| Library / Tipiṭaka / ติปิฎก • Tipiṭaka / กถาวตฺถุปาฬิ • Kathāvatthupāḷi |
๑๗. สตฺตรสมวโคฺค
17. Sattarasamavaggo
(๑๗๖) ๑๑. ทกฺขิณาวิสุทฺธิกถา
(176) 11. Dakkhiṇāvisuddhikathā
๘๐๐. ทายกโตว ทานํ วิสุชฺฌติ, โน ปฎิคฺคาหกโตติ? อามนฺตาฯ นนุ อตฺถิ เกจิ ปฎิคฺคาหกา อาหุเนยฺยา ปาหุเนยฺยา ทกฺขิเณยฺยา อญฺชลิกรณียา อนุตฺตรํ ปุญฺญเกฺขตฺตํ โลกสฺสาติ? อามนฺตา ฯ หญฺจิ อตฺถิ เกจิ ปฎิคฺคาหกา อาหุเนยฺยา ปาหุเนยฺยา ทกฺขิเณยฺยา อญฺชลิกรณียา อนุตฺตรํ ปุญฺญเกฺขตฺตํ โลกสฺส, โน จ วต เร วตฺตเพฺพ – ‘‘ทายกโตว ทานํ วิสุชฺฌติ, โน ปฎิคฺคาหกโต’’ติฯ
800. Dāyakatova dānaṃ visujjhati, no paṭiggāhakatoti? Āmantā. Nanu atthi keci paṭiggāhakā āhuneyyā pāhuneyyā dakkhiṇeyyā añjalikaraṇīyā anuttaraṃ puññakkhettaṃ lokassāti? Āmantā . Hañci atthi keci paṭiggāhakā āhuneyyā pāhuneyyā dakkhiṇeyyā añjalikaraṇīyā anuttaraṃ puññakkhettaṃ lokassa, no ca vata re vattabbe – ‘‘dāyakatova dānaṃ visujjhati, no paṭiggāhakato’’ti.
ทายกโตว ทานํ วิสุชฺฌติ, โน ปฎิคฺคาหกโตติ? อามนฺตา ฯ นนุ จตฺตาโร ปุริสยุคา อฎฺฐ ปุริสปุคฺคลา ทกฺขิเณยฺยา วุตฺตา ภควตาติ? อามนฺตาฯ หญฺจิ จตฺตาโร ปุริสยุคา อฎฺฐ ปุริสปุคฺคลา ทกฺขิเณยฺยา วุตฺตา ภควตา, โน จ วต เร วตฺตเพฺพ – ‘‘ทายกโตว ทานํ วิสุชฺฌติ, โน ปฎิคฺคาหกโต’’ติฯ
Dāyakatova dānaṃ visujjhati, no paṭiggāhakatoti? Āmantā . Nanu cattāro purisayugā aṭṭha purisapuggalā dakkhiṇeyyā vuttā bhagavatāti? Āmantā. Hañci cattāro purisayugā aṭṭha purisapuggalā dakkhiṇeyyā vuttā bhagavatā, no ca vata re vattabbe – ‘‘dāyakatova dānaṃ visujjhati, no paṭiggāhakato’’ti.
ทายกโตว ทานํ วิสุชฺฌติ, โน ปฎิคฺคาหกโตติ? อามนฺตาฯ นนุ อตฺถิ เกจิ โสตาปเนฺน ทานํ ทตฺวา ทกฺขิณํ อาราเธนฺตีติ? อามนฺตาฯ หญฺจิ อตฺถิ เกจิ โสตาปเนฺน ทานํ ทตฺวา ทกฺขิณํ อาราเธนฺติ, โน จ วต เร วตฺตเพฺพ – ‘‘ทายกโตว ทานํ วิสุชฺฌติ, โน ปฎิคฺคาหกโต’’ติฯ
Dāyakatova dānaṃ visujjhati, no paṭiggāhakatoti? Āmantā. Nanu atthi keci sotāpanne dānaṃ datvā dakkhiṇaṃ ārādhentīti? Āmantā. Hañci atthi keci sotāpanne dānaṃ datvā dakkhiṇaṃ ārādhenti, no ca vata re vattabbe – ‘‘dāyakatova dānaṃ visujjhati, no paṭiggāhakato’’ti.
นนุ อตฺถิ เกจิ สกทาคามิสฺส…เป.… อนาคามิสฺส…เป.… อรหโต ทานํ ทตฺวา ทกฺขิณํ อาราเธนฺตีติ? อามนฺตาฯ หญฺจิ อตฺถิ เกจิ อรหโต ทานํ ทตฺวา ทกฺขิณํ อาราเธนฺติ, โน จ วต เร วตฺตเพฺพ – ‘‘ทายกโตว ทานํ วิสุชฺฌติ, โน ปฎิคฺคาหกโต’’ติฯ
Nanu atthi keci sakadāgāmissa…pe… anāgāmissa…pe… arahato dānaṃ datvā dakkhiṇaṃ ārādhentīti? Āmantā. Hañci atthi keci arahato dānaṃ datvā dakkhiṇaṃ ārādhenti, no ca vata re vattabbe – ‘‘dāyakatova dānaṃ visujjhati, no paṭiggāhakato’’ti.
๘๐๑. ปฎิคฺคาหกโต ทานํ วิสุชฺฌตีติ? อามนฺตาฯ อโญฺญ อญฺญสฺส การโก, ปรกตํ สุขทุกฺขํ, อโญฺญ กโรติ อโญฺญ ปฎิสํเวเทตีติ? น เหวํ วตฺตเพฺพ…เป.…ฯ
801. Paṭiggāhakato dānaṃ visujjhatīti? Āmantā. Añño aññassa kārako, parakataṃ sukhadukkhaṃ, añño karoti añño paṭisaṃvedetīti? Na hevaṃ vattabbe…pe….
ทายกโตว ทานํ วิสุชฺฌติ, โน ปฎิคฺคาหกโตติ? อามนฺตาฯ นนุ วุตฺตํ ภควตา – ‘‘จตโสฺส โข อิมา, อานนฺท, ทกฺขิณา วิสุทฺธิโย! กตมา จตโสฺส? อตฺถานนฺท, ทกฺขิณา ทายกโต วิสุชฺฌติ, โน ปฎิคฺคาหกโต; อตฺถานนฺท, ทกฺขิณา ปฎิคฺคาหกโต วิสุชฺฌติ, โน ทายกโต ; อตฺถานนฺท, ทกฺขิณา ทายกโต เจว วิสุชฺฌติ ปฎิคฺคาหกโต จ; อตฺถานนฺท, ทกฺขิณา เนว ทายกโต วิสุชฺฌติ, โน ปฎิคฺคาหกโตฯ อิมา โข, อานนฺท, จตโสฺส ทกฺขิณา วิสุทฺธิโย’’ติ 1ฯ อเตฺถว สุตฺตโนฺตติ? อามนฺตาฯ เตน หิ น วตฺตพฺพํ – ‘‘ทายกโตว ทานํ วิสุชฺฌติ, โน ปฎิคฺคาหกโต’’ติฯ
Dāyakatova dānaṃ visujjhati, no paṭiggāhakatoti? Āmantā. Nanu vuttaṃ bhagavatā – ‘‘catasso kho imā, ānanda, dakkhiṇā visuddhiyo! Katamā catasso? Atthānanda, dakkhiṇā dāyakato visujjhati, no paṭiggāhakato; atthānanda, dakkhiṇā paṭiggāhakato visujjhati, no dāyakato ; atthānanda, dakkhiṇā dāyakato ceva visujjhati paṭiggāhakato ca; atthānanda, dakkhiṇā neva dāyakato visujjhati, no paṭiggāhakato. Imā kho, ānanda, catasso dakkhiṇā visuddhiyo’’ti 2. Attheva suttantoti? Āmantā. Tena hi na vattabbaṃ – ‘‘dāyakatova dānaṃ visujjhati, no paṭiggāhakato’’ti.
ทกฺขิณาวิสุทฺธิกถา นิฎฺฐิตาฯ
Dakkhiṇāvisuddhikathā niṭṭhitā.
สตฺตรสมวโคฺคฯ
Sattarasamavaggo.
ตสฺสุทฺทานํ –
Tassuddānaṃ –
อตฺถิ อรหโต ปุญฺญูปจโย, นตฺถิ อรหโต อกาลมจฺจุ, สพฺพมิทํ กมฺมโต, อินฺทฺริยพทฺธเญฺญว ทุกฺขํ, ฐเปตฺวา อริยมคฺคํ อวเสสา สงฺขารา ทุกฺขา, สโงฺฆ ทกฺขิณํ ปฎิคฺคณฺหาติ, สโงฺฆ ทกฺขิณํ วิโสเธติ, สโงฺฆ ภุญฺชติ ปิวติ ขาทติ สายติ, สงฺฆสฺส ทินฺนํ มหปฺผลํ, อตฺถิ ทานํ วิสุทฺธิยาติ 3ฯ
Atthi arahato puññūpacayo, natthi arahato akālamaccu, sabbamidaṃ kammato, indriyabaddhaññeva dukkhaṃ, ṭhapetvā ariyamaggaṃ avasesā saṅkhārā dukkhā, saṅgho dakkhiṇaṃ paṭiggaṇhāti, saṅgho dakkhiṇaṃ visodheti, saṅgho bhuñjati pivati khādati sāyati, saṅghassa dinnaṃ mahapphalaṃ, atthi dānaṃ visuddhiyāti 4.
Footnotes:
Related texts:
อฎฺฐกถา • Aṭṭhakathā / อภิธมฺมปิฎก (อฎฺฐกถา) • Abhidhammapiṭaka (aṭṭhakathā) / ปญฺจปกรณ-อฎฺฐกถา • Pañcapakaraṇa-aṭṭhakathā / ๑๑. ทกฺขิณาวิสุทฺธิกถาวณฺณนา • 11. Dakkhiṇāvisuddhikathāvaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-มูลฎีกา • Pañcapakaraṇa-mūlaṭīkā / ๑๑. ทกฺขิณาวิสุทฺธิกถาวณฺณนา • 11. Dakkhiṇāvisuddhikathāvaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-อนุฎีกา • Pañcapakaraṇa-anuṭīkā / ๑๑. ทกฺขิณาวิสุทฺธิกถาวณฺณนา • 11. Dakkhiṇāvisuddhikathāvaṇṇanā
