| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) |
༥. དཱམལིསུཏྟཝཎྞནཱ
5. Dāmalisuttavaṇṇanā
༨༦. ཏེན ཀཱརཎེནཱཏི ཏེན པདྷཱནེན ཀཱརཎབྷཱུཏེན, པདྷཱནཀརཎནིམིཏྟནྟི ཨཏྠོ། ཡཾ ཀིཉྩི ཁུདྡཀམྤི མཧནྟམྤི ཧཱིནམྤི པཎཱིཏམྤི བྷཝཾ། ཨཱཡཏཔགྒཧོཏི དཱིགྷརཏྟསྶ ཝཱིརིཡཱརམྦྷོ། ཀིཙྩཝོསཱནནྟི ཀིཙྩནིཊྛཱནཾ། ཏཐེཝཱཏི ཡཐཱ ཨརཧཏྟུཔྤཏྟིཏོ པུབྦེ, ཏཏོ པཙྪཱཔི ཏཐེཝ ‘‘བུདྡྷིཔགྒཧོ’’ཏི ཝཱིརིཡཾ དལ༹ྷཾ ཀརོཏཱུཏི ཀུཔྤདྷམྨཾ ཝིཡ མཉྙམཱནོ ཝདཏི། དིཊྛདྷམྨསུཁཝིཧཱརཱདིཨཏྠཾ པན ཝཱིརིཡཀརཎཾ ཨིཙྪིཏབྦམེཝ།
86.Tena kāraṇenāti tena padhānena kāraṇabhūtena, padhānakaraṇanimittanti attho. Yaṃ kiñci khuddakampi mahantampi hīnampi paṇītampi bhavaṃ. Āyatapaggahoti dīgharattassa vīriyārambho. Kiccavosānanti kiccaniṭṭhānaṃ. Tathevāti yathā arahattuppattito pubbe, tato pacchāpi tatheva ‘‘buddhipaggaho’’ti vīriyaṃ daḷhaṃ karotūti kuppadhammaṃ viya maññamāno vadati. Diṭṭhadhammasukhavihārādiatthaṃ pana vīriyakaraṇaṃ icchitabbameva.
ཨསཾཀིཎྞཱཏི ཨཝོམིསྶཱ ཨེཝཾ ཨཉྙཏྠ ཨནཱགཏཏྟཱ། ཏེནཱཧ ‘‘བྷགཝཏཱ ཧཱི’’ཏིཨཱདི། ཡདི ཨེཝཾ ཨིདྷེཝ ཀསྨཱ ཨེཏཾ ཝུཏྟནྟི ཨཱཧ ‘‘ཨིདྷ པནཱ’’ཏིཨཱདི། པཏིཊྛནྟི ནདཱི ནཱམ ཨནཝཊྛིཏཏཱིརཱ, ཏཏྠ པཏིཊྛཱཏབྦཊྛཱནཾ།
Asaṃkiṇṇāti avomissā evaṃ aññattha anāgatattā. Tenāha ‘‘bhagavatā hī’’tiādi. Yadi evaṃ idheva kasmā etaṃ vuttanti āha ‘‘idha panā’’tiādi. Patiṭṭhanti nadī nāma anavaṭṭhitatīrā, tattha patiṭṭhātabbaṭṭhānaṃ.
དཱམལིསུཏྟཝཎྞནཱ ནིཊྛིཏཱ།
Dāmalisuttavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༥. དཱམལིསུཏྟཾ • 5. Dāmalisuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༥. དཱམལིསུཏྟཝཎྞནཱ • 5. Dāmalisuttavaṇṇanā
