| Library / Tipiṭaka / திபிடக • Tipiṭaka / பஞ்சபகரண-மூலடீகா • Pañcapakaraṇa-mūlaṭīkā |
11. த³க்கி²ணாவிஸுத்³தி⁴கதா²வண்ணனா
11. Dakkhiṇāvisuddhikathāvaṇṇanā
800-801. த³க்கி²ணாவிஸுத்³தி⁴கதா²யங் விஸுஜ்ஜெ²ய்யாதி ஏதஸ்ஸ அத்த²ங் த³ஸ்ஸெந்தோ ‘‘மஹப்ப²லா ப⁴வெய்யா’’தி ஆஹ. தா³யகஸ்ஸேவ சித்தவிஸுத்³தி⁴ விபாகதா³யிகா ஹோதீதி படிக்³கா³ஹகனிரபெக்கா² படிக்³கா³ஹகேன பச்சயபூ⁴தேன வினா தா³யகேனேவ மஹாவிபாகசேதனத்தங் ஆபாதி³கா, படிக்³கா³ஹகனிரபெக்கா² விபாகதா³யிகா ஹோதீதி அதி⁴ப்பாயோ. அஞ்ஞோ அஞ்ஞஸ்ஸ காரகோதி யதி³ தா³யகஸ்ஸ தா³னசேதனா நாம படிக்³கா³ஹகேன கதா ப⁴வெய்ய, யுத்தரூபங் ஸியாதி கஸ்மா வுத்தங், நனு லத்³தி⁴கித்தனே ‘‘தா³யகேன தா³னங் தி³ன்னங், படிக்³கா³ஹகேன விபாகோ நிப்³ப³த்திதோதி அஞ்ஞோ அஞ்ஞஸ்ஸ காரகோ ப⁴வெய்யா’’தி வுத்தந்தி? ஸச்சமேதங், படிக்³கா³ஹகேன விபாகனிப்³ப³த்தனம்பி பன தா³னசேதனானிப்³ப³த்தனேன யதி³ ப⁴வெய்ய, ஏவங் ஸதி அஞ்ஞோ அஞ்ஞஸ்ஸ காரகோதி யுத்தரூபங் ஸியாதி அதி⁴ப்பாயோ.
800-801. Dakkhiṇāvisuddhikathāyaṃ visujjheyyāti etassa atthaṃ dassento ‘‘mahapphalā bhaveyyā’’ti āha. Dāyakasseva cittavisuddhi vipākadāyikā hotīti paṭiggāhakanirapekkhā paṭiggāhakena paccayabhūtena vinā dāyakeneva mahāvipākacetanattaṃ āpādikā, paṭiggāhakanirapekkhā vipākadāyikā hotīti adhippāyo. Añño aññassa kārakoti yadi dāyakassa dānacetanā nāma paṭiggāhakena katā bhaveyya, yuttarūpaṃ siyāti kasmā vuttaṃ, nanu laddhikittane ‘‘dāyakena dānaṃ dinnaṃ, paṭiggāhakena vipāko nibbattitoti añño aññassa kārako bhaveyyā’’ti vuttanti? Saccametaṃ, paṭiggāhakena vipākanibbattanampi pana dānacetanānibbattanena yadi bhaveyya, evaṃ sati añño aññassa kārakoti yuttarūpaṃ siyāti adhippāyo.
த³க்கி²ணாவிஸுத்³தி⁴கதா²வண்ணனா நிட்டி²தா.
Dakkhiṇāvisuddhikathāvaṇṇanā niṭṭhitā.
ஸத்தரஸமவக்³க³வண்ணனா நிட்டி²தா.
Sattarasamavaggavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / கதா²வத்து²பாளி • Kathāvatthupāḷi / (176) 11. த³க்கி²ணாவிஸுத்³தி⁴கதா² • (176) 11. Dakkhiṇāvisuddhikathā
அட்ட²கதா² • Aṭṭhakathā / அபி⁴த⁴ம்மபிடக (அட்ட²கதா²) • Abhidhammapiṭaka (aṭṭhakathā) / பஞ்சபகரண-அட்ட²கதா² • Pañcapakaraṇa-aṭṭhakathā / 11. த³க்கி²ணாவிஸுத்³தி⁴கதா²வண்ணனா • 11. Dakkhiṇāvisuddhikathāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 11. த³க்கி²ணாவிஸுத்³தி⁴கதா²வண்ணனா • 11. Dakkhiṇāvisuddhikathāvaṇṇanā
