| Library / Tipiṭaka / ติปิฎก • Tipiṭaka / ปญฺจปกรณ-มูลฎีกา • Pañcapakaraṇa-mūlaṭīkā |
๑๑. ทกฺขิณาวิสุทฺธิกถาวณฺณนา
11. Dakkhiṇāvisuddhikathāvaṇṇanā
๘๐๐-๘๐๑. ทกฺขิณาวิสุทฺธิกถายํ วิสุเชฺฌยฺยาติ เอตสฺส อตฺถํ ทเสฺสโนฺต ‘‘มหปฺผลา ภเวยฺยา’’ติ อาหฯ ทายกเสฺสว จิตฺตวิสุทฺธิ วิปากทายิกา โหตีติ ปฎิคฺคาหกนิรเปกฺขา ปฎิคฺคาหเกน ปจฺจยภูเตน วินา ทายเกเนว มหาวิปากเจตนตฺตํ อาปาทิกา, ปฎิคฺคาหกนิรเปกฺขา วิปากทายิกา โหตีติ อธิปฺปาโยฯ อโญฺญ อญฺญสฺส การโกติ ยทิ ทายกสฺส ทานเจตนา นาม ปฎิคฺคาหเกน กตา ภเวยฺย, ยุตฺตรูปํ สิยาติ กสฺมา วุตฺตํ, นนุ ลทฺธิกิตฺตเน ‘‘ทายเกน ทานํ ทินฺนํ, ปฎิคฺคาหเกน วิปาโก นิพฺพตฺติโตติ อโญฺญ อญฺญสฺส การโก ภเวยฺยา’’ติ วุตฺตนฺติ? สจฺจเมตํ, ปฎิคฺคาหเกน วิปากนิพฺพตฺตนมฺปิ ปน ทานเจตนานิพฺพตฺตเนน ยทิ ภเวยฺย, เอวํ สติ อโญฺญ อญฺญสฺส การโกติ ยุตฺตรูปํ สิยาติ อธิปฺปาโยฯ
800-801. Dakkhiṇāvisuddhikathāyaṃ visujjheyyāti etassa atthaṃ dassento ‘‘mahapphalā bhaveyyā’’ti āha. Dāyakasseva cittavisuddhi vipākadāyikā hotīti paṭiggāhakanirapekkhā paṭiggāhakena paccayabhūtena vinā dāyakeneva mahāvipākacetanattaṃ āpādikā, paṭiggāhakanirapekkhā vipākadāyikā hotīti adhippāyo. Añño aññassa kārakoti yadi dāyakassa dānacetanā nāma paṭiggāhakena katā bhaveyya, yuttarūpaṃ siyāti kasmā vuttaṃ, nanu laddhikittane ‘‘dāyakena dānaṃ dinnaṃ, paṭiggāhakena vipāko nibbattitoti añño aññassa kārako bhaveyyā’’ti vuttanti? Saccametaṃ, paṭiggāhakena vipākanibbattanampi pana dānacetanānibbattanena yadi bhaveyya, evaṃ sati añño aññassa kārakoti yuttarūpaṃ siyāti adhippāyo.
ทกฺขิณาวิสุทฺธิกถาวณฺณนา นิฎฺฐิตาฯ
Dakkhiṇāvisuddhikathāvaṇṇanā niṭṭhitā.
สตฺตรสมวคฺควณฺณนา นิฎฺฐิตาฯ
Sattarasamavaggavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / อภิธมฺมปิฎก • Abhidhammapiṭaka / กถาวตฺถุปาฬิ • Kathāvatthupāḷi / (๑๗๖) ๑๑. ทกฺขิณาวิสุทฺธิกถา • (176) 11. Dakkhiṇāvisuddhikathā
อฎฺฐกถา • Aṭṭhakathā / อภิธมฺมปิฎก (อฎฺฐกถา) • Abhidhammapiṭaka (aṭṭhakathā) / ปญฺจปกรณ-อฎฺฐกถา • Pañcapakaraṇa-aṭṭhakathā / ๑๑. ทกฺขิณาวิสุทฺธิกถาวณฺณนา • 11. Dakkhiṇāvisuddhikathāvaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-อนุฎีกา • Pañcapakaraṇa-anuṭīkā / ๑๑. ทกฺขิณาวิสุทฺธิกถาวณฺณนา • 11. Dakkhiṇāvisuddhikathāvaṇṇanā
