| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
11. д̣̇агкин̣аависуд̣̇д̇хигат̇ааван̣н̣анаа
11. Dakkhiṇāvisuddhikathāvaṇṇanā
800-801. ид̣̇аани д̣̇агкин̣аависуд̣̇д̇хигат̇аа наама ход̇и. д̇ад̇т̇а ‘‘яад̣̇и бадиг̇г̇аахагад̇о д̣̇агкин̣аа висуж̇жхзяяа, махабпалаа бхавзяяа. д̣̇ааяагзна д̣̇аанам̣ д̣̇иннам̣, бадиг̇г̇аахагзна вибааго ниб̣б̣ад̇д̇ид̇од̇и ан̃н̃о ан̃н̃асса гаараго бхавзяяа, барам̣гад̇ам̣ сукад̣̇угкам̣ аабаж̇ж̇зяяа, ан̃н̃о гарзяяа, ан̃н̃о бадисам̣взд̣̇зяяа. д̇асмаа д̣̇ааяагад̇ова д̣̇аанам̣ висуж̇жхад̇и, но бадиг̇г̇аахагад̇о, д̣̇ааяагассзва жид̇д̇ависуд̣̇д̇хи вибаагад̣̇ааяигаа ход̇ий’’д̇и язсам̣ лад̣̇д̇хи, сзяяат̇ааби уд̇д̇араабат̇агаанам̣; д̇з санд̇хааяа бужчаа сагаваад̣̇исса, бадин̃н̃аа ид̇арасса. аахунзяяаад̇иаад̣̇и ‘‘яад̣̇и бадиг̇г̇аахагад̇о д̣̇аанам̣ на висуж̇жхзяяа, гимасса аахунзяяаад̣̇ибхааво гарзяяаа’’д̇и д̣̇ассанад̇т̇ам̣ вуд̇д̇ам̣. ан̃н̃о ан̃н̃асса гаарагод̇и яад̣̇и д̣̇ааяагасса д̣̇аанажзд̇анаа бадиг̇г̇аахагзна гад̇аа бхавзяяа, яуд̇д̇аруубам̣ сияаа. д̇асса бана д̣̇аанажзд̇анаа барисуд̣̇д̇хаа бадиг̇г̇аахагасан̇каад̇ам̣ вад̇т̇ум̣ бадижжа махаавибаагадтзна висуж̇жхад̇и, д̇асмаа ажод̣̇анаа зсаа ‘‘бадиг̇г̇аахагад̇о д̣̇аанам̣ висуж̇жхад̇ий’’д̇и.
800-801. Idāni dakkhiṇāvisuddhikathā nāma hoti. Tattha ‘‘yadi paṭiggāhakato dakkhiṇā visujjheyya, mahapphalā bhaveyya. Dāyakena dānaṃ dinnaṃ, paṭiggāhakena vipāko nibbattitoti añño aññassa kārako bhaveyya, paraṃkataṃ sukhadukkhaṃ āpajjeyya, añño kareyya, añño paṭisaṃvedeyya. Tasmā dāyakatova dānaṃ visujjhati, no paṭiggāhakato, dāyakasseva cittavisuddhi vipākadāyikā hotī’’ti yesaṃ laddhi, seyyathāpi uttarāpathakānaṃ; te sandhāya pucchā sakavādissa, paṭiññā itarassa. Āhuneyyātiādi ‘‘yadi paṭiggāhakato dānaṃ na visujjheyya, kimassa āhuneyyādibhāvo kareyyā’’ti dassanatthaṃ vuttaṃ. Añño aññassa kārakoti yadi dāyakassa dānacetanā paṭiggāhakena katā bhaveyya, yuttarūpaṃ siyā. Tassa pana dānacetanā parisuddhā paṭiggāhakasaṅkhātaṃ vatthuṃ paṭicca mahāvipākaṭṭhena visujjhati, tasmā acodanā esā ‘‘paṭiggāhakato dānaṃ visujjhatī’’ti.
д̣̇агкин̣аависуд̣̇д̇хигат̇ааван̣н̣анаа.
Dakkhiṇāvisuddhikathāvaṇṇanā.
сад̇д̇арасамо ваг̇г̇о.
Sattarasamo vaggo.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (176) 11. д̣̇агкин̣аависуд̣̇д̇хигат̇аа • (176) 11. Dakkhiṇāvisuddhikathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 11. д̣̇агкин̣аависуд̣̇д̇хигат̇ааван̣н̣анаа • 11. Dakkhiṇāvisuddhikathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 11. д̣̇агкин̣аависуд̣̇д̇хигат̇ааван̣н̣анаа • 11. Dakkhiṇāvisuddhikathāvaṇṇanā
