| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
8. த³க்கி²ணஸுத்தவண்ணனா
8. Dakkhiṇasuttavaṇṇanā
78. அட்ட²மே தா³னஸங்கா²தாய த³க்கி²ணாயாதி தெ³ய்யத⁴ம்மஸங்கா²தாய த³க்கி²ணாய. விஸுத்³தி⁴ நாம மஹாஜுதிகதா. ஸா பன மஹப்ப²லதாய வேதி³தப்³பா³தி ஆஹ ‘‘மஹப்ப²லபா⁴வேனா’’தி. விஸுஜ்ஜ²தீதி ந கிலிஸ்ஸதி, அமலினா மஹாஜுதிகா மஹாவிப்பா²ரா ஹோதீதி அத்தோ². ஸுசித⁴ம்மோதி ராகா³தி³அஸுசிவித⁴மனேன ஸுசிஸபா⁴வோ. லாமகத⁴ம்மோதி ஹீனஸபா⁴வோ பாபகிரியாய. அகுஸலத⁴ம்மா ஹி ஏகந்தனிஹீனா. ஜூஜகோ ஸீலவா கல்யாணத⁴ம்மோ ந ஹோதி, தஸ்ஸ மஹாபோ³தி⁴ஸத்தஸ்ஸ அத்தனோ புத்ததா³னங் தா³னபாரமியா மத்த²கங் க³ண்ஹந்தங் மஹாபத²விகம்பனஸமத்த²ங் ஜாதங். ஸ்வாயங் தா³யககு³ணோதி ஆஹ ‘‘வெஸ்ஸந்தரமஹாராஜா கதே²தப்³போ³’’திஆதி³. உத்³த⁴ரதீதி ப³ஹுலங் பாபகம்மவஸேன லத்³த⁴ப்³ப³வினிபாததோ உத்³த⁴ரதி, தஸ்மா நத்தி² மய்ஹங் கிஞ்சி சித்தஸ்ஸ அஞ்ஞத்த²த்தந்தி அதி⁴ப்பாயோ.
78. Aṭṭhame dānasaṅkhātāya dakkhiṇāyāti deyyadhammasaṅkhātāya dakkhiṇāya. Visuddhi nāma mahājutikatā. Sā pana mahapphalatāya veditabbāti āha ‘‘mahapphalabhāvenā’’ti. Visujjhatīti na kilissati, amalinā mahājutikā mahāvipphārā hotīti attho. Sucidhammoti rāgādiasucividhamanena sucisabhāvo. Lāmakadhammoti hīnasabhāvo pāpakiriyāya. Akusaladhammā hi ekantanihīnā. Jūjako sīlavā kalyāṇadhammo na hoti, tassa mahābodhisattassa attano puttadānaṃ dānapāramiyā matthakaṃ gaṇhantaṃ mahāpathavikampanasamatthaṃ jātaṃ. Svāyaṃ dāyakaguṇoti āha ‘‘vessantaramahārājā kathetabbo’’tiādi. Uddharatīti bahulaṃ pāpakammavasena laddhabbavinipātato uddharati, tasmā natthi mayhaṃ kiñci cittassa aññatthattanti adhippāyo.
பேதத³க்கி²ணந்தி பேதே உத்³தி³ஸ்ஸ தா³தப்³ப³த³க்கி²ணங். பாபிதகாலேயேவாதி ‘‘இத³ங் தா³னங் அஸுகஸ்ஸ பேதஸ்ஸ ஹோதூ’’தி தங்உத்³தி³ஸனவஸேன பத்தியா பாபிதகாலேயேவ. அஸ்ஸாதி பேதஸ்ஸ. பாபுணீதி ப²லஸம்பத்திலபா⁴பனவஸேன பாபுணி. அயஞ்ஹி பேதே உத்³தி³ஸ்ஸ தா³னே த⁴ம்மதா. ததா³ கோஸலரஞ்ஞோ பரிச்சாக³வஸேன அதிவிய தா³னஜ்ஜா²ஸயதங் பு³த்³த⁴ப்பமுக²ஸ்ஸ ச ஸங்க⁴ஸ்ஸ உக்கங்ஸக³தகு³ணவிஸிட்ட²தங் ஸந்தா⁴யாஹ ‘‘அஸதி³ஸதா³னங் கதே²தப்³ப³’’ந்தி.
Petadakkhiṇanti pete uddissa dātabbadakkhiṇaṃ. Pāpitakāleyevāti ‘‘idaṃ dānaṃ asukassa petassa hotū’’ti taṃuddisanavasena pattiyā pāpitakāleyeva. Assāti petassa. Pāpuṇīti phalasampattilabhāpanavasena pāpuṇi. Ayañhi pete uddissa dāne dhammatā. Tadā kosalarañño pariccāgavasena ativiya dānajjhāsayataṃ buddhappamukhassa ca saṅghassa ukkaṃsagataguṇavisiṭṭhataṃ sandhāyāha ‘‘asadisadānaṃ kathetabba’’nti.
த³க்கி²ணஸுத்தவண்ணனா நிட்டி²தா.
Dakkhiṇasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 8. த³க்கி²ணஸுத்தங் • 8. Dakkhiṇasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 8. த³க்கி²ணஸுத்தவண்ணனா • 8. Dakkhiṇasuttavaṇṇanā
