| Library / Tipiṭaka / திபிடக • Tipiṭaka / பஞ்சபகரண-அட்ட²கதா² • Pañcapakaraṇa-aṭṭhakathā |
11. த³க்கி²ணாவிஸுத்³தி⁴கதா²வண்ணனா
11. Dakkhiṇāvisuddhikathāvaṇṇanā
800-801. இதா³னி த³க்கி²ணாவிஸுத்³தி⁴கதா² நாம ஹோதி. தத்த² ‘‘யதி³ படிக்³கா³ஹகதோ த³க்கி²ணா விஸுஜ்ஜெ²ய்ய, மஹப்ப²லா ப⁴வெய்ய. தா³யகேன தா³னங் தி³ன்னங், படிக்³கா³ஹகேன விபாகோ நிப்³ப³த்திதோதி அஞ்ஞோ அஞ்ஞஸ்ஸ காரகோ ப⁴வெய்ய, பரங்கதங் ஸுக²து³க்க²ங் ஆபஜ்ஜெய்ய, அஞ்ஞோ கரெய்ய, அஞ்ஞோ படிஸங்வேதெ³ய்ய. தஸ்மா தா³யகதோவ தா³னங் விஸுஜ்ஜ²தி, நோ படிக்³கா³ஹகதோ, தா³யகஸ்ஸேவ சித்தவிஸுத்³தி⁴ விபாகதா³யிகா ஹோதீ’’தி யேஸங் லத்³தி⁴, ஸெய்யதா²பி உத்தராபத²கானங்; தே ஸந்தா⁴ய புச்சா² ஸகவாதி³ஸ்ஸ, படிஞ்ஞா இதரஸ்ஸ. ஆஹுனெய்யாதிஆதி³ ‘‘யதி³ படிக்³கா³ஹகதோ தா³னங் ந விஸுஜ்ஜெ²ய்ய, கிமஸ்ஸ ஆஹுனெய்யாதி³பா⁴வோ கரெய்யா’’தி த³ஸ்ஸனத்த²ங் வுத்தங். அஞ்ஞோ அஞ்ஞஸ்ஸ காரகோதி யதி³ தா³யகஸ்ஸ தா³னசேதனா படிக்³கா³ஹகேன கதா ப⁴வெய்ய, யுத்தரூபங் ஸியா. தஸ்ஸ பன தா³னசேதனா பரிஸுத்³தா⁴ படிக்³கா³ஹகஸங்கா²தங் வத்து²ங் படிச்ச மஹாவிபாகட்டே²ன விஸுஜ்ஜ²தி, தஸ்மா அசோத³னா ஏஸா ‘‘படிக்³கா³ஹகதோ தா³னங் விஸுஜ்ஜ²தீ’’தி.
800-801. Idāni dakkhiṇāvisuddhikathā nāma hoti. Tattha ‘‘yadi paṭiggāhakato dakkhiṇā visujjheyya, mahapphalā bhaveyya. Dāyakena dānaṃ dinnaṃ, paṭiggāhakena vipāko nibbattitoti añño aññassa kārako bhaveyya, paraṃkataṃ sukhadukkhaṃ āpajjeyya, añño kareyya, añño paṭisaṃvedeyya. Tasmā dāyakatova dānaṃ visujjhati, no paṭiggāhakato, dāyakasseva cittavisuddhi vipākadāyikā hotī’’ti yesaṃ laddhi, seyyathāpi uttarāpathakānaṃ; te sandhāya pucchā sakavādissa, paṭiññā itarassa. Āhuneyyātiādi ‘‘yadi paṭiggāhakato dānaṃ na visujjheyya, kimassa āhuneyyādibhāvo kareyyā’’ti dassanatthaṃ vuttaṃ. Añño aññassa kārakoti yadi dāyakassa dānacetanā paṭiggāhakena katā bhaveyya, yuttarūpaṃ siyā. Tassa pana dānacetanā parisuddhā paṭiggāhakasaṅkhātaṃ vatthuṃ paṭicca mahāvipākaṭṭhena visujjhati, tasmā acodanā esā ‘‘paṭiggāhakato dānaṃ visujjhatī’’ti.
த³க்கி²ணாவிஸுத்³தி⁴கதா²வண்ணனா.
Dakkhiṇāvisuddhikathāvaṇṇanā.
ஸத்தரஸமோ வக்³கோ³.
Sattarasamo vaggo.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / கதா²வத்து²பாளி • Kathāvatthupāḷi / (176) 11. த³க்கி²ணாவிஸுத்³தி⁴கதா² • (176) 11. Dakkhiṇāvisuddhikathā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 11. த³க்கி²ணாவிஸுத்³தி⁴கதா²வண்ணனா • 11. Dakkhiṇāvisuddhikathāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 11. த³க்கி²ணாவிஸுத்³தி⁴கதா²வண்ணனா • 11. Dakkhiṇāvisuddhikathāvaṇṇanā
