| Library / Tipiṭaka / ཏིཔིཊཀ • Tipiṭaka / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā |
༡༡. དཀྑིཎཱཝིསུདྡྷིཀཐཱཝཎྞནཱ
11. Dakkhiṇāvisuddhikathāvaṇṇanā
༨༠༠-༨༠༡. ཨིདཱནི དཀྑིཎཱཝིསུདྡྷིཀཐཱ ནཱམ ཧོཏི། ཏཏྠ ‘‘ཡདི པཊིགྒཱཧཀཏོ དཀྑིཎཱ ཝིསུཛ྄ཛྷེཡྻ, མཧཔྥལཱ བྷཝེཡྻ། དཱཡཀེན དཱནཾ དིནྣཾ, པཊིགྒཱཧཀེན ཝིཔཱཀོ ནིབྦཏྟིཏོཏི ཨཉྙོ ཨཉྙསྶ ཀཱརཀོ བྷཝེཡྻ, པརཾཀཏཾ སུཁདུཀྑཾ ཨཱཔཛྫེཡྻ, ཨཉྙོ ཀརེཡྻ, ཨཉྙོ པཊིསཾཝེདེཡྻ། ཏསྨཱ དཱཡཀཏོཝ དཱནཾ ཝིསུཛ྄ཛྷཏི, ནོ པཊིགྒཱཧཀཏོ, དཱཡཀསྶེཝ ཙིཏྟཝིསུདྡྷི ཝིཔཱཀདཱཡིཀཱ ཧོཏཱི’’ཏི ཡེསཾ ལདྡྷི, སེཡྻཐཱཔི ཨུཏྟརཱཔཐཀཱནཾ; ཏེ སནྡྷཱཡ པུཙྪཱ སཀཝཱདིསྶ, པཊིཉྙཱ ཨིཏརསྶ། ཨཱཧུནེཡྻཱཏིཨཱདི ‘‘ཡདི པཊིགྒཱཧཀཏོ དཱནཾ ན ཝིསུཛ྄ཛྷེཡྻ, ཀིམསྶ ཨཱཧུནེཡྻཱདིབྷཱཝོ ཀརེཡྻཱ’’ཏི དསྶནཏྠཾ ཝུཏྟཾ། ཨཉྙོ ཨཉྙསྶ ཀཱརཀོཏི ཡདི དཱཡཀསྶ དཱནཙེཏནཱ པཊིགྒཱཧཀེན ཀཏཱ བྷཝེཡྻ, ཡུཏྟརཱུཔཾ སིཡཱ། ཏསྶ པན དཱནཙེཏནཱ པརིསུདྡྷཱ པཊིགྒཱཧཀསངྑཱཏཾ ཝཏྠུཾ པཊིཙྩ མཧཱཝིཔཱཀཊྛེན ཝིསུཛ྄ཛྷཏི, ཏསྨཱ ཨཙོདནཱ ཨེསཱ ‘‘པཊིགྒཱཧཀཏོ དཱནཾ ཝིསུཛ྄ཛྷཏཱི’’ཏི།
800-801. Idāni dakkhiṇāvisuddhikathā nāma hoti. Tattha ‘‘yadi paṭiggāhakato dakkhiṇā visujjheyya, mahapphalā bhaveyya. Dāyakena dānaṃ dinnaṃ, paṭiggāhakena vipāko nibbattitoti añño aññassa kārako bhaveyya, paraṃkataṃ sukhadukkhaṃ āpajjeyya, añño kareyya, añño paṭisaṃvedeyya. Tasmā dāyakatova dānaṃ visujjhati, no paṭiggāhakato, dāyakasseva cittavisuddhi vipākadāyikā hotī’’ti yesaṃ laddhi, seyyathāpi uttarāpathakānaṃ; te sandhāya pucchā sakavādissa, paṭiññā itarassa. Āhuneyyātiādi ‘‘yadi paṭiggāhakato dānaṃ na visujjheyya, kimassa āhuneyyādibhāvo kareyyā’’ti dassanatthaṃ vuttaṃ. Añño aññassa kārakoti yadi dāyakassa dānacetanā paṭiggāhakena katā bhaveyya, yuttarūpaṃ siyā. Tassa pana dānacetanā parisuddhā paṭiggāhakasaṅkhātaṃ vatthuṃ paṭicca mahāvipākaṭṭhena visujjhati, tasmā acodanā esā ‘‘paṭiggāhakato dānaṃ visujjhatī’’ti.
དཀྑིཎཱཝིསུདྡྷིཀཐཱཝཎྞནཱ།
Dakkhiṇāvisuddhikathāvaṇṇanā.
སཏྟརསམོ ཝགྒོ།
Sattarasamo vaggo.
Related texts:
ཏིཔིཊཀ (མཱུལ) • Tipiṭaka (Mūla) / ཨབྷིདྷམྨཔིཊཀ • Abhidhammapiṭaka / ཀཐཱཝཏྠུཔཱལི༹ • Kathāvatthupāḷi / (༡༧༦) ༡༡. དཀྑིཎཱཝིསུདྡྷིཀཐཱ • (176) 11. Dakkhiṇāvisuddhikathā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-མཱུལཊཱིཀཱ • Pañcapakaraṇa-mūlaṭīkā / ༡༡. དཀྑིཎཱཝིསུདྡྷིཀཐཱཝཎྞནཱ • 11. Dakkhiṇāvisuddhikathāvaṇṇanā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-ཨནུཊཱིཀཱ • Pañcapakaraṇa-anuṭīkā / ༡༡. དཀྑིཎཱཝིསུདྡྷིཀཐཱཝཎྞནཱ • 11. Dakkhiṇāvisuddhikathāvaṇṇanā
