| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
12. д̣̇агкин̣аавибхан̇г̇асуд̇д̇аван̣н̣анаа
12. Dakkhiṇāvibhaṅgasuttavaṇṇanā
376. звам̣ мз суд̇анд̇и д̣̇агкин̣аавибхан̇г̇асуд̇д̇ам̣. д̇ад̇т̇а махаабаж̇аабад̇и г̇од̇амийд̇и г̇од̇амийд̇и г̇од̇д̇ам̣. наамагаран̣ад̣̇ивасз банассаа лад̣̇д̇хасаггаараа б̣раахман̣аа лагкан̣асамбад̇д̇им̣ д̣̇исваа – ‘‘сажз аяам̣ д̇хийд̇арам̣ лабхиссад̇и, жаггавад̇д̇иран̃н̃о аг̇г̇амахзсий бхависсад̇и. сажз буд̇д̇ам̣ лабхиссад̇и, жаггавад̇д̇ирааж̇аа бхависсад̇ийд̇и убхаяат̇ааби махад̇ийязвассаа баж̇аа бхависсад̇ий’’д̇и б̣яаагарим̣су. ат̇ассаа махаабаж̇аабад̇ийд̇и наамам̣ агам̣су. ид̇ха бана г̇од̇д̇зна сад̣̇д̇хим̣ сам̣санд̣̇ид̇ваа махаабаж̇аабад̇иг̇од̇амийд̇и вуд̇д̇ам̣. наванд̇и ахад̇ам̣. саамам̣ вааяид̇анд̇и на сахад̇т̇знзва вааяид̇ам̣, згад̣̇ивасам̣ бана д̇хаад̇иг̇ан̣абаривуд̇аа сиббигаанам̣ вааяанадтаанам̣ ааг̇анд̇ваа взмагодим̣ г̇ахзд̇ваа вааяанаагаарам̣ агааси. д̇ам̣ санд̇хааязд̇ам̣ вуд̇д̇ам̣.
376.Evaṃme sutanti dakkhiṇāvibhaṅgasuttaṃ. Tattha mahāpajāpati gotamīti gotamīti gottaṃ. Nāmakaraṇadivase panassā laddhasakkārā brāhmaṇā lakkhaṇasampattiṃ disvā – ‘‘sace ayaṃ dhītaraṃ labhissati, cakkavattirañño aggamahesī bhavissati. Sace puttaṃ labhissati, cakkavattirājā bhavissatīti ubhayathāpi mahatīyevassā pajā bhavissatī’’ti byākariṃsu. Athassā mahāpajāpatīti nāmaṃ akaṃsu. Idha pana gottena saddhiṃ saṃsanditvā mahāpajāpatigotamīti vuttaṃ. Navanti ahataṃ. Sāmaṃ vāyitanti na sahattheneva vāyitaṃ, ekadivasaṃ pana dhātigaṇaparivutā sippikānaṃ vāyanaṭṭhānaṃ āgantvā vemakoṭiṃ gahetvā vāyanākāraṃ akāsi. Taṃ sandhāyetaṃ vuttaṃ.
гад̣̇аа бана г̇од̇амияаа бхаг̇авад̇о д̣̇уссаяуг̇ам̣ д̣̇аад̇ум̣ жид̇д̇ам̣ уббаннанд̇и. абхисамб̣од̇хим̣ бад̇ваа батамаг̇аманзна габилабурам̣ ааг̇ад̇агаалз. д̇ад̣̇аа хи бин̣д̣ааяа бавидтам̣ сад̇т̇аарам̣ г̇ахзд̇ваа суд̣̇д̇ход̣̇анамахаарааж̇аа сагам̣ нивзсанам̣ бавзсзси, ат̇а бхаг̇авад̇о руубасобхаг̇г̇ам̣ д̣̇исваа махаабаж̇аабад̇иг̇од̇амий жинд̇зси – ‘‘собхад̇и вад̇а мз буд̇д̇асса ад̇д̇абхааво’’д̇и. ат̇ассаа б̣алавасоманассам̣ уббаж̇ж̇и. д̇ад̇о жинд̇зси – ‘‘мама буд̇д̇асса згуунад̇им̣са вассаани аг̇аарамаж̇жхз васанд̇асса анд̇амасо можапаламад̇д̇амби маяаа д̣̇иннагамзва ахоси, ид̣̇аанибисса жийварасаадагам̣ д̣̇ассаамий’’д̇и. ‘‘имасмим̣ ко бана рааж̇аг̇зхз б̣ахууни махаг̇гхаани вад̇т̇аани ад̇т̇и, д̇аани мам̣ на д̇осзнд̇и, сахад̇т̇аа гад̇амзва мам̣ д̇осзд̇и, сахад̇т̇аа гад̇ваа д̣̇ассаамий’’д̇и жид̇д̇ам̣ уббаад̣̇зси.
Kadā pana gotamiyā bhagavato dussayugaṃ dātuṃ cittaṃ uppannanti. Abhisambodhiṃ patvā paṭhamagamanena kapilapuraṃ āgatakāle. Tadā hi piṇḍāya paviṭṭhaṃ satthāraṃ gahetvā suddhodanamahārājā sakaṃ nivesanaṃ pavesesi, atha bhagavato rūpasobhaggaṃ disvā mahāpajāpatigotamī cintesi – ‘‘sobhati vata me puttassa attabhāvo’’ti. Athassā balavasomanassaṃ uppajji. Tato cintesi – ‘‘mama puttassa ekūnatiṃsa vassāni agāramajjhe vasantassa antamaso mocaphalamattampi mayā dinnakameva ahosi, idānipissa cīvarasāṭakaṃ dassāmī’’ti. ‘‘Imasmiṃ kho pana rājagehe bahūni mahagghāni vatthāni atthi, tāni maṃ na tosenti, sahatthā katameva maṃ toseti, sahatthā katvā dassāmī’’ti cittaṃ uppādesi.
ат̇анд̇араабан̣аа габбаасам̣ аахараабзд̇ваа сахад̇т̇знзва бисид̇ваа бот̇зд̇ваа сукумасуд̇д̇ам̣ ганд̇ид̇ваа анд̇овад̇т̇усмим̣язва саалам̣ гаараабзд̇ваа сиббигз баггосаабзд̇ваа сиббигаанам̣ ад̇д̇ано барибхог̇акаад̣̇анийяабхож̇анийяамзва д̣̇ад̇ваа вааяаабзси, гаалаанугаалан̃жа д̇хаад̇иг̇ан̣абаривуд̇аа г̇анд̇ваа взмагодим̣ аг̇г̇ахзси. нидтид̇агаалз сиббигаанам̣ махаасаггаарам̣ гад̇ваа д̣̇уссаяуг̇ам̣ г̇анд̇хасамуг̇г̇з багкибид̇ваа ваасам̣ г̇аахаабзд̇ваа – ‘‘маяхам̣ буд̇д̇асса жийварасаадагам̣ г̇ахзд̇ваа г̇амиссаамий’’д̇и ран̃н̃о аарожзси . рааж̇аа маг̇г̇ам̣ бадияаад̣̇аабзси, вийт̇ияо саммаж̇ж̇ид̇ваа бун̣н̣агхадз табзд̇ваа д̇хаж̇абадаагаа уссаабзд̇ваа рааж̇агхарад̣̇ваарад̇о бадтааяа яаава ниг̇род̇хаараамаа маг̇г̇ам̣ бадияаад̣̇аабзд̇ваа бубпаабхигин̣н̣ам̣ агам̣су. махаабаж̇аабад̇иби саб̣б̣аалан̇гаарам̣ алан̇гарид̇ваа д̇хаад̇иг̇ан̣абаривуд̇аа самуг̇г̇ам̣ сийсз табзд̇ваа бхаг̇авад̇о санд̇игам̣ г̇анд̇ваа ид̣̇ам̣ мз, бханд̇з, навам̣ д̣̇уссаяуг̇анд̇иаад̣̇имааха.
Athantarāpaṇā kappāsaṃ āharāpetvā sahattheneva pisitvā pothetvā sukhumasuttaṃ kantitvā antovatthusmiṃyeva sālaṃ kārāpetvā sippike pakkosāpetvā sippikānaṃ attano paribhogakhādanīyabhojanīyameva datvā vāyāpesi, kālānukālañca dhātigaṇaparivutā gantvā vemakoṭiṃ aggahesi. Niṭṭhitakāle sippikānaṃ mahāsakkāraṃ katvā dussayugaṃ gandhasamugge pakkhipitvā vāsaṃ gāhāpetvā – ‘‘mayhaṃ puttassa cīvarasāṭakaṃ gahetvā gamissāmī’’ti rañño ārocesi . Rājā maggaṃ paṭiyādāpesi, vīthiyo sammajjitvā puṇṇaghaṭe ṭhapetvā dhajapaṭākā ussāpetvā rājagharadvārato paṭṭhāya yāva nigrodhārāmā maggaṃ paṭiyādāpetvā pupphābhikiṇṇaṃ akaṃsu. Mahāpajāpatipi sabbālaṅkāraṃ alaṅkaritvā dhātigaṇaparivutā samuggaṃ sīse ṭhapetvā bhagavato santikaṃ gantvā idaṃ me, bhante, navaṃ dussayugantiādimāha.
д̣̇уд̇ияамби код̇и ‘‘сан̇гхз г̇од̇ами д̣̇зхий’’д̇и вуд̇д̇з – ‘‘бахомахам̣, бханд̇з, д̣̇уссагодтааг̇аарад̇о бхигкусад̇ассааби бхигкусахассассааби бхигкусад̇асахассассааби жийварад̣̇уссаани д̣̇аад̇ум̣, ид̣̇ам̣ бана мз бхаг̇аванд̇ам̣ уд̣̇д̣̇исса саамам̣ ганд̇ам̣ саамам̣ вааяид̇ам̣, д̇ам̣ мз, бханд̇з, бхаг̇аваа бадиг̇г̇ан̣хаад̇уу’’д̇и ниманд̇аяамаанаа ааха. звам̣ яаавад̇ад̇ияам̣ яаажи, бхаг̇авааби бадигкибиязва.
Dutiyampi khoti ‘‘saṅghe gotami dehī’’ti vutte – ‘‘pahomahaṃ, bhante, dussakoṭṭhāgārato bhikkhusatassāpi bhikkhusahassassāpi bhikkhusatasahassassāpi cīvaradussāni dātuṃ, idaṃ pana me bhagavantaṃ uddissa sāmaṃ kantaṃ sāmaṃ vāyitaṃ, taṃ me, bhante, bhagavā paṭiggaṇhātū’’ti nimantayamānā āha. Evaṃ yāvatatiyaṃ yāci, bhagavāpi paṭikkhipiyeva.
гасмаа бана бхаг̇аваа ад̇д̇ано д̣̇ияяамаанам̣ бхигкусан̇гхасса д̣̇аабзд̇ийд̇и? маад̇ари анугамбааяа. звам̣ гирасса ахоси – ‘‘имиссаа мам̣ аараб̣бха буб̣б̣ажзд̇анаа мун̃жажзд̇анаа баражзд̇анаад̇и д̇иссо жзд̇анаа уббаннаа, бхигкусан̇гхамбиссаа аараб̣бха уббаж̇ж̇анд̇у, звамассаа ча жзд̇анаа згад̇о худ̇ваа д̣̇ийгхарад̇д̇ам̣ хид̇ааяа сукааяа бавад̇д̇иссанд̇ий’’д̇и. вид̇ан̣д̣аваад̣̇ий банааха – ‘‘сан̇гхз д̣̇иннам̣ махабпаланд̇и д̇асмаа звам̣ вуд̇д̇а’’нд̇и. со вад̇д̇аб̣б̣о – ‘‘гим̣ д̇вам̣ сад̇т̇у д̣̇иннад̇о сан̇гхз д̣̇иннам̣ махабпалад̇арам̣ вад̣̇асий’’д̇и аама вад̣̇аамийд̇и. суд̇д̇ам̣ аахараад̇и. сан̇гхз г̇од̇ами д̣̇зхи, сан̇гхз д̇з д̣̇иннз ахан̃жзва бууж̇ид̇о бхависсаами сан̇гхо жаад̇и. гим̣ банасса суд̇д̇асса аяамзва ад̇т̇од̇и ? аама аяамзваад̇и. яад̣̇и звам̣ ‘‘д̇зна хаананд̣̇а, вигхаасаад̣̇аанам̣ буувам̣ д̣̇зхий’’д̇и жа (баажи. 269) ‘‘д̇зна хи д̇ва, гажжаана, вигхаасаад̣̇аанам̣ г̇ул̣ам̣ д̣̇зхий’’д̇и (махаава. 284) жа важанад̇о вигхаасаад̣̇аанам̣ д̣̇иннам̣ махабпалад̇аран̃жа бхавзяяа. звамби хи ‘‘сад̇т̇аа ад̇д̇ано д̣̇ияяамаанам̣ д̣̇аабзд̇ий’’д̇и. рааж̇арааж̇амахаамад̇д̇аад̣̇аяоби ад̇д̇ано ааг̇ад̇ам̣ бан̣н̣аагаарам̣ хад̇т̇иг̇обагаад̣̇ийнам̣ д̣̇аабзнд̇и, д̇з рааж̇аад̣̇ийхи маханд̇ад̇араа бхавзяяум̣. д̇асмаа маа звам̣ г̇ан̣ха –
Kasmā pana bhagavā attano diyyamānaṃ bhikkhusaṅghassa dāpetīti? Mātari anukampāya. Evaṃ kirassa ahosi – ‘‘imissā maṃ ārabbha pubbacetanā muñcacetanā paracetanāti tisso cetanā uppannā, bhikkhusaṅghampissā ārabbha uppajjantu, evamassā cha cetanā ekato hutvā dīgharattaṃ hitāya sukhāya pavattissantī’’ti. Vitaṇḍavādī panāha – ‘‘saṅghe dinnaṃ mahapphalanti tasmā evaṃ vutta’’nti. So vattabbo – ‘‘kiṃ tvaṃ satthu dinnato saṅghe dinnaṃ mahapphalataraṃ vadasī’’ti āma vadāmīti. Suttaṃ āharāti. Saṅghe gotami dehi, saṅghe te dinne ahañceva pūjito bhavissāmi saṅgho cāti. Kiṃ panassa suttassa ayameva atthoti ? Āma ayamevāti. Yadi evaṃ ‘‘tena hānanda, vighāsādānaṃ pūvaṃ dehī’’ti ca (pāci. 269) ‘‘tena hi tva, kaccāna, vighāsādānaṃ guḷaṃ dehī’’ti (mahāva. 284) ca vacanato vighāsādānaṃ dinnaṃ mahapphalatarañca bhaveyya. Evampi hi ‘‘satthā attano diyyamānaṃ dāpetī’’ti. Rājarājamahāmattādayopi attano āgataṃ paṇṇākāraṃ hatthigopakādīnaṃ dāpenti, te rājādīhi mahantatarā bhaveyyuṃ. Tasmā mā evaṃ gaṇha –
‘‘наяимасмим̣ логз барасмим̣ ваа бана,
‘‘Nayimasmiṃ loke parasmiṃ vā pana,
б̣уд̣̇д̇хзна сздто сад̣̇исо ваа виж̇ж̇ад̇и;
Buddhena seṭṭho sadiso vā vijjati;
яамаахунзяяаанамаг̇г̇ад̇ам̣ г̇ад̇о,
Yamāhuneyyānamaggataṃ gato,
бун̃н̃ад̇т̇игаанам̣ вибулапалзсина’’нд̇и. –
Puññatthikānaṃ vipulaphalesina’’nti. –
важанад̇о хи сад̇т̇аараа уд̇д̇арид̇аро д̣̇агкин̣зяяо наама над̇т̇и. звамассаа ча жзд̇анаа згад̇о худ̇ваа д̣̇ийгхарад̇д̇ам̣ хид̇ааяа сукааяа бхависсанд̇ийд̇и санд̇хааяа яаавад̇ад̇ияам̣ бадиб̣аахид̇ваа сан̇гхасса д̣̇аабзси.
Vacanato hi satthārā uttaritaro dakkhiṇeyyo nāma natthi. Evamassā cha cetanā ekato hutvā dīgharattaṃ hitāya sukhāya bhavissantīti sandhāya yāvatatiyaṃ paṭibāhitvā saṅghassa dāpesi.
бажчимааяа ж̇анад̇ааяа сан̇гхз жид̇д̇ийгаараж̇ананад̇т̇ам̣ жааби звамааха. звам̣ гирасса ахоси – ‘‘ахам̣ на жирадтид̇иго, маяхам̣ бана саасанам̣ бхигкусан̇гхз бад̇идтахиссад̇и, бажчимаа ж̇анад̇аа сан̇гхз жид̇д̇ийгаарам̣ ж̇анзд̇уу’’д̇и яаавад̇ад̇ияам̣ бадиб̣аахид̇ваа сан̇гхасса д̣̇аабзси. зван̃хи сад̇и – ‘‘сад̇т̇аа ад̇д̇ано д̣̇ияяамаанамби сан̇гхасса д̣̇аабзси, сан̇гхо наама д̣̇агкин̣зяяо’’д̇и бажчимаа ж̇анад̇аа сан̇гхз жид̇д̇ийгаарам̣ уббаад̣̇зд̇ваа жад̇д̇ааро бажжаяз д̣̇аад̇аб̣б̣з ман̃н̃иссад̇и, сан̇гхо жад̇уухи бажжаязхи агиламанд̇о б̣уд̣̇д̇хаважанам̣ уг̇г̇ахзд̇ваа саман̣ад̇хаммам̣ гариссад̇и. звам̣ мама саасанам̣ бан̃жа вассасахассаани тассад̇ийд̇и. ‘‘бадиг̇г̇ан̣хаад̇у, бханд̇з, бхаг̇аваа’’д̇и важанад̇оби жзд̇ам̣ взд̣̇ид̇аб̣б̣ам̣ ‘‘сад̇т̇аараа уд̇д̇арид̇аро д̣̇агкин̣зяяо наама над̇т̇ий’’д̇и. на хи аананд̣̇ад̇т̇зрасса махаабаж̇аабад̇ияаа аагхаад̇о ваа взрам̣ ваа ад̇т̇и. на т̇зро – ‘‘д̇ассаа д̣̇агкин̣аа маа махабпалаа ахосий’’д̇и ижчад̇и. бан̣д̣ид̇о хи т̇зро б̣ахуссуд̇о сзгкабадисамбхид̣̇аабад̇д̇о , со сад̇т̇у д̣̇иннасса махабпалабхаавз самбассамаанова бадиг̇г̇ан̣хаад̇у, бханд̇з, бхаг̇аваад̇и г̇ахан̣ад̇т̇ам̣ яаажи.
Pacchimāya janatāya saṅghe cittīkārajananatthaṃ cāpi evamāha. Evaṃ kirassa ahosi – ‘‘ahaṃ na ciraṭṭhitiko, mayhaṃ pana sāsanaṃ bhikkhusaṅghe patiṭṭhahissati, pacchimā janatā saṅghe cittīkāraṃ janetū’’ti yāvatatiyaṃ paṭibāhitvā saṅghassa dāpesi. Evañhi sati – ‘‘satthā attano diyyamānampi saṅghassa dāpesi, saṅgho nāma dakkhiṇeyyo’’ti pacchimā janatā saṅghe cittīkāraṃ uppādetvā cattāro paccaye dātabbe maññissati, saṅgho catūhi paccayehi akilamanto buddhavacanaṃ uggahetvā samaṇadhammaṃ karissati. Evaṃ mama sāsanaṃ pañca vassasahassāni ṭhassatīti. ‘‘Paṭiggaṇhātu, bhante, bhagavā’’ti vacanatopi cetaṃ veditabbaṃ ‘‘satthārā uttaritaro dakkhiṇeyyo nāma natthī’’ti. Na hi ānandattherassa mahāpajāpatiyā āghāto vā veraṃ vā atthi. Na thero – ‘‘tassā dakkhiṇā mā mahapphalā ahosī’’ti icchati. Paṇḍito hi thero bahussuto sekkhapaṭisambhidāpatto , so satthu dinnassa mahapphalabhāve sampassamānova paṭiggaṇhātu, bhante, bhagavāti gahaṇatthaṃ yāci.
буна вид̇ан̣д̣аваад̣̇ий ааха – ‘‘сан̇гхз д̇з д̣̇иннз ахан̃жзва бууж̇ид̇о бхависсаами сан̇гхо жаа’’д̇и важанад̇о сад̇т̇аа сан̇гхабарияаабанно ваад̇и. со вад̇д̇аб̣б̣о – ‘‘ж̇аанааси бана д̇вам̣ гад̇и саран̣аани, гад̇и авзжжаббасаад̣̇аа’’д̇и ж̇аананд̇о д̇ийн̣ийд̇и вагкад̇и, д̇ад̇о вад̇д̇аб̣б̣о – д̇ава лад̣̇д̇хияаа сад̇т̇у сан̇гхабарияаабаннад̇д̇аа д̣̇взязва хонд̇и. звам̣ санд̇з жа – ‘‘ануж̇аанаами, бхигкавз, имзхи д̇ийхи саран̣аг̇аманзхи баб̣б̣аж̇ж̇ам̣ убасамбад̣̇а’’нд̇и (махаава. 34) звам̣ анун̃н̃аад̇аа баб̣б̣аж̇ж̇ааби убасамбад̣̇ааби на рухад̇и. д̇ад̇о д̇вам̣ нзва баб̣б̣аж̇ид̇о аси, на г̇ихи. саммаасамб̣уд̣̇д̇хз жа г̇анд̇хагудияам̣ нисиннз бхигкуу убосат̇амби бавааран̣амби сан̇гхагаммааниби гаронд̇и, д̇аани сад̇т̇у сан̇гхабарияаабаннад̇д̇аа губбаани бхавзяяум̣, на жа хонд̇и. д̇асмаа на вад̇д̇аб̣б̣амзд̇ам̣ ‘‘сад̇т̇аа сан̇гхабарияаабанно’’д̇и.
Puna vitaṇḍavādī āha – ‘‘saṅghe te dinne ahañceva pūjito bhavissāmi saṅgho cā’’ti vacanato satthā saṅghapariyāpanno vāti. So vattabbo – ‘‘jānāsi pana tvaṃ kati saraṇāni, kati aveccappasādā’’ti jānanto tīṇīti vakkhati, tato vattabbo – tava laddhiyā satthu saṅghapariyāpannattā dveyeva honti. Evaṃ sante ca – ‘‘anujānāmi, bhikkhave, imehi tīhi saraṇagamanehi pabbajjaṃ upasampada’’nti (mahāva. 34) evaṃ anuññātā pabbajjāpi upasampadāpi na ruhati. Tato tvaṃ neva pabbajito asi, na gihi. Sammāsambuddhe ca gandhakuṭiyaṃ nisinne bhikkhū uposathampi pavāraṇampi saṅghakammānipi karonti, tāni satthu saṅghapariyāpannattā kuppāni bhaveyyuṃ, na ca honti. Tasmā na vattabbametaṃ ‘‘satthā saṅghapariyāpanno’’ti.
377. аабаад̣̇игаад̇и сам̣вад̣дхигаа, д̇умхаагам̣ хад̇т̇абаад̣̇зсу хад̇т̇абаад̣̇агижжам̣ асаад̇хзнд̇зсу хад̇т̇з жа баад̣̇з жа вад̣дхзд̇ваа бадиж̇аг̇г̇игаад̇и ад̇т̇о. босигаад̇и д̣̇ивасасса д̣̇вз д̇аяо ваарз нхаабзд̇ваа бхож̇зд̇ваа бааязд̇ваа д̇умхз босзси. т̇ан̃н̃ам̣ бааязсийд̇и нанд̣̇агумааро гира б̣од̇хисад̇д̇ад̇о гад̇ибаахзнзва д̣̇ахаро, д̇асмим̣ ж̇аад̇з махаабаж̇аабад̇и ад̇д̇ано буд̇д̇ам̣ д̇хаад̇ийнам̣ д̣̇ад̇ваа саяам̣ б̣од̇хисад̇д̇асса д̇хаад̇игижжам̣ саад̇хаяамаанаа ад̇д̇ано т̇ан̃н̃ам̣ бааязси. д̇ам̣ санд̇хааяа т̇зро звамааха. ид̇и махаабаж̇аабад̇ияаа б̣ахуубагаарад̇ам̣ гат̇зд̇ваа ид̣̇аани д̇ат̇ааг̇ад̇асса б̣ахуубагаарад̇ам̣ д̣̇ассзнд̇о бхаг̇авааби, бханд̇зд̇иаад̣̇имааха. д̇ад̇т̇а бхаг̇аванд̇ам̣, бханд̇з, ааг̇аммаад̇и бхаг̇аванд̇ам̣ бадижжа ниссааяа санд̇хааяа.
377.Āpādikāti saṃvaḍḍhikā, tumhākaṃ hatthapādesu hatthapādakiccaṃ asādhentesu hatthe ca pāde ca vaḍḍhetvā paṭijaggikāti attho. Posikāti divasassa dve tayo vāre nhāpetvā bhojetvā pāyetvā tumhe posesi. Thaññaṃ pāyesīti nandakumāro kira bodhisattato katipāheneva daharo, tasmiṃ jāte mahāpajāpati attano puttaṃ dhātīnaṃ datvā sayaṃ bodhisattassa dhātikiccaṃ sādhayamānā attano thaññaṃ pāyesi. Taṃ sandhāya thero evamāha. Iti mahāpajāpatiyā bahūpakārataṃ kathetvā idāni tathāgatassa bahūpakārataṃ dassento bhagavāpi, bhantetiādimāha. Tattha bhagavantaṃ, bhante, āgammāti bhagavantaṃ paṭicca nissāya sandhāya.
378. ат̇а бхаг̇аваа д̣̇вийсу убагаарзсу ад̇ирзгад̇арам̣ анумод̣̇анд̇о звамзд̇анд̇иаад̣̇имааха. д̇ад̇т̇а яам̣ хаананд̣̇а, буг̇г̇ало буг̇г̇алам̣ ааг̇аммаад̇и яам̣ аажарияабуг̇г̇алам̣ анд̇зваасигабуг̇г̇ало ааг̇амма. имассаананд̣̇а, буг̇г̇аласса иминаа буг̇г̇алзнаад̇и имасса аажарияабуг̇г̇аласса иминаа анд̇зваасигабуг̇г̇алзна. на суббадигаарам̣ вад̣̇аамийд̇и бажжуубагаарам̣ на сугарам̣ вад̣̇аами, абхиваад̣̇анаад̣̇ийсу аажарияам̣ д̣̇исваа абхиваад̣̇анагаран̣ам̣ абхиваад̣̇анам̣ наама. яасмим̣ ваа д̣̇исаабхааг̇з аажарияо васад̇и, ирияаабат̇з ваа габбзнд̇о д̇ад̣̇абхимуко ванд̣̇ид̇ваа г̇ажчад̇и, ванд̣̇ид̇ваа нисийд̣̇ад̇и, ванд̣̇ид̇ваа нибаж̇ж̇ад̇и, аажарияам̣ бана д̣̇уурад̇ова д̣̇исваа бажжудтааяа бажжуг̇г̇аманагаран̣ам̣ бажжудтаанам̣ наама. аажарияам̣ бана д̣̇исваа ан̃ж̇алим̣ баг̇г̇аяха сийсз табзд̇ваа аажарияам̣ намассад̇и, яасмим̣ ваа д̣̇исаабхааг̇з со васад̇и, д̇ад̣̇абхимукоби д̇ат̇зва намассад̇и, г̇ажчанд̇оби тид̇оби нисинноби ан̃ж̇алим̣ баг̇г̇аяха намассад̇иязваад̇и ид̣̇ам̣ ан̃ж̇алигаммам̣ наама. анужчавигагаммасса бана гаран̣ам̣ саамийжигаммам̣ наама. жийвараад̣̇ийсу жийварам̣ д̣̇знд̇о на яам̣ ваа д̇ам̣ ваа д̣̇зд̇и, махаг̇гхам̣ сад̇амуулигамби бан̃жасад̇амуулигамби сахассамуулигамби д̣̇зд̇иязва . бин̣д̣абаад̇аад̣̇ийсуби зсзва наяо. гим̣ б̣ахунаа, жад̇уухи бан̣ийд̇абажжаязхи жаггаваал̣анд̇арам̣ буурзд̇ваа синзрубаб̣б̣ад̇зна гуудам̣ г̇ахзд̇ваа д̣̇знд̇оби аажарияасса анужчавигам̣ гирияам̣ гаад̇ум̣ на саггод̇иязва.
378. Atha bhagavā dvīsu upakāresu atirekataraṃ anumodanto evametantiādimāha. Tattha yaṃ hānanda, puggalo puggalaṃ āgammāti yaṃ ācariyapuggalaṃ antevāsikapuggalo āgamma. Imassānanda, puggalassa iminā puggalenāti imassa ācariyapuggalassa iminā antevāsikapuggalena. Na suppaṭikāraṃ vadāmīti paccūpakāraṃ na sukaraṃ vadāmi, abhivādanādīsu ācariyaṃ disvā abhivādanakaraṇaṃ abhivādanaṃ nāma. Yasmiṃ vā disābhāge ācariyo vasati, iriyāpathe vā kappento tadabhimukho vanditvā gacchati, vanditvā nisīdati, vanditvā nipajjati, ācariyaṃ pana dūratova disvā paccuṭṭhāya paccuggamanakaraṇaṃ paccuṭṭhānaṃ nāma. Ācariyaṃ pana disvā añjaliṃ paggayha sīse ṭhapetvā ācariyaṃ namassati, yasmiṃ vā disābhāge so vasati, tadabhimukhopi tatheva namassati, gacchantopi ṭhitopi nisinnopi añjaliṃ paggayha namassatiyevāti idaṃ añjalikammaṃ nāma. Anucchavikakammassa pana karaṇaṃ sāmīcikammaṃ nāma. Cīvarādīsu cīvaraṃ dento na yaṃ vā taṃ vā deti, mahagghaṃ satamūlikampi pañcasatamūlikampi sahassamūlikampi detiyeva . Piṇḍapātādīsupi eseva nayo. Kiṃ bahunā, catūhi paṇītapaccayehi cakkavāḷantaraṃ pūretvā sinerupabbatena kūṭaṃ gahetvā dentopi ācariyassa anucchavikaṃ kiriyaṃ kātuṃ na sakkotiyeva.
379. жуд̣̇д̣̇аса ко банимаад̇и гасмаа аарабхи? ид̣̇ам̣ суд̇д̇ам̣ баадибуг̇г̇алигам̣ д̣̇агкин̣ам̣ аараб̣бха самудтид̇ам̣. аананд̣̇ад̇т̇зроби ‘‘бадиг̇г̇ан̣хаад̇у, бханд̇з, бхаг̇аваа’’д̇и баадибуг̇г̇алигад̣̇агкин̣ам̣язва самаад̣̇абзд̇и, жуд̣̇д̣̇асасу жа таанзсу д̣̇иннад̣̇аанам̣ баадибуг̇г̇алигам̣ наама ход̇ийд̇и д̣̇ассзд̇ум̣ имам̣ д̣̇зсанам̣ аарабхи. аяам̣ батамаад̇и аяам̣ д̣̇агкин̣аа г̇ун̣авасзнаби батамаа ж̇здтагавасзнаби. аяан̃хи батамаа аг̇г̇аа ж̇здтигаа, имиссаа д̣̇агкин̣ааяа бамаан̣ам̣ наама над̇т̇и. д̣̇уд̇ияад̇ад̇ияааби барамад̣̇агкин̣ааязва, сзсаа барамад̣̇агкин̣абхаавам̣ на баабун̣анд̇и. б̣аахирагз гаамзсу вийд̇арааг̇зд̇и гаммаваад̣̇игирияаваад̣̇имхи логияабан̃жаабхин̃н̃з. бут̇уж̇ж̇анасийлаванд̇зд̇и бут̇уж̇ж̇анасийлаваа наама г̇осийлад̇хаад̇уго ход̇и, асато амааяаавий барам̣ абийл̣зд̇ваа д̇хаммзна самзна гасияаа ваа ван̣иж̇ж̇ааяа ваа ж̇ийвигам̣ габбзд̇аа. бут̇уж̇ж̇анад̣̇уссийлзд̇и бут̇уж̇ж̇анад̣̇уссийлаа наама гзваддамажчаб̣анд̇хаад̣̇аяо барам̣ бийл̣ааяа ж̇ийвигам̣ габбзд̇аа.
379.Cuddasa kho panimāti kasmā ārabhi? Idaṃ suttaṃ pāṭipuggalikaṃ dakkhiṇaṃ ārabbha samuṭṭhitaṃ. Ānandattheropi ‘‘paṭiggaṇhātu, bhante, bhagavā’’ti pāṭipuggalikadakkhiṇaṃyeva samādapeti, cuddasasu ca ṭhānesu dinnadānaṃ pāṭipuggalikaṃ nāma hotīti dassetuṃ imaṃ desanaṃ ārabhi. Ayaṃ paṭhamāti ayaṃ dakkhiṇā guṇavasenapi paṭhamā jeṭṭhakavasenapi. Ayañhi paṭhamā aggā jeṭṭhikā, imissā dakkhiṇāya pamāṇaṃ nāma natthi. Dutiyatatiyāpi paramadakkhiṇāyeva, sesā paramadakkhiṇabhāvaṃ na pāpuṇanti. Bāhirake kāmesu vītarāgeti kammavādikiriyavādimhi lokiyapañcābhiññe. Puthujjanasīlavanteti puthujjanasīlavā nāma gosīladhātuko hoti, asaṭho amāyāvī paraṃ apīḷetvā dhammena samena kasiyā vā vaṇijjāya vā jīvikaṃ kappetā. Puthujjanadussīleti puthujjanadussīlā nāma kevaṭṭamacchabandhādayo paraṃ pīḷāya jīvikaṃ kappetā.
ид̣̇аани баадибуг̇г̇алигад̣̇агкин̣ааяа вибаагам̣ барижчинд̣̇анд̇о д̇ад̇раананд̣̇аад̇иаад̣̇имааха. д̇ад̇т̇а д̇иражчаанаг̇ад̇зд̇и яам̣ г̇ун̣авасзна убагааравасзна босанад̇т̇ам̣ д̣̇иннам̣, ид̣̇ам̣ на г̇ахид̇ам̣. яамби аалобаад̣дхааалобамад̇д̇ам̣ д̣̇иннам̣, д̇амби на г̇ахид̇ам̣. яам̣ бана сунакасуугарагуггудагаагаад̣̇ийсу яасса гассажи самбад̇д̇асса палам̣ бадиган̇кид̇ваа яаавад̣̇ад̇т̇ам̣ д̣̇иннам̣, ид̣̇ам̣ санд̇хааяа вуд̇д̇ам̣ ‘‘д̇иражчаанаг̇ад̇з д̣̇аанам̣ д̣̇ад̇ваа’’д̇и. сад̇аг̇ун̣аад̇и сад̇аанисам̣саа. баадиган̇кид̇аб̣б̣аад̇и ижчид̇аб̣б̣аа. ид̣̇ам̣ вуд̇д̇ам̣ ход̇и – аяам̣ д̣̇агкин̣аа ааяусад̇ам̣ ван̣н̣асад̇ам̣ сукасад̇ам̣ б̣аласад̇ам̣ бадибхаанасад̇анд̇и бан̃жа аанисам̣сасад̇аани д̣̇зд̇и, ад̇д̇абхаавасад̇з ааяум̣ д̣̇зд̇и, ван̣н̣ам̣, сукам̣, б̣алам̣, бадибхаанам̣ д̣̇зд̇и, ниббарид̇асам̣ гарод̇и. бхавасад̇зби вуд̇д̇з аяамзва ад̇т̇о. иминаа убааязна саб̣б̣ад̇т̇а наяо нзд̇аб̣б̣о.
Idāni pāṭipuggalikadakkhiṇāya vipākaṃ paricchindanto tatrānandātiādimāha. Tattha tiracchānagateti yaṃ guṇavasena upakāravasena posanatthaṃ dinnaṃ, idaṃ na gahitaṃ. Yampi ālopaaḍḍhaālopamattaṃ dinnaṃ, tampi na gahitaṃ. Yaṃ pana sunakhasūkarakukkuṭakākādīsu yassa kassaci sampattassa phalaṃ paṭikaṅkhitvā yāvadatthaṃ dinnaṃ, idaṃ sandhāya vuttaṃ ‘‘tiracchānagate dānaṃ datvā’’ti. Sataguṇāti satānisaṃsā. Pāṭikaṅkhitabbāti icchitabbā. Idaṃ vuttaṃ hoti – ayaṃ dakkhiṇā āyusataṃ vaṇṇasataṃ sukhasataṃ balasataṃ paṭibhānasatanti pañca ānisaṃsasatāni deti, attabhāvasate āyuṃ deti, vaṇṇaṃ, sukhaṃ, balaṃ, paṭibhānaṃ deti, nipparitasaṃ karoti. Bhavasatepi vutte ayameva attho. Iminā upāyena sabbattha nayo netabbo.
сод̇аабад̇д̇ипаласажчигирияааяа бадибаннзд̇и зд̇т̇а хздтимагодияаа д̇исаран̣ам̣ г̇ад̇о убаасагоби сод̇аабад̇д̇ипаласажчигирияааяа бадибанно наама, д̇асмим̣ д̣̇иннад̣̇аанамби асан̇кязяяам̣ аббамзяяам̣. бан̃жасийлз бад̇идтид̇асса д̇ад̇о уд̇д̇ари махабпалам̣, д̣̇асасийлз бад̇идтид̇асса д̇ад̇о уд̇д̇ари, д̇ад̣̇ахубаб̣б̣аж̇ид̇асса сааман̣зрасса д̇ад̇о уд̇д̇ари, убасамбаннабхигкуно д̇ад̇о уд̇д̇ари, убасамбаннассзва вад̇д̇асамбаннасса д̇ад̇о уд̇д̇ари, вибассагасса д̇ад̇о уд̇д̇ари, аарад̣̇д̇хавибассагасса д̇ад̇о уд̇д̇ари, уд̇д̇амагодияаа бана маг̇г̇асаман̇г̇ий сод̇аабад̇д̇ипаласажчигирияааяа бадибанно наама. зд̇асса д̣̇иннад̣̇аанам̣ д̇ад̇о уд̇д̇ари махабпаламзва.
Sotāpattiphalasacchikiriyāya paṭipanneti ettha heṭṭhimakoṭiyā tisaraṇaṃ gato upāsakopi sotāpattiphalasacchikiriyāya paṭipanno nāma, tasmiṃ dinnadānampi asaṅkhyeyyaṃ appameyyaṃ. Pañcasīle patiṭṭhitassa tato uttari mahapphalaṃ, dasasīle patiṭṭhitassa tato uttari, tadahupabbajitassa sāmaṇerassa tato uttari, upasampannabhikkhuno tato uttari, upasampannasseva vattasampannassa tato uttari, vipassakassa tato uttari, āraddhavipassakassa tato uttari, uttamakoṭiyā pana maggasamaṅgī sotāpattiphalasacchikiriyāya paṭipanno nāma. Etassa dinnadānaṃ tato uttari mahapphalameva.
гим̣ бана маг̇г̇асаман̇г̇исса саггаа д̣̇аанам̣ д̣̇аад̇унд̇и? аама саггаа. аарад̣̇д̇хавибассаго хи бад̇д̇ажийварамаад̣̇ааяа г̇аамам̣ бин̣д̣ааяа бависад̇и, д̇асса г̇зхад̣̇ваарз тид̇асса хад̇т̇ад̇о бад̇д̇ам̣ г̇ахзд̇ваа каад̣̇анийяабхож̇анийяам̣ багкибанд̇и. д̇асмим̣ кан̣з бхигкуно маг̇г̇авудтаанам̣ ход̇и, ид̣̇ам̣ д̣̇аанам̣ маг̇г̇асаман̇г̇ино д̣̇иннам̣ наама ход̇и. ат̇а ваа банзса аасанасаалааяа нисинно ход̇и, мануссаа г̇анд̇ваа бад̇д̇з каад̣̇анийяабхож̇анийяам̣ табзнд̇и, д̇асмим̣ кан̣з д̇асса маг̇г̇авудтаанам̣ ход̇и, ид̣̇амби д̣̇аанам̣ маг̇г̇асаман̇г̇ино д̣̇иннам̣ наама. ат̇а ваа банасса вихаарз ваа аасанасаалааяа ваа нисиннасса убаасагаа бад̇д̇ам̣ аад̣̇ааяа ад̇д̇ано гхарам̣ г̇анд̇ваа каад̣̇анийяабхож̇анийяам̣ багкибанд̇и, д̇асмим̣ кан̣з д̇асса маг̇г̇авудтаанам̣ ход̇и, ид̣̇амби д̣̇аанам̣ маг̇г̇асаман̇г̇ино д̣̇иннам̣ наама. д̇ад̇т̇а сон̣д̣ияам̣ уд̣̇агасса вияа сод̇аабад̇д̇ипаласажчигирияааяа бадибаннз д̣̇иннад̣̇аанасса асан̇кязяяад̇аа взд̣̇ид̇аб̣б̣аа. д̇аасу д̇аасу махаанад̣̇ийсу махаасамуд̣̇д̣̇з жа уд̣̇агасса вияа сод̇аабаннаад̣̇ийсу д̣̇иннад̣̇аанасса уд̇д̇арид̇аравасзна асан̇кязяяад̇аа взд̣̇ид̇аб̣б̣аа. бат̇авияаа каяаман̣д̣аламад̇д̇з бад̣̇зсз бам̣сум̣ аад̣̇им̣ гад̇ваа яаава махаабат̇авияаа бам̣суно аббамзяяад̇ааяаби аяамад̇т̇о д̣̇ийбзд̇аб̣б̣о.
Kiṃ pana maggasamaṅgissa sakkā dānaṃ dātunti? Āma sakkā. Āraddhavipassako hi pattacīvaramādāya gāmaṃ piṇḍāya pavisati, tassa gehadvāre ṭhitassa hatthato pattaṃ gahetvā khādanīyabhojanīyaṃ pakkhipanti. Tasmiṃ khaṇe bhikkhuno maggavuṭṭhānaṃ hoti, idaṃ dānaṃ maggasamaṅgino dinnaṃ nāma hoti. Atha vā panesa āsanasālāya nisinno hoti, manussā gantvā patte khādanīyabhojanīyaṃ ṭhapenti, tasmiṃ khaṇe tassa maggavuṭṭhānaṃ hoti, idampi dānaṃ maggasamaṅgino dinnaṃ nāma. Atha vā panassa vihāre vā āsanasālāya vā nisinnassa upāsakā pattaṃ ādāya attano gharaṃ gantvā khādanīyabhojanīyaṃ pakkhipanti, tasmiṃ khaṇe tassa maggavuṭṭhānaṃ hoti, idampi dānaṃ maggasamaṅgino dinnaṃ nāma. Tattha soṇḍiyaṃ udakassa viya sotāpattiphalasacchikiriyāya paṭipanne dinnadānassa asaṅkhyeyyatā veditabbā. Tāsu tāsu mahānadīsu mahāsamudde ca udakassa viya sotāpannādīsu dinnadānassa uttaritaravasena asaṅkhyeyyatā veditabbā. Pathaviyā khayamaṇḍalamatte padese paṃsuṃ ādiṃ katvā yāva mahāpathaviyā paṃsuno appameyyatāyapi ayamattho dīpetabbo.
380. сад̇д̇а ко банимаад̇и гасмаа аарабхи? ‘‘сан̇гхз г̇од̇ами д̣̇зхи, сан̇гхз д̇з д̣̇иннз ахан̃жзва бууж̇ид̇о бхависсаами сан̇гхо жаа’’д̇и хи вуд̇д̇ам̣, д̇ад̇т̇а сад̇д̇асу таанзсу д̣̇иннад̣̇аанам̣ сан̇гхз д̣̇иннам̣ наама ход̇ийд̇и д̣̇ассзд̇ум̣ имам̣ д̣̇зсанам̣ аарабхи. д̇ад̇т̇а б̣уд̣̇д̇хаббамукз убхад̇осан̇гхзд̇и згад̇о бхигкусан̇гхо, згад̇о бхигкунисан̇гхо, сад̇т̇аа маж̇жхз нисинно ход̇ийд̇и аяам̣ б̣уд̣̇д̇хаббамуко убхад̇осан̇гхо наама. аяам̣ батамаад̇и имааяа д̣̇агкин̣ааяа самаббамаан̣аа д̣̇агкин̣аа наама над̇т̇и. д̣̇уд̇ияад̣̇агкин̣аад̣̇аяо бана зд̇ам̣ барамад̣̇агкин̣ам̣ на баабун̣анд̇и.
380.Satta kho panimāti kasmā ārabhi? ‘‘Saṅghe gotami dehi, saṅghe te dinne ahañceva pūjito bhavissāmi saṅgho cā’’ti hi vuttaṃ, tattha sattasu ṭhānesu dinnadānaṃ saṅghe dinnaṃ nāma hotīti dassetuṃ imaṃ desanaṃ ārabhi. Tattha buddhappamukhe ubhatosaṅgheti ekato bhikkhusaṅgho, ekato bhikkhunisaṅgho, satthā majjhe nisinno hotīti ayaṃ buddhappamukho ubhatosaṅgho nāma. Ayaṃ paṭhamāti imāya dakkhiṇāya samappamāṇā dakkhiṇā nāma natthi. Dutiyadakkhiṇādayo pana etaṃ paramadakkhiṇaṃ na pāpuṇanti.
гим̣ бана д̇ат̇ааг̇ад̇з бариниб̣б̣уд̇з б̣уд̣̇д̇хаббамукасса убхад̇осан̇гхасса д̣̇аанам̣ д̣̇аад̇ум̣ саггаад̇и? саггаа. гат̇ам̣? убхад̇осан̇гхасса хи бамукз сад̇хаад̇угам̣ бадимам̣ аасанз табзд̇ваа аад̇хаарагам̣ табзд̇ваа д̣̇агкин̣од̣̇агам̣ аад̣̇им̣ гад̇ваа саб̣б̣ам̣ сад̇т̇у батамам̣ д̣̇ад̇ваа убхад̇осан̇гхасса д̣̇аад̇аб̣б̣ам̣, звам̣ б̣уд̣̇д̇хаббамукасса убхад̇осан̇гхасса д̣̇аанам̣ д̣̇иннам̣ наама ход̇и. д̇ад̇т̇а яам̣ сад̇т̇у д̣̇иннам̣, д̇ам̣ гим̣ гаад̇аб̣б̣анд̇и? яо сад̇т̇аарам̣ бадиж̇аг̇г̇ад̇и вад̇д̇асамбанно бхигку, д̇асса д̣̇аад̇аб̣б̣ам̣. бид̇усанд̇аган̃хи буд̇д̇асса баабун̣аад̇и, бхигкусан̇гхасса д̣̇аад̇умби ваддад̇и, саббид̇злаани бана г̇ахзд̇ваа д̣̇ийбаа ж̇алид̇аб̣б̣аа, саадагам̣ г̇ахзд̇ваа бадаагаа ааробзд̇аб̣б̣аад̇и. бхигкусан̇гхзд̇и абарижчиннагамахаабхигкусан̇гхз. бхигкунисан̇гхзби зсзва наяо.
Kiṃ pana tathāgate parinibbute buddhappamukhassa ubhatosaṅghassa dānaṃ dātuṃ sakkāti? Sakkā. Kathaṃ? Ubhatosaṅghassa hi pamukhe sadhātukaṃ paṭimaṃ āsane ṭhapetvā ādhārakaṃ ṭhapetvā dakkhiṇodakaṃ ādiṃ katvā sabbaṃ satthu paṭhamaṃ datvā ubhatosaṅghassa dātabbaṃ, evaṃ buddhappamukhassa ubhatosaṅghassa dānaṃ dinnaṃ nāma hoti. Tattha yaṃ satthu dinnaṃ, taṃ kiṃ kātabbanti? Yo satthāraṃ paṭijaggati vattasampanno bhikkhu, tassa dātabbaṃ. Pitusantakañhi puttassa pāpuṇāti, bhikkhusaṅghassa dātumpi vaṭṭati, sappitelāni pana gahetvā dīpā jalitabbā, sāṭakaṃ gahetvā paṭākā āropetabbāti. Bhikkhusaṅgheti aparicchinnakamahābhikkhusaṅghe. Bhikkhunisaṅghepi eseva nayo.
г̇од̇рабхунод̇и г̇од̇д̇амад̇д̇агамзва анубхавамаанаа, наамамад̇д̇асаман̣аад̇и ад̇т̇о. гаасааваган̣таад̇и гаасааваган̣танаамагаа. д̇з гира згам̣ гаасаавакан̣д̣ам̣ хад̇т̇з ваа г̇ийвааяа ваа б̣анд̇хид̇ваа вижариссанд̇и . гхарад̣̇ваарам̣ бана д̇зсам̣ буд̇д̇абхарияаа гасиван̣иж̇ж̇аад̣̇игаммаани жа баагад̇игаанзва бхависсанд̇и. д̇зсу д̣̇уссийлзсу сан̇гхам̣ уд̣̇д̣̇исса д̣̇аанам̣ д̣̇ассанд̇ийд̇и зд̇т̇а д̣̇уссийласан̇гханд̇и на вуд̇д̇ам̣. сан̇гхо хи д̣̇уссийло наама над̇т̇и. д̣̇уссийлаа бана убаасагаа д̇зсу д̣̇уссийлзсу бхигкусан̇гхам̣ уд̣̇д̣̇исса сан̇гхасса д̣̇змаад̇и д̣̇аанам̣ д̣̇ассанд̇и. ид̇и бхаг̇авад̇аа б̣уд̣̇д̇хаббамукз сан̇гхз д̣̇иннад̣̇агкин̣ааби г̇ун̣асан̇кааяа асан̇кязяяаад̇и вуд̇д̇ам̣. гаасааваган̣тасан̇гхз д̣̇иннад̣̇агкин̣ааби г̇ун̣асан̇кааязва асан̇кязяяаад̇и вуд̇д̇аа. сан̇гхаг̇ад̇аа д̣̇агкин̣аа хи сан̇гхз жид̇д̇ийгаарам̣ гаад̇ум̣ саггонд̇асса ход̇и, сан̇гхз бана жид̇д̇ийгааро д̣̇уггаро ход̇и.
Gotrabhunoti gottamattakameva anubhavamānā, nāmamattasamaṇāti attho. Kāsāvakaṇṭhāti kāsāvakaṇṭhanāmakā. Te kira ekaṃ kāsāvakhaṇḍaṃ hatthe vā gīvāya vā bandhitvā vicarissanti . Gharadvāraṃ pana tesaṃ puttabhariyā kasivaṇijjādikammāni ca pākatikāneva bhavissanti. Tesu dussīlesu saṅghaṃ uddissa dānaṃ dassantīti ettha dussīlasaṅghanti na vuttaṃ. Saṅgho hi dussīlo nāma natthi. Dussīlā pana upāsakā tesu dussīlesu bhikkhusaṅghaṃ uddissa saṅghassa demāti dānaṃ dassanti. Iti bhagavatā buddhappamukhe saṅghe dinnadakkhiṇāpi guṇasaṅkhāya asaṅkhyeyyāti vuttaṃ. Kāsāvakaṇṭhasaṅghe dinnadakkhiṇāpi guṇasaṅkhāyeva asaṅkhyeyyāti vuttā. Saṅghagatā dakkhiṇā hi saṅghe cittīkāraṃ kātuṃ sakkontassa hoti, saṅghe pana cittīkāro dukkaro hoti.
яо хи сан̇гхаг̇ад̇ам̣ д̣̇агкин̣ам̣ д̣̇ассаамийд̇и д̣̇зяяад̇хаммам̣ бадияаад̣̇зд̇ваа вихаарам̣ г̇анд̇ваа, – ‘‘бханд̇з, сан̇гхам̣ уд̣̇д̣̇исса згам̣ т̇зрам̣ д̣̇зт̇аа’’д̇и вад̣̇ад̇и, ат̇а сан̇гхад̇о сааман̣зрам̣ лабхид̇ваа ‘‘сааман̣зро мз лад̣̇д̇хо’’д̇и ан̃н̃ат̇ад̇д̇ам̣ аабаж̇ж̇ад̇и, д̇асса д̣̇агкин̣аа сан̇гхаг̇ад̇аа на ход̇и. махаат̇зрам̣ лабхид̇вааби ‘‘махаат̇зро мз лад̣̇д̇хо’’д̇и соманассам̣ уббаад̣̇знд̇ассааби на ход̇иязва. яо бана сааман̣зрам̣ ваа убасамбаннам̣ ваа д̣̇ахарам̣ ваа т̇зрам̣ ваа б̣аалам̣ ваа бан̣д̣ид̇ам̣ ваа яам̣гин̃жи сан̇гхад̇о лабхид̇ваа ниб̣б̣змад̇иго худ̇ваа сан̇гхасса д̣̇змийд̇и сан̇гхз жид̇д̇ийгаарам̣ гаад̇ум̣ саггод̇и, д̇асса д̣̇агкин̣аа сан̇гхаг̇ад̇аа наама ход̇и. барасамуд̣̇д̣̇аваасино гира звам̣ гаронд̇и.
Yo hi saṅghagataṃ dakkhiṇaṃ dassāmīti deyyadhammaṃ paṭiyādetvā vihāraṃ gantvā, – ‘‘bhante, saṅghaṃ uddissa ekaṃ theraṃ dethā’’ti vadati, atha saṅghato sāmaṇeraṃ labhitvā ‘‘sāmaṇero me laddho’’ti aññathattaṃ āpajjati, tassa dakkhiṇā saṅghagatā na hoti. Mahātheraṃ labhitvāpi ‘‘mahāthero me laddho’’ti somanassaṃ uppādentassāpi na hotiyeva. Yo pana sāmaṇeraṃ vā upasampannaṃ vā daharaṃ vā theraṃ vā bālaṃ vā paṇḍitaṃ vā yaṃkiñci saṅghato labhitvā nibbematiko hutvā saṅghassa demīti saṅghe cittīkāraṃ kātuṃ sakkoti, tassa dakkhiṇā saṅghagatā nāma hoti. Parasamuddavāsino kira evaṃ karonti.
д̇ад̇т̇а хи зго вихаарасаами гудумб̣иго ‘‘сан̇гхаг̇ад̇ам̣ д̣̇агкин̣ам̣ д̣̇ассаамий’’д̇и сан̇гхад̇о уд̣̇д̣̇исид̇ваа згам̣ бхигкум̣ д̣̇зт̇аад̇и яаажи. со згам̣ д̣̇уссийлабхигкум̣ лабхид̇ваа нисиннадтаанам̣ обун̃ж̇аабзд̇ваа аасанам̣ бан̃н̃аабзд̇ваа убари вид̇аанам̣ б̣анд̇хид̇ваа г̇анд̇хад̇хуумабубпзхи бууж̇зд̇ваа баад̣̇з д̇ховид̇ваа д̇злзна магкзд̇ваа б̣уд̣̇д̇хасса нибажжагаарам̣ гаронд̇о вияа сан̇гхз жид̇д̇ийгаарзна д̣̇зяяад̇хаммам̣ ад̣̇ааси. со бхигку бажчаабхад̇д̇ам̣ вихаараж̇аг̇г̇анад̇т̇ааяа гуд̣̇аалагам̣ д̣̇зт̇аад̇и гхарад̣̇ваарам̣ ааг̇ад̇о, убаасаго нисиннова гуд̣̇аалам̣ баад̣̇зна кибид̇ваа ‘‘г̇ан̣хаа’’д̇и ад̣̇ааси. д̇амзнам̣ мануссаа аахам̣су – ‘‘д̇умхзхи баад̇ова зд̇асса гад̇асаггааро вад̇д̇ум̣ на саггаа, ид̣̇аани убажаарамад̇д̇агамби над̇т̇и, гим̣ наамзд̇а’’нд̇и. убаасаго – ‘‘сан̇гхасса со аяяаа жид̇д̇ийгааро, на зд̇ассаа’’д̇и ааха. гаасааваган̣тасан̇гхасса д̣̇иннад̣̇агкин̣ам̣ бана го сод̇хзд̇ийд̇и? саарибуд̇д̇амог̇г̇аллаанаад̣̇аяо асийд̇и махаат̇зраа сод̇хзнд̇ийд̇и. абижа т̇зраа жирабариниб̣б̣уд̇аа, т̇зрз аад̣̇им̣ гад̇ваа яааваж̇ж̇а д̇харамаанаа кийн̣аасаваа сод̇хзнд̇иязва.
Tattha hi eko vihārasāmi kuṭumbiko ‘‘saṅghagataṃ dakkhiṇaṃ dassāmī’’ti saṅghato uddisitvā ekaṃ bhikkhuṃ dethāti yāci. So ekaṃ dussīlabhikkhuṃ labhitvā nisinnaṭṭhānaṃ opuñjāpetvā āsanaṃ paññāpetvā upari vitānaṃ bandhitvā gandhadhūmapupphehi pūjetvā pāde dhovitvā telena makkhetvā buddhassa nipaccakāraṃ karonto viya saṅghe cittīkārena deyyadhammaṃ adāsi. So bhikkhu pacchābhattaṃ vihārajagganatthāya kudālakaṃ dethāti gharadvāraṃ āgato, upāsako nisinnova kudālaṃ pādena khipitvā ‘‘gaṇhā’’ti adāsi. Tamenaṃ manussā āhaṃsu – ‘‘tumhehi pātova etassa katasakkāro vattuṃ na sakkā, idāni upacāramattakampi natthi, kiṃ nāmeta’’nti. Upāsako – ‘‘saṅghassa so ayyā cittīkāro, na etassā’’ti āha. Kāsāvakaṇṭhasaṅghassa dinnadakkhiṇaṃ pana ko sodhetīti? Sāriputtamoggallānādayo asīti mahātherā sodhentīti. Apica therā ciraparinibbutā, there ādiṃ katvā yāvajja dharamānā khīṇāsavā sodhentiyeva.
на д̇взваахам̣ , аананд̣̇а, гзнажи барияааязна сан̇гхаг̇ад̇ааяа д̣̇агкин̣ааяаад̇и зд̇т̇а ад̇т̇и б̣уд̣̇д̇хаббамуко сан̇гхо, ад̇т̇и зд̇арахи сан̇гхо, ад̇т̇и анааг̇ад̇з гаасааваган̣тасан̇гхо. б̣уд̣̇д̇хаббамуко сан̇гхо зд̇арахи сан̇гхзна на убанзд̇аб̣б̣о, зд̇арахи сан̇гхо анааг̇ад̇з гаасааваган̣тасан̇гхзна сад̣̇д̇хим̣ на убанзд̇аб̣б̣о. д̇зна д̇знзва самаязна гат̇зд̇аб̣б̣ам̣. сан̇гхад̇о уд̣̇д̣̇исид̇ваа г̇ахид̇асаман̣абут̇уж̇ж̇ано хи баадибуг̇г̇алиго сод̇аабанно, сан̇гхз жид̇д̇ийгаарам̣ гаад̇ум̣ саггонд̇асса бут̇уж̇ж̇анасаман̣з д̣̇иннам̣ махабпалад̇арам̣. уд̣̇д̣̇исид̇ваа г̇ахид̇о сод̇аабанно баадибуг̇г̇алиго сагад̣̇ааг̇аамийд̇иаад̣̇ийсуби зсзва наяо. сан̇гхз жид̇д̇ийгаарам̣ гаад̇ум̣ саггонд̇асса хи кийн̣аасавз д̣̇иннад̣̇аанад̇о уд̣̇д̣̇исид̇ваа г̇ахид̇з д̣̇уссийлзби д̣̇иннам̣ махабпалад̇арамзва . яам̣ бана вуд̇д̇ам̣ ‘‘сийлавад̇о ко, махаарааж̇а, д̣̇иннам̣ махабпалам̣, но д̇ат̇аа д̣̇уссийлз’’д̇и, д̇ам̣ имам̣ наяам̣ бахааяа ‘‘жад̇ассо ко имаананд̣̇а, д̣̇агкин̣аа висуд̣̇д̇хияо’’д̇и имасмим̣ жад̇уггз д̣̇адтаб̣б̣ам̣.
Na tvevāhaṃ, ānanda, kenaci pariyāyena saṅghagatāya dakkhiṇāyāti ettha atthi buddhappamukho saṅgho, atthi etarahi saṅgho, atthi anāgate kāsāvakaṇṭhasaṅgho. Buddhappamukho saṅgho etarahi saṅghena na upanetabbo, etarahi saṅgho anāgate kāsāvakaṇṭhasaṅghena saddhiṃ na upanetabbo. Tena teneva samayena kathetabbaṃ. Saṅghato uddisitvā gahitasamaṇaputhujjano hi pāṭipuggaliko sotāpanno, saṅghe cittīkāraṃ kātuṃ sakkontassa puthujjanasamaṇe dinnaṃ mahapphalataraṃ. Uddisitvā gahito sotāpanno pāṭipuggaliko sakadāgāmītiādīsupi eseva nayo. Saṅghe cittīkāraṃ kātuṃ sakkontassa hi khīṇāsave dinnadānato uddisitvā gahite dussīlepi dinnaṃ mahapphalatarameva . Yaṃ pana vuttaṃ ‘‘sīlavato kho, mahārāja, dinnaṃ mahapphalaṃ, no tathā dussīle’’ti, taṃ imaṃ nayaṃ pahāya ‘‘catasso kho imānanda, dakkhiṇā visuddhiyo’’ti imasmiṃ catukke daṭṭhabbaṃ.
381. д̣̇ааяагад̇о висуж̇жхад̇ийд̇и махабпалабхаавзна висуж̇жхад̇и, махабпалаа ход̇ийд̇и ад̇т̇о. галяаан̣ад̇хаммод̇и сужид̇хаммо, на баабад̇хаммо. д̣̇ааяагад̇о висуж̇жхад̇ийд̇и жзд̇т̇а взссанд̇арамахаарааж̇аа гат̇зд̇аб̣б̣о. со хи ж̇ууж̇агаб̣раахман̣асса д̣̇аарагз д̣̇ад̇ваа бат̇авим̣ гамбзси.
381.Dāyakato visujjhatīti mahapphalabhāvena visujjhati, mahapphalā hotīti attho. Kalyāṇadhammoti sucidhammo, na pāpadhammo. Dāyakato visujjhatīti cettha vessantaramahārājā kathetabbo. So hi jūjakabrāhmaṇassa dārake datvā pathaviṃ kampesi.
бадиг̇г̇аахагад̇о висуж̇жхад̇ийд̇и зд̇т̇а галяаан̣ийнад̣̇иймукад̣̇ваараваасигзваддо гат̇зд̇аб̣б̣о. со гира д̣̇ийгхасомад̇т̇зрасса д̇игкад̇д̇умби бин̣д̣абаад̇ам̣ д̣̇ад̇ваа маран̣аман̃жз нибанно ‘‘аяяасса мам̣ д̣̇ийгхасомад̇т̇зрасса д̣̇иннабин̣д̣абаад̇о уд̣̇д̇харад̇ий’’д̇и ааха.
Paṭiggāhakatovisujjhatīti ettha kalyāṇīnadīmukhadvāravāsikevaṭṭo kathetabbo. So kira dīghasomattherassa tikkhattumpi piṇḍapātaṃ datvā maraṇamañce nipanno ‘‘ayyassa maṃ dīghasomattherassa dinnapiṇḍapāto uddharatī’’ti āha.
нзва д̣̇ааяагад̇од̇и зд̇т̇а вад̣дхамаанаваасилуд̣̇д̣̇аго гат̇зд̇аб̣б̣о. со гира бзд̇ад̣̇агкин̣ам̣ д̣̇знд̇о згасса д̣̇уссийлассзва д̇аяо ваарз ад̣̇ааси, д̇ад̇ияаваарз ‘‘амануссо д̣̇уссийло мам̣ вилумбад̇ий’’д̇и вирави, згасса сийлаванд̇абхигкуно д̣̇ад̇ваа баабид̇агаалзязвасса баабун̣и.
Neva dāyakatoti ettha vaḍḍhamānavāsiluddako kathetabbo. So kira petadakkhiṇaṃ dento ekassa dussīlasseva tayo vāre adāsi, tatiyavāre ‘‘amanusso dussīlo maṃ vilumpatī’’ti viravi, ekassa sīlavantabhikkhuno datvā pāpitakāleyevassa pāpuṇi.
д̣̇ааяагад̇о жзва висуж̇жхад̇ийд̇и зд̇т̇а асад̣̇исад̣̇аанам̣ гат̇зд̇аб̣б̣ам̣.
Dāyakato ceva visujjhatīti ettha asadisadānaṃ kathetabbaṃ.
саа д̣̇агкин̣аа д̣̇ааяагад̇о висуж̇жхад̇ийд̇и зд̇т̇а яат̇аа наама чзго гассаго асаарамби кзд̇д̇ам̣ лабхид̇ваа самаяз гасид̇ваа бам̣сум̣ абанзд̇ваа саараб̣ийж̇аани бад̇идтабзд̇ваа рад̇д̇инд̣̇ивам̣ аарагкз бамаад̣̇ам̣ анаабаж̇ж̇анд̇о ан̃н̃асса сааракзд̇д̇ад̇о ад̇хигад̇арам̣ д̇хан̃н̃ам̣ лабхад̇и, звам̣ сийлаваа д̣̇уссийласса д̣̇ад̇вааби палам̣ маханд̇ам̣ ад̇хиг̇ажчад̇ийд̇и. иминаа убааязна саб̣б̣абад̣̇зсу висуж̇жханам̣ взд̣̇ид̇аб̣б̣ам̣.
Sā dakkhiṇā dāyakato visujjhatīti ettha yathā nāma cheko kassako asārampi khettaṃ labhitvā samaye kasitvā paṃsuṃ apanetvā sārabījāni patiṭṭhapetvā rattindivaṃ ārakkhe pamādaṃ anāpajjanto aññassa sārakhettato adhikataraṃ dhaññaṃ labhati, evaṃ sīlavā dussīlassa datvāpi phalaṃ mahantaṃ adhigacchatīti. Iminā upāyena sabbapadesu visujjhanaṃ veditabbaṃ.
вийд̇арааг̇о вийд̇арааг̇зсууд̇и зд̇т̇а вийд̇арааг̇о наама анааг̇аамий, арахаа бана зганд̇авийд̇арааг̇ова, д̇асмаа арахад̇аа арахад̇о д̣̇иннад̣̇аанамзва аг̇г̇ам̣. гасмаа? бхаваалаяасса бхавабад̇т̇анааяа абхаавад̇о. нану кийн̣аасаво д̣̇аанапалам̣ на сад̣̇д̣̇ахад̇ийд̇и? д̣̇аанапалам̣ сад̣̇д̣̇аханд̇аа кийн̣аасавасад̣̇исаа на хонд̇и. кийн̣аасавзна гад̇агаммам̣ бана нижчанд̣̇арааг̇ад̇д̇аа гусалам̣ ваа агусалам̣ ваа на ход̇и, гирияадтаанз д̇идтад̇и, д̇знзвасса д̣̇аанам̣ аг̇г̇ам̣ ход̇ийд̇и вад̣̇анд̇и.
Vītarāgo vītarāgesūti ettha vītarāgo nāma anāgāmī, arahā pana ekantavītarāgova, tasmā arahatā arahato dinnadānameva aggaṃ. Kasmā? Bhavālayassa bhavapatthanāya abhāvato. Nanu khīṇāsavo dānaphalaṃ na saddahatīti? Dānaphalaṃ saddahantā khīṇāsavasadisā na honti. Khīṇāsavena katakammaṃ pana nicchandarāgattā kusalaṃ vā akusalaṃ vā na hoti, kiriyaṭṭhāne tiṭṭhati, tenevassa dānaṃ aggaṃ hotīti vadanti.
гим̣ бана саммаасамб̣уд̣̇д̇хзна саарибуд̇д̇ад̇т̇зрасса д̣̇иннам̣ махабпалам̣, уд̣̇ааху саарибуд̇д̇ад̇т̇зрзна саммаасамб̣уд̣̇д̇хасса д̣̇иннанд̇и. саммаасамб̣уд̣̇д̇хзна саарибуд̇д̇ад̇т̇зрасса д̣̇иннам̣ махабпаланд̇и вад̣̇анд̇и. саммаасамб̣уд̣̇д̇хан̃хи табзд̇ваа ан̃н̃о д̣̇аанасса вибаагам̣ ж̇аанид̇ум̣ самад̇т̇о наама над̇т̇и. д̣̇аанан̃хи жад̇уухи самбад̣̇аахи д̣̇аад̇ум̣ саггонд̇асса д̇асмим̣язва ад̇д̇абхаавз вибаагам̣ д̣̇зд̇и. д̇ад̇римаа самбад̣̇аа – д̣̇зяяад̇хаммасса д̇хаммзна самзна барам̣ абийл̣зд̇ваа уббаннад̇аа, буб̣б̣ажзд̇анаад̣̇ивасзна жзд̇анааяа махад̇д̇ад̇аа, кийн̣аасавабхаавзна г̇ун̣аад̇ирзгад̇аа, д̇ам̣д̣̇ивасам̣ нирод̇хад̇о вудтид̇абхаавзна вад̇т̇усамбаннад̇аад̇и.
Kiṃ pana sammāsambuddhena sāriputtattherassa dinnaṃ mahapphalaṃ, udāhu sāriputtattherena sammāsambuddhassa dinnanti. Sammāsambuddhena sāriputtattherassa dinnaṃ mahapphalanti vadanti. Sammāsambuddhañhi ṭhapetvā añño dānassa vipākaṃ jānituṃ samattho nāma natthi. Dānañhi catūhi sampadāhi dātuṃ sakkontassa tasmiṃyeva attabhāve vipākaṃ deti. Tatrimā sampadā – deyyadhammassa dhammena samena paraṃ apīḷetvā uppannatā, pubbacetanādivasena cetanāya mahattatā, khīṇāsavabhāvena guṇātirekatā, taṃdivasaṃ nirodhato vuṭṭhitabhāvena vatthusampannatāti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
д̣̇агкин̣аавибхан̇г̇асуд̇д̇аван̣н̣анаа нидтид̇аа.
Dakkhiṇāvibhaṅgasuttavaṇṇanā niṭṭhitā.
жад̇уд̇т̇аваг̇г̇аван̣н̣анаа нидтид̇аа.
Catutthavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 12. д̣̇агкин̣аавибхан̇г̇асуд̇д̇ам̣ • 12. Dakkhiṇāvibhaṅgasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 12. д̣̇агкин̣аавибхан̇г̇асуд̇д̇аван̣н̣анаа • 12. Dakkhiṇāvibhaṅgasuttavaṇṇanā
