| Library / Tipiṭaka / ਤਿਪਿਟਕ • Tipiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi |
੧੭. ਸਤ੍ਤਰਸਮવਗ੍ਗੋ
17. Sattarasamavaggo
(੧੭੬) ੧੧. ਦਕ੍ਖਿਣਾવਿਸੁਦ੍ਧਿਕਥਾ
(176) 11. Dakkhiṇāvisuddhikathā
੮੦੦. ਦਾਯਕਤੋવ ਦਾਨਂ વਿਸੁਜ੍ਝਤਿ, ਨੋ ਪਟਿਗ੍ਗਾਹਕਤੋਤਿ? ਆਮਨ੍ਤਾ। ਨਨੁ ਅਤ੍ਥਿ ਕੇਚਿ ਪਟਿਗ੍ਗਾਹਕਾ ਆਹੁਨੇਯ੍ਯਾ ਪਾਹੁਨੇਯ੍ਯਾ ਦਕ੍ਖਿਣੇਯ੍ਯਾ ਅਞ੍ਜਲਿਕਰਣੀਯਾ ਅਨੁਤ੍ਤਰਂ ਪੁਞ੍ਞਕ੍ਖੇਤ੍ਤਂ ਲੋਕਸ੍ਸਾਤਿ? ਆਮਨ੍ਤਾ । ਹਞ੍ਚਿ ਅਤ੍ਥਿ ਕੇਚਿ ਪਟਿਗ੍ਗਾਹਕਾ ਆਹੁਨੇਯ੍ਯਾ ਪਾਹੁਨੇਯ੍ਯਾ ਦਕ੍ਖਿਣੇਯ੍ਯਾ ਅਞ੍ਜਲਿਕਰਣੀਯਾ ਅਨੁਤ੍ਤਰਂ ਪੁਞ੍ਞਕ੍ਖੇਤ੍ਤਂ ਲੋਕਸ੍ਸ, ਨੋ ਚ વਤ ਰੇ વਤ੍ਤਬ੍ਬੇ – ‘‘ਦਾਯਕਤੋવ ਦਾਨਂ વਿਸੁਜ੍ਝਤਿ, ਨੋ ਪਟਿਗ੍ਗਾਹਕਤੋ’’ਤਿ।
800. Dāyakatova dānaṃ visujjhati, no paṭiggāhakatoti? Āmantā. Nanu atthi keci paṭiggāhakā āhuneyyā pāhuneyyā dakkhiṇeyyā añjalikaraṇīyā anuttaraṃ puññakkhettaṃ lokassāti? Āmantā . Hañci atthi keci paṭiggāhakā āhuneyyā pāhuneyyā dakkhiṇeyyā añjalikaraṇīyā anuttaraṃ puññakkhettaṃ lokassa, no ca vata re vattabbe – ‘‘dāyakatova dānaṃ visujjhati, no paṭiggāhakato’’ti.
ਦਾਯਕਤੋવ ਦਾਨਂ વਿਸੁਜ੍ਝਤਿ, ਨੋ ਪਟਿਗ੍ਗਾਹਕਤੋਤਿ? ਆਮਨ੍ਤਾ । ਨਨੁ ਚਤ੍ਤਾਰੋ ਪੁਰਿਸਯੁਗਾ ਅਟ੍ਠ ਪੁਰਿਸਪੁਗ੍ਗਲਾ ਦਕ੍ਖਿਣੇਯ੍ਯਾ વੁਤ੍ਤਾ ਭਗવਤਾਤਿ? ਆਮਨ੍ਤਾ। ਹਞ੍ਚਿ ਚਤ੍ਤਾਰੋ ਪੁਰਿਸਯੁਗਾ ਅਟ੍ਠ ਪੁਰਿਸਪੁਗ੍ਗਲਾ ਦਕ੍ਖਿਣੇਯ੍ਯਾ વੁਤ੍ਤਾ ਭਗવਤਾ, ਨੋ ਚ વਤ ਰੇ વਤ੍ਤਬ੍ਬੇ – ‘‘ਦਾਯਕਤੋવ ਦਾਨਂ વਿਸੁਜ੍ਝਤਿ, ਨੋ ਪਟਿਗ੍ਗਾਹਕਤੋ’’ਤਿ।
Dāyakatova dānaṃ visujjhati, no paṭiggāhakatoti? Āmantā . Nanu cattāro purisayugā aṭṭha purisapuggalā dakkhiṇeyyā vuttā bhagavatāti? Āmantā. Hañci cattāro purisayugā aṭṭha purisapuggalā dakkhiṇeyyā vuttā bhagavatā, no ca vata re vattabbe – ‘‘dāyakatova dānaṃ visujjhati, no paṭiggāhakato’’ti.
ਦਾਯਕਤੋવ ਦਾਨਂ વਿਸੁਜ੍ਝਤਿ, ਨੋ ਪਟਿਗ੍ਗਾਹਕਤੋਤਿ? ਆਮਨ੍ਤਾ। ਨਨੁ ਅਤ੍ਥਿ ਕੇਚਿ ਸੋਤਾਪਨ੍ਨੇ ਦਾਨਂ ਦਤ੍વਾ ਦਕ੍ਖਿਣਂ ਆਰਾਧੇਨ੍ਤੀਤਿ? ਆਮਨ੍ਤਾ। ਹਞ੍ਚਿ ਅਤ੍ਥਿ ਕੇਚਿ ਸੋਤਾਪਨ੍ਨੇ ਦਾਨਂ ਦਤ੍વਾ ਦਕ੍ਖਿਣਂ ਆਰਾਧੇਨ੍ਤਿ, ਨੋ ਚ વਤ ਰੇ વਤ੍ਤਬ੍ਬੇ – ‘‘ਦਾਯਕਤੋવ ਦਾਨਂ વਿਸੁਜ੍ਝਤਿ, ਨੋ ਪਟਿਗ੍ਗਾਹਕਤੋ’’ਤਿ।
Dāyakatova dānaṃ visujjhati, no paṭiggāhakatoti? Āmantā. Nanu atthi keci sotāpanne dānaṃ datvā dakkhiṇaṃ ārādhentīti? Āmantā. Hañci atthi keci sotāpanne dānaṃ datvā dakkhiṇaṃ ārādhenti, no ca vata re vattabbe – ‘‘dāyakatova dānaṃ visujjhati, no paṭiggāhakato’’ti.
ਨਨੁ ਅਤ੍ਥਿ ਕੇਚਿ ਸਕਦਾਗਾਮਿਸ੍ਸ…ਪੇ॰… ਅਨਾਗਾਮਿਸ੍ਸ…ਪੇ॰… ਅਰਹਤੋ ਦਾਨਂ ਦਤ੍વਾ ਦਕ੍ਖਿਣਂ ਆਰਾਧੇਨ੍ਤੀਤਿ? ਆਮਨ੍ਤਾ। ਹਞ੍ਚਿ ਅਤ੍ਥਿ ਕੇਚਿ ਅਰਹਤੋ ਦਾਨਂ ਦਤ੍વਾ ਦਕ੍ਖਿਣਂ ਆਰਾਧੇਨ੍ਤਿ, ਨੋ ਚ વਤ ਰੇ વਤ੍ਤਬ੍ਬੇ – ‘‘ਦਾਯਕਤੋવ ਦਾਨਂ વਿਸੁਜ੍ਝਤਿ, ਨੋ ਪਟਿਗ੍ਗਾਹਕਤੋ’’ਤਿ।
Nanu atthi keci sakadāgāmissa…pe… anāgāmissa…pe… arahato dānaṃ datvā dakkhiṇaṃ ārādhentīti? Āmantā. Hañci atthi keci arahato dānaṃ datvā dakkhiṇaṃ ārādhenti, no ca vata re vattabbe – ‘‘dāyakatova dānaṃ visujjhati, no paṭiggāhakato’’ti.
੮੦੧. ਪਟਿਗ੍ਗਾਹਕਤੋ ਦਾਨਂ વਿਸੁਜ੍ਝਤੀਤਿ? ਆਮਨ੍ਤਾ। ਅਞ੍ਞੋ ਅਞ੍ਞਸ੍ਸ ਕਾਰਕੋ, ਪਰਕਤਂ ਸੁਖਦੁਕ੍ਖਂ, ਅਞ੍ਞੋ ਕਰੋਤਿ ਅਞ੍ਞੋ ਪਟਿਸਂવੇਦੇਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
801. Paṭiggāhakato dānaṃ visujjhatīti? Āmantā. Añño aññassa kārako, parakataṃ sukhadukkhaṃ, añño karoti añño paṭisaṃvedetīti? Na hevaṃ vattabbe…pe….
ਦਾਯਕਤੋવ ਦਾਨਂ વਿਸੁਜ੍ਝਤਿ, ਨੋ ਪਟਿਗ੍ਗਾਹਕਤੋਤਿ? ਆਮਨ੍ਤਾ। ਨਨੁ વੁਤ੍ਤਂ ਭਗવਤਾ – ‘‘ਚਤਸ੍ਸੋ ਖੋ ਇਮਾ, ਆਨਨ੍ਦ, ਦਕ੍ਖਿਣਾ વਿਸੁਦ੍ਧਿਯੋ! ਕਤਮਾ ਚਤਸ੍ਸੋ? ਅਤ੍ਥਾਨਨ੍ਦ, ਦਕ੍ਖਿਣਾ ਦਾਯਕਤੋ વਿਸੁਜ੍ਝਤਿ, ਨੋ ਪਟਿਗ੍ਗਾਹਕਤੋ; ਅਤ੍ਥਾਨਨ੍ਦ, ਦਕ੍ਖਿਣਾ ਪਟਿਗ੍ਗਾਹਕਤੋ વਿਸੁਜ੍ਝਤਿ, ਨੋ ਦਾਯਕਤੋ ; ਅਤ੍ਥਾਨਨ੍ਦ, ਦਕ੍ਖਿਣਾ ਦਾਯਕਤੋ ਚੇવ વਿਸੁਜ੍ਝਤਿ ਪਟਿਗ੍ਗਾਹਕਤੋ ਚ; ਅਤ੍ਥਾਨਨ੍ਦ, ਦਕ੍ਖਿਣਾ ਨੇવ ਦਾਯਕਤੋ વਿਸੁਜ੍ਝਤਿ, ਨੋ ਪਟਿਗ੍ਗਾਹਕਤੋ। ਇਮਾ ਖੋ, ਆਨਨ੍ਦ, ਚਤਸ੍ਸੋ ਦਕ੍ਖਿਣਾ વਿਸੁਦ੍ਧਿਯੋ’’ਤਿ 1। ਅਤ੍ਥੇવ ਸੁਤ੍ਤਨ੍ਤੋਤਿ? ਆਮਨ੍ਤਾ। ਤੇਨ ਹਿ ਨ વਤ੍ਤਬ੍ਬਂ – ‘‘ਦਾਯਕਤੋવ ਦਾਨਂ વਿਸੁਜ੍ਝਤਿ, ਨੋ ਪਟਿਗ੍ਗਾਹਕਤੋ’’ਤਿ।
Dāyakatova dānaṃ visujjhati, no paṭiggāhakatoti? Āmantā. Nanu vuttaṃ bhagavatā – ‘‘catasso kho imā, ānanda, dakkhiṇā visuddhiyo! Katamā catasso? Atthānanda, dakkhiṇā dāyakato visujjhati, no paṭiggāhakato; atthānanda, dakkhiṇā paṭiggāhakato visujjhati, no dāyakato ; atthānanda, dakkhiṇā dāyakato ceva visujjhati paṭiggāhakato ca; atthānanda, dakkhiṇā neva dāyakato visujjhati, no paṭiggāhakato. Imā kho, ānanda, catasso dakkhiṇā visuddhiyo’’ti 2. Attheva suttantoti? Āmantā. Tena hi na vattabbaṃ – ‘‘dāyakatova dānaṃ visujjhati, no paṭiggāhakato’’ti.
ਦਕ੍ਖਿਣਾવਿਸੁਦ੍ਧਿਕਥਾ ਨਿਟ੍ਠਿਤਾ।
Dakkhiṇāvisuddhikathā niṭṭhitā.
ਸਤ੍ਤਰਸਮવਗ੍ਗੋ।
Sattarasamavaggo.
ਤਸ੍ਸੁਦ੍ਦਾਨਂ –
Tassuddānaṃ –
ਅਤ੍ਥਿ ਅਰਹਤੋ ਪੁਞ੍ਞੂਪਚਯੋ, ਨਤ੍ਥਿ ਅਰਹਤੋ ਅਕਾਲਮਚ੍ਚੁ, ਸਬ੍ਬਮਿਦਂ ਕਮ੍ਮਤੋ, ਇਨ੍ਦ੍ਰਿਯਬਦ੍ਧਞ੍ਞੇવ ਦੁਕ੍ਖਂ, ਠਪੇਤ੍વਾ ਅਰਿਯਮਗ੍ਗਂ ਅવਸੇਸਾ ਸਙ੍ਖਾਰਾ ਦੁਕ੍ਖਾ, ਸਙ੍ਘੋ ਦਕ੍ਖਿਣਂ ਪਟਿਗ੍ਗਣ੍ਹਾਤਿ, ਸਙ੍ਘੋ ਦਕ੍ਖਿਣਂ વਿਸੋਧੇਤਿ, ਸਙ੍ਘੋ ਭੁਞ੍ਜਤਿ ਪਿવਤਿ ਖਾਦਤਿ ਸਾਯਤਿ, ਸਙ੍ਘਸ੍ਸ ਦਿਨ੍ਨਂ ਮਹਪ੍ਫਲਂ, ਅਤ੍ਥਿ ਦਾਨਂ વਿਸੁਦ੍ਧਿਯਾਤਿ 3।
Atthi arahato puññūpacayo, natthi arahato akālamaccu, sabbamidaṃ kammato, indriyabaddhaññeva dukkhaṃ, ṭhapetvā ariyamaggaṃ avasesā saṅkhārā dukkhā, saṅgho dakkhiṇaṃ paṭiggaṇhāti, saṅgho dakkhiṇaṃ visodheti, saṅgho bhuñjati pivati khādati sāyati, saṅghassa dinnaṃ mahapphalaṃ, atthi dānaṃ visuddhiyāti 4.
Footnotes:
Related texts:
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੧੧. ਦਕ੍ਖਿਣਾવਿਸੁਦ੍ਧਿਕਥਾવਣ੍ਣਨਾ • 11. Dakkhiṇāvisuddhikathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੧੧. ਦਕ੍ਖਿਣਾવਿਸੁਦ੍ਧਿਕਥਾવਣ੍ਣਨਾ • 11. Dakkhiṇāvisuddhikathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੧੧. ਦਕ੍ਖਿਣਾવਿਸੁਦ੍ਧਿਕਥਾવਣ੍ਣਨਾ • 11. Dakkhiṇāvisuddhikathāvaṇṇanā
