| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੮. ਦਕ੍ਖਿਣਸੁਤ੍ਤવਣ੍ਣਨਾ
8. Dakkhiṇasuttavaṇṇanā
੭੮. ਅਟ੍ਠਮੇ ਦਕ੍ਖਿਣਾવਿਸੁਦ੍ਧਿਯੋਤਿ ਦਾਨਸਙ੍ਖਾਤਾਯ ਦਕ੍ਖਿਣਾਯ વਿਸੁਜ੍ਝਨਕਾਰਣਾਨਿ। ਦਾਯਕਤੋ વਿਸੁਜ੍ਝਤੀਤਿ ਮਹਪ੍ਫਲਭਾવੇਨ વਿਸੁਜ੍ਝਤਿ, ਮਹਪ੍ਫਲਾ ਹੋਤੀਤਿ ਅਤ੍ਥੋ। ਕਲ੍ਯਾਣਧਮ੍ਮੋਤਿ ਸੁਚਿਧਮ੍ਮੋ। ਪਾਪਧਮ੍ਮੋਤਿ ਲਾਮਕਧਮ੍ਮੋ। ਦਾਯਕਤੋ વਿਸੁਜ੍ਝਤੀਤਿ ਏਤ੍ਥ વੇਸ੍ਸਨ੍ਤਰਮਹਾਰਾਜਾ ਕਥੇਤਬ੍ਬੋ। ਸੋ ਹਿ ਜੂਜਕਬ੍ਰਾਹ੍ਮਣਸ੍ਸ ਦਾਰਕੇ ਦਤ੍વਾ ਮਹਾਪਥવਿਂ ਕਮ੍ਪੇਸਿ। ਪਟਿਗ੍ਗਾਹਕਤੋ વਿਸੁਜ੍ਝਤੀਤਿ ਏਤ੍ਥ ਕਲ੍ਯਾਣੀਨਦੀਮੁਖਦ੍વਾਰવਾਸੀ ਕੇવਟ੍ਟੋ ਕਥੇਤਬ੍ਬੋ। ਸੋ ਕਿਰ ਦੀਘਸੁਮਤ੍ਥੇਰਸ੍ਸ ਤਿਕ੍ਖਤ੍ਤੁਂ ਪਿਣ੍ਡਪਾਤਂ ਦਤ੍વਾ ਮਰਣਮਞ੍ਚੇ ਨਿਪਨ੍ਨੋ ‘‘ਅਯ੍ਯਸ੍ਸ ਮਂ ਦੀਘਸੁਮਤ੍ਥੇਰਸ੍ਸ ਦਿਨ੍ਨਪਿਣ੍ਡਪਾਤੋ ਉਦ੍ਧਰਤੀ’’ਤਿ ਆਹ। ਨੇવ ਦਾਯਕਤੋਤਿ ਏਤ੍ਥ વਡ੍ਢਮਾਨવਾਸੀ ਲੁਦ੍ਦਕੋ ਕਥੇਤਬ੍ਬੋ। ਸੋ ਕਿਰ ਪੇਤਦਕ੍ਖਿਣਂ ਦੇਨ੍ਤੋ ਏਕਸ੍ਸ ਦੁਸ੍ਸੀਲਸ੍ਸੇવ ਤਯੋ વਾਰੇ ਅਦਾਸਿ। ਤਤਿਯવਾਰੇ ‘‘ਅਮਨੁਸ੍ਸੋ ਦੁਸ੍ਸੀਲੋ ਮਂ વਿਲੁਮ੍ਪਤੀ’’ਤਿ વਿਰવਿ। ਏਕਸ੍ਸ ਸੀਲવਤੋ ਭਿਕ੍ਖੁਨੋ ਦਤ੍વਾ ਪਾਪਿਤਕਾਲੇਯੇવਸ੍ਸ ਪਾਪੁਣਿ। ਦਾਯਕਤੋ ਚੇવ વਿਸੁਜ੍ਝਤਿ ਪਟਿਗ੍ਗਾਹਕਤੋ ਚਾਤਿ ਏਤ੍ਥ ਅਸਦਿਸਦਾਨਂ ਕਥੇਤਬ੍ਬਨ੍ਤਿ।
78. Aṭṭhame dakkhiṇāvisuddhiyoti dānasaṅkhātāya dakkhiṇāya visujjhanakāraṇāni. Dāyakato visujjhatīti mahapphalabhāvena visujjhati, mahapphalā hotīti attho. Kalyāṇadhammoti sucidhammo. Pāpadhammoti lāmakadhammo. Dāyakato visujjhatīti ettha vessantaramahārājā kathetabbo. So hi jūjakabrāhmaṇassa dārake datvā mahāpathaviṃ kampesi. Paṭiggāhakato visujjhatīti ettha kalyāṇīnadīmukhadvāravāsī kevaṭṭo kathetabbo. So kira dīghasumattherassa tikkhattuṃ piṇḍapātaṃ datvā maraṇamañce nipanno ‘‘ayyassa maṃ dīghasumattherassa dinnapiṇḍapāto uddharatī’’ti āha. Neva dāyakatoti ettha vaḍḍhamānavāsī luddako kathetabbo. So kira petadakkhiṇaṃ dento ekassa dussīlasseva tayo vāre adāsi. Tatiyavāre ‘‘amanusso dussīlo maṃ vilumpatī’’ti viravi. Ekassa sīlavato bhikkhuno datvā pāpitakāleyevassa pāpuṇi. Dāyakato ceva visujjhati paṭiggāhakato cāti ettha asadisadānaṃ kathetabbanti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੮. ਦਕ੍ਖਿਣਸੁਤ੍ਤਂ • 8. Dakkhiṇasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੮. ਦਕ੍ਖਿਣਸੁਤ੍ਤવਣ੍ਣਨਾ • 8. Dakkhiṇasuttavaṇṇanā
