| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
4. д̣̇алид̣̇д̣̇асуд̇д̇аван̣н̣анаа
4. Daliddasuttavaṇṇanā
260. мануссад̣̇алид̣̇д̣̇од̇и мануссзсу д̣̇уг̇г̇ад̇о. мануссагаарун̃н̃ад̇анд̇и мануссзсу бараманихийнад̇ам̣. мануссагабан̣од̇и мануссзсу ваа бараманихийно. д̇асмим̣ таанзд̇и д̇асса д̣̇звабуд̇д̇асса д̇асмим̣ уббаж̇ж̇анадтаанз. лаамагад̇о жинд̇знд̇ийд̇и д̇асса буримавад̇т̇ум̣ ниссааяа хийнад̇о жинд̇знд̇и. гат̇знд̇ийд̇и д̇амзва барзсам̣ гат̇знд̇и. вид̇т̇аарзнд̇ийд̇и вуд̇д̇амад̇т̇ам̣ вид̇т̇ааригам̣ гаронд̇и. саб̣б̣ад̣̇аа барижчиж̇ж̇а бариваарасамбанно худ̇ваа ад̣дхадтарад̇анз хад̇т̇игканд̇хз махажжарааж̇аанубхаавзна нисиннад̇д̇аа ж̇анагааязна самуллогияамаано. аваламб̣анд̇ийд̇и оламб̣анд̇и. ванд̣̇анамад̇д̇ам̣ ваа наахоси, ан̃н̃ад̣̇ад̇т̇у бажжзгаб̣уд̣̇д̇хад̇о ад̇д̇ано самаанаад̣̇арагирияам̣ бажжаасийсад̇и. д̇зна вуд̇д̇ам̣ ‘‘со’’д̇иаад̣̇и. гвааяанд̇и го аяанд̇и б̣яаабаннавасзна вад̣̇ад̇и. гаал̣арад̇д̇зхи суд̇д̇зхи сиб̣б̣ид̇ад̇д̇аа ван̣н̣авигаарам̣ д̣̇исваа ‘‘гудтижийвараани бааруд̇о’’д̇и ааха. махаанираяз ниб̣б̣ад̇д̇ид̇ваа махаад̣̇угкам̣ бажжанубход̇и. д̇ад̣̇ануруубабаабагаммасса вибаагаавасзсзна лад̣̇д̇хогаасзна рааж̇аг̇ахз…бз… бадисанд̇хим̣ г̇ан̣хи. гааман̃жа зд̇т̇а бадисанд̇хиг̇г̇ахан̣ам̣ гусалагаммзнзва, д̇асса бана агусалагаммасса вибаагино б̣алавабхаавад̇о вуд̇д̇ам̣ ‘‘вибаагаавасзсзнаа’’д̇и. д̇знааха ‘‘г̇ахид̇агаалад̇о…бз… нигканд̇о’’д̇и. бхигкааяа жарид̇ум̣ самад̇т̇агаалад̇о бадтааяа рог̇асса б̣алавад̇ааяа мам̣саани…бз… бад̇анд̇и. н̃аан̣ам̣ бзсзд̇ваад̇и вибассанаабадибаадияаа бхааванаан̃аан̣ам̣ ниб̣б̣аанам̣ бадибзсзд̇ваа бавад̇д̇зд̇ваа. инд̣̇рияаанам̣ барибаггад̇д̇аа сад̇т̇у д̣̇зсанаавилаасзна сод̇аабад̇д̇ипалз бад̇идтид̇о. жумб̣аданд̇и баад̣̇ажумб̣адам̣. гудтино хи сагалабаад̣̇ад̇алам̣ маа руж̇ийд̇и жумб̣адам̣ гад̇ваа д̇ам̣ баад̣̇ад̇алз б̣анд̇хид̇ваа г̇ажчанд̇и, мад̇д̇игабаад̇им̣ бхинд̣̇ид̇ваа вияа д̇ат̇аа нихийнамануссад̇д̇абхаавад̇о жавид̇ваа суван̣н̣абаад̇им̣ бадилабханд̇о вияа д̣̇звад̇д̇абхаавам̣ г̇ан̣ханд̇о жуд̇ижид̇д̇ад̇о д̣̇уд̇ияажид̇д̇аваарз аад̣̇аанажид̇д̇агкан̣з д̣̇звалогз ниб̣б̣ад̇д̇о.
260.Manussadaliddoti manussesu duggato. Manussakāruññatanti manussesu paramanihīnataṃ. Manussakapaṇoti manussesu vā paramanihīno. Tasmiṃ ṭhāneti tassa devaputtassa tasmiṃ uppajjanaṭṭhāne. Lāmakato cintentīti tassa purimavatthuṃ nissāya hīnato cintenti. Kathentīti tameva paresaṃ kathenti. Vitthārentīti vuttamatthaṃ vitthārikaṃ karonti. Sabbadā paricchijja parivārasampanno hutvā aḍḍhaṭṭharatane hatthikkhandhe mahaccarājānubhāvena nisinnattā janakāyena samullokiyamāno. Avalambantīti olambanti. Vandanamattaṃ vā nāhosi, aññadatthu paccekabuddhato attano samānādarakiriyaṃ paccāsīsati. Tena vuttaṃ ‘‘so’’tiādi. Kvāyanti ko ayanti byāpannavasena vadati. Kāḷarattehi suttehi sibbitattā vaṇṇavikāraṃ disvā ‘‘kuṭṭhicīvarāni pāruto’’ti āha. Mahāniraye nibbattitvā mahādukkhaṃ paccanubhoti. Tadanurūpapāpakammassa vipākāvasesena laddhokāsena rājagahe…pe… paṭisandhiṃ gaṇhi. Kāmañca ettha paṭisandhiggahaṇaṃ kusalakammeneva, tassa pana akusalakammassa vipākino balavabhāvato vuttaṃ ‘‘vipākāvasesenā’’ti. Tenāha ‘‘gahitakālato…pe… nikkhanto’’ti. Bhikkhāya carituṃ samatthakālato paṭṭhāya rogassa balavatāya maṃsāni…pe… patanti. Ñāṇaṃ pesetvāti vipassanāpaṭipāṭiyā bhāvanāñāṇaṃ nibbānaṃ paṭipesetvā pavattetvā. Indriyānaṃ paripakkattā satthu desanāvilāsena sotāpattiphale patiṭṭhito. Cumbaṭanti pādacumbaṭaṃ. Kuṭṭhino hi sakalapādatalaṃ mā rujīti cumbaṭaṃ katvā taṃ pādatale bandhitvā gacchanti, mattikapātiṃ bhinditvā viya tathā nihīnamanussattabhāvato cavitvā suvaṇṇapātiṃ paṭilabhanto viya devattabhāvaṃ gaṇhanto cuticittato dutiyacittavāre ādānacittakkhaṇe devaloke nibbatto.
маг̇г̇знааг̇ад̇аад̇и маг̇г̇аад̇хиг̇аманзна ааг̇ад̇аа уббаннаа. арияаганд̇асийланд̇и арияаанам̣ ганд̇ам̣ манаабам̣ манорамам̣ сийлад̇хаммам̣. арияаанам̣ ад̇хижид̇д̇аад̇хибан̃н̃аасигкаа вияа ад̇хисийласигкааби саб̣б̣аа ад̇ивияа ганд̇аа зваад̇и ааха ‘‘гин̃жаабий’’д̇иаад̣̇и. имасмим̣ банад̇т̇зд̇и имасмим̣ сод̇аабаннасса бхавасан̇каад̇з ад̇т̇з нид̣̇д̇хаарзд̇ваа вужжамаанз. бан̃жасийламби яасмаа д̣̇идти вияа бхаванд̇арзби аббахийнам̣.
Maggenāgatāti maggādhigamanena āgatā uppannā. Ariyakantasīlanti ariyānaṃ kantaṃ manāpaṃ manoramaṃ sīladhammaṃ. Ariyānaṃ adhicittaadhipaññāsikkhā viya adhisīlasikkhāpi sabbā ativiya kantā evāti āha ‘‘kiñcāpī’’tiādi. Imasmiṃ panattheti imasmiṃ sotāpannassa bhavasaṅkhāte atthe niddhāretvā vuccamāne. Pañcasīlampi yasmā diṭṭhi viya bhavantarepi appahīnaṃ.
д̣̇алид̣̇д̣̇асуд̇д̇аван̣н̣анаа нидтид̇аа.
Daliddasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 4. д̣̇алид̣̇д̣̇асуд̇д̇ам̣ • 4. Daliddasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 4. д̣̇алид̣̇д̣̇асуд̇д̇аван̣н̣анаа • 4. Daliddasuttavaṇṇanā
