| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੮. ਦਕ੍ਖਿਣਸੁਤ੍ਤਂ
8. Dakkhiṇasuttaṃ
੭੮. ‘‘ਚਤਸ੍ਸੋ ਇਮਾ, ਭਿਕ੍ਖવੇ, ਦਕ੍ਖਿਣਾ વਿਸੁਦ੍ਧਿਯੋ। ਕਤਮਾ ਚਤਸ੍ਸੋ? ਅਤ੍ਥਿ, ਭਿਕ੍ਖવੇ, ਦਕ੍ਖਿਣਾ ਦਾਯਕਤੋ વਿਸੁਜ੍ਝਤਿ, ਨੋ ਪਟਿਗ੍ਗਾਹਕਤੋ; ਅਤ੍ਥਿ, ਭਿਕ੍ਖવੇ, ਦਕ੍ਖਿਣਾ ਪਟਿਗ੍ਗਾਹਕਤੋ વਿਸੁਜ੍ਝਤਿ, ਨੋ ਦਾਯਕਤੋ; ਅਤ੍ਥਿ, ਭਿਕ੍ਖવੇ, ਦਕ੍ਖਿਣਾ ਨੇવ ਦਾਯਕਤੋ વਿਸੁਜ੍ਝਤਿ, ਨੋ ਪਟਿਗ੍ਗਾਹਕਤੋ; ਅਤ੍ਥਿ, ਭਿਕ੍ਖવੇ, ਦਕ੍ਖਿਣਾ ਦਾਯਕਤੋ ਚੇવ વਿਸੁਜ੍ਝਤਿ ਪਟਿਗ੍ਗਾਹਕਤੋ ਚ।
78. ‘‘Catasso imā, bhikkhave, dakkhiṇā visuddhiyo. Katamā catasso? Atthi, bhikkhave, dakkhiṇā dāyakato visujjhati, no paṭiggāhakato; atthi, bhikkhave, dakkhiṇā paṭiggāhakato visujjhati, no dāyakato; atthi, bhikkhave, dakkhiṇā neva dāyakato visujjhati, no paṭiggāhakato; atthi, bhikkhave, dakkhiṇā dāyakato ceva visujjhati paṭiggāhakato ca.
‘‘ਕਥਞ੍ਚ , ਭਿਕ੍ਖવੇ, ਦਕ੍ਖਿਣਾ ਦਾਯਕਤੋ વਿਸੁਜ੍ਝਤਿ, ਨੋ ਪਟਿਗ੍ਗਾਹਕਤੋ? ਇਧ, ਭਿਕ੍ਖવੇ, ਦਾਯਕੋ ਹੋਤਿ ਸੀਲવਾ ਕਲ੍ਯਾਣਧਮ੍ਮੋ; ਪਟਿਗ੍ਗਾਹਕਾ ਹੋਨ੍ਤਿ ਦੁਸ੍ਸੀਲਾ ਪਾਪਧਮ੍ਮਾ 1। ਏવਂ ਖੋ, ਭਿਕ੍ਖવੇ, ਦਕ੍ਖਿਣਾ ਦਾਯਕਤੋ વਿਸੁਜ੍ਝਤਿ, ਨੋ ਪਟਿਗ੍ਗਾਹਕਤੋ।
‘‘Kathañca , bhikkhave, dakkhiṇā dāyakato visujjhati, no paṭiggāhakato? Idha, bhikkhave, dāyako hoti sīlavā kalyāṇadhammo; paṭiggāhakā honti dussīlā pāpadhammā 2. Evaṃ kho, bhikkhave, dakkhiṇā dāyakato visujjhati, no paṭiggāhakato.
‘‘ਕਥਞ੍ਚ , ਭਿਕ੍ਖવੇ, ਦਕ੍ਖਿਣਾ ਪਟਿਗ੍ਗਾਹਕਤੋ વਿਸੁਜ੍ਝਤਿ, ਨੋ ਦਾਯਕਤੋ? ਇਧ, ਭਿਕ੍ਖવੇ , ਦਾਯਕੋ ਹੋਤਿ ਦੁਸ੍ਸੀਲੋ ਪਾਪਧਮ੍ਮੋ; ਪਟਿਗ੍ਗਾਹਕਾ ਹੋਨ੍ਤਿ ਸੀਲવਨ੍ਤੋ ਕਲ੍ਯਾਣਧਮ੍ਮਾ। ਏવਂ ਖੋ, ਭਿਕ੍ਖવੇ, ਦਕ੍ਖਿਣਾ ਪਟਿਗ੍ਗਾਹਕਤੋ વਿਸੁਜ੍ਝਤਿ, ਨੋ ਦਾਯਕਤੋ।
‘‘Kathañca , bhikkhave, dakkhiṇā paṭiggāhakato visujjhati, no dāyakato? Idha, bhikkhave , dāyako hoti dussīlo pāpadhammo; paṭiggāhakā honti sīlavanto kalyāṇadhammā. Evaṃ kho, bhikkhave, dakkhiṇā paṭiggāhakato visujjhati, no dāyakato.
‘‘ਕਥਞ੍ਚ, ਭਿਕ੍ਖવੇ, ਦਕ੍ਖਿਣਾ ਨੇવ ਦਾਯਕਤੋ વਿਸੁਜ੍ਝਤਿ, ਨੋ ਪਟਿਗ੍ਗਾਹਕਤੋ? ਇਧ, ਭਿਕ੍ਖવੇ, ਦਾਯਕੋ ਹੋਤਿ ਦੁਸ੍ਸੀਲੋ ਪਾਪਧਮ੍ਮੋ; ਪਟਿਗ੍ਗਾਹਕਾਪਿ ਹੋਨ੍ਤਿ ਦੁਸ੍ਸੀਲਾ ਪਾਪਧਮ੍ਮਾ। ਏવਂ ਖੋ, ਭਿਕ੍ਖવੇ, ਦਕ੍ਖਿਣਾ ਨੇવ ਦਾਯਕਤੋ વਿਸੁਜ੍ਝਤਿ, ਨੋ ਪਟਿਗ੍ਗਾਹਕਤੋ।
‘‘Kathañca, bhikkhave, dakkhiṇā neva dāyakato visujjhati, no paṭiggāhakato? Idha, bhikkhave, dāyako hoti dussīlo pāpadhammo; paṭiggāhakāpi honti dussīlā pāpadhammā. Evaṃ kho, bhikkhave, dakkhiṇā neva dāyakato visujjhati, no paṭiggāhakato.
‘‘ਕਥਞ੍ਚ, ਭਿਕ੍ਖવੇ, ਦਕ੍ਖਿਣਾ ਦਾਯਕਤੋ ਚੇવ વਿਸੁਜ੍ਝਤਿ ਪਟਿਗ੍ਗਾਹਕਤੋ ਚ? ਇਧ, ਭਿਕ੍ਖવੇ, ਦਾਯਕੋ ਹੋਤਿ ਸੀਲવਾ ਕਲ੍ਯਾਣਧਮ੍ਮੋ; ਪਟਿਗ੍ਗਾਹਕਾਪਿ ਹੋਨ੍ਤਿ ਸੀਲવਨ੍ਤੋ ਕਲ੍ਯਾਣਧਮ੍ਮਾ। ਏવਂ ਖੋ, ਭਿਕ੍ਖવੇ, ਦਕ੍ਖਿਣਾ ਦਾਯਕਤੋ ਚੇવ વਿਸੁਜ੍ਝਤਿ ਪਟਿਗ੍ਗਾਹਕਤੋ ਚ। ਇਮਾ ਖੋ, ਭਿਕ੍ਖવੇ, ਚਤਸ੍ਸੋ ਦਕ੍ਖਿਣਾ વਿਸੁਦ੍ਧਿਯੋ’’ਤਿ। ਅਟ੍ਠਮਂ।
‘‘Kathañca, bhikkhave, dakkhiṇā dāyakato ceva visujjhati paṭiggāhakato ca? Idha, bhikkhave, dāyako hoti sīlavā kalyāṇadhammo; paṭiggāhakāpi honti sīlavanto kalyāṇadhammā. Evaṃ kho, bhikkhave, dakkhiṇā dāyakato ceva visujjhati paṭiggāhakato ca. Imā kho, bhikkhave, catasso dakkhiṇā visuddhiyo’’ti. Aṭṭhamaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੮. ਦਕ੍ਖਿਣਸੁਤ੍ਤવਣ੍ਣਨਾ • 8. Dakkhiṇasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੮. ਦਕ੍ਖਿਣਸੁਤ੍ਤવਣ੍ਣਨਾ • 8. Dakkhiṇasuttavaṇṇanā
