Library / Tipiṭaka / തിപിടക • Tipiṭaka / പഞ്ചപകരണ-മൂലടീകാ • Pañcapakaraṇa-mūlaṭīkā |
൧൧. ദക്ഖിണാവിസുദ്ധികഥാവണ്ണനാ
11. Dakkhiṇāvisuddhikathāvaṇṇanā
൮൦൦-൮൦൧. ദക്ഖിണാവിസുദ്ധികഥായം വിസുജ്ഝേയ്യാതി ഏതസ്സ അത്ഥം ദസ്സേന്തോ ‘‘മഹപ്ഫലാ ഭവേയ്യാ’’തി ആഹ. ദായകസ്സേവ ചിത്തവിസുദ്ധി വിപാകദായികാ ഹോതീതി പടിഗ്ഗാഹകനിരപേക്ഖാ പടിഗ്ഗാഹകേന പച്ചയഭൂതേന വിനാ ദായകേനേവ മഹാവിപാകചേതനത്തം ആപാദികാ, പടിഗ്ഗാഹകനിരപേക്ഖാ വിപാകദായികാ ഹോതീതി അധിപ്പായോ. അഞ്ഞോ അഞ്ഞസ്സ കാരകോതി യദി ദായകസ്സ ദാനചേതനാ നാമ പടിഗ്ഗാഹകേന കതാ ഭവേയ്യ, യുത്തരൂപം സിയാതി കസ്മാ വുത്തം, നനു ലദ്ധികിത്തനേ ‘‘ദായകേന ദാനം ദിന്നം, പടിഗ്ഗാഹകേന വിപാകോ നിബ്ബത്തിതോതി അഞ്ഞോ അഞ്ഞസ്സ കാരകോ ഭവേയ്യാ’’തി വുത്തന്തി? സച്ചമേതം, പടിഗ്ഗാഹകേന വിപാകനിബ്ബത്തനമ്പി പന ദാനചേതനാനിബ്ബത്തനേന യദി ഭവേയ്യ, ഏവം സതി അഞ്ഞോ അഞ്ഞസ്സ കാരകോതി യുത്തരൂപം സിയാതി അധിപ്പായോ.
800-801. Dakkhiṇāvisuddhikathāyaṃ visujjheyyāti etassa atthaṃ dassento ‘‘mahapphalā bhaveyyā’’ti āha. Dāyakasseva cittavisuddhi vipākadāyikā hotīti paṭiggāhakanirapekkhā paṭiggāhakena paccayabhūtena vinā dāyakeneva mahāvipākacetanattaṃ āpādikā, paṭiggāhakanirapekkhā vipākadāyikā hotīti adhippāyo. Añño aññassa kārakoti yadi dāyakassa dānacetanā nāma paṭiggāhakena katā bhaveyya, yuttarūpaṃ siyāti kasmā vuttaṃ, nanu laddhikittane ‘‘dāyakena dānaṃ dinnaṃ, paṭiggāhakena vipāko nibbattitoti añño aññassa kārako bhaveyyā’’ti vuttanti? Saccametaṃ, paṭiggāhakena vipākanibbattanampi pana dānacetanānibbattanena yadi bhaveyya, evaṃ sati añño aññassa kārakoti yuttarūpaṃ siyāti adhippāyo.
ദക്ഖിണാവിസുദ്ധികഥാവണ്ണനാ നിട്ഠിതാ.
Dakkhiṇāvisuddhikathāvaṇṇanā niṭṭhitā.
സത്തരസമവഗ്ഗവണ്ണനാ നിട്ഠിതാ.
Sattarasamavaggavaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / അഭിധമ്മപിടക • Abhidhammapiṭaka / കഥാവത്ഥുപാളി • Kathāvatthupāḷi / (൧൭൬) ൧൧. ദക്ഖിണാവിസുദ്ധികഥാ • (176) 11. Dakkhiṇāvisuddhikathā
അട്ഠകഥാ • Aṭṭhakathā / അഭിധമ്മപിടക (അട്ഠകഥാ) • Abhidhammapiṭaka (aṭṭhakathā) / പഞ്ചപകരണ-അട്ഠകഥാ • Pañcapakaraṇa-aṭṭhakathā / ൧൧. ദക്ഖിണാവിസുദ്ധികഥാവണ്ണനാ • 11. Dakkhiṇāvisuddhikathāvaṇṇanā
ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / പഞ്ചപകരണ-അനുടീകാ • Pañcapakaraṇa-anuṭīkā / ൧൧. ദക്ഖിണാവിസുദ്ധികഥാവണ്ണനാ • 11. Dakkhiṇāvisuddhikathāvaṇṇanā