| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
5. தா³மலிஸுத்தவண்ணனா
5. Dāmalisuttavaṇṇanā
86. பஞ்சமே ந தேனாஸீஸதே ப⁴வந்தி தேன காரணேன யங் கிஞ்சி ப⁴வங் ந பத்தே²தி. ஆயதபக்³க³ஹோ நாமேஸ தே³வபுத்தோ, கீ²ணாஸவஸ்ஸ கிச்சவோஸானங் நத்தி². கீ²ணாஸவேன ஹி ஆதி³தோ அரஹத்தப்பத்தியா வீரியங் கதங் , அபரபா⁴கே³ மயா அரஹத்தங் பத்தந்தி மா துண்ஹீ ப⁴வது, ததே²வ வீரியங் த³ள்ஹங் கரோது பரக்கமதூதி சிந்தெத்வா ஏவமாஹ.
86. Pañcame na tenāsīsate bhavanti tena kāraṇena yaṃ kiñci bhavaṃ na pattheti. Āyatapaggaho nāmesa devaputto, khīṇāsavassa kiccavosānaṃ natthi. Khīṇāsavena hi ādito arahattappattiyā vīriyaṃ kataṃ , aparabhāge mayā arahattaṃ pattanti mā tuṇhī bhavatu, tatheva vīriyaṃ daḷhaṃ karotu parakkamatūti cintetvā evamāha.
அத² ப⁴க³வா ‘‘அயங் தே³வபுத்தோ கீ²ணாஸவஸ்ஸ கிச்சவோஸானங் அகதெ²ந்தோ மம ஸாஸனங் அனிய்யானிகங் கதே²தி, கிச்சவோஸானமஸ்ஸ கதெ²ஸ்ஸாமீ’’தி சிந்தெத்வா நத்தி² கிச்சந்திஆதி³மாஹ. தீஸு கிர பிடகேஸு அயங் கா³தா² அஸங்கிண்ணா. ப⁴க³வதா ஹி அஞ்ஞத்த² வீரியஸ்ஸ தோ³ஸோ நாம த³ஸ்ஸிதோ நத்தி². இத⁴ பன இமங் தே³வபுத்தங் படிபா³ஹித்வா ‘‘கீ²ணாஸவேன புப்³ப³பா⁴கே³ ஆஸவக்க²யத்தா²ய அரஞ்ஞே வஸந்தேன கம்மட்டா²னங் ஆதா³ய வீரியங் கதங், அபரபா⁴கே³ ஸசே இச்ச²தி, கரோது, நோ சே இச்ச²தி, யதா²ஸுக²ங் விஹரதூ’’தி கீ²ணாஸவஸ்ஸ கிச்சவோஸானத³ஸ்ஸனத்த²ங் ஏவமாஹ. தத்த² கா³த⁴ந்தி பதிட்ட²ங். பஞ்சமங்.
Atha bhagavā ‘‘ayaṃ devaputto khīṇāsavassa kiccavosānaṃ akathento mama sāsanaṃ aniyyānikaṃ katheti, kiccavosānamassa kathessāmī’’ti cintetvā natthi kiccantiādimāha. Tīsu kira piṭakesu ayaṃ gāthā asaṃkiṇṇā. Bhagavatā hi aññattha vīriyassa doso nāma dassito natthi. Idha pana imaṃ devaputtaṃ paṭibāhitvā ‘‘khīṇāsavena pubbabhāge āsavakkhayatthāya araññe vasantena kammaṭṭhānaṃ ādāya vīriyaṃ kataṃ, aparabhāge sace icchati, karotu, no ce icchati, yathāsukhaṃ viharatū’’ti khīṇāsavassa kiccavosānadassanatthaṃ evamāha. Tattha gādhanti patiṭṭhaṃ. Pañcamaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 5. தா³மலிஸுத்தங் • 5. Dāmalisuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 5. தா³மலிஸுத்தவண்ணனா • 5. Dāmalisuttavaṇṇanā
