| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
৫. দামলিসুত্তৰণ্ণনা
5. Dāmalisuttavaṇṇanā
৮৬. তেন কারণেনাতি তেন পধানেন কারণভূতেন, পধানকরণনিমিত্তন্তি অত্থো। যং কিঞ্চি খুদ্দকম্পি মহন্তম্পি হীনম্পি পণীতম্পি ভৰং। আযতপগ্গহোতি দীঘরত্তস্স ৰীরিযারম্ভো। কিচ্চৰোসানন্তি কিচ্চনিট্ঠানং। তথেৰাতি যথা অরহত্তুপ্পত্তিতো পুব্বে, ততো পচ্ছাপি তথেৰ ‘‘বুদ্ধিপগ্গহো’’তি ৰীরিযং দল়্হং করোতূতি কুপ্পধম্মং ৰিয মঞ্ঞমানো ৰদতি। দিট্ঠধম্মসুখৰিহারাদিঅত্থং পন ৰীরিযকরণং ইচ্ছিতব্বমেৰ।
86.Tena kāraṇenāti tena padhānena kāraṇabhūtena, padhānakaraṇanimittanti attho. Yaṃ kiñci khuddakampi mahantampi hīnampi paṇītampi bhavaṃ. Āyatapaggahoti dīgharattassa vīriyārambho. Kiccavosānanti kiccaniṭṭhānaṃ. Tathevāti yathā arahattuppattito pubbe, tato pacchāpi tatheva ‘‘buddhipaggaho’’ti vīriyaṃ daḷhaṃ karotūti kuppadhammaṃ viya maññamāno vadati. Diṭṭhadhammasukhavihārādiatthaṃ pana vīriyakaraṇaṃ icchitabbameva.
অসংকিণ্ণাতি অৰোমিস্সা এৰং অঞ্ঞত্থ অনাগতত্তা। তেনাহ ‘‘ভগৰতা হী’’তিআদি। যদি এৰং ইধেৰ কস্মা এতং ৰুত্তন্তি আহ ‘‘ইধ পনা’’তিআদি। পতিট্ঠন্তি নদী নাম অনৰট্ঠিততীরা, তত্থ পতিট্ঠাতব্বট্ঠানং।
Asaṃkiṇṇāti avomissā evaṃ aññattha anāgatattā. Tenāha ‘‘bhagavatā hī’’tiādi. Yadi evaṃ idheva kasmā etaṃ vuttanti āha ‘‘idha panā’’tiādi. Patiṭṭhanti nadī nāma anavaṭṭhitatīrā, tattha patiṭṭhātabbaṭṭhānaṃ.
দামলিসুত্তৰণ্ণনা নিট্ঠিতা।
Dāmalisuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৫. দামলিসুত্তং • 5. Dāmalisuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৫. দামলিসুত্তৰণ্ণনা • 5. Dāmalisuttavaṇṇanā
