| Library / Tipiṭaka / തിപിടക • Tipiṭaka / സംയുത്തനികായ • Saṃyuttanikāya |
൬. ദലിദ്ദസുത്തം
6. Daliddasuttaṃ
൨൨൭. ‘‘‘ദലിദ്ദോ, ദലിദ്ദോ’തി, ഭന്തേ, വുച്ചതി. കിത്താവതാ നു ഖോ, ഭന്തേ, ‘ദലിദ്ദോ’തി വുച്ചതീ’’തി? ‘‘സത്തന്നം ഖോ, ഭിക്ഖു, ബോജ്ഝങ്ഗാനം അഭാവിതത്താ അബഹുലീകതത്താ ‘ദലിദ്ദോ’തി വുച്ചതി. കതമേസം സത്തന്നം? സതിസമ്ബോജ്ഝങ്ഗസ്സ…പേ॰… ഉപേക്ഖാസമ്ബോജ്ഝങ്ഗസ്സ – ഇമേസം ഖോ, ഭിക്ഖു, സത്തന്നം ബോജ്ഝങ്ഗാനം അഭാവിതത്താ അബഹുലീകതത്താ ‘ദലിദ്ദോ’തി വുച്ചതീ’’തി. ഛട്ഠം.
227. ‘‘‘Daliddo, daliddo’ti, bhante, vuccati. Kittāvatā nu kho, bhante, ‘daliddo’ti vuccatī’’ti? ‘‘Sattannaṃ kho, bhikkhu, bojjhaṅgānaṃ abhāvitattā abahulīkatattā ‘daliddo’ti vuccati. Katamesaṃ sattannaṃ? Satisambojjhaṅgassa…pe… upekkhāsambojjhaṅgassa – imesaṃ kho, bhikkhu, sattannaṃ bojjhaṅgānaṃ abhāvitattā abahulīkatattā ‘daliddo’ti vuccatī’’ti. Chaṭṭhaṃ.
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / സംയുത്തനികായ (അട്ഠകഥാ) • Saṃyuttanikāya (aṭṭhakathā) / ൪-൧൦. ദുപ്പഞ്ഞസുത്താദിവണ്ണനാ • 4-10. Duppaññasuttādivaṇṇanā
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൪-൧൦. ദുപ്പഞ്ഞസുത്താദിവണ്ണനാ • 4-10. Duppaññasuttādivaṇṇanā
