| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
4. д̣̇алид̣̇д̣̇асуд̇д̇ам̣
4. Daliddasuttaṃ
260. згам̣ самаяам̣ бхаг̇аваа рааж̇аг̇ахз вихарад̇и взл̣уванз галанд̣̇аганиваабз. д̇ад̇ра ко бхаг̇аваа бхигкуу ааманд̇зси – ‘‘бхигкаво’’д̇и. ‘‘бхад̣̇анд̇з’’д̇и д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа –
260. Ekaṃ samayaṃ bhagavā rājagahe viharati veḷuvane kalandakanivāpe. Tatra kho bhagavā bhikkhū āmantesi – ‘‘bhikkhavo’’ti. ‘‘Bhadante’’ti te bhikkhū bhagavato paccassosuṃ. Bhagavā etadavoca –
‘‘бхууд̇абуб̣б̣ам̣, бхигкавз, ан̃н̃ад̇аро бурисо имасмим̣язва рааж̇аг̇ахз мануссад̣̇алид̣̇д̣̇о 1 ахоси мануссагабан̣о мануссаварааго. со д̇ат̇ааг̇ад̇аббавзд̣̇ид̇з д̇хаммавинаяз сад̣̇д̇хам̣ самаад̣̇ияи, сийлам̣ самаад̣̇ияи, суд̇ам̣ самаад̣̇ияи, жааг̇ам̣ самаад̣̇ияи, бан̃н̃ам̣ самаад̣̇ияи. со д̇ат̇ааг̇ад̇аббавзд̣̇ид̇з д̇хаммавинаяз сад̣̇д̇хам̣ самаад̣̇ияид̇ваа сийлам̣ самаад̣̇ияид̇ваа суд̇ам̣ самаад̣̇ияид̇ваа жааг̇ам̣ самаад̣̇ияид̇ваа бан̃н̃ам̣ самаад̣̇ияид̇ваа гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇и д̣̇зваанам̣ д̇аавад̇им̣саанам̣ сахаб̣яад̇ам̣. со ан̃н̃з д̣̇звз ад̇ирожад̇и ван̣н̣зна жзва яасасаа жа. д̇ад̇ра суд̣̇ам̣, бхигкавз, д̣̇зваа д̇аавад̇им̣саа уж̇жхааяанд̇и кияяанд̇и вибаажзнд̇и – ‘ажчарияам̣ вад̇а бхо, аб̣бхуд̇ам̣ вад̇а бхо! аяан̃хи д̣̇звабуд̇д̇о буб̣б̣з мануссабхууд̇о самаано мануссад̣̇алид̣̇д̣̇о ахоси мануссагабан̣о мануссаварааго; со гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабанно д̣̇зваанам̣ д̇аавад̇им̣саанам̣ сахаб̣яад̇ам̣. со ан̃н̃з д̣̇звз ад̇ирожад̇и ван̣н̣зна жзва яасасаа жаа’’’д̇и.
‘‘Bhūtapubbaṃ, bhikkhave, aññataro puriso imasmiṃyeva rājagahe manussadaliddo 2 ahosi manussakapaṇo manussavarāko. So tathāgatappavedite dhammavinaye saddhaṃ samādiyi, sīlaṃ samādiyi, sutaṃ samādiyi, cāgaṃ samādiyi, paññaṃ samādiyi. So tathāgatappavedite dhammavinaye saddhaṃ samādiyitvā sīlaṃ samādiyitvā sutaṃ samādiyitvā cāgaṃ samādiyitvā paññaṃ samādiyitvā kāyassa bhedā paraṃ maraṇā sugatiṃ saggaṃ lokaṃ upapajji devānaṃ tāvatiṃsānaṃ sahabyataṃ. So aññe deve atirocati vaṇṇena ceva yasasā ca. Tatra sudaṃ, bhikkhave, devā tāvatiṃsā ujjhāyanti khiyyanti vipācenti – ‘acchariyaṃ vata bho, abbhutaṃ vata bho! Ayañhi devaputto pubbe manussabhūto samāno manussadaliddo ahosi manussakapaṇo manussavarāko; so kāyassa bhedā paraṃ maraṇā sugatiṃ saggaṃ lokaṃ upapanno devānaṃ tāvatiṃsānaṃ sahabyataṃ. So aññe deve atirocati vaṇṇena ceva yasasā cā’’’ti.
‘‘ат̇а ко, бхигкавз, сагго д̣̇зваанаминд̣̇о д̣̇звз д̇аавад̇им̣сз ааманд̇зси – ‘маа ко д̇умхз, маарисаа, зд̇асса д̣̇звабуд̇д̇асса уж̇жхааяид̇т̇а. зсо ко, маарисаа, д̣̇звабуд̇д̇о буб̣б̣з мануссабхууд̇о самаано д̇ат̇ааг̇ад̇аббавзд̣̇ид̇з д̇хаммавинаяз сад̣̇д̇хам̣ самаад̣̇ияи, сийлам̣ самаад̣̇ияи, суд̇ам̣ самаад̣̇ияи, жааг̇ам̣ самаад̣̇ияи, бан̃н̃ам̣ самаад̣̇ияи. со д̇ат̇ааг̇ад̇аббавзд̣̇ид̇з д̇хаммавинаяз сад̣̇д̇хам̣ самаад̣̇ияид̇ваа сийлам̣ самаад̣̇ияид̇ваа суд̇ам̣ самаад̣̇ияид̇ваа жааг̇ам̣ самаад̣̇ияид̇ваа бан̃н̃ам̣ самаад̣̇ияид̇ваа гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабанно д̣̇зваанам̣ д̇аавад̇им̣саанам̣ сахаб̣яад̇ам̣ . со ан̃н̃з д̣̇звз ад̇ирожад̇и ван̣н̣зна жзва яасасаа жаа’’’д̇и. ат̇а ко, бхигкавз, сагго д̣̇зваанаминд̣̇о д̣̇звз д̇аавад̇им̣сз анунаяамаано д̇ааяам̣ взлааяам̣ имаа г̇аат̇ааяо абхааси –
‘‘Atha kho, bhikkhave, sakko devānamindo deve tāvatiṃse āmantesi – ‘mā kho tumhe, mārisā, etassa devaputtassa ujjhāyittha. Eso kho, mārisā, devaputto pubbe manussabhūto samāno tathāgatappavedite dhammavinaye saddhaṃ samādiyi, sīlaṃ samādiyi, sutaṃ samādiyi, cāgaṃ samādiyi, paññaṃ samādiyi. So tathāgatappavedite dhammavinaye saddhaṃ samādiyitvā sīlaṃ samādiyitvā sutaṃ samādiyitvā cāgaṃ samādiyitvā paññaṃ samādiyitvā kāyassa bhedā paraṃ maraṇā sugatiṃ saggaṃ lokaṃ upapanno devānaṃ tāvatiṃsānaṃ sahabyataṃ . So aññe deve atirocati vaṇṇena ceva yasasā cā’’’ti. Atha kho, bhikkhave, sakko devānamindo deve tāvatiṃse anunayamāno tāyaṃ velāyaṃ imā gāthāyo abhāsi –
‘‘яасса сад̣̇д̇хаа д̇ат̇ааг̇ад̇з, ажалаа суббад̇идтид̇аа;
‘‘Yassa saddhā tathāgate, acalā suppatiṭṭhitā;
сийлан̃жа яасса галяаан̣ам̣, арияаганд̇ам̣ басам̣сид̇ам̣.
Sīlañca yassa kalyāṇaṃ, ariyakantaṃ pasaṃsitaṃ.
‘‘сан̇гхз басаад̣̇о яассад̇т̇и, уж̇убхууд̇ан̃жа д̣̇ассанам̣;
‘‘Saṅghe pasādo yassatthi, ujubhūtañca dassanaṃ;
ад̣̇алид̣̇д̣̇од̇и д̇ам̣ ааху, амогхам̣ д̇асса ж̇ийвид̇ам̣.
Adaliddoti taṃ āhu, amoghaṃ tassa jīvitaṃ.
‘‘д̇асмаа сад̣̇д̇хан̃жа сийлан̃жа, басаад̣̇ам̣ д̇хаммад̣̇ассанам̣;
‘‘Tasmā saddhañca sīlañca, pasādaṃ dhammadassanaṃ;
ануяун̃ж̇зт̇а мзд̇хаавий, сарам̣ б̣уд̣̇д̇хаана саасана’’нд̇и.
Anuyuñjetha medhāvī, saraṃ buddhāna sāsana’’nti.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 4. д̣̇алид̣̇д̣̇асуд̇д̇аван̣н̣анаа • 4. Daliddasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 4. д̣̇алид̣̇д̣̇асуд̇д̇аван̣н̣анаа • 4. Daliddasuttavaṇṇanā
