| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၅. ဒာမလိသုတ္တဝဏ္ဏနာ
5. Dāmalisuttavaṇṇanā
၈၆. တေန ကာရဏေနာတိ တေန ပဓာနေန ကာရဏဘူတေန, ပဓာနကရဏနိမိတ္တန္တိ အတ္ထော။ ယံ ကိဉ္စိ ခုဒ္ဒကမ္ပိ မဟန္တမ္ပိ ဟီနမ္ပိ ပဏီတမ္ပိ ဘဝံ။ အာယတပဂ္ဂဟောတိ ဒီဃရတ္တသ္သ ဝီရိယာရမ္ဘော။ ကိစ္စဝောသာနန္တိ ကိစ္စနိဋ္ဌာနံ။ တထေဝာတိ ယထာ အရဟတ္တုပ္ပတ္တိတော ပုဗ္ဗေ, တတော ပစ္ဆာပိ တထေဝ ‘‘ဗုဒ္ဓိပဂ္ဂဟော’’တိ ဝီရိယံ ဒဠ္ဟံ ကရောတူတိ ကုပ္ပဓမ္မံ ဝိယ မညမာနော ဝဒတိ။ ဒိဋ္ဌဓမ္မသုခဝိဟာရာဒိအတ္ထံ ပန ဝီရိယကရဏံ ဣစ္ဆိတဗ္ဗမေဝ။
86.Tena kāraṇenāti tena padhānena kāraṇabhūtena, padhānakaraṇanimittanti attho. Yaṃ kiñci khuddakampi mahantampi hīnampi paṇītampi bhavaṃ. Āyatapaggahoti dīgharattassa vīriyārambho. Kiccavosānanti kiccaniṭṭhānaṃ. Tathevāti yathā arahattuppattito pubbe, tato pacchāpi tatheva ‘‘buddhipaggaho’’ti vīriyaṃ daḷhaṃ karotūti kuppadhammaṃ viya maññamāno vadati. Diṭṭhadhammasukhavihārādiatthaṃ pana vīriyakaraṇaṃ icchitabbameva.
အသံကိဏ္ဏာတိ အဝောမိသ္သာ ဧဝံ အညတ္ထ အနာဂတတ္တာ။ တေနာဟ ‘‘ဘဂဝတာ ဟီ’’တိအာဒိ။ ယဒိ ဧဝံ ဣဓေဝ ကသ္မာ ဧတံ ဝုတ္တန္တိ အာဟ ‘‘ဣဓ ပနာ’’တိအာဒိ။ ပတိဋ္ဌန္တိ နဒီ နာမ အနဝဋ္ဌိတတီရာ, တတ္ထ ပတိဋ္ဌာတဗ္ဗဋ္ဌာနံ။
Asaṃkiṇṇāti avomissā evaṃ aññattha anāgatattā. Tenāha ‘‘bhagavatā hī’’tiādi. Yadi evaṃ idheva kasmā etaṃ vuttanti āha ‘‘idha panā’’tiādi. Patiṭṭhanti nadī nāma anavaṭṭhitatīrā, tattha patiṭṭhātabbaṭṭhānaṃ.
ဒာမလိသုတ္တဝဏ္ဏနာ နိဋ္ဌိတာ။
Dāmalisuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၅. ဒာမလိသုတ္တံ • 5. Dāmalisuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၅. ဒာမလိသုတ္တဝဏ္ဏနာ • 5. Dāmalisuttavaṇṇanā
