| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
5. д̣̇аамалисуд̇д̇аван̣н̣анаа
5. Dāmalisuttavaṇṇanā
86. бан̃жамз на д̇знаасийсад̇з бхаванд̇и д̇зна гааран̣зна яам̣ гин̃жи бхавам̣ на бад̇т̇зд̇и. ааяад̇абаг̇г̇ахо наамзса д̣̇звабуд̇д̇о, кийн̣аасавасса гижжавосаанам̣ над̇т̇и. кийн̣аасавзна хи аад̣̇ид̇о арахад̇д̇аббад̇д̇ияаа вийрияам̣ гад̇ам̣ , абарабхааг̇з маяаа арахад̇д̇ам̣ бад̇д̇анд̇и маа д̇ун̣хий бхавад̇у, д̇ат̇зва вийрияам̣ д̣̇ал̣хам̣ гарод̇у бараггамад̇ууд̇и жинд̇зд̇ваа звамааха.
86. Pañcame na tenāsīsate bhavanti tena kāraṇena yaṃ kiñci bhavaṃ na pattheti. Āyatapaggaho nāmesa devaputto, khīṇāsavassa kiccavosānaṃ natthi. Khīṇāsavena hi ādito arahattappattiyā vīriyaṃ kataṃ , aparabhāge mayā arahattaṃ pattanti mā tuṇhī bhavatu, tatheva vīriyaṃ daḷhaṃ karotu parakkamatūti cintetvā evamāha.
ат̇а бхаг̇аваа ‘‘аяам̣ д̣̇звабуд̇д̇о кийн̣аасавасса гижжавосаанам̣ агат̇знд̇о мама саасанам̣ анияяаанигам̣ гат̇зд̇и, гижжавосаанамасса гат̇зссаамий’’д̇и жинд̇зд̇ваа над̇т̇и гижжанд̇иаад̣̇имааха. д̇ийсу гира бидагзсу аяам̣ г̇аат̇аа асам̣гин̣н̣аа. бхаг̇авад̇аа хи ан̃н̃ад̇т̇а вийрияасса д̣̇осо наама д̣̇ассид̇о над̇т̇и. ид̇ха бана имам̣ д̣̇звабуд̇д̇ам̣ бадиб̣аахид̇ваа ‘‘кийн̣аасавзна буб̣б̣абхааг̇з аасавагкаяад̇т̇ааяа аран̃н̃з васанд̇зна гаммадтаанам̣ аад̣̇ааяа вийрияам̣ гад̇ам̣, абарабхааг̇з сажз ижчад̇и, гарод̇у, но жз ижчад̇и, яат̇аасукам̣ вихарад̇уу’’д̇и кийн̣аасавасса гижжавосаанад̣̇ассанад̇т̇ам̣ звамааха. д̇ад̇т̇а г̇аад̇ханд̇и бад̇идтам̣. бан̃жамам̣.
Atha bhagavā ‘‘ayaṃ devaputto khīṇāsavassa kiccavosānaṃ akathento mama sāsanaṃ aniyyānikaṃ katheti, kiccavosānamassa kathessāmī’’ti cintetvā natthi kiccantiādimāha. Tīsu kira piṭakesu ayaṃ gāthā asaṃkiṇṇā. Bhagavatā hi aññattha vīriyassa doso nāma dassito natthi. Idha pana imaṃ devaputtaṃ paṭibāhitvā ‘‘khīṇāsavena pubbabhāge āsavakkhayatthāya araññe vasantena kammaṭṭhānaṃ ādāya vīriyaṃ kataṃ, aparabhāge sace icchati, karotu, no ce icchati, yathāsukhaṃ viharatū’’ti khīṇāsavassa kiccavosānadassanatthaṃ evamāha. Tattha gādhanti patiṭṭhaṃ. Pañcamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 5. д̣̇аамалисуд̇д̇ам̣ • 5. Dāmalisuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 5. д̣̇аамалисуд̇д̇аван̣н̣анаа • 5. Dāmalisuttavaṇṇanā
