| Library / Tipiṭaka / तिपिटक • Tipiṭaka / पञ्चपकरण-मूलटीका • Pañcapakaraṇa-mūlaṭīkā |
११. दक्खिणाविसुद्धिकथावण्णना
11. Dakkhiṇāvisuddhikathāvaṇṇanā
८००-८०१. दक्खिणाविसुद्धिकथायं विसुज्झेय्याति एतस्स अत्थं दस्सेन्तो ‘‘महप्फला भवेय्या’’ति आह। दायकस्सेव चित्तविसुद्धि विपाकदायिका होतीति पटिग्गाहकनिरपेक्खा पटिग्गाहकेन पच्चयभूतेन विना दायकेनेव महाविपाकचेतनत्तं आपादिका, पटिग्गाहकनिरपेक्खा विपाकदायिका होतीति अधिप्पायो। अञ्ञो अञ्ञस्स कारकोति यदि दायकस्स दानचेतना नाम पटिग्गाहकेन कता भवेय्य, युत्तरूपं सियाति कस्मा वुत्तं, ननु लद्धिकित्तने ‘‘दायकेन दानं दिन्नं, पटिग्गाहकेन विपाको निब्बत्तितोति अञ्ञो अञ्ञस्स कारको भवेय्या’’ति वुत्तन्ति? सच्चमेतं, पटिग्गाहकेन विपाकनिब्बत्तनम्पि पन दानचेतनानिब्बत्तनेन यदि भवेय्य, एवं सति अञ्ञो अञ्ञस्स कारकोति युत्तरूपं सियाति अधिप्पायो।
800-801. Dakkhiṇāvisuddhikathāyaṃ visujjheyyāti etassa atthaṃ dassento ‘‘mahapphalā bhaveyyā’’ti āha. Dāyakasseva cittavisuddhi vipākadāyikā hotīti paṭiggāhakanirapekkhā paṭiggāhakena paccayabhūtena vinā dāyakeneva mahāvipākacetanattaṃ āpādikā, paṭiggāhakanirapekkhā vipākadāyikā hotīti adhippāyo. Añño aññassa kārakoti yadi dāyakassa dānacetanā nāma paṭiggāhakena katā bhaveyya, yuttarūpaṃ siyāti kasmā vuttaṃ, nanu laddhikittane ‘‘dāyakena dānaṃ dinnaṃ, paṭiggāhakena vipāko nibbattitoti añño aññassa kārako bhaveyyā’’ti vuttanti? Saccametaṃ, paṭiggāhakena vipākanibbattanampi pana dānacetanānibbattanena yadi bhaveyya, evaṃ sati añño aññassa kārakoti yuttarūpaṃ siyāti adhippāyo.
दक्खिणाविसुद्धिकथावण्णना निट्ठिता।
Dakkhiṇāvisuddhikathāvaṇṇanā niṭṭhitā.
सत्तरसमवग्गवण्णना निट्ठिता।
Sattarasamavaggavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / अभिधम्मपिटक • Abhidhammapiṭaka / कथावत्थुपाळि • Kathāvatthupāḷi / (१७६) ११. दक्खिणाविसुद्धिकथा • (176) 11. Dakkhiṇāvisuddhikathā
अट्ठकथा • Aṭṭhakathā / अभिधम्मपिटक (अट्ठकथा) • Abhidhammapiṭaka (aṭṭhakathā) / पञ्चपकरण-अट्ठकथा • Pañcapakaraṇa-aṭṭhakathā / ११. दक्खिणाविसुद्धिकथावण्णना • 11. Dakkhiṇāvisuddhikathāvaṇṇanā
टीका • Tīkā / अभिधम्मपिटक (टीका) • Abhidhammapiṭaka (ṭīkā) / पञ्चपकरण-अनुटीका • Pañcapakaraṇa-anuṭīkā / ११. दक्खिणाविसुद्धिकथावण्णना • 11. Dakkhiṇāvisuddhikathāvaṇṇanā
