| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
12. д̣̇агкин̣аавибхан̇г̇асуд̇д̇ам̣
12. Dakkhiṇāvibhaṅgasuttaṃ
376. звам̣ мз суд̇ам̣ – згам̣ самаяам̣ бхаг̇аваа саггзсу вихарад̇и габилавад̇т̇усмим̣ ниг̇род̇хаараамз. ат̇а ко махаабаж̇аабад̇и 1 г̇од̇амий навам̣ д̣̇уссаяуг̇ам̣ аад̣̇ааяа язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннаа ко махаабаж̇аабад̇и г̇од̇амий бхаг̇аванд̇ам̣ зд̇ад̣̇авожа – ‘‘ид̣̇ам̣ мз, бханд̇з, навам̣ д̣̇уссаяуг̇ам̣ бхаг̇аванд̇ам̣ уд̣̇д̣̇исса саамам̣ ганд̇ам̣ саамам̣ вааяид̇ам̣. д̇ам̣ мз, бханд̇з, бхаг̇аваа бадиг̇г̇ан̣хаад̇у анугамбам̣ убаад̣̇ааяаа’’д̇и. звам̣ вуд̇д̇з, бхаг̇аваа махаабаж̇аабад̇им̣ г̇од̇амим̣ зд̇ад̣̇авожа – ‘‘сан̇гхз, г̇од̇ами, д̣̇зхи. сан̇гхз д̇з д̣̇иннз ахан̃жзва бууж̇ид̇о бхависсаами сан̇гхо жаа’’д̇и. д̣̇уд̇ияамби ко махаабаж̇аабад̇и г̇од̇амий бхаг̇аванд̇ам̣ зд̇ад̣̇авожа – ‘‘ид̣̇ам̣ мз, бханд̇з, навам̣ д̣̇уссаяуг̇ам̣ бхаг̇аванд̇ам̣ уд̣̇д̣̇исса саамам̣ ганд̇ам̣ саамам̣ вааяид̇ам̣. д̇ам̣ мз, бханд̇з, бхаг̇аваа бадиг̇г̇ан̣хаад̇у анугамбам̣ убаад̣̇ааяаа’’д̇и. д̣̇уд̇ияамби ко бхаг̇аваа махаабаж̇аабад̇им̣ г̇од̇амим̣ зд̇ад̣̇авожа – ‘‘сан̇гхз, г̇од̇ами, д̣̇зхи. сан̇гхз д̇з д̣̇иннз ахан̃жзва бууж̇ид̇о бхависсаами сан̇гхо жаа’’д̇и. д̇ад̇ияамби ко махаабаж̇аабад̇и г̇од̇амий бхаг̇аванд̇ам̣ зд̇ад̣̇авожа – ‘‘ид̣̇ам̣ мз, бханд̇з, навам̣ д̣̇уссаяуг̇ам̣ бхаг̇аванд̇ам̣ уд̣̇д̣̇исса саамам̣ ганд̇ам̣ саамам̣ вааяид̇ам̣. д̇ам̣ мз, бханд̇з, бхаг̇аваа бадиг̇г̇ан̣хаад̇у анугамбам̣ убаад̣̇ааяаа’’д̇и. д̇ад̇ияамби ко бхаг̇аваа махаабаж̇аабад̇им̣ г̇од̇амим̣ зд̇ад̣̇авожа – ‘‘сан̇гхз, г̇од̇ами, д̣̇зхи . сан̇гхз д̇з д̣̇иннз ахан̃жзва бууж̇ид̇о бхависсаами сан̇гхо жаа’’д̇и.
376. Evaṃ me sutaṃ – ekaṃ samayaṃ bhagavā sakkesu viharati kapilavatthusmiṃ nigrodhārāme. Atha kho mahāpajāpati 2 gotamī navaṃ dussayugaṃ ādāya yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinnā kho mahāpajāpati gotamī bhagavantaṃ etadavoca – ‘‘idaṃ me, bhante, navaṃ dussayugaṃ bhagavantaṃ uddissa sāmaṃ kantaṃ sāmaṃ vāyitaṃ. Taṃ me, bhante, bhagavā paṭiggaṇhātu anukampaṃ upādāyā’’ti. Evaṃ vutte, bhagavā mahāpajāpatiṃ gotamiṃ etadavoca – ‘‘saṅghe, gotami, dehi. Saṅghe te dinne ahañceva pūjito bhavissāmi saṅgho cā’’ti. Dutiyampi kho mahāpajāpati gotamī bhagavantaṃ etadavoca – ‘‘idaṃ me, bhante, navaṃ dussayugaṃ bhagavantaṃ uddissa sāmaṃ kantaṃ sāmaṃ vāyitaṃ. Taṃ me, bhante, bhagavā paṭiggaṇhātu anukampaṃ upādāyā’’ti. Dutiyampi kho bhagavā mahāpajāpatiṃ gotamiṃ etadavoca – ‘‘saṅghe, gotami, dehi. Saṅghe te dinne ahañceva pūjito bhavissāmi saṅgho cā’’ti. Tatiyampi kho mahāpajāpati gotamī bhagavantaṃ etadavoca – ‘‘idaṃ me, bhante, navaṃ dussayugaṃ bhagavantaṃ uddissa sāmaṃ kantaṃ sāmaṃ vāyitaṃ. Taṃ me, bhante, bhagavā paṭiggaṇhātu anukampaṃ upādāyā’’ti. Tatiyampi kho bhagavā mahāpajāpatiṃ gotamiṃ etadavoca – ‘‘saṅghe, gotami, dehi . Saṅghe te dinne ahañceva pūjito bhavissāmi saṅgho cā’’ti.
377. звам̣ вуд̇д̇з, ааяасмаа аананд̣̇о бхаг̇аванд̇ам̣ зд̇ад̣̇авожа – ‘‘бадиг̇г̇ан̣хаад̇у, бханд̇з, бхаг̇аваа махаабаж̇аабад̇ияаа г̇од̇амияаа навам̣ д̣̇уссаяуг̇ам̣. б̣ахуубагаараа 3, бханд̇з, махаабаж̇аабад̇и г̇од̇амий бхаг̇авад̇о маад̇ужчаа аабаад̣̇игаа босигаа кийрасса д̣̇ааяигаа; бхаг̇аванд̇ам̣ ж̇анзд̇д̇ияаа гаалан̇гад̇ааяа т̇ан̃н̃ам̣ бааязси. бхаг̇авааби, бханд̇з, б̣ахуубагааро махаабаж̇аабад̇ияаа г̇од̇амияаа. бхаг̇аванд̇ам̣, бханд̇з, ааг̇амма махаабаж̇аабад̇и г̇од̇амий б̣уд̣̇д̇хам̣ саран̣ам̣ г̇ад̇аа, д̇хаммам̣ саран̣ам̣ г̇ад̇аа, сан̇гхам̣ саран̣ам̣ г̇ад̇аа. бхаг̇аванд̇ам̣, бханд̇з, ааг̇амма махаабаж̇аабад̇и г̇од̇амий баан̣аад̇ибаад̇аа бадивирад̇аа ад̣̇иннаад̣̇аанаа бадивирад̇аа гаамзсумижчаажаараа бадивирад̇аа мусааваад̣̇аа бадивирад̇аа сураамзраяамаж̇ж̇абамаад̣̇адтаанаа бадивирад̇аа. бхаг̇аванд̇ам̣, бханд̇з, ааг̇амма махаабаж̇аабад̇и г̇од̇амий б̣уд̣̇д̇хз авзжжаббасаад̣̇зна саманнааг̇ад̇аа , д̇хаммз авзжжаббасаад̣̇зна саманнааг̇ад̇аа, сан̇гхз авзжжаббасаад̣̇зна саманнааг̇ад̇аа арияаганд̇зхи сийлзхи саманнааг̇ад̇аа. бхаг̇аванд̇ам̣, бханд̇з, ааг̇амма махаабаж̇аабад̇и г̇од̇амий д̣̇угкз нигган̇каа, д̣̇угкасамуд̣̇аяз нигган̇каа, д̣̇угканирод̇хз нигган̇каа, д̣̇угканирод̇хаг̇ааминияаа бадибад̣̇ааяа нигган̇каа. бхаг̇авааби, бханд̇з, б̣ахуубагааро махаабаж̇аабад̇ияаа г̇од̇амияаа’’д̇и.
377. Evaṃ vutte, āyasmā ānando bhagavantaṃ etadavoca – ‘‘paṭiggaṇhātu, bhante, bhagavā mahāpajāpatiyā gotamiyā navaṃ dussayugaṃ. Bahūpakārā 4, bhante, mahāpajāpati gotamī bhagavato mātucchā āpādikā posikā khīrassa dāyikā; bhagavantaṃ janettiyā kālaṅkatāya thaññaṃ pāyesi. Bhagavāpi, bhante, bahūpakāro mahāpajāpatiyā gotamiyā. Bhagavantaṃ, bhante, āgamma mahāpajāpati gotamī buddhaṃ saraṇaṃ gatā, dhammaṃ saraṇaṃ gatā, saṅghaṃ saraṇaṃ gatā. Bhagavantaṃ, bhante, āgamma mahāpajāpati gotamī pāṇātipātā paṭiviratā adinnādānā paṭiviratā kāmesumicchācārā paṭiviratā musāvādā paṭiviratā surāmerayamajjapamādaṭṭhānā paṭiviratā. Bhagavantaṃ, bhante, āgamma mahāpajāpati gotamī buddhe aveccappasādena samannāgatā , dhamme aveccappasādena samannāgatā, saṅghe aveccappasādena samannāgatā ariyakantehi sīlehi samannāgatā. Bhagavantaṃ, bhante, āgamma mahāpajāpati gotamī dukkhe nikkaṅkhā, dukkhasamudaye nikkaṅkhā, dukkhanirodhe nikkaṅkhā, dukkhanirodhagāminiyā paṭipadāya nikkaṅkhā. Bhagavāpi, bhante, bahūpakāro mahāpajāpatiyā gotamiyā’’ti.
378. ‘‘звамзд̇ам̣ , аананд̣̇а. яам̣ хаананд̣̇а, буг̇г̇ало буг̇г̇алам̣ ааг̇амма б̣уд̣̇д̇хам̣ саран̣ам̣ г̇ад̇о ход̇и, д̇хаммам̣ саран̣ам̣ г̇ад̇о ход̇и, сан̇гхам̣ саран̣ам̣ г̇ад̇о ход̇и, имассаананд̣̇а, буг̇г̇аласса иминаа буг̇г̇алзна на суббад̇игаарам̣ вад̣̇аами, яад̣̇ид̣̇ам̣ – абхиваад̣̇ана-бажжудтаана-ан̃ж̇алигамма саамийжигаммажийварабин̣д̣абаад̇асзнаасанаг̇илаа- наббажжаяабхзсаж̇ж̇абаригкаараануббад̣̇аанзна.
378. ‘‘Evametaṃ , ānanda. Yaṃ hānanda, puggalo puggalaṃ āgamma buddhaṃ saraṇaṃ gato hoti, dhammaṃ saraṇaṃ gato hoti, saṅghaṃ saraṇaṃ gato hoti, imassānanda, puggalassa iminā puggalena na suppatikāraṃ vadāmi, yadidaṃ – abhivādana-paccuṭṭhāna-añjalikamma sāmīcikammacīvarapiṇḍapātasenāsanagilā- nappaccayabhesajjaparikkhārānuppadānena.
‘‘яам̣ хаананд̣̇а, буг̇г̇ало буг̇г̇алам̣ ааг̇амма баан̣аад̇ибаад̇аа бадивирад̇о ход̇и, ад̣̇иннаад̣̇аанаа бадивирад̇о ход̇и, гаамзсумижчаажаараа бадивирад̇о ход̇и, мусааваад̣̇аа бадивирад̇о ход̇и, сураамзраяамаж̇ж̇абамаад̣̇адтаанаа бадивирад̇о ход̇и, имассаананд̣̇а, буг̇г̇аласса иминаа буг̇г̇алзна на суббад̇игаарам̣ вад̣̇аами, яад̣̇ид̣̇ам̣ – абхиваад̣̇ана-бажжудтаана-ан̃ж̇алигамма-саамийжигаммажийварабин̣д̣абаад̇асзнаасанаг̇илаа- наббажжаяабхзсаж̇ж̇абаригкаараануббад̣̇аанзна.
‘‘Yaṃ hānanda, puggalo puggalaṃ āgamma pāṇātipātā paṭivirato hoti, adinnādānā paṭivirato hoti, kāmesumicchācārā paṭivirato hoti, musāvādā paṭivirato hoti, surāmerayamajjapamādaṭṭhānā paṭivirato hoti, imassānanda, puggalassa iminā puggalena na suppatikāraṃ vadāmi, yadidaṃ – abhivādana-paccuṭṭhāna-añjalikamma-sāmīcikammacīvarapiṇḍapātasenāsanagilā- nappaccayabhesajjaparikkhārānuppadānena.
‘‘яам̣ хаананд̣̇а, буг̇г̇ало буг̇г̇алам̣ ааг̇амма б̣уд̣̇д̇хз авзжжаббасаад̣̇зна саманнааг̇ад̇о ход̇и, д̇хаммз… сан̇гхз… арияаганд̇зхи сийлзхи саманнааг̇ад̇о ход̇и, имассаананд̣̇а, буг̇г̇аласса иминаа буг̇г̇алзна на суббад̇игаарам̣ вад̣̇аами, яад̣̇ид̣̇ам̣ – абхиваад̣̇ана-бажжудтаана-ан̃ж̇алигамма-саамийжигаммажийварабин̣д̣абаад̇асзнаасанаг̇илаа- наббажжаяабхзсаж̇ж̇абаригкаараануббад̣̇аанзна.
‘‘Yaṃ hānanda, puggalo puggalaṃ āgamma buddhe aveccappasādena samannāgato hoti, dhamme… saṅghe… ariyakantehi sīlehi samannāgato hoti, imassānanda, puggalassa iminā puggalena na suppatikāraṃ vadāmi, yadidaṃ – abhivādana-paccuṭṭhāna-añjalikamma-sāmīcikammacīvarapiṇḍapātasenāsanagilā- nappaccayabhesajjaparikkhārānuppadānena.
‘‘яам̣ хаананд̣̇а, буг̇г̇ало буг̇г̇алам̣ ааг̇амма д̣̇угкз нигган̇ко ход̇и, д̣̇угкасамуд̣̇аяз нигган̇ко ход̇и, д̣̇угканирод̇хз нигган̇ко ход̇и, д̣̇угканирод̇хаг̇ааминияаа бадибад̣̇ааяа нигган̇ко ход̇и, имассаананд̣̇а, буг̇г̇аласса иминаа буг̇г̇алзна на суббад̇игаарам̣ вад̣̇аами, яад̣̇ид̣̇ам̣ – абхиваад̣̇ана-бажжудтаанаан̃ж̇алигамма-саамийжигамма-жийварабин̣д̣абаад̇асзнаасанаг̇илаа- наббажжаяабхзсаж̇ж̇абаригкаараануббад̣̇аанзна.
‘‘Yaṃ hānanda, puggalo puggalaṃ āgamma dukkhe nikkaṅkho hoti, dukkhasamudaye nikkaṅkho hoti, dukkhanirodhe nikkaṅkho hoti, dukkhanirodhagāminiyā paṭipadāya nikkaṅkho hoti, imassānanda, puggalassa iminā puggalena na suppatikāraṃ vadāmi, yadidaṃ – abhivādana-paccuṭṭhānaañjalikamma-sāmīcikamma-cīvarapiṇḍapātasenāsanagilā- nappaccayabhesajjaparikkhārānuppadānena.
379. ‘‘жуд̣̇д̣̇аса ко банимаананд̣̇а, баадибуг̇г̇алигаа д̣̇агкин̣аа. гад̇амаа жуд̣̇д̣̇аса? д̇ат̇ааг̇ад̇з араханд̇з саммаасамб̣уд̣̇д̇хз д̣̇аанам̣ д̣̇зд̇и – аяам̣ батамаа баадибуг̇г̇алигаа д̣̇агкин̣аа. бажжзгасамб̣уд̣̇д̇хз 5 д̣̇аанам̣ д̣̇зд̇и – аяам̣ д̣̇уд̇ияаа баадибуг̇г̇алигаа д̣̇агкин̣аа. д̇ат̇ааг̇ад̇асаавагз араханд̇з д̣̇аанам̣ д̣̇зд̇и – аяам̣ д̇ад̇ияаа баадибуг̇г̇алигаа д̣̇агкин̣аа. арахад̇д̇апаласажчигирияааяа бадибаннз д̣̇аанам̣ д̣̇зд̇и – аяам̣ жад̇уд̇т̇ий баадибуг̇г̇алигаа д̣̇агкин̣аа. анааг̇аамисса д̣̇аанам̣ д̣̇зд̇и – аяам̣ бан̃жамий баадибуг̇г̇алигаа д̣̇агкин̣аа. анааг̇аамипаласажчигирияааяа бадибаннз д̣̇аанам̣ д̣̇зд̇и – аяам̣ чадтий баадибуг̇г̇алигаа д̣̇агкин̣аа. сагад̣̇ааг̇аамисса д̣̇аанам̣ д̣̇зд̇и – аяам̣ сад̇д̇амий баадибуг̇г̇алигаа д̣̇агкин̣аа. сагад̣̇ааг̇аамипаласажчигирияааяа бадибаннз д̣̇аанам̣ д̣̇зд̇и – аяам̣ адтамий баадибуг̇г̇алигаа д̣̇агкин̣аа. сод̇аабаннз д̣̇аанам̣ д̣̇зд̇и – аяам̣ навамий баадибуг̇г̇алигаа д̣̇агкин̣аа. сод̇аабад̇д̇ипаласажчигирияааяа бадибаннз д̣̇аанам̣ д̣̇зд̇и – аяам̣ д̣̇асамий баадибуг̇г̇алигаа д̣̇агкин̣аа. б̣аахирагз гаамзсу вийд̇арааг̇з д̣̇аанам̣ д̣̇зд̇и – аяам̣ згаад̣̇асамий баадибуг̇г̇алигаа д̣̇агкин̣аа. бут̇уж̇ж̇анасийлаванд̇з д̣̇аанам̣ д̣̇зд̇и – аяам̣ д̣̇ваад̣̇асамий баадибуг̇г̇алигаа д̣̇агкин̣аа. бут̇уж̇ж̇анад̣̇уссийлз д̣̇аанам̣ д̣̇зд̇и – аяам̣ д̇зрасамий баадибуг̇г̇алигаа д̣̇агкин̣аа. д̇иражчаанаг̇ад̇з д̣̇аанам̣ д̣̇зд̇и – аяам̣ жуд̣̇д̣̇асамий баадибуг̇г̇алигаа д̣̇агкин̣аад̇и.
379. ‘‘Cuddasa kho panimānanda, pāṭipuggalikā dakkhiṇā. Katamā cuddasa? Tathāgate arahante sammāsambuddhe dānaṃ deti – ayaṃ paṭhamā pāṭipuggalikā dakkhiṇā. Paccekasambuddhe 6 dānaṃ deti – ayaṃ dutiyā pāṭipuggalikā dakkhiṇā. Tathāgatasāvake arahante dānaṃ deti – ayaṃ tatiyā pāṭipuggalikā dakkhiṇā. Arahattaphalasacchikiriyāya paṭipanne dānaṃ deti – ayaṃ catutthī pāṭipuggalikā dakkhiṇā. Anāgāmissa dānaṃ deti – ayaṃ pañcamī pāṭipuggalikā dakkhiṇā. Anāgāmiphalasacchikiriyāya paṭipanne dānaṃ deti – ayaṃ chaṭṭhī pāṭipuggalikā dakkhiṇā. Sakadāgāmissa dānaṃ deti – ayaṃ sattamī pāṭipuggalikā dakkhiṇā. Sakadāgāmiphalasacchikiriyāya paṭipanne dānaṃ deti – ayaṃ aṭṭhamī pāṭipuggalikā dakkhiṇā. Sotāpanne dānaṃ deti – ayaṃ navamī pāṭipuggalikā dakkhiṇā. Sotāpattiphalasacchikiriyāya paṭipanne dānaṃ deti – ayaṃ dasamī pāṭipuggalikā dakkhiṇā. Bāhirake kāmesu vītarāge dānaṃ deti – ayaṃ ekādasamī pāṭipuggalikā dakkhiṇā. Puthujjanasīlavante dānaṃ deti – ayaṃ dvādasamī pāṭipuggalikā dakkhiṇā. Puthujjanadussīle dānaṃ deti – ayaṃ terasamī pāṭipuggalikā dakkhiṇā. Tiracchānagate dānaṃ deti – ayaṃ cuddasamī pāṭipuggalikā dakkhiṇāti.
‘‘д̇ад̇раананд̣̇а, д̇иражчаанаг̇ад̇з д̣̇аанам̣ д̣̇ад̇ваа сад̇аг̇ун̣аа д̣̇агкин̣аа баадиган̇кид̇аб̣б̣аа, бут̇уж̇ж̇анад̣̇уссийлз д̣̇аанам̣ д̣̇ад̇ваа сахассаг̇ун̣аа д̣̇агкин̣аа баадиган̇кид̇аб̣б̣аа, бут̇уж̇ж̇анасийлаванд̇з д̣̇аанам̣ д̣̇ад̇ваа сад̇асахассаг̇ун̣аа д̣̇агкин̣аа баадиган̇кид̇аб̣б̣аа, б̣аахирагз гаамзсу вийд̇арааг̇з д̣̇аанам̣ д̣̇ад̇ваа годисад̇асахассаг̇ун̣аа д̣̇агкин̣аа баадиган̇кид̇аб̣б̣аа, сод̇аабад̇д̇ипаласажчигирияааяа бадибаннз д̣̇аанам̣ д̣̇ад̇ваа асан̇кзяяаа аббамзяяаа д̣̇агкин̣аа баадиган̇кид̇аб̣б̣аа, го бана ваад̣̇о сод̇аабаннз, го бана ваад̣̇о сагад̣̇ааг̇аамипаласажчигирияааяа бадибаннз, го бана ваад̣̇о сагад̣̇ааг̇аамисса, го бана ваад̣̇о анааг̇аамипаласажчигирияааяа бадибаннз, го бана ваад̣̇о анааг̇аамисса, го бана ваад̣̇о арахад̇д̇апаласажчигирияааяа бадибаннз, го бана ваад̣̇о араханд̇з, го бана ваад̣̇о бажжзгасамб̣уд̣̇д̇хз, го бана ваад̣̇о д̇ат̇ааг̇ад̇з араханд̇з саммаасамб̣уд̣̇д̇хз!
‘‘Tatrānanda, tiracchānagate dānaṃ datvā sataguṇā dakkhiṇā pāṭikaṅkhitabbā, puthujjanadussīle dānaṃ datvā sahassaguṇā dakkhiṇā pāṭikaṅkhitabbā, puthujjanasīlavante dānaṃ datvā satasahassaguṇā dakkhiṇā pāṭikaṅkhitabbā, bāhirake kāmesu vītarāge dānaṃ datvā koṭisatasahassaguṇā dakkhiṇā pāṭikaṅkhitabbā, sotāpattiphalasacchikiriyāya paṭipanne dānaṃ datvā asaṅkheyyā appameyyā dakkhiṇā pāṭikaṅkhitabbā, ko pana vādo sotāpanne, ko pana vādo sakadāgāmiphalasacchikiriyāya paṭipanne, ko pana vādo sakadāgāmissa, ko pana vādo anāgāmiphalasacchikiriyāya paṭipanne, ko pana vādo anāgāmissa, ko pana vādo arahattaphalasacchikiriyāya paṭipanne, ko pana vādo arahante, ko pana vādo paccekasambuddhe, ko pana vādo tathāgate arahante sammāsambuddhe!
380. ‘‘сад̇д̇а ко банимаананд̣̇а, сан̇гхаг̇ад̇аа д̣̇агкин̣аа. гад̇амаа сад̇д̇а? б̣уд̣̇д̇хаббамукз убхад̇осан̇гхз д̣̇аанам̣ д̣̇зд̇и – аяам̣ батамаа сан̇гхаг̇ад̇аа д̣̇агкин̣аа. д̇ат̇ааг̇ад̇з бариниб̣б̣уд̇з убхад̇осан̇гхз д̣̇аанам̣ д̣̇зд̇и – аяам̣ д̣̇уд̇ияаа сан̇гхаг̇ад̇аа д̣̇агкин̣аа. бхигкусан̇гхз д̣̇аанам̣ д̣̇зд̇и – аяам̣ д̇ад̇ияаа сан̇гхаг̇ад̇аа д̣̇агкин̣аа. бхигкунисан̇гхз д̣̇аанам̣ д̣̇зд̇и – аяам̣ жад̇уд̇т̇ий сан̇гхаг̇ад̇аа д̣̇агкин̣аа. ‘зд̇д̇агаа мз бхигкуу жа бхигкунияо жа сан̇гхад̇о уд̣̇д̣̇иссат̇аа’д̇и д̣̇аанам̣ д̣̇зд̇и – аяам̣ бан̃жамий сан̇гхаг̇ад̇аа д̣̇агкин̣аа. ‘зд̇д̇агаа мз бхигкуу сан̇гхад̇о уд̣̇д̣̇иссат̇аа’д̇и д̣̇аанам̣ д̣̇зд̇и – аяам̣ чадтий сан̇гхаг̇ад̇аа д̣̇агкин̣аа. ‘зд̇д̇агаа мз бхигкунияо сан̇гхад̇о уд̣̇д̣̇иссат̇аа’д̇и д̣̇аанам̣ д̣̇зд̇и – аяам̣ сад̇д̇амий сан̇гхаг̇ад̇аа д̣̇агкин̣аа.
380. ‘‘Satta kho panimānanda, saṅghagatā dakkhiṇā. Katamā satta? Buddhappamukhe ubhatosaṅghe dānaṃ deti – ayaṃ paṭhamā saṅghagatā dakkhiṇā. Tathāgate parinibbute ubhatosaṅghe dānaṃ deti – ayaṃ dutiyā saṅghagatā dakkhiṇā. Bhikkhusaṅghe dānaṃ deti – ayaṃ tatiyā saṅghagatā dakkhiṇā. Bhikkhunisaṅghe dānaṃ deti – ayaṃ catutthī saṅghagatā dakkhiṇā. ‘Ettakā me bhikkhū ca bhikkhuniyo ca saṅghato uddissathā’ti dānaṃ deti – ayaṃ pañcamī saṅghagatā dakkhiṇā. ‘Ettakā me bhikkhū saṅghato uddissathā’ti dānaṃ deti – ayaṃ chaṭṭhī saṅghagatā dakkhiṇā. ‘Ettakā me bhikkhuniyo saṅghato uddissathā’ti dānaṃ deti – ayaṃ sattamī saṅghagatā dakkhiṇā.
‘‘бхависсанд̇и ко банаананд̣̇а, анааг̇ад̇амад̣̇д̇хаанам̣ г̇од̇рабхуно гаасааваган̣таа д̣̇уссийлаа баабад̇хаммаа. д̇зсу д̣̇уссийлзсу сан̇гхам̣ уд̣̇д̣̇исса д̣̇аанам̣ д̣̇ассанд̇и. д̇ад̣̇аабаахам̣, аананд̣̇а, сан̇гхаг̇ад̇ам̣ д̣̇агкин̣ам̣ асан̇кзяяам̣ аббамзяяам̣ вад̣̇аами. на д̇взваахам̣, аананд̣̇а, гзнажи барияааязна сан̇гхаг̇ад̇ааяа д̣̇агкин̣ааяа баадибуг̇г̇алигам̣ д̣̇аанам̣ махабпалад̇арам̣ вад̣̇аами.
‘‘Bhavissanti kho panānanda, anāgatamaddhānaṃ gotrabhuno kāsāvakaṇṭhā dussīlā pāpadhammā. Tesu dussīlesu saṅghaṃ uddissa dānaṃ dassanti. Tadāpāhaṃ, ānanda, saṅghagataṃ dakkhiṇaṃ asaṅkheyyaṃ appameyyaṃ vadāmi. Na tvevāhaṃ, ānanda, kenaci pariyāyena saṅghagatāya dakkhiṇāya pāṭipuggalikaṃ dānaṃ mahapphalataraṃ vadāmi.
381. ‘‘жад̇ассо ко имаа, аананд̣̇а, д̣̇агкин̣аа висуд̣̇д̇хияо. гад̇амаа жад̇ассо? ад̇т̇аананд̣̇а, д̣̇агкин̣аа д̣̇ааяагад̇о висуж̇жхад̇и но бадиг̇г̇аахагад̇о. ад̇т̇аананд̣̇а, д̣̇агкин̣аа бадиг̇г̇аахагад̇о висуж̇жхад̇и но д̣̇ааяагад̇о. ад̇т̇аананд̣̇а, д̣̇агкин̣аа нзва д̣̇ааяагад̇о висуж̇жхад̇и но бадиг̇г̇аахагад̇о. ад̇т̇аананд̣̇а, д̣̇агкин̣аа д̣̇ааяагад̇о жзва висуж̇жхад̇и бадиг̇г̇аахагад̇о жа.
381. ‘‘Catasso kho imā, ānanda, dakkhiṇā visuddhiyo. Katamā catasso? Atthānanda, dakkhiṇā dāyakato visujjhati no paṭiggāhakato. Atthānanda, dakkhiṇā paṭiggāhakato visujjhati no dāyakato. Atthānanda, dakkhiṇā neva dāyakato visujjhati no paṭiggāhakato. Atthānanda, dakkhiṇā dāyakato ceva visujjhati paṭiggāhakato ca.
‘‘гат̇ан̃жаананд̣̇а, д̣̇агкин̣аа д̣̇ааяагад̇о висуж̇жхад̇и но бадиг̇г̇аахагад̇о? ид̇хаананд̣̇а, д̣̇ааяаго ход̇и сийлаваа галяаан̣ад̇хаммо, бадиг̇г̇аахагаа хонд̇и д̣̇уссийлаа баабад̇хаммаа – звам̣ ко, аананд̣̇а, д̣̇агкин̣аа д̣̇ааяагад̇о висуж̇жхад̇и но бадиг̇г̇аахагад̇о.
‘‘Kathañcānanda, dakkhiṇā dāyakato visujjhati no paṭiggāhakato? Idhānanda, dāyako hoti sīlavā kalyāṇadhammo, paṭiggāhakā honti dussīlā pāpadhammā – evaṃ kho, ānanda, dakkhiṇā dāyakato visujjhati no paṭiggāhakato.
‘‘гат̇ан̃жаананд̣̇а, д̣̇агкин̣аа бадиг̇г̇аахагад̇о висуж̇жхад̇и но д̣̇ааяагад̇о? ид̇хаананд̣̇а, д̣̇ааяаго ход̇и д̣̇уссийло баабад̇хаммо, бадиг̇г̇аахагаа хонд̇и сийлаванд̇о 7 галяаан̣ад̇хаммаа – звам̣ ко, аананд̣̇а, д̣̇агкин̣аа бадиг̇г̇аахагад̇о висуж̇жхад̇и но д̣̇ааяагад̇о.
‘‘Kathañcānanda, dakkhiṇā paṭiggāhakato visujjhati no dāyakato? Idhānanda, dāyako hoti dussīlo pāpadhammo, paṭiggāhakā honti sīlavanto 8 kalyāṇadhammā – evaṃ kho, ānanda, dakkhiṇā paṭiggāhakato visujjhati no dāyakato.
‘‘гат̇ан̃жаананд̣̇а, д̣̇агкин̣аа нзва д̣̇ааяагад̇о висуж̇жхад̇и но бадиг̇г̇аахагад̇о? ид̇хаананд̣̇а, д̣̇ааяаго жа ход̇и д̣̇уссийло баабад̇хаммо, бадиг̇г̇аахагаа жа хонд̇и д̣̇уссийлаа баабад̇хаммаа – звам̣ ко, аананд̣̇а, д̣̇агкин̣аа нзва д̣̇ааяагад̇о висуж̇жхад̇и но бадиг̇г̇аахагад̇о.
‘‘Kathañcānanda, dakkhiṇā neva dāyakato visujjhati no paṭiggāhakato? Idhānanda, dāyako ca hoti dussīlo pāpadhammo, paṭiggāhakā ca honti dussīlā pāpadhammā – evaṃ kho, ānanda, dakkhiṇā neva dāyakato visujjhati no paṭiggāhakato.
‘‘гат̇ан̃жаананд̣̇а, д̣̇агкин̣аа д̣̇ааяагад̇о жзва висуж̇жхад̇и бадиг̇г̇аахагад̇о жа? ид̇хаананд̣̇а, д̣̇ааяаго жа ход̇и сийлаваа галяаан̣ад̇хаммо, бадиг̇г̇аахагаа жа хонд̇и сийлаванд̇о галяаан̣ад̇хаммаа – звам̣ ко, аананд̣̇а, д̣̇агкин̣аа д̣̇ааяагад̇о жзва висуж̇жхад̇и бадиг̇г̇аахагад̇о жа. имаа ко, аананд̣̇а, жад̇ассо д̣̇агкин̣аа висуд̣̇д̇хияо’’д̇и.
‘‘Kathañcānanda, dakkhiṇā dāyakato ceva visujjhati paṭiggāhakato ca? Idhānanda, dāyako ca hoti sīlavā kalyāṇadhammo, paṭiggāhakā ca honti sīlavanto kalyāṇadhammā – evaṃ kho, ānanda, dakkhiṇā dāyakato ceva visujjhati paṭiggāhakato ca. Imā kho, ānanda, catasso dakkhiṇā visuddhiyo’’ti.
ид̣̇амавожа бхаг̇аваа. ид̣̇ам̣ вад̇ваана суг̇ад̇о ат̇аабарам̣ зд̇ад̣̇авожа сад̇т̇аа –
Idamavoca bhagavā. Idaṃ vatvāna sugato athāparaṃ etadavoca satthā –
382.
382.
‘‘яо сийлаваа д̣̇уссийлзсу д̣̇ад̣̇аад̇и д̣̇аанам̣,
‘‘Yo sīlavā dussīlesu dadāti dānaṃ,
абхисад̣̇д̣̇ахам̣ гаммапалам̣ ул̣аарам̣,
Abhisaddahaṃ kammaphalaṃ uḷāraṃ,
саа д̣̇агкин̣аа д̣̇ааяагад̇о висуж̇жхад̇и.
Sā dakkhiṇā dāyakato visujjhati.
‘‘яо д̣̇уссийло сийлаванд̇зсу д̣̇ад̣̇аад̇и д̣̇аанам̣,
‘‘Yo dussīlo sīlavantesu dadāti dānaṃ,
ад̇хаммзна лад̣̇д̇хам̣ аббасаннажид̇д̇о;
Adhammena laddhaṃ appasannacitto;
анабхисад̣̇д̣̇ахам̣ гаммапалам̣ ул̣аарам̣,
Anabhisaddahaṃ kammaphalaṃ uḷāraṃ,
саа д̣̇агкин̣аа бадиг̇г̇аахагад̇о висуж̇жхад̇и.
Sā dakkhiṇā paṭiggāhakato visujjhati.
‘‘яо д̣̇уссийло д̣̇уссийлзсу д̣̇ад̣̇аад̇и д̣̇аанам̣,
‘‘Yo dussīlo dussīlesu dadāti dānaṃ,
ад̇хаммзна лад̣̇д̇хам̣ аббасаннажид̇д̇о;
Adhammena laddhaṃ appasannacitto;
анабхисад̣̇д̣̇ахам̣ гаммапалам̣ ул̣аарам̣,
Anabhisaddahaṃ kammaphalaṃ uḷāraṃ,
на д̇ам̣ д̣̇аанам̣ вибулабпаланд̇и б̣рууми.
Na taṃ dānaṃ vipulapphalanti brūmi.
‘‘яо сийлаваа сийлаванд̇зсу д̣̇ад̣̇аад̇и д̣̇аанам̣,
‘‘Yo sīlavā sīlavantesu dadāti dānaṃ,
д̇хаммзна лад̣̇д̇хам̣ субасаннажид̇д̇о;
Dhammena laddhaṃ supasannacitto;
абхисад̣̇д̣̇ахам̣ гаммапалам̣ ул̣аарам̣,
Abhisaddahaṃ kammaphalaṃ uḷāraṃ,
‘‘яо вийд̇арааг̇о вийд̇арааг̇зсу д̣̇ад̣̇аад̇и д̣̇аанам̣,
‘‘Yo vītarāgo vītarāgesu dadāti dānaṃ,
д̇хаммзна лад̣̇д̇хам̣ субасаннажид̇д̇о;
Dhammena laddhaṃ supasannacitto;
абхисад̣̇д̣̇ахам̣ гаммапалам̣ ул̣аарам̣,
Abhisaddahaṃ kammaphalaṃ uḷāraṃ,
д̣̇агкин̣аавибхан̇г̇асуд̇д̇ам̣ нидтид̇ам̣ д̣̇ваад̣̇асамам̣.
Dakkhiṇāvibhaṅgasuttaṃ niṭṭhitaṃ dvādasamaṃ.
вибхан̇г̇аваг̇г̇о нидтид̇о жад̇уд̇т̇о.
Vibhaṅgavaggo niṭṭhito catuttho.
д̇ассуд̣̇д̣̇аанам̣ –
Tassuddānaṃ –
бхад̣̇д̣̇згаананд̣̇агажжаана, ломасаган̇г̇ияаасубхо;
Bhaddekānandakaccāna, lomasakaṅgiyāsubho;
махаагаммасал̣ааяад̇анавибхан̇г̇аа, уд̣̇д̣̇зсааран̣аа д̇хаад̇у сажжам̣.
Mahākammasaḷāyatanavibhaṅgā, uddesaaraṇā dhātu saccaṃ.
д̣̇агкин̣аавибхан̇г̇асуд̇д̇анд̇и.
Dakkhiṇāvibhaṅgasuttanti.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 12. д̣̇агкин̣аавибхан̇г̇асуд̇д̇аван̣н̣анаа • 12. Dakkhiṇāvibhaṅgasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 12. д̣̇агкин̣аавибхан̇г̇асуд̇д̇аван̣н̣анаа • 12. Dakkhiṇāvibhaṅgasuttavaṇṇanā
