи барияааязхи багаасид̇ад̇д̇аа анзгабарияааязна д̇хаммо багаасид̇од̇и.

звам̣ д̣̇зсанам̣ т̇омзд̇ваа имааяа д̣̇зсанааяа рад̇анад̇д̇аяз басаннажид̇д̇о басаннаагаарам̣ гаронд̇о зсааханд̇иаад̣̇имааха. д̇ад̇т̇а зсааханд̇и зсо ахам̣. бхаг̇аванд̇ам̣ саран̣ам̣ г̇ажчаами д̇хамман̃жа бхигкусан̇гхан̃жаад̇и бхаг̇аванд̇ан̃жа д̇хамман̃жа бхигкусан̇гхан̃жаад̇и имам̣ рад̇анад̇д̇аяам̣ саран̣ам̣ г̇ажчаами. убаасагам̣ мам̣, бханд̇з, бхаг̇аваа д̇хаарзд̇ууд̇и мам̣ бхаг̇аваа ‘убаасаго аяа’нд̇и звам̣ д̇хаарзд̇у, ж̇аанаад̇ууд̇и ад̇т̇о. аж̇ж̇ад̇аг̇г̇зд̇и аж̇ж̇ад̇ам̣ аад̣̇им̣ гад̇ваа. аж̇ж̇ад̣̇аг̇г̇зд̇и ваа баато, д̣̇а-гааро бад̣̇асанд̇хигаро, аж̇ж̇а аг̇г̇ам̣ гад̇ваад̇и ад̇т̇о. баан̣убзд̇анд̇и баан̣зхи убзд̇ам̣ яаава мз ж̇ийвид̇ам̣ бавад̇д̇ад̇и, д̇аава убзд̇ам̣ анан̃н̃асад̇т̇угам̣ д̇ийхи саран̣аг̇аманзхи саран̣ам̣ г̇ад̇ам̣ убаасагам̣ габбияагаарагам̣ мам̣ бхаг̇аваа д̇хаарзд̇ууд̇и аяамзд̇т̇а сан̇кзбо, вид̇т̇ааро бана суман̇г̇алавилаасинияаа д̣̇ийгханигааяадтагат̇ааяа сааман̃н̃апаласуд̇д̇з саб̣б̣аагаарзна вуд̇д̇од̇и. батамам̣.